Sunday, April 10, 2016

ေ တာ် လှ န်ေ ရး နှ င့် ပ တ် သ က် ၍




(၁) အကျဉ်းထောင်က လွတ်မြောက်စ ကျောင်းသားလူငယ် တစ်ဦးစ၊ နှစ်ဦးစ၏ ယခင်ဦးသိန်းစိန်ကြံ့ဖွတ်အစိုးရဟောင်းအပေါ် နာကြည်းခံပြင်းစိတ်အရင်းခံဖြင့် ပြောဆိုလိုက်သောစကားရပ်တချို့ ကို၊ အများက မကြိုက်နှစ်သက်နိုင်ဖြစ်ကြပါသည်။
(၂) ထိုအခါ ကာတွန်းဆရာတချို့ က "တော်လှန်ရေး" ဟူသောဝေါဟာရကို သရော်စော်ကားရာရောက်သည့် ကာတွန်းများရေးဆွဲလာကြပါသည်။
(၃) တချို့ သော ဖေ့စ်ဘုတ်စာမျက်နှာများကလည်း။ ကျောင်းသားတချို့ ကိုဝေဖန်ရင်း "တော်လှန်ရေး" ဝေါဟာရကို အောက်တန်းကျစေသည့် အရေးအသားများရေးသားလာကြပါသည်။
(၄) ဒေါ်အောင်ဆန်းစုကြည်နှင့် ကျောင်းသားများကြားတွင် ၀င်၍ခလောက်ဆန်ကြသော။ ယခင်ကြံ့ ဖွတ်အစိုးရဟောင်း သစ္စာရှိသူများနှင့် NLD ထဲက ခြေစုံကန်ထွက်ခဲ့သည့် သစ္စာဖောက်များပေါင်းမိပြီး၊ "တော်လှန်ရေး" ဝေါဟာရကို သေးသိမ်အောင်လုပ်ဇာတ်ခင်းကြပြန်သည်။
(၅) ဝေါဟာရသည် ဝေါဟာရသက်သက်မဟုတ်။ ဝေါဟာရနောက်တွင် အဘိဓမ္မာရှိသည်။ တော်လှန်ရေး သည် အဘိဓမ္မာမဆိုထားနှင့်၊ ဝေါဟာရအရပင် ပျက်ရယ်ပြုစရာမဟုတ်ပါ။ လုံးဝမဟုတ်ပါ။
(၆) လောကတွင် တရားမျှတမှုမရှိလျှင်၊ မလွတ်လပ်လျှင်၊ မငြိမ်းချမ်းလျှင်၊ တော်လှန်ရေးက ရှိပါမည်။ (မတော်လှန်ရဲလျှင် အသာဘေးထွက်ထိုင်နေပါ။ တော်လှန်ရဲသူကို မစော်ကားရ)
(၇) တရးမျှတ၊ လွတ်လပ်၊ ငြိမ်းချမ်းနေသည့်အခါ တော်လှန်ရေးသည် မရှိတော့ပါ။ (တော်လှန်ရေးသည် ခေတ်ဟောင်းစနစ်ဟောင်းမှ ခေတ်သစ်စနစ်သစ်သို့ ကူးပြောင်းရေးအတွက် မောင်းနှင်ရေး ဖြစ်သွားတာပါ)
(၈) တရားမျှတ လွတ်လပ်ပြီး ငြိမ်းချမ်းအောင် အမှန်တကယ်ဆောင်ရွက်နေသည့် အစိုးရမျိုးကို မည်သူက တော်လှန်ပါဦးမည်နည်း။ မည်သူကမှ တော်လှန်မည် မဟုတ်။
(၉) စစ်အာဏာရှင်စနစ်အောက်တွင် မိမိတို့ သည် ဒီမိုကရေစီရရှိရေးကို တိုက်ယူခဲ့ရသည်။ စစ်အာဏာရှင်ထံမှာ တောင်းယူ၍မရပါ။
(၁၀) ယခုအချိန်သည် (စစ်အာဏာရှင်စနစ် အရိပ်ဆိုး၊ အတိတ်ဆိုးတချို့ ကြွင်းကျန်နေသေးသော်လည်း) လူထုကတင်မြှောက်သည့်  ဒီမိုကရေစီအစိုးရ စတင်သည့် တိုင်းပြည်သစ်တည်ထောင်ချိန်ဖြစ်ပါသည်။
မိမိတို့ ၏လိုလားချက်များ၊ မပြည့် ဝသေးသည့်ဆန္ဒများကို၊ ယခင်စစ်အာဏာရှင်အစိုးရအဆက်ဆက်အောက်မှာလို တိုက်ယူစရာမလိုတော့ပါ။ တောင်းယူရမည့်အချိန်ဖြစ်ပါသည်။
(၁၁) အထူးသဖြင့် ကျောင်းသားများ မိမိတို့ ၏ပညာရေးလိုလားချက်များ၊ ဆန္ဒများကို နိုင်ငံတော်အတိုင်ပင်ခံ ဒေါ်အောင်ဆန်းစုကြည်၊ သမ္မတကြီးဦးထင်ကျော်အစိုးသစ်ထံ အေးချမ်းစွာ တင်ပြတောင်းဆိုပြီး၊ ရိုးသားစွာဆွေးနွေးညှိနှိုင်းယူရမည့်အချိန်ရောက်ပြီဟု အပြည့်အ၀ယုံကြည်ပါကြောင်း။

