မ စ် ရှီ ဂ န် မဲ ဇ ာ - ၂ ၉

 
ကိုဗစ်အာဏာရှင်စနစ်က၊ ဆူးရစ်သရဖူမှာ၊ ဓားချွန်တွေစီလို့။
မီးလျှံကြားမှာ၊ ပဒုမ္မာကြာက၊ ကြယ်လို ပွင့်တယ်။
ပြာပုံထက်မှာ၊ ဖီးနစ်ငှက်က၊ အသက်သစ်ရတော့၊ မြစ်လိုလှိုင်းထ
ပျံသွားပြီ။
ညီလေး ကဗျာဆရာမြတ်လှိုင်းရေ။
အစဦးကတော့ "ညီလေး မြတ်လှိုင်းရေ" လို့ ခေါ်လိုက်ဖို့ပါပဲ။ နောက်မှ
"ညီလေး ကဗျာဆရာမြတ်လှိုင်းရေ" လို့ ပြင်ခေါ်လိုက်တာပါ။ ကဗျာဆရာ
ဆိုတာ အစ်ကို့အတွက်တော့၊ တစ်စုံတစ်ရာ ကြီးမြတ်တယ်လို့ ယူဆထား
လို့ပါ။
မြတ်လှိုင်း ညီလေး။
မင်း FACEBOOK မှာ ရေးတင်လိုက်တဲ့ "မြတ်လှိုင်းရဲ့သဘောထား ကြေ
ညာချက်" ကို အစ်ကို ဖတ်လိုက်ရတယ်။ (Soe Myat Facebook Posted
October 7, 2020)
မင်း့ ကြေညာချက်၊ အမှတ်စဉ်(၃)မှာ-
"၃။ စစ်အာဏာရှင်(အဟောင်း၊ အသစ်၊ လက်ကျန်)တွေနဲ့ ရင်ကြား မစေ့
နိုင်ဘူး။
စစ်အာဏာရှင်(အဟောင်း၊အသစ်၊ လက်ကျန်)တွေနဲ့ ရင်ကြားစေ့
သူမှန်သမျှ၊ ဒီမိုကရေစီသစ္စာဖောက်အဖြစ် သတ်မှတ်တယ်။
ဒီမိုကရေစီကို သစ္စာဖောက်သူတွေကို ခေါင်းဆောင်အဖြစ် သတ်မှတ်ပြီး၊
ထောက်ခံနေတဲ့လူတွေကို နီပေါ တွေအဖြစ်သတ်မှတ်တယ်" လို့ဖော်ပြထား
တယ်နော်။
ညိလေး မြတ်လှိုင်း။
"နီပေါ" ဆိုတဲ့ စကားလုံးဟာ၊ အစ်ကို့အနေနဲ့ ဘယ်လိုမှ လက်မခံနိုင်တဲ့
စကားလုံးပဲ။ (နောက်ထပ် လက်မခံနိုင်တဲ့ စကားလုံးတစ်လုံး ရှိသေးတယ်။
နောက်မှ ဆက်ပြောမယ်)
"နီပေါ" လို့ မင်းပြောဆိုလိုက်တာဟာ၊ လက်ရှိ NLD ပါတီနဲ့ ဒေါ်အောင်ဆန်း
စုကြည်ကို ထောက်ခံနေတဲ့လူတွေကို ရည်ညွှန်းလိုက်တာလို့ အစ်ကို နား
လည်ပါတယ်။
ဟုတ်ပါပြီ ညီလေးရေ။
အဲဒီ NLD ပါတီဆိုတာ၊ မင်းတို့ငါတို့တွေ၊ ဘဝပျက်ခံ၊ ထောင်ကျခံ၊ ဒုက္ခ
အမျိုးမျိုးခံပြီး၊ စစ်အစိုးရ အဆက်ဆက်ကို ဆန့်ကျင်တွန်းလှန်တိုက်ခိုက်ပြီး
တည်ဆောက်ယူလာခဲ့ရတဲ့ ပါတီပါ။
NLD ဆိုတာ သူခိုးသူယုတ်တွေ၊ လူဆိုးကြမ်းပိုးတွေ၊ လူလိမ်လူညာတွေ
တည်ဆောက်ခဲ့တဲ့ပါတီ မဟုတ်ပါဘူး။
NLD ဆိုတာ မီးလျှံကြားက ပွင့်လာတဲ့ ပဒုမ္မာကြာပါ ညီလေး။
NLD ဆိုတာ ပြာပုံထဲက ဝိညာဉ်အသစ်ရတဲ့ ဖီးနစ်ငှက်ပါ ညိလေး။
ဒီလို ကိုယ်တိုင်ပါဝင်ခဲ့တဲ့၊ သမိုင်းဝင် အစဉ်အလာကြီးမားလှတဲ့ ပါတီ
