Saturday, December 27, 2014

အေ ထွေ ထွ သ ပိ တ် ကြီး သို့  တ မ်း ချ င်း



အဖိနှိပ်ခံ ဘ၀ဆိုတာ
တိုက်ပွဲ။

တိုက်ပွဲဆိုတာ
ပထမတော့ ရှုံးမှာပဲ။
(မရှုံးဖူးတဲ့ တိုက်ပွဲမရှိ)

ရှုံးလည်း ဆက်တိုက်
တိုက်ရင်း နိုင်မှာ ဘ၀ပဲ။

ရုန်းထကြဟေ့
ပွင့်အာကြဟေ့။

ရှင်သန်ကြဟေ့
ထမြောက်ကြဟေ့။

မီးပွားကလေးက
တောမီးကြီး ဖြစ်တာပဲ။

သစ်စေ့ကလေးက
တောအုပ်ကြီး ဖြစ်တာပဲ။

မျိုးစေ့ကလေးက
ပန်းတောကြီး ဖြစ်တာပဲ။

ရုန်းထကြဟေ့
ပွင့်အာကြဟေ့။

ဒေါ်ခင်ဝင်းက
မီးပွားတစ်စ။

ထင်လင်းဦးက
သစ်စေ့တစ်စ။

မိကျောင်းကန်က
မျိုးစေ့တစ်စ။

ရှင်သန်ကြဟေ့
ထမြောက်ကြဟေ့။

၎ ၃ ၆ က
မီးပွားတစ်စ။

လေးပွင့်ဆိုင်က
သစ်စေ့တစ်စ။

ရွေးကောက်ပွဲက
မျိုးစေ့တစ်စ။

ရုန်းကန်ကြဟေ့
ပွင့်အာကြဟေ့။

ရှစ်ဆယ့်ရှစ်က
မီးပွားတစ်စ။

ဗ က သ (တ က သ) က
သစ်စေ့တစ်စ။

အဲန် အယ်လ် ဒီ က
မျိုးစေ့တစ်စ။

ရှင်သန်ကြဟေ့
ထမြောက်ကြဟေ့။

လယ်သိမ်း၊ မြေသိမ်း
တောသိမ်း၊ တောင်သိမ်း
သာသနာသိမ်း၊ အာဏာသိမ်း
လင်သိမ်း၊ မယားသိမ်း
အားလုံးသိမ်း။

သူတို့  မသိမ်းနိုင်တာ
ငါတို့ စိတ်ဓာတ်ပဲ။

တိုက်ပွဲဟာ
ဒီစိတ်ဓာတ်နဲ့ စရမှာပဲ။

တိုက်ပွဲရှိမှ
စည်းကမ်းရှိမယ်။

စည်းကမ်းရှိတော့ 
ညီညွတ်ကြပြီ။

စည်းကမ်းရှိ
ညီညွတ်တာဟာ
အမှန်တရား။

အမှန်တရားဆိုတာ
တကယ့်အင်အား။

တို့ အင်အားတွေ
စုစည်းထားကြ။

အထွေထွေအဖိနှိပ်ခံရရင်
အထွေထွေသပိတ်ဆင်ကြ။

ရုန်းထကြဟေ့
ပွင့်အာကြဟေ့။

ရှင်သန်ကြဟေ့
ထမြောက်ကြဟေ့။

အထွေထွေအဖိနှိပ်ခံရရင်
အထွေထွေသပိတ်ဆင်ကြ။

အထွေထွေသပိတ်ကြီးအစ
မီးပွားကလေးက။

အထွေထွေသပိတ်ကြီးအစ
သစ်စေ့ကလေးက။

အထွေထွေသပိတ်ကြီးအစ
မျိုးစေ့ကလေးက။     ။

(မိုးသီးဇွန်သို့ …..)

ေ အာ င်ေ ၀း
ဒီဇင်ဘာ ၂၇- ၂၀၁၄။

Friday, December 26, 2014

မု ဆိုး မ ဆုေ တာ င်း (POEM FOR DAW KHIN WIN)

 

ဥုံ အရဟံ သစ္စာကတိတွေနှင့်
ဂဠုန် သရဏံ ဂစ္ဆာမိပါ ဘုရား။

လက်ပတောင်းက
ခြောင်းခြောင်း ဒေါသ၊ မျက်ရည်ကျ။

လိပ်ခွံတောင်ခြေ
သွေးတွေ သွေးတွေ၊ မြစ်မရေ။

သိန်းစိန်ရေ …
နင်သတ်လို့ ငါမသေ။

တောစိမ်း တောင်စို
တောင်စို တောစိမ်း၊ နင်တို့ သိမ်းကြ။

တောစို တောင်စိမ်း
တောင်စိမ်း တောစို၊ နင်တို့ ဖြိုကြ။

သိန်းစိန်ရေ …
နင်သတ်လို့ ငါမသေ။

ကြေးနီရောင်အို
စိမ်းပြာညိုမှောင်၊ တောင်ဖြို လယ်သိမ်း
ဘိန်းစားအစိုးရ။

စိမ်းပြာညိုမှောင်
ကြေးနီရောင်အို၊ တောဖြို ယာလု
သူ့ ကျွန်အစိုးရ။

သိန်းစိန်ရေ …
နင်သတ်လို့ ငါ မသေ။

ငါ့မြေ ငါစောင့်
နင်လာနှောင့်လည်း၊ ဆူးငြှောင့်ခလုတ်
တရုတ်ကန်သင်း၊ တစ်နေ့ ရှင်းမည်
ချင်းတွင်း ရေဆန် စီးစေသတည်း။

ငါ့ကိုနင်သတ်
ငါမသတ်လည်း၊ နင့်ဇာတ်နိဂုံး
ကျဆုံးတစ်ခန်း၊ လုတ်တိုင်းလမ်းမှာ
ငရဲပန်းများ ပွင့်စေသတည်း။       ။

(မိုးကြိုးပြင် အလယ်ရွာသူ ဒေါ်ခင်ဝင်းသို့ )

ေ အာ င်ေ ၀း
ဒီဇင်ဘာ ၂၆- ၂၀၁၄။ 

Sunday, December 7, 2014

မြ န် မာ့ နို င် ငံေ ရး သ င် ပု န်း ကြီး ဖ တ် စာ



ဘာပဲဖြစ်ဖြစ်
ယနေ့ မုန်တိုင်းထန်သည်
မနက်ဖြန်
စစ်အာဏာရှင်စနစ်ကျဆုံးရမည်။
ငါတို့ ဟာ
လှေကိုကြိုးမဖြေဘဲ
လှော်နေမိတာလား။

Sunday, November 30, 2014

Saturday, October 11, 2014

ယူ ဂျ င်းေ ပါ် တီ ယာ သို့ေ တး


COMMUNIST SONG

 

