Monday, June 23, 2008

an article from Cherry Mag:

ပို့စ်မော်ဒန်၊ ဗဟုရာဇ်ကဗျာ

ညက ကဗျာတပုဒ် ဖတ်ခဲ့သည်။
နွေနှောင်း နွေဦးစ၊ မြူဝေမှုန်၍ နေရောင်မှိုင်းရီသော ငွေ့ပြာပြာ တနံနက်ခင်းမှာ ဖြစ်သည်။ နှင်းမြူတောထဲမှာ မိမိ တိုးဝင် လျှောက်လှမ်းလာခဲ့သည်။ နံနက်ခါ ဒစ်ဂျစ်တယ်ရေဒီယိုကလေး ဖွင့်ပြီး လမ်းလျှောက်သည့်အကျင့်ကို မိမိလုပ်ခဲ့တာ ကြာပြီ။ အထူးသဖြင့် နံနက်ဦး နေရောင်မျှင်မြအောက်မှာ လမ်းလျှောက်ခြင်းဖြစ်သည်။ နေရောင်ဦးသည် လူ၏စိတ်နှင့် ခန္ဓာကိုယ်ကို ကျန်းမာလန်းဖြာစေပါသည်။ နံနက် နေရောင်နုနုနှင့် ပြည့်ပြည့်၀၀ ထိတွေ့ရပါက ညဘက်တွင် ကောင်းစွာအိပ်ပျော်သည်ဟု ဆေးပညာရှင်တို့က ဆိုပေသည်။ ယခုအခါ မိမိအသက် ငါးဆယ်ကျော်ပြီ။ မငယ်တော့ပါ။ လူငယ်ဘ၀ကလို မိုက်မိုက်ကန်းကန်း ပေပေတေတေ နေလို့မဖြစ်တော့ပါ။ အသက်ဉာဏ် စောင့်တရားကို မိမိ ရလာသည်။ ထူးအိမ်သင် ကွယ်လွန်သွားစဉ်က နေ့မြင်ညပျောက်တရားကို မိမိ ရလိုက်သည်။ ထိုအခါ မိမိ ကျန်းမာရေးကို ပိုမိုဂရုစိုက်လာရသည်။ အရက်နှင့် ဆေးလိပ်ကို မိမိ တိခနဲ ဖြတ်ပစ်ခဲ့တာ ကြာပြီ။ ၁၉၈၈ ခုနှစ် နှစ်စကတည်းက ဖြစ်သည်။ လောဘ၊ ဒေါသ၊ မောဟတွေ လျှော့ပစ်၊ အလိုရမ္မက်တွေ၊ ကိလေသောတွေ၊ ဆန္ဒတွေ လျှော့ပစ်။ မိမိကိုယ်မိမိ နားချနေရသည်။ ကျန်းမာရေးကို ဂရုစိုက်၊ မိမိကိုယ်မိမိ တိုက်တွန်းနေရသည်။
သို့ဖြင့် ယခုအခါ နံနက်လင်းလျှင် မိမိ ဓာတ်ကြီးလေးပါးနှင့် ညားရတော့သည်။ တနည်း ဓာတ်ကြီးလေးပါးလေ့ကျင့်ခန်း လုပ်ရတော့သည်။ ရေမြေလေမီး ဓာတ်ကြီးလေးပါးနှင့် မိမိ မလွတ်မကင်း ဖြစ်နေရတော့သည်။


နံနက်စောစော အိပ်ရာက ထထခြင်း 'ရေ' မတ်ခွက်ကြီးတစ်ခွက် ပြည့်ပြည့် အ၀သောက်ပါသည်။ ရေသောက်ပြီး သန့်စင်ခန်းဝင်၊ သွားတိုက်၊ မျက်နှာသစ်ပြီးသော မိမိ ရေဒီယိုကလေးဖွင့်ပြီး 'မြေ' ကြီးပေါ် လမ်းလျှောက်ထွက်ပါသည်။ နံနက်ခင်း 'လေ'သန့်လေအေးကို တ၀ရှူပါသည်။ 'မီး'ဓာတ်ပေးသော နေရောင်ခြည်ဖြာလက်သော ကွင်းပြင်ကျယ် လွတ်လပ်သည့်နေရာကို ရွေး၍ မိမိ လျှောက်ပါသည်။ ဒါ မိမိရဲ့ဓာတ်ကြီးလေးပါး နံနက်ခင်း လေ့ကျင့်ခန်းဖြစ်ပါသည်။
ကိုယ်ကျန်းမာစေဖို့ မကျန်းမာစေမယ့်အရာတွေကို လျှော့ရသည်။ အထူးသဖြင့် မိမိ ငယ်စိတ်ငယ်မာန်ကို လျှော့ရသည်။ အတိုင်းအတာတခုအထိတော့ ရသလို ရှိသည်။ သို့သော် မိမိယုံကြည်ချက် စိတ်ဓာတ်ကိုတော့ လျှော့လို့မရ။ ဘယ်လိုနည်းနဲ့မှ မရ။ မိမိယုံကြည်ချက်ကို မိမိယုံကြည်နေဆဲဖြစ်သည်။ လက်ရှိ မိမိရေးနေတဲ့စာတွေ ကဗျာတွေထဲမှာ ကိုယ့်ယုံကြည်ချက်ကို ကိုယ် ပြန်သစ္စာဖောက်သည့် အရေးအသားမျိုးတွေ ပါမလာအောင် ဂရုစိုက်ရမည်။
အကယ်၍ မိမိစာအုပ်တအုပ်တလေထဲမှာ ဒါမျိုး သစ္စာဖောက်တာတွေ ပါတယ်လို့ စာဖတ်ပရိသတ်က ထင်မြင်ယူဆမိရင်လည်း တခါတည်း အောင်ဝေးရဲ့စာအုပ်တွေကို ဆွဲသာ လွှင့်ပစ်လိုက်ပါတော့။
မိမိကတော့ ကိုယ်ယုံကြည်လို့ ရဲရဲလျှောက်ခဲ့တဲ့ လမ်းပေါ်မှာ ယုံယုံကြည်ကြည် ဆက်လျှောက်လှမ်းနေပါ၏။ မိမိယုံကြည်တာကိုပဲ မိမိ ယုံကြည်ချင်ပါ၏။
ရေဒီယိုကလေးဖွင့်ပြီး မိမိ လျှောက်လှမ်းလာနေခဲ့ပါသည်။ မြူကွဲပေပြီ။ နေရောင် ၀င်းလာသည်။ ရင်ထဲမှာလည်း ရှင်းနေသည်။
ထိုနံနက်ခင်းက ရောင်လင်းကျင်းသော ကွင်းပြင်ကျယ်ကိုဖြတ်ကာ မိမိ အိမ်ပြန်လာခဲ့သည်။ အိမ်ရောက်တော့ မိမိ ညတုန်းက ဖတ်ခဲ့သော ကဗျာကို ပြန်ဖတ်သည်။ ကဗျာမှာ 'ရာမျိုး'၏ကဗျာဖြစ်သည်။
အရသာ
ရာမျိုး

ဒီဘက်ခေတ်မှာ
မာ့က်စ်ဝါဒအကြောင်း
မပြောချင်တော့ဘူး။
ဒီဘက်ခေတ်မှာ
အဖြူအမည်းရုပ်ရှင်တွေထဲက
မင်းသား'ရွှေဘ'အကြောင်း
ဒီဘက်ခေတ်ကို
ဖြတ်လျှောက်ဖို့
သမိုင်းစာအုပ်ကိုလှန်ဖတ်ရင်း
ပက်လက်ကုလားထိုင်ပေါ်
အိပ်ပျော်သွားခဲ့တဲ့
နေ့တချို့ရှိရဲ့။
ဘ၀မှာအဆင်မပြေတဲ့
နေ့တချို့မှာ
ကိုယ့်ကိုယ်ကိုယ်
လိမ်ညာခံရတာတွေကို
ပြန်သတိရလာမိတယ်။
လူငယ်ဘ၀မိုက်ခဲ့ရတာတွေ
လူငယ်ဘ၀ကြိုက်ခဲ့ရတာတွေ
တိမ်တွေလို
အစိုင်အခဲလိုက်ရှိပေမဲ့
မရွာသွန်းတော့ပါဘူး။
မတော်တဆ
လမ်းပေါ်မှာ
ငွေစကြေးစ တွေ့တတ်ပေမဲ့
ကိုးကွယ်စရာသူရဲကောင်းကျ အရှားသား
ဒီအရပ်မှာ ဒီပန်း ပွင့်အပ်တယ်လို့
အသိအမြင်တွေ များပေမဲ့
ဒီလိုလူစားမျိုးကျ တကယ်တမ်း ရှိမထင်ဘူး
တနေ့မှာ
ခင်ဗျားလည်း
အောင်မြင်ချင်ပါလိမ့်မယ်
အောင်မြင်မှုဆိုတာ
မြက်ခင်းစိမ်းစိမ်းကြီးပေါ်
ထိုင်နေရတဲ့
အရသာနဲ့တူရင်တော့
ကျွန်တော်လည်း လိုချင်ပါတယ်။

(ရနံ့သစ်၊ မတ် ၂၀၀၆)
ယနေ့ ဗဟုဝါဒခေတ်ကမ္ဘာကြီးမှာ တူရူချက်(rend)ဟု ဆိုသော လမ်းကြောင်းကြီး အဓိကအားဖြင့် နှစ်ခုရှိမည်ဟု ဆိုသည်။
ယင်းတို့မှာ Democratization နှင့် Globalization တို့ဟူ၍ ဖြစ်သည်။ နိုင်ငံရေး၊ စီးပွားရေး၊ လူမှုရေး ကဏ္ဍ အသီးသီးတွင် ဒီမိုကရေစီပြုရေး နှင့် ကမ္ဘာပြုရေးတို့ လွှမ်းခြုံ အရေးပါလာခြင်းဖြစ်သည်။
မိမိတို့ စာပေမှာရော။
စာပေမှာတော့ ယနေ့ကမ္ဘာ့စာပေတွင် အဓိက စာပေအတွေးအခေါ် ရေစီးကြောင်းကြီး သုံးကြောင်း ဖြတ်သန်းစီးဆင်းနေသည်ဟု ပညာရှင်တို့ ဆိုပါသည်။ ယင်းတို့ကား
၁။ ပို့စ်မော်ဒန်လမ်းကြောင်း (Post Mordermism)
၂။ ပို့စ်မာ့က်စ်လမ်းကြောင်း (Post Marxism)
၃။ ဣတ္တိယလမ်းကြောင်း (မိန်းမသားဝါဒ) (Femenism)
(အကျယ်ကို ဇော်ဇော်အောင် - စာပေသဘောတရား အခြေခံကျမ်း၊ ပထမအကြိမ်၊ ၁၉၉၆၊ မုံရွေးစာအုပ်တိုက် နှင့် မင်းခက်ရဲ - ပို့စ်မော်ဒန်လောကအမြင်၊ ပထမအကြိမ်၊ ၂၀၀၆၊ ၀ိမုတ္တိစာပေ တို့တွင် ရှုပါ။)
ယခုအခါ ကမ္ဘာကြီးတွင် ပြောင်းလဲသွားခဲ့ပြီဖြစ်သည်။ ဂန္ထ၀င်မာ့က်စ်ဝါဒသည် ပြတိုက်ထဲ ရောက်သွားခဲ့ပြီဖြစ်သည်။ မိမိ ၀န်ခံရမည်။ ရာမျိုးက သူ့ကဗျာထဲမှာ -
“လူငယ်ဘ၀ မိုက်ခဲ့ရတာတွေ
လူငယ်ဘ၀ကြိုက်ခဲ့ရတာတွေ” ဟု ရေးထားသလို မိမိလည်း ငယ်စဉ်က လက်ဝဲ၀ါဒကို ကြိုက်ခဲ့ပြီး၊ လက်ဝဲစာအုပ်တွေ ကြိုက်ခဲ့ပြီး၊ စာသင်ခန်းနှင့်ဝေးအောင် မိုက်ခဲ့ဖူးကြောင်း၊ နရသိန်ကန္တာရထဲရောက်အောင် မိုက်ခဲ့ဖူးကြောင်း ၀န်ခံပါသည်။
ယခု ပို့စ်မာ့က်စ်စာပေလမ်းကြောင်း အတွေးအခေါ်သစ်ကတော့ လူသား၏ ဂုဏ်ရည်ဂုဏ်သွေး(Humanity)ကို အာရုံစိုက်ပေသည်။ ပို့စ်မာ့က်စ်စာပေအမြင်အရ လူ၏ တသီးပုဂ္ဂလသဘော (Individuality)တွင် အရေးတကြီး လက်ခံရမည့်အရာ ဖြစ်ပါသည်။ ပို့စ်မာ့က်စ်လမ်းကြောင်းစာပေက လူ၏ အတွင်းစိတ်ခံစားသူ(Inner Feeling)ကို လေးစားသည်။ လွတ်လပ်စွာ ဖော်ထုတ်ချက် (Freedom of expression)ကို ကျင့်သုံးသည်။
“အရသာ” ကဗျာကို ရေးလိုက်သော ကဗျာဆရာ“ရာမျိုး”မှာ လူငယ်တယောက် ဖြစ်ပါသည်။ သူသည် ဆရာဒဂုန်တာရာ အလိုအရ စတုတ္ထမျိုးဆက်က ဖြစ်သည်။ ရာမျိုးသည် မျိုးဆက်သစ်၊ သမိုင်းသိစိတ်ရှိသူ၊ အစဉ်အလာကို ဆက်ခံနိုင်သူ၊ လူငယ်၊ ကဗျာဆရာ။
ရာမျိုးက သူ့ဘ၀ (ကဗျာဆရာဘ၀) အဓိပ္ပာယ်နှင့်သူ၊ ထိုကဗျာကို ရေးလိုက်ခြင်း ဖြစ်သည်။ ရာမျိုးမှာ တောင်တွင်းကြီးကဗျာ လှုပ်ရှားမှုထဲမှ ရုန်းကန်ပွင့်လာသူဖြစ်သည်။ တောင်တွင်းမောင်မုန်းမာန်၊ မောင်သက်လွှာ(တောင်တွင်း)၊ မောင်ခိုင်မိုး(မြို့သစ်)၊ မောင်ကြည်သာ၊ မောင်ခင်သာ၊ ထွန်းဝေမြင့်၊ ၀င်းဌေးဦး(မင်းဘူး)၊ လှိုင်မွန်(မင်းဘူး)၊ ချစ်လေးမြတ်(၀မ်းတွင်း)၊ မောင်စူးရှ၊ တောင်တွင်းယဉ်မင်းကြိုင်၊ မောင်ယဉ်ညွန့်(တောင်တွင်း) စသည်ဖြင့် ထိုကဗျာဆရာများမှာ ရာမျိုးတို့အရင် ရှေ့မျိုးဆက်က တောင်တွင်းကဗျာအင်အားစုဖြစ်သည်။
ယခုခေတ်ပေါ်ကဗျာခေတ်မှာ ရာမျိုးသည် နေ၀န်ဦး၊ ဝေဦးကို၊ သစ္စာပိုင်စိုး၊ တင်ထွန်းလင်း စသူတို့နှင့်အတူ ခေတ်ပြိုင်လူငယ် မျိုးဆက်သစ် တောင်တွင်းကဗျာအင်အားစုထဲမှဖြစ်သည်။
ရာမျိုးက သူ့ကဗျာထဲမှာ သူကိုယ်တိုင်(သို့မဟုတ် သူတို့မျိုးဆက်) လိမ်ညာခံရတာကို ပြောသည်။ ကိုးကွယ်စရာ သူရဲကောင်းရှားသည်ဟု ပြောသည်။ ရာမျိုးအနေနှင့် မျိုးဆက်ဟောင်းအပေါ် စွဲချက်တင်လိုဟန်လား၊ ဒီကနေ့မှာ ရာမျိုးတို့လို လူငယ်တွေအတွက် ideal စံပြုပုဂ္ဂိုလ် Role Model ရှာမတွေ့တာလား။

“ဒီအရပ်မှာ ဒီပန်းပွင့်အပ်တယ်လို့
အသိအမြင်တွေ များပေမဲ့
ဒီလိုလူစားမျိုးကျ တကယ်တမ်းရှိမထင်ဘူး”
ရာမျိုးတို့စိတ်ထဲကိုတော့ အဆိုးမြင်ဝါဒတွေ ၀င်မလာစေလိုပါ။ ဒီအရပ်မှာ ဒီပန်းပွင့်အပ်တယ် ဆိုတာကို ရဲရဲ ယုံကြည်ဖို့ပဲ အရေးကြီးပါသည်။ ယုံကြည်တယ်ဆိုလျှင် တနေ့မှာ ကောက်ရိတ်ပွဲတော်နွဲဖို့ နွေဦးဆိုက်ရောက်လာလ်ိမ့်မည်မှာ မလွဲပါ။
ရာမျိုးနှင့်တကွ လူငယ်အားလုံးကို ကျေးဇူးတင်ပါသည်။


Wednesday, June 18, 2008

spring in Michigan

အဝေးရောက်ကဗျာတစ်ပုဒ်


မစ်ရှီဂန်နွေဦး

ဒီနွေဦးမှာ
ဂျူးလိယက်ဖူးချစ်ကို သတိရသလို
ယာမာဂူချီကိုလည်း သတိရတယ်။

ဒီနွေဦးမှာ
ပါဘလိုနီရူဒါကိုသတိရသလို
ဒဂုန်တာရာကိုလည်း သတိရတယ်။

ဒီနွေဦးမှာ
မဲဆောက် ဒေါင်းရင်ပြင်ကို သတိရသလို
တာမွေ ၁၆၄ လမ်းကိုလည်း သတိရတယ်။

ဒီနွေဦးမှာ
ရွှေလီက မြန်မာတန်းကို သတိရသလို
ရန်ကုန်က တရုတ်တန်းကိုလည်း သတိရတယ်။

ဒီနွေဦးမှာ
ကျော်သူနဲ့ ရွှေဇီးကွက်ကို သတိရသလို
အင်ဂျလီနာဂျီုလီကိုလည်း သတိရတယ်။

ဒီနွေဦးမှာ
ချာလီချက်ပလင်ကို သတိရသလို
ဇာဂနာကိုလည်း သတိရတယ်။

ဒီနွေဦးမှာ
ဘော့ဘ်ဒိုင်လန်ကို သတိရသလို
ခင်ဝမ်းနဲ့ ထူးအိမ်သင်ကိုလည်း သတိရတယ်။

ဒီနွေဦးမှာ
မော်ရဲ့ချန်ချင်းကို သတိရသလို
ကိုဗဟိန်းရဲ့ မခင်ကြီးကိုလည်း သတိရတယ်။

ဒီနွေဦးမှာ
အော့ဇဝစ်ကို သတိရသလို
စောဝေကိုလည်း သတိရတယ်။

ဒီနွေဦးမှာ
သီးလေးသီးနဲ့ ဆေးရောင်စုံကို သတိရသလို
အဖြူရောင်သက်တံကိုလည်း သတိရတယ်။

ဒီနွေဦးမှာ
နန္ဒာလှိူင်ကို သတိရသလို
စုစုနွေးကိုလည်း သတိရတယ်။

ဒီနွေဦးမှာ
မန်ချက်စတာယူနိုက်တက်ကို သတိရသလို
စိုးမြတ်မင်းတို့ ဘဏ္ဍာအခွန်ကိုလည်း သတိရတယ်။