ေ အာ င်ေ ၀း
ဧပြီ ၉- ၂၀၁၆။
--------------------------------------------------
ရာဟုတို့ ၊ ငဂျိမ်းတို့ ၊ မိဖြိုးတို့ ၊ သားတို့ သမီးတို့ ။
ဦးတို့ ငယ်ငယ် တက္ကသိုလ်ကျောင်းသားဘ၀က အစိုးရဆန့် ကျင်ရေးလုပ်နေတဲ့ ကျောင်းသားတွေကြားမှာ
တွင်ကျယ်ခဲ့တဲ့ စကားတစ်ခွန်းရှိခဲ့ဖူးတယ်။
"ငါတို့ ကျောင်းသားတွေရဲ့ တာဝန်က တက်လာသမျှအစိုးရ ဆန့် ကျင်ဖြုတ်ချဖို့ ပဲ" တဲ့။ (စာရေးဆရာ အောင်ကျော်စည် ရဲ့ ဝတ္ထုတစ်ပုဒ်ထဲက စာသားပါ။ ၀တ္ထုမမှတ်မိတော့။ ခင်ဗျားတို့ ကိုစိန်ခေါ်တယ် ထဲကလား။ အားလုံးညာနေကြသည် ထဲကလား။ တစ်ခုထဲကပဲ)
အဲဒီစကားက အဲဒီ ဦးတို့ ခေတ်တုန်းကတော့မှန်တယ်။ တက်လာသမျှအစိုးရဟာ ဘောင်းဘီဝတ်စစ်အစိုးရ၊ ဘောင်းဘီချွတ်စစ်အစိုးရ၊ တိုက်ပုံဝတ်စစ်အစိုးရ၊ ခေါင်းပေါင်းပေါင်းစစ်အစိုးရ၊ စစ်အာဏာရှင်အစိုးရတွေချည်းဖြစ်နေလို့ ပဲ။ အဲဒီတော့ ဒီစကားမှန်ခဲ့တယ်ပေါ့ ။
ဒါပေမဲ့၊ အခု အဲဒီစကားမျိုး အခုလို ပြည်သူကရွေးကောက်တင်မြှောက်တဲ့ အရပ်သားအစိုးရခေတ်မှာ၊ ဒီစကားပြောလာရင် မှန်ပါ့ မလား။ ဘယ့်နှယ်လဲ။ မှန်နိုင်ပါဦးမလား။ မမှန်နိုင်ဘူး။ လုံးဝမမှန်နိုင်ပါဘူး သားတို့ သမီးတို့ ရေ။

