Friday, December 6, 2013

A TRIBUTE TO NELSON MANDELA (1918-2013) L I N E S T O Z I N D Z I



Zindzi,
I don’t know what can I say.
The world has lost its greatest leader.

Zindzi,
I don’t know what can I say.
The rainbow nation has lost its greatest son.

Zindzi,
I don’t know what can I say.
The world grieves for “greatest leader”.

Zindzi,
I don’t know what can I say.
S. Africa grieves for “greatest son”.

Zindzi,
I don’t know what can I say.
Your father transformed his country and himself.

Zindzi,
I don’t know what can I say.
Your father will always be father of his country.

Zindzi,
I don’t know what can I say.
Your father is the man who committed life to freedom.

Zindzi,
I don’t know what can I say.
Your father built government around reconciliation.

Zindzi,
I don’t know what can I say.
Your father inspired countless individuals during his long life.

Zindzi,
I don’t know what can I say.
Your father sacrificed all for the freedom of his people.

Zindzi,
I don’t know what can I say.
Your father learned that courage was not the absence of fear, but the triumph over it.

Zindzi,
I don’t know what can I say.
Your father was one of the great teachers of twentieth century.

Zindzi,
I don’t know what can I say.
Your father was a unique political figure at a unique moment in history.

Zindzi,
I don’t know what can I say.
Your father, like as Mahatma Gandhi, M L K and Mother Teresa, belongs to the ages.

Zindzi,
I don’t know what can I say.
Now your father had departed and was at peace.

Zindzi,
I don’t know what can I say.
Madiba may no longer be with us, but his journey continues on with all of us.

Zindzi,
I don’t know what can I say.
We, the citizens of the world, will always miss Madiba.

AUNG WAY (Burma)
December 6 – 2013

[Zindzi Mandela: One of Nelson Mandela’s daughters]

Saturday, November 2, 2013

နို င် ငံေ ရး အ ကျ ဉ်း သားေ ဟာ င်း ၊ ပြ ည်ေ ပြး က ဗျာ ဆ ရာ ၊ အေ ၀းေ ရာ က် မ င်း ဦးေ အာ င်ေ ၀း

EXILE PROSE # 3 B

အ ပို င်း – ၃ ခ ( နိ ဂုံး )