ဒီနွေဦးမှာ
ဗန်ဂိုးရဲ့ဆိုက်ပရပ်စ်လမ်းကို သတိရသလို
တောင်ကြီးမြို့ က ချစ်သူလမ်းကြားကိုလည်း သတိရတယ်။

ဒီနွေဦးမှာ
ငုယင်ဗန်ထရွိုင်းကို သတိရသလို
ဗိုလ်ကြီးအုန်းကျော်မြင့်ကိုလည်း သတိရတယ်။

ဒီနွေဦးမှာ
မစ္စစ္စပီကို သတိရသလို
ဧရာဝတီကိုလည်း သတိရတယ်။

ဒီနွေဦးမှာ
ခရစ္စတီးနားရဲ့ ကမ္ဘာကို သတိရသလို
မြောက်ဒဂုံကအိမ်ကလေးကိုလည်း သတိရတယ်။

ဒီနွေဦးမှာ
ဆရာတင်မိုးကို သတိရသလို
မန္တလေးကိုလည်း သတိရတယ်။

ဒီနွေဦးမှာ
ပဒိုမန်းရှာလားဖန်းကို သတိရသလို
ကြွက်နီကိုလည်း သတိရတယ်။

ဒီနွေဦးမှာ
အင်တာနေရှင်နယ်သီချင်းကို သတိရသလို
နတ်ရှင်နောင်သီချင်းကိုလည်း သတိရတယ်။

ဒီနွေဦးမှာ
ဂက်တီးစဘတ်မိန့်ခွန်းကို သတိရသလို
ယင်အန်းမိန့်ခွန်းကိုလည်း သတိရတယ်။

ဒီနွေဦးမှာ
ဝက်သစ်ချပင်နဲ့ ဖဲကြိုးဝါကို သတိရသလို
ပိတောက်ပန်းကိုလည်း သတိရတယ်။

ဒီနွေဦးမှာ
စွန့်လွှတ်မှုကို သိရသလို
စွန့်စားမှုကိုလည်း သတိရတယ်။

ဒီနွေဦးမှာ
ငါသတိအရဆုံးကတော့
ဒေါ်အောင်ဆန်းစုကြည်နဲ့ 
မေလတော်လှန်ရေးပါပဲ။ ။


အောင်ဝေး


(မူရင်း Freedom Fighter for Burma ဘလော့ဂ်နေနတ်ရှင်ဘလော့)

telegram


လူထုဆန္ဒခံယူပွဲအတွက်ကဗျာ

ကြေးနန်း


ဒါဒါ-ဒစ်ဒစ်-ဒါဒါ-
‘‘မာလာ ပုလဲပြီးရင်
မာလာ ကမာလာမယ်’’

ဒါဒါ-ဒစ်ဒစ်-ဒါဒါ-
‘‘မပ ပြီးရင်မက ပေါ့’’
ဒါဒါ-ဒစ်ဒစ်-ဒါဒါ-

‘‘ဟုတ်တယ်-ဟုတ်တယ်’’
မဲပေးပြီးရင်
မိုင်းကွဲမယ်
ဒါပဲ-ဒါပဲ။

(မေ ၁၀ တော်လှန်ရေးသို့ )
အောင်ဝေး

(မူရင်း - Freedom Fighter for Burma ဘလော့ဂ် )

steps for freedom


လွတ်မြောက်ရေးအတွက် ခြေလှမ်းများ

ရှန်ဟိုင်းမှသည်
ယင်အန်းဆီ
ချီတက်တောင်ပေါ်
လျှိုမြောင်ဖြတ်သန်း။

မိုင်၆၀၀၀ ကျော်
‘မော်’ နဲ့ ‘ချု’ တို့ 
တော်လှန်ခရီးကြမ်း။

အိုရီဂွန်မှ နယူးယောက်
နှစ်ယောက်တည်း စစ်ကြောင်း
ခွပ်ဒေါင်းအလံ
အမေရိကန်အလံ
ရန်-ငါပြတ် ခြေလှမ်း။

မိုင်၃၀၀၀ ကျော်
‘အေ’’ နဲ့  ‘‘ဇော်’’ တို့ 
တိုက်ပွဲခေါ်တဲ့လမ်း။ ။

(မိုင်၃၀၀၀ ခရီးပြင်းနှင်နေသော
အေသင်နှင့် ဇော်မင်းထွေးသို့ )
အောင်ဝေး

(မူရင်း - Freedom Fighter for Burma ဘလော့ဂ် )

မဲဆောက်ကြေညာချက်

ရန်-ငါ မပြတ်လို့
သံဃာ အသတ်ခံရတာ။

သွေးကြွေးမှာ
ဆွေးနွေးစရာမရှိ။ ။

အောင်ဝေး
မြန်မာနိုင်ငံကဗျာဆရာ

(မူရင်း - Freedom Fighter for Burma )

Friday, June 6, 2008

အရှေ့ရိုးမပေါ်က ညစာ

( ၁ )

အရှေ့ရိုးမရဲ့

ရေချိုးပြီးစည၊ လှပနေပါပြီ။

မီးခိုးပြာမြမြ

လှိုင်းခုံးထခရမ်းရောင်၊ ကြယ်ရောင်လရောင်

မညိုမှောင်ခင်

တောင်ခြေကို ကပ်ကြတော့မယ်။

ဒါ ... နောက်ဆုံး အခေါက်ပဲနော်

ရိုးထဲရေထဲ၊ ထင်းလှည်းဝါးလှည်း

ဟောဟဲဆူညံ၊ တောလှည်းအူသံ

ပူပန်စရာ

ကဗျာတစ်ပုဒ်။


ရိုးမရဲ့ နွေ

သေပြီ။


စစ်တောင်းမြစ်ကမ်းပါး

အလွမ်းများနဲ့

နွမ်းပါတဲ့ ရွာတွေ

နွေကို ဖြတ်သန်းခဲ့

စိမ်းလန်းတဲ့ အိပ်မက်တွေ

ငြိမ်သက်ကြွေကျခဲ့

ညကတော့

မှောင်ခဲ့ပါပြီ။


( ၂ )

ဧသန်လေထဲ

တောင်ခြေရွာမည်းမည်းလေး

လွမ်းဆွေးနေရှာတယ်။


ကိုင်း ... နားလိုက်ကြဦးစို့ရဲ့

ဖေ့သားကြီးတို့ရယ်

မီးရောင်မဲ့ည

လင်းဖွဲ့လိုက်ကြ၊ အခိုက်အတန့်မှာ။


မိုးနံ့ကလေးသင်း

ရိုးပြန့်ကလေးလင်း

ဝါးထင်းငုတ်တော၊ နွားချင်းရှုပ်ရော

မောလိုက်တာ။


လှည်းစခန်းတစ်ဝိုက်ဟာ

စိုအိုက်မြေပြာလွ

ရိုးမကတ္တီပါစ

ဖြန့်ချနေပါရဲ့။


မီးပုံထွန်းငြှိ

နွမ်းရိလှုပ်ခတ်၊ ရုပ်အဖွဲ့အစည်း

မပြီးသေးဘူးလေ။


လှည်းဦးဒေါက်ထောက်

သစ်ပင်အောက်၊ ၀ါးရုံအောက်

နွားငေါက်သံ၊ ဓားပျောက်သံ

ဆူညံပဲ့တင်ပြန်တယ်။


( ၃ )


မှိုင်းမြတဲ့

အရှေ့ည၊ လွမ်းတခဲ့ပြီ။


ကြယ်စလစ

မျက်စမှိတ်လင်း၊ ဆန်အရက်ပြင်းပြင်းတစ်ခွက်

အိပ်မက်တောင်မှ မမက်ရရှာဘူးကွယ်။


အရုဏ်တက်ရင်

အရှေ့တခွင်လုံးနီ၊ နေရီရီရိုးမ

နိုးထလို့လာမယ်။


သစ်ခွပြာရဲရင့်

မုန်တိုင်းသင့်သတဲ့

ရင်ဖြင့်ရင်းနှီး၊ မပြီးဆုံးသော

တောကြီးဟေ၀န်မှာ၊ နွေလွန်ပေမယ့်

တို့မလွန်သေးဘူး

မလွန်သေးဘူးကွယ်။


မနက်မလင်းခင်

ချဉ်းကပ်တောင်ပေါ်၊ လျှိုမြောင်တိုးရှဲ

ရိုးချောင်းစုန်ဆင်း၊ ထင်းဖြတ်သမား

ရှင်းပြတ်သွားတော့မယ်။


ဝါးခုတ်သမား

ဓားထုတ်ထားရော့မယ်။


( ၄ )

ဆာလောင်မှု မြင်းရိုင်းရထား

အတင်းစိုင်းသွား

ထမင်းဝိုင်းကြားမှာ။


ကွဲအက်ဆို့ညပ်

ရိုးမရဲ့လက်တွေ၊ ရှုပ်ယှက်ခတ်

ထမင်းတစ်နပ်ဟာ

အားလူးဟင်းတစ်ဖတ်နဲ့

အလွမ်းဇာတ်ပေလား။


အရှေ့ရိုးမကို လွမ်းတုန်း

လွမ်းတုန်း၊ လွမ်းတုန်း

နောက်ဆုံးအခေါက်၊ နောက်ဆုံးညစာ

ကဗျာမဆန်တဲ့ ရုပ်ပုံလွှာ။


ဗန်ဂိုး ရေ ...

ဆွဲလိုက်ပါလား

ရိုးမထဲက

အာလူးစားသူများ။

(မူရင်း - Heaven of DEVIL ဘလော့ဂ် )

Thursday, June 5, 2008

မိုးရေမျက်ရည် တဖွေးဖွေး

" ရွာငယ်ဇနပုဒ်
မီးလေးမှိတ်တုတ် "
ရင်ခလုပ်နှိပ် တေးသံတိတ်ပြီ
ဒိတ်...ဒိတ်
ဒိတ်...ဒိတ်
စိတ်နှင့်ရင်ခုန် မှုန်ရီေ၀၀ါး
ငါးရှာသလား ဖားပါသလား
လယ်ကွင်းရိုးများ ကန်သင်းကြား
မြွေပါးကင်းပါးမကြောက်
လမ်းပျောက်နေတဲ့ ကလေးငယ် ။

ဒီဇယ်မီးခွက်
တဲအိုထက်
စာရွက်ပေါ်က
ထမင်းကျနိုး ဟင်းကျနိုး
" ပညာရွှေအိုး
လူမခိုး "
တိုးတိုးဖတ်ပါသားရယ်..တဲ့
အမေနိုးနေတယ် ။
မနက်ကည
ဝမ်းခါးမလှ
နေ့တဓူဝ ရုန်းကန်ရ
မုဆိုးမအမေ
လယ်ထွန်မြေဆွ ပင်ပန်းလှ
လမဲ့တစ်ည အိပ်မရတော့
ဘ၀လယ်သူကူပါ့မယ်
အိပ်မက်ငယ်တို့ ပျက်ပြယ်သွား
ပင်လယ်ဝေပေါ့ ဒုက္ခများ ။
မနက်လင်းတော့
ဆင်းရဲတဲ့သား ငါးရောင်းပြီးမှ
ကျောင်းကိုသွား
နွမ်းပါးချို့ ငဲ့
ဆင်းရဲတဲ့အမေ
သေသူကိုလွမ်း သားကိုလွမ်း
အလွမ်းများနဲ့
စပါးခင်းဝင် ကောက်ငန်းပြင်
ထိုစဉ်...
ပါးပြင်စိုသွား မြေစိုသွား
မျက်ရည်ပေလား မိုးရေလား
မိုးရေပေလား မျက်ရည်လား ..။
အောင်ဝေး


(မူရင်း - ညိမ်းညိုဘလော့ဂ် )

“ ရိုးမြေကျ ပိတောက်“

ဖွင့်လိုက်တယ်….

ပြတင်းပေါက် တစ်ခုလုံး ၀ါထိန်သွားရော ၊

ရထားတစ်စင်းလုံး…

ဟယ်လင် မင်းသမီးတွေချည်း ပါသွားသလို

လှလိုက်တာ……….၊

စစ်အတွင်း

မီးရထား ဘူတာရုံကလေးရှေ့

စက်ခေါင်းတွေ အဖေမောင်းတုန်း

အမေ စိုက်ခဲ့တယ်လေ…..။ ။

အောင်ဝေး

(မူရင်း - ကာရန်လေး “ကာရန်မဲ့နေရာ” ဘလော့ဂ် )

Twelve Lines to Our Leader

1.Heroine behind bars
2.“Aung San Suu Kyi”, she – the red star.
3.Red star over Irrawaddy
4.“Aung San Suu Kyi”, she – the tragedy.
5.Tragedy in the dark
6.“Aung San Suu Kyi”, she – the sword.
7.Sword made of roses
8.“Aung San Suu Kyi”, she – the goddess.
9.Goddess of democracy
10.“Aung San Suu Kyi”, she – the strategy.
11.Strategy against junta
12.“Aung San Suu Kyi”, she – our freedom mother.

(Dedicated to Daw Aung San Suu Kyi's 12 years incarceration)

Aung Way (from a bomb-shelter)
Poet of Myanmar
8-10-2007

(မူရင်း - ဒေါက်တာလွဏ်းဆွေဘလော့ဂ် )

စုစုနွေး ဖတ်ဖို့ ကဗျာရှည်တပုဒ်


လေဆန်မှာ မြားတန်းလန်းနဲ့
ပျံသန်းရဲတဲ့ ငှက်သာ
မနက်ဖြန်အတွက် ဖြစ်တယ်။

ညီမလေး
ငါတို့ကတော့
တနှစ်အတွင်း အနိုင်တိုက်ရေး
အာဏာသိမ်းပိုက်ရေးပဲ ညီမလေး။

ဒီည
ငါ သတိရနေတယ်။

ညီမလေး
စိမ်းမှောင်မှောင် ပုန်းရှောင်နေရတဲ့
ဝပ်ကျင်းကလေးထဲကနေ
ငါ သတိရနေတယ်။

ဒီည
လရောင်က ငါ့မှာ မရှိဘူး။

ညီမလေး
အပြင်ဘက်မှာ လရောင်က
လုံခြုံရေးတွေ အတင်းအကျပ်ချထားတဲ့
အနိဌာရုံတွေပေါ်မှာ
အလုံးအရင်းနဲ့ သွန်ကျနေမပေါ့။


စစ်တပ်က အတင်းဝင်ရောက် စီးနင်းခဲ့တဲ့
ဘုန်းကြီးကျောင်းတွေပေါ်မှာ
ဂျပန်သတင်းထောက် ကန်ဂျိနာဂအိ
လဲကျ သေဆုံးသွားတဲ့ နေရာ
အနော်ရထာလမ်းပေါ်မှာ
ညီမလေး …
ရွှေတိဂုံ အရှေ့မုခ် လမ်းမပေါ်မှာ
ဆူးလေဘုရား ပရိဝုဏ်တ၀ိုက်မှာ
တာမွေ အထက(၃) ကျောင်းရှေ့မှာ
ညီမလေး …
ရန်ကုန်မြို့ နေရာအနှံ့က
မခြောက်သေးတဲ့ သွေးကွက်တွေပေါ်မှာ
လရောင်က
နာကြည်း ခံပြင်းစွာပဲ
ထိုးကျနေမှာပေါ့ ညီမလေး။

ဝပ်ကျင်းကလေးထဲ
ငါ စဉ်းစားနေမိရဲ့
ဒါဟာ
“သွေးစွန်းသော ငွေလမင်း” ပါပဲ ညီမလေးရယ်။

ငါ မဖြေသိမ့်နိုင်ဘူး။
ငါ ခွင့်မလွှတ်နိုင်ဘူး။

ညီမလေး
ငါတို့ကတော့
တနှစ်အတွင်း အနိုင်တိုက်ရေး
အာဏာသိမ်းပိုက်ရေးပဲ ညီမလေး။

ငါတို့ မကျေအေးနိုင်ဘူး။
ငါတို့ မစေ့စပ်နိုင်ဘူး။

ညီမလေး
ငါတို့ကတော့
အဲဒီ “လရောင် သွေးစွန်းမှု” အပေါ်
တရားမျှတမှု အတွက်
တရားမျှတမှုနဲ့ပဲ
တရားစီရင်ရမှာပဲ ညီမလေး။

ငါတို့ အချိန်မဆိုင်းနိုင်တော့ဘူး။
ငါတို့ အချိန်မဖြုန်းနိုင်တော့ဘူး။

ညီမလေး …
“စက်တင်ဘာ သွေးချောင်းစီးမှု” အပေါ်
တာဝန်ရှိတဲ့ မည်သူမဆို
စစ်ဗိုလ်၊ စစ်သား၊ လုံထိန်းရဲ
ကြံ့ဖွတ်၊ စွမ်းအားရှင်၊ သတင်းပေး
မိစ္ဆာဒိဌိ လွတ်လမ်းမမြင်သူတွေ
ညီမလေး …
ဘုရားသားတော်တွေ သံဃာတွေကိုတောင်
မရှောင် ရိုက်နှက် သတ်ဖြတ် ပစ်ခတ်
ငရဲကြီး ရှစ်ထပ်
အ၀ီစိ ဂျိူးကပ်မယ့်
စစ်တပ်က အာဏာရှင် လက်တဆုပ်စာ
ညီမလေး …
တရားမျှတမှုအတွက်
တရားမျှတမှုနဲ့
သူတို့ကို မညှာမတာ
လူထုခုံရုံး တင်ရမှာပဲ။

ငါတို့ မစောင့်နိုင်တော့ဘူး။
ငါတို့ လက်လွတ်မခံနိုင်တော့ဘူး။

ညီမလေး
စစ်အစိုးရဟာ
တနှစ်အတွင်း ပြုတ်ကျသွားစေရမယ်။

ညီမလေး
လူထုအစိုးရဟာ
တနှစ်အတွင်း ပေါ်ထွန်းလာစေရမယ်။

ဒီည
ငါ ယုံကြည် မျှော်လင့်နေတယ် ညီမလေး။

ငါ ပုန်းအိပ်နေတဲ့
ဝပ်ကျင်းကလေးထိပ်မှာ
မျှော်လင့်ချက် အရိပ်အယောင်တွေ
ပြည့်သိပ် ထွန်းလင်းနေတယ် ညီမလေး။