အပေါ် ထောက်ခံသူ၊ ဝန်းရံသူတွေကို "နီပေါတွေ" လို့ ရှုတ်ချစော်ကား
လိုက်တာဟာ၊ မင်း ရာဇဝင်ဘေး(ရာဗဝင်ဘေး) သင့်သွားပြီ ညီလေး။ မင်းမှာ တာဝန်ရှိသွားပြီ ညီလေး။
"နီပေါတွေ" လို့ စွပ်စွဲပုတ်ခတ်လိုက်တာဟာ၊ သူတို့ ထောက်ခံ ဝန်းရံနေ
တဲ့ ပါတီ(NLD) ကိုပါ "နီပေါပါတီ" လို့ သမုတ်ပစ်လိုက်သလိုပါပဲ။
မြတ်လှိုင်း ညီလေး။
အခုခေတ်မှာ NLD ကို ထောက်ခံဝန်းရံနေတဲ့ အဓိကအင်အားစုဟာ၊
ရှစ်လေးလုံးလူထုအရေးတော်ပုံနောက်ပိုင်း ပေါ်ထွန်းလာတဲ့ (၁)
MILLENNIUM GENERATION နဲ့ (၂) SAFFRON GENERATION
ဒီနှစ်ခုပဲ။
၂၁-ရာစု ထောင်စုသစ် မဝင်ခင်နဲ့ ဝင်ပြီးနောက်မှာ၊ စစ်အာဏာရှင်စနစ်
ဖိနှိပ်ချုပ်ချယ်မှုအောက်ကနေ၊ နိုင်ငံရေးတက်ကြွလှုပ်ရှားတဲ့ လူငယ်
မျိုးဆက်သစ်တွေ အင်နဲ့အားနဲ့ မွေးဖွားလာခဲ့တယ်။
ဒေါ်အောင်ဆန်းစုကြည်လည်း အိုပါပြီ။ NLD အောင်လံဆိုတာ အဲဒီ
လူငယ်မျိုးဆက်သစ်တွေက လက်ဆင့်ကမ်း သယ်ဆောင်သွားရမယ့်
သမိုင်းရဲ့ အနာဂတ်အောင်လံပါ။
NLD ဟာ တည်ကြည်ကြံ့ခိုင်ဆဲပါ ညီလေး။ NLD ဟာ "နီ" ဆဲပါ ညီလေး။
ညီလေး မြတ်လှိုင်း။
မင်းက မင်း့ သဘောထားကြေညာချက်အောက်ဆုံးမှာ-
"မြတ်လှိုင်း
(စစ်အာဏာရှင်စနစ်မုန်းတီးရေးသမားတစ်ယောက်)" လို့ စာတန်းသွားတယ်။
မင်းလိုပဲ၊ အစ်ကိုတို့အားလုံးလည်း စစ်အာဏာရှင်စနစ်ကို မုန်းတီးကြသူတွေ
ပါ။ စစ်အာဏာရှင်စနစ် အမြစ်ဖြတ်ချေမှုန်းဖို့ စိတ်အားထက်သန် တော်လှန်
နေကြသူတွေပါ။
အစ်ကို့ဘဝတစ်လျှောက်လုံး "နီ" ခဲ့ပါတယ်။ အဲဒီလို "နီ" ခဲ့လို့လည်း၊ သူငယ်
ချင်းအရင်းတချို့ကတောင် အစ်ကို့ကို ဆန့်ကျင်ခဲ့၊ တိုက်ခိုက်ခဲ့တာတွေ မင်း
ကိုယ်တွေ့ပဲ မဟုတ်လား မြတ်လှိုင်း။
အစ်ကိုက NLD ပါတီဝင်ဟောင်း။ အနိဟောင်း။ PARTY VETERAN တစ်ယောက်။ အခု အစ်ကိုက ၂၀၂၀ ရွေးကောက်ပွဲ NLD အောင်နိုင်ရေး
အတွက် ကဗျာနဲ့ ထောက်ခံအားပေးတယ်။ (ပြီးခဲ့တဲ့လက "၂၀၂၀" ဆိုတဲ့
အစ်ကို့ ကဗျာစာအုပ်။ ဆန်းစသော်တာက ထွက်တယ်။ NLD ELECTION
CAMPAIGN စာအုပ်ပါပဲ)
အစ်ကိုက NLD ရွေးကောက်ပွဲနိုင်ပြီး၊ အစိုးရဖွဲ့နိုင်ဖို့ မျှော်လင့်တယ်။ လိုလား
တယ်။ ဒါကြောင့် NLD အနီတွေကို အားပေးတယ်။ ဝန်းရံတယ်။ ဟောင်္ဒီလို