ကျောင်းသားနိုင်ငံရေးဟာ တည်ကြည်ရိုးသားရဲရင့်ပြီး အတွေးအခေါ်ခေတ်မီဖို့ လိုတယ်။
မင်းတို့  ဗ က သ များ အ ဖွဲ့  ချု ပ် က ထုတ်တဲ့ကြေညာချက်ကိုလက်ခံတယ်။ ကြိုဆိုတယ်။
ကျန်းမာအောင်နေပါ။
ခုလောလောဆယ် ကျောင်းသားထုညီညွတ်ရေးတည်ဆောက်ဖို့ အရေးကြီးတယ်။ အချင်းချင်းလည်း အပြုသဘောဝေဖန်ပါ။ ညီညွတ်ရေး- ဝေဖန်ရေး- ညီညွတ်ရေး မူကိုကိုင်စွဲပါ။
အခုနေ ပြောစရာရှိတာ နားနားပြီးပြော။ လုပ်စရာရှိတာ နားနားပြီးလုပ်။
(ဦးအောင်ဝေး)

Thursday, April 7, 2016

ပြ ည်ေ ပြးေ မ တ္တာ စာ

 
LETTER FROM MICHIGAN ။ အနောက်ဗာဂျီးနီးယားပြည်နယ်၊ မြန်မာမိသားစုများ၏ NLD အစိုးရသစ် ကြိုဆိုပွဲသို့ ပေးပို့ သောကဗျာ
မစ်ရှီဂန်မဲဇာမှာပေါ့ 
နှင်းတွေနဲ့ ဖိ
မြစ်ပေါ်ပိပြီး
အိကျသွားတဲ့ရေစီးကြောင်းမှာ
အိပ်မက်ဟောင်းတွေမျောပါသွားတဲ့
မစ်ရှီဂန်မဲဇာမှာပေါ့ ။

မြန်မာ့လွှတ်တော်ကြီးထဲက
စစ်ဝတ်စုံတွေမချွတ်နိုင်သေးတဲ့
စစ်သားအမတ် တစ်မတ်သားလိုပေါ့ 
ဟောဒီမှာ
ဆောင်းဝတ်စုံကို မချွတ်ချင်သေးတဲ့
နှင်းတွေရယ်လေ
နွေဦးပေါက်နေတာတောင်မှ
သင်းတို့ က
ခဏခဏကျတယ်။

ပြီးတော့လည်း
အဲဒီလွှတ်တော်ထဲ
ကဏန်းသေလို့ ဝင်စား
စစ်သားအမတ် တစ်မတ်သား
လွှတ်တော်ကို မထီလေးစား
မတ်တတ်ထထကန့် ကွက်သလို
ရော- ဒီက
နှင်းလွန်မသားတွေကလည်း
ခဏခဏထ
နှင်းမုန်တိုင်းတွေကျနေပါရဲ့ 
မစ်ရှီဂန်ဆိုတဲ့ မဲဇာမှာလေ။

ဒီက
ဂရင်းမြစ်ထဲကရေတွေစီးဆင်းတာနဲ့ 
ဟိုက
ဧရာဝတီမြစ်ထဲကရေတွေစီးဆင်းတာ
အတူတူပါပဲ။

မြစ်ဆိုတာ
စီးဆင်းရှင်သန်နေရမယ်ဆိုတဲ့
အဓိပ္ပာယ်ဟာ
အတူတူပဲပေါ့ ။

မစ်ရှီဂန်မှာ
ကျနော်စီးဆင်းနေသလို
အနောက်ဗာဂျီးနီးယားမှာလည်း
ခင်ဗျားတို့ စီးဆင်းနေတာပေါ့ ။

ရန်ကုန်ကလူတွေ
အနာဂတ်ကိုစီးဆင်းနေသလို
ခင်ဗျားတို့ ၊ ကျနော်တို့ 
အဝေးရောက်တွေလည်း
အနာဂတ်ကိုရောက်အောင်စီးဆင်းနေတာပေါ့ ။

ခက်တာက
နွေဦးပေါက်လာတာတောင်
နှင်းကကျတုန်းလား
မလွန်လွန်းဘူးလား နှင်းရယ်။

ကျနော်တို့ ကတော့
ကောက်ရိတ်ပွဲတော်ကိုသွားဖို့ 
နွေဦးကို
နှစ်ငါးဆယ်ကျော်စောင့်ခဲ့ရတာပါ။

ရာစုနှစ်၊ ဆယ်စုနှစ်များဖြတ်သန်းသွားကြ
တံတားအောက်မှာ မြစ်ရေတွေစီးဆင်းသွားကြ
ကတ္တရာလမ်းတွေပေါ်မှာ သွေးတွေအိုင်ထွန်းသွားကြ
ဝင်းပတဲ့နွေဦးကို
ကျနော်တို့ စောင့်စားခဲ့ကြတာပါ။