ငါ့အခန်း ကျဉ်းကျဉ်းကလေး
ပြတင်းပေါက်ကနေ
အပြင်ဘက်ကို ကြည့်လိုက်ရင်
ဝိုးတ၀ါး လရောင်အောက်မှာ
ဘူးစင်ကလေး တစင်
မြင်နေရတယ်။

ဘူးညွန့်နွယ်ကလေးတွေ
လေထဲမှာ တလွင့်လွင့်
စင်ပေါ်ကို
အဆင့်ဆင့် ကြိုးစား တွယ်တက်နေကြတာပေါ့။

တော်လှန်ရေးကို
ငါ မြင်နေရတာပါကွယ်။

လရောင် ကြယ်ရောင် အောက်ကနေ
နေရောင် တောက်ပတဲ့ တနေ့
အဲဒီဘူးညွန့် စိမ်းစိမ်းကလေးတွေ
စင်ပေါ်ကို ကျိန်းသေရောက်မှာပဲ။

ညီမလေးရယ်
တော်လှန်ရေးကို ငါမြင်နေရပါပေါ့။

“Evolutionary revolution” တဲ့
တို့တတွေ
ဘူးညွန့်နွယ်လေးတွေလို
အဆင့်ဆင့် တော်လှန်ပြောင်းလဲခဲ့ကြပြီ။

ဒီတခါ
တို့ တော်လှန်ပြောင်းလဲဖို့ကတော့
တနှစ်အတွင်း အနိုင်တိုက်ရေး
အာဏာသိမ်းပိုက်ရေးပဲ ညီမလေး။

အားမငယ်ပါနဲ့ ညီမလေး
“အာဇာနည်မျိုး သေရိုးမရှိ” တဲ့။

တိုက်ပွဲရဲ့ အဘိဓမ္မာ
တိုက်ပွဲရဲ့ အနုပညာတွေ
တို့မှာ အပြည့်
ဘူးနွယ်ညွန့်လေးတွေ
စင်ပေါ်ရောက်တဲ့ တနေ့
“၈၈ မျိုးဆက်”
“အန်အယ်လ်ဒီ လူငယ်”
“သုံးရောင်ခြယ်”
“အကြမ်းမဖက်”
“ဗကသ”
“တကသ”
… … …
တို့မောင်နှမတွေ
“ဒေါ်အောင်ဆန်းစုကြည်” ရဲ့ အလံတော်အောက်မှာ
တယောက်ကို တယောက်
ပြန်လည် တောက်ပနိုင်ကြမှာပါ။

အခုတော့ ညီမလေးရေ
မင်းလည်း ပုန်းနေပါဦး
အိုးဝေရဲသိန်းနိုင်ကိုလည်း စောင့်ရှောက်ပါဦး
အားမွေးထားပါဦး။

စစ်အစိုးရဟာ
မကြာခင်မှာ
ဘုန်းဘုန်းလဲပြိုသွားရတော့မယ်။

လူထုအစိုးရ
တို့ အစိုးရဟာ
မကြာခင် အောင်ပွဲခံဖို့ သေချာနေပြီ။

ယုံကြည်ပါ ညီမလေး
လေဆန်မှာ မြားတန်းလန်းနဲ့
ပျံသန်းရဲတဲ့ ငှက်သာ
မနက်ဖြန်အတွက် ဖြစ်တယ်။

အောင်ဝေး (၂၈-၉-၂၀၀၇)
(ခေတ္တ ပုန်းခိုကျင်း တနေရာ)

(မူရင်း - ဒေါက်တာလွဏ်းဆွေဘလော့ဂ် )

(ဓာတ်ပုံ - Tharaphi's photostream )

နောက်ဆုံးပေါ် ရောဂါ


ဒီရောဂါဟာ
ကုရာနတ္ထိ ဆေးမရှိ။


ဒီရောဂါဟာ
မြန်မာပြည်ကလွဲလို့
ကမ္ဘာမှာ မရှိသေးဘူး။

ဒီရောဂါဟာ
လွှတ်ထားရင်
ကမ်းကုန်အောင် ရက်စက်တယ်။

ဒါပေမယ့်
ဒီရောဂါမှာ
လူတွေကို ကြောက်တဲ့ရောဂါ
ဝင်နေတာ ကြာပြီ။

ဒီရောဂါဟာ
ကြောက်ကန်ကန်ပြီး
မြင်မြင်ရာ အကြမ်းဖက်တော့တာပဲ။

ကျနော်တို့
ဒီရောဂါမရဖို့
သေနတ်ပြောင်းတွေကို
ကွန်ဒုံးစွပ်မှ ဖြစ်တော့မယ်။ ။

အောင်ဝေး
(ခေတ္တ ပုန်းခိုကျင်း တနေရာ)


(မူရင်း - ဒေါက်တာလွဏ်းဆွေဘလော့ဂ် ကိုမိုးသီးဘလော့ဂ် )

ဒုတိယ လွတ်လပ်ရေးတိုက်ပွဲ


သားရေ
လွတ်လပ်မှုဆိုတာ
လိုအပ်မှုကို သဘောပေါက် နားလည်ခြင်းပဲ။

ဒီနေ့
ဖေဖေတို့ ဘာလိုအပ်နေသလဲ။

၁၉၄၈
ပထမ စစီးခဲ့တဲ့မြစ်
၁၉၆၂ မှာ ရေတိမ်နစ်ခဲ့ရတယ် …။

၁၉၈၈
သားတို့ခေတ်ရဲ့
ဒုတိယ သွေးမြစ်တစင်း
၂၀၀၇ ကိုချင်းနင်း
ဆက်လက် စီးဆင်းခဲ့ပြီ …။

လွတ်လပ်ရေးသစ်ဟာ
ဖေဖေတို့ ဒီနေ့လိုအပ်နေတဲ့
ကဗျာပဲပေါ့ သား …။

၂၀၀၈ သည်
ရေစီးသန်သော မြစ်တမြစ်
ဖြစ်ပါစေသတည်း …။ ။

အောင်ဝေး

(မူရင်း - ခေတ်ပြိုင်ဒေါက်တာလွဏ်းဆွေ ဘလော့ဂ် )

Escaped from State Terrorism


After the violence,
I make my way into non-violence.
After the crack-down,
I am on my way to liberated area now.
In the recent old darkness,
I hid my soul under the bloodshed.
During the wartime like days,
I fled from my bomb-shelters away.
Oh! My lover, I was being peeped and sniped.
Oh! My lover, I was being preyed and hunted.
But, our sanghas, they save me.
But, our students, they help me.
But, our people, they guard me.
But, our friends, they love me.
Now here, crossing the bridge of the trouble
Freedom fighters, Democracy lovers embrace me well.
Now here, according to the freedom, justice and peace
I am a free man indeed.
Now here, among the white doves
My dream will come true first.
Now here, under our dramatic revolution flags
Let's take our breaths and ―
Let's march on ahead.

Aung Way
Poet of Myanmar

(မူရင်း - ဒေါက်တာလွဏ်းဆွေ ဘလော့ဂ် )

သွေးမြစ်ကိုဖြတ်သန်း၍ အရိုးတောင်တန်းကိုကျော်လွှားခြင်း

ရှစ်ဆယ့်ရှစ်ဟာ
မြစ်တစင်းဆိုရင်...
အဲဒီမြစ်ဟာ
ကျောင်းသားတွေရဲ့ သွေးနဲ့စီးတဲ့
မြစ်ပဲဖြစ်မယ်။


ရှစ်ဆယ့်ရှစ်ဟာ
တောင်တန်းဆိုရင်...
အဲ့ဒီတောင်တန်းဟာ
ကျောင်းသားအရိုးတွေနဲ့
စုပုံမို့မောက်နေတဲ့
တောင်တန်းပဲဖြစ်မယ်။

စစ်အာဏရှင်စနစ် ကျဆုံးသွားမယ်
ဒီမိုကရေစီရမယ်ဆိုရင်
ကျောင်းသားတွေဟာ
နောက်ထပ်သွေးမြစ်နဲ့
အရိုးတောင်တန်းတွေကို
ဖြတ်သန်းကျော်လွှားဖို့
အသင့်ပဲဟေ...။


အောင်ဝေး

(မူရင်း - ယုန်ကလေး ဘလော့ဂ် )

To a Myanmar Soldier Brother

Oh! my soldier brother,
If you were a good soldier,
A soldier is not a soldier ―
in your mind,
in your soul,
in your heart.
If you were a patriotic soldier,
A soldier may be ―
a student,
a sangha,
a people.
If you were a democratic soldier,
A soldier means ―
not a slave,
not a butcher,
not a traitor.
Including you ―
We, the freedom fighters
Including you ―
We, the democracy lovers
Including you ―
We, the peace makers
Let's join hands to build a government ―
of the people,
for the people,
by the people.
Oh! my soldier brother(s)
Urgently, you find your way to ―
save the people,
love the people,
protect the people.

Aung Way (from a bomb-shelter)
(son of a veteran)
(5-10-07)

(မူရင်း - ဒေါက်တာလွဏ်းဆွေဘလော့ဂ် )

ညီမောင် စစ်သည်သို့။


ညီမောင် စစ်သည်ရေ
တကယ်လို့ မင်းဟာ စစ်သားကောင်းတယောက် ဖြစ်မယ်ဆိုရင် ―
မင်း စိတ်ထဲမှာ
မင်း ရင်ထဲမှာ
မင်း နှလုံးသားထဲမှာ
စစ်သားတယောက်ဟာ စစ်သားတယောက် သက်သက်မဟုတ်တော့ဘူး။

တကယ်လို့ ညီလေးဟာ မျိုးချစ်ရဲဘော်တဦး ဖြစ်မယ်ဆိုရင် ―
စစ်သားတယောက်ဟာ
ကျောင်းသားတယောက်
ဒါမှမဟုတ် သံဃာတပါး
ဒါမှမဟုတ် ပြည်သူတဦးလည်း ဖြစ်နိုင်တာပဲ။


တကယ်လို့ ငါ့ညီဟာ ဒီမိုကရေစီဘက်သား စစ်သည်တော်တပါး ဖြစ်မယ်ဆိုရင် ―
စစ်သားတယောက်ရဲ့ အဓိပ္ပါယ်မှာ မင်းဟာ
ကျွန်တယောက် မဟုတ်သလို
သားသတ်သမားလည်း မဟုတ်ဘူး
ထို့အတူ သစ္စာဖောက်လည်း မဟုတ်ဘူးပေါ့။

မင်း အပါအ၀င်
တို့ လွတ်လပ်မှုအတွက် တိုက်ပွဲဝင်သူတွေ
မင်း အပါအ၀င်
တို့ ဒီမိုကရေစီ မြတ်နိုးသူတွေ
မင်း အပါအ၀င်
တို့ ငြိမ်းချမ်းရေး ကြိုးပမ်းသူတွေ
တို့အားလုံး လက်ချင်းချိတ်ပြီး အစိုးရတရပ် ―
ပြည်သူ့အတွက် ပြည်သူက ရွေးချယ်တင်မြှောက်တဲ့
အဲဒီလို ပြည်သူ့အစိုးရတရပ်
တို့ တည်ဆောက်ကြရအောင်။

ကဲ … ညီမောင် စစ်သည်အပေါင်းတို့
အချိန်မဆိုင်းဘဲ နည်းလမ်းရှာကြံပြီး
ပြည်သူတွေကို ကယ်တင်ကြလော့ ―
ပြည်သူတွေကို ချစ်ကြလော့ ―
ပြည်သူတွေကို ကာကွယ်စောင့်ရှောက်ကြပါလော့ ။

အောင်ဝေး (စစ်သားဟောင်းကြီး တဦးရဲ့ သား)
(၅-၁၀-၀၇)
(မူရင်း - အင်ဒမန်ဟီးရိုးနစ်နေမန်းကိုနစ်နေမန်း တို့၏ ဘလော့ဂ်များ )

ကလေးတစ်ဒါဇင်နဲ့တစ်ယောက်


ဒီကဗျာကို အောင်ဝေးက ရေးစပ်ခဲ့ပြီးတော့ အောင်ဝေးနဲ့ ရွန်းစိမ့်စိမ့် လမင်းဝေး တို့က ရွတ်ဆိုခဲ့တာပါ။
HIV မိဘမဲ့ ဝေဒနာသည် ၁၃ ယောက်ကို စောင့်ရှောက်ထားတဲ့ ဒဂုံမြို့သစ်မြောက်ပိုင်းက သုခရိပ်မြုံ ဂေဟာအတွက် မန္တလေးမှာ အလှုသွားခံစဉ်က ကျပ်သိန်းတစ်ရာကျော် ရရှိခဲ့ပါတယ်။ ဒါပေမယ့် မန္တလေးမှာ ကဗျာရွတ်ပွဲ ကျင်းပခွင့်မရခဲ့ပါဘူး။
ဒါကြောင့် ဆရာအောင်ဝေးက ဒီကဗျာလေးကို မန္တလေးကို အကြွေးဆပ်တဲ့ အနေနဲ့ ရွှတ်ဆို ခဲ့တာပါ။


အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
လူတွေက ဂလိုဘယ်တော့ ဆန်ချင်တယ်
ကွန်ဒုံးတော့ မသုံးချင်ဘူး

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
လူတွေက မုန့်လုံးတော့ စက္ကူကပ်ချင်တယ်
ကွန်ဒုံးတော့ မသုံးချင်ဘူး

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
လူတွေက ဂျင်ဆန်းမီနဲ့တော့ လမ်းလျှေက်ချင်တယ်
ကွန်ဒုံးတော့ မသုံးချင်ဘူး

* Rainbows are multi-coloured.
Our Performanace is no divided by colours,
but all white and pure.
That's why we call it " White Raibow "

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
အဲဒီကလေးတွေဟာ
မိဘမေတ္တာ ငတ်နေတဲ့ ကလေးတွေပေါ့

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
အဲဒီကလေးတွေဟာ
အကြင်နာ ကရုဏာ လိုအပ်နေတဲ့ ကလေးတွေပေါ့

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
အဲဒီကလေးတွေဟာ
အပြစ်မဲ့တဲ့ ဓားစာခံလေးတွေပေါ့

* Rainbows are multi-coloured.
Our Performanace is no divided by colours,
but all white and pure.
That's why we call it " White Raibow "

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
ကမ္ဘာကြီးက လမ်းပြမြေပုံအတိုင်း သွားဖို့ပြောနေတယ်
ကလေးတွေခမျာ ပန်းတိုင်ပျောက်နေရပြီ

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
ကမ္ဘာကြီးက ဘော့လုံးပွဲကြည့်ပြီး ငြိမ့်နေတယ်
ကလေးတွေခမျာ ချောက်အိမ်မက်ထဲ ကျနေရပြီ

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
ကမ္ဘာကြီးက AIDS တိုက်ဖျက်ရေး ဆွေးနွေးနေတယ်
ကလေးတွေခမျာ HIV ပိုးကူးစက်ခံနေရပြီ

* Rainbows are multi-coloured.
Our Performanace is no divided by colours,
but all white and pure.
That's why we call it " White Raibow "

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
သူတို့လေးတွေ အသက်ရှင်ရပ်တည်ဖို့
ကျွန်တော်တို့ရဲ့ အသက်ရှင်ခြင်းကို ဖဲ့ဝေပေးရမယ်

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
သူတို့လေးတွေ ပျော်ရွှင်ချမ်းမြေ့သွားဖို့
ကျွန်တော်တို့ရဲ့ ပျော်ရွှင်ခြင်းကို မျှဝေပေးရမယ်

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်
သူတိုလေးတွေအိပ်ရေးမပျက်စေဖို့
ကျွန်တော်တို့ရဲ့ ညတွေကို လုံခြုံပေးရမယ်

အို........ မန္တလေး
ကလေးတစ်ဒါဇင်နဲ့ တစ်ယောက်ရှိတယ်

(မူရင်း - အဖြူရောင်သက်တံဘလော့ဂ် )

Wednesday, June 4, 2008

လှောင်အိမ်

စိတ်ကို ပန်းချီကားထဲ ထည့်ထားတာပါ။

စိတ်က လွမ်းနေတော့
အရောင်တွေလည်း လွမ်းတာပေါ့။

စိတ်က မှိုင်းနေတော့
အရောင်တွေလည်း မှိုင်းတာပေါ့။

စိတ်က ဆွေးနေတော့
အရောင်တွေလည်း ဆွေးတာပေါ့။

စိတ်က အုံ့နေတော့
အရောင်တွေလည်း အုံ့တာပေါ့။

စိတ်က နာနေတော့
အရောင်တွေလည်း နာတာပေါ့။

စိတ်က ငိုနေတော့
အရောင်တွေလည်း ငိုတာပေါ့။

စိတ်က လွင့်နေတော့
အရောင်တွေလည်း လွင့်တာပေါ့။

စိတ်ကို ပန်းချီကားထဲ ထည့်ထားခဲ့တာပါ။
ဒါပေမဲ့
စိတ်က ပန်းချီကားထဲက ထွက်ပြေးသွားတယ်လေ။

နောင်ဆိုရင်
အရောင်တွေကို
လှောင်ပိတ်ထားလို့ရမှာ မဟုတ်တော့ပါဘူး။ ။

(ပိပိသို့ . . .)

