အရှုံးကို ဝန်မခံရဲသူဟာ
အနိုင်ကိုလည်း
တစ်စက်ကလေးမှ လက်မခံရဲသူ ဖြစ်တယ်။
အို- ကိုယ်ချင်းစာတရားငဲ့
အာဃာတနဲ့ အမုန်း
ရှုံးပါစေ။
ချစ်ခြင်းမေတ္တာနဲ့ ဥ ာဏ်ပညာ
နိုင်ပါစေ။
"နေလမ်းနဲ့ သေလမ်း
ဘယ်လမ်းက သာတယ်
အဂ္ဂဘုံကပဲ သိမယ်"
ပြောပြီး
ဆော့ခရတ္တိဟာ
အဆိပ်ဝိုင်ကို သောက်ရှာတယ်။
တကယ်က
အက်သင်မြို့ကြီးကို
သူ မျိုချလိုက်တာပဲ။
ဒုက္ခတရားကို
သူ မျိုချလိုက်တာပဲ။
တစ်နည်း
သူ မျိုချလိုက်တာ အမှန်တရားပဲ။
အလို- ဗုဒ္ဒရဲ့
ဒုက္ခသစ္စာ
ငါ ကိုယ်တိုင်ပါလား။
မမြဲသောတရားသာ
မြဲရာ၏ တဲ့
ငါ့ဓားတွေ ထက်သေးရဲ့လား။
ပြောင်းလဲခြင်းသာ
မပြောင်းလဲသောတရား တဲ့
ငါ့မြားတွေ ဖြောင့်သေးရဲ့လား။
ဒိဗျာ
ငါ စစ်ထွက်ရတော့မယ်။
ဒီ စစ်က
ကိုယ့်အသက် ကိုယ်မချစ်ရင်
တစ်ခေတ်လုံး ရှုံးမယ်။
စစ်တစ်ခါ ရှုံး
အနှစ် သုံးဆယ်။
ငါ အရှုံးမခံနိုင်ဘူး
ဒိဗျာ။
စစ်မြေပြင်မှာ
ငါ
ရှင်သန်နေမှ ဖြစ်မယ်။
ငါ အနိုင်တိုက်ရတော့မယ်
တိုက်ပွဲတကာ့ တိုက်ပွဲထဲ
ဒီတိုက်ပွဲက
အသစ်။
ဒိဗျာ
ငါတို့ခေတ်မှာ
ငါတို့ဟာ
စစ်ပွဲအသစ်တွေနဲ့ချည်း ကြုံနေရ။
ဒီစစ်ပွဲက
အနှစ် ၁၀၀ မှာ
တစ်ခါဖြစ်တဲ့
မဟာကိုဗစ်စစ်ကြီးပဲ။
အဆုံးအရှုံးများတယ်
နှလုံးသားတွေ
ကမ်းပါးပြိုတယ်။
မြစ်တွေ
မစီးနိုင်ဘူး။
ပန်းတွေ
မပွင့်နိုင်ဘူး။
ချစ်သူတွေ
မချစ်နိုင်ဘူး။
စစ်ကြီးက
ကိုယ့်အနား
ကပ်ဖြစ်နေတာ။
မခံစားနိုင်ဘူး
ကပ်ကြီးအတွင်းမှာ
ချစ်ပွဲ မဝင်ရ
စစ်ပွဲ ဝင်နေရ။
ကိုယ့်အသက် ကိုယ်ချစ်ရင်တော့
ဒီစစ်မှာ
မင်း နိုင်မယ်။
ဒိဗျာ
အနည်းဆုံးတော့
နှာခေါင်းစည်းအောက်က
မင်းနှုတ်ခမ်းပါးလေးတွေ
ပြုံးနေမယ်။
ငါ မပြုံးနိုင်လည်း
ငါ့မျက်လုံးတွေထဲ
မျှော်လင့်ချက်နဲ့
အသက်ရှင်စမ်းချောင်းကလေး
မင်းတွေးမြင် ဒိဗျာ။
ကွယ်- ဒုက္ခဆိုတာ
နမ်းစရာလား။
မင်း နှုတ်ခမ်းလေး
ငါ လွမ်းပါရဲ့။
မိုနေးက
ရေကြာပန်းတွေကို ချစ်တယ်။
ဗန်ဂိုးက
နေကြာပန်းတွေ ချစ်တယ်လေ။
ငါတို့က
ရေမရှိ၊ နေမထိတဲ့