“နောက်ဆုတ်ရန် ချန်ထားတဲ့တံတားကို မီးရှို့ ပစ်ရဲသူသာ ဗော်ရှီဗစ် ပီသသူဖြစ်တယ်” (မာယာကော့ဖ်စကီး)
            လွမ်းတော်မူလို့ စာကိုစီ။
            ရန်ကုန်က ညီငယ်ရဲဘော်ကဗျာဆရာတွေကိုတော့ အစ်ကိုကြီးတစ်ယောက်အနေနဲ့ မှာချင်သည်။
            ဘယ်သူလက်နက်ချချ၊ ကဗျာ မချနဲ့ ။
            ဘယ်သူ သစ္စာဖောက်ဖောက်၊ ကဗျာ မဖောက်နဲ့ ။
            ဘယ်သူ ၀ိညာဉ်ပျက်ပျက်၊ ကဗျာ မပျက်နဲ့ ။
            ညီလေးတို့ ရေ…၊ ကျန်းမာအောင်နေ။ ကျန်းမာမှ တိုက်ခိုက်နိုင်မယ်။
            ကျနော်က ဒါပဲတတ်နိုင်သည်။ အဝေးရောက်နေတဲ့သူဆိုတော့၊ ဘောလုံးကွင်းထဲမှာ၊ အရန်ခုံပေါ်ထိုင်နေတဲ့သူလိုပါပဲ။ ( မန်ယူမှာလို FERGI TIME ကျမှ ၀င်ရရင်လည်း ၀င်ရမယ့်သူ) ကျနော် နားလည်ပါသည်။ လွမ်းမြိုင်ကျေးရဲ့ ဟို့ အဝေးမှာ ကျနော်(တို့ ) ကောင်းကောင်းကြီး နားလည် သဘောပေါက်ခဲ့ကြတာ ကြာပါပြီ။ အဝေးရောက်တယ်ဆိုတာ၊ တကယ်က ဘေးရောက်သွားတာပါပဲ။
            ကျနော် ထွက်တော်မူ နန်းကခွာပြီး၊ လွတ်မြောက်နယ်မြေ ဆ၀ါဒီခပ်ကိုရောက်ရောက်ချင်း၊ နိုင်ငံရေးစစ်တမ်းတစ်စောင်ရေးခဲ့သည်။
စာတမ်းနာမည်က “အောင်ဝေးစစ်တမ်း” ။ “တစ်နှစ်အတွင်း အနိုင်တိုက်ရေး၊ အာဏာသိမ်းပိုက်ရေး” ဟု ခေါင်းစဉ်ငယ်ပေးထားသည်။ ဒီစစ်တမ်းမှာ ကျနော်က ၂၀၀၇ စက်တင်ဘာ ရွှေဝါရောင် တော်လှန်ရေးအဆက် “သား သုံးသား” ပေါင်းစည်းရေးကို တောင်းဆိုထားသည်။ ဒေါ်အောင်ဆန်းစုကြည် ပြန်လည် လွတ်မြောက်လာပြီး၊ ဒေါ်အောင်ဆန်းစုကြည်- န အ ဖ- တိုင်းရင်းသားများ သုံးပွင့်ဆိုင်တွေ့ ဆုံဆွေးနွေးအဖြေရှာရေးကို မျှော်မှန်းထားသည်။ ကျနော်၏ ရွှေဝါရောင်မုန်တိုင်းအလွန် နိုင်ငံရေးစိတ်ကူးယဉ်မှုတစ်ခု။ ဟုတ်သည်။ ကျနော်စိတ်ကူးယဉ်ခဲ့တာပါပဲ။ ကျနော်မျှော်လင့်တွေးဆသလို ဘာတစ်ခုမှလည်း ဖြစ်မလာခဲ့။
            ဒီစစ်တမ်းကို ဒေါက်တာလွဏ်းဆွေက စိတ်ရှည်လက်ရှည်စာရိုက်ပေးပြီး၊ သူ့ ကိုယ်ပိုင်ဘလော့ဂ်မှာ တင်ပေးခဲ့တာဖြစ်သည်။ နယ်စည်း မခြား ဘလော့ဂါများအဖွဲ့ က အင်္ဂလိပ်ဘာသာသို့ ပြန်ဆိုပေးခဲ့သည်း သူတို့ ကိုကျေးဇူးတင်ရသည်။ အဲဒီကစ၊ ဒေါက်တာလွဏ်းဆွေဘလော့ဂ်ကနေ စပြီး၊ ကျနော်လည်း ဘလော့ဂါ ကဗျာဆရာဖြစ်သွားခဲ့တာဖြစ်သည်။ ယခု ကျနော်အွန်လိုင်းပေါ်မှာ။ ဖေ့စဘုတ် မုန်တိုင်းထဲမှာ။
            အမေရိကရောက်ရောက်ချင်း၊ ဆန်ဖရန်စစ္စကိုအခြေစိုက် “မိုးမခမီဒီယာ” က အယ်ဒီတာမင်း ဆရာမောင်ရစ်က WINDOWS VISTA- COMPAQ ကွန်ပျူတာတစ်လုံး အမြန်ဝယ်ပြီး၊ ကျနော့်ထံပို့ ပေးခဲ့သည်။ သူက ကုန်ကြမ်းပေးလိုက်ခြင်း။ သူ့ ဆီကိုကျနော်က ကုန်ချောအဖြစ် စာမူ တွေ တွင်တွင်ရေးပြီး ပြန်သွင်းရသည်။ သူ့ ကွန်ပျူတာဖိုးကျေအောင်၊ ကျနော်က ကဗျာနဲ့ တစ်မျိုး၊ ဆောင်းပါးနဲ့ တစ်ဖုံ သူ့ အကြွေးကုန်အောင်ဆပ်နေရ တာပေါ့ ဗျာ။
            မိုးမခအယ်ဒီတာအဖွဲ့ ထဲမှာ ကိုဇာနည်(ဇာနည်ဝင်း)ဆိုတာရှိတယ်။ (အခု သူ ရန်ကုန်ခဏပြန်ရောက်နေ) သူက ကျနော့်အတွက်သီးသန့်  “အောင်ဝေး” ဆိုတဲ့ ဘလော့ဂ် တည်ထောင်ပေးခဲ့သည်။ http://aungway.blogspot.com/  ပြီးတော့ သူကထပ်ပြီး အောင်ဝေးကို မုခစာအုပ်လုပ်ပေး ခဲ့သည်။ www.facebook.com/aung.way.1/
            အခုအချိန်မှာတော့ အဝေးရောက်မင်းဦးအောင်ဝေးလည်း ကိုယ်ပိုင်လက်ပတော့နဲ့ ၊ ကိုယ်ပိုင်ဘလော့ဂ်နဲ့ ၊ ကိုယ်ပိုင်ဖေ့စဘုတ်နဲ့ ။ ဒါပေမဲ့ ဘ၀ကတော့ ကိုယ်မပိုင်ဘူးဗျ။ အိုဘားမားပိုင်တာ။ ဒီမှာ ကိုယ်က သူ့ မျက်နှာကြည့်ပြီး၊ သူ့ အစိုးရကို အခွန်ပေးနေရတာ။ ကိုယ်က ကောင်းမွန်သော အခွန်ထမ်းဆောင်သူဖြစ်တဲ့အတွက်၊ အိုဘားမားအစိုးရက ကိုယ့်ကို ကောင်းကောင်း ပြန်စောင့်ရှောက်ထားတဲ့သဘောတော့ရှိပါတယ်။
            မစ်ရှီဂန်မဲဇာမှာတော့ ကျန်တာတွေ ဘာမှမဟုတ်ပါ။ ကဗျာမသေအောင် လှုပ်ရှားရုန်းကန်နေရတာပဲ ပြောစရာရှိပါသည်။ ကဗျာကတော့ သေလို့ မဖြစ်။ ကဗျာသေရင် ကျနော်ပါသေသွားလိမ့်မည်။
            တစ်ခါတစ်ခါ၊ အဲဒီလို မသေမရှင်ကဗျာကောင်က ရေးလိုက်တဲ့အခါကျတော့၊ ပြည်တွင်းက အထူးသဖြင့် စာနယ်ဇင်းသမားဆိုတဲ့ နောက်ပေါက်မျိုးဆက်ကလေးတွေက ဆွမ်းကြီးဝိုင်းလောင်းတာခံရသည်။ သူတို့ ရစရာမရှိအောင်ရေးတာကိုလည်းခံရသည်။ ၀ဋ်ပဲ။” မိုးသီးဇွန်”ကဗျာတုန်းက အဲဒီမှင်စာလေးတွေ ၀ိုင်းသမလိုက်ကြ၊ ၀ိုင်းဆဲလိုက်ကြတဲ့ သြဘာသံက၊ ကိုယ်မှီတင်းနေထိုင်နေရတဲ့ LAKE MICHIGAN ဆိုတဲ့ ကမ်းမမြင် လမ်းမမြင် ပင်လယ်တမျှကျယ်တဲ့ မဟာနန္ဒာကန်ကြီးတောင် လှိုင်းဘောင်ဘင်ရိုက်ခတ်သွားပါရဲ့ ဗျာ။ ဖျား၊ ဖျား။ ရန်ကုန်တောင် မပြန်ရဲတော့ဘူး။
            အဲဒီ ကဗျာမသေမရှင်ကောင်ကလည်း အမှတ်သညာကို မရှိပါဘူး။ နောက်တစ်ခါ “စန်းစန်းတင့်” ကဗျာရေးပြန်ရော။ ဟော…ခံရပြန်ရော။ ဒီတစ်ခါခံရတာကတော့ အမျိုးအရင်းကြီးတွေကပါ ကက်ကက်လန်အောင် နှုတ်”လှံ” ထိုးတော့တာပါပဲ။ ကျနော့် လစ်ထရေးချား နှမအရင်းခေါက်ခေါက် အယ်ဒီတာဆရာမကြီး ဒေါ်သင်းသင်းသာကများဆိုရင်( နားနဲ့ မနာ၊ ဖ၀ါးနဲ့ နာပါ ပိတ်သတ်ကြီး)
            “ဒေါ်အောင်ဆန်းစုကြည်ကို ဝေဖန်တိုက်ခိုက်ထားတဲ့၊ အမေရိကန်ရောက် ကွန်မြူနစ်ကဗျာဆရာ အောင်ဝေးရဲ့ ဖောက်ပြန်တဲ့ကဗျာ…” ပါ တဲ့။ သေရော။ အောင်ဝေးတော့ ခွေးဖြစ်တာပဲ။ ဒေါ်အောင်ဆန်းစုကြည်ထိ ဓားကြည့် ဖြစ်နေတဲ့ ကျနော့်နှမတော်က ကျနော့်ကို ကွန်မြူနစ်တဲ့။
            ငါ့ နှမရယ်၊ သက်သက်ညှာညှာလေးတော့ပြောပါကွယ်။ ဒီမှာ ကိုယ်နေရတာက ကွန်မြူနစ်တစ္ဆေအလွန်ကြောက်တဲ့အရပ်မှာ နေနေရတာ။ တို့ ကွန်မြူနစ်တွေရဲ့ ဗမာပြည်ပြည်သူ့ ဒီမိုကရေစီတော်လှန်ရေး လက်နက်ကိုင်တိုက်ပွဲကလည်း၊ “၀” (နဲ့ ”ကိုးကန့် ”) တိုင်းရင်းသားတွေ ဖျက်ဆီးပစ်လို့  ပျက်စီးခဲ့ရပါပြီ။ အစ်ကိုတို့ လည်း ဗဟုရာဇ်ခေတ်ထဲမှာ၊ ဗဟုဝါဒမြစ်ကြီးထဲမှာ မြုပ်ချီပေါ်ချီ ယက်ကန်ယက်ကန်နဲ့ ဒီမိုကရက်တစ်ဖြစ်အောင် မနည်းလုပ် ယူနေကြရတာပါကွာ။
            ငယ်ငယ်တုန်းကတော့ ကွန်မြူနစ်။ ရိုးသားစွာဝန်ခံပါတယ်။ အခုတော့ ဒီမိုကရေစီလေချဉ်တက်တဲ့ ဒီမိုကရက်တစ်ခေတ်ထဲမှာ၊ ဒီမိုကရေစီ လိုလားသူဖြစ်နေပါပြီ။ ခက်တာက၊ ခက်တာက ဒီမိုးက ရေမစီးတာပါပဲ။
+ + + + + +
