Sunday, November 25, 2018

ချ စ် လို့ေ ရး တဲ့ က ဗျာ ( ၁ ၉ )





လွမ်းတယ်ဆိုတာလည်း၊ တာဝန်တစ်ခုလိုပါပဲ။

ငါက တိုင်းပြည်နဲ့လူမျိုးကို လွမ်းတယ်
ဒါ တိုင်းပြည်နဲ့လူမျိုးတာဝန်
ငါ ထမ်းဆောင်နေတာပေါ့။

ဒါပေမဲ့-
တိုင်းပြည်နဲ့လူမျိုးက
ငါ့ကို လွမ်းချင်မှ လွမ်းမယ်
အရေး မကြီးပါဘူး။

ငါက ဒေါ်အောင်ဆန်းစုကြည်ခေတ်ကြီးကို လွမ်းတယ်
ဒါ ဒေါ်အောင်ဆန်းစုကြည်ခေတ်ကြီးရဲ့တာဝန်
ငါ ထမ်းရွက်နေတာပေါ့။

ဒါပေမဲ့-
ဒေါ်အောင်ဆန်းစုကြည်ခေတ်ကြီးက
ငါ့ကို လွမ်းချင်မှ လွမ်းမယ်
အရေး မကြီးပါဘူး။

ယုတ်စွအဆုံး
လူနှင်းချို ကနေ လူခါးအထိ
ငါ့ညီတွေ ငါလွမ်းတယ်။

ဒါတွေဟာ
ငါ့ပခုံးပေါ်က
သမိုင်းတာဝန်တွေ။

ငါက သမိုင်းကို
တာဝန် မပေးနိုင်ပါဘူး။

သမိုင်းကသာ
ငါ့ပခုံးပေါ်
တာဝန်တွေ တင်ပေးလိုက်တာပါ။

ငါ့ပခုံးပေါ်က အလွမ်းတွေ
လေးလံလိုက်ပါဘိ။

ကစ်ပလင်း* က
"White man's burden" တဲ့။

ငါကတော့
"Exiled man's burden" ပေါ့။

လွမ်းတယ်ဆိုတာလည်း
တာဝန်တစ်ခုပါပဲ။

တိုင်းပြည်နဲ့လူမျိုးကို ငါလွမ်းတယ်
ဒေါ်အောင်ဆန်းစုကြည်ခေတ်ကြီးကို ငါလွမ်းတယ်။

ငါ တာဝန်ကျေသလား
မကျေဘူးလား
... ... ... ...
ဗန်းမော်တင်အောင် မှပဲ သိတော့မယ်။ ။

* Rudyard Kipling (1865-1936)

ေ အာ င်ေ ဝး
(နိုဝင်ဘာ ၂၄- ၂ဝ၁၈)

Saturday, November 3, 2018

ချ စ် လို့ေ ရး တဲ့ က ဗျာ ( ၁ ၈ )



အချစ်ဗုံသံနဲ့ စစ်ကို ပုန်ကန်လိုက်တယ်။

ဖြစ်ပုံ
ခေတ်က
ငြိမ်းချမ်းရေးကို

စစ်နဲ့ ရော မျိုနေရ။

လည်ချောင်းထဲ
အဝင် ဆိုးလှချည်ရဲ့။

မြစ်ကြီး တစ်စင်းလုံး
ချင်းချင်း နီလို့
စီးဆင်း မဆုံး။

အဲဒါ
ငြိမ်းချမ်းရေးအတွက် ကျတဲ့
မျက်ရည်
စီးလို့ မဆုံး။

ဖြစ်ပုံ
ခေတ်က
ငြိမ်းချမ်းရေးကို
စစ်နဲ့ ရော မျိုနေရ။

လည်ချောင်းထဲ
အဝင် ဆိုးလှချည်ရဲ့။

ကမ်းပါးတစ်လျှောက်
ကောက်လို့ မနိုင်တဲ့
အရိုးတွေ
အရိုးတွေ။

ဒီအထဲမှာ ငါ့ကျောင်းနေဖက် စစ်တပ်ထဲဝင်သွားတဲ့ သူငယ်ချင်းရဲ့
အရိုးတွေလည်း ပါမှာပဲ။ ဒီအထဲမှာ ငါ့ငယ်ပေါင်း တောခိုသွားတဲ့ သူငယ်ချင်းရဲ့ အရိုးတွေလည်း ပါမှာပဲ။ ဒီအထဲမှာ ငါ့အတန်းဖော် ဒို့အရေးအော်တဲ့ သူငယ်ချင်းရဲ့ အရိုးတွေလည်း ပါမှာပဲ။