ဟဲလို- သီချင်းရေးဆရာ
ပါရီမှာ သာကြည်ပါစ။
သီချင်းရေးတဲ့ ခင်ဗျားအတွက်
ဒါဟာ
ကျနော့်ရဲ့ သီချင်းပါပဲ
မစ္စတာပေါ်တီယာ။
“အင်တာနေရှင်နယ်” သီချင်းကို
ရေးခဲ့ ခင်ဗျားကြီး
ပေါ်တီယာ
ခင်ဗျားကြီးအတွက်

Saturday, September 27, 2014

ေ ဖ့ စ် ဘု တ်ေ ပါ် က စ စ် ဆ န့်  ကျ င်ေ ရး က ဗျာ

 


ေ ဈး ဆ စ် လို့  မ ရ တဲ့ အ ရာ ဟာ

” စ စ် ” ပဲ ။

မွှ င်း ငါး စား ပြီး ရ င်

ဟ င်း ရ ည်ေ တာ င်းေ သာ က် သ လို

စ စ် တို က် လို့  ၀ ရ င်

ငြိ မ်း ချ မ်းေ ရးေ တာ င်း ပြီ ။

အ ပ စ် အ ခ တ် ရ ပ် စဲေ ရး  တဲ့

ကေ လး ကွ က်ေ တွ

လာ မ န င်း ပါ နဲ့ေ မာ င် ရ ယ် ။

ေ အာ င်ေ ၀းေ ပြာ တာ  မ ဟု တ် ဘူး

ဗို လ် စိ န် မှ န်ေ ပြာ တာ

ပ င် လ ယ် ထဲ သာ  ထိုး လွှ တ် လို က် ပါေ တာ့ ။

ဒီ တို င်း ပြ ည်

ဆ စ် ဖ လ စ် ဖြ စ်ေ န တာ ကြာ ပြီ ။

ဘ ယ်ေ တာ့ မှ

စ စ် ပွဲ အ တုေ တွ ဆီ ကေ န

ငြိ မ်း ချ မ်းေ ရး အ စ စ် က်ု

အ ဆ စ် မေ တာ င်းေ လ နဲ့  ။

အာ့ လာေ ပြာ တာ ။        ။



သြဂုတ် ၃၁ – ၂၀၁၄

Sunday, August 17, 2014

ေ ခ တ် ပျ က် ကြီး ထဲေ ကာ င်း ကော င်း ည ည်း တွား မိ တဲ့ အသံ

 