            ဒီမိုးက ရေမစီးတော့၊ မျက်မှောက်နိုင်ငံရေးကို စိတ်ပျက်လက်ပျက်ဖြစ်ချင်တဲ့စိတ် ၀င်ဝင်လာပါသည်။ အပမှီတာလား။ အမှန်အတိုင်းပြောတာပါ။ ဒီမိုးက ရေမစီးလို့ ၊ ဟိုမိုးကိုပြန်ပြီး ရေစီးရအောင်ကလည်း၊ ကျနော်တို့ မဟာအနီရောင်ခေတ်ကြီးက နောက်မှာကျန်ရစ်ခဲ့ပြီ။ ပြန်လမ်းမကြုံတဲ့ ယမုန်နာဦးဝယ် ဖြစ်ခဲ့ပြီ။ RIVER OF NORETURN ဖြစ်ခဲ့ပြီ။
            ခက်တာက၊ ချည်တိုင်ဟောင်းကို ပြန်ပြန်လွမ်းတဲ့ အစွဲအလမ်းပါပဲ။ ဒါကြောင့် ဒီကနေ့ ဒီမိုကရေစီတောင်းဆိုတဲ့ခေတ်ကြီးက အီလည်လည် ကြီးဖြစ်နေချိန်မှာ၊ ဟိုတုန်းက ရဲရဲတောက် ချွန်ချွန်မောင်းမောင်း တိုက်ပွဲဝင်ခဲ့တဲ့ဘ၀ဟောင်းကို ခြင်္သေ့လည်ပြန် တစ်ဖန်တမ်းတ လွမ်းဆွတ်မိတာပါပဲ။ တရားပါတယ်နော်။
            ဆရာဒဂုန်တာရာပြောခဲ့ဖူးတဲ့ “ဒုတိယချစ်သူနှင့်ကွဲမှ၊ ပထမချစ်သူခေတ်ကိုတမ်းတခြင်း” ဆိုတာ အဲဒါကိုများပြောတာပဲလား။
            မစဉ်းစားတော့ပါဘူးလေ။ မြစ်တစ်မြစ်တည်းမှာ ရေနှစ်ခါချိုးလို့ က ရတာမှ မဟုတ်တာပဲလေ။ ထားရစ်တော့။ လွမ်းရစ်တော့ သက်လှယ် ရယ်။ တကယ်တော့ အဲဒီလို အနီရောင်ရက်စွဲရဲရဲတွေ၊ ပန်းနုရောင်နှစ်ကာလပျစ်ချွဲချွဲတွေကို ထားရစ်ခဲ့ရတာလည်း ကြာပါပြီကော။
            ဟိုတုန်းကတော့ ဘ၀ဟာ-
            “ပဲဟင်း အ၀ါ
            စာအုပ်ပုံ အနီ”
            အဲဒီလို အ၀ါရောင်ခေတ်၊ အနီရောင်ခေတ်တွေနဲ့ ၊ ရီဝေယစ်သန်း၊ လွမ်းမိုးစွေခဲ့ပါသည်။ ပထမအကြိမ် ထောင်ကျတုန်းက အမေ့ရဲ့  (၂၂)နှစ်သားကလေး။ မာယာကော့ဖ်စကီးရဲ့ လူချောလူလှ(၂၂)နှစ်သားလေး။ ဒုတိယနဲ့ တတိယအကြိမ်တွေ ထောင်ကျတော့၊ ဘ၀မှာ ယာမာဂူချီက တစ်ခန်းမရပ်တဲ့ အလွမ်းဇာတ်ထဲ ၀င်ရောက်လာခဲ့ပြီလေ။
            “အာဒမ်က ဧ၀ကို
            ချစ်တယ်လို့ ပြောတယ်။
            ဧ၀က အာဒမ်ကို
            ချစ်တယ်၊ ချစ်တယ်လို့ ပြောတယ်။
            ဒီလိုနဲ့ အာဒမ်လည်း
            တစ်သက်တစ်ကျွန်း ကျပါရော
            နှစ်သက်ရှိရင် နှစ်ကျွန်းပေါ့ ”
            ဆရာမောင်စွမ်းရည်ကဗျာထဲကလိုပဲပေါ့ ။ ကျနော်လည်း တစ်သက်ကျွန်းကျသွားခဲ့ပါသည်။
အပြာရောင်မြစ်မဟာထဲကို ကျနော် လှလှပပကြီးကို လိမ့်ကျသွားခဲ့ပြီဖြစ်ပါသည်။
            “ပဲဟင်း အ၀ါ
            စာအုပ်ပုံ အနီ
            ယာမာဂူချီ အပြာ”
            အခု ကျနော် အပြာရောင်ဗော်ရှီဗစ်။ ပဲဟင်းလည်း မ၀ါတော့။ စာအုပ်ပုံလည်း မနီတော့။ ကျနော် အပြာရောင်ဖြစ်ပြီ။ ကျနော့်နှမ သင်းသင်းသာပြောခဲ့တဲ့ “အမေရိကန်ရောက် ကွန်မြူနစ်ကဗျာဆရာ” ဆိုတာ ကျနော်မဟုတ်ဘူး။ အဲဒါက အောင်ဝေးအတု။ အခု အောင်ဝေး အစစ်က၊ တရုတ်ပြည်ရောက်နေတဲ့ ဗမာပြည်ကွန်မြူနစ်ပါတီ ( ဗ က ပ ) ကို၊ လူ့ ဘောင်သစ်ဒီမိုကရက်တစ်ပါတီလို ပြည်တွင်းမှာ တရားဝင် ပြန်လည်အခြေချဖို့ တောင်းဆိုနေသူတွေထဲမှာ အစ်ကို မပါပါဘူး သင်းသင်းသာ။
            ကျနော်က ကျီးကန်းတွေ လန့် ထပျံသွားတဲ့ ဂျုံခင်းထဲက ဗင်းဆင့်ဗန်ဂိုးရဲ့ အ၀ါရောင်တွေကို စွဲလမ်းခဲ့တယ်။ ကျနော်က တဟီတီဆို တဲ့ ကျွန်းကလေးပေါ်က ဂေါ်ဂင်အနီ ကိုလည်းစွဲလမ်းခဲ့တယ်။ ကျနော်က ပါဘလိုပီကာဆိုရဲ့ အပြာရောင်ခေတ်ထဲက ဂစ်တာတီးနေတဲ့အဘိုးအို ကိုလည်း စွဲလမ်းခဲ့တယ်။ ကျနော် အစွဲအလမ်းကြီးသူပါလား။ သို့ သော်…။ စွဲလမ်းခဲ့သမျှဟာ၊ အသည်းကျွမ်းခဲ့ရပါပြီ။
            ၁၉၈၈ မှာ မုန်တိုင်းတင်ရတားက သံလမ်းချိန်းသွားခဲ့ပြီ။
            ၁၉၈၉- ဆိုဗီယက်ယူနီယံပြိုကွဲ၊ ဘာလင်တံတိုင်းဖြိုလှဲ။
            ဗဟုရာဇ်မြစ်ကြီး လူသေအလောင်းနှင့် ရာဇပလ္လင်တွေပေါ် ဖြတ်စီးသွားသည်။
            အနှစ်နှစ်အလလ ချစ်ခဲ့ရတဲ့ မတ်ဝါဒလည်း၊ ဂန္ထ၀င်ဖြစ်ပြီး ပြတိုက်ထဲရောက်သွား။
            ဘ၀က အခြားနားကြီး ခြားနားခဲ့ပြီကောကွယ်။ တစ်ခုတော့ရှိတယ် ငါ့ နှမလေး။ အစ်ကိုတို့ က ကွန်မြူနစ်တစ်ပိုင်းဖြစ်ခဲ့ဖူးတော့ ကွန်မြူနစ်ဝါဒအကြောင်းသိတယ်။ ညဲတို့ ဒေါ်အောင်ဆန်းစုကြည်ရဲ့ အားနည်းချက်(လို့ ပြောနိုင်တဲ့)တစ်ခုက၊ ငါတို့ အစ်မတော်က၊ ဒေါ်အောင်ဆန်းစုကြည်က ကွန်မြူနစ်ဝါဒ၊ မတ်ဝါဒအကြောင်း မလေ့လာခဲ့တဲ့အချက်ပဲ။ စိတ်မဆိုးနဲ့ ။
            ၁၉၆၂ လွန်၊ ခေတ်အဆက်ဆက်၊ စစ်အစိုးရအဆက်ဆက်ကို၊ အသက်စွန့် ပြီး ရဲရဲတိုက်ခဲ့တဲ့သူတွေဟာ၊ လက်ယာဘက်က မလာဘူး။ လက်ဝဲဘက်က လာတဲ့သူတွေအများစုပဲ။ တော်လှန်တိုးတက်တဲ့ အတွေးအခေါ်ဆိုတာ လက်ဝဲနဲ့ လက်ဝဲနွယ်ဖွားတွေဆီမှာပဲရှိတယ်။ စစ်အာဏာရှင်
စနစ်ကို အပြီးတိုင်မြေမြှုပ်ပစ်ချင်တဲ့ သေရဲ၊ တိုက်ရဲ၊ အနိုင်ယူရဲတဲ့စိတ်ဓာတ်ရှိတဲ့သူရဲကောင်းတွေဟာ ဘယ်သူတွေလဲ။ အနီလား၊ အပြာလား။ ဒါတွေကိုတော့ ဒေါ်အောင်ဆန်းစုကြည်လည်း သိထားသင့်တာပေါ့ ။
            ကျနော်တို့ ဟာ(အများအခေါ်) လက်ဝဲသမားအဟောင်းတွေပါ။ ကျနော်တို့ ဟာ ဗ က ပ အဟောင်းတွေပါ။ ဒါပေမဲ့။ အဲဒီအထဲမှာ ဘီစီပီကို ပြည်တွင်းခေါ်သွင်းချင်တဲ့ သူတွေထဲမှာတော့ ကျနော်မပါပါ။ ကျနော့်တစ်ဦးတည်းခံစားချက်ကတော့ ကျနော်တို့ ခေတ်က ကျဆုံးကျန်ရစ် ခဲ့ပြီလေ။ ကျနော်တို့ မြစ်က သေဆုံးပျောက်ကွယ်ခဲ့ပြီလေ။ မိခင်ဗမာပြည်ကွန်မြူနစ်ပါတီကြီးရဲ့ တောက်ပခဲ့တဲ့သမိုင်းတွေကို၊ တောက်ပခဲ့တဲ့အတိုင်း သမိုင်းမှာ တင်ကျန်ရစ်ပါစေတော့။
+ + + + + +
            မစ်ရှီဂန်မဲဇာ၏ မှုန်ပြာဝေရီသော တစ်ခုသောညနေဆည်းဆာသီသီဝယ်၊ ကနေဒါငန်းရိုင်းတစ်အုပ် လောကကိုနှုတ်ဆက်ပြီး အိပ်တန်း ပျံသွားကြလေသည်။
            “ညို့ ဆိုင်း၊ နက်ရှိုင်း၊ တောတန်းကဖြင့် လှပေသား။
            ဒါမဲ့၊ ငါ့ မှာ တည်ရမယ့် ကတိတွေနဲ့ ပါလား။
            မအိပ်ခင်သွားရမယ့် ခရီးမိုင်တွေနဲ့ ပါလား။
            သြော်… မအိပ်ခင်သွားရဦးမယ့် ခရီးတွေ၊ မိုင်တွေနဲ့ ပါလား”
            ရောဘတ် ဖရော့စ်တ် ၏ ကဗျာထဲကလို၊ ကျနော် ဘ၀ကို ရှေ့ ဆက် ခရီးနှင်ရပါဦးမည်။ လွမ်းစွာသော ခရမ်းပြာမော မြင်းရိုင်းကို ရှေ့ ဆက် စိုင်းနှင်ရပါဦးမည်။ မသေမချင်းပေါ့ ။ နှလုံးအခုန် ရပ်တဲ့အထိပေါ့ ။ ခရီးတွင်အောင်တော့ မြင်းကုန်နှီးပေါ်က ၀န်ထုပ်ဝန်ပိုးတစ်ခုကိုတော့ ကျနော် ချန်ထား ခဲ့ရတော့မည်။
            သြော်…။ ချစ်သူနဲ့ ခွဲရတဲ့အခါလည်း၊ အသည်းနှလုံးက တစ်ဝက်ပဲ ကြေကွဲနိုင်ခဲ့တယ်လေ။
            အချစ်ရေ…
            ရာဇ၀င်ထဲမှာ “မတ်” ကို ထားရစ်ခဲ့။     
( ပြီးပါပြီ )
ေ အာ င်ေ ၀း