ကဗျာရေးတယ်။ (မင်းလိုပဲ ကြေညာချက်ထုတ်တယ်)
"နိုဝင်ဘာကြေညာချက်"
တစ်တောလုံး နီ
တစ်ပြည်လုံး ရဲ။
ခြင်္သေ့ ခေါင်း
ဒေါင်းနင်းမဲ့ ပွဲ။   ။
ညီလေးရေ။
မင်းပြောသလိုဆိုရင်၊ NLD နဲ့ ဒေါ်အောင်ဆန်းစုကြည်ကို ထောက်ခံဝန်းရံလို့၊
ငါလည်း "နီပေါ" တစ်ယောက် ဖြစ်သွားပြီပေါ့ကွာ။ စိတ်တော့ မကောင်းပါ
ဘူး။
မင်းလို NLD ရဲ့ ဗဟိုပြန်ကြားရေးတာဝန်ယူခဲ့ဖူးသူတစ်ယောက်ဆီက
"နီပေါတွေ" ဆိုတဲ့စကား ကြားရတာ ငါ ဝမ်းနည်းမိတယ်။
မြတ်လှိုင်းရေ။
နောက်တစ်ခု။ ငါ လက်မခံနိုင်ဆုံး၊ မကြိုက်ဆုံး စကားလုံးတစ်လုံး၊ စကားကြုံ
လို့ မင်းကို ငါပြောမယ်။ မင်းက ကဗျာဆရာတစ်ယောက်ဖြစ်လို့၊ မင်းကို ငါ
ပြောမယ်။
ငါ့ဘဝမှာ၊ အရေးတော်ပုံခေါ်ခေါ်၊ တော်လှန်ရေးခေါ်ခေါ်၊ စစ်အာဏာရှင်
စနစ်ဆန့်ကျင်တိုက်ဖျက်ရေး လူထုလှုပ်ရှားမှုကြီး (၃)ကြိမ် ကြုံခဲ့တယ်။
တက္ကသိုလ်ကျောင်းသားဘဝမှာ ၇၄-၇၅-၇၆ အရေးအခင်းတွေကို ဖြတ်သန်းခဲ့
တယ်။ ငါ ထောင်ထဲရောက်သွားတယ်။
ကဗျာဆရာဘ၀ နုစဉ်မှာ ရှစ်လေးလုံးလူထုအုံကြွမှုကြီးထဲကို ငါဖြတ်သန်းခဲ့
တယ်။ NLD ခေတ်ဦးမှာ ငါ ပါဝင်ခဲ့တယ်။ ငါ ထောင်ထဲရောက်သွားပြန်တယ်။
ကဗျာဆရာဘ၀ ရင့်စဉ်မှာ ၂၀၀၇-ရွှေဝါရောင်တော်လှန်ရေးကြီးကို ငါ ပါဝင်
ဖြတ်သန်းခဲ့ပြန်တယ်။ ငါ ပြည်ပြေးဖြစ်သွားတယ်။
အခုအချိန်မှာ ငါက "မြစ်ကျိုးအင်း" တစ်ခုပါ။ ပြည်ပရောက်နေတဲ့ ပြည်ပြေး
ကဗျာဆရာတစ်ယောက်အနေနဲ့၊ ကိုယ့်သမိုင်းရေအလျဉ်ကို၊ ကိုယ် မသွင်နိုင်၊
ကိုယ် မစီးဆင်းနိုင်တဲ့ ရေသေ၊ မြစ်သေသမားတစ်ယောက်ပါ။
ညီလေး။ မင်းတို့ကတော့ ပြည်တွင်းမှာ ကိုယ့်ပြည်သူတွေနဲ့အတူ၊ ပင်မရေစီး
ကြောင်းကို စီးသွင် ဆင်းလျဉ်နိုင်သေးတဲ့ ရေရှင်၊ မြစ်ရှင်သမားတွေပါ။
ပြည်ပြေးဘဝဦးမှာ၊ ပြည်တွင်းကထုတ်တဲ့ ကဗျာစာအုပ်တစ်အုပ်ကို မြင်လိုက်
ရတဲ့အချိန်၊ ရုတ်တရက် မင်တက်မိသွားတယ်။ ပြီးတော့ ကြေကွဲတုန်ရီရ
တယ်။ နှလုံးသား ဆတ်ဆတ်ခါအောင် နာကြည်းဒေါသဖြစ်ခဲ့ရတယ် ညီရေ။
အဲဒီစာအုပ်နာမည်က "တော်လှန်ကြောင်" တဲ့။
တော်လှန်ရေးကို သရော်လိုက်၊ လှောင်ပြောင်လိုက်၊ တော်လှန်ရေးကို
သေးသိမ်အောင် သိက္ခာချလိုက်၊ ပုံဖျက်လိုက်တဲ့ စာအုပ်ပါပဲ။