အောင်ဝေး
(၂၀၀၇-ဖေဖော်ဝါရီလထုတ် - ရတီမဂ္ဂဇင်း)

(မူရင်း - ကဗျာသီတဲ့ကြိုး ဘလော့ဂ် )

ထောင်ဝင်စာ


မောင်ရေ …
ထောင်တွေဟာ အောင်မြေပါပဲကွယ်။

ကောင်းကင်တနန်း
ကျောင်းသင်္ခမ်းမှာ
ဒေါင်းအဆင်ဆန်းတွေနဲ့
ပ၀ါအလံ ထူရမယ်။

တုတ်ရရ၊ ခဲရရ
လှံရရ၊ ဓားရရ
ရသမျှနဲ့
တရားမမျှတတဲ့
နအဖကို
ထထကြွကြွ
‘ချဟ … ချဟ’ လို့
ရှုတ်ချကြ ဖြုတ်ချရမယ်။

မောင်ရေ …
ထောင်တွေဟာ အောင်မြေပါပဲကွယ်။

အတိတ်ပုံလွှာ
ရာဇ၀င်မှာ
‘အင်္ဂလိပ်အခက်၊ ဗမာ့အချက်’ တဲ့
နိမိတ်ကြုံလာ
မကြာခင်ဟာ
နအဖအခက် ပြည်သူ့အချက် ပေါ့
သပိတ်အစုံမှာ
သူပုန်ထရမယ်။

မောင်ရေ …
ထောင်တွေဟာ အောင်မြေပါပဲကွယ်။

သံဃာတွေ၊ ကျောင်းသားတွေ
ပြည်သူတွေကို
ငပေငတေစိတ်နဲ့
မသေတသေ ပိတ်ပြီး
အသေအကျေ နှိပ်တဲ့
ကလေကချေ ပလိပ် သန်းရွှေ
အသံလွင့်သွားအောင်
အထွေထွေ သပိတ်စခန်းတွေ
အမြန်ဖွင့်ထားရမယ်။

မောင်ရေ …
ထောင်တွေဟာ အောင်မြေပါပဲကွယ်။

ဒဏ်ရာစိုစို
ခန္ဓာကိုယ်မှာ
ညိုပုပ်ရောင်ရမ်းပစေ
မငိုမလှုပ်
မပြိုမဆုတ်နဲ့
ဗိုလ်ချုပ်အောင်ဆန်းတွေ မွေးရမယ်။

မောင်ရေ …
ထောင်တွေဟာ အောင်မြေပါပဲကွယ်။

စစ်ကျွန်
ခေတ်အလွန်မှာ
နွံနစ်နေတဲ့
မြစ်ကိုလည်း သွန်ပစ်ရမယ်
သွန်တဲ့အထဲ
လက်ကိုင်တုတ် စစ်သားနဲ့ ရဲ
ထောင်ဝန်ထမ်းတွေလည်း ပါတယ်။

မောင်ရေ …
ထောင်တွေဟာ အောင်မြေပါပဲကွယ်။

ကြံ့ဖွတ်တွေ
လန့်ကျွတ်နေအောင်
အမြဲကြိမ်းမောင်းပြီး
စွမ်းအားရှင်တွေ
လမ်းသလားရင်လေ
အမြဲ ဗိန်းမောင်းတီး
တောထုတ်နေရမယ်။

မောင်ရေ …
ထောင်တွေဟာ အောင်မြေပါပဲကွယ်။

ဘုရားရုပ်တု ဖြိုတဲ့
အာဖဂန်က တာလီဘန်တွေ
ဘုရားရိုက်လို့ သေတယ်
မြန်မာပြည်က
သံဃာသတ်တဲ့ ငနွားသန်းရွှေ
ဘုရားလည်း ရိုက်
ပြည်သူလည်း ရိုက်လို့ သေရမယ်။

မောင်ရေ …
ထောင်တွေဟာ အောင်မြေပါပဲကွယ်။

ဘယ်ကလေး မေးမေး
သွေးကြွေးမှာ ဆွေးနွေးစရာ
အကြောင်းမရှိ
ဒေါင်းအမိ သိပါစေ။

မောင်ရေ …
ထောင်တွေဟာ အောင်မြေပါပဲကွယ်။ ။

အောင်ဝေး (ခေတ္တ ပုန်းခိုကျင်း တနေရာ)
၅-၁၀-၂၀၀၇


(မူရင်း - ဒေါက်တာလွဏ်းဆွေSnowyLovelyPoem တို့၏ဘလော့ဂ်များ)

အထီးကျန်တောင်ကုန်း

ဒီမြစ်မှာမှ လကသာနေတော့ရဲ့
အိပ်တန်းပျောက်၊ ငှက်တစ်ကောင်
တောင်ပံခတ်ငိုနေသလား
ဘယ့်နှယ့်၊ ညရဲ့အရည်တွေ တရွှဲ ရွှဲ
ငါ့ကိုယ်ပေါ် စီးဆင်းနေလိုက်ကြတာ
ပင်လယ်မင်္ဂလာဆောင်က ပြန်လာတဲ့
ဟိုးဝေးဝေး မြင်းခွာသံကိုတောင်
စိုစို စိမ်းစိမ်း မြင်ရတယ်
တုံးလုံးပက်လက်
အိပ်မပျော်သူကြီးပါလေ
အနှစ်နှစ် အလလက
တောအုပ်ကလေး ခြုံခြုံ ပြီး
အရှက်လုံအောင် ထိန်းထိန်းနေရပုံ
ဘဝမှာ
သစ်ခုတ်သမားတွေမလာခင်
နွေဦးရယ် ရှင်ကွဲ မကွဲပါရစေနဲ့ ၊ ယုံနော် ။ ။

အောင်ဝေး

(မူရင်း - စပ်မိစပ်ရာဘလော့ဂ်)

သူမ

နှင်း ဆီ က နီ ဆဲ
အ ၀ါ ရောင် အ ခန်း ကျဉ်း ထဲ
ဧ ရာ လည်း စီး မြဲ ။ ။

အောင်ဝေး (မြန်မာနိုင်ငံကဗျာဆရာ)

(မူရင်း - ဟစ်တိုင် )

ဗျာဒိတ်


တနေ့သော်
ဤမြေပေါ်မှာ
ပင်လယ်အော်သံတို့လည်း
တိတ်ဆိတ်သွားလိမ့်မည်။

တနေ့သော်
ဤမြေပေါ်မှာ
တိုက်ပွဲခေါ်သံတို့လည်း
ပျောက်ကွယ်သွားလိမ့်မည်။

တနေ့သော်
ဤမြေပေါ်မှာ
တော်လှန်ရေးတို့လည်း
ရပ်တန့်သွားလိမ့်မည်။

အဘယ့်ကြောင့်ဆိုသော် …
ထိုရောအခါ
ဧရာဝတီ၊ ဗေဒါစီ၍
ဤမြေတခို၊ ပြည်ဗဟိုရ်မှာ
ဒီမိုကရေစီတို့လည်း ထွန်းကား
ကြောက်စိတ်တို့လည်း မဲ့ကင်း
လွတ်လပ်ခြင်းသာ
အနာဂတ် နိုင်ငံတော်သစ်
ဖြစ်တည်လာမည်။

စစ်အာဏာရှင်စနစ်
အမြတ်ပြတ် ချေမှုန်း
အဆုံးသတ် မြေမြှုပ်
နိဂုံးချုပ်မည်။

ကျဆုံးသူတို့ ရင်ပြင်နီ၌
ပန်းများပွင့်မည်။

ကျောင်းနံရံတ၀ိုက်
ဒေါင်းအလံ တဖန်စိုက်မည်။

ရန်သူ မရှိ
မိတ်ဆွေသာ ရှိမည်။

အမုန်း မရှိ
အချစ်သာ ရှိမည်။

တိုက်ပွဲ မရှိ
ငြိမ်းချမ်းရေးသာ ရှိမည်။

နောက်ထပ် တော်လှန်စရာ
ဘုံရန်သူ မရှိ
ချစ်သူသာ ရှိမည်။

ထိုနေ့မိုးသောက်
စစ်ဖိနပ်အောက်က
လွတ်မြောက်ပြီးလျှင်
ပင်လယ်ကမ်းစပ်၊ ခြေစုံရပ်၍
လွတ်လပ်စွာပင်၊ လှိုင်းပေါ်တွင်
သင် … သင့်ချစ်သူ၏ အမည်နာမကို
လှပစွာ ရွတ်ဆို ဂုဏ်ပြုလိုက်ပါတော့ … ။ ။


အောင်ဝေး
၁၄-၁၂-၂၀၀၇

(မူရင်း - ဒေါင်းအိုးဝေ စာစောင်ဒေါက်တာလွဏ်းဆွေဘလော့ဂ်)

... မိကွန်ထော ဖတ်ဖို့ ကဗျာတစ်ပုဒ် ...


ငှက်... မြေကြီးကို ဘယ်သူဖွင့်ကြည့်ရဲသလဲ... ငှက်
ငှက်... ငါသည် အာလဖဖြစ်၍ ငါသည် သြမေဂလည်း ဖြစ်သည် တဲ့... ငှက်
ငှက်... အိမ်မက်ထဲ၌ အသက်ရှင်သူ အိပ်မက်၌ပင် အသက်စွန့်၏... ငှက်
ငှက်... သားကောင်ရဲ့နောက်သို့ မုဆိုးသည် ထက်ကြပ်လိုက်သကဲ့သို့... ငှက်
ငှက်... သေခြင်းတရားသည် ရှင်ခြင်း၏ နောက်ပါးက လိုက်နေဆဲ... ငှက်
ငှက်... ကောင်းကင်က တဖြည်းဖြည်း နိမ့်နိမ့်လာပြီ... ငှက်
ငှက်... နွေဦး ကောက်ရိတ်ပွဲတော်က ရောက်မလာသေး ... ငှက်
ငှက်... ဒီအချိန်မှာ ကျွန်တော် ကတာ ယဉ်ရဲ့လား မမေးနဲ့... ငှက်
ငှက်... ဓားတို့ရဲ့အောက်က ကမ္ဘာမြေ သတိရပစေ... ငှက်
ငှက်... နှောင်ကြိုးမှအပ ဆုံးရှုံးစရာ အခြားဘာမှမရှိ... ငှက်
ငှက်... သည်လိုပုံနှင့် မိုးကြီးချုပ်လျှင်... ငှက်
ငှက်... ကျွန်ုပ် အိမ်ပြန်ရောက်မည် မဟုတ်ပါ... ငှက်
ငှက်... ကမ္ဘာကြီးက လက်တွန်းလှည်းကလေးတွန်းပြီး ... ငှက်
ငှက်... ငရဲပြည်သွား တောလားက မဆုံးသေးဘူးလား ... ငှက်
ငှက်... ဒွေး သေသွားပြီ... ငှက်
ငှက်... ဒွေး မသေသေးဘူး ... ငှက်
ငှက်... နွားရိုင်းသွင်းချိန် လွန်သွားပြီ... ငှက်
ငှက်... ကမ္ဘာပေါ်၌ ငြိမ်သက်ခြင်းသည် ရှိပါစေသတည်း... ငှက်
ငှက်... မနက်ဖြန် အိုးထရက်ဖို့ဒ်မှာ တွေ့မယ်... ငှက်
ငှက်... ဓနိတန်းထိပ်က ကောင်မလေးလည်း လင်ရသွားပြီ... ငှက်
ငှက်... ဒေါနတောင်တန်းကြီးက မေးနေတယ်... ငှက်
ငှက်... သောင်ရင်းမြစ်ကို သွားငေးရဦးမယ်... ငှက်
ငှက်... ဒီနေ့ လိုနေတာက... ငှက်
ငှက်... ထရမ်းပက်တစ်ထောင် ပြိုင်တူမှုတ်ဖို့ပဲ... ငှက်
ငှက်... တစ်ပွင့်ကြွေရင် နှစ်ပွင့်ဝေမယ်... ငှက်
ငှက်... ကြွေခြင်းဆိုတာ ပွင့်ခြင်းပဲ... ငှက်
ငှက်... ဗဟုဝါဒဆိုတာ... ငှက်
ငှက်... ရန်သူကို မိတ်ဆွေဖြစ်အောင် လုပ်တာပါပဲ... ငှက်
ငှက်... လေနုအေးက တနွဲ့နွဲ့နော့နေဆဲ... ငှက်
ငှက်... အကောင်းကို ရှာ၏... ငှက်
ငှက်... အကောင်းကား မရှိ... ငှက်
ငှက်... တံတားအောက်မှာ မြစ်ရေတွေ စီးဆင်းသွားကြပြီ... ငှက်
ငှက်... အသက်တစ်ရာ မနေရပေမဲ့... ငှက်
ငှက်... အမှုတစ်ခုမှ မတွေ့ရင် အကောင်းဆုံး ... ငှက်
ငှက်... ဒီအကြောင်းတွေကို... ငှက်
ငှက်... မိုးရွာထဲမှာ ထီးဆောင်းပြီးပြော... ငှက်
ငှက်... တင်ဇာဝင်းပြည့်လည်း ကလေးတစ်ယောက်ရပြီ... ငှက်
ငှက်... ပုသိမ်မှာ ကော်ရည်သွားသောက်ရအောင်... ငှက်
ငှက်... အစ်မ ခင်ပန်နှင်းကလည်း ငိုငိုနေတယ်... ငှက်
ငှက်... ပိုင်သနဲ့ တွေ့သေးလား ... ငှက်
ငှက်... ဆော့ခရတ္တိက မသေခင် အကြွေးဆပ်ခဲ့တယ်... ငှက်
ငှက်... သမိုင်းကြွေးကို ဘယ်လိုဆပ်မလဲ... ငှက်
ငှက်... ပျက်စီးတယ်ဆိုတာ ဖျက်ဆီးခံရလို့ပဲ... ငှက်
ငှက်... ရုပ်ရှင်ရိုက်မလား ... ငှက်
ငှက်... တောင်ကိုရီးယား ဓားစာခံတွေ အမြန်လွတ်ပါစေ... ငှက်
ငှက်... အီရတ်က ငြိမ်းချမ်းရေးမရဘဲ... ငှက်
ငှက်... အာရှဖလားရသွားတယ်... ငှက်
ငှက်... ငယ်ငယ်တုန်းကလည်း ဂန္ဒီကို ကြိုက်တယ်... ငှက်
ငှက်... ကြီးလာတော့လည်း ဂန္ဒီကို ကြိုက်ဆဲ... ငှက်
ငှက်... မွန်ရိုးကို သတိမရဘူးလား ... ငှက်
ငှက်... သေနင်္ဂဗျူဟာ အနိုင်တိုက်ဖို့... ငှက်
ငှက်... တစ်ခါတစ်ရံ နည်းပရိယာယ်ရေး အရှုံးပေးရတယ်... ငှက်
ငှက်... ကြွက်နီကို ဘာမှာဦးမလဲ... ငှက်
ငှက်... အသက်ဉာဏ်စောင့်သတဲ့... ငှက်
ငှက်... ဘီယာနှစ်ခွက်လောက်ကတော့ ဘာမှ မဖြစ်ပါဘူး ... ငှက်
ငှက်... တင်ဇာမော် ယောက်ျားယူသွားပြီ... ငှက်
ငှက်... မန်ယူကို ၀ယ်ရင်ကောင်းမလား... ငှက်
ငှက်... ဒေါ်မေကြည်ကတော့ စာကောင်းကောင်းမရေးလို့ ... ငှက်
ငှက်... စိတ်ဆိုးတော့မှာပဲ... ငှက်
ငှက်... ဘယ်လိုမှ မအောက်မေ့နဲ့... ငှက်
ငှက်... မော်လမြိုင်မှာ ဆရာကြီး ဒေါက်တာလှဘေ ဆုံးရှာပြီ... ငှက်
ငှက်... ပါရီဟာ အမြဲတမ်း ပါရီပဲ... ငှက်
ငှက်... ဒုက္ခဟာ အမြဲတမ်း ဒုက္ခပဲ... ငှက်
ငှက်... ဆန္ဒရှိရင်... ငှက်
ငှက်... ကောင်းကင်ကို ငုံ့ကြည့်လိုက်... ငှက်
ငှက်... ကံကောင်းရင် မြင်ရလိမ့်မယ်... ငှက်
ငှက်...
ငှက်...
ငှက်...

အောင်ဝေး
၁၄.၈.၂၀၀၇၊ ထူးအိမ်သင် ကွယ်လွန်ခြင်း (၃) နှစ်ပြည့်အမှတ်တရ

(မူရင်း - ထူးအိမ်သင် ဒေါ့ကွန် )

ကြယ်ကြွေရေဆန်

(ကဗျာရွတ်သံ) -

မြရာပင်ထက်မှာ
ကြယ်တွေကြွေသက်ခဲ့ကြတယ်။

ဆိတ်ဖလူးရနံ့အောက်မှာ
ကြယ်တွေကြွေသက်ခဲ့ကြတယ်။

ပင်လယ်လှိုင်းသံနဲ့
နားကြည်းတောက်ခေါက်သံတွေကြားမှာ
ကြယ်တွေကြွေသက်ခဲ့ကြတယ်။

အဓိပတိလမ်းပေါ်က
စိန်ပန်းပွင့်တွေထဲမှာ
ရွှေတိဂုံဘုရားခြေရင်းက
ကတ္တရာခင်းထားတဲ့
နှလုံးသားတွေထက်မှာ
ကြယ်တွေကြွေသက်ခဲ့ကြတယ်။

ဖထီးရေ ...
ဒီတခါကြွေတဲ့ကြယ်ကတော့
သောင်ရင်းမြစ်ပေါ်မှာပဲလေ။

နာကျင်ခံပြင်းတဲ့ ဒေါသနဲ့
ဒေါနတောင်တန်းကြီး
လှိုက်ခုန်ငိုညည်း
မျက်ရည်တွေ မီင်္းလျှံရဲရဲခုံးထ
ယူကြုံးမရတဲ့ ညနေခင်းဟာ
သောင်ရင်းမြစ်ကမ်းပါးမှာ ဖြစ်ခဲ့ပြီ၊
ကျနော်တို့ ငြင်းပယ်လို့ မရ
လက်မခံချင်လို့လည်း မရတဲ့ညနေ
တတောလုံးကွဲကြေ
တပင်ချင်း ကြေကွဲ
အနုပဋိလောမတရားကြီးလည်း
ငိုကြီးချက်မနဲ့
ဖထီးရဲ့ နာမည်ကို
အခါခါရေရွတ်နေတော့တယ်။

ဟောဟိုက
အမိမြေကောင်းကင်ယံမှာ
တော်လှန်ရေးရဲ့ နာမည်တွေ
ကဗ္ဗည်း ထိုးထားတယ်။

ဖထီးရဲ့
မြင့်မြတ်တဲ့ နာမတော်လည်း အပါအ၀င်ပေါ့။

အမိမြေဟာ
ဂုဏ်ပြုအပ်တဲ့ အိမ်သားတဦးကို
ဆီးကြိုဖို့
ဆို့နင့်ကြေကွဲနေပါပြီ။

ဖထီးရေ ...
ရှစ်ဆယ့်ရှစ်တွေကို ယုံကြည်လို့
စိတ်ချလက်ချထားသွားခဲ့တာလား။

ဖထီးရေ ...
ရွှေဝါရောင်တွေကို တော်လှန်ရေးသတိရှိဖို့
အသက်နဲ့လဲပြီး တပ်လှန်ခဲ့တာလား။

ဖထီးရေ ...
စစ်မှန်တဲ့ ပြည်ထောင်စုကို မျှော်လင့်လို့
အနာဂတ်ကို ပခုံးပြောင်းပေးခဲ့တာလား။

ကမ္ဘာမကြေဘူး ဖထီးရေ ...
ကမ္ဘာမကြေဘူး။

အမိမြေဟာ
ပထမလွတ်လပ်ရေးတိုက်ပွဲမှာလည်း
သမိုင်းရဲ့အချိုးအကွေ့ကြုံတဲ့အခါ
ပြည်သူ့ သူရဲကောင်းတယောက်ကို
လက်လွှတ်ဆုံးရှုံးခဲ့ရတယ်။