ဒီနေ့ အဖို့ 
ငါ့ အတောင်ပံတွေ ကြိုးဖြေ
လေနဲ့ ချည်ထားလိုက်။

လှောင်ချိုင့်ထဲ
နှင်းဆီရဲရဲပွင့်။
မာယာအင်ဂျလို
သေသွားတာမကြာသေးဘူး။
မမြင်ရတဲ့မြစ်က
ရေနစ်နေတယ်။
အိပ်မက်က
ပုဒ်မ(၁၄၄)ရှိလို့ 
အပြင်မထွက်ရဲဘူး။
အူသံ
ဝံပုလွေတွေ အူသံ။
ခက်တယ်
မင်းတို့ ”ပွက်”တွေကြောင့်
ခက်တယ်ကွယ်။
ဟိုလူကလည်း ပွက်
ဒီလူကလည်း ပွက်
တစ်ပွက်တည်းပွက်နဲ့ 
ပွက်တိုင်းငါးစာချ။
ခက်တာက
အဲဒီပွက်တွေက
ရန်ချည်းဖြစ်နေကြတာပဲ။
ချစ်သူတွေရန်မဖြစ်ကြနဲ့ 
ကဗျာဆရာတွေရန်မဖြစ်ကြနဲ့ ။
ညီမလေးရယ်
သိပ်စိတ်ညစ်တာပဲ။
“ဘယ့်နှယ်
ငုံးလိုမွဲပြာပြာနဲ့ 
ကိုယ့်ကိုယ်ကိုယ်ကဗျာဆရာခေါ်ရဲတာလဲ
ဒီနေ့ လိုနေတာက
သံလက်သီးနဲ့ 
ကမ္ဘာ့ဦးခေါင်းခွံကိုရိုက်ခွဲပစ်ဖို့ ပဲ”(မာယာကော့ဖ်စကီး)
ဗုံနဲ့ တယော
ရောဖွဲ့ ဂီတ
(ငါတို့ )
ဗမာ့ဦးခေါင်းခွံကိုကော
ရိုက်ခွဲဖို့ မလိုဘူးလား။
ညဉ့် နက်လှပြီ
ကလေးရေ…အိပ်တော့။
ခရီးကဝေးသေးတယ်
အိပ်တော့ ကလေးရေ။
မနက်ဖြန်
ရှင်ဘုရင် ဖြစ်ချင်လည်းဖြစ်မယ်
ခွေးဖြစ်ရင်လည်းဖြစ်မယ်။
ဒီနေ့ 
စစ်ကျွန်ဖြစ်နေရဆဲ ငှက်။
မနေ့ က
မင်းအိပ်ခဲ့တဲ့ အိပ်ရာကလေး
ပူနွေးနေတုန်းပဲ။
တို့ ဆက်လျှောက်ရမယ်
လမ်းဆက်လျှောက်ရမယ်
တောက်ပ၀ိညာဉ်
ဥယ်ာဥ္သစ္ဖြဲ ့
စစ်ခုံရုံးလည်းဆောက်ရမယ်။
နွေဦးက
တို့ ကိုကြိုနေပြီ။
ကောက်ရိတ်ပွဲတော်
တိုက်ပွဲခေါ်သံ
မျှော်လင့်ခြင်းကို
အကျဉ်းထောင်နံရံပေါ်မှာ
ထွင်းထုထားမယ်။
လှောင်အိမ်ကို
ရွှေရည်စိမ်ထားချင်တဲ့သုတွေ
နေရစ်တော့။
သံတိုင်ကြားမှာ
တို့ အတူ သာခဲ့တဲ့ လ
နံရံခြားတော့မှ
မတူကွဲပြား ကျကွဲ
အဲဒီ လ အကွဲကိုမှ
အလှဆွဲချင်တဲ့သူတွေ
နေရစ်ခဲ့ကြတော့။
ငှက်
တချို့ က
အဘိဓမ္မာညှာကြွေပြုတ်
လေလှုပ်တိုင်းယိမ်းခါ။
ငှက်
တချို့ က
ကိုယ့်အမြီးကိုယ်ပြန်မျိုတဲ့မြွေလို။
ငှက်
တချို့ က
ကိုယ့်ဖိနပ်ကိုယ်ပြန်နင်း
(တချို့ ကျ
ကိုယ့်တပ်ကိုယ်ပြန်နင်း)
ငှက်
တချို့ က
ကျားသေကိုအသက်ပြန်သွင်း။
ငှက်
တချို့ က
ကျနော်ကတာ ယဉ်ရဲ့ လားမေး။
စိတ်ညစ်တယ်
စိတ်ညစ်တယ်
အောင်ဝေး သိပ်စိတ်ညစ်တယ်။
ငှက်
တချို့ က
ရက်ဘတ်တလာ။
ငှက်
တချို့ က
သေနာပတိပျက်လူတန်းစား။
ငှက်
တချို့ က
ငြိမ်းချမ်းရေးပွဲစား။
ငှက်
တချို့ က
လက်မှတ်ထိုးသမား။
ငှက်
တချို့ က
တချို့ က
တချို့ က…။
(ခိုင်ထူးရေ
တချို့ တွေ နေနိုင်လွန်းတယ်)
တကယ်တော့
ငါတို့ ဟာ
ခေတ်ပျက်ကဗျာဆရာတွေပါ
ခေတ်ပျက်အနုပညာရှင်တွေပါ။
ငါတို့ ဟာ
ခေတ်ပေါ်လည်း မဟုတ်
ခေတ်ပြိုင်လည်း မဟုတ်
ငါတို့ ဟာ ခေတ်ပျက်ပဲ။
ခေတ်အပျက်မှာ
လူဖြစ်လာရ
ငါတို့ အနုပညာဟာ
ခေတ်ပျက်အနုပညာပေါ့ ။
ငါတို့ ကဗျာဟာ
ခေတ်ပျက်ကဗျာပေါ့ ။
အဲဒီခေတ်ပျက်ထဲမှာ
ငါတို့ အသက်ရှည်ခဲ့ကြ။
အဲဒီခေတ်ပျက်ထဲမှာ
ငါတို့ ရတက်ပွေခဲ့ကြ။
ဒီခေတ်ပျက်ကြီးပဲ
တို့ ဖြတ်သန်းနေရ။
ခေတ်ပျက်ကြီးဟာ
ကားပျက်ကြီးလိုပဲ
တချို့ တွေ တက်တက်စီးကြ။
အဲဒီ ခေတ်ပျက်၊ ကားပျက်
လူပျက်တွေပဲ
တို့ နှလုံးသားပေါ်
တို့ ဦးနှောက်ပေါ်
တက်နင်းသွားကြ
တက်ကြိတ်သွားကြ။
ငှက်ရေ
အဲဒီခေတ်ပျက်ကြီးကိုတော့
ဖျက်မှဖြစ်တော့မယ်။
ဒီလိုမှ
တို့ မဖျက်နိုင်ရင်တော့
(အသစ်မပြင်နိုင်ရင်တော့)
ရာဇ၀င်မှာ
ထူးအိမ်သင်လည်း
ခေတ်ပျက်အဆိုတော်ပဲ
အောင်ဝေးလည်း
ခေတ်ပျက်ကဗျာဆရာပဲ
ရာဇ၀င်ရိုင်းတော့မယ်။
ငှက်ရေ
မင်းပြန်လာခဲ့။
ဘိုင်ရွန်က
မြင်းဖြူလေးကောင်က
ရထားနဲ့ လာတယ်။
ငါက
(အောင်ဝေးက)
ခရမ်းပြာမြင်းရိုင်းနဲ့ 
ဒုန်းစိုင်းလာမယ်။
အနာဂတ်မှာ
တို့ ပြန်ဆုံကြတာပေါ့ ။
အနာဂတ်မှာ
တို့ တပ်ပေါင်းစုဖွဲ့ ကြတာပေါ့ ။
မင်းက
လေကြောင်းက ချီ။
ငါက
ကြည်းကြောင်းက ချီမယ်။
ကြွက်ကို
ရေကြောင်းက ချီခိုင်းတာပေါ့ ။
တပ်ပေါင်းစုံရင်
 ဒဂုံကို အရင်သိမ်းကြမယ်။
ဒဂုံကျသွားရင်
ပထမဆုံး
သခင်ကိုယ်တော်မှိုင်းတော်လှန်ရေးသိပ္ပံဖွင့်
သင်တန်းတွေပို့ ချ
ကေဒါတွေမွေးပေါ့ ။
ငှက်ရာ
တော်လှန်ရေးလုပ်ဖို့ 
မိုင်(၆၀၀၀)မလိုပါဘူး။
ကဗျာတစ်ပုဒ်
သီချင်းတစ်ဆုပ်နဲ့ လည်း
တောင်ကုန်းကို တက်သိမ်းနိုင်တာပဲ။
မင်းပြန်ခဲ့
ငှက်ရေ…။
ပျက်နေတဲ့ခေတ်ကြီးထဲ
မင်းပြန်ခဲ့ ငှက်ရေ။
ပျက်နေတဲ့ခေတ်ကြီးကို
တို့ မဖျက်နိုင်ရင်
ပျက်နေတဲ့ခေတ်ကြီးက
တို့ ကိုဖျက်ဆီးသွားလိမ့်မယ်။
စိတ်မကောင်းဘူးကွာ
တချို့ လုံးလုံးပျက်
တချို့ လည်း မပျက်တပျက်
တချို့ ကျ
မဖျက်ခင်က ပျက်ချင်ချင်။
အများစုကတော့ကွာ
စစ်ကျွန်ခေတ်မှာ
လူရာမ၀င်ချင်ကြပါဘူး။
တော်လှန်ရေးကို
ဖျက်ဆီးတဲ့အရာ(၂)ခုရှိတယ်။
တစ်ခုက
ကလေကချေ(လန်ပန်)တွေ
နောက်တစ်ခုက
ပဉ္စမံ(ရန်သူ့ သူလျှို)တွေပေါ့ ။
ငါကြွေးကြော်မယ်
ငါတောင်းဆိုမယ်
ငါဟစ်အော်မယ်
ဒီနေ့ အဖို့ 
ကလေကချေကဗျာဆရာတွေ အလိုမရှိ
ကလေကချေအနုပညာရှင်တွေ အလိုမရှိ။
ငါထပ်ကြွေးကြော်မယ်
ငါထပ်တောင်းဆိုမယ်
ငါထပ်ဟစ်အော်မယ်
ဒီကနေ့ အဖို့ 
ပဉ္စမံကဗျာဆရာတွေ အလိုမရှိ
ပဉ္စမံအနုပညာရှင်တွေ အလိုမရှိ။
သြော်…ငါ့ နှယ်
ခေတ်ပျက်ကြီးထဲ
ငါ့ အော်သံ
မန့် ခ်ျရဲ့ အော်သံလောက်မှ
ဒေါ်အောင်ဆန်းစုကြည် ကြားပါ့ မလား။
ဘာပဲဖြစ်ဖြစ်
ဒေါ်အောင်ဆန်းစုကြည်ကို
ငါတို့ ချစ်တယ်။
ရေနစ်နေတဲ့မြစ်ကို
ဆယ်တင်ရမယ်။
နရသိန်တံခါးတွေ
ရိုက်ချိုးဖွင့်ပစ်ရမယ်။
လူဆိုးဗိုလ်ကြီးရွှေရွှေကို
သည်ဟိဂ်ခုံရုံးပို့ ရမယ်။
ဒီခေတ်ပျက်ကြီး
တို့ ရအောင်ဖျက်ရမယ်။
ခေတ်ပျက်ထဲမှာ
ထူးအိမ်သင်လည်း
ခေတ်ပျက်အဆိုတော်
အောင်ဝေးလည်း
ခေတ်ပျက်ကဗျာဆရာ
တို့ ရာဇ၀င်ရိုင်းရော့ မယ်။
အဖိနှပ်ခံတို့ သမိုင်းဆိုတာ
ငပလီသောင်ယံက
လှိုင်းခတ်သံ မဟုတ်ဘူး။
တော်လှန်သူတို့ သမိုင်းဆိုတာ
တောရိုင်း တောင်ရိုင်းပေါ်က
ဒုန်းစိုင်းဆင်းလာတဲ့
တောင်ကျချောင်းပဲဖြစ်တယ်။
တို့ ဘ၀တွေကို
တို့ ချစ်ကြမယ်။
တို့ ကဗျာတွေကို
တို့ ချစ်ကြမယ်။
တို့ အနုပညာတွေကို
တို့ ချစ်ကြမယ်။
တို့ တိုက်ပွဲကို
တို့ ချစ်ကြမယ်။
တို့ ပန်းတိုင်ကို
တို့ ချစ်ကြမယ်။
တို့ ကလေးတွေကို
တို့ ချစ်ကြမယ်။
နောင် အနှစ်(၁၀၀)ကြာရင်
တို့ ချစ်ခဲ့ကြောင်း
အဲဒီ တောင်ကျချောင်းတွေက
ကောင်းကောင်းပြန်ပြောပြနိုင်ရမယ်။
ငှက်ရေ
ဒီနေ့ အဖို့ 
ငါ့ အတောင်ပံတွေကို ကြိုးဖြေပြီး
လေနဲ့ ချည်ထားလိုက်ပြီ။
ညီရေ…
ချစ်ခြင်းအားဖြင့်ပါပဲ
ညီရေ… ။     ။

