Thursday, May 31, 2018

ချ စ် လို့ေ ရး တဲ့ က ဗျာ ( ၉ )



(art work - than htay maung)
  

ခေတ်ကြီးက ဟာသပဲ။
ခေတ်ကြီးက ဟာသကိုဖြစ်လို့
ခေတ်က
ဟဿရသကိုပေးတယ်။
စစ်က
ဘယာနကရသကိုပေးတယ်။
ခေတ် သင်္ခါရ
စစ် သင်္ခါရ
အချစ်သာ အစဉ်ထာဝရပါခင်။

ခေတ်ကြောင့် ကြေ၊ စစ်ကြောင့် သေ
စစ်ဘေးရှောင် ဒုက္ခသည်စခန်းတွေမှာ
စစ်ခွေးက ဟောင်တယ်။

အချစ်က သေ၊ စစ်က ရှည်
သေကွဲတွေ၊ ရှင်ကွဲတွေ
စစ်ဒဏ်သင့်ပန်းကလေးတွေ
နွမ်းနယ်နေတဲ့နှလုံးသားတွေ
ဗုံးသံ၊ အမြောက်သံ၊ စက်သေနတ်သံတွေ
ဟောဟို ဝေးလံလံ
တိုင်းရင်းသားတွေရဲ့
တောယံ တောင်ယံထဲမှာပဲ ရှိတာလား။

ခေတ်ကြီးက ဟာသပဲ ခင်။
စစ်ဘေးဒဏ်က
ရန်ကုန်၊ မန္တလေး မြို့ကြီးတွေလယ်ကောင်မှာလည်း သင့်တာပဲ။
စစ်ဘေးဒဏ်က
ပန်းခြံထဲ ကဗျာရွတ်ပွဲကိုလည်း သင့်တာပဲ။
အဲဒီ စစ်ဘေးဒဏ်က
ရန်ကုန်တက္ကသိုလ်ထဲကိုလည်း ရောက်လာတယ်လေ။

ဟာသပဲ
ဒေါ်အောင်ဆန်းစုကြည်က
စစ်ပွဲတွေရပ်ဖို့ များများပြောပေးကြပါတဲ့။
ဟော အခု ပြောတဲ့ကျောင်းသားတွေ
ကဗျာဆရာတွေကို
စုရဲ့ ရဲတွေကဖမ်းတယ်။

ဟာသပဲ
ဒေါ်အောင်ဆန်းစုကြည်က
ကျောင်းသားတွေနိုင်ငံရေးလုပ်ရမယ်လို့ပြောတယ်။
ဟော အခု စုရဲ့လူတွေက
ကျောင်းထဲမှာနိုင်ငံရေးမလုပ်ရ အမိန့်ထုတ်သတဲ့။

ဟ ဟ ပဲ ရမယ်
ဒေါက်တာသိန်းဝင်းရယ်။

ကျောင်းသားတွေနိုင်ငံရေးမလုပ်ရင်
သူတောင်းစားတွေ သမ္မတဖြစ်ကုန်မှာပေါ့ ။

ဟ ဟ ပဲ ရမယ်
အစိုးရမင်းများရယ်။

ခေတ်ကြီးက ဟာသပဲ
ဒေါ်အောင်ဆန်းစုကြည်ကိုတော့
အားလည်းနာတယ်၊ သနားလည်း သနားတယ်။

စစ်ပွဲတွေ မရပ်ရင်
စီးနေတဲ့မြစ်တွေ ရပ်တံ့သွားလိမ့်မယ်။
စစ်ပွဲတွေ မရပ်ရင်
ပျံသန်းနေတဲ့ငှက်တွေလည်း အတောင်ပံညောင်းတော့မယ်။
စစ်ပွဲတွေ မရပ်ရင်
အနာဂတ်တေးသံတွေလည်း ဆွံ့အ သွားတော့မယ်။
စစ်ပွဲတွေ မရပ်ရင်
(ဒေါ်အောင်ဆန်းစုကြည်ပြောတဲ့)
လူထုရဲ့ရုန်းကန်သံတွေလည်း သေဆုံးသွားလိမ့်မယ်လေ။