အခုတခါ
ဒုတိယလွတ်လပ်ရေးတိုက်ပွဲ
သမိုင်းချိုးကွေ့
အောင်ပွဲနီးလာတဲ့အချိန်
ဖထီးကို
ကျနော်တို့ ဆုံးရှုံးလိုက်ရပြန်ပြီ။

မဖြေနိုင်ဘူး ဖထီးရေ ...
ကျနော်တို့ မဖြေနိုင်ဘူး။

ကျနော် ကဗျာဆရာပါ
ဖထီးနဲ့ကျနော်
ပထမဆုံး ဆုံတွေ့ရတဲ့ည
ဗန်းမော်တင်အောင်ရဲ့
ရိုးမတိုက်ပွဲ ၀တ္ထုကို
ကျနော် သတိရနေခဲ့တယ်။

ဝတ္ထုထဲ
ပဲခူးရိုးမ ဖက်ဆစ်ဆန့်ကျင်ရေး
ကရင်ပြောက်ကျားခေါင်းဆောင်ကြီး
တာကောဒီ နဲ့
မြို့ကလာတဲ့ ဗမာလူငယ် နိုင်ငံရေးသမား
ထွန်းနိုင်
အတူလက်တွဲ တိုက်ပွဲဝင်ခဲ့ပုံတွေ
ရင်တခုန်ခုန်နဲ့
ယုံကြည်ခဲ့ပုံတွေ။

ဖထီးရေ ...
ဖထီးက တာကောဒီ ဆိုရင်
ကျနော်က ထွန်းနိုင်ပေါ့
ကျနော်စိတ်ကူးယဉ်ခဲ့ပုံတွေ။

ဖထီးရေ ..
ကျနော်တို့အဖြစ်က
ဝတ္ထုမဟုတ်ပါဘူး။

ဝတ္ထုထက်တောင် ပိုပြီး
ဝတ္ထုဆန်နေသေးတဲ့အဖြစ်
နာကြည်းမှုတွေက မျှစ်စို့ပေါက်လို
မြေကြီးထဲက ဖောက်ထွက်လာတဲ့ခေတ်။

ရေဆန်မြစ်ထဲ
ကြယ်ကြွေရတဲ့ခေတ်။

ဖထီးရေ ...
ခေတ်ဆိုးကြီးရဲ့ ဒီမနက်
တော်လှန်ရေးနဲ့ အမြင့်ဆုံးတောင်ကုန်းထက်မှာ
ဖထီးလက်နဲ့ လွှင့်ခဲ့တဲ့
စွန့်လွှတ်ခြင်းအလံတော်ကို
ကောင်းကင်နဲ့ထိအောင်
ကျနော်တို့ ထပ်ပြီး လွှင့်တင်လိုက်ကြတယ်။

ပြီးတော့ ကျနော်တို့
အလေးနီပြုလိုက်ကြတယ်။

ကျနော်တို့
ဘယ်တော့မှ လက်နက်မချပါဘူး ဖထီး ။ ။

အောင်ဝေး
၁၅.၂.၂၀၀၈

(မူရင်း - မဇ္ဈိမ )

နာမည်

ကျနော့်သားက မေးတယ်။

‘ကြယ်တွေမှာ
နာမည်ရှိသလားဖေဖေ’တဲ့။

မြစ်ကမ်းနဖူးမှာ
ထိုင်တဲ့ည
သားက
ကောင်းကင်ကိုငုံ့ ကြည့်နေတယ်။

ကျနော်က
ကြယ်တွေတလက်လက်ထ
ရေစီးထဲငေးလို့ ။

အေး-မတော်တဲ့ကြယ်တွေမှာ
နာမည်မရှိဘူး
တော်တဲ့ကြယ်တွေကျတော့
... ... ... ...
... ... ... ...။

အဲ့ဒီလို အဲ့ဒီလို
ကြယ်တလုံးချင်းစီရဲ့ နာမည်
ကျနော်ပြောပြ။

ဖေဖေ...ဒါဆိုရင်

ကမ္ဘာပေါ်မှာ
သားနာမည်နဲ့ ကြယ်လည်း
ရှိမှာပေါ့နော်။

ကျနော် သားကိုပြုံးကြည့်ရင်း
ခေါင်းညိတ်ပြတော့
သားကပျော်သွားပြီး
ကျနော့် မျက်လုံးထဲမှာ
သူ့ နာမည်နဲ့ ကြယ်ကို
ရှာတွေ့ သွားတယ်။

သားက ဖအေထက်
ပိုပြီးတော်ရမယ် မဟုတ်လား။

ကျနော်က သားကိုထမ်းလို့ 
ကျနော့်ကို
မြစ်ကမ်းပါးကထမ်းလို့ 
အိမ်ပြန်လာတဲ့လမ်းမှာ
ခေတ်ကလည်း
စီးတုန်းပါ။

ဖအေ နဲ့ သား
လွမ်းမိတဲ့ တရားမှာ
နာမည်တွေလည်း
စီးဆင်းနေတုန်းပေါ့။ ။

အောင်ဝေး
(၁၉၉၉)
(မူရင်း-ဘိုဘိုဘားမားဘလော့ဂ်လမ်းအိုလေးဘလော့ဂ်Freedom Fighter for Burma ဘလော့ဂ်)

ပင်လယ်သေ

သင်္ဘောတွေ အဲဒီမှာ မဆိုက်ကပ်ခဲ့ကြ
ဝင်ခွင့်ရလက်မှတ်နဲ့
လရောင်က ငုံ့ကြည့်လိုက်တော့
ခေါင်မိုးပေါ်
ဗုံသံနဲ့ လိင်ပညာပေးအကတွေ
မြို့ပြ မှော်ရုံအစပ်မှာ
ဖွေးခနဲ ဖရဲသီး ထက်ခြမ်းကွဲ
ပက်လက်လှန်ပြီး စိုရဲနေတဲ့ည။


အရသာခံဖို့ သက်သက်ပါ
တမျှဉ်းမျှဉ်း
အိပ်မက်ချင်း အလွမ်းခံရင်း
လာဂါတစ်ခွက်နဲ့
ရမ္မက်နည်းနည်းစွက်
မျက်လုံးထဲ လှိုင်းထမယ်ကြံတုန်း
“ငှက်”တစ်ကောင် ဖြတ်ပျံတာကြည့်ပြီး
မြစ်ကိုပဲ ပြန်စီးခဲ့တယ်။

ပင်လယ်ဆိုပေမဲ့
ခြေထောက်ကလေးနဲ့ စည်းလိုက်လို့ပေါ့။ ။


အောင်ဝေး

(မူရင်း-ဇင်ကိုလတ်ဘလော့ဂ်)

book on khin one

ခရမ်းနုရောင်နှင်း
[သိုမဟုတ် ခင်ဝမ်းသို့ တမ်းချင်းများ]
အောင်ဝေး
NDD ၀က်ဆိုက်မှာ တင်ထားတဲ့စာအုပ်ဖတ်ဖို့ ဒီနေရာကို နှိပ်ပါ။

ခြင်္သေ့

အခြေနေတွေကြားမှာ စိတ်အာရုံမရတာနဲ့ အချိန်မရတာနဲ့ စာအသစ်မရေးဖြစ်ပါဘူး။ ဆရာအောင်ဝေးရဲ့ ကဗျာတစ်ပုဒ်ကို ကြိုက်လွန်းလို့ ကူးယူဖော်ပြလိုက်ပါတယ်။ ကော်ပီရိုက် ချိုးဖောက်သလို ဖြစ်ရင် သက်ဆိုင်သူ ပိုင်ဆိုင်သူကို အနူးအညွတ် တောင်းပန်ပါတယ်။ ခွင့်လွှတ်နိုင်မယ်လို့ ယူဆပါတယ်။


ခြင်္သေ့

တောသုံးတောင်သို့အ၀င်မှာ
ခြင်္သေ့ဟာ
သမင်မမျက်လုံးကို
ပခုံးပေါ်ပစ်တင်လိုက်တယ်။

ဒီကောင်လွမ်းခဲ့ပါတယ်
ညီမလေးရယ်။

ငါ့နှလုံးသားမှာ
ပန်းများဝေဖူး
ဒီနွေဦးဟာ
မင်းခူးယူဖို့ပါ။

ကန္တာရမဆန်ပါဘူး
ငါ ဒဏ်ရာရခဲ့တာပါ။

ညညတွေမှာ
မျက်ရည်နဲ့ငါ့ကိုသိပ်လေ
မြေ၀သုန်ရေ…
လင်းယုန်ငှက်တွေ
ငါဂုဏ်ပြုပါရဲ့။

ကောင်းကင်အိပ်ယာမှာ
ငါမအိပ်ချင်ပါဘူး။

လရောင်တွေကို
ငါမမေ့ချင်ပါဘူး။

ကမ္ဘာပေါ်မှာ
မြစ်တွေရဲ့ခေါ်သံ
ငါကြားနေရဦးမယ်။

ကွဲကြေတဲ့အပြုံးများသာ
နောက်ဆုံးကဗျာတစ်ပုဒ်
ချစ်သူဖတ်ဖို့ဟုတ်ပေလိမ့်မယ်။

ရာဇ၀င်အုတ်ဂူမှာ
မြှုပ်ကူသူမရှိ
လွမ်းသူ့ပန်းခွေချမယ့်လူမရှိ
ညီမလေးရယ်…
မရှိခြင်းတွေပဲ
ဒီကောင့်ဘ၀လေ။

ဗျာပါဒနှင်းဆီရေ
နေရစ်ပေတော့။

ပြီးပါပြီ -

ဆည်းဆာရီမှောင်
အနောက်တောင်မှာ
ဒီကောင်
ခြင်္သေ့ယောင်ဆောင်တဲ့တိမ်တွေ
တညနေလုံးထိုင်ကြည့်ခဲ့တယ်။


အောင်ဝေး
ဟန်သစ်မဂ္ဂဇင်း ဇွန်လ ၁၉၉၄


3 comments:

မြင့်ဇေ said...

ကျနော် ဒီကဗျာကို www.abitsu.org/phoezay မှာတင်လိုက်ပါတယ်။ သူလည်း ပြေးနေရရောပေါ့။ ယာမာဂူချီ ခင်ဆွေရီလည်း အောင်ပွဲနဲ့ ပြန်လာမယ့် ခြေသံတွေကို နားစွင့်ရင်း စောင့်နေမှာပါ။

မြရွက်ဝေ said...

ဒီကဗျာ ကိုကြိုက်တယ်။

pandora said...

ကိုဖိုးဇေရေ အခုတော့ လွတ်မြောက်သွားပြီထင်ပ။
မြရွက်ဝေ အကြိုက်တူကြတာပေါ့

(မူရင်း-ပန်ဒိုရာဘလော့ဂ်)

တော်လှန်သော ပြည်သူ့သူရဲကောင်းများ

“သူရဲကောင်း”
‘သူရဲကောင်း’နှင့် ‘သူရဲကောင်းဝါဒ’ ဟူသော ဝေါဟာရ နှစ်ရပ်မှာ အဓိပ္ပာယ်မတူပါ။ တချို့က သူရဲကောင်းဝါဒကို မနှစ်သက်ကြပါ။ သူတို့က သူရဲကောင်းဝါဒသည် တကိုယ်ကောင်းဆန်သည်။ တကိုယ်တော်စွန့်စားမှုဖြစ်သည်ဟု ဆိုပါသည်။ အချို့ကဆို သူရဲကောင်းဝါဒကို မိုက်ရူးရဲဆန်သည် ဟုပင် ဆိုပေသည်။ ဂျပန်သူရဲကောင်းဝါဒ ‘ဘူရှီဒို’ စိတ်ဓာတ်ကို သူတို့မကြိုက်ကြပါ။
သို့သော် ခြွင်းချက်တော့ ရှိပေမည်။ တိုင်းပြည်နှင့် လူမျိုးအတွက် အခြေအနေနှင့် အချိန်အခါကို လိုက်၍ အသက်စွန့် ကြိုးပမ်းရသော သူရဲကောင်းများ ရှိပါသည်။ သူတို့၏ လုပ်ရပ်သည် ကြောင်းကျိုးဆီလျော်ပြီး ဆင်ခြင်တုံတရားနှင့်လည်း ကိုက်ညီနေသည်ကို တွေ့ရပေမည်။ မည်သို့ဖြစ်စေ သူရဲကောင်းဝါဒဟုဆိုလိုက်လျှင် တချို့က ဂယက်အနက်ကို မကြိုက်ကြပါ။ Bad sense အနက်ဆိုး ထွက်သည်ဟု ယူဆကြပါသည်။
သို့ရာတွင် ‘သူရဲကောင်း’ တွေကိုတော့ ပြည်သူတွေက နှစ်သက်ကြ ချစ်ကြပါသည်။ ထို့ကြောင့်ပင် လျှင် မြန်မာတိုင်း မြန်မာတိုင်း တွင်တွင် အော်ဆိုခဲ့ရသည့် “ဗိုလ်ချုပ်အောင်ဆန်း” သီချင်းထဲတွင် “ကျနော်တို့ မြန်မာပြည်ဝယ် … မိဘတိုင်းကကွယ် … ဗိုလ်အောင်ဆန်းလို … သူရဲကောင်းတွေ မွေးရမယ် …” ဟူ၍ ထည့်သွင်း ရေးဖွဲ့ထားသည် မဟုတ်လား။
ယခုအချိန်မှာကား မြန်မာ့ဒီမိုကရေစီတော်လှန်ရေးအတွက် ဗိုလ်ချုပ်အောင်ဆန်းလို၊ ဒေါ်အောင်ဆန်းစုကြည်လို သူရဲကောင်းတွေ အမြောက်အမြား လိုအပ်နေသော အခါသမယလည်း မဟုတ် ပါလား။

“ပြည်သူ့သူရဲကောင်း”

တော်လှန်ရေးများသည် သူရဲကောင်းများကို မွေးဖွားပေးပါသည်။ ဒုတိယကမ္ဘာစစ်ကြီးအတွင်းက ချက်နိုင်ငံ နာဇီဟစ်တလာ လက်အောက်သို့ ကျရောက်သွားစဉ်ကဖြစ်သည်။ နာဇီဖက်ဆစ်များကို ခုခံဆန့်ကျင်ကြသည့် ချက်အမျိုးသားလွတ်မြောက်ရေး တိုက်ပွဲကြီးတွင် သတင်းစာဆရာ ‘ဂျူးလိယက်ဖူးချစ်’ ကို မွေးဖွားလိုက်ပါသည်။ ဖူးချစ်သည် နာဇီဂက်စတာပို အကျဉ်းထောင်ထဲတွင် လူမဆန်အောင် နှိပ်စက်ညှဉ်းပန်း ခံခဲ့ရပါသည်။
နာဇီစစ်ဗိုလ်က ဖူးချစ်ကို ဖြောင့်ချက်ပေးခိုင်းသည်။ “မင်းလိမ္မာစမ်းပါ၊ ခေါင်းမမာစမ်းပါနဲ့” ဟု ဆိုသည်။ ထိုအခါ ဖူးချစ်က “ငါ့အဘိဓာန်ထဲမှာတော့ လိမ္မာခြင်းဆိုတာ သစ္စာဖောက်ခြင်းပဲ” ဟူ၍ ပြန်ပက်လိုက်ပါသည်။ ဖူးချစ်ကို သူတို့ ကြိုးပေးသတ်လိုက်ကြပါသည်။ သို့သော် ချက်ပြည်သူတို့၏ နှလုံးသားထဲတွင် ဖူးချစ်မသေပါ။
အလားတူ ဗီယက်နမ်စစ်ပွဲကာလတုန်းက တောင်ဗီယက်နမ်နိုင်ငံတွင်လည်း သူရဲကောင်းတဦး ထွန်းကားခဲ့ပါသည်။ သူကား “ငုယင်ဗန်ထရွိုင်း” ပင်တည်း။ ဗန်ထရွိုင်းသည် စက်ရုံအလုပ်သမား တယောက်ဖြစ်သည်။ အမေရိကန် ကာကွယ်ရေးဝန်ကြီး မက်နာမားရားကို ဗုံးဖောက်ခွဲ သတ်ဖြတ်ရန် ကြံစည်မှုဖြင့် အဖမ်းခံလိုက်ရသည်။
သူ့ကို ဆိုင်ဂုံ ရုပ်သေးအစိုးရက နှိပ်စက်ညှဉ်းပန်းသည်။ သူ့ဇနီး ဖန်သီကြူရင်နှင့် မျှားပြီး ဖြောင့် ချက်ပေးခိုင်းသည်။ ဗန်ထရွိုင်းက မပေးပါ။ အသေခံသွားပါသည်။
ဗန်ထရွိုင်းကို သေဒဏ် စီရင်သည့်နေ့က သူ့ကိုသေနတ်နှင့် မပစ်ခင် သူ့မျက်လုံးတွေပေါ်က စည်း ထားသော အ၀တ်စကို ဖယ်ပေးဖို့ အာဏာပိုင်များထံတောင်းဆိုသည်။ ဗန်ထရွိုင်းသည် သူ့မြေကို မမှိတ်မသုန် ကြည့်ရင်း သေနတ်ပြောင်းတွေကို ရင်ကော့ စိန်ခေါ်လိုက်သည်။ သေနတ်သံတွေ ဆူညံစွာ ထွက်ပေါ်လာပြီး ယမ်းငွေ့တွေ ပြယ်မသွားခင် ဗန်ထရွိုင်းသည် “သမ္မတကြီး ဟိုချီမင်း အဓွန့်ရှည်ပါစေ” ဟု ကြွေးကြော်သွားခဲ့ပါသည်။ ထိုမြင်ကွင်းကို ကြည့်နေကြသော နိုင်ငံခြားသတင်းထောက်များ မျက်ရည်ဖြိုင်ဖြိုင်ကျ ငိုကြွေးခဲ့ကြပါသည်။
ဗီယက်နမ် စစ်ပွဲကြီးပြီး၍ နောင်နှစ်ပေါင်း အစိတ်ကျော်ကျော် ကြာသည့်အချိန်တွင် မက်နာမားရားက “ဗီယက်နမ် စစ်ပွဲမှာ အမေရိကန်တို့၏ အမှားဖြစ်ပါသည်” ဟု ၀န်ခံခဲ့ပါသည်။
ငုယင်ဗန်ထရွိုင်း မမှားပါ။ ပြည်သူ့ဘက်က ရပ်တည်သော သူရဲကောင်းများမှာ ဘယ်တော့မှ မမှားပါ။