မင်း ကြားဖူး မှတ်ဖူးမှာပါ မြတ်လှိုင်း။ ၁၉၆၉ တုန်းက တို့ CP အစ်ကိုကြီးတွေ
"တော်လှန်ကဗျာ" စာအုပ်ထုတ်ခဲ့တုန်းက၊ ဆရာငြိမ်းကျော်တို့၊ ငသိုင်းချောင်း
ဝံသာတို့၊ အညာတမာတို့ RF အုပ်စုက "ကဗျာအနုပဋိလောမ" ဆိုပြီး
တန်ပြန်တိုက်ခိုက်တဲ့ ကဗျာစာအုပ် ထုတ်ခဲ့ဖူးတဲ့ ရာဇဝင်ရှိတယ်လေ။
ခုလည်း ကြည့်ပါဦးကွာ။ "တော်လှန်ကြောင်" တဲ့။
တော်လှန်ရေးဆိုတဲ့ စကားလုံးဟာ၊ လှောင်စရာ ပြောင်စရာမှ မဟုတ်ရတာ
ကိုကွာ။ လုပ်ရက်တယ်။
 တော်လှန်ရေးကို ထဲထဲဝင်ဝင် မလုပ်ဖူးဘဲနဲ့၊ မတ်ဝါဒကို စနစ်တကျနားမလည်ဘဲနဲ့၊ ကွန်မြူနစ်ဆိုတာ ဘာလဲ ဂဃနဏ
မသိဘဲနဲ့၊ ဒါကို ငါ ပြည်တွင်းက လူငယ်ကဗျာဆရာတချို့(တချို့)့ရဲ့ ပညာ
တတ်မဆန်တဲ့ လုပ်ရပ်လို့ သတ်မှတ်ခဲ့တယ်။
ငါတို့ဟာ စာပေစိစစ်ရေးရှိတဲ့ စနစ်အောက်မှာ၊ ငါတို့ရဲ့အိပ်မက်တွေကို၊
နီရဲတောက်ပ ထက်မြက်လှပနေအောင် တည်ဆောက်ယူခဲ့ကြတယ်။
ဟော- အခု၊ စာပေစိစစ်ရေး မရှိတော့တဲ့ အခြေအနေမှာ၊ နောက်မွေးလာ
တဲ့ မျိုးဆက်သစ်လူငယ်ကဗျာဆရာတချို့(တချို့)က၊ ငါတို့ရဲ့ နီရဲတောက်ပ ထက်မြက်လှပခဲ့တဲ့ အိပ်မက်တွေကို လွယ်လွယ်ကူကူ လှောင်ပြောင်နေပါရောလား။
ပေါ်ပေါ်ထင်ထင် သရော်နေပါရောလား။
ညီလေး မြတ်လှိုင်း။
ငါတို့ရဲ့" ပြည်သူ့ဒီမိုကရေစီတော်လှန်ရေး" က ဆုံးခန်းမတိုင်သေးပါဘူး။
NLD ရဲ့ "ဒီမိုကရေစီတော်လှန်ရေး" ကလည်း ခရီး မဆုံးသေးပါဘူး။
၂၀၀၈ နာဂစ် ခြေ/ဥ အောက်မှာ ရွေးကောက်ပွဲဝင်တာကို၊ ဒီမိုကရေစီ
သစ္စာဖောက်တယ်လို့ မင်း(တို့)မြင်နေရင်လည်း၊ ငါ ဘာမှ မပြောလိုတော့ပါ
ဘူး ညီလေး။
ငါပြောနိုင်တာ တစ်ခုကတော့၊ ငါ အိမ်မပြန်နိုင်သေးပေမဲ့၊ အိမ်ကို ငါ လွမ်းတယ်။ ငါ့အလွမ်းဟာ၊ ငါ့သိက္ခာပဲ။ ငါ့သိက္ခာထဲမှာ "ကဗျာဆရာ"
ဆိုတဲ့ ဂုဏ်ပုဒ်ကို ငါ တန်ဖိုးအထားဆုံးပါပဲ။
မီးလျှံကြားမှာ
ပဒုမ္မာကြာက
ကြယ်လိုပွင့်တယ်။
ပြာပုံထက်မှာ
ဖီးနစ်ငှက်က
အသက်သစ်ရတော့
မြစ်လို လှိုင်းထ ပျံသွားပြီ။
ညီလေးရေ။
ကိုဗစ်အာဏာရှင်စနစ်က
ဆူးရစ်သရဖူမှာ
ဓားချွန်တွေ စီလို့။
ညီလေးရေ။
ကျန်းမာအောင်နေပါ။
ကျန်းမာမှ တိုက်ခိုက်နိုင်မယ်။    ။

မင်းရဲ့အစ်ကို၊ မင်းရဲ့ရဲဘော်

အောင်ဝေး
(အောက်တိုဘာ ၉၊ ၂၀၂၀)


 