စစ်ပွဲတွေ ရပ်။

သေနတ်ကိုင်ထားတဲ့လက်တွေနဲ့
စာရွက်ပေါ် လက်မှတ်ထိုးတယ်။
ဟ ဟ ပဲ ရမယ်
ဂီးဇောင်ဂျောင်းတို့ရယ်။

သေနတ်မပါတဲ့ ကျောင်းသားတွေရဲ့လက်က
စစ်ပွဲတွေကို ရပ်နိုင်တယ်။

သေနတ်မပါတဲ့ ကဗျာဆရာတွေရဲ့လက်က
စစ်ဒဏ်သင့်ပြည်သူတွေကို ကယ်တင်နိုင်တယ်။

စစ်ပွဲတွေ ရပ်။

တို့ချစ်ခြင်း
ကွင်းအောင်တစေ
နေ့တိုင်းမွှေတဲ့
သက်ကြီးဝန်တို
မြင်တိုင်းမုန်းစရာ့
“စစ်ချုပ်ဗိုလ်”
ရေလိုခန်းခြောက်ပါစေသား။ ။

ေ အာ င်ေ ဝး
(မေ ၃၁- ၂ဝ၁၈)


Sunday, May 20, 2018

ချ စ် လို့ေ ရး တဲ့ က ဗျာ ( ၈ )



"ပြည်တွင်းစစ် အနှစ် ခုနစ်ဆယ်၊ တော်ပြီ"
"ပြည်တွင်းစစ် အနှစ် ခုနစ်ဆယ်၊ တော်ပြီ"
"ပြည်တွင်းစစ် အနှစ် ခုနစ်ဆယ်၊ တော်ပြီ"

မရပ်နဲ့၊ အဲဒီ အော်သံတွေ မရပ်နဲ့။

လက်နက်ကိုင်နိုင်ငံရေးခေတ်
ကုန်ပြီ။
လက်နက်ကိုင်နိုင်ငံရေးဆိုတာ
အဆိပ်တွေစီးဆင်းနေတဲ့မြစ်
ခေတ်ကုန်ပြီ။
ပြည်တွင်းစစ်ဆိုတာ
သစ်ပင်ပြောင်းပြန်စိုက်တာ။

ဟိုတုန်းက ဦးနေဝင်း သူပုန်မွေးပြီး
အစိုးရလုပ်ခဲ့တယ်။
အခု ဘယ်သူတွေ အစိုးရမွေးပြီး
သူပုန်လုပ်နေသလဲ။

မရပ်နဲ့။
ပြည်တွင်းစစ်ကိုမုန်းတီးတဲ့နှလုံးသားတွေ၊ မရပ်နဲ့။
မရပ်နဲ့။
ပြည်တွင်းစစ်ကိုဆန့်ကျင်တဲ့အမှန်တရားတွေ၊ မရပ်နဲ့။
မရပ်နဲ့။
ငြိမ်းချမ်းရေးတောင်းဆိုတဲ့လူထုဆန္ဒတွေ၊ မရပ်နဲ့။
မရပ်နဲ့။
ငြိမ်းချမ်းရေးကိုတန်ဖိုးထားတဲ့အချစ်စိတ်တွေ၊ မရပ်နဲ့။

မရပ်နဲ့။
စစ်ဘေးဒဏ်သင့်ပြည်သူတွေအတွက်အကူအညီတွေ၊ မရပ်နဲ့။
မရပ်နဲ့။
ငြိမ်းချမ်းရေးကဗျာရွတ်ဆိုပွဲတွေ၊ မရပ်နဲ့။
မရပ်နဲ့။
ငြိမ်းချမ်းရေးဂီတတေးသံတွေ၊ မရပ်နဲ့။