ငရဲပန်းကိုမှ
ဘာကြောင့်များ ချစ်စမ်းချင်ရတာလဲ။
ဒုက္ခက
ကြီးလှပါရဲ့။
ကြီးတဲ့ ဒုက္ခကလည်း
စိမ်းလန်းလှပါရဲ့။
ငါတို့အချစ်တွေသာ
ဟောင်းသွားတယ်
ဒုက္ခက ဟောင်းမသွားဘူး။
ငါတို့အိပ်မက်တွေသာ
ဟောင်းသွား
ဒုက္ခက ဟောင်းမသွား။
ငါတို့ရမ္မက်တွေသာ
ဟောင်းသွား
ဒုက္ခက ဟောင်းမသွား။
မလှတဲ့ဘဝမှာ
ဒုက္ခလှလှ ရောက်ပါရဲ့။
လှတဲ့ဒုက္ခကပဲ
တို့ဘဝကို မောင်းနှင်လေရဲ့။
ဒိဗျာ
မင်းရဲ့ဒုက္ခတစ်ခြမ်း
ငါ့ကို ကမ်းပါ။
ဒုက္ခက
အမြဲ စိမ်းလန်းလှချည်ရဲ့။
ရင်ထဲ
ဒုက္ခပန်းတွေ
ငါတို့အလိုမတူပဲ
စိမ်းလန်းလှချည်ရဲ့။
မင်း နှုတ်ခမ်းလေး
ငါ လွမ်းလှချည်ရဲ့။
အငမ်းမရတာ
မဟုတ်ပါဘူး
အနမ်း မရတာပါ ဒိဗျာ။
ကိုရိုနာဗိုင်းရပ်စ်ဟာ
ငရဲပန်းပဲ။
အဲဒီ ပန်းကိုမှ
ငါတို့က
ချစ်စမ်းချင်သတဲ့လား။
ကိုဗစ်လမ်းမှာ
ငရဲပန်းများ မပွင့်ပါစေနဲ့။
ကြယ်စုံမြူးတဲ့ ည
ဆိုက်ပရပ်စ်လမ်းကလေးမှာလည်း
ငရဲပန်းတွေ မမွှေးပါစေနဲ့။
ဗန်ဂိုးက
အဝါရောင်ခေတ်။
ပီကာဆိုက
အပြာရောင်ခေတ်။
ငါတို့က
အနက်ရောင်ခေတ်ပေါ့။
စစ်အာဏာရှင်စနစ်ဟာ
အမှောင်
အနက်ရောင်ခေတ်လေ။
ငါတို့က
အနက်ရောင်ခေတ်ပေါ့။
အနက်ရောင်ခေတ်ကြီးထဲ
ငှက်တွေလို
တောင်ပံဖွင့်
ခုန်ချ။
ငရဲခန်းတံခါးဝမှာ
ဒုက္ခက
ချိုမြ။
နရသိန်နံရံမှာ
ရာဇဝင်ခေါ်သံ
ပဲ့တင်ခ။
ဒိဗျာ
စစ်ဖိနပ်အောက်မှာ
ငါတို့ မသေခဲ့ကြဘူး
သေတဲ့သူတွေလည်း မသေပါဘူး။
ငရဲလမ်းက
ငါတို့ကို စမ်းသပ်တယ်။
ငါတို့က
ငရဲလမ်းကို ဖြတ်သန်းတယ်။
ကိုဗစ်ဟာ
နောက်ထပ် ငရဲတစ်လမ်း။
သူက ဓားထမ်းလာရင်
ငါတို့က
လှံထမ်းသွားရမှာပေါ့။
အို- ကိုယ်ချင်းစာတရားရဲ့
ငါ့ဓားများလည်း
သွေးပရစေဦး။
ငါ့မြားများလည်း
ဖြောင့်ပရစေဦး။
ငါ့နှလုံးသား
ထစ်ချုန်း မီးလျှံ
မိုးကြီးတစ်ဖန် ရွာပရစေဦး။
ကိုရိုနာဗိုင်းရပ်စ်ပိုးတွေ
ဆိုက်ကပ်နေတဲ့
ကိုဗစ်ဆိပ်ကမ်းမှာ
ငါတို့အလွမ်းလှေကလေးလည်း
ရွက် မဖွင့်နိုင်သေး။
ငါတို့ အနမ်းတွေလည်း
ရွက် မလွှင့်နိုင်သေး။