##

 မ စ္ ရွီ ဂ န္ မဲ ဇ ာ - ၂ ၉
 
ကိုဗစ္အာဏာရွင္စနစ္က၊ ဆူးရစ္သရဖူမွာ၊ ဓားခၽြန္ေတြစီလို့။
မီးလွ်ံၾကားမွာ၊ ပဒုမၼာၾကာက၊ ၾကယ္လို ပြင့္တယ္။
ျပာပုံထက္မွာ၊ ဖီးနစ္ငွက္က၊ အသက္သစ္ရေတာ့၊ ျမစ္လိုလိွဳင္းထ
ပ်ံသြားၿပီ။
ညီေလး ကဗ်ာဆရာျမတ္လိွဳင္းေရ။
အစဦးကေတာ့ "ညီေလး ျမတ္လိွဳင္းေရ" လို့ ေခၚလိုက္ဖို့ပါပဲ။ ေနာက္မွ
"ညီေလး ကဗ်ာဆရာျမတ္လိွဳင္းေရ" လို့ ျပင္ေခၚလိုက္တာပါ။ ကဗ်ာဆရာ
ဆိုတာ အစ္ကို့အတြက္ေတာ့၊ တစ္စုံတစ္ရာ ႀကီးျမတ္တယ္လို့ ယူဆထား
လို့ပါ။
ျမတ္လိွဳင္း ညီေလး။
မင္း FACEBOOK မွာ ေရးတင္လိုက္တဲ့ "ျမတ္လိွဳင္းရဲ့သေဘာထား ေၾက
ညာခ်က္" ကို အစ္ကို ဖတ္လိုက္ရတယ္။ (Soe Myat Facebook Posted
October 7, 2020)
မင္း့ ေၾကညာခ်က္၊ အမွတ္စဥ္(၃)မွာ-
"၃။ စစ္အာဏာရွင္(အေဟာင္း၊ အသစ္၊ လက္က်န္)ေတြနဲ့ ရင္ၾကား မေစ့
ႏိုင္ဘူး။
စစ္အာဏာရွင္(အေဟာင္း၊အသစ္၊ လက္က်န္)ေတြနဲ့ ရင္ၾကားေစ့
သူမွန္သမွ်၊ ဒီမိုကေရစီသစၥာေဖာက္အျဖစ္ သတ္မွတ္တယ္။
ဒီမိုကေရစီကို သစၥာေဖာက္သူေတြကို ေခါင္းေဆာင္အျဖစ္ သတ္မွတ္ၿပီး၊
ေထာက္ခံေနတဲ့လူေတြကို နီေပါ ေတြအျဖစ္သတ္မွတ္တယ္" လို့ေဖာ္ျပထား
တယ္ေနာ္။
ညိေလး ျမတ္လိွုင္း။
"နီေပါ" ဆိုတဲ့ စကားလုံးဟာ၊ အစ္ကို့အေနနဲ့ ဘယ္လိုမွ လက္မခံႏိုင္တဲ့
စကားလုံးပဲ။ (ေနာက္ထပ္ လက္မခံႏိုင္တဲ့ စကားလုံးတစ္လုံး ရွိေသးတယ္။
ေနာက္မွ ဆက္ေျပာမယ္)
"နီေပါ" လို့ မင္းေျပာဆိုလိုက္တာဟာ၊ လက္ရွိ NLD ပါတီနဲ့ ေဒၚေအာင္ဆန္း
စုၾကည္ကို ေထာက္ခံေနတဲ့လူေတြကို ရည္ညႊန္းလိုက္တာလို့ အစ္ကို နား
လည္ပါတယ္။
ဟုတ္ပါၿပီ ညီေလးေရ။
အဲဒီ NLD ပါတီဆိုတာ၊ မင္းတို့ငါတို့ေတြ၊ ဘ၀ပ်က္ခံ၊ ေထာင္က်ခံ၊ ဒုကၡ
အမ်ိဳးမ်ိဳးခံၿပီး၊ စစ္အစိုးရ အဆက္ဆက္ကို ဆန့္က်င္တြန္းလွန္တိုက္ခိုက္ၿပီး
တည္ေဆာက္ယူလာခဲ့ရတဲ့ ပါတီပါ။
NLD ဆိုတာ သူခိုးသူယုတ္ေတြ၊ လူဆိုးၾကမ္းပိုးေတြ၊ လူလိမ္လူညာေတြ
တည္ေဆာက္ခဲ့တဲ့ပါတီ မဟုတ္ပါဘူး။
NLD ဆိုတာ မီးလွ်ံၾကားက ပြင့္လာတဲ့ ပဒုမၼာၾကာပါ ညီေလး။
NLD ဆိုတာ ျပာပုံထဲက ၀ိညာဥ္အသစ္ရတဲ့ ဖီးနစ္ငွက္ပါ ညိေလး။
ဒီလို ကိုယ္တိုင္ပါ၀င္ခဲ့တဲ့၊ သမိုင္း၀င္ အစဥ္အလာႀကီးမားလွတဲ့ ပါတီ