မရပ်နဲ့။
စစ်သားမိန်းမ မုဆိုးမတွေအပေါ် စာနာမှုတွေ၊ မရပ်နဲ့။
မရပ်နဲ့။
သူပုန်မယား မုဆိုးမများအပေါ် ထောက်ထားမှုတွေ၊ မရပ်နဲ့။

မရပ်နဲ့။
မရပ်နဲ့။
အာဏာရှင်စစ်ဗိုလ်ချုပ်တွေ တစ်ယောက်မကျန်သေကုန်တဲ့အထိ
အဲဒီ စစ်ပွဲတွေ မရပ်နဲ့။

မရပ်နဲ့။
မရပ်နဲ့။
အာဏာရှင်သူပုန်ခေါင်းဆောင်တွေ တစ်ယောက်မကျန်သေကုန်တဲ့အထိ
အဲဒီ စစ်ပွဲတွေ မရပ်နဲ့။

မရပ်နဲ့။
စစ်ပွဲတွေရပ်ဖို့ပြောတဲ့သူတွေကိုဖမ်းတဲ့အစိုးရကိုလည်းအပြစ်ပြောဖို့
မရပ်နဲ့။

ပြည်တွင်းစစ် အနှစ်ခုနစ်ဆယ်
တော်သင့်ပြီ ခင်ရယ်။ ။


ေ အာ င်ေ ဝး
(မေ ၂ဝ- ၂ဝ၁၈)

Sunday, April 29, 2018

ချ စ် လို့ေ ရး တဲ့ က ဗျာ ( ၇ )




တိုင်းပြည်ကိုချစ်တဲ့စိတ်နဲ့ သေရင်
ငရဲ မလားဘူး။

တိုင်းပြည်နဲ့
လူမျိုးကို ချစ်တဲ့စိတ်ဆိုတာ
အတိတ်ကို "ရှင်" စေတဲ့ စိတ်ပေါ့ ။

ပစ္စုပ္ပန်တွေ မသေဖို့
အတိတ်တွေ ရှင်နေရမယ်။

ဆဲဗင်းဂျူလိုင်ဟာ အတိတ်ပေါ့ 
ခုထိ ရှင်တုန်း။

၇၄-၇၅-၇၆ ဟာ အတိတ်ပေါ့ 
ခုထိ ရှင်တုန်း။

တိုင်းပြည်နဲ့လူမျိုးကို ချစ်ပါ
အချစ်စိတ်ဟာ
အတိတ်ကို ရှင်သန်စေတယ်။

အတိတ်တွေ ရှင်သန်မှ
ပစ္စုပ္ပန်ဟာ ရှင်သန်မယ်။

ရှစ်လေးလုံးဟာ အတိတ်ပေါ့ 
ခုထိ ရှင်တုန်း။

ရွှေဝါရောင်ဟာ အတိတ်ပေါ့ 
ခုထိ ရှင်တုန်း။

စစ်သံဖနောင့်အောက်က လွတ်မြောက်ရေး
ဒီအရေးဟာ
အတိတ်၊ ပစ္စုပ္ပန်၊ အနာဂတံ
တိုင်းပြည်နဲ့လူမျိုးကိုချစ်ခြင်းမှာ
အရင်းခံတယ်။

တိုင်းပြည်ကို တကယ်ချစ်ရင်
သစ်ပင်ကလေး တစ်ပင်မှာလည်း
တစ်တောလုံးရဲ့ဝိညာဉ် ရှိတာပဲ။

လူမျိုးကို တကယ်ချစ်ရင်
စစ်မဖြစ်တဲ့ ညတွေမှာ
လမင်း သာမယ်။

တိုင်းပြည်နဲ့လူမျိုးကို တကယ်ချစ်ရင်
မီးပျက်တာ၊ ဘတ်စကားကျပ်တာလောက်ကို
အပြစ် မမြင်ပါဘူး။