ေ အာ င်ေ ၀း
သြဂုတ်  ၁၄ – ၂၀၁၄
ခေတ္တ – မစ်ရှီဂန်။
သရုပ်ဖော် – သန်းဌေးမောင်

Wednesday, May 7, 2014

ခြေ င်္သ့ နီ သို့  ၊ အေ လး နီ ဖြ င့်


 

 
အို ... ခြေ င်္သ့ နီ
က မ္ဘာ တ ည် အံ့ ။
ဧ ရာ ၀ တီ
က မ္ဘာ ချီ အံ့ ။
အို ... ခြေ င်္သ့ နီ
အေ လး နီ ဖြ င့်
ပြ ည် သူ့  ပ န်းေ ခွ ချ ပါ အံ့ ။
နံ န က် ခ င်း ၏
ချ င်း ချ င်း နီ မြ န်း ၊ ဇာ တ် သိ မ်း ခ န်း မှာ
အ လွ မ်း နီ နီ ၊ ၀ိ ညာ ဉ် နီ ။
ထို ၀ိ ညာ ဉ် ကို
တို့  ၀ိ ညာ ဉ် နဲ့ 
ဝိ ညာ ဉ် ချ င်း ထ မ်း ၊ ရဲ ရဲ လွ မ်း ၍
ငြိ မ်း ချ မ်း ရာ ဘုံ ပို့  ပါ အံ့ ။
အို ... ၀ိ ညာ ဉ် နီ
ခြေ င်္သ့ နီ
တ စ် ပြ ည် လုံး နီ ၊ အေ ရှ့ ဆီ မှာ
ေ ရာ င် နီ ဦး ကို ဖူး ပါ အံ့ ။    
ေ အာ င်ေ ၀း
( ဧ ပြီ ၂ ၂ - ၂ ၀ ၁ ၄ )

Sunday, April 6, 2014

ခြင်္သေ့နီ

 


အမေကမွေး၊ ထောင်ကကျွေး
လာမယ့်ဘေး - ပြေးတွေ့ 
တစ်ကောင်တည်းပဲ
ဒါပေမဲ့ - ခြင်္သေ့တဲ့ဟေ့။

ဟံသာဝတီ၊ ခြင်္သေ့နီ
ဧရာဝတီ၊ ခြင်္သေ့နီ
ဒီမိုကရေစီ၊ ခြင်္သေ့နီ
အောင်ဆန်းစုကြည်၊ ခြင်္သေ့နီ။

ပြည်သူ့သွေးနဲ့ 
စွေးစွေးနီနီ၊ N L D ရဲ့
နီနီရဲရဲ၊ ခြင်္သေ့ပဲဟေ့။

နီနီမောင်းမောင်း၊ ခွပ်ဒေါင်းသွေးနဲ့ 
ရဲရဲမြန်းမြန်း၊ “ဆန်း” ရဲ့ သွေးနဲ့ 
စွေးစွေးမှိုင်းမှိုင်း၊ “မှိုင်း” ရဲ့ သွေးနဲ့ 
စွေးစွေးရဲရဲ၊ ခြင်္သေ့ပဲဟေ့။
  
လူလည်း မလဲ၊ စိတ်လည်း မလဲ
နေလည်းရဲရဲ၊ သေလည်းရဲရဲ
ခြင်္သေ့ပဲဟေ့။
  
တိုက်ပွဲနီနီ၊ ခြင်္သေ့နီ
အောင်ပွဲသို့ချီ
တို့ - ခြင်္သေ့နီ။    ။
   
ေ အာ င်ေ ၀း
( ၄ - ၄ - ၁ ၄ )