ဖြစ်ပုံ
"ငြိမ်းချမ်းရေး ပို
စစ်ရေး ချို"
ဟိုတုန်းကလို။

အချစ်ကို ဗုံလိုတီး
ခေတ်ကို ငုံပြီး
ဒီ အရိုးတွေ
ငါ ပုံလိုက်မယ်။

ငြိမ်းချမ်းရေး
ယုံကြည်ရင်
ဟေ့ -
စစ်ပွဲတွေ အကုန်ရပ်။ ။

ေ အာ င်ေ ဝး
(နိုဝင်ဘာ ၃- ၂ဝ၁၈)

Tuesday, October 16, 2018

ချ စ် လို့ေ ရး တဲ့ က ဗျာ ( ၁ ၇ )



နိုင်ငံတော်ဟာ ဖျားနာ နေတယ်
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
ဖိနပ်နဲ့ မတော်လို့၊ ဖနှောင့်ကို လှီးပစ်တယ်
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
ငါးမရလို့ တဲ့၊ မြစ်ကို မီးရှို့ပြီး ပြန်တယ်
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
မစားရတဲ့အမဲ သဲနဲ့ပက်တာမဟုတ်
မနားရတဲ့အပင် မစင်နဲ့သုတ်တာ
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
လုပ်စားတော့ မိုးခေါင်
ခိုးစားတော့ ခွေးဟောင်
တောင်းစားမယ်ကြံတော့ ရထားကထွက်သွားပြီ
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
ရွေးကောက်ပွဲ(ကြားဖြတ်) နီးလာပြီ
ခွပ်ဒေါင်းကို ဖွတ် ချောင်းနေသည်
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
ဘာသာရေးအစွန်းရောက်
လူမျိုးရေးအစွန်းရောက်
အကြမ်းဖက်သမားတွေ ကျီးကန်းတောင်းမှောက်
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
ခိုင်ထူးရေ- တချို့တွေ နေနိုင်လွန်းတယ်
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
(တော်လှန်ရေးမှာ အဖျက်သမား နှစ်စုရှိတယ်
၁။ ကလေကချေတွေ နဲ့ ၂။ ပဉ္စမံတပ်သားတွေ)
အခု တတိယအစု ပေါ်နေပြီ
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
ငါလည်း စာမတတ်၊ ငါ့ ယောက်ဖ ငညိုပြောတာလည်း ငါမယုံ
အဲလို လူတွေ များများလာတယ်
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
နိုဘယ်ဆုကို ပြန်ရုပ်သိမ်းခိုင်းနေကြတယ်
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
ပူလစ်ဇာဆု မျှော်တဲ့လူက မျှော်နေတယ်
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနာနေတယ်
ကဗျာကို သေနတ်ပြောင်းဝက ထွက်စေချင်နေသလား
ဒီကောင်တွေ မဟုတ်သေးဘူး။

နိုင်ငံတော်ဟာ ဖျားနေပေါ့ 
မစ္စစ် ခရစ်စတင်း ဘာဂနာ ရောက်လာတယ်
ဒီကောင်တွေ ဟုတ်ကို မဟုတ်သေးဘူး။ ။

(သူငယ်ချင်း စောဝေ သို့)

ေ အာ င်ေ ဝး
(၁ဝ- ၁၄- ၁၈)


Sunday, September 23, 2018

ချ စ် လို့ေ ရး တဲ့ က ဗျာ ( ၁ ၆ )



ကြက်ဥက ကြက်ကလေး ပေါက်လာသလို
ဒီမနက်
ဆောင်းဥက ဆောင်းကလေး ပေါက်လာတယ်။*

နေရောင် အိပ်ရာ မထသေး
မြူနှင်းကလေးတွေ မပွဲသေး။

ဒီလိုအချိန်
မောင်သာချို ပြောပြဖူးတဲ့
"လွမ်းငွေ့တဝေဝေ" ဆိုတဲ့
စက်ဘီးပြင်ဆိုင်ကလေး အမှတ်ရတယ်။

ဘာထူးသေးလဲ
ကိုယ်လည်း
ဟောဒီ မစ်ရှီဂန်ဆိုတဲ့ မဲဇာမှာ
ဓားသွေးတဲ့ဆိုင်ကလေး ဖွင့်လို့
နာမည်က
"လွမ်းငွေ့တဝေဝေ" ပဲပေါ့။

နှင်း မဖုံးခင်
အိမ်လွမ်းစိတ်ကလေး တုံးမသွားအောင်
တစ်ချိန်လုံး သွေးပေးနေရတယ်လေ။ ။

* First day of fall

ေ အာ င်ေ ဝး
(စက်တင်ဘာ ၂၃၊ ၂ဝ၁၈)