ဟော- တကယ်လည်း
နွေဦးပေါက်ပါပြီဆိုရော
နှင်းတွေက
ဆောင်းကိုခွာမချချင်လေတဲ့ နှင်းတွေလေ
မြန်မာ့လွှတ်တော်ထဲက
မပြောင်းလဲချင်တဲ့စစ်တစ်မတ်သားလိုပဲ
အာဏာဟောင်းကိုတွယ်ဖက်နေရဲ့ ။

ငါတို့ ဟာ စပါးတားကပ်စ်တွေဖြစ်တယ်
ငါတို့ ဟာ ပုန်ကန်သူတွေဖြစ်တယ်
ငါတို့ ဟာ ခွပ်ဒေါင်းတွေဖြစ်တယ်
ငါတို့ ဟာ ရှင်သန်နွေဦးတွေလည်းဖြစ်တယ်လေ။

တို့ နွေဦးမှာ
ဖူးသစ်နီမြန်း၊ သွေးနဲ့ ဖျန်းလို့ 
ပန်းတွေ ပွင့်တယ်။

ပွင့်တဲ့ပန်းတွေ
စိမ်းလန်းနီမောင်း၊ လာခြင်းကောင်းလို့ 
ခွပ်ဒေါင်းတွန်တယ်။

ခွပ်ဒေါင်းတွန်ရင်
နှင်းလွန်နွေပေါက်၊ တစ်မိုးသောက်လို့ 
တို့ ခေတ်ရောက်မယ်။

ထလော့
နွေဦးပန်းပွင့်အပေါင်း သူရဲကောင်းတို့ 
ထလော့။

နွေဦးကျောင်းမှာ
ဒေါင်းအလံလွှင့်၊ မောင်းသံဆင့်လော့။

အလို- မစ်ရှီဂန်မှာ
တော်လှန်နွေဦး၊ ရဲရဲဖူးတော့
ဒူးထောက်ရတဲ့နှင်းတွေ အော်တယ်
“ဒီမိုကရေစီအနိုင်ကျင့်ခံရမှု” တဲ့
“ဒီမိုကရေစီအနိုင်ကျင့်ခံရမှု” တဲ့
မချိမဆံ့အော်တယ်။

ဘယ်လိုလဲ
တပ်ချုပ်ကြီးမင်းအောင်လှိုင်ရယ်
လွှတ်တော်ထဲ
မင်းကောင်တွေ အော်လှပါလား။

ငါတို့ ကမေတ္တာပို့ ပါရဲ့ 
စစ်အာဏာရှင်စနစ်အမြစ်မပြတ်သေးတော့
မင်းတို့ လည်း သာပါစေ၊ မာပါစေပေါ့ ။

စစ်အာဏာရှင်စနစ်မျိုးဖြုတ်ဖို့ 
စစ်တပ်ကိုမျိုးတုံးအောင်လုပ်ရတော့မယ်။

ကန်တော့ပါရဲ့ 
ကျနော့်အဖေပါဝင်ခဲ့တဲ့တပ်မတော်က
ကျနော့်ပြည်သူတွေကိုသတ်တယ်။

ကျမဖေဖေထူထောင်ခဲ့တဲ့တပ်မတော်ကလည်း
ကျမပြည်သူတွေကိုသတ်တာပါပဲ အစ်မရယ်။

စစ်သားကို သေနတ်ဖြုတ်ရင်
စစ်တပ်ဆိုတာ မျိုးပြုတ်ပြီ။

သေနတ်တွေ ပြည်သူထံအပ်လော့
တပ်ကထွက်ကြလော့
တောပြန်ပြီး လယ်လုပ်ကြလော့။

တပ်ကထွက်ကြ
ရွာပြန်ပြီး ယာထွန်ကြ
သေနတ်တွေ ပြည်သူထံအပ်ကြ။

ပြည်သူကို မသတ်တော့ဘူးဆိုရင်
သေနတ်မပါတဲ့လက်တွေက
ပြည်သူ့ မျက်ရည်ကိုသုတ်ပေးနိုင်ပြီဆိုရင်။