တိုင်းပြည်နဲ့လူမျိုးကို ချစ်ပါ
အချစ်စိတ်ဟာ
အေးမြတဲ့ မိုးကြီးပေါ့ ။

အဲဒီ ချစ်မိုးကြီးရွာရင်
စစ်ဆိုးမီးတကာ ငြိမ်းမယ်။

အဲဒီ ချစ်မိုးကြီးရွာရင်
အမုန်းမီးတောက်တွေ
အဆုံးပြီးပျောက်မယ်။

တိုင်းပြည်နဲ့လူမျိုးကို ချစ်ပါ
အချစ်စိတ်ဟာ
အဓိပ္ပာယ်ရှိလာမယ် ခင်။ ။

ေ အာ င်ေ ဝး
ဧပြီ ၂၉- ၂ဝ၁၈။

Tuesday, April 3, 2018

ချ စ် လို့ေ ရး တဲ့ က ဗျာ ( ၆ )





နိုင်ငံတော်ဟာ အချစ်ငတ်နေတယ်
အချစ်ငတ်နေတဲ့ နိုင်ငံတော်ပေါ့ ။

ဒီနေ့မှာ အချစ်ငှက်ဟာ မွေးဖွားလာတယ်
ဒီနေ့မှာ
အချစ်ငှက်တစ်ကောင် လရောင်အောက်
မိုးသောက်တေး ဆိုတယ်။

တကယ်တော့ သူရောက်နေတာ
အမှောင်ခေတ်ကြီးပဲ
သွေးချောင်းစီးနေတဲ့ ခေတ်ကြီးလေ။

သူ ဘယ်သိပါ့ မလဲ
စစ်ကိုမုန်းလို့ တိုက်ခဲ့တာ
သမ္မတအသစ်ကြီး တက်လာတာ
သူ ဘယ်သိပါ့ မလဲ။

တစ်နေ့တည်း၊ တစ်နေ့တည်း
နေ့မှာ (ဒုတိယ)သမ္မတရွေး
ညမှာ အကယ်ဒမီပေး
တစ်နေ့တည်း၊ တစ်နေ့တည်း။

သူ ဘယ်သိပါ့ မလဲ
ကလေးတွေက
မသိဘူး ချစ်တယ်
လူကြီးတွေက
မသိဘူး စစ်ဖြစ်နေကြတယ်
သူ ဘယ်သိပါ့ မလဲ။

နိုင်ငံတော်ဟာ အချစ်ငတ်နေတယ်
အချစ်ငတ်နေတဲ့ နိုင်ငံတော်ပေါ့ ။

စစ်ဆိုတာ မချစ်လို့ဖြစ်တာ
ချစ်ရင် မဖြစ်ပါဘူး။

မြစ်ဆိုတာ ချစ်တတ်ရင်
ခေတ်ကြီးထဲ တသွင်သွင်။

အချစ်နဲ့စိုက်ရင်
ကျောက်သားပြင်မှာလည်း
သစ်ပင်ဟာ ရှင်တယ်။

အချစ်လက်နဲ့ ထိုးတဲ့ခေါင်းလောင်း
စက်သေနတ် စိန်ပြောင်းသံထက် ချိုသာမယ်။

မချစ်တတ်ရင်
သွေးချင်းချင်းစိုနေတဲ့ နှလုံးသားလည်း
ပပ်ကြားအက်တာပဲ။

မချစ်တတ်ရင်
သေနတ်ပြောင်းက
ပန်းတွေ ဘယ်လိုပွင့်မှာလဲ။

မိုးခေါင်တောမှာ
မောတယ် အသက်ရယ်။

စစ်ကိုမုန်းပါ၊ မတိုက်ပါနဲ့
ငြိမ်းချမ်းရေးကိုချစ်ပါ၊ မဖျက်ပါနဲ့။

ဒီမနက်
ယာခရိုးက
ချိုးလင်းပြာငှက်ကလေး
မိုးခေါ်တေး ဆိုတယ်။

အမုန်းတွေ ရပ်
စစ်ပွဲတွေ ရပ်။ ။

(ထူးအိမ်သင်သို့ …)
ေ အာ င်ေ ဝး
ဧပြီ ၁- ၂ဝ၁၈

Monday, February 26, 2018

ချစ်လို့ရေးတဲ့ကဗျာ (၅)