နိုဝင်ဘာ ၂- ၂၀၁၃။

Friday, November 1, 2013

နို င် ငံေ ရး အ ကျ ဉ်း သားေ ဟာ င်း ၊ ပြ ည်ေ ပြး က ဗျာ ဆ ရာ ၊ အေ ၀းေ ရာ က် မ င်း ဦးေ အာ င်ေ ၀း

EXILE PROSE # 3 A – Aung Way








အ ပို င်း ( ၃ ) က

“တိုင်းပြည်ကရိုင်းတော့။ ပိတောက်တောင် မုန်တိုင်းနဲ့ မှ ပွင့်ရတယ်”
            ဒီစကားလေး၊ မင်းကိုနိုင်နှင့် ကိုကိုကြီးတို့ အမေရိကကိုရောက်နေတုန်း။ လူချင်းတွေ့ စဉ်က ကျနော်ပြောပြခဲ့သည်။
            “ဒီမိုကရေစီရရင်တော့၊ ကျမတို့ လည်း ရှပ်ပြေးငှားစီးခွင့်ရမှာပါ” တဲ့။ ၂၀၁၂၊ ကြားဖြတ်ရွေးကောက်ပွဲ မဲဆွယ်စည်းရုံးရေးကာလ၊ မြိတ်ကျွန်းစု ခရီးစဉ်မှာ ကျနော်တို့ အစ်မဒေါ်အောင်ဆန်းစုကြည် ပြောခဲ့တာဖြစ်ပါသည်။ ကျနော်ကြေကွဲရပါသည်။ မနေ့ တစ်နေ့ က “မုခစာအုပ်” ပေါ်မှာ အလွမ်းဆုံး
စကားအဖြစ် ကျနော်ဖော်ပြခဲ့သည်။ လွမ်းမြိုင်ကျေးရဲ့ ဟို့ အဝေးမှာ ကျနော်နာကျင်ပြိုလဲသွားပါသည်။ ငိုလည်းငိုချင်လာပါသည်။
            အစ်မဒေါ်အောင်ဆန်းစုကြည် အမေရိကလာတုန်းကတော့၊ အင်ဒီယားနားပြည်နယ်၊ ဖို့ တ်ဝိန်းမြို့ မှာ ကျနော်သွားရောက်ကြိုဆိုခဲ့ပါသည်။ လူချင်းတော့ တွေ့ ခွင့်မရခဲ့ပါ။ ဒီကိုရောက်မှ ကျနော်လူချင်းတွေ့ ခွင့်ရသလောက်က ကိုကျော်သူနဲ့ မရွှေဇီးကွက်။ သူတို့ ဇနီးမောင်နှံကို ကျနော် နယူးယောက်မြို့ မှာသွားတွေ့ ခဲ့သည်။ ကိုဇာဂနာကြီးဆုလာယူတုန်းကတောင် ကျနော်သွားတွေ့ ခွင့်မကြုံခဲ့ပါ။ ကျော်သူတို့ ၊ ကိုဇာဂနာတို့ ဆိုတာ၊ ၂၀၀၇ ရွှေဝါရောင်အရေးတော်ပုံတုန်းက ရဲဘော်ရဲဘက်၊ တိုက်ဖော်တိုက်ဖက်တွေ။ အထူးပြောစရာ မရှိတဲ့ ဦးသြဘာတပည့်တွေ။ ဒီတုန်းက ကျနော်တို့  တစ်ယောက်ရဲ့ အသက်ကို တစ်ယောက်ဆီမှာ အပေါင်ထားပြီး၊ သံဃလှုပ်ရှားမှုကို ၀န်းရံအားဖြည့်ခဲ့ကြတာ။
            ကျနော့်အစ်မ ဆရာမသန်းမြင့်အောင်နဲ့ ကိုရဲလွင်(မဇ္ဈိမလှိုင်း)တို့ ၊ ဆောင်းဦးလှိုင်တို့  လာတုန်းကလည်း၊ ကျနော် လူချင်းသွားမတွေ့ နိုင်ခဲ့။
ဒီလိုပါပဲ။ ဆရာမောင်ဝံသ ရောက်နေတုန်းကဆိုလည်း ကိုယ်က ၀ါရှင်တန်ဒီစီ၊ နယူးယောက် စီးတီးတွေအထိ သွားမတွေ့ နိုင်ခဲ့။ ကိုနေမျိုးဆေးကကျတော့ သူအမေရိကရောက်တိုင်းလိုလို၊ စတည်းချရာမြို့ ကနေ ဖုန်းလှမ်းဆက် နှုတ်ဆက်တတ်ပါသည်။
            သူ့ လိုပဲ၊ ဆန်ဖရန်စစ္စကိုကဖြစ်ဖြစ်၊ လော့စ်အိန်ဂျယ်လိစ်ကဖြစ်ဖြစ်၊ မန္တလေးဂေဇက် သတင်းစာ တယ်လီဖုန်းနဲ့  လှမ်းနှုတ်ဆက်သူက ချိုချို။ ချိုချိုဆိုတာက အဆိုတော်၊ ရုပ်ရှင်မင်းသမီး ချိုပြုံးကို ပြောတာဖြစ်သည်။ ပိုင်သတို့ ၊ ကျနော်တို့ က သူ့ ကို ချိုချို လို့ ပဲခေါ်ခဲ့ကြသည်။ အဲဒီလို သူတို့ တစ်တွေက ကိုယ်ရှိရာ မစ်ရှီဂန်မဲဇာကမ်းကို ဖုန်းလှမ်းလှမ်းဆက်ကြတော့၊ ကိုယ်အမှန်လွမ်းရသည်။ ရန်ကုန်ကိုလွမ်းသည်။ ဘ၀ဟောင်းကိုလွမ်းသည်။
            ဒီမှာ ဘ၀သစ်က၊ မစ်ရှီဂန်မဲဇာတောမှာ၊ တတိယနိုင်ငံဆိုတာ ပထမနိုင်ငံမှ မဟုတ်တာ၊ မပျော်ပါဘူး။ ပျော်ရာမှာမနေ၊ တော်ရာမှာနေရ၊ ဒီလိုကလည်း မဟုတ်သေးပါဘူး။ ကိုယ့်တိုင်းပြည်မှာတုန်းကတော့ ကိုယ်က ကြက်ဖလေ။ ဒီရောက်တော့ သူများနိုင်ငံမှာ ကိုယ်က ကြက်မ ဖြစ်နေသည်။
ဒီအကြောင်းတွေ မင်းထက်မောင် အိုင်အိုဝါတက္ကသိုလ်ကို နိုင်ငံတကာစာပေရေးသားမှုအစီအစဉ်နဲ့ လာတုန်းက၊ သူနဲ့ ချီကာဂိုမြို့ မှာချိန်းတွေ့ ကြတော့၊ သူ့ ကိုပြောပြဖြစ်ခဲ့ပါသေးသည်။
            အိုင်အိုဝါကိုပဲ ဆရာဒေါက်တာခင်မောင်ညိုရောက်လာပြန်တော့လည်း၊ ဒေါက်ညိုနဲ့ ဆန်ဖရန်စစ္စကိုနဲ့ နယူးယောက်မြို့ တွေမှာ စာပေဟောပြောပွဲအတူနွှဲရင်း၊ အမေရိကန်ထုံထိုင်းမှုတွေအကြောင်း ကျနော်ပြောပြခဲ့ပါသေးသည်။ (ဒေါက်ညိုကတော့ ဟောပြောပွဲမှာ၊ ကိုအောင်ဝေး ထွက်သွား ကတည်းက ရန်ကုန်မှာ အသုဘတွေမှာ မိန့် ခွန်းပြောတဲ့သူ မရှိဖြစ်သွားပါတယ်လို့ ထည့်ပြောသွားပါသည်)
            နောက်တစ်ခါ တစ်နှစ် အိုင်အိုဝါကို ကိုနေဘုန်းလတ်လာတော့ သူနှင့်ဖုန်းနှစ်ကြိမ်သုံးကြီမ်ပြောရသည်။ မကြာသေးခင်က ကဗျာဆရာ ကေဇော်(မန္တလေးသိန်းဇော်)လာတုန်းကလည်း သူက ဖုန်းအကြိမ်ကြိမ်ဖက်ပြီး ကဗျာအလွမ်းတွေဖြေသည်။ သူ့ ရဲ့ တောင်ကုန်းအဟောင်းများ လက်ဆောင်ထားခဲ့သည်။
            ဆရာကိုနေ၀င်းမြင့်နှင့် ဆရာကိုမျိုးမြင့်ညိမ်းတို့ လာကြတုန်းကဆိုရင်လည်း၊ ဒီမှာ ဘရောင်းယူနီဗာစီတီမှာ အစောကြီးကတည်းကရောက်နှင့်နေတဲ့ ဆရာမ မသီတာ(စမ်းချောင်း)ရဲ့ တယ်လီဖုန်းနဲ့ သူတို့  ကျနော့်ဆီလှမ်းနှုတ်ဆက်ကြ၊ စကားတွေ တစ်ဝကြီးပြောကြရသည်။ မအိမ်ကံကို သတိရသည်။
ဆရာနေ၀င်းမြင့်ပြန်သွားပြီး၊ မဟေသီမှာ ခရီးသွားအက်ဆေးရေးတော့၊  မေရိကန်က လူတွေအကြောင်းရေးတာတစ်ကွက်က “လူတိုင်း လက်ထဲမှာ ကော်ဖီတစ်ခွက် ကိုင်ထားတဲ့တိုင်းပြည်” တဲ့။ ဒါအမှန်ပါ။ အများပြည်သူသုံး ဘတ်စကားတွေပေါ်ကိုလည်း အဲဒီကော်ဖီခွက်တွေတကိုင်ကိုင် နဲ့ တက်လာကြတာပါ။
            ဒီမှာက ဆိုင်ထဲမှာ ထိုင်မသောက်ကြသလောက်ပဲ။ ထိုင်သောက်ဖို့ အချိန်ကလည်းမရှိဘူးထင်ပါရဲ့ ။ စားသုတ်သုတ်၊ သွားသုတ်သုတ်၊ သေသုတ်သုတ်၊ သုတ်သုံးကျမ်းတိုင်းပြည်။ ဒီတိုင်းပြည်မှာ အချိန်ကလွှတ်ဆင်းရဲတာ။ ငွေတော့နည်းနည်းပေါပါရဲ့ ၊ အချိန်က မပေါဘူး။ ဒီတော့ ဒီတိုင်းပြည် မှာက ကျနော်တို့ ရန်ကုန်မှာလို လက်ဖက်ရည်ဆိုင်ယဉ်းကျေးမှုဆိုတာ ဝေလာဝေး၊ မရှိ၊ နတ္ထိ။ ကျနော်တို့ စာရေးဆရာ၊ ကဗျာဆရာတွေရဲ့ စရိုက် သဘာဝအတိုင်း၊ တစ်နေကုန် လက်ဖက်ရည်ဆိုင် ထိုင်ရတဲ့အရသာက ဒီမှာဘယ်လိုမှ ရှာလို့ ကမရ။ စိတ်ပိန်တယ်။ ယမကာညနေခင်းဆိုပြန်ရင်လည်း ရန်ကုန်မှာလိုမဟုတ်။ ဒီမှာက ရာသီဥတုက အေးခဲလွန်းတော့ အဆောက်အအုံတွေက အလုံပိတ်။အရက်ဆိုင်၊ ကော်ဖီဆိုင်ကလည်း အလုံပိတ်။
ကျနော်က အလုံပိတ်အဖွဲ့ အစည်းလို့ နာမည်ပေးထားတယ်။
            အဲဒီလို အလုံပိတ်ဆိုဆိုက်တီးထဲမှာ ကြာလာတော့ ထုံထိုင်းမှုဖြစ်လာသည်။ အမေရိကန်ထုံထိုင်းမှု။ (ပြောလို့ သာပြောရတယ်။ ထိုင်းမှာ နေရတုန်းကတော့ နေလို့ ကောင်းတယ်။ ပျော်သလိုလိုလည်းရှိတယ်။ ဒုတိယနိုင်ငံပေမဲ့ လို့ သောင်ရင်းမြစ်တစ်ခုပဲခြားတာဆိုတော့၊ အိမ်ကိုလွမ်းရင် နောက်ဖေးပေါက်ခြံစည်းရိုးကနေ လှမ်းမျှော်ချောင်းကြည့်လို့ ရသေးတယ်လေ။
            ဘယ်နေရာ၊ ဘယ်ဘ၀ရောက်ရောက်ပါ၊ စာကတော့ မဖြစ်မနေရေးရသည်။ မရေးလို့ မရ။ ဘ၀ရပ်တည်ရေး၊ အသက်ရှင်သန်ရေးအတွက် ရုန်းကန်ရင်းတစ်ဖက်နဲ့ စာကိုကြိုးစားပြီး အသေအလဲ ရေးရသည်။ စာမရေးရင် အိမ်လွမ်းစိတ်သစ်ပင်ကလေး သေသွားမှာပေါ့ ။ ကဗျာမရေးဘဲနဲ့  အောင်ဝေးလို့ နာမည်ခံနေလို့ မရဘူးပေါ့ ။ စာရေးနေလို့ သာ၊ ကဗျာတွေရေးနေလို့ သာ၊ နို့ မို့ ဆိုရင် အောင်ဝေးလည်း အမေ့ခံသတ္တ၀ါတစ်ကောင် ဖြစ်နေလောက်ပြီ။
            ရွှေပြည်ကြီးမှာတုန်းက ဆိုရင်တော့ အောင်ဝေးဟာ ကဗျာသိပ်ရေး၊ ကဗျာသိပ်ရွတ်တဲ့ကောင်ပေါ့ ။ ကဗျာရွတ်ဆိုပွဲတွေ သူလုပ်ခဲ့တယ်။ ကိုစောဝေတို့ ၊ ကိုဇော်သက်ထွေးတို့ နဲ့ အတူ လုပ်ခဲ့တဲ့ ကဗျာရွတ်ဆိုပွဲတွေ။ နှင်းကကြိုး၊ အဖြူရောင်သက်တံ၊ ၀န်တင်လိပ်ပြာ။ တစ်ခုပြီးတစ်ခု၊ တစ်ပွဲပြီး
တစ်ပွဲ။ မနည်း။ ၂၀၀၆။ ၂၀၀၇။ ခုတော့ ကဗျာရွတ်တဲ့အောင်ဝေးဟာ အဝေးကိုရောက်နေပါရောလား။
            ဟိုးတုန်းက ကုန်းဘောင်ခေတ်နှောင်း မြန်မာစာပေမှာ၊ စာအဆိုကောင်း၊ ကဗျာအရွတ်အဖတ် ကောင်းတဲ့ “အဝေးရောက်မင်းဦးအောင်ကြီး” ဆိုတာထင်ရှားခဲ့တယ်။ မြန်မာ့အသံရေဒီယိုကနေ ဦးအောင်ကြီးနဲ့ အလင်္ကာကျော်စွာဒေါ်စောမြအေးကြည်တို့ ရှေးဟောင်းဂန္ထ၀င်ကဗျာတွေရွတ်ဆိုထား တဲ့ဓာတ်ပြားလွှင့်တာ မကြာမကြာ နားထောင်ခဲ့ရဖူးသည်။
            အခု၊ ခေတ်ပေါ်ကဗျာ၊ ခေတ်ပြိုင်ကဗျာတွေ အရွတ်ကောင်းတဲ့ ကဗျာဆရာအောင်ဝေးဟာလည်း POET OF EXILE အဝေးရောက်ဖြစ်နေ၊ အသက်အရွယ်ကလည်း အဘိုးကြီးဖြစ်လာ၊ လာမယ့် ဇူလိုင် ၂၃(၂၀၁၄)ဆိုရင် အောင်ဝေး (၆၀) ပြည့်မယ်၊ ဆိုတော့ကာ ကိုယ်လည်း ကိုယ့်အသက် အရွယ်၊ ကိုယ့်ဂုဏ်သိက္ခာနဲ့ ဆိုရင် “အဝေးရောက်မင်းဦးအောင်ဝေး” လောက်တော့ဖြစ်နေပြီပေါ့ ။