Wednesday, March 19, 2014

မ စ္စ စ္စ ပီ မှ ဧ ရာ ၀ တီသို့  ၊ ပြီးေ တာ့  ... ငှ က် သို့့

( က မ္ဘာ့  က ဗျာေ န့  သို့  )
WORLD POETRY DAY 2014 MARCH 21



- အို... မစ္စစ္စပီငဲ့
ကျန်းမာပါစ။
- ငါလွမ်းပါရဲ့ 
သင့်ရဲ့ လှိုင်းသံနဲ့ 
အားမာန်ပြည့်တေးတွေ။
- နှင်းယွန်းဟေမန်အကနဲ့  
ဖွဖွကလေး
ခြေသံပေးပြီး
နွေဦး ၀င်လာတယ်။
- ဟောဒီ
အိမ်လွမ်းစိတ်ကြီးထဲကိုပေါ့ ။
- ဟောဒီ
အဝေးရောက်စကြ၀ဠာထဲကိုပေါ့ ။
- ကြောင်ခြေထောက်နဲ့ 
သမုဒ္ဒရာကို
ခြေဖျားထောက်ပြီး
နောက်ဆုံးအိပ်မက်တွေ
နွေဦးသယ်လာတယ်။
- အို... မစ္စစ္စပီငဲ့
ဆောင်းခိုငှက်တွေလည်း
သူတို့ ရွက်ထားရတဲ့
ကောင်းကင်ကြီး
ခါချပစ်လိုက်ကြပြီ။
- အလို... ရုတ်တရက်
ကနေဒါငန်းရိုင်းတစ်ကောင်
ငါ့ ကို တောင်ပံတပ်ပေးလိုက်ပါရဲ့ ။
- အလို... ငါပျံသန်းခဲ့ပါရဲ့ 
ငါ့ ရဲ့ အိပ်တန်းရှိရာဆီ။
- အကယ်၍
ငါ့ မှာအိပ်တန်းရှိသေးတယ်ဆိုရင်ပေါ့ လေ။
- မစ္စစ္စပီရယ်
ငါ့ အိပ်တန်းက
ခမ်းနားခဲ့ပါရဲ့ 
ခုတော့လည်း လွမ်းစရာပါကွဲ့ ။
- “မြစ်တကာတို့ ရဲ့ မြစ်ဖြစ်တဲ့
မစ္စစ္စပီမြစ်ကြီး” တဲ့
နီရူဒါ ဖွဲ့ ခဲ့ပါရဲ့ ။
- အို... မစ္စစ္စပီရဲ့ 
ငါတို့ ရဲ့ ဧရာဝတီကိုလည်း
ငါတို့ ဖွဲ့ ခဲ့ကြတာပေါ့ ။
- “ရာဇ၀င်များရဲ့ သတို့ သမီး” တဲ့
ငှက်ကတောင်
သီချင်းသီတယ် မစ္စစ္စပီ။
- ဧရာဝတီဟာ
ငါ့ အိပ်တန်းပါ မစ္စစ္စပီ။
- ပရေရီမြက်ခင်းထဲ
ဝံပုလွေတစ်ကောင်
ပြေးလွှဲ။
- အင်းဒိစ်တောင်တန်းပေါ်
လင်းယုန်နီ
ပျံဝဲ။
- ငါတို့ အတွက်တော့
လွတ်လပ်မှုဟာ
သေရာပါအမာရွတ်ပဲ မစ္စစ္စပီ။
- ရက်အင်ဒီးယန်းမလေးရဲ့ 
ရှက်ကိုးရှက်ကန်း
မျက်ဝန်း
ချစ်ရည်တွေရွှန်းစို။
- ငါတို့ လည်း
ငါတို့ အိပ်ရာမှာ
ခွန်းချိုချင်တာပေါ့  မစ္စစ္စပီရယ်။
- ခုတော့
လစ်ဘာတီရုပ်တုခြေရင်းမှာ
ငိုချင်းချု
အိမ်မပြန်နိုင်တဲ့ညတွေမှာ
ငါငိုရတယ် မစ္စစ္စပီ။
- အို... မြစ်တကာတို့ ရဲ့ မြစ်ကြီးငဲ့
စစ်တစ်ခါဖြစ်ရင်
အနှစ်သုံးဆယ်ကြာသတဲ့။
- ခု ငါတို့ ဆင်နွှဲနေတဲ့စစ်က
အနှစ်ငါးဆယ်ကျော်ပြီ။
-ငါတို့ ရဲ့ 
ဧရာဝတီရေဆန်
တရားတဲ့ခုခံစစ်
အနှစ်ငါးဆယ်ကျော်လေ။
- ၁ ၉ ၆ ၂ မှ
၂ ၀ ၁ ၄
စစ်အာဏာရှင်ဆန့် ကျင်ရေး
ငါတို့ ရဲ့ တေးတွေ
နွေးပူနေဆဲပါ မစ္စစ္စပီ။
- ဒီတေးတွေထဲ
အစိမ်းရောင်ငှက်တစ်ကောင်ရဲ့ 
တေးဟာလည်း
အခြားတေးတွေလိုပါပဲ
နွေးနေဆဲလေ။
- ဒီငှက်က
အတ္တမဲ့အလင်းကိုရှာတယ်။
- “ ငါ ဟာ အ တ္တ မဲ့
အ လ င်း တ စ် ခု ဖြ စ် ချ င် တ ယ် “ 
ဒီငှက်
အိပ်မက်စွန့် တာ စောလွန်းရဲ့ ။
- ဒီမနက်
မစ်ရှီဂန်မိုးရေထဲ
ငါရင်ခုန်ခဲ့
ဒီငှက် တေးသီသံပေကပဲ။
- ဒီနေ့ အဖို့ မှာ
ငါ့ လှေကိုကြိုးဖြေပြီး
ရေနဲ့ ချည်ထားလိုက်ပြီ။
- ရောက်လိုရာရောက်စေတော့
ငါ့ ရဲ့ စိတ်တွေရေ
ငါကအိပ်တန်းဆီမပြန်နိုင်တော့
အိပ်တန်းက
ငါ့ ဆီပျံသန်းလာကောင်းပါရဲ့ ။
- မစ္စစ္စပီရယ်
အဝေးမှာ
လောကကမ်းပါး ဘ၀ကြားမှာ
စာမသင်နိုင်တဲ့ကလေးငယ်တွေ
ဆာလောင်နေကြတယ်။
- သူတို့ အဖေ အမေတွေဟာ
လယ်အသိမ်းခံ ယာအသိမ်းခံ
ဆင်းရဲခြင်းထံမှာ
ရာသက်ပန်ကျွန်ခံနေရတဲ့သူတွေပေါ့ ။   
- သူတို့ ဟာ
မြေကျွန် ယာကျွန်
စစ်ကျွန်တွေပါ။
- သူတို့ ဟာ
မင်းဆိုးမင်းညစ်
အာဏာရှင်လက်သစ်တွေရဲ့ 
ခေတ်ကျွန်တွေလည်းဖြစ်တယ်လေ။
- ဖက်ဆစ်သံဖနောင့်အောက်က
တောက်ခေါက်သံတွေ။
- နာဇီအမှောင်အောက်က
လမ်းပျောက်တဲ့ညတွေ။
- ဘ၀တွေ ဘ၀တွေ
ရှင်လျက်နဲ့ သေ
တစ်တောလုံးကြွေ။
- သူတို့ ဟာ
(စစ်ပဒေသရာဇ်လည်းဟုတ်
စစ်ရေးဗျူရိုကရက်လည်းဟုတ်
စစ်တပ်အရင်းရှင်လည်းဟုတ်
စစ်သားတစ်ပိုင်း ခရိုနီတစ်ပိုင်း
နာဂစ်မုန်တိုင်းထက်ဆိုးတဲ့)
ဖက်ဆစ်မုန်တိုင်းထဲ
အရိုင်းရိုင်းလဲပြို။
- သူတို့ ဟာ
မြေမဲ့ ယာမဲ့ ပညာမဲ့တွေပါ။
- သူတို့ ဟာ
စားရမဲ့ေ သာက်ရမဲ့ လက်မဲ့တွေပါ။
- သူတို့ ဟာ
အနှစ်ငါးဆယ်ကျော်
ဂုပ်သွေးစုပ်ခံရ
အဖိနှိပ်ခံရ
ဒဏ်ရာအနာတရတွေနဲ့ ။
- မိုင်ယာမီကမ်းခြေကနေ
နားစွင့်ကြည့် လိုက်စမ်း
ကြားလား မစ္စစ္စပီ
သူတို့ ရဲ့ ငိုကြွေးသံ။
- ဆန်ဖရန်စစ္စကို
ဂိုးလ်ဒင်းဂိတ်တံတားကြီးပေါ်ကနေ
ကျော်ကြည့်လိုက်စမ်း
မြင်လား မစ္စစ္စပီ
သူတို့ နှလုံးသားမီးလောင်မြေ။
- ငှက်တစ်ကောင်အတွက်ကတော့
တေးအဆိုခက်လှပေါ့ 
မစ္စစ္စပီရယ်။
- ငါတို့ ချစ်တဲ့ငှက်
ငါတို့ ကို ထားရစ်ခဲ့။
- ဧရာဝတီရယ်
ဘယ်ရာဇ၀င်မှာဖြစ်ဖြစ်
သင်ဟာ ငါတို့ ရဲ့ သတို့ သမီး။
- ငှက်တစ်ကောင်ရဲ့ 
တောင်ပံခတ်သံ
ဒီနေ့ ထိညံနေဆဲပါ။
- “ ဧ ရာ ၀ တီ
ရာ ဇ ၀ င် များ ရဲ့ သ တို့ သ မီး
ဧ ရာ ၀ တီ “
- မစ္စစ္စပီရယ်
ခုတော့
ငါတို့ ရဲ့ မြစ်ချောင်းတွေ
ရောင်းစားခံနေရတယ်။
- ငါတို့ ရဲ့ တောတောင်တွေ
ခုတ်ယူဖြိုလှဲခံနေရတယ်။
- ငါတို့ ရဲ့ အနာဂတ်တွေ