အချစ်မှာ ရန်သူမျိုးငါးပါးရှိတယ် ခင်။
၁။ ၂၀၀၈ ဖွဲ့စည်းပုံ
၂။
၃။ သေနာပတိပျက်လူတန်းစား
၎။ အမျိုးသားရေးအစွန်းရောက်
၅။ လူသတ်ဝါဒ
အချစ်ဆိုတာ
နွေဦးမှာ
ပုရစ်ဖူးလေးတွေ ထွက်လာသလို
သူ့အလိုလို ဖြစ်လာတဲ့အရာ။
အချစ်ဆိုတာ
သစ်ရွက်ကလေးတွေစိမ်းနေဖို့
အမြစ်က အမှောင်ထဲ
ဒုက္ခခပ်သိမ်းရင်ဆိုင်သလိုပေါ့ ။
အချစ်ဆိုတာ
မြစ်ကို ခြေဆုံးခေါင်းဖျား
အရိပ်တကြည့်ကြည့် စောင့်ရှောက်ရတာမျိုးပါ။
ခေတ် မကောင်းတော့
အချစ်လည်း
မကောင်းရှာဘူးပေါ့ ။
ပိတောက်မပွင့်မီစပ်ကြား
အချစ်လည်း
နိုင်ငံရေးလက်အောက်ခံ။
ချစ်တော့ ချစ်ပါ
နိုင်ငံရေးကိုလည်းကြည့်။
ချစ်တော့ချစ်
ခေတ်ကို မျက်ခြည်မပြတ်စေနဲ့။
အချိန်မရွေး
ဗုံးတွေ ထပေါက်နိုင်တယ်။
အချိန်မရွေး
လက်မှတ်ရအရူးတွေနဲ့တွေ့နိုင်တယ်။
အချိန်မရွေး
အလွမ်းပင်လယ်ဝေသွားနိုင်တယ်။
စစ်က
ရင်တွင်းမှာ အမြဲဖြစ်နေတဲ့
ရင်တွင်းစစ် ခေတ်ကြီးလေ။
“အချစ်နဲ့စစ်မှာ
မတရားတာမရှိ”
ရမ်းမဖြီးပါနဲ့ ကွီးရယ်။
အချစ်နဲ့စစ်မှာ
တရားတာလည်း မရှိပါဘူး။
အချစ်တို့
စစ်တို့ဆိုတာ
အတ္တပဲ ရှိတာပါ။
မြစ်ဆိုတာ ကွေ့မှလှသတဲ့
မြစ်ကလည်း
သူ့အတ္တနဲ့သူ ကွေ့မြဲ။
ကဲ- ဘယ်အတ္တကို
အင်္ကျီချုပ်ဝတ်ရမှာလဲ။ ။

ေ အာ င်ေ ဝး
(ဖေဖော်ဝါရီ ၂၅- ၂၀၁၈)

Sunday, February 11, 2018

ချ စ် လို့ေ ရး တဲ့ က ဗျာ ( ၄ )