ဓားဟာ
ဓားအိမ်ထဲမှာ
ညောင်းညာရှာတယ်။
တို့နှလုံးသား
ညောင်းညာလှချည်ရဲ့
ကိုဗစ်အိမ်ထဲမှာ။
New Normal တဲ့
ပုံမှန်အသစ် တဲ့
ကိုဗစ်လှောင်အိမ်ထဲမှာ
နှုတ်ခမ်းရဲရဲလေးတွေကလည်း
အဟောင်း။
Facebook ထဲ
ပြန်ပြန်တက်လာတဲ့
Post တွေကလည်း
အဟောင်း။
အိုးထရက်ဖို့တ်က
သရဲနီတွေကလည်း
အဟောင်း။
ရွေးကောက်ပွဲရှုံးလို့
ဝါးလုံးခေါင်းထဲ
ဗုံးခွဲသူကလည်း
အဟောင်း။
တောင်ကုတ်ပြန်ပေးသမားတွေ
ပြန်မပေးချင်လို့
ကြေးညှိတော့လည်း
အေးမိက အေးမိ
အဟောင်း။
အို- မကောင်းပါဘူး
ကိုဗစ်ကန္တာရ
သံသာရမှာ
လစန္ဒာ မပါတဲ့ ညတွေလည်း
အဟောင်း။
အားလုံးဟာ အဟောင်း
အားလုံးဟောင်းကုန်ပါရဲ့
အဟောင်းမကုန်တဲ့ အဟောင်းလေ။
ဒိဗျာရေ
ဆော့ခရတ္တိရဲ့
အဂ္ဂဘုံကလည်း မသိတဲ့
ကိုဗစ်တစ်ဘုံမှာ
သေပုံ၊ နေပုံ
ဒုက္ခတစ်စုံသာ
စိမ်းရုံ လန်းရုံ ရှိပါစေတော့။
ငါတို့အလွမ်းမှာ
ငါတို့ အနမ်းသာ
ကျန်းမာပါစေတော့။ ။
အောင်ဝေး
(၁၁- ၂၈- ၂၀)
##
စိ မ္ း လ န္ း ေ သ ာ ဒု ကၡ မ် ာ း
အရွံဳးကို ၀န္မခံရဲသူဟာ
အႏိုင္ကိုလည္း
တစ္စက္ကေလးမွ လက္မခံရဲသူ ျဖစ္တယ္။
အို- ကိုယ္ခ်င္းစာတရားငဲ့
အာဃာတနဲ့ အမုန္း
ရွံဳးပါေစ။
ခ်စ္ျခင္းေမတၱာနဲ့ ဥ ာဏ္ပညာ
ႏိုင္ပါေစ။
"ေနလမ္းနဲ့ ေသလမ္း
ဘယ္လမ္းက သာတယ္
အဂၢဘုံကပဲ သိမယ္"
ေျပာၿပီး
ေဆာ့ခရတၱိဟာ
အဆိပ္၀ိုင္ကို ေသာက္ရွာတယ္။
တကယ္က
အက္သင္ၿမိဳ့ႀကီးကို
သူ မ်ိဳခ်လိုက္တာပဲ။
ဒုကၡတရားကို
သူ မ်ိဳခ်လိုက္တာပဲ။
တစ္နည္း
သူ မ်ိဳခ်လိုက္တာ အမွန္တရားပဲ။
အလို- ဗုဒၵရဲ့
ဒုကၡသစၥာ
ငါ ကိုယ္တိုင္ပါလား။
မၿမဲေသာတရားသာ
ၿမဲရာ၏ တဲ့
ငါ ့ဓားေတြ ထက္ေသးရဲ့လား။
ေျပာင္းလဲျခင္းသာ
မေျပာင္းလဲေသာတရား တဲ့
ငါ ့ျမားေတြ ေျဖာင့္ေသးရဲ့လား။
ဒိဗ်ာ
ငါ စစ္ထြက္ရေတာ့မယ္။
ဒီ စစ္က
ကိုယ့္အသက္ ကိုယ္မခ်စ္ရင္
တစ္ေခတ္လုံး ရွံဳးမယ္။
စစ္တစ္ခါ ရွံဳး
အႏွစ္ သုံးဆယ္။
ငါ အရွံဳးမခံႏိုင္ဘူး
ဒိဗ်ာ။
စစ္ေျမျပင္မွာ
ငါ
ရွင္သန္ေနမွ ျဖစ္မယ္။