(အဝေးရောက်မင်းဦးအောင်ကြီးလို့ ဆိုတာက EXILE လို့ ဆိုတဲ့ဟာတော့မဟုတ်ဘူးလို့ မှတ်သားရဖူးပါတယ်။ ဒီနေရာမှာ စကားအရသာ အဝေးရောက်မင်းလို့ ယူတာဖြစ်ပါတယ်။   ။ဤကား စကားချပ်)
+ + + + + +
            ကျနော် အပြေးကောင်းလို့ အမေရိကရောက်လာတာလို့ ဆိုချင်သည်။ မပြေးနိုင်လို့ ကတော့ လက်ပြဲကြီးထဲမှာ တွေးရဲစရာမရှိအောင် တောင်ဖြစ်သွားနိုင်သည်။
            ကျနော် ကျောင်းသားနိုင်ငံရေးဘ၀က လာတာဖြစ်သည်။ ကျနော် ၇၄- ၇၅- ၇၆ မျိုးဆက်။ ဦးသန့် အရေးအခင်း၊ ရွှေတိဂုံအထွေထွေသပိတ်၊ မှိုင်းရာပြည့်တွေထဲက။ နောက်တော့ ကျနော် ကဗျာနိုင်ငံရေးထဲ ရောက်သွားသည်။ ကျနော် ၁၉၈၂ မှာ ကဗျာဆရာဖြစ်လာသည်။ ကဗျာသည်(စာပေသည်) နိုင်ငံရေး၏လက်အောက်ခံဖြစ်သည်။ကျနော်(တို့ )ဒီလိုလက်ခံယူဆသည်။ ဒီတော့ ကျနော် နိုင်ငံရေးတွေကို ကဗျာထဲမှာရေးသည်။ ခေတ်ကို ကဗျာထဲထည့်သည်။ ကဗျာနှင့်နိုင်ငံရေးပေါင်းစပ်သည်။ နိုင်ငံရေးကို ကဗျာနဲ့ လုပ်သည်။
            ငယ်ငယ်တုန်းကတော့ ကျနော်ကွန်မြူနစ်။ ကွန်မြူနစ်လိုလားသူ။ ၈၈ မှာတော့ ကျနော် ဒီမိုကရက်တစ်ဖြစ်သွားသည်။ ကျောင်းသားဘ၀မှာ ဗ က ပ ကွန်မြူနစ်လိုလားသူအနေနဲ့ ပထမဆုံးအကြိမ် အဖမ်းခံရသည်။ ဒီမိုကရက်တစ် NLD ခေတ်မှာတော့ နှစ်ကြိမ် အဖမ်းခံရသည်။ မ ဆ လ စစ်အစိုးရလက်ထက်မှာ တစ်ကြိမ်၊ န ၀ တ စစ်အစိုးလက်အောက်မှာ နှစ်ကြိမ်ဆိုပါတော့။ အဖမ်းခံရတိုင်း အနည်းနှင့်အများတော့ ရုပ်ရော စိတ်ပါ နှိပ်စက်ညှဉ်းပန်းခံရတာချည်းဖြစ်သည်။ အော့ဇ၀စ်ငရဲခန်း။
            ပထမအကြိမ် ကျောင်းသားဘ၀၊ ပုသိမ်ကောလိပ် ၁၉၇၆ မတ်လအရေးအခင်း၊ မှိုင်းရာပြည့်တွေနှင့်အဖမ်းခံရစဉ်က၊ ပုသိမ် ရန်ကင်းတောင် စစ်ထောက်လှမ်းရေး(၄)က မြေတိုက်ခန်းထဲမှာ စစ်ကြောရေးနှိပ်စက်တဲ့ဒဏ်ခံရတာ၊ အဲဒီတုန်းက ပုသိမ်အကျဉ်းထောင်ထဲမှာ ဘယ်ဘက်မျက်လုံး ကွယ်မလိုဖြစ်လို့ ၊ လက်ထိတ်ကြီးတန်းလန်းနဲ့  တိုင်းဆေးရုံကြီးက မျက်စိအထူးကုဆရာဝန်ကြီး ဒေါက်တာဦးညွန့် ဝင်းနှင့် အကြိမ်ကြိမ်သွားသွားပြခဲ့ ရသည်။
            ဒုတိယမ္ပိအလည်ရောက်ခြင်း(ဒေါ်အောင်ဆန်းစုကြည်စည်းရုံးရေးခရီးစဉ်)မှာတော့ မဟုတ်ဘူး၊ တတိယမ္ပိအခေါက်(၁၉၈၉ အာဇာနည်နေ့  အရေးအခင်း)မှာ အဖမ်းခံရတော့၊ အဲဒီ တပ်မတော်ထောက်လှမ်းရေး(၄)ကပဲ ကတ္တီပါအိတ် ခေါင်းစွပ်ပြီး နှိပ်ကွပ်လိုက်တာ။ စစ်ကြောရေးမှာ ကိုယ်မမြင် ရတဲ့စစ်ဗိုလ်က ကျနော့်ကို “ဒေါ်အောင်ဆန်းစုကြည် လက်နက်ကိုင်တော်လှန်ရေးလုပ်လာနိုင်သလား” မေးသည်။ ကျွတ်။ အတော့်ကိုကြောင်တဲ့ကိစ္စပဲ။
ဟေ့ကောင်ဖြေစမ်းတဲ့။
ကျနော်ဖြေလိုက်တယ်။ “ဒေါ်အောင်ဆန်းစုကြည်က လက်နက်ကိုအားကိုးမှာမဟုတ်ဘူး”။ အဲဒီမှာတင် ဒေါ်အောင်ဆန်းစုကြည် အပေါ်မှာ ကျနော့်ရှေ့ သွားတစ်ချောင်း အကြွေးတင်သွားခဲ့တာပါပဲ။
            ဒီအကြွေးကိုတော့ ၂၀၁၅ ကျရင် ဒေါ်အောင်ဆန်းစုကြည် ကျနော့်ကိုပြန်ဆပ်နိုင်ကောင်းပါရဲ့ ။
            နိုင်ငံရေးအကျဉ်းသားမှန်သမျှ၊ စစ်အစိုးရအဆက်ဆက် ထောက်လှမ်းရေးနဲ့ မှုခင်းရဲတပ်ဖွဲ့ ရဲ့ နှိပ်စက်ညှဉ်းပန်းတဲ့ဒဏ်တွေကို တစ်နည်း မဟုတ်တစ်နည်းနဲ့ အလူးအလဲခံကြရတာချည်းပါပဲ။ တချို့ သေ၊ တချို့ နာ၊ တချို့ ဒုက္ခိတ၊ တချို့ ရူး၊ တချို့ ပျောက်ဆုံး။
            ၁၉၇၆ တုန်းက ထောက်လှမ်းရေးနှိပ်စက်လို့ ကွယ်မလိုဖြစ်ခဲ့တဲ့ ကျနော့်မျက်လုံးက၊ ၁၉၉၁ တတိယအကြိမ် ကျနော်ထောင်ကပြန်လွတ်လာ တဲ့အချိန်မှာတော့၊ တကယ့်ကိုလုံးလုံး ကွယ်သွားခဲ့ပါတော့သည်။ မြင်လွှာကွာသွားတာဖြစ်သည်။ RD- RETINA DETACHMENT ဟုခေါ်သည်။ ရန်ကုန်၊ ကန်တော်ကြီး မျက်စိဆေးရုံကြီးက သမားတော်ကြီးပါမောက္ခဦးသန်းအောင်ကိုယ်တိုင်နှင့် အထူးကုဆရာဝန်ကြီးဦးမြအောင်တို့ ခဲရာခဲဆစ် ပင်ပင်ပန်းပန်း ခွဲစိတ်ကုသ ပေးခဲ့၍သာ၊ ကျနော် တစ်လုံးကန်း ဗိုလ်ချုပ်ကြီးမိုရှေဒါယန်း မဖြစ်တယ်၊ ခေတ်ဆိုးခေတ်ပျက်ကြီးရဲ့ ဒဏ်ရာက သေရာပါခဲ့ပါသည်။ ကမ္ဘာမကြေဘူး စစ်အာဏာရှင်မှန်သမျှရေ…။
            ဒီလိုနှင့်၊ တံတားအောက်မှာ မြစ်ရေတွေ စီးဆင်းသွားခဲ့ကြပြီ။ သို့ တည်းမဟုတ်၊ တံတားအောက်မှာ မြစ်ရေတွေ သေဆုံးသွားခဲ့ကြသည်။
+ + + + + +
            အဖြူရောင်သက်တံ။
            ၂၀၀၆- ၂၀၀၇ မှာ ကျနော်တို့ အဖြူရောင်သက်တံကဗျာရွတ်ဆိုပွဲတွေကလည်း အောင်မြင် အရှိန်ရလာသည်။ ကျနော်တို့ ကဗျာဆရာတွေနှင့် အတူ နာမည်ကြီးရုပ်ရှင်မင်းသား၊ မင်းသမီးတွေ၊ နာမည်ကျော်အဆိုတော်တွေနဲ့ တက်သစ်စထင်ရှားသည့်မော်ဒယ်အနုပညာသည်တွေပါ အင်နဲ့ အားနဲ့  ပါလာပါသည်။ ရန်ကုန်၊ မန္တလေး ပရိသတ်တွေကလည်း အလုံးအရင်းနှင့် အားပေးထောက်ခံကူညီလာပါသည်။ လူထုသဘော၊ လူထုလှုပ်ရှားမှုအသွင်သို့ တဖြည်းဖြည်းသက်ဝင်ရွေ့ လျောလာပါသည်။ (မန္တလေးမှာ စစ်တိုင်းမှူးက ကဗျာရွတ်ဆိုခွင့်ပိတ်ပင်ခဲ့သည်)
            ဆရာဇော်ဇော်အောင်က စာနဲ့ ပေနဲ့ တရားဝင် ရေးလာပြီး၊ တိုင်းပြည်ကိုတင်ပြသည်။ “စောဝေတို့ ၊ ဇော်သက်ထွေးတို့ ၊ အောင်ဝေးတို့ ၊ လူထုရှေ့ မှောက်မှာ ကဗျာရွတ်ပွဲတွေလုပ်နေတာဟာ၊ သူတို့ အနုနိုင်ငံရေး MICRO- POLITICS လုပ်နေတာပါပဲ” တဲ့။
            တစ်ချိန်တည်းမှာပဲ၊ ရှစ်ဆယ့်ရှစ်မျိုးဆက်ကျောင်းသားများအဖွဲ့ ရဲ့ နိုင်ငံရေးလှုပ်ရှားမှုတွေကလည်း ဆက်တိုက်ပေါ်ထွက်လာသည်။ မင်းကိုနိုင်၊ ကိုကိုကြီး၊ ကိုဂျင်မီတို့နှင့် ကျနော်(ဆရာဒဂုန်တာရာ တဖွဖွတိုက်တွန်းနေတဲ့) တပ်ပေါင်းစုဖွဲ့ စည်းရေးတွေ အကြိမ်ကြိမ်ဆွေးနွေးတိုင်ပင်ခဲ့သည်။ နောက်တော့ သူတို့ တစ်အုပ်စုလုံး တစ်ပြုံတစ်မကြီးအဖမ်းခံလိုက်ရသည်။ ၂၀၀၇ သြဂုတ် ၂၁။
            နောက်တော့ မနီလာသိန်း၊ မမီးမီး၊ မစုစုနွေး၊ ဒေါ်နော်အုန်းလှတို့ ဦးဆောင်သည့် လူထုဆန္ဒပြပွဲတွေ ဟိုကဒီက အလျှိုအလျှိုပေါ်လာသည်။
ကိုထင်ကျော်တို့ အဖမ်းခံရသည်။ ၂၀၀၇ သြဂုတ်လ(၂၈)ရက်နေ့ မှာ ဗမာနိုင်ငံလုံးဆိုင်ရာ ကျောင်းသားသမဂ္ပများအဖွဲ့ ချုပ်(ဗ က သ များအဖွဲ့ ချုပ်) ပြန်လည်မွေးဖွားပေါ်ထွက်လာသည်။
            နောက်တော့၊ စက်တင်ဘာလထဲမှာ ပခုက္ကူသံဃအရေးအခင်းဖြစ်လာသည်။ တစ်နိုင်ငံလုံး သံဃာတွေ လမ်းပေါ်ထွက်လာသည်။ နောက်တော့  ရွှေဝါရောင်တော်လှန်ရေး၊ ၂၀၀၇ စက်တင်ဘာ အထွေထွေသပိတ်ကြီးဖြစ်လာသည်။ ရွှေဝါရောင်လူထုအရေးတော်ပုံကို န အ ဖ စစ်အစိုးရက စစ်တပ်အင်အား အလုံးအရင်းနဲ့ ပစ်ခတ်နှိမ်နင်းဖြိုခွင်းခဲ့သည်။ ကိုဇာဂနာ အဖမ်းခံရသည်။ ကျော်သူ အဖမ်းခံရသည်။ ကျနော် ပြေးရသည်။
            နိုင်ငံရေးအကျဉ်းသား သုံးထပ်ကွမ်း ဗထက်ခြိုက် ကဗျာဆရာဟာ၊ ရွှေဝါရောင်တော်လှန်ရေးမှာ တပ်ဦးက ချွန်းချွန်းကြီးပါဝင်ခဲ့မိလေတော့၊ နောက်တစ်ခါ နိုင်ငံရေးအကျဉ်းသား လေးထပ်ကွမ်းဘွဲ့ ကိုလည်း မခံယူချင်(မခံယူရဲ)တော့လေတော့၊ လွတ်ရာကျွတ်ရာပြေးခဲ့ရတော့တာပါပဲ။ အပြေး ကောင်းတော့ မစ်ရှီဂန်မဲဇာ ရောက်လာတာပါပဲ။
            ရန်ကုန်က ကိုအောင်ဘညိုကြီးက အမေရိကရောက်နေတဲ့ ကျနော်တို့ ၊ ဇော်ကြီး(သစ်ကောင်းအိမ်)တို့ ကို၊ မုခစာအုပ်ထဲကနေ လှမ်းလှမ်း ကျီစယ်ပါတယ်။ ပြည်ပအားကိုး ပုဆိန်ရိုးတွေ ဆိုဆိုပြီးတော့ပေါ့ ဗျာ။ ဘုရားစူးရပါစေရဲ့ ။ မောင်ကြီးနှမ ကျားကိုက်ရပါစီရဲ့ ကိုအောင်ဘညိုရယ်။ ဒီမှာ ကျနော်တို့ ကိုယ့်ဘာသာ ကိုယ်အားကိုးပြီး ရုန်းကန်ရပ်တည်နေရတာပါ။ ကဗျာတောင် နပ်မှန်အောင် မရေးနိုင်ပါဘူးဗျာ။ သူကတော့ ချစ်လို့ ခင်လို့  လွမ်းလို့ သတိရလို့ လှမ်းစ၊ လှမ်းနောက်တာပါ။
            ဒီကြားထဲ ပြည်တွင်းက ညီငယ်ကဗျာဆရာတွေကလည်း၊ ကျနော်တို့ ဗမာ့နိုင်ငံရေးကိုစိတ်ကုန် ရွံရှာသွားပြီ ဆိုပြီး၊ ဖေ့စဘုတ်ကနေ မတ်စိတွေပို့ လားပို့ ကြရဲ့ ။ တချို့ နောက်ပြန်ဆုတ်တာလား၊ ဘရိတ်ပေါက်တာလားတော့မသိ၊ “ပူစီ…ပူစီ” နဲ့ တစ်ပူစီတည်းစီပြီး အချစ်ကဗျာတွေဘက် လှည့်ရေးတဲ့သူတောင် ရေးတဲ့ အဖြစ်ရောက်ကုန်ကြပြီ။
            ဆရာဗန်းမော်တင်အောင်ပြောသလိုပဲပြောရရင်တော့ “ကျနော်ကကော ဘာများ တတ်နိုင်ပါဦးမည်နည်း” ပေါ့ ။ ကျနော့်မှာတော့ ပြည်ပြေး ကဗျာဆရာလို့ အခေါ်ခံရတာပဲ အဖတ်တင်နေတော့သည်။
+ + + + + +