 
အချစ်အတွက်
ဆုတွေ မလိုပါဘူး။
ချစ်နေဖို့ဆို
စု ပဲ လိုတယ်။
ပြည်ထောင်စု၊ လူမျိုးစု
ကြယ်စင်စု၊ တပ်ပေါင်းစု
အချစ်ဟာ
စုစည်းညီညွတ်မှု။
ဆယ်စု၊ ရာစု
ထောင်စု၊ ရာဇ၀င်စု
အချစ်မှာ
စည်းရုံးစုစည်းကာနေ။
ဆုတွေ မလိုပါဘူး
ပြည်သူကချစ်နေရင်
အဲဒါ စု ပဲ။
စတော့ဟုမ်းက
ဒဗ္ဗလင်က
အောက်စဖို့ဒ်က
ပေးမှ
စု မဟုတ်ပါဘူး။
စလေက
ဒေါပုံက
အိမ်မဲက
ပေးတဲ့အချစ်တွေကလည်း
ဆု ပါပဲ။
နယူးယောက် စီးတီးက
မော်စကိုက
တောင်အာဖရိကက
အသိအမှတ်ပြုမှ
စု မဟုတ်ပါဘူး။
နွားထိုးကြီးက
မော်လမြိုင်က
တောင်ဥက္ကလာပက
အသိအမှတ်ပြုလည်း
ဆု ပါပဲ။
ပြည်သူကချစ်နေရင်
အဲဒါ စု ပဲ။
ပြည်သူတွေ စုစည်းညီညွတ်နေရင်
အဲဒါ ဆု ပဲ။
စု အတွက်
ဆု တွေ မလို
တို့ပြည်သူတွေပဲ လိုတယ်လေ။ ။


(ဖေဖော်ဝါရီ ၁၀- ၂၀၁၈)

Friday, January 19, 2018

ချ စ် လို့ေ ရး တဲ့ က ဗျာ

 

ဆိုပါတော့၊ လောကကြီးမှာ
အချစ်ကို အချစ်နဲ့ “မျှား” တော့
မေတ္တာတွေရမယ်၊ သစ္စာတွေရမယ်
သံယောဇဉ်နဲ့ တစ်အိုးတစ်အိမ်တွေရမယ်။
ဒါဆိုရင် …
မြစ်ကို မြစ်နဲ့ မျှားရင်ကော …
ခေတ်ကို ခေတ်နဲ့ မျှားရင်ကော … ။
သေချာတာက
စစ်ကို စစ်နဲ့မျှားရင်တော့
မေတ္တာမရဘူး၊ မိဘမဲ့ကလေးတွေပဲရမယ်။
သစ္စာမရဘူး၊ မီးလောင်နေတဲ့ရွာတွေပဲရမယ်
သံယောဇဉ်မရဘူး၊ သံသယနဲ့အမုန်းတရားတွေပဲရမယ်
တစ်အိုးတစ်အိမ်မရဘူး၊ ဒုက္ခသည်စခန်းတွေပဲရမယ်။
စစ်ကို စစ်နဲ့မျှားတော့
“မြား” တွေပဲ ရတယ်လေ။
အဲဒီ မြားတွေက
နှလုံးသားကို တည့်တည့်ပစ်တယ်လေ။
“အချစ်က အချစ်
စစ်က စစ်”
ဖြစ်သလို မပြောပါနဲ့ ခင်ရယ်။
စစ်ကိုမုန်းလို့ တိုက်လည်း
စစ်ပဲရမယ်၊ အချစ်မရဘူး။
စစ်ကိုချစ်လို့ တိုက်လည်း
စစ်ပဲရမယ်၊ အချစ်မရဘူး။
လွမ်းတတ်ရင်
အချစ်တို့၊ ငြိမ်းချမ်းရေးတို့ဆိုတာ
မြစ်တစ်စင်း ဖြတ်စီးသွားသလို
တစ်ဦးချင်း ရင်ထဲကလာတာ။
အချစ်တို့၊ ငြိမ်းချမ်းရေးတို့ဆိုတာ
ခေတ်ကို ပခုံးပေါ်တင်ပေးလိုက်သလို
ထမ်းရတဲ့ အရသာ။
အချစ် စမ်းချင်စမ်းပါ
စစ်ကိုတော့ ယောင်လို့တောင် မစမ်းလိုက်ပါနဲ့ ခင်။ ။

ေ အာ င်ေ ဝး
(ဇန် ၁၇ – ၂ဝ၁၈)