သင်းသတ်ခံနေရတယ်။
- ငါတို့ ရဲ့ ကလေးငယ်တွေ
လူကုန်ကူးခံနေရတယ်။
- ငါတို့ ရဲ့ နှမငယ်တွေ
မုဒိမ်းကျင့်ခံနေရတယ်။
- ငါတို့ ရဲ့ ညီအစ်ကိုတွေ
ထောင်သွင်းအကျဉ်းချခံနေရတယ်။
- ငါတို့ ရဲ့ တိုင်းရင်းသားနောင်မယ်တွေ
လိမ်ညာခံနေရတယ်။
- မစ္စစ္စပီရယ်
ငါတို့ ရဲ့ ဘိုးဘွားအမွေတွေ
စော်ကားခံနေရတယ်။
- ငါတို့ ရဲ့ အနုပညာကွန်ရက်တွေ
ချုပ်နှောင်ဖျက်ဆီးခံနေရတယ်။
- ငါတို့ ရဲ့ လမ်းမတွေ
ပိတ်ဆို့ တားဆီးခံနေရတယ်။
- ငါတို့ ရဲ့ အိပ်မက်တွေ
သားဖျက်ချခံနေရတယ်။
- ဒါပေမဲ့ မစ္စစ္စပီရယ်
ငါတို့ ရဲ့ 
မယိုင်လဲနိုင်တဲ့စိတ်ဓာတ်ကိုတော့
ဒင်းတို့ မချိုးနှိမ်နိုင်ပါဘူး။
- အို... မစ္စစ္စပီရဲ့ 
ရုရှားကလည်း
ကရိုင်းမီးယားကိုသိမ်းခဲ့ပြီ။
- လက်ပံတောင်းတောင်မှာ
လယ်တီသိမ်လည်း အရွှေ့ ခံခဲ့ရပြီ။
- လွှတ်တော်ထဲမှာ
တို့ ချစ်စရာ
ဒေါ်အောင်ဆန်းစုကြည်တစ်ယောက်ပဲ
ကျန်တော့တယ်။
- ရဲဘော်တို့ 
နယ်လ်ဆင်မင်ဒဲလားလည်း
ကွယ်လွန်ခဲ့ပြီ။
- မင္ဒဲလားစ်ာပနမွာ
ဘားရက်အိုမားမားက 
ရာအူးလ်ကက်စထရိုကို
လက်ဆွဲနှုတ်ဆက်ခဲ့ပြီ။
- ရဲဘော်တို့ 
ငါတို့ ရဲ့ ဒဂုန်တာရာလည်း
ကွယ်လွန်ခဲ့ပြီ။
- ဆရာ့ စ်ာပနမွာ
မုန်းသူမရှိ
ချစ်သူသာရှိ
ရန်သူကိုမိတ်ဆွေဖြစ်အောင်လုပ်ခဲ့ပြီ။
- ရွာလိုရွာလော့ မိုးနတ်သား
ငါ့ စိတ်က
အိပ်တန်းကိုပြန်နေရဲ့ 
ငါ့ အတောင်ပံတွေ
ဒဏ်ရာနဲ့ တောက်ပခဲ့ပြီ။
- တစ်တိုင်းတစ်ပြည်လုံး
ချုံးပွဲချငိုကြွေး
ငါကြားနေရတဲ့တေးဟာ
သွေးနဲ့ မျက်ရည်။
- ငါ့ တစ်ကိုယ်လုံး
စုံးစုံးစိုနစ်
ဒီမြစ်ထဲ
ခေတ်ပြိုင်သူရဲကောင်းတွေရဲ့ 
သွေးနဲ့ မျက်ရည်။
- ယုံစမ်းတော့ မစ္စစ္စပီရယ်
ဧရာဝတီဆိုတာ
အဲဒီသွေးမျက်ရည်တွေရဲ့ မြစ်။
- အဲဒီသွေးမျက်ရည်တွေ
စီးဆင်းလှိုင်းထန်
တော်လှန်တဲ့မြစ်။
- အဲဒီသွေးမျက်ရည်မြစ်ကြီး
ငါချစ်ခဲ့
ကဗျာဆရာတွေချစ်ခဲ့။
- သမိုင်းခေတ်အဆက်ဆက်
စစ်အာဏာရှင်အဆက်ဆက်
လူထုတိုက်ပွဲအဆက်ဆက်
(တချို့ )လက်နက်ကိုင်တော်လှန်ရေးလုပ်သလိုပေါ့ 
ငါတို့ က
ကဗျာကိုင်တော်လှန်ရေး။
- ငါတို့ ကဗျာတပ်မတော်ရဲ့ 
တိုက်ပွဲခေါ်သံ
ကြားလား ကြားလား
အရိုင်းခေါ်သံ။
- ငှက်တစ်ကောင်
လေဆန်လမ်း
ခတ်စမ်း တောင်ပံ
ဖြတ်သန်းတဲ့အသံ။
- တောင်ကုန်းပေါ်က
ဒုန်းစိုင်းဆင်းလာ
မြင်းခွာသံ။
- ထရမ်းပက်တစ်ထောင်
ပြိုင်တူအောင်မှုတ်လိုက်ကြ။
- တယောကြိုးတွေနဲ့ 
လူဆိုးဗိုလ်ကြီးရွှေရွှေကို ချည်လိုက်ကြ။
- အနီးကပ်ဆုံးရန်သူကို
ရှာပြီးတိုက်ကြ။
- သွေးစို့ နေတဲ့
နှင်းဆီတောကြီး
မီးရှို့တဲ့အသံ။
- လူကြီးလူကောင်းတွေ
ခွေးအို့ နေတုန်း
အရိုင်းအစိုင်းတို့ 
လေးညှို့ တဲ့အသံ။
- ဒီအသံတွေအားလုံး
ခေတ်ကိုဖုံးထား
နောက်ဆုံးမှာ
နှလုံးသားထဲကကြယ်နီ
ဧရာဝတီပေါ်မှာနီလိမ့်။
- လေးကိုင်းကိုကွေးတင်၍
လေးညှို့ ကိုငင်ပြီးပြီ
မြားဦးမှာမရပ်ချင်ပါနဲ့ အရှင်။
- “ကဗျာတပ်မတော်အတွက်အမိန့် ” ဆိုပြီးတော့လည်း
ဖိန့်  ရအောင်
ငါက ဗိုလ်ချုပ်ကြီးငုယင်ဂီယက်လည်းမဟုတ်
ငါက စစ်သူကြီးဟန်နီဘောလည်းမဟုတ်
ငါက မာရှယ်တီးတိုး- မာရှယ်ချူတေးတို့ လည်းမဟုတ်
ငါက ဂျင်နရယ်အောင်ဆန်းလည်းမဟုတ်။
- ငါ့ ကိုယ်ထဲမှာက
မဟတ္တမဂန္ဒီနဲ့ 
ချေဂွေဗားရားရဲ့ 
သွေးတွေလှည့်ပတ်။
- ငါက
ငှက်ဆိုရင်
ကောင်းကင်နှစ်ထပ်နဲ့ ပေါ့ ။
- ခုတော့ အဲဒီငှက်ဟာ
မစ်ရှီဂန်မဲဇာမှာ
အသည်းဟက်တက်ကွဲပေါ့ ။
- အဝေးရောက်ဆိုတာ
ဘေးရောက်တာပဲပေါ့ ။
- အို... မစ္စစ္စပီရဲ့ 
ဧရာဝတီဆိုတာ
ငါတို့ ပဲ
ကဗျာဆရာတွေပဲ။
- ဧရာဝတီရဲ့ 
အသည်းနှလုံးဆိုတာ
ငါတို့ ပြည်သူ။
- ဧရာဝတီဖွဲ့ 
ငှက်တစ်ကောင်ရဲ့ တေးဟာ
အဲဒီငှက်အတွက်
ဧရာဝတီရဲ့ သွေးစီးသံ။
- ငှက်တစ်ကောင်ကစ
ငှက်တစ်ရာ တစ်ထောင် တစ်သောင်း
သွေးချောင်းစီးသံ
တေးသီလေ။
- သီတဲ့တေးလည်း
ညီညာစေ။
- တို့ တေးညီတဲ့အခါ
ဧရာဝတီဟာ
နိုးကြားလာမယ်။
- ပြည်သူရဲ့ သွေး
နီစွေးလာမယ်။
- လူထုရဲ့ လမ်း
ခမ်းနားလာမယ်။
- မိတ်ဆွေ- ရန်သူ
မတူခြားနား ကွဲပြားလာမယ်။
- ရန်- ငါ စည်းခြား
ပြတ်သားလာမယ်။
- (ရန်- ငါ မပြတ်လို့ 
သံဃာအသတ်ခံရတာပြန်သတိရ)
- စစ်ကျွန်ခေတ်မှာ
လူနှစ်စားပဲရှိတယ်။
- ကျွန်စော်နံတဲ့သူနဲ့ 
ကျွန်တော်လှန်တဲ့သူ။
- ငါတို့ ဟာ
စပါးတားကပ်စ်တွေပဲ။
- အို... မြစ်တကာတို့ ရဲ့ မြစ်ကြီးငဲ့
ငါတို့ အားလုံး
စပါးတားကပ်စ်တွေဖြစ်တယ်။
- ယုတ်စွအဆုံး
ငြိမ်းရာဘုံမှာ
တေးဆိုလှုံနေတဲ့ငှက်တစ်ကောင်ဟာလည်း
စပါးတားကပ်စ်ပါပဲ။
- အို... သတို့ သမီး
ဧရာဝတီငဲ့
ကျန်းမာပါစ။
- အိမ်တန်းရောက်အောင် 
မပြန်နိုင်သေးပေမဲ့
ငါ့ စိတ်တွေ ပျံသန်း လာခဲ့ပြီ။
- အို... ဧရာဝတီ
ရာဇ၀င်များရဲ့ သတို့ သမီး
ဧရာဝတီ...။        ။
ေ အာ င်ေ ၀း
မတ် ၁၉၊ ၂၀၁၄။