(အပိုင်း- ၃ ခ၊ ဆက်ဖတ်ပါရန်)
ေ အာ င်ေ ၀း

နိုဝင်ဘာ ၁ – ၂၀၁၃။

Sunday, October 27, 2013

နို င် ငံေ ရး အ ကျ ဉ်း သားေ ဟာ င်း ၊ ပြ ည်ေ ပြး က ဗျာ ဆ ရာ ၊ အေ ၀းေ ရာ က် မ င်း ဦးေ အာ င်ေ ၀း


EXILE PROSE-2

အ ပို င်း ( ၂ ) က

ကျနော် ပထမအကြိမ် ထောင်ကလွတ်သည့်နေ့ မှာ၊ ပုသိမ်အကျဉ်းထောင် ထောင်ဗူးဝရှေ့ တွင် နေမျိုးဇော်(မင်းညိုစင်) လာစောင့်ကြိုနေခဲ့ပေသည်။ ထိုနေ့ က ၁၉၇၈ ခုနှစ်၊ အောက်တိုဘာလ(၂၆)ရက်။ နောက်တစ်နေ့  အောက်တိုဘာ(၂၇)ရက်နေ့ မှာတော့ ကျနော်က ရန်ကုန်မြို့ ၊ ကြံတောသုသန်က
ဆရာဗန်းမော်တင်အောင်ဈာပနသို့ ရောက်ရှိနေခဲ့ပြီဖြစ်လေသည်။ (ဆရာဗန်းမော်တင်အောင်၊ အသက် ၅၈ နှစ်၊ ၂၃-၁၀-၇၈ နေ့  ကင်ဆာရောဂါနှင့်
ကွယ်လွန်သည်)
            မစ်ရှီဂန်မဲဇာမှာ တစ်ခါတစ်ခါ အိမ်လွမ်းစိတ်ဝေဒနာ သည်းသိပ်သွန်းထန် ခံရခက်သည့်အခါ၊ ‘မုခစာအုပ်’ ဆိုသည့် အင်တာနက်လိုင်းပေါ်မှာနေမျိုးဇော် ခေါ်ခေါ်၊ မင်းညိုစင် ခေါ်ခေါ်၊ ဘယ်လိုခေါ်ခေါ် သူနှင့်ကျနော် ရံဖန်ရံခါ တွေ့ တတ်ကြလေ့ရှိပါသည်။ အခုတော့ သူက တောပြန်။ ကိုယ်က
ပြည်ပြေး။ ဘ၀တွေက ခြားနားခြင်းကြီးမက ခြားနားသွားခဲ့ကြပြီဖြစ်လေသည်။