ငါ အႏိုင္တိုက္ရေတာ့မယ္
တိုက္ပြဲတကာ့ တိုက္ပြဲထဲ
ဒီတိုက္ပြဲက
အသစ္။
ဒိဗ်ာ
ငါတို့ေခတ္မွာ
ငါတို့ဟာ
စစ္ပဲြအသစ္ေတြနဲ့ခ်ည္း ႀကံဳေနရ။
ဒီစစ္ပြဲက
အႏွစ္ ၁၀၀ မွာ
တစ္ခါျဖစ္တဲ့
မဟာကိုဗစ္စစ္ႀကီးပဲ။
အဆုံးအရွံဳးမ်ားတယ္
ႏွလုံးသားေတြ
ကမ္းပါးၿပိဳတယ္။
ျမစ္ေတြ
မစီးႏိုင္ဘူး။
ပန္းေတြ
မပြင့္ႏိုင္ဘူး။
ခ်စ္သူေတြ
မခ်စ္ႏိုင္ဘူး။
စစ္ႀကီးက
ကိုယ့္အနား
ကပ္ျဖစ္ေနတာ။
မခံစားႏိုင္ဘူး
ကပ္ႀကီးအတြင္းမွာ
ခ်စ္ပြဲ မ၀င္ရ
စစ္ပြဲ ၀င္ေနရ။
ကိုယ့္အသက္ ကိုယ္ခ်စ္ရင္ေတာ့
ဒီစစ္မွာ
မင္း ႏိုင္မယ္။
ဒိဗ်ာ
အနည္းဆုံးေတာ့
ႏွာေခါင္းစည္းေအာက္က
မင္းႏွဳတ္ခမ္းပါးေလးေတြ
ၿပံဳးေနမယ္။
ငါ မၿပံဳးႏိုင္လည္း
ငါ ့မ်က္လုံးေတြထဲ
ေမွ်ာ္လင့္ခ်က္နဲ့
အသက္ရွင္စမ္းေခ်ာင္းကေလး
မင္းေတြးျမင္ ဒိဗ်ာ။
ကြယ္- ဒုကၡဆိုတာ
နမ္းစရာလား။
မင္း ႏွဳတ္ခမ္းေလး
ငါ လြမ္းပါရဲ့။
မိုေနးက
ေရၾကာပန္းေတြကို ခ်စ္တယ္။
ဗန္ဂိုးက
ေနၾကာပန္းေတြ ခ်စ္တယ္ေလ။
ငါတို့က
ေရမရွိ၊ ေနမထိတဲ့
ငရဲပန္းကိုမွ
ဘာေၾကာင့္မ်ား ခ်စ္စမ္းခ်င္ရတာလဲ။
ဒုကၡက
ႀကီးလွပါရဲ့။
ႀကီးတဲ့ ဒုကၡကလည္း
စိမ္းလန္းလွပါရဲ့။
ငါတို့အခ်စ္ေတြသာ
ေဟာင္းသြားတယ္
ဒုကၡက ေဟာင္းမသြားဘူး။
ငါတို့အိပ္မက္ေတြသာ
ေဟာင္းသြား
ဒုကၡက ေဟာင္းမသြား။
ငါတို့ရမၼက္ေတြသာ
ေဟာင္းသြား
ဒုကၡက ေဟာင္းမသြား။
မလွတဲ့ဘ၀မွာ
ဒုကၡလွလွ ေရာက္ပါရဲ့။
လွတဲ့ဒုကၡကပဲ
တို့ဘ၀ကို ေမာင္းႏွင္ေလရဲ့။
ဒိဗ်ာ
မင္းရဲ့ဒုကၡတစ္ျခမ္း
ငါ ့ကို ကမ္းပါ။
ဒုကၡက
အၿမဲ စိမ္းလန္းလွခ်ည္ရဲ့။
ရင္ထဲ
ဒုကၡပန္းေတြ
ငါတို့အလိုမတူပဲ
စိမ္းလန္းလွခ်ည္ရဲ့။
မင္း ႏွဳတ္ခမ္းေလး
ငါ လြမ္းလွခ်ည္ရဲ့။
အငမ္းမရတာ
မဟုတ္ပါဘူး
အနမ္း မရတာပါ ဒိဗ်ာ။
ကိုရိုနာဗိုင္းရပ္စ္ဟာ
ငရဲပန္းပဲ။
အဲဒီ ပန္းကိုမွ
ငါတို့က
ခ်စ္စမ္းခ်င္သတဲ့လား။
ကိုဗစ္လမ္းမွာ
ငရဲပန္းမ်ား မပြင့္ပါေစနဲ့။
ၾကယ္စုံျမဴးတဲ့ ည
ဆိုက္ပရပ္စ္လမ္းကေလးမွာလည္း
ငရဲပန္းေတြ မေမႊးပါေစနဲ့။
ဗန္ဂိုးက