“တော်လှန်သော ပြည်သူ့သူရဲကောင်း”
ယနေ့ ဗဟုဝါဒခေတ်၊ ဂလိုဘယ်လိုက်ဇေးရှင်း ခေတ်ကမ္ဘာကြီးတွင် အရှေ့ဖြစ်ဖြစ် အနောက်ဖြစ်ဖြစ် ဘယ်နိုင်ငံ ဘယ်လူမျိုးက ဖြစ်ဖြစ်၊ လူငယ်ထုကြီးသည် “ချေဂွေဗားရား” ဆိုသော သူရဲကောင်းတယောက်အကြောင်းကို ကောင်းကောင်းသိကြပါသည်။ လေးစားမြတ်နိုး တန်ဖိုး ထားကြပါသည်။
ထိုလူငယ်များသည် ချေဂွေဗားရားကို သိမီလိုက်ကြသူများ မဟုတ်ကြပါ။ သူတို့ ရှေ့အထက် မျိုးဆက်နှစ်ဆက် သို့မဟုတ် သုံးဆက်ကျော်က သူရဲကောင်းတယောက်ကို ယနေ့ခေတ် လူငယ်တွေက ဘာကြောင့် စွဲလန်းဂုဏ်ယူကြတာပါလဲ။
ချေမှာ ၁၉၆၀ ပြည့် တ၀ိုက်က ကျူးဘားလွတ်မြောက်ရေး၊ ဘိုလီးဗီးယား လွတ်မြောက်ရေး တိုက်ပွဲများတွင် ကိုယ်ကျိုးစွန့် တိုက်ပွဲဝင်ခဲ့သော အာဂျင်တီးနား နိုင်ငံသား ဆရာဝန်တဦး ဖြစ်သည်။ ၁၉၆၇ တွင် ဘိုလီးဗီးယားစစ်အစိုးရတပ်က ချေကို ပစ်သတ် ဖမ်းဆီးခဲ့ကြပါသည်။
သို့ရာတွင် ချေသည် မသေပါ။ အာရှ၊ အာဖရိက၊ လက်တင်အမေရိက အမျိုးသားလွတ်မြောက်ရေး ပြောက်ကျားတိုက်ပွဲများတွင် ချေ၏ ၀ိညာဉ်က လမ်းပြနေခဲ့ပါသည်။
မနေ့တနေ့ကတော့ ဘိုလီးဗီးယားနိုင်ငံ ကျေးရွာတခုအနီးတွင် မြှုပ်နှံထားသော ချေဂွေဗားရား၏ အရိုးစုကို တွေ့ရှိတူးဖော်ပြီး ကက်စထရိုကိုယ်တိုင် ကျူးဘားနိုင်ငံမြို့တော် ဟာဗာနာတွင် မြှုပ်နှံ ဂုဏ်ပြုခဲ့ပါသည်။
ချေသည် ကွန်မြူနစ် တယောက်၊ ပြောက်ကျား တယောက်၊ နိုင်ငံတကာဝါဒီ တယောက်။
သို့သော် ယနေ့လူငယ်ထုက သူ့ကို လေးစားကြသည်မှာ ထိုအချက်များကြောင့် မဟုတ်။ လူငယ် တွေက ချေကို လေးစားသည်မှာ ချေ၏ “ကိုယ်ကျိုးစွန့် အနစ်နာခံမှု” ကြောင့်သာ ဖြစ်သည်ဟု ဆိုပါသည်။
ယနေ့မြန်မာနိုင်ငံတွင် စစ်အာဏာရှင်စနစ်ကို ဖြုတ်ချရန် တော်လှန်သော ပြည်သူ့သူရဲကောင်းများ လိုအပ်နေပြီ ဖြစ်ပါကြောင်း။
(မူရင်း-ခေတ်ပြိုင်၊ စစ်မုန်းသူဘလော့ဂ်)

ပုဂ္ဂလိကပန်းဥယျာဉ်

ဘယ်သူပြောလဲ
တတောလုံးကြွေ …။

တဟုန်းဟုန်းနဲ့
တောဆုံးတောင်ဖျား၊ မီးတောက်ကြားမှာ
ဖျားနာခဲ့ပြီ တို့နှင်းဆီ။


အပူစီးကြောင်း
ချောင်းရေဆူပွက်၊ ညဥ့်နက်နက်ထဲ
တစက်နှစ်စက်၊ သွေးစက်စက်လေ
အိပ်မက်မီးသင့် ခဲ့သလော။


ငါလာခဲ့ပြီ
ဤနေရာသို့၊ ငါငိုကြွေးရန်
ဒူးထောက်တောင်းပန်
အညံ့ခံဖို့ လာခြင်းမဟုတ်။

ငါယုံကြည်သည်
နှင်းဆီတပင်၊ မီးလောင်ပြင်က
ရှင်ပြန်ထမြောက်၊ ငှက်တေးကောက်ချိန်
တောက်ပဝေဖူး၊ တို့ခေတ်ဦးကို
ကူးယူနီမြန်း လွမ်းပေလိမ့်။


တို့ လွမ်းသဖြင့်
အပွင့်ကြွေစေ၊ မသေအမြစ်
ချစ်နေသေးသည်
မည်သို့ပင်ဖြစ်စေ …။

ကဲ … ဘယ်သူပြောလဲ
တတောလုံးကြွေ …။ ။


အောင်ဝေး

(မူရင်း- ကဗျာလမ်းသစ် ဘလော့ဂ်လမ်းအိုလေးဘလော့ဂ်)

We want 3 F's



1st – We want FREEDOM.
We want "Freedom" for our future …
2nd – We want FRIENDSHIP.

We want "Friendship"
betweenOur Army and Our People …
3rd – We want FOOD.

We want "Food" to live peacefully.

About the author – Aung Way (contemporary Myanmar poet), born 1954, became poet 1982, 3 times in prison – 1976-79, 1988, 1989-91.
--------------------------------------------------------------------------------
လိုချင်တာ ၃ ခု
စက်တင်ဘာ ၁၇၊ ၂ဝဝ၇

လိုချင်တာ ၃ ခုပဲ …
တစ် က "လွတ်လပ်ရေး"အားလုံးရဲ့ အနာဂတ်များအတွက် …
နှစ် က "ချစ်ခင်မှု"စစ်တပ် နဲ့ ပြည်သူတွေ အတွက် …
သုံး က "စားစရာ"ဘဝတွေ အားလုံး ငြိမ်းဖို့ …

အောင်ဝေးအကြောင်း - ခေတ်ပြိုင် မြန်မာကဗျာဆရာ၊ ၁၉၅၄ မှာမွေး၊ ၁၉၈၂ မှာ ကဗျာဆရာဖြစ်၊ ထောင်ထဲမှာ နေခဲ့တဲ့ နှစ်များ - ၁၉၇၆-၇၉၊ ၁၉၈၈၊ ၁၉၈၉-၉၁။

(မိုးမခက မြန်မာလိုပြန်ပေးထားပါတယ်။ မူရင်းကို ထိခိုက်လျှင် ခွင့်လွှတ်ပါ)
(မူရင်း-မိုးမခ၊ မေငြိမ်းဘလော့ဂ်)






ပဉ္စမမြန်မာနိုင်ငံတော်တည်ထောင်ခန်း (အပိုင်း - ၉) 2008 08 13


တပ်မတော်ဟာ ပြည်သူရဲ့ရန်သူ မဟုတ်ဘူး၊ တပ်မတော်ကို အသုံးချနေသူများကသာ ပြည်သူရဲ့ ရန်သူဖြစ်တယ် လို့ ဒေါ်အောင်ဆန်းစုကြည်ပြောဆိုခဲ့ပုံတွေကို တင်ဆက်ထားပါတယ်။

(အသံလွှင့်ဆောင်းပါး နားဆင်ရန် အပြာရောင်ခလုတ်ကို

နှိပ်ပါ။)





အွန်လိုင်းကဗျာဆရာ ၊ အိုင်တီသူငယ်တန်းကျောင်းသား

အွန်လိုင်းကဗျာဆရာ ၊ အိုင်တီသူငယ်တန်းကျောင်းသား
ဖေဖော်ဝါရီ ၅ ၊ ၂၀၀၈

ကျနော်ပြည်တွင်းမှာနေတုန်း လွန်ခဲ့တဲ့လေးနှစ်လောက်က ဒီနာမည်မျိုးနဲ့ပဲ ပေါ်ပြူလာဂျာနယ်မှာ ဆောင်းပါး တပုဒ် ရေးခဲ့ဖူးပါတယ်။ အဲဒီတုန်းကတော့ ဆရာမျိုးမြတ်သူတို့ရဲ့ Forever e book အစီအစဉ်ကနေ ကျနော်တို့ရဲ့ လုံးချင်းစာအုပ်တွေကို အင်တာနက်ပေါ်တင်ပြီး ထုတ်ဝေရောင်းချတဲ့အကြောင်းကို အရင်းခံပြီးရေးလိုက်တာပါ။ အောင်ဝေးတို့လည်း အွန်လိုင်းစာရေး ဆရာဖြစ်သွားပြန်ပြီပေါ့လို့ ။
ပြည်တွင်းမှာတုန်းကတော့ ကိုယ်ရေးသားထုတ်ဝေလိုက်တဲ့စာ(လုံးချင်းစာအုပ်)ကို Forever က ကွန်ပျူတာ နည်းပညာနဲ့ အင်တာနက်က ၀ယ်ယူဖတ်ရှုလို့ရတဲ့ဈေးကွက်ထဲ ပို့လိုက်ရုံပါ။ ကိုယ်ကဘာမှ အိုင်တီနည်းပညာ တွေ တတ်စရာမလိုပါဘူး။ Forever က တနှစ်တခါ စာအုပ်ဖိုးရောင်းရတဲ့ငွေကို အခမ်းအနားလုပ်ပြီးရှင်းပေး လေ့ရှိပါတယ်။ အင်တာနက်ပေါ်မှာ ကျနော့် စာအုပ်တွေလည်း အတန်အသင့်ရောင်းချခဲ့ရတာပေါ့။

အခုကျနော် ပြည်ပကိုရောက်လာတဲ့အခါမှာတော့ ကိုယ့်စာတပုဒ် ကိုယ့်ကဗျာတပုဒ်ကို အွန်လိုင်းပေါ်ရောက်ဖို့ ဆိုတာ အတော့်ကို မလွယ်ကူတော့တာကလား။ ခက်ခဲနေတော့တာပါလား။ မလွယ်ဘူး ခက်တယ်ဆိုတာက အွန်လိုင်းမဂ္ဂဇင်းတွေက ကိုယ့်စာမူကိုမသုံးလို့ မတင်လို့မဟုတ်ပါဘူး။ ကျနော်တို့ရေးပို့လိုက်ရင် ဘယ်အွန်လိုင်း မဂ္ဂဇင်းကဖြစ်ဖြစ် လိုလိုလားလား ထည့်ပေးကြ တင်ပေးကြတာပါပဲ။ မလွယ်ဘူးဆိုတာက ခက်ခဲတယ်ဆိုတာက ကျနော်တို့မှာ ကွန်ပျူတာပဉ္စလက်ပညာ မတတ်တာပါဘဲ။ အိုင်တီနည်းပညာချို့တဲ့တာပါပဲ။

ကျနော်တို့အလုပ်က တသက်လုံးဘောပင်နဲ့ စာရွက်နဲ့ချရေးခဲ့ရတဲ့အလုပ်ဆိုတော့ ပြည်တွင်းမှာတုန်းကလည်း ကိုယ့်အဖို့ ကွန်ပျူတာဆိုတာ စာစီစာရိုက်ဖို့လောက်ပဲထင်ခဲ့တာကိုး။ ကိုယ်ကလက်နဲ့ရေးတဲ့အကျင့်ပဲ အားသန် ခဲ့တာ။ ပြည်တွင်းမှာ အီးမေးလ်ဆိုတာလည်း ကိုယ်ကမသုံးခဲ့ဖူးဘူး။ ကိုယ့်မှာအိမ်လိပ်စာကလွဲလို့ အီးမေးလ် လိပ်စာဆိုတာလည်း မရှိခဲ့ပါဘူး။
အခုပြည်ပကိုရောက်လာတော့ ဒါတွေကအခက်ကို တွေ့ပါရောလား။ ကျနော်ကွန်ပျူတာနဲ့စာမစီတတ်တော့ ကိုယ်စာတပုဒ် ရေးပြီးလို့ ဆိုပါတော့ ဧရာဝတီ၊ ခေတ်ပြိုင်၊ မိုးမခ စတဲ့ အွန်လိုင်းမဂ္ဂဇင်း တခုခုကို စာမူပို့ဖို့ လိုအပ် လာပြီဆိုရင် ပထမဘယ်သူ့ကို အရင်ချဉ်းကပ်ရသလဲဆိုတော့ ဒီဗွီဘီ ဗီဒီယိုသတင်းထောက် ခင်မင်းဇော်ကို မျက်နှာချိုသွေးရတော့တာပဲ။ သူအားရင်သူ သူမအားရင်သူ့ခင်ပွန်း ကိုမင်းဇော်တို့ကို စာစီခိုင်းရတယ်။ စာစီ ပြီး ရင် တခါတည်းသူတို့ကနေတဆင့် ကိုယ်ပို့ချင်တဲ့ဝက်ဘ်ဆိုဒ်ကို အီးမေးလ်နဲ့ပို့ခိုင်းရတော့တာပါပဲ။ ဒီလိုနည်းနဲ့ပဲ ကျနော့်စာတွေ ကဗျာတွေအွန်လိုင်းပေါ်မှာ တွေ့လာရတာပါ။

ကိုယ်ကအခုပြည်ပမှာ အခြေတကျ အနေတကျမဖြစ်သေးတော့ ကွန်ပျူတာလည်းသေချာမသင်ဖြစ်သေးပါဘူး။ အင်တာနက် ကြည့်နည်းကိုတော့ လက်နက်ကိုင်ကဗျာဆရာ မောင်လွမ်းဏီ သင်ပေးထားလို့ကြည့်တတ်နေပါပြီ။ ဒီဟာလေးတတ်လာတော့ ကိုယ်ကြည့်ချင်တဲ့ဝက်ဘ်ဆိုဒ်တွေ ဘလော့တွေကိုလေ့လာခွင့်ရတာဟာ အမြတ်ပေါ့။ ဒါတောင်မှ သိပ်ရှုပ်ရှုပ်ထွေးထွေး ဟိုကလိရ ဒီကလိရတဲ့ဟာတွေဆိုရင် ကိုယ်မလုပ်တတ်တော့ဘူး။ အနီးအနား မှာရှိတဲ့ သိတဲ့တတ်တဲ့သူ တဦးဦးကိုခေါ်ပြီး လုပ်ခိုင်းရတော့တာပါပဲ။

အိုင်တီမတတ်ရင် အွန်လိုင်းကဗျာဆရာလုပ်ဖို့မလွယ်ဘူးဆိုတာ ကျနော်သဘောပေါက်လာတယ်။ အခုပြည်ပ ရောက်မှ နောက်ထပ်နားလည်လာတာတခုက နအဖစစ်အုပ်စုကို ယဉ်ကျေးမှု စစ်မျက်နှာကနေ ကဗျာနဲ့တိုက် မယ်၊ စာနဲ့တိုက်မယ်လို့ ဆုံးဖြတ်ရင် အိုင်တီကောင်းကောင်းတတ်ကျွမ်းဖို့ လိုလိမ့်မယ်ဆိုတဲ့ အချက်ပဲ။
အခုနေတော့ ကျနော်ကွန်ပျူတာရှေ့ ထိုင်ထိုင်ပြီး အိုင်တီအငွေ့အသက်တွေ ရှုရှိုက်နေပါတယ်။ ဒေါက်တာ လွဏ်းဆွေတို့ ၊ ခင်မင်းဇော်တို့ ၊ ဆရာမမေငြိမ်းတို့ သူတို့ဘလော့ဂါတွေ လုပ်နေကိုင်နေတာတွေကို ကျနော် အကဲခတ်လေ့လာနေပါတယ်။ မောင်လွမ်းဏီရဲ့ အကူအညီနဲ့ ကမ္ဘာအရပ်ရပ်ကလာတဲ့ အီးမေးလ်တွေကို ကျနော် ဖွင့်ဖတ်နေပါတယ်။

အခုကျနော် ခရမ်းပြာမြင်းရိုင်း ဆိုတဲ့နာမည်နဲ့ ကဗျာစာအုပ်လေးတအုပ် ထုတ်ဖို့လုပ်နေပါတယ်။ ထုတ်ဝေသူက ဂျပန်က အာဟာရစာစောင်အယ်ဒီတာအဖွဲ့ပါ။ အဲဒီအတွက် မဲဆောက်နဲ့တိုကျို အီးမေးလ်တွေအပြန်ပြန် အလှန် လှန် သွားရပါတယ်။ အီးမေးလ်ကတဆင့် ကျနော့်ကဗျာစာအုပ်ကိစ္စတွေ လုပ်နေရပါတယ်။

ဟိုတလောကတော့ ဒေါက်တာလွဏ်းဆွေ အီးမေးကတဆင့် ကျနော့်ဆီကို ဆန်ဖရန်စစ္စကို မိုးမခမီဒီယာအဖွဲ့က ဆရာမောင်ရစ်တို့ ပို့လိုက်တဲ့အီးမေးလ်တစောင် ကျနော်ဖတ်ရပါတယ်။ အီလီနွိုက်စ် တက္ကသိုလ်က ကျနော့်ဆရာ ကလည်း တလောကပဲ ကျနော့်ဆီဖုန်းဆက်တုန်းက ဟေ့ကောင် အီးမေးလ်လိပ်စာလေးလုပ်ထားဦးကွလို့ အထူး သတိပေးသွားခဲ့ပါ သေးတယ်။
အခုတော့ ကျနော့်မှာ ကိုယ်ပိုင်အီးမေးလ် လိပ်စာလေးတခု ရှိနေပါပြီ။ မိုးမခအဖွဲ့ကပဲ ကိုဇာနည်ဝင်းမဲဆောက် ရောက်တုန်းခဏ ကျနော့်ကိုကွန်ပျူတာရှေ့ အတင်းဆွဲခေါ်ပြီး ချက်ခြင်းတည်ဆောက်ပေးလိုက်လို့ ကျနော် အီးမေးလ်လိပ်စာ ပိုင်သွားတာပါ။ ကိုဇာနည်ဝင်း အားချင်းသင်ပေးလိုက်လို့ အီးမေးလ် ဖွင့်တာပိတ်တာ စာပို့တာ တော့ ကျနော်ထမင်းစားရေသောက် တတ်နေပါပြီ။
ခုလောလောဆယ် ကျနော်ခင်မင်းဇော်တို့ လင်မယားဆီမှာ အင်္ဂလိပ်စာလက်ကွက် အရင်သင်ရမယ်။ ဒါမှ အီးမေးလ်နဲ့ ကိုယ်မက်ဆေ့ခ်ျ ပို့ချင်တဲ့ဟာ ကိုယ်ရေးလို့ရမယ်။
(မြန်မာလက်ကွက်ကတော့ ပျင်းပျင်းနဲ့ ဖြည်း ဖြည်းချင်း သင်ရဦးမှာပါပဲ) ကိုယ့်စာကိုယ်စီပြီး ကိုယ်ကိုယ်တိုင် အီးမေးလ်နဲ့ ပို့ချင်ရာပို့နိုင်ရင် အကောင်းဆုံး ပေါ့။
ခုတော့ ကျနော်အွန်လိုင်းကဗျာဆရာ၊ ဒါပေမယ့် အိုင်တီ သူငယ်တန်းကျောင်းသား ပါပဲဗျာ ။ ။