+ + + + + +
            ၁၉၈၂၊ သူ(နေမျိုးဇော်) ဗမာပြည်ကွန်မြူနစ်ပါတီ အရှေ့ မြောက်စစ်ဒေသသို့ တောခိုသွားသည့်အခါက၊ ကျနော်တို ၊့ထူးအိမ်သင်တို့ ကလွမ်းကျန်ရစ်ခဲ့ကြတာဖြစ်လေသည်။ အဲဒီတုန်းက ကျနော်က ရန်ကုန်တက္ကသိုလ်မှာ မဟာဝိဇ္စာနောက်ဆုံးနှစ် လာတက်နေတဲ့အချိန်ဖြစ်သည်။ စံရိပ်ငြိမ်(၆)လမ်း၊ ယုဒသန်ရိပ်သာသာအနီး၊ ၆၀၃ ခြံကြီးရှေ့ က သစ်သားနှစ်ထပ်အိမ်ကလေးရဲ့ အောက်ထပ်မှာ ကျနော်တို့ စုဝေးငှားနေခဲ့ကြသည်။
            ကျနော်တို့ အိမ်လေးကို ကဗျာဆရာမ မအိ အ၀င်အထွက်ရှိသည်။ ကိုမြင့်နောင်ဆိုသည့် မိတ်ဆွေတစ်ယောက်လည်း ရံဖန်ရံခါရောက်လာလေ့ရှိသည်။ နောက်တော့ သိပ်မကြာလိုက်ပါ။မအိ၊ ကိုမြင့်နောင်၊ နေမျိုးဇော်တို့ ရှေ့ ဆင့်နောက်ဆင့် တောခိုသွားခဲ့ကြပါသည်။ ကျနော်တို့ အိမ်ကလေး
ကိုလည်း၊ တစ်ခါမှမမြင်ဖူးတဲ့လူစိမ်းတွေ ဟိုကဒီက ခဏခဏလာလာပြီး ဟိုမေးဒီမေးတွေလုပ်လာတာကြောင့်၊ ကျနော်တို့ တစ်ပြုံတစ်မကြီး ထိုအသိုက်အမြုံကလေးကနေ စွန့် ခွာလိုက်ကြပါသည်။ ထူးအိမ်သင်(ထိုစဉ်က ထူးအိမ်သင်မဖြစ်သေးပါ) က မော်လမြိုင်ပြန်သွားသည်။ ကျနော်က မိန်းမရပ်ထံ
ပြန်ပါသည်။ (ထိုအချိန်က ကျနော် ယာမာဂူချီနှင့်အိမ်ထောင်ကျနေခဲ့ပြီဖြစ်သည်)
            နေမျိုးဇော် တောခိုသွားတော့ ကျနော်တို့ က သူ့ ကိုလွမ်းကျန်ရစ်ခဲ့ရသည်။ နောင် ဆယ်စုနှစ်တစ်ခုအကြာ၊ မအောင်မြင်သောတော်လှန်ရေးကနေ သူ ရန်ကုန်ကိုပြန်ရောက်လာတော့လည်း ကျနော်တို့ သူ့ ကို ဖက်လှဲတကင်းကြိုဆိုခဲ့ကြသည်။ သူ(နေမျိုးဇော်) တောကပြန်ရောက်မလာခင်၊
လွိုင်ဆမ်ဆစ်မှာ မြင်းစားပဲတွေစားပြီး၊ န ၀ တ စစ်ထောက်လှမ်းရေးအကျယ်ချုပ်နဲ့ နေနေရတဲ့ရက်တွေတုန်းက သူသည် ထူးအိမ်သင်အတွက် ကဗျာရှည်ကြီးတစ်ပုဒ်ရေးပြီး၊ ကျနော့်ဆီ လူကြုံနှင့်လှမ်းပို့ ခဲ့သေးသည်။ မြို့ လယ်ကောင်မှာ ဆိုင်ကယ်တ၀ှီးဝှီးနှင်ပြီး၊ ကျနော်ရှိရာ ကန်တော်ကလေးကအားမာန်သစ်စာပေမှာ ထူးအိမ်သင် ဒီကဗျာကိုလာယူသွားခဲ့ပါသည်။
            ၁၉၈၉-၉၀၊ ကျနော် ဒုတိယအကြိမ်နဲ့ တတိယအကြိမ် အဖမ်းခံရပြီး၊ ပုသိမ်အကျဉ်းထောင်ထဲရောက်ရပြန်တဲ့အခါ၊ ကျနော့်ကို တိုင်းတရားရုံးထုတ်တဲ့နေ့ တိုင်းလို လွိုင်ဆမ်ဆစ်ကနေ နေမျိုးဇော်ထံက အားပေးစကား၊ သတင်းစကားတွေကို၊ လူတစ်ယောက်က အမြဲလာလာပြောပြလေ့ရှိပါသည်။အဲဒီလို ညီလိုတစ်မျိုး၊ ရဲဘော်ရဲဘက်လိုတစ်မျိုး ချစ်ခင်လေးစားရတဲ့ နေမျိုးဇော်ဟာ အထက်တန်းကျောင်းသားဘ၀မှာကတည်းက ကျနော်နှင့်ကဗျာရေးဖော်ရေးဖက်ဖြစ်ခဲ့တာဖြစ်သည်။ ကျနော်တို့ ပုသိမ်မြို့ ၊ အ ထ က(၃)မှာ ‘မြကျွန်းညို’ နံရံကပ်စာစောင်ကို အခါအားလျော်စွာထုတ်ခဲ့ကြပါသည်။ ကျနော်တို့ က ကဗျာဝါသနာရှင် စာကြမ်းပိုးလေးတွေ။ နေမျိုးဇော်က ကဗျာလည်းရေး၊ ပန်းချီလည်းဆွဲသည်။ အထက်တန်းကျောင်းမှာတုန်းကတော့ကျနော့်ကလောင်နာမည်က ‘မောင်နွယ်စိမ်း’။
            နောက်တော့ ကျနော်တို့ ဆယ်တန်းအောင်ပြီး ပုသိမ်ကောလိပ်အတူရောက်ကြတော့၊ ပုသိမ်ကောလိပ် မြ၀ါးရုံရိပ် ကျောင်းသားစာပေအသိုင်းအ၀ိုင်းမှာ တြိဂံလေးတစ်ခုဖြစ်တည်လာခဲ့ပါသည်။ ကျောင်းသူ ကျောင်းသားတွေက အသိအမှတ်ပြုပေး၍ဖြစ်သည်။ နေမျိုးဇော်ရယ်၊ မြောင်းမြသား စိုးထိုက်(ယခု စိုးအိမ်)ရယ်၊ ကျနော်ရယ်။ စိုးထိုက်က ဒီတုန်းက သူ့ ကလောင်နာမည်က စိုးစံထိုက်(မြောင်းမြ)ဖြစ်သည်။ ကျနော်က ‘အနန္တလှိုင်’ပေါ့ ။ နေမျိုးဇော်၊ စိုးစံထိုက်(မြောင်းမြ)၊ အနန္တလှိုင်။ တစ်ရံရောသောအခါ မြ၀ါးရုံတောလို့ ခေါ်ကြတဲ့ ပုသိမ်ကောလိပ်က၊ လွမ်းမောဖွယ် ပန်းနုရောင်စာပေတြိဂံလေးတစ်ခု။
            ပုသိမ်ကောလိပ်အကြောင်းကို ရာဇ၀င်နဲ့ ချီပြီးပြောရရင်၊ ၅၀ ခုနှစ်တွေတုန်းက ဆရာမောင်ပန်းမွှေးတို့ တစ်ခေတ်ပေါ့ ။ အဲဒီနောက် ကျနော်တို့ ကျောင်းကိုမရောက်ခင် ၆၀ ခုနှစ်တွေကုန်ခါနီး၊ ၇၀ ခုနှစ်တွေ အစပိုင်းဟာ မောင်လင်းကြည်(မြ၀င်း-ဒဿန)၊ စိမ်းမြ၊ ဆလိုင်းအောင်ရိုင်းရိုင်းတို့ တစ်ခေတ်လို့ ပြောကြသည်။ နောက်တော့ ၇၀ ခုနှစ်တွေဟာ ကျနော်တို့ တစ်ခေတ်ပေါ့ ။ ကျနော်တို့ ခေတ်မှာ မင်းပြားက ကြူးသစ်၊ ၀ါးခယ်မကနန္ဒကျော်စွာ၊ ရေကြည်က ကိုပန်းလှိုင်၊ သံတွဲက မောင်လင်းလု စသည်ဖြင့် ကဗျာရေးသူတွေ ရှိခဲ့သည်။ ကျောင်းသူကျောင်းသားအစဉ်အဆက်ကဒီကဗျာဆရာတွေကို အသိအမှတ်ပြုခဲ့ကြသည်။ ကျနော်တို့ ခေတ်မှာ ကျောင်းအုပ်ဆရာကြီးကလည်း ဆရာတက္ကသိုလ်ဘုန်းနိုင်ဖြစ်နေတာပါ။
            ကျနော်၏စာပေဘ၀က ဤသို့ ဤနှယ် လမ်းခင်းလာခဲ့ခြင်း။ စာပေနဲ့ နိုင်ငံရေးမှာ ဘယ်ဟာက အချစ်ဦးလဲ။
            မစ်ရှီဂန်မဲဇာ၏ တစ်ခုသောညနေချမ်း၊ လွမ်းငွေ့ မှုန်ဝေသော ရင်ခုန်ဖွယ်အခိုက်ခဏလေးမှာ၊ ကျနော်က နှင်းခါးရိုက်၍သေဆုံးသွားသောကျနော်၏ဥယျာဉ်စိုက်ခင်းကလေးကိုကြည့်ငေး နှမြောတသရင်း စဉ်းစားတွေးတောနေခဲ့မိလေသည်။
+ + + + + +

           
ဆရာဒဂုန်တာရာရေးခဲ့တဲ့ ‘ဒုတိယချစ်သူနှင့်ကွဲမှ၊ ပထမချစ်သူခေတ်ကိုတမ်းတခြင်း’ ဆိုတဲ့စကားရဲ့ အနက်အဓိပ္ဖာယ်ကို ကျနော်စဉ်းစား
ကြည့်မိသည်။ စာပေနှင့်နိုင်ငံရေးတို့ မှာ ကျနော် တစ်ပြိုက်နက်တည်း ပိုးပန်းခဲ့သည့်ချစ်သူတွေပဲလား။ ဘယ်သူ့ ကို ကျနော်ပိုချစ်မိခဲ့တာလဲ။ ဒါါမှမဟုတ်ဘယ်သူက ကျနော်ကို ပိုချစ်ခဲ့တာလဲ။ မစဉ်းစားတတ်တော့ပါဘူး။
            ကိုးတန်းကျောင်းသားဘ၀မှာကတည်းက ကျနော်က စတာလင်၏ ‘ဗော်လ်ရှီဗစ်ရာဇ၀င်အကျဉ်းချုပ်’ စာအုပ်ကိုဖတ်ပြီးနေပြီဖြစ်သည်။ရှင်မဟာရဋ္ဌသာရ၏ ‘ကိုးခန်းပျို့ ’ ကို ကိုးခေါက်ဖတ်ပြီးနေပြီဖြစ်သည်။ မြသန်းတင့်၊ အောင်လင်း၊ သခင်လေးမောင်တို့ ၏ အနုပဋိလောမရုပ်ဝါဒ၊ ရာဇ၀င်ရေးရုပ်ဝါဒကျမ်းအသီးသီး၊ ကျော်အောင်(မြန်မာပြန်) မောရစ်ကွန်းဖို့ တ်၏ ‘မတ်ဝါဒလမ်းညွှန်’ ၊ မောင်သာနိုးဘာသာပြန်တဲ့ ဂျော့သွမ်ဆင်ရဲ့  ‘မတ်ဝါဒနှင့်ကဗျာ’ ၊ မော်စီတုန်း၏ ‘လက်တွေ့ နှင့်ပဋိပက္ခ’ ၊ စသည် စသည်၊ ဒဂုန်တာရာ၊ ဗန်းမော်တင်အောင်၊ ပါရဂူ၊ သခင်မြသန်းတို့ ၏စာတွေ၊ စသည် စသည်၊
ပြီးတော့ အထင်ကရ ၁၉၇၀ မိုးဝေကဗျာတွေ၊ ဒါတွေက ကိုးတန်း၊ ဆယ်တန်း ကျောင်းသားတစ်ယောက်ရဲ့ လွယ်အိတ်ထဲမှာ၊ စာအုပ်စင်ပေါ်မှာ တခမ်းတနား အကျအန နေရာယူထားခဲ့ပြီးဖြစ်လေသည်။
            ကျနော် ဆယ်တန်း(သိပ္ဖံဘာသာတွဲနှင့်)အောင်တော့ သိပ္ဖံဘက်မလိုက်ဘဲ၊ ၀ိဇ္စာဘက် လိုက်ခဲ့သည်။ကျောင်းကဆရာတွေက အမှတ်ကောင်းသည့် သင်္ချာတို့ ၊ ရူပဗေဒတို့ တစ်ခုခုယူစေချင်သည်။ ကျနော်က အဲဒါတစ်ခုမှ မယူ။ ကျနော်ဝါသနာပါသည့် မြန်မာစာအဓိကယူခဲ့သည်။ အကယ်တည့်
သင်္ချာ-ရူပဗေဒ တစ်ခုမဟုတ်တစ်ခု ယူခဲ့လျှင် ကျနော် အိုင်းစတိုင်းဖြစ်မည်။ ခုတော့ မြန်မာစာယူခဲ့သဖြင့် ကျနော် သူပုန်ကဗျာဆရာဖြစ်လာခဲ့လေသည်။ လွမ်းပ။
            ကျနော်က ချီလီကဗျာဆရာ ပါဘလိုနီရူဒါကိုလည်းချစ်သည်။ ဥက္ကဋ္ဌကြီးမော်ကိုလည်း ကဗျာရေးသည့်အတွက် ကျနော်ချစ်သည်။ ရဲဘော်ချေဂွေဗားရားကိုချစ်တဲ့အထဲမှာလည်း၊ သူ မကျဆုံးခင် ဘိုလီးဗီးယားတောင်တန်းတွေပေါ်မှာ “တန်နီယာသို့ ” ကဗျာကိုရေးခဲ့တဲ့ အချက်လည်းပါသည်။
ကျွန်ုပ်တို့ ၏အဘ ကားလ်မတ်ကြီးသည်ပင် ကဗျာရေး၏။ သူ့ ကဗျာတစ်စက-
            “အချစ်သည် ဂျင်နီ
            ဂျင်နီသည် အချစ်
            အနှစ်တစ်ရာ တိုင်စေသော်” တဲ့။
            ချစ်တယ်။ ချစ်တယ်။ ဟိုချီမင်းကိုလည်း ကဗျာရေးလို့ ကျနော်ချစ်တယ်။
            ကျနော်တို့ သည် ဒဂုန်တာရာ၊ ဗန်းမော်တင်အောင်တို့ နှစ်ဦး၏ “မှိုင်းဗေဒ” မှ ဆင်းသက် လာခဲ့ကြခြင်းဖြစ်သည်။ ကျနော်တို့ သည် ဆဲဗင်းဂျူလိုင်၊ သစ်ပုပ်ပင်၊ နေ၀င်း-စန်းယုဆန့်ကျင်ရေးနှင့် ပြည်သူ့ ဒီမိုကရေစီတော်လှန်ရေးတိုက်ပွဲအတွင်းမှ မွေးဖွားလာခဲ့ကြသူများ မဟုတ်တုံလား။
            ထိုစဉ်ခေတ်က ကိုးတန်းကျောင်းသားတစ်ယောက်က ကားလ်မတ်၏ မဟာအရင်းကျမ်းနှင့်၊ မွန်ဝန်ကြီးဗညားဒလ၏ ရာဇာဓိရာဇ်အရေးတော်ပုံကျမ်းတို့ ကို ခေါင်းအုံးအိပ်ခဲ့သည်ဟုဆိုလျှင်၊ ပိုအံ့ရန်ကောဟု အပြစ်တင်မစောကြပါလေနှင့်။ အဲဒါ ကျနော်တကယ်ခေါင်းအုံးအိပ်ခဲ့တာဖြစ်သည်။အဲဒါတွေကြောင့်လည်း၊ ကောလိပ်လည်းရောက်ရော ကျနော် ကျောင်းသားကဗျာဆရာ(CAMPUS WRITER) တစ်ယောက်အနေနဲ့ ပထမဆုံး ဗွေဆော်ဦး အဖမ်းခံခဲ့ရခြင်းပဲဖြစ်လေသည်မဟုတ်လား။
+ + + + + +