အေပၚ ေထာက္ခံသူ၊ ၀န္းရံသူေတြကို "နီေပါေတြ" လို့ ရွဳတ္ခ်ေစာ္ကား
လိုက္တာဟာ၊ မင္း ရာဇ၀င္ေဘး(ရာဗ၀င္ေဘး) သင့္သြားၿပီ ညီေလး။ မင္းမွာ တာ၀န္ရွိသြားၿပီ ညီေလး။
"နီေပါေတြ" လို့ စြပ္စြဲပုတ္ခတ္လိုက္တာဟာ၊ သူတို့ ေထာက္ခံ ၀န္းရံေန
တဲ့ ပါတီ(NLD) ကိုပါ "နီေပါပါတီ" လို့ သမုတ္ပစ္လိုက္သလိုပါပဲ။
ျမတ္လိွဳင္း ညီေလး။
အခုေခတ္မွာ NLD ကို ေထာက္ခံ၀န္းရံေနတဲ့ အဓိကအင္အားစုဟာ၊
ရွစ္ေလးလုံးလူထုအေရးေတာ္ပုံေနာက္ပိုင္း ေပၚထြန္းလာတဲ့ (၁)
MILLENNIUM GENERATION နဲ့ (၂) SAFFRON GENERATION
ဒီႏွစ္ခုပဲ။
၂၁-ရာစု ေထာင္စုသစ္ မ၀င္ခင္နဲ့ ၀င္ၿပီးေနာက္မွာ၊ စစ္အာဏာရွင္စနစ္
ဖိႏွိပ္ခ်ဳပ္ခ်ယ္မွဳေအာက္ကေန၊ ႏိုင္ငံေရးတက္ၾကြလွဳပ္ရွားတဲ့ လူငယ္
မ်ိဳးဆက္သစ္ေတြ အင္နဲ့အားနဲ့ ေမြးဖြားလာခဲ့တယ္။
ေဒၚေအာင္ဆန္းစုၾကည္လည္း အိုပါၿပီ။ NLD ေအာင္လံဆိုတာ အဲဒီ
လူငယ္မ်ိဳးဆက္သစ္ေတြက လက္ဆင့္ကမ္း သယ္ေဆာင္သြားရမယ့္
သမိုင္းရဲ့ အနာဂတ္ေအာင္လံပါ။
NLD ဟာ တည္ၾကည္ႀကံ့ခိုင္ဆဲပါ ညီေလး။ NLD ဟာ "နီ" ဆဲပါ ညီေလး။
ညီေလး ျမတ္လိွဳင္း။
မင္းက မင္း့ သေဘာထားေၾကညာခ်က္ေအာက္ဆုံးမွာ-
"ျမတ္လိွဳင္း
(စစ္အာဏာရွင္စနစ္မုန္းတီးေရးသမားတစ္ေယာက္)" လို့ စာတန္းသြားတယ္။
မင္းလိုပဲ၊ အစ္ကိုတို့အားလုံးလည္း စစ္အာဏာရွင္စနစ္ကို မုန္းတီးၾကသူေတြ
ပါ။ စစ္အာဏာရွင္စနစ္ အျမစ္ျဖတ္ေခ်မွဳန္းဖို့ စိတ္အားထက္သန္ ေတာ္လွန္
ေနၾကသူေတြပါ။
အစ္ကို့ဘ၀တစ္ေလွ်ာက္လုံး "နီ" ခဲ့ပါတယ္။ အဲဒီလို "နီ" ခဲ့လို့လည္း၊ သူငယ္
ခ်င္းအရင္းတခ်ိဳ့ကေတာင္ အစ္ကို့ကို ဆန့္က်င္ခဲ့၊ တိုက္ခိုက္ခဲ့တာေတြ မင္း
ကိုယ္ေတြ့ပဲ မဟုတ္လား ျမတ္လိွဳင္း။
အစ္ကိုက NLD ပါတီ၀င္ေဟာင္း။ အနိေဟာင္း။ PARTY VETERAN တစ္ေယာက္။ အခု အစ္ကိုက ၂၀၂၀ ေရြးေကာက္ပြဲ NLD ေအာင္ႏိုင္ေရး
အတြက္ ကဗ်ာနဲ့ ေထာက္ခံအားေပးတယ္။ (ၿပီးခဲ့တဲ့လက "၂၀၂၀" ဆိုတဲ့
အစ္ကို့ ကဗ်ာစာအုပ္။ ဆန္းစေသာ္တာက ထြက္တယ္။ NLD ELECTION
CAMPAIGN စာအုပ္ပါပဲ)
အစ္ကိုက NLD ေရြးေကာက္ပြဲႏိုင္ၿပီး၊ အစိုးရဖြဲ့ႏိုင္ဖို့ ေမွ်ာ္လင့္တယ္။ လိုလား
တယ္။ ဒါေၾကာင့္ NLD အနီေတြကို အားေပးတယ္။ ၀န္းရံတယ္။ ေဟာဒၤီလို