မော်လမြိုင်ထောင်ထဲမှာ
ပြည်သူ့ အတွက် အသက်ပေးသွားတဲ့
ဗိုလ်ကြီးဝင်းဗိုလ်ကို အမျှဝေကြမယ်။

ရှစ်လေးလုံးအရေးတော်ပုံမှာ
ကျဆုံးခဲ့တဲ့
ရှစ်တန်းကျောင်းသူလေး မ၀င်းမော်ဦးကိုလည်း
အမျှ အမျှ အမျှဝေကြမယ်။

ကျနော့်အဖေပါဝင်ခဲ့တဲ့တပ်မတော်ဟာ
ကျနော့်ပြည်သူတွေကို မသတ်တော့ဘူးဆိုရင်။

ကျမဖေဖေထူထောင်ခဲ့တဲ့တပ်မတော်ဟာ
ကျမပြည်သူတွေကို မသတ်တော့ဘူးဆိုရင်။

အဲဒီအခါ
စစ်အာဏာရှင်စနစ်ချုပ်ငြိမ်းလို့ 
ဖက်ဆစ်တပ်လည်း တစ်ဇာတ်သိမ်းပြီပေါ့ ။

အဲဒီအခါ
ပြည်သူချစ်တဲ့ ပြည်သူ့ တပ်မတော်ကြီးလည်း
ပေါ်ထွန်းလာပြီပေါ့ ။

ကျနော်က
အစိုးရသစ်ကိုကြိုချင်တာမဟုတ်ပါ
ကျနော်က
အစိုးရသစ်ရဲ့ ပြည်သူ့ တပ်မတော်သစ်ကို
ကြိုချင်တာပါ။

ဘူးလက်ကြီးဦးလှဆွေရေ-
ခင်ဗျား စာရေးပါ
ခင်ဗျား ဟာသစာရေးဆရာဖြစ်နိုင်တယ်
စာရေးဆရာဘ၀နဲ့ 
ပြည်သူ့ တပ်မတော်သစ်ကြီးကိုကြိုပါ။

ပြန်ဝန်ကြီး ဦးရဲထွဋ်ဗျာ
ဆရာလည်း စာရေးကောင်း
ပြည်သူ့ တပ်မတော်သစ်ကြီးကို
သွေးသစ်လောင်းဖို့ 
အက်ဆေးကောင်းကောင်းလေးတွေရေးပါ။

တပ်မတော်ကြီးဟာ
တစ်နေ့  လှလာမယ်။

သမိုင်းဟာ ဘယ်တော့မှ
တစ်ပတ်ပြန်မလည်တာ့ဘူး။

စစ်ဖိနပ်တွေ ဘယ်တော့မှ
ရာဇပလ္လင်ပေါ် ပြန်မရောက်နိုင်တော့ဘူး။

အဟွန့် - စစ်အာဏာရှင်ဘက်ကရပ်
စင်ပေါ်ရောက်ရင်
ဖင်ကြီး တပြပြ
ရင်ကြီး တပြပြ
ကာလသားတွေက
ဖွန်ကြီး၊ ဖွန်ကြီးလို့ ခေါ်ကြတဲ့
ဇွန်ကြီးတို့ ၊ ဇာဇာထက်ကလေးတို့ ရေ-

မင်းလေးတို့ ကိုလည်း
မင်းတို့ အစ်ကို အောင်ဝေးက
အရေးမယူ မငြူစူပါဘူး
(ဘူးလက်ကြီးတို့ ၊ ဦးလှဆွေတို့ လိုပဲ)
ညည်းတို့ ကိုလည်း မေတ္တာပို့ ပါရဲ့ 
သာပါစေ၊ မာပါစေ
အစိုးရကောင်းအောက်မှာ
သားကောင်းမိခင်တွေ ဖြစ်ကြပါစေ။