အ၀ါေရာင္ေခတ္။
ပီကာဆိုက
အျပာေရာင္ေခတ္။
ငါတို့က
အနက္ေရာင္ေခတ္ေပါ ့။
စစ္အာဏာရွင္စနစ္ဟာ
အေမွာင္
အနက္ေရာင္ေခတ္ေလ။
ငါတို့က
အနက္ေရာင္ေခတ္ေပါ ့။
အနက္ေရာင္ေခတ္ႀကီးထဲ
ငွက္ေတြလို
ေတာင္ပံဖြင့္
ခုန္ခ်။
ငရဲခန္းတံခါး၀မွာ
ဒုကၡက
ခ်ိဳျမ။
နရသိန္နံရံမွာ
ရာဇ၀င္ေခၚသံ
ပဲ့တင္ခ။
ဒိဗ်ာ
စစ္ဖိနပ္ေအာက္မွာ
ငါတို့ မေသခဲ့ၾကဘူး
ေသတဲ့သူေတြလည္း မေသပါဘူး။
ငရဲလမ္းက
ငါတို့ကို စမ္းသပ္တယ္။
ငါတို့က
ငရဲလမ္းကို ျဖတ္သန္းတယ္။
ကိုဗစ္ဟာ
ေနာက္ထပ္ ငရဲတစ္လမ္း။
သူက ဓားထမ္းလာရင္
ငါတို့က
လွံထမ္းသြားရမွာေပါ ့။
အို- ကိုယ္ခ်င္းစာတရားရဲ့
ငါ ့ဓားမ်ားလည္း
ေသြးပရေစဦး။
ငါ ့ျမားမ်ားလည္း
ေျဖာင့္ပရေစဦး။
ငါ ့ႏွလုံးသား
ထစ္ခ်ဳန္း မီးလွ်ံ
မိုးႀကီးတစ္ဖန္ ရြာပရေစဦး။
ကိုရိုနာဗိုင္းရပ္စ္ပိုးေတြ
ဆိုက္ကပ္ေနတဲ့
ကိုဗစ္ဆိပ္ကမ္းမွာ
ငါတို့အလြမ္းေလွကေလးလည္း
ရြက္ မဖြင့္ႏိုင္ေသး။
ငါတို့ အနမ္းေတြလည္း
ရြက္ မလႊင့္ႏိုင္ေသး။
ဓားဟာ
ဓားအိမ္ထဲမွာ
ေညာင္းညာရွာတယ္။
တို့ႏွလုံးသား
ေညာင္းညာလွခ်ည္ရဲ့
ကိုဗစ္အိမ္ထဲမွာ။
New Normal တဲ့
ပုံမွန္အသစ္ တဲ့
ကိုဗစ္ေလွာင္အိမ္ထဲမွာ
ႏွဳတ္ခမ္းရဲရဲေလးေတြကလည္း
အေဟာင္း။
Facebook ထဲ
ျပန္ျပန္တက္လာတဲ့
Post ေတြကလည္း
အေဟာင္း။
အိုးထရက္ဖို့တ္က
သရဲနီေတြကလည္း
အေဟာင္း။
ေရြးေကာက္ပြဲရွံဳးလို့
၀ါးလုံးေခါင္းထဲ
ဗုံးခြဲသူကလည္း
အေဟာင္း။
ေတာင္ကုတ္ျပန္ေပးသမားေတြ
ျပန္မေပးခ်င္လို့
ေၾကးညိွေတာ့လည္း
ေအးမိက ေအးမိ
အေဟာင္း။
အို- မေကာင္းပါဘူး
ကိုဗစ္ကႏၱာရ
သံသာရမွာ
လစႏၵာ မပါတဲ့ ညေတြလည္း
အေဟာင္း။
အားလုံးဟာ အေဟာင္း
အားလုံးေဟာင္းကုန္ပါရဲ့
အေဟာင္းမကုန္တဲ့ အေဟာင္းေလ။
ဒိဗ်ာေရ
ေဆာ့ခရတၱိရဲ့
အဂၢဘုံကလည္း မသိတဲ့
ကိုဗစ္တစ္ဘုံမွာ
ေသပုံ၊ ေနပုံ
ဒုကၡတစ္စုံသာ
စိမ္းရံု လန္းရံု ရွိပါေစေတာ့။
ငါတို့အလြမ္းမွာ
ငါတို့ အနမ္းသာ
က်န္းမာပါေစေတာ့။ ။
ေ အ ာ င္ ေ ၀ း
(၁၁- ၂၈- ၂၀)
.jpg)