ကဗ်ာေရးတယ္။ (မင္းလိုပဲ ေၾကညာခ်က္ထုတ္တယ္)
"ႏို၀င္ဘာေၾကညာခ်က္"
တစ္ေတာလုံး နီ
တစ္ျပည္လုံး ရဲ။
ျခေသၤ့ ေခါင္း
ေဒါင္းနင္းမဲ့ ပြဲ။   ။
ညီေလးေရ။
မင္းေျပာသလိုဆိုရင္၊ NLD နဲ့ ေဒၚေအာင္ဆန္းစုၾကည္ကို ေထာက္ခံ၀န္းရံလို့၊
ငါလည္း "နီေပါ" တစ္ေယာက္ ျဖစ္သြားၿပီေပါ ့ကြာ။ စိတ္ေတာ့ မေကာင္းပါ
ဘူး။
မင္းလို NLD ရဲ့ ဗဟိုျပန္ၾကားေရးတာ၀န္ယူခဲ့ဖူးသူတစ္ေယာက္ဆီက
"နီေပါေတြ" ဆိုတဲ့စကား ၾကားရတာ ငါ ၀မ္းနည္းမိတယ္။
ျမတ္လိွဳင္းေရ။
ေနာက္တစ္ခု။ ငါ လက္မခံႏိုင္ဆုံး၊ မႀကိဳက္ဆုံး စကားလုံးတစ္လုံး၊ စကားႀကံဳ
လို့ မင္းကို ငါေျပာမယ္။ မင္းက ကဗ်ာဆရာတစ္ေယာက္ျဖစ္လို့၊ မင္းကို ငါ
ေျပာမယ္။
ငါ ့ဘ၀မွာ၊ အေရးေတာ္ပုံေခၚေခၚ၊ ေတာ္လွန္ေရးေခၚေခၚ၊ စစ္အာဏာရွင္
စနစ္ဆန့္က်င္တိုက္ဖ်က္ေရး လူထုလွဳပ္ရွားမွဳႀကီး (၃)ႀကိမ္ ႀကံဳခဲ့တယ္။
တကၠသိုလ္ေက်ာင္းသားဘ၀မွာ ၇၄-၇၅-၇၆ အေရးအခင္းေတြကို ျဖတ္သန္းခဲ့
တယ္။ ငါ ေထာင္ထဲေရာက္သြားတယ္။
ကဗ်ာဆရာဘ၀ ႏုစဥ္မွာ ရွစ္ေလးလုံးလူထုအုံၾကြမွဳႀကီးထဲကို ငါျဖတ္သန္းခဲ့
တယ္။ NLD ေခတ္ဦးမွာ ငါ ပါ၀င္ခဲ့တယ္။ ငါ ေထာင္ထဲေရာက္သြားျပန္တယ္။
ကဗ်ာဆရာဘ၀ ရင့္စဥ္မွာ ၂၀၀၇-ေရႊ၀ါေရာင္ေတာ္လွန္ေရးႀကီးကို ငါ ပါ၀င္
ျဖတ္သန္းခဲ့ျပန္တယ္။ ငါ ျပည္ေျပးျဖစ္သြားတယ္။
အခုအခ်ိန္မွာ ငါက "ျမစ္က်ိဳးအင္း" တစ္ခုပါ။ ျပည္ပေရာက္ေနတဲ့ ျပည္ေျပး
ကဗ်ာဆရာတစ္ေယာက္အေနနဲ့၊ ကိုယ့္သမိုင္းေရအလ်ဥ္ကို၊ ကိုယ္ မသြင္ႏိုင္၊
ကိုယ္ မစီးဆင္းႏိုင္တဲ့ ေရေသ၊ ျမစ္ေသသမားတစ္ေယာက္ပါ။
ညီေလး။ မင္းတို့ကေတာ့ ျပည္တြင္းမွာ ကိုယ့္ျပည္သူေတြနဲ့အတူ၊ ပင္မေရစီး
ေၾကာင္းကို စီးသြင္ ဆင္းလ်ဥ္ႏိုင္ေသးတဲ့ ေရရွင္၊ ျမစ္ရွင္သမားေတြပါ။
ျပည္ေျပးဘ၀ဦးမွာ၊ ျပည္တြင္းကထုတ္တဲ့ ကဗ်ာစာအုပ္တစ္အုပ္ကို ျမင္လိုက္
ရတဲ့အခ်ိန္၊ ရုတ္တရက္ မင္တက္မိသြားတယ္။ ၿပီးေတာ့ ေၾကကြဲတုန္ရီရ
တယ္။ ႏွလုံးသား ဆတ္ဆတ္ခါေအာင္ နာၾကည္းေဒါသျဖစ္ခဲ့ရတယ္ ညီေရ။
အဲဒီစာအုပ္နာမည္က "ေတာ္လွန္ေၾကာင္" တဲ့။
ေတာ္လွန္ေရးကို သေရာ္လိုက္၊ ေလွာင္ေျပာင္လိုက္၊ ေတာ္လွန္ေရးကို
ေသးသိမ္ေအာင္ သိကၡာခ်လိုက္၊ ပုံဖ်က္လိုက္တဲ့ စာအုပ္ပါပဲ။