(မူရင်း-ဧရာဝတီ)

၃၃ လမ်းမှ ဒေါင်းရင်ပြင်သို့
ဖေဖော်ဝါရီ ၂၉၊ ၂၀၀၈

ဒီနေ့မနက် ငှက်တေးသံတွေကြားမှာ ကျနော် အိပ်ရာက နိုးလာခဲ့တယ်။ မနက်ခင်းလေးမှာ ကျနော် လေညင်းကလေးကို နှုတ်ဆက်လိုက်ပါတယ်။ မဲဆောက်မြို့ရဲ့အရုဏ်ဦးဟာ ဖူးငုံစ နှင်းဆီပန်းကလေးလို ရောင်ခြည်နုနုကလေး သောင်ရင်း မြစ်ဒီဘက်ကမ်းကို ကူးလာခါစပါ။
ကျနော် ၀ိညာဉ်ကိုယ်လက် သန့်ကျင်းပြီးပါပြီ။ ကျနော် ဒေါင်းရင်ပြင်အလယ်မှာ မတ်မတ်ရပ်ပြီး နေမင်းကြီးကို ကြိုဆိုဖို့ အသင့်ဖြစ်နေပါပြီ။ ပြီးရင် ရောင်စုံသစ်ခွပန်းဥယျာဉ်ကလေးထဲမှာ ကျနော် ဘ၀ကို လွမ်းအားပိုရပါဦးမယ်။

ညတညဟာ လှပရွှန်းပြက်တဲ့ အိပ်မက်တွေနဲ့ ကုန်ဆုံးလွန်မြောက်သွားတာလည်း ရှိခဲ့ပါတယ်။ တခါတလေ မဆုံးနိုင်တဲ့ အိပ်မက်ဆိုးတွေ၊ ချောက်အိပ်မက်တွေနဲ့ ညတာရှည်လွန်းတာလည်း ရှိခဲ့သပေါ့။ တခါတခါကျတော့လည်း ပျောက်ဆုံး သွားတဲ့ညကို လိုက်ရှာရင်း မိုးစင်စင် လင်းခဲ့ရပြန်တယ်လေ။ အခုအချိန်မှာ ကျနော် အမှတ်ရဆုံးညတွေကတော့ ပုန်းခို ကျင်းထဲက ညတွေပါပဲ။
စက်တင်ဘာအရေးတော်ပုံကြီး ဖြိုခွဲခံရပြီးစ ရန်ကုန်မြို့ရဲ့ ညတွေ ညတွေမှာ တနေရာပြီးတနေရာ ရင်တထိတ်ထိတ်နဲ့ ပြောင်းရွှေ့ပုန်းအောင်းခဲ့ရတဲ့ အဖြစ်ဟာ မြစ်တစ်မြစ်လိုဆိုရင် နိုင်းမြစ်ကြီးထက်တောင် ရှည်နေပါလိမ့်ဦးမယ်။ စစ်ပွဲ တပွဲလိုဆိုရင် ဒုတိယကမ္ဘာစစ်ကြီးထက်မက ခက်ထန်ကြမ်းရှနေပါလိမ့်ဦးမယ်။

ပုန်းခိုကျင်းထဲကနေ အပြင်ဘက်က ဘူးစင်ကလေးတခုအပေါ် ကျထင်နေတဲ့ လရောင်ကို ခိုးပြီးကြည့်ခဲ့ရတဲ့ ညတည ဟာ ကဗျာတပုဒ်တော့ ဖြင့် ကျနော့်ကို ထိုက်ထိုက်တန်တန် ပြန်ပေးခဲ့ဖူးပါရဲ့။ “စုစုနွေးဖတ်ဖို့ ကဗျာတပုဒ်” ဆိုတာဟာ နအဖ စစ်ခွေးတွေ လိုက်လံချောင်းမြောင်း သတ်ဖြတ်နေတဲ့ကြားက လွတ်ထွက်လာတဲ့ ငွေလရောင်ကလေးက ပေးတဲ့ ကဗျာပေါ့။

ဘူးညွန့်နွယ်ကလေးတွေလေမှာ တလွင့်လွင့်စင်ပေါ်ကို အဆင့်ဆင့် ကြိုးစားတွယ်တက်နေကြတာပေါ့၊ တော်လှန်ရေးကိုငါ မြင်နေရတာပါကွယ်၊ လရောင် ကြယ်ရောင်အောက်ကနေ နေရောင် တောက်ပတဲ့တနေ့ အဲဒီ ဘူးညွန့်စိမ်းစိမ်းကလေးတွေ စင်ပေါ်ကို ကျိန်းသေရောက်မှာပဲ၊ ညီမလေးရယ်တော်လှန်ရေးကို ငါ မြင်နေရပါပေါ့၊ Evolutionary revolution တဲ့ တို့တတွေ ဘူးညွန့်နွယ်လေးတွေလို အဆင့်ဆင့် တော်လှန် ပြောင်းလဲခဲ့ကြပြီ၊ ဒီတခါတို့ တော်လှန်ပြောင်းလဲဖို့ကတော့ တနှစ်အတွင်း အနိုင်တိုက်ရေး အာဏာသိမ်းပိုက်ရေးပဲ ညီမလေး…။

ဟိုတုန်းကတော့ ကျနော်လွမ်းစရာက ၃၃လမ်းပါ။ အခုတော့ လင်ပစ်မလို စုတ်တီးစုတ်ဖတ် ဖြစ်ကျန်ခဲ့တဲ့ ရန်ကုန်မြို့ကြီး ရယ်။ တခုသော နေရာဟာ ကျနော်တို့ရဲ့ ဌာနချုပ်ပါပဲ။

၁၉၈၈ မတိုင်မီက ရွှေကြည်အေးခေတ်။ ၁၉၈၈ နောက်ပိုင်းကျတော့ လေထန်ကုန်းခေတ်။ ခေတ်တွေ ဘယ်လို ပြောင်းပြောင်း ဒီ ၃၃ လမ်းကလေးပေါ်မှာပဲ ကျနော်တို့ကဗျာတွေ၊ ကျနော်တို့စာတွေ၊ မွေးဖွားခဲ့ကြ ဖြတ်သန်းခဲ့ကြတာပေါ့။ ၃၃လမ်း ဟာ လမ်းတိုကလေးပါ။ ဒါပေမယ့် ကျနော်တို့စာပေသမားတွေရဲ့ ဒုက္ခကတော့ ရှည်လျားလွန်း လှပါတယ်။ ဒုက္ခကို ရယ်မောပစ်နိုင်တဲ့သူဟာ ယောက်ျားကောင်းလို့ဆိုရင် ကျနော်တို့ကဗျာဆရာတွေဟာ အကုန်လုံး ယောက်ျားကောင်း ယောက်ျားမြတ်တွေ ဖြစ်နိုင်တာပေါ့။

ခေတ်ကို ကဗျာနဲ့တိုက်ခိုက်ကြတဲ့ ကဗျာဆရာတွေ၊ စစ်ကို သေနတ်မကိုင်ဘဲ ကလောင်ကိုင်ပြီး တိုက်နေကြတဲ့ ကဗျာ ဆရာတွေ၊ ရှစ်လေးလုံး သမိုင်းသစ် အရေးတော်ပုံကြီးတုန်းကလည်း ဒီနေရာမှာ ဌာနချုပ်ဖွင့်ပြီး ကဗျာဆရာတွေ တိုက်ပွဲ ၀င်ခဲ့ကြတာပါပဲ။ ဟော … ပြီးခဲ့တဲ့ စက်တင်ဘာရွှေဝါရောင် တော်လှန်ရေးကြီးမှာလည်း ဒီနေရာ ဒီ ၃၃လမ်း ဒီစခန်းမှာပဲ ဌာနချုပ်ဖွင့်ပြီး ကဗျာဆရာတွေ တိုက်ပွဲဝင်ခဲ့ကြတာပေါ့။

စစ်အာဏာရှင်စနစ်ကို တိုက်ခိုက်ချေမှုန်းပစ်ရမယ်ဆိုတဲ့ အသိစိတ်ဓာတ်ဟာ တော်လှန်တဲ့ကဗျာဆရာတွေရဲ့ ရိုးရာ ယဉ်ကျေးမှုပဲပေါ့။ ဒီရိုးရာ ဒီယဉ်ကျေးမှုအောက်မှာ ၃၃လမ်းဟာ ခံတပ်တခုလည်း ဖြစ်ခဲ့တယ်။ ရဲတိုက်တခုဆိုရင်လည်း မမှားဘူးပေါ့။ ဒီခံတပ် ဒီရဲတိုက်ထဲကနေ လွတ်လပ်မှုအတွက် အသက်ပေးသွားခဲ့ကြသူတွေ၊ တရားမျှတမှုအတွက် ဖမ်းဆီး ထိန်းသိမ်းခံနေရတဲ့သူတွေ၊ ငြိမ်းချမ်းရေးအတွက် ဒုက္ခကို ခါးစည်း ခံနေရတဲ့သူတွေ။

ဒီမနက်ခင်းမှာ ကျနော် ၃၃လမ်းပေါ်က ကဗျာဆရာ ညီတော် နောင်တော်အပေါင်းကို အထူးပင် သတိရနေပါတယ်။ နေရောင်ခြည်အောက်မှာ ကျနော် ကြံ့ကြံ့တည်တည် ရပ်နေပါတယ်။ ယုံကြည်ချက်ကို မတ်မတ်ခိုင်အောင် ကျနော် စိုက်ထူ နေပါတယ်။ အလံမလှဲစတမ်း၊ အလံမလှဲစတမ်း၊ အလံမလှဲစတမ်း၊ အလံမလှဲစတမ်း၊ အလံမလှဲစတမ်း၊ အလံ မလှဲစတမ်း၊ အလံမလှဲစတမ်း၊ အလံမလှဲစတမ်း၊ အလံမလှဲစတမ်း၊ အလံမလှဲစတမ်း၊ အလံမလှဲစတမ်း၊ အလံမလှဲ စတမ်း၊ အလံမလှဲစတမ်း၊ အလံမလှဲစတမ်း၊ အလံမလှဲစတမ်း။

အခု ကျနော်ရပ်နေတဲ့မြေကြီးကို ဒေါင်းရင်ပြင်လို့ခေါ်ပါတယ်။ မဲဆောက်မြို့က ဒေါင်းရင်ပြင်ဟာလည်း လွတ်မြောက် နယ်မြေက ကဗျာဆရာတွေရဲ့ ဌာနချုပ်ပါပဲ။ ဒေါင်းရင်ပြင်က ကဗျာဆရာအများစုကတော့ သေနတ်ကိုလည်း ကောင်း မွန် ကျွမ်းကျင်စွာ ကိုင်တွယ်ပစ်ခက်တတ်တယ် ဆိုတဲ့ အချက်ကတော့ ကျနော်မလေးစားဘဲ နေလို့မရတဲ့ အချက်ပေါ့။

တိုက်ပွဲဆိုတာ ဘယ်လိုအချိန်၊ ဘယ်လိုနေရာမှာ ဘယ်လိုပုံသဏ္ဍာန်နဲ့ပဲတိုက်တိုက် ဘုံရန်သူကို တိုက်ခိုက်နေခြင်းသာ အဓိကပဲ မဟုတ်လား။ နအဖ စစ်အုပ်စုကို မမှိတ်မသုန် တိုက်ခိုက်နေဖို့ပဲ အရေးကြီးပါတယ်။ သေနတ်နဲ့ပဲတိုက်တိုက်၊ ကဗျာနဲ့ပဲ တိုက်တိုက်၊ ဘာနဲ့ပဲ တိုက်တိုက် စစ်အာဏာရှင်စနစ် ပြုတ်ကျသွားဖို့ လိုရင်းပါပဲ။

ကဗျာဆရာဆိုတာလည်း တဦးတယောက်တည်းနဲ့ ဖွဲ့စည်းထားတဲ့ တပ်မတော်တခုပါပဲ။ A poet is an army of one တဲ့။ ထို့အတူပဲ A poet is a rival government တဲ့။ ကဗျာဆရာတယောက်ဟာလည်း စင်ပြိုင်အစိုးရတရပ်ပါပဲ။ ကဲ … ဘယ်လောက် တက်ကြွချိုမြိန်ဖို့ ကောင်းတဲ့ အဆိုအမိန့်ပါလဲ။

မဲဆောက်မြို့ရဲ့ နံနက်ခင်းဟာ နွေဦး နှင်းမြူတွေနဲ့ လင်းလူနေပါပြီ။ ဟိုးအဝေးက ဘန်ကောက်မြို့တော်ကြီးဘက်ကို မှန်းဆလွမ်းတနေတဲ့ တောင်တန်းရှည်ကြီးတွေပေါ်မှာ နေရောင်တွေ နှင်းနဲ့ ရွှဲစိုလို့ ချမ်းပဲချမ်းနေရော့လေမလား။ ဒေါင်း ရင်ပြင်ပေါ်မှာတော့ နှင်းဝေေ၀တွေက အာဇာနည်တွေရဲ့ သွေးတွေသွေးတွေနဲ့ လိမ်းကျံရောစပ်လို့ ပန်းရောင် ယှက်သန်း နေပါပြီ။
၃၃လမ်းမှာတုန်းကလည်း ကဗျာဆရာတွေဟာ ခေတ်ကြီးကို သယ်ပိုးနိုင်သလောက် ထမ်းပိုးသယ်ဆောင်ခဲ့ကြပါပြီ။ ခေတ်ပြိုင်ခံစားမှု၊ လူထု ရင်ခုန်သံ၊ ပဉ္စမ မြန်မာနိုင်ငံတော်နှင့် … တော်လှန်သော အနုပညာ။ ဒီဒေါင်းရင်ပြင်မှာလည်း ကဗျာဆရာတွေဟာ ခေတ်ကြီးတခုလုံးကို သယ်ပိုးနိုင်သလောက် ထမ်းပိုးသယ်ဆောင်နေကြပါပြီ။ ဒါဟာ ဆရာဗန်းမော် တင်အောင်ရဲ့ အလိုကျပဲ မဟုတ်လား။

“လူတယောက်ရဲ့ တန်ဖိုးကို သူဖြတ်သန်းကျော်လွှားနေတဲ့ ခေတ်ကြီးက သူ့ပခုံးပေါ် တင်ပေးလိုက်တဲ့ သမိုင်းတာဝန်ကို သူဘယ်လောက် သယ်ပိုးထမ်းဆောင်ခဲ့တယ်ဆိုတဲ့ အချက်နဲ့ တိုင်းတာရမှာပဲ”
ဆရာဗန်းမော်တင်အောင် မကွယ်လွန်ခင် ရန်ကုန်ဆေးရုံကြီးပေါ်မှာ သားတွေကို နောက်ဆုံးပြောခဲ့တဲ့ စကားတွေပဲပေါ့။ ဆရာဗန်းမော် တင်အောင် (၁၉၂၀-၁၉၇၈) ၂၃-၁၀-၇၈ နေ့ ကွယ်လွန်ပါတယ်။

သမိုင်းကို တာဝန်ယူရဲသူတွေအဖို့တော့ ၃၃လမ်းဟာလည်း ၃၃လမ်းသက်သက် မဟုတ်ပါဘူး။ သမိုင်းတာဝန် ကျေပွန် လို သူတွေအဖို့တော့ ဒေါင်းရင်ပြင်ဟာလည်း ဒေါင်းရင်ပြင်သက်သက် မဟုတ်ပါဘူး။ ၃၃လမ်းပဲဖြစ်ဖြစ်၊ ဒေါင်းရင်ပြင် ပဲဖြစ်ဖြစ် စစ်အာဏာရှင်စနစ်ကို အသေ အကြေတိုက်ခိုက်နေတဲ့၊ ဒီမိုကရေစီ နိုင်ငံတော်ကိုထူထောင်ဖို့ ကြိုးပမ်းနေတဲ့ တော်လှန်သော အနုပညာရှင်တွေရဲ့ ဘူမိနက်သန်နေရာ မှန်ရင် တနေ့ ဗိုလ်ဝင်ခံရမှာပါပဲ။ အောင်စည်ဆော်လော့၊ ပြည်တော်ဝင်ခန်း ရောက်ချေပြီ။
မဲဆောက်မြို့ရဲ့ နံနက်ခင်းလေးဟာ နေရောင်အောက်မှာ ပိုပြီး အသက်ဝင်လာပါတယ်။ ဘ၀ဟာ ပိုပြီး ခိုင်မာလာပါတယ်။
ဒေါင်းရင်ပြင် ပန်းဥယျာဉ်ကလေးထဲက သစ်ခွပွင့်ရောင်စုံတွေကြားမှာ ကျနော် ရပ်ငေးတွေးသီရင်း လွမ်းနေ မိပါရဲ့။
ချန်ချင်းကို လွမ်းတာပဲလား။ယာမာဂူချီကို လွမ်းတာပဲလား။ယင်အန်းကိုပဲ ငါ ရောက်နေတာလား။ ကျနော် မဝေခွဲတတ်တော့ပါဘူး။ ။
(မူရင်း-ဧရာဝတီ)

အောင်ဝေးနဲ့ စကားလက်ဆုံ

အောင်ဝေးနဲ့ စကားလက်ဆုံ
မောင်ရစ်
မတ် ၂၃၊ ၂၀၀၈

မိတ်ဆွေများ
သူ အခုတော့ အမေရိကား၊ မီချီဂန်က လန်ဇင်းဆိုတဲ့အရပ်ကို ရောက်နေပါပြီ။ သူနေတဲ့ နေရာက နွေဦးရိပ်သာပါ တဲ့။ သို့သော် နှင်းတွေက ၃ ပေလောက် ထူထပ်တယ်လို့ ဆိုပါတယ်။ ဖုန်း အဆက်အသွယ် ရရချင်း ကဗျာတပုဒ် လက်တမ်း ရွတ်ပေးနေပါတယ်။ မိုးမခမှာ အင်္ဂလိပ်လို တင်ရမတဲ့။ ဘာသာပြန်ပြီး တွဲမတင်ပါနဲ့တဲ့။ အေးဗျာ တင်ရတာပေါ့။