Saturday, September 15, 2018

ချ စ် လို့ေ ရး တဲ့ က ဗျာ ( ၁ ၅ )



တစ်အချက်- ဆန့်ကျင်တယ်။
နှစ်အချက်- မကြောက်ဘူး။

သူတို့
သူမရဲ့ဓာတ်ပုံတွေ ပြန်ဖြုတ်ချကြ
သူတို့
သူမရဲ့ဆုတံဆိပ်တွေ ပြန်ရုပ်သိမ်းကြ
သူတို့။

ငါတို့
တစ်အချက်- ဆန့်ကျင်တယ်
ငါတို့
နှစ်အချက်- မကြောက်ဘူး
ငါတို့။

သူတို့
သူမကို လည်ပင်းကြိုးကွင်းစွပ်ဖို့ ကြံစည်ကြ
သူတို့
သူမကို ရာထူးက နုတ်ထွက်ဖို့ ဖိအားပေးကြ
သူတို့။

ငါတို့
တစ်အချက်- ဆန့်ကျင်တယ်
ငါတို့
နှစ်အချက်- မကြောက်ဘူး
ငါတို့။

သူတို့
တချို့က ပြည်တွင်းက အမျိုးသားသစ္စာဖောက်
သူတို့
တချို့က ပြည်ပက လစ်ဘရယ်ဒီမိုကရေစီနောက်မြီးဆွဲ
သူတို့။

ငါတို့
တချို့က သူမရဲ့သစ္စာခံနောက်လိုက်
ငါတို့
တချို့က သူမရဲ့ မဟာမိတ်အတိုက်အခံ
ငါတို့။

(ဥပဒေသ)
ယနေ့ သူမအား ပြစ်တင် ရှုတ်ချ တိုက်ခိုက်နေသူအားလုံးသည် စစ်သွေးကြွ အစွန်းရောက် အကြမ်းဖက်ဝါဒအား
တိုက်ရိုက်တစ်ဖုံ သွယ်ဝိုက်တစ်နည်း
ထောက်ခံအားပေးနေသူများသာဖြစ်သည်။

တစ်အချက်- ဆန့်ကျင်တယ်။
နှစ်အချက်- မကြောက်ဘူး။ ။

သူ မ ၏ က ဗျာ ဆ ရာ တ စ် ဦး
(စက်တင်ဘာ ၁၁- ၂ဝ၁၈)

photo -Thar Byaw
ကဗျာ- Aung Way

Friday, August 31, 2018

ချ စ် လို့ေ ရး တဲ့ က ဗျာ ( ၁ ၄ )



အတိတ်ပင် နဲ့ အဆိပ်ပင်။

ရာဇဝင်ခန်း၊ လွမ်းမှုပြုလေ။
ပြည်ထောင်စုကို၊ ညီအောင်ပြုလေ။

မေတ္တာစုလေ၊ သစ္စာပြုလေ။
ပြည်သူ့မျက်ရည်၊ အက်စစ်ဖြစ်စေ။

ပြည်သူတွေ
မျက်ရည်ချောင်းစီးတော့
အက်စစ်မြောင်းကြီးဖြစ်ပေါ့ ။

ဒီမြောင်းထဲ
ခေတ်ဟောင်း၊ စနစ်ဟောင်း
အစိုးရဟောင်း၊ အာဏာရှင်ဟောင်း
မကောင်းတဲ့အဖြစ်
စစ်ပွဲတွေ
ပစ်ထည့်၊ ပစ်ထည့်။

မအိပ်ခင်
နာကျင်စိတ်နဲ့
အတိတ်ပင်လား၊ အဆိပ်ပင်လား
စဉ်းစား၊ စဉ်းစား။

အတိတ်ပင်က
အနာဂတ်ကို ရှင်စေတယ်။

အဆိပ်ပင်ကျ
ကာလသုံးပါး သေစေရဲ့။

အတိတ်ပင်
ရေလောင်း။

ဘယ်တော့မှ
အဆိပ်ပင်
အက်စစ်လောင်းဖို့ မမေ့နဲ့။   ။

ေ အာ င်ေ ဝး
(၈- ၃၁- ၁၈)

Saturday, August 18, 2018

သ င်း သ င်းေ အး သံ ခိ ပ်






တော်လှန်သော နှင်းဆီ။
 
.................................

ပွင့်ရဲလို့ ပွင့်ခဲ့တာ

ကြွေဖို့လည်း ဝန်မလေးသူ

သွေးနံ့ကို မွှေးရနံ့ ပြောင်းပစ်တယ်။

.......................................

သူရဲကောင်း။ ။

ေ အာ င်ေ ဝး
(သြဂုတ် ၁၈၊ ၂ဝ၁၈)