မင္း ၾကားဖူး မွတ္ဖူးမွာပါ ျမတ္လိွဳင္း။ ၁၉၆၉ တုန္းက တို့ CP အစ္ကိုႀကီးေတြ
"ေတာ္လွန္ကဗ်ာ" စာအုပ္ထုတ္ခဲ့တုန္းက၊ ဆရာၿငိမ္းေက်ာ္တို့၊ ငသိုင္းေခ်ာင္း
၀ံသာတို့၊ အညာတမာတို့ RF အုပ္စုက "ကဗ်ာအႏုပဋိေလာမ" ဆိုၿပီး
တန္ျပန္တိုက္ခိုက္တဲ့ ကဗ်ာစာအုပ္ ထုတ္ခဲ့ဖူးတဲ့ ရာဇ၀င္ရွိတယ္ေလ။
ခုလည္း ၾကည့္ပါဦးကြာ။ "ေတာ္လွန္ေၾကာင္" တဲ့။
ေတာ္လွန္ေရးဆိုတဲ့ စကားလုံးဟာ၊ ေလွာင္စရာ ေျပာင္စရာမွ မဟုတ္ရတာ
ကိုကြာ။ လုပ္ရက္တယ္။
 ေတာ္လွန္ေရးကို ထဲထဲ၀င္၀င္ မလုပ္ဖူးဘဲနဲ့၊ မတ္၀ါဒကို စနစ္တက်နားမလည္ဘဲနဲ့၊ ကြန္ျမဴနစ္ဆိုတာ ဘာလဲ ဂဃနဏ
မသိဘဲနဲ့၊ ဒါကို ငါ ျပည္တြင္းက လူငယ္ကဗ်ာဆရာတခ်ိဳ့(တခ်ိဳ့)႔ရဲ့ ပညာ
တတ္မဆန္တဲ့ လုပ္ရပ္လို့ သတ္မွတ္ခဲ့တယ္။
ငါတို့ဟာ စာေပစိစစ္ေရးရွိတဲ့ စနစ္ေအာက္မွာ၊ ငါတို့ရဲ့အိပ္မက္ေတြကို၊
နီရဲေတာက္ပ ထက္ျမက္လွပေနေအာင္ တည္ေဆာက္ယူခဲ့ၾကတယ္။
ေဟာ- အခု၊ စာေပစိစစ္ေရး မရွိေတာ့တဲ့ အေျခအေနမွာ၊ ေနာက္ေမြးလာ
တဲ့ မ်ိဳးဆက္သစ္လူငယ္ကဗ်ာဆရာတခ်ိဳ့(တခ်ိဳ့)က၊ ငါတို့ရဲ့ နီရဲေတာက္ပ ထက္ျမက္လွပခဲ့တဲ့ အိပ္မက္ေတြကို လြယ္လြယ္ကူကူ ေလွာင္ေျပာင္ေနပါေရာလား။
ေပၚေပၚထင္ထင္ သေရာ္ေနပါေရာလား။
ညီေလး ျမတ္လိွဳင္း။
ငါတို့ရဲ့" ျပည္သူ့ဒီမိုကေရစီေတာ္လွန္ေရး" က ဆုံးခန္းမတိုင္ေသးပါဘူး။
NLD ရဲ့ "ဒီမိုကေရစီေတာ္လွန္ေရး" ကလည္း ခရီး မဆုံးေသးပါဘူး။
၂၀၀၈ နာဂစ္ ေျခ/ဥ ေအာက္မွာ ေရြးေကာက္ပြဲ၀င္တာကို၊ ဒီမိုကေရစီ
သစၥာေဖာက္တယ္လို့ မင္း(တို့)ျမင္ေနရင္လည္း၊ ငါ ဘာမွ မေျပာလိုေတာ့ပါ
ဘူး ညီေလး။
ငါေျပာႏိုင္တာ တစ္ခုကေတာ့၊ ငါ အိမ္မျပန္ႏိုင္ေသးေပမဲ့၊ အိမ္ကို ငါ လြမ္းတယ္။ ငါ ့အလြမ္းဟာ၊ ငါ ့သိကၡာပဲ။ ငါ ့သိကၡာထဲမွာ "ကဗ်ာဆရာ"
ဆိုတဲ့ ဂုဏ္ပုဒ္ကို ငါ တန္ဖိုးအထားဆုံးပါပဲ။
မီးလွ်ံၾကားမွာ
ပဒုမၼာၾကာက
ၾကယ္လိုပြင့္တယ္။
ျပာပုံထက္မွာ
ဖီးနစ္ငွက္က
အသက္သစ္ရေတာ့
ျမစ္လို လိွဳင္းထ ပ်ံသြားၿပီ။
ညီေလးေရ။
ကိုဗစ္အာဏာရွင္စနစ္က
ဆူးရစ္သရဖူမွာ
ဓားခၽြန္ေတြ စီလို့။
ညီေလးေရ။
က်န္းမာေအာင္ေနပါ။
က်န္းမာမွ တိုက္ခိုက္ႏိုင္မယ္။    ။

မင္းရဲ့အစ္ကို၊ မင္းရဲ့ရဲေဘာ္

ေ အ ာ င္ ေ ၀ း
(ေအာက္တိုဘာ ၉၊ ၂၀၂၀)