Friday, February 28, 2014

POEM FOR LAYHTONGON - ရှ င် ကွဲ


မသေဘဲနဲ့ 

 ခွဲခဲ့ရတော့လည်း
 ကွဲတဲ့အသည်းက ရှင်ကွဲ။
 အခုလို
 နှင်းသည်း လေထန်
 အိမ်မပြန်နိုင်တဲ့ ညမျိုးဆိုရင်
 (၀တ္ထုထဲက)
 ချစ်လူဆိုးကြီး ဟိကလစ်ဖ် ကို
 သတိရသလို
 ဓားထွန်းဆင့်ဆိုတဲ့
 ငါ့ အစ်ကိုကြီး ဇော်(ပျဉ်းမနား)ကိုလည်း
 လွမ်းမိပါရဲ့ ။


 ကျမ အိမ်ပြန်မရောက်ခဲ့
 အနှစ် နှစ်ဆယ် တဲ့
 လမ်းပျောက်တဲ့မြိုင်ပေါ့ 
 ကက်သရင်းအန်းရှောရယ်
 ညည်းလိုပဲ
 တို့ အစ်ကိုကြီးမောင်ရန်ပိုင်
 အိမ်ပြန်မရောက်တာ ကြာပြီ။


ဒီနေရာလေးဟာ
 တို့ အိမ်ပါ။


ဒီနေရာလေးဟာ
 ယုံကြည်ရင်
 ပျားအုံ တစ်အုံပါ
 ချိုမြိန်ရင်
 မှိုကျင်း တစ်ကျင်းပေါ့ ။


ပင်လယ်တစ်ခုလုံးကို
 ဒီမှာ မှောက်လှန်ခဲ့ဖူးပါရဲ့ ။


သေနတ်ပြောင်းတွေကို
 ဒီမှာ နောက်လှန်ချိုးခဲ့ဖူးပါရဲ့ ။


ဘားတော့ဗရက်ကို
 ဒီမှာ အောက်မေ့တသခဲ့ဖူးပါရဲ့ ။


ခက်တာက
 ငါက
 ခါချဉ်အုံ တုတ်နဲ့ ထိုးခဲ့မိတာကိုး။


ငါလွမ်းခဲ့ပါတယ်
 ဒီနေရာလေးကို
 ငါဝေးခဲ့ပေမဲ့
 ငါ မဝေးခဲ့ပါဘူးကွယ်။

ငါဝန်ခံပါတယ်
 ငါတို့ ဟာ
 အစိုးရကို ဆန့် ကျင်ခဲ့တယ်။

 (အစိုးရကို မဆန့် ကျင်တဲ့

 ကဗျာဆရာကော ရှိဖူးလို့ လား)