တယောက်တည်းလား
ဟုတ်တယ်။ လာတုန်းကတော့ အဖွဲ့နဲ့ပါပဲ။ အခုတော့ တယောက် တနေရာစီ။ မဲဆောက်၊ နယူးယောက်၊ ပြီးတော့ ဒီက မီချီဂန်က လန်ဇင်းကို ရောက်နေပြီ။ မတ်လ ၁၉ က ထွက်လာတာ။ နယူးယောက်မှာတုန်းက တယောက်တည်း လမ်းလျှောက်ပြီး လိုက်ကြည့် ငေးမောနေမိသေးတယ်။အခု ကွန်ပျူတာ မရှိဘူး။ နေရာချထားရေးဌာနရဲ့ ရုံးဖွင့်တဲ့နေ့တွေကျရင်တော့ အင်တာနက်နဲ့ တွေ့ရမယ် ထင်တယ်။

အဖော်တွေကကော
အဖော် ၄ ယောက်နဲ့လာတာ။ အရင်အဖွဲ့က ဘုန်းကြီး ၃ ပါး။ အခုအဖွဲ့က လူငယ် ၃ ဦး ပြီးတော့ အောင်ဝေး။ ၂ ဦးက နယူးယောက် ကျွဲဆည်ကန်၊ တဦးက နယူးဂျာဆီတို့ဆီမှာ ပြောင်းရွှေ့အခြေကျကြမယ် ဆိုတယ်။ အခုအဖွဲ့နဲ့အတူ ဦးပညာဝံသဆိုတဲ့ ကိုယ်တော်လည်း ပါတယ်လို့ ဆိုပါတယ်။

မိုးမခနဲ့ ရေစက်က ဘာတွေလို့ ပြောမလဲ
စက်တင်ဘာ အရေးအခင်းတုန်းက 3 F ကဗျာ။ အဲဒီ နံမည်နဲ့ ကဗျာကို အမြဲတမ်း ဂူးဂဲပေါ်ကရှာတိုင်း တွေ့နေတယ်။ ပြီးတော့ မိုးမခက လုပ်ပေးတဲ့ အောင်ဝေး ဘလောက်။ စုဝေးပြီး တင်ပေးထားလို့ ကဗျာတွေ စာတွေကို တစုတစည်းတည်း တွေ့ရတယ်။ ၃၃ လမ်းမှ ဒေါင်းရင်ပြင်သို့ ဆိုတဲ့စာရယ်၊ အောင်ဝေး စစ်တမ်းကို အင်္ဂလိပ်လို ရေးထားတာရယ်ကို ဆက်ပြီး တင်ပေးပါဦး။

မဲဆောက်မှာ အမှတ်ရနေမယ့် အနုပညာတင်ဆက်မှုတခု ရှိသလား
"ကမ္ဘာ့ကဗျာနေ့"မှာ အချိန်တိုတို ရက်တိုတိုအတွင်း စီစဉ်ခဲ့ရတဲ့ မြန်မာကဗျာနဲ့ ကဗျာဆရာတွေရဲ့ တင်ဆက်မှု ဖြစ်မယ်ထင်ပါတယ်။ ဒီဗွီဘီက မူပိုင်တင်ဆက်မှာဖြစ်ပါတယ်။ အဲဒါကို ၃ ပိုင်းခွဲပြီး လွှင့်မယ်ပြောတယ်။ အင်တာနက်ပေါ်က ကြည့်ခွင့်ရရင် ကြည့်ပြီး ခံစားကြည့်ပါဦး။
"အဖြူရောင်သက်တံ" ကဗျာရွတ်ဆိုပွဲတုန်းက ၀ိုင်းဝန်း စီစဉ်ခဲ့ရတာထက် အချိန်တိုတိုနဲ့ အမြန်တင်ဆက်ရတာ ဖြစ်ပါတယ်။ "ဒေါင်းရင်ပြင်မှ ပဲ့တင်သံများ"လို၊ "အောင်ဆန်းနှင်းဆီ"လိုမျိုး ကဗျာပြပွဲ ခေါင်းစဉ် သီးသန့်နဲ့ လုပ်ချင်တာတွေလည်း ရင်ထဲမှာ အများကြီးပဲ။
မဲဆောက်ရောက်တော့ "ပရိုပိုဇယ် နိုင်ငံရေး"ဆိုပြီး ဝေဖန်ခဲ့ပေမယ့် အဲဒီ "ကမ္ဘာ့ကဗျာနေ့" တင်ဆက်မှုလည်းကျရော ကိုယ်တိုင် ပရောဂျက်ပရိုပိုဇယ် ရေးတင်ခဲ့ရတာလည်း အမှတ်တရပဲ ဖြစ်မယ်ထင်တယ်။ အဲလိုမျိုး ကုန်ကျစရိတ်ကို မတင်ပြနိုင်ရင် ဒါမျိုးကို လုပ်ဖို့ မလွယ်ဘူးဆိုတော့လည်း အောင်ဝေးလည်း ပရိုပိုဇယ် ရေးဖူးသွားတာပါပဲ။

အစက ပြည်တွင်းမှာ၊ နောက်တော့ လွတ်မြောက်နယ်မြေ၊ အခုတော့ အမေရိကန်မဲဇာ မှာပေါ့ဗျာ။ ဘာထူးခြားတဲ့ ခံစားချက် ဖြစ်ခဲ့တာ ရှိလဲ။
မဲဆောက်ကနေ အမေရိကန်ကို စပြီးထွက်ခွာတဲ့နေ့မှာပဲ ပြည်တွင်းက ကျော်ကိုကိုတို့ အဖမ်းခံရတဲ့သတင်းက လမ်းခရီးမတ်တတ်မှာ ၀င်ချလာတယ်။ ကိုယ်တို့က အဝေးတနေရာကို သွားနေတဲ့အချိန်မှာ၊ ဟိုက တသုတ်ပြီး တသုတ် အဖမ်းခံနေရပြီ။ ပါလာတဲ့ တယောက်ကဆိုရင် ကြေကွဲလွန်းလို့ ငိုတယ်။ မျက်ရည်ကျတယ်။ ကိုယ်ကတော့ ကဗျာရေးတယ်။ ဒေါက်တာလွဏ်းဆွေဆီ ဖုန်းနဲ့ ကဗျာကို ပို့တယ်။ ရှေ့က စာလုံးတွေကို ဖြတ်ဖတ်ရင် “ဗ က သ” လို့ ပေါ်နေတဲ့ ကဗျာကို ရေးပို့ဖြစ်တယ်။

အခု ဘယ်လို ဆက်သွားကြမလဲ။
စာတွေ၊ ကဗျာတွေ ရေးနေမှာပဲ။ မိုးမခမှာလည်း ရေးမှာပဲ။ ဆရာဦးစောထွန်းတို့၊ ဆရာမောင်စွမ်းရည်တို့နဲ့ တိုင်ပင်ပြီး လုပ်စရာရှိတာတွေလည်း လုပ်နေမှာ ဖြစ်ပါတယ်။ ပြည်တွင်းမှာတုန်းကတော့ ဘောလုံးပွဲမှာ ၀င်ကန်နေလို့ရတယ်။ အခုတော့ ဘောလုံးပွဲထဲ ၀င်ကန်တဲ့လူ မဟုတ်နိုင်တော့ အရန်နေရာက အားပေးတာမျိုး၊ လိုအပ်တဲ့ နေရာလေးတွေမှာ ၀င်လုပ်ပေးနေတာမျိုး၊ ဆူပူ ကန့်ကွက် အပြစ်ပြောနေတဲ့ နေရာထက် အားပါးတရ အော်ဟစ်အားပေး အသံပြုပေးနေရတဲ့ နေရာကနေ မပျက်မကွက် ဆက်ပြီး ထမ်းဆောင်နေရမယ်လို့ ထင်ပါတယ်။
မဲဆောက်မှာ "ခရမ်းပြာမြင်းရိုင်း" စာအုပ်လုပ်လက်စ တန်းလန်းနဲ့ ထားခဲ့ရတယ်။ အဲဒါကို မိတ်ဆွေတွေနဲ့ ဆက်ပြီး လုပ်ဖြစ်မယ်ထင်တယ်။ အဆက်အသွယ်တွေ ပြန်ရကြလို့ရှိရင်ပေါ့လေ။

ပြည်တွင်းကနေ လွတ်မြောက်နယ်မြေ ရောက်လာရချိန်မှာ ခင်ဗျားကို ကြိုဆိုမှုတွေထဲက အမှတ်တရ တခု ပြောပြပါ
ပြည်တွင်းကနေ နယ်စပ်ဒေသမှာ ကိုယ်ဖျောက်ပြီး နေနေရတော့ ဘယ်သူနဲ့မှလည်း ဆက်သွယ်လို့မရဘူး။ စကားပြောလို့လည်း မရဘူး။ သီးခြားနေနေရတယ်။ လုံခြုံရေးအရ။ သိတဲ့လူတွေ အဖွဲ့တွေကလည်း သိုသိုသိပ်သိပ်နဲ့ ထိန်းထားကြရတယ်။ အဲဒီမှာ နောက်ဆုံးတော့ တဖြည်းဖြည်းနဲ့ သိလာကြတဲ့အချိန်မှာ ပဒိုမန်းရှာက အောင်ဝေးကို တွေ့သွားတယ်။ သူ့အိမ်မှာ ထမင်းဖိတ်ကျွေးပြီး စကားလက်ဆုံတွေ ပြောဖြစ်ကြတယ်။
အောင်ဝေး စစ်တမ်းကိုလည်း အပြုသဘော ဝေဖန်ပါတယ်။ တိုင်းရင်းသားကိစ္စတွေနဲ့ ပတ်သက်ပြီးလည်း အသေးစိတ် အချိန်ယူပြီး လေ့လာပြီးရေးဖို့ သူက အကြံပေးပါတယ်။ တွေ့ဆုံစကားပြောဖြစ်တာ အများကြီးပါပဲ။ ဥပမာ ဟန်ညောင်ဝေက အင်တာဗျုးတခုမှာ ရှမ်းပြည်ဟာ ဘယ်တုန်းကမှ မြန်မာပြည်လို ကိုလိုနီ မဖြစ်ခဲ့ဘူး၊ ပင်လုံစာချုပ်မှာ လက်မှတ်ထိုးခဲ့တာကလည်း ဗိုလ်ချုပ်အောင်ဆန်းကို ထောက်ထားပြီး လက်မှတ်ထိုးပေးခဲ့တာ ဖြစ်တယ်လို့ ပြောလာတာမျိုးတွေကို ဆွေးနွေးဖြစ်ကြတာတွေ ရှိပါတယ်။
ပြီးတော့ မိုးမခက အင်တာဗျူးတော့ ခေါင်းစဉ်မှာ ပေးထားတဲ့ "တော်လှန်ရေးသမား ကဗျာဆရာ" ဆိုတဲ့ခေါင်းစဉ်ကို သူ သဘောကျတယ်လို့ ပြောဖူးပါတယ်။ အဲဒါကို ကျနော် အမြဲအမှတ်တရ သိမ်းဆည်းထားရမှာ ဖြစ်ပါတယ်။

ခင်ဗျား ပြည်တွင်းကထွက်ခွာခဲ့ပြီးနောက် စိတ်ထိခိုက်စရာတချို့ကို ပြောပြပါဦး။
ကိုစောဝေကို ဖမ်းချုပ်လိုက်ကြတယ်။ သူ့ရဲ့ကဗျာတပုဒ်အတွက်နဲ့ သူ့ကို ထောင်ထဲ ထည့်လိုက်တယ်။ ပြီးတော့ စိုင်းထီးဆိုင် ဆုံးသွားတယ်။ သူဟာ ၈၈ အရေးအခင်းမှာ ပြည်သူ့ဆေးရုံကြီး ပြင်ပလူနာဌာနရှေ့မှာ ဟောပြောပွဲတွေလုပ်စဉ်က ပထမဦးဆုံး လာရောက်ဟောပြောတဲ့ ဂီတအနုပညာရှင်တယောက်အနေနဲ့ မှတ်မိနေခဲ့တယ်။ သူက ပြောဖူးတယ်၊ ငှက်ကြီး (ထူးအိမ်သင်)ဟာ သေသွားသည်အထိ ပေါ်လစီသီချင်းတပုဒ်မှာ ဆိုမသွားခဲ့ဘူးတဲ့။ ကျနော်တို့တွေ သူတို့အကြောင်းတွေ အများကြီး ရေးရအုံးမယ်။ ကိုထီးဟာ အင်န်အယ်လ်ဒီ တတ်သိပညာရှင်တဦးအဖြစ်လည်း ရပ်တည်ပေးခဲ့ပါတယ်။

မဲဆောက်၊ လွတ်မြောက်နယ်မြေမှာ ဘာတွေ လုပ်ဖြစ်သလဲ။ ဘာတွေ ကြုံတွေ့ခဲ့ရသလဲ။
ကျနော် ယုံကြည်တာတွေ ပြောတယ်၊ ရေးတယ်၊ လုပ်ခဲ့တယ်။ သား ၃ သား ညီညွတ်ရေးကိုလည်း ဆက်လက် ဟစ်ကြွေးနေရမှာပဲ။ စစ်သား ၄ သိန်း၊ ၀န်ထမ်း ၄ သိန်း ရှိတယ်ထားဦး၊ ပြည်သူတွေရဲ့ အင်အားက သန်းနဲ့ချီပြီး မြန်မာပြည်မှာ ရှိနေတယ်။
အခု ပြည်သူ့ဆန္ဒခံယူပွဲကို ကန့်ကွက်တာပဲဖြစ်ဖြစ်၊ ကန့်ကွက်မဲပဲ ဖြစ်ဖြစ် ၀ိုင်းပြီး လုပ်ကြရမှာ ဖြစ်ပါတယ်။ ကျနော် အင်န်စီယူဘီရဲ့ မီဒီယာအဖွဲ့မှာ ကိုစိုးနေလင်းတို့၊ ကိုလွမ်းဏီတို့နဲ့ တွဲပြီး ၀ိုင်းဝန်း ဆောင်ရွက်ပေးခဲ့ပါတယ်။ ပီနန်ဆရာတော်တို့၊ အင်္ဂလန်က ဦးဥတ္တရတို့နဲ့လည်း သာသနာ့ဥသျှောင်အဖွဲ့ကိုယ်စား ဆွေးနွေးခဲ့ကြတာတွေလည်း ရှိခဲ့ပါတယ်။ မဲဆောက်က အင်အားစုတွေက အခုအချိန်မှာ အတက်ကြွဆုံးအချိန်တွေပါပဲ။ ဒီအချိန်မှာ အားလုံးက ပြည်တွင်းက အင်အားစုတွေနဲ့ တစုတစည်းတည်း တပြိုင်နက်တည်း ၀ိုင်းဝန်းဆောင်ရွက် အားပေးကြရမယ့် အချိန်တွေ ဖြစ်နေပါတယ်။
အယင်ကတော့ မဲဆောက်ဟာ ဖရိုးဇင်းလိတ်ခ်လို့ ပြောချင်တယ်။ ပရိုပိုဇယ်နိုင်ငံရေးနဲ့ ပြီးနေတော့မှာလားလို့ ဝေဖန်ရမလို ဖြစ်နေတယ်။ ဒေးဝမ်းကို မပြင်ဆင်ကြသေးဘဲ ဒေးတူးတွေ၊ ဒေးသရီးတွေအတွက် လုပ်နေကြ၊ ပြင်ဆင်နေကြသလိုပါပဲ။ ဒါက ကျနော် မြင်သလို ပြောတာပါ။ စစ်အစိုးရကို အပြုတ်တိုက်နိုင်ရေးကို အရင်ဆုံး လုပ်ကြရမယ့်အစား ဒီမိုကရေစီရပြီးမှ ပြောရ လုပ်ရမယ့် ကိစ္စတွေ လုပ်နေ၊ ပြောနေ၊ ပြင်နေကြတာတွေလည်း ရှိနေသလိုပဲလို့ ပြောချင်ပါတယ်။
တခါတလေတော့လည်း ပြည်တွင်းကလာတဲ့ မြန်မာတယောက်အနေနဲ့ ကသိကအောင့် ဖြစ်ရတာတွေလည်း မြင်ရတာပေါ့လေ။ ဥပမာ - အမျိုးသမီးများ အထိမ်းအမှတ်နေ့မှာ "ပြည့်တန်ဆာအခွင့်အရေး လူ့အခွင့်အရေး" လို့ ဆိုင်းဘုတ်ချိတ်ထားတော့ ကျနော့်သဘောသာဆိုရင် "အမျိုးသမီးအခွင့်အရေး လူ့အခွင့်အရေး"လို့ ပြောချလိုက်တာက ပိုကောင်းနေမလားလို့ စိတ်ထဲမှာ ဖြစ်မိတာမျိုးတွေ ရှိခဲ့ဖူးပါတယ်။

အခု ခင်ဗျား အခြေအနေကို ပြောပါအုံး။
ကွန်ပျူတာနဲ့ အီးမေးနဲ့ အဆက်အသွယ်တွေ ပြန်ရရင် စာပိုရေးဖြစ်မယ်။ အခုတော့ လက်နဲ့ရေးပြီး စာတိုက်ကနေ မိုးမခဆီ စာမူတွေ ပို့ရတော့မှာပဲ။ ခင်ဗျားတို့က ကျနော့်ကို နှစ်ရှည် စီမံကိန်းတခုနဲ့ လက်ပ်တော့ကွန်ပျူတာလေးသာ ရောင်းချပေးမယ်ဆိုရင် ကျနော် စာမူ ဘယ် နှစ်ရာ ဘယ် နှစ်ထောင် ရေးပြီး ပြန်ဆပ်ပေးရမလဲ ဆိုတာ ပြောပါဗျာ။
ဒီနေ့ဟာ ဆရာကြီးသခင်ကိုယ်တော်မှိုင်းရဲ့ ၁၃၂ ပြည့် မွေးနေ့ ဖြစ်တယ်။ ကျနော် အခု မိုးမခဆီကို ခုနင်က ကဗျာကို ရေးပို့လိုက်တယ်။
မိတ်ဆွေတွေကို ပြောလိုက်ပါ။ ကျနော် နှုတ်ဆက်ပါတယ်လို့။ မိုးမခ ၀ိုင်းတော်သားတွေကိုလည်း နှုတ်ဆက်လိုက်ပါ။ ကျနော် အောင်ဝေး ပါလို့။
(မူရင်း-မိုးမခ)