ကြံ့ဖွတ်အဆိုတော် သားဆိုးသားမိုက်
သင်္ကြန်မှာ မဏ္ဍပ်တွေအပိတ်ခံရလို့ 
ဘ၀ပျက်ရသတဲ့
မိုက်ပါ့ 
ပြည်သူတွေတစ်သက်လုံး
ဘ၀ပျက်နေရတုန်းက
မင်းဘယ်သွားပုန်းနေသလဲ ငတုံးရဲ့ 
မင့်ကိုလည်း ငါ မေတ္တာပို့ ပါရဲ့ 
သင်္ကြန်မှာ မဏ္ဍပ်ပိလို့ လည်း မသေပါစေနဲ့ ။

ဟိုတစ်ကောင် ခင်လှိုင်
ဖင်မနိုင်ပဲ ကျီမီးနဲ့ ရှို့ 
ကြွက်မနိုင် ပဲကြီးဟင်းသောက်
ကမောက်ကမတွေ
နောက်မပြောနဲ့ ညီလေးရေ။

တို့ လိုနေတာက
အနုပညာလွတ်လပ်ခွင့်ကွ
အဲဒီအနုပညာလွတ်လပ်ခွင့်
ဒေါ်စုမကလို့ ၊ ဒေါ်ပုအစိုးရဖြစ်ဖြစ်
ချုပ်ချယ်ရင် ဆန့် ကျင်ရမှာပဲ
ခုတော့ စာကျက်ဦးငါ့ ညီ။

ဟဲလို- ၂၀၂၀ ရခိုင်ပြည်နယ်
ဝန်ကြီးချုပ်လောင်း ဒေါက်တာအေးမောင် ငဲ့
ခင်ဗျားကိုလည်း
ကဗျာဆရာအကောင်းစား အောင်ဝေးက
တလေးတစား တောင်းပန်ပါရဲ့ ။

ခင်ဗျားလည်း စာကျက်ဦးဗျာ
လွှတ်တော်ထဲ စစ်သားအမတ်တွေ
ထိုင် ထ လေ့ကျင့်ခန်း
“ရထားပန်းခိုင်” ယိမ်းကနေတယ်များထင်နေသလား
ခင်ဗျားတစ်ခုခုမပြောတော့ဘူးလား
ကြားချင်စမ်းပါရဲ့ ဗျာ။

သင်္ကြန်မှာ သံချပ်ထိုး
ရခိုင်မှာ စီးချင်းထိုးကြမယ်။

သင်္ကြန်ရေ မာပါစေလောင်း
မြန်မာပြည် သာမည်အကြောင်းနဲ့ 
ဒေါင်းခွပ်မည်၊ ထင်ရည်မှန်းကြပေတော့
နာစရာရှိရင်လည်း
လွမ်းစရာနဲ့ ဖြေကြပါတော့
နိုင်ငံတော်အတိုင်ပင်ခံဘွားတော်ကြီးကိုလည်း
ရင်းရင်းနှီးနှီးကြီးကို အသနားခံပါရဲ့
ထောင်ထဲကကျောင်းသားလေးတွေကိုလည်းလွှတ်ပေးပါဦး။

သမ္မတကြီး ကျန်းမာပါစေ
ကျန်းမာပါစေ သမ္မတကြီး
နိုင်ငံရေးအကျဉ်းသားတွေလည်း အမြန်လွှတ်ပေးပါဦးသမ္မတကြီး

သာပါစေ၊ မာပါစေ
မြန်မာပြည်သူတွေ အောင်ပါစေကြောင်း
ပန်းသပြေ ညောင်ရေလောင်းလို့ 
ကျောင်းသားခေါင်းဆောင်ဟောင်း
နိုင်ငံရေးအကျဉ်းသားဟောင်း
NLD ပါတီဝင်ဟောင်း
အခုတော့ ဘ၀ပြောင်းလို့ 
ပြည်ပြေးအပေါင်းစုဝေးရာ
မစ်ရှီဂန်မဲဇာ
အနောက်ဗာဂျီးနီးယားမဲဇာ
မဲဇာ … မဲဇာ … မဲဇာ
ဟောဒီ အမေရိကဆိုတဲ့ မဲဇာကနေ
သဲသာသောင်မြေ
ပွဲခါညောင်ရေ လုပ်လိုက်ရပါကြောင်း
သြောင်း - ခွပ်ဒေါင်း သူရဲကောင်းတို့ ဗျား။    ။

ေ အာ င်ေ ၀း
ဧပြီ ၆- ၂၀၁၆။