ငါတို့ ဆန့် ကျင်တဲ့ အစိုးရက
 ငါတို့ ကို ပြန်ဆန့် ကျင်ခဲ့တာလည်း
 ငါဝန်ခံပါတယ်။


၃၃ လမ်းက
 လမ်းတိုကလေးပါ
 ကဗျာဆရာတွေရဲ့ ဒုက္ခတွေကတော့
 ရှည်လျားလှပါသတဲ့။

 သူငယ်ချင်းပိုင်သရဲ့ 

 အဲဒီဒုက္ခသည်တွေကပဲ
 ခေတ်ကိုထမ်းခဲ့တာ မဟုတ်လား။

 တကယ်တော့

 ဒီနေရာလေးဟာ
 မင်းမျက်သင့်နေသူတွေရဲ့ 
 ဒုက္ခသည်စခန်းလေးပါပဲ။


ဒီစခန်းလေး
 ငါ လွမ်းတယ်။


ခုနေမှာ
ငါ့ မြင်း ငါစိုင်း
 နှင်းကြမ်း လေမှိုင်း
 ရေခဲလှိုင်းတွေ
 မုန်တိုင်း မုန်တိုင်း
 ငါ့ ကို ရိုင်းပစေ
 တစ်နေ့ ကျရင်
 ငါ့ စစ်ကိုင်းကို
 ငါရောက်ရမယ်။

 ခုနေတော့

 လွမ်းပေဦးတော့
 လေထန်ကုန်းရေ…။

မသေဘဲနဲ့ 
 ခွဲခဲ့ရတော့လည်း
 ကွဲတဲ့အသည်းက ရှင်ကွဲပေါ့ ။   ။

( လေထန်ကုန်း ငွေရတုသို့ )
ေ အာ င်ေ ၀း
 ဖေဖော်ဝါရီ ၂၁- ၂၀၁၄
 ခေတ္တ- မစ်ရှီဂန်။
Photo Credit – https://www.facebook.com/lay.htan.ghone.33 

Friday, February 7, 2014

ရာ သီေ ပြာ င်း ချိ န် သ တိေ ပး ချ က်






 

အဲဒီကစပြီး
လမ်းက ကျဉ်းသွားတော့တာပဲ။

သင့်ရဲ့ဘယ်ဘက်ပါးကိုရိုက်ရင်
သူ့ ရဲ့ညာဘက်ပါးကို ပြန်ရိုက်ပစ်ပါ။

နို့ … တဲ့
သောက်ဖို့ လိုရင်တော့
နို့ သောက်ပါ
နောက်သို့ တော့ပြန်မဆုတ်ပါနဲ့ ။

ရောမမြို့ ကြီးတော့့မသိ
နေပူတော်ကတော့
နေ့ ချင်းညချင်းဆောက်ခဲ့တာပဲ။


ရွှေဂုံတိုင်မှာတော့
ရုံးဆောက်ဖို့ ရာ အလှူခံနေရ။

အမည်မဖော်လိုသူ ကဗျာဆရာအောင်ဝေး
အမေရိကန်ဒေါ်လာ တစ်ရာ
နတ်လူသာဓုခေါ်ခြင်းသီးခံပါ။

သားသမီးမကောင်း
မိဘခေါင်း
တပည့်မကောင်း
ဆရာ့ ခေါင်း
မျိုးစောင့်မကောင်းတော့
ဗိုလ်စိန်မှန်ခေါင်း။

“၀” သုံးလုံးမကောင်းတော့
ဘိုးဘိုးအောင်ခေါင်း။

ခြေဥပြင်မယ့် လူထုတွေ
ကျန်းမာရေးကို ဂရုစိုက်ကြ။


ခြေဥပြင်မယ့် ရဲဘော်တွေ
ကျန်းမာရေးကို ဂရုစိုက်ကြ။

ဒေါ်ခင်စောဌေး(ရေနံချောင်း)
ကွယ်လွန်ရှာပြီ။

ဒေါ်ခင်ဝိုင်း(ဇီးကုန်း)
ကွယ်လွန်ရှာပြီ။

ဒီချုပ်အဖွဲ့ ဝင်တွေ
အသက်ရှည်ဖို့ လိုသည်။

ဒီချုပ်ကိုဝန်းရံသူတွေ
အသက်ရှည်ဖို့ လိုသည်။

ဒေါ်အောင်ဆန်းစုကြည်
သမ္မတဖြစ်ဖို့ လိုသည်။

စစ်အာဏာရှင်စနစ်
မြေမြှုပ်ပစ်ဖို့ လိုသည်။

ဒေါ်အောင်ဆန်းစုကြည်
သမ္မတဖြစ်ရမည်။

မြေသိမ်းလယ်သိမ်းအစိုးရ
ကျဆုံးရမည်။

နယ်လှည့်ပါးရိုက်အစိုးရ
ကျဆုံးရမည်။

ထမင်းတစ်နပ်လျှော့ စားအစိုးရ
ကျဆုံးရမည်။

အလုပ်သမားသပိတ်
လယ်သမားသပိတ်
သပိတ်စုံရင်
သူပုန်ထမည်။

သူပုန်ထရင်
ဂဠုန်ကြွမည်။

မြစ်ဆုံထိ
ဓားကြည့် ဟေ့။

ဧရာဝတီထိ
ဓားကြည့် ဟေ့။

နာဂစ်ဥပဒေ
အလိုမရှိ။

မျိုးစောင့်ဥပဒေ
အလိုမရှိ။

ဆောင်းနှောင်း နွေဦး
ရာသီ ကူးချိန်
မရောင်ရာဆီလူး
တောင် တီတူးတွေ
သာကူး နှာဘူး
နေရာရူးမယ်။ (သတိ)

စပ်ကူး မပ်ကူး
အဖျားအနာ ထူးမယ်။ (သတိ)

လေစိမ်း တိုက်ခတ်
အအေး ပတ်မယ်။ (သတိ)

အခန့် မသင့်ရင်
တရုတ်ပြည်သူ့ သမ္မတ မြန်မာနိုင်ငံတော် (နှင့်)
မသွဲ့ သွဲ့ ဝင်း (ပါ) မြန်မာပြည်သူ သန်း(၆၀)အမှု
အနည်းနဲ့ အများ
သောက ရောက်မယ်။ (သတိ)

မိတ်ဆွေ-
သောက နဲ့  အအေးမိခြင်းအတွက်
အရက် နှင့် ရေ
ဆတူရော၍ သောက်ပါလေ။     ။

ေ အာ င်ေ ၀း
(ဖေဖော်ဝါရီ ၆ – ၂၀၁၄)