           
၁၉၇၈။ ပထမအကြိမ် ထောင်ကပြန်ထွက်လာပြီးတဲ့နောက်၊ ကျနော်တို့ ထောင်ထွက်သူငယ်ချင်းတစ်စု၊ မြစ်ဝကျွန်းပေါ်နေရာအသီးသီးမှာ
အသစ်ခေတ်စားလာသည့် တွဲဖက်ကျောင်းဆရာတွေဝင်လုပ်ကြသည်။ အမှန်ကတော့ ကေဒါမြှုပ်နှံကြတာဖြစ်သည်။ မြေအောက်တွင် မိမိကိုယ်ကိုယ်မိမိမြှုပ်နှံလိုက်ကြခြင်း။ ယူဂျီပေါ့ ။ ယူဂျီတစ်ပိုင်းပေါ့ ။ပရိုဘီစီပီပေါ့ ။ မြစ်ဝကျွန်းပေါ်တိုင်းပြန်လည်တည်ဆောက်ရေးပေါ့ ။
            ကျနော်ပထမအကြိမ် ထောင်ကလွတ်တော့ ကိုယ်နဲ့ အတူပါလာတဲ့ “ကျူးဘားတော်လှန်ရေး” ကဗျာရှည်ကြီးက ရွေးမြစ်ဝှမ်းမှာ စုန်ဆန်ကူးခပ်လို့ ပေါ့ ။ ကျနော်နှင့်မြေနုက လပွတ္တာမြို့ နယ်တစ်ရွာ ‘ရွှေပြည်သာ’ မှာ။ လပွတ္တာမြို့ ပေါ်မှာက သစ်စိုးရှိသည်။ ကျနော်တို့ ၊ သစ်စိုးတို့ နဲ့ ရွေးမြစ်တကြောတည်း၊ မြောင်းမြမြို့ နယ်က ‘ပြင်ရွာ’ မှာ မောင်ဒေါင်း။ (စိုးအိမ်နဲ့ ကိုအောင်စောဦးတို့ က မြောင်းမြ လွန်းတောင်ခြေ ‘ရှမ်းရေကျော်’ရွာ။ စိုးသစ်(အခု စိုးနေလင်းတစ်ဖြစ်လဲ)က မြောင်းမြသိလ္လာတကြောက ‘ဂတ်စု’ မှာ)
            အဲဒီမှာ၊ ဆရာနတ်နွယ်စကားနဲ့ ပြောရရင် အချစ်လှေလောင်းနဲ့ ခေတ်ရေကြောင်းကိုစုန်ဆန်ခဲ့ကြတယ်ပဲပေါ့ ။ ထိုစဉ်က ကျနော်ထောင်ထဲကရေးယူလာခဲ့သည့် “ကျူးဘားတော်လှန်ရေး” ကဗျာကြီးမှာ ကျနော်တို့ ၏ ဗမာပြည် ပြည်သူ့ ဒီမိုကရေစီတော်လှန်ရေးကို မျှော်မှန်းအိပ်မက်ထားသည့်စိတ်ကူးယဉ်မှုတစ်ခုဟုလည်း ဆိုနိုင်သည်။ ကျနော်တို့၏ လက်နက်ကိုင်တော်လှန်ရေး ရေရှည်စစ်ပွဲ ယုံကြည်ချက်လို့ လည်းယူဆနိုင်ပါသည်။
            အမှန်က ကျနော်ယုံကြည်သည်မှာ လက်နက်ကိုင်တော်လှန်ရေးပဲဖြစ်သည်။ လက်နက်ကိုင်တော်လှန်ရေး- အေအက်စ်(ARMS STRUGGLE)ကို ကျနော်ယုံသည်။ ကျနော်တို့ မတ်ဝါဒ၏အခြေခံတရားမှာ အကြမ်းဖက်တော်လှန်ရေးပဲဖြစ်သည် မဟုတ်လား။ သို့ သော်…။
            သို့ သော်…၊ ကျနော်တို့ အုပ်စုထဲက ကိုအောင်စောဦး(မှိုင်းရာပြည့်) ဗဟိုကို အရောက်သွားပြီး ပြန်လာတဲ့အခါကျတော့၊ ကံကြမ္မာက တစ်မျိုးတစ်ဖုံပြောင်းလဲသွားခဲ့တော့သည်။ ဗမာပြည် ပြည်သူ့ ဒီမိုကရေစီတော်လှန်ရေးအတွက် ကျနော်တို့ က ကျေးလက်မှာ ကေဒါမြှုပ်နှံဖို့ ညွှန်ကြားချက်ပါလာခဲ့သည်။ နေ၀င်း-စန်းယု မ ဆ လ စစ်ထောက်လှမ်းရေးတွေ ခြေချင်းလိမ်နေတဲ့ကြားမှာ ကျနော်တို့ တွဲဖက်ကျောင်းဆရာတွေဖြစ်ကုန်ကြသည်။ကဗျာဆရာတွေဖြစ်ကုန်ကြသည်။
            တစ်ခါတစ်ခါ၊ တွဲဖက်ကျောင်းဆရာဘ၀ ကျေးလက်ထုံထိုင်းမှုတွေကြားမှာ ရဲဘော်ရဲဘက် သူငယ်ချင်းတွေဆုံရင်၊ နည်းနည်းပါးပါး မူးယစ်ရီဝေကြရင်း ရယ်စရာပြောကြတာတစ်ခုရှိသည်။ စာပေက မယားကြီးလား၊ နိုင်ငံရေးက မယားကြီးလားပေါ့ ။ ချစ်တာကတော့ နှစ်ယောက်စလုံးကိုချစ်
တာပဲဖြစ်သည်။ အေအက်စ်ကိုယုံကြည်တဲ့ကျနော်၊ အေအက်စ် မဖြစ်ဘဲ၊ စီအက်ဖ် ဖြစ်သွားသည်။ ကျနော်တို့  ယဉ်ကျေးမှုစစ်မျက်နှာ(CULTURALFRONT) မှာ ကဗျာဆရာတွေဖြစ်လာခဲ့ကြသည်မဟုတ်လား။
            ကျနော်တို့ အထဲမှာ မြေနုက ပထမဦးဆုံးပုံနှိပ်ဖော်ပြခံရတဲ့သူဖြစ်လာတယ်။ ပြီးတော့ ရှေ့ ဆင့်နောက်ဆင့်ဆိုသလို၊ အောင်ဝေး၊ မောင်ဒေါင်း၊စိုးအိမ်၊ စိုးသစ်။(လပွတ္တာက သစ်စိုးကတော့ ၇၄-၇၅ အရေးအခင်းတွေနဲ့ RIT ကကျောင်းထုတ်မခံရခင်ကတည်းက မိုးဝေမှာ ၀တ္ထုတွေရေးနေခဲ့ပြီဖြစ်
သည်) ကျနော်တို့ အားလုံး မိုးဝေကဗျာဆရာတွေဖြစ်လာခဲ့ကြသည်။(မောင်ဒေါင်းနှင့်ကျနော်က ရှုမ၀မှာလည်းရေးခဲ့ပါသည်)
            ကျနော့်ကို အမေကမွေး၊ ထောင်ကကျွေးခဲ့သည်။
            ကျနော့်ကို မိုးဝေကမွေး၊ မိုးဝေကကျွေးခဲ့သည်။
            ကျနော့်ကို ဆရာနတ်နွယ်နှင့် ဆရာမောင်သွေးသစ်တို့ ကမွေးထုတ်ပေးခဲ့ခြင်းဖြစ်သည်။ အခုတော့ ကျနော့်ကိုမွေးဖွားပေးခဲ့တဲ့ ဆရာနတ်နွယ် ကွယ်လွန်ခဲ့ရှာပါပြီ။ ဆရာ မကွယ်လွန်ခင် ဆေးရုံပေါ်က ရက်တွေတုန်းကတော့၊ ကျနော့်သား လပြည့်ဝေး အနီးကပ်သွားရောက်ပြုစုကူညီ
ပေးနိုင်ခဲ့ တာနဲ့ ပဲ၊ ကျနော် ကြေကွဲစိတ်ကိုဖြေရပါတယ်။
            ဆရာမောင်သွေးသစ်ကတော့၊ ၂၀၀၇ စက်တင်ဘာ ရွှေဝါရောင်တော်လှန်ရေးမှာ ကျနော်ထဲထဲဝင်ဝင် ပါဝင်ခဲ့တာနဲ့ ပတ်သက်လို့ ကျေနပ်ဂုဏ်ယူတယ်လို့ ပြောတဲ့အကြောင်း၊ ညီငယ်ကဗျာဆ၇ာတွေကနေတစ်ဆင့် ကျနော်ပြန်ကြားခဲ့ရပါတယ်။ တကယ်တမ်းပြောရရင် ဆရာနတ်နွယ်တို့ ၊ ဆရာမောင်သွေးသစ်တို့ က အောင်ဝေးကို ကဗျာတစ်ခုတည်းတင် သင်ကြားပေးခဲ့တာ မဟုတ်ပါဘူး။ နိုင်ငံရေးကိုလည်း သူတို့ ကောင်းကောင်းသင်ကြားပေးခဲ့ကြတာဖြစ်သည်။
            ဆရာနတ်တို့ ၊ ဆရာသွေးတို့ က မြန်မာပြည်မြောက်ပိုင်းကိုဖွဲ့ ကြသည်။ ကျနော်တို့ ၊ မောင်ဒေါင်းတို့ ၊ စိုးအိမ်တို့ ၊ မြေနုတို့ ၊ စိုးသစ်တို့ ကမြစ်ဝကျွန်းပေါ်ကိုဖွဲ့ ခဲ့ကြတာဖြစ်သည်။ ရေစီးကြောင်းက တစ်ကြောင်းတည်း။
+ + + + + +

           
မစ်ရှီဂန်ညချမ်း၊ မဲဇာကမ်း၊ ကျွမ်းကျွမ်းမြမြ လွမ်းတဲ့အလွမ်းက “ပြန်လမ်းမကြုံတဲ့ ယမုန်နာဦးဝယ်” ဖြစ်လို့ နေသည်။ RIVER OF NO RETURN ဖြစ်လို့ နေသည်။ ကျနော်တို့ ရဲ့ ခေတ်ကြီး ကုန်ဆုံးသွားခဲ့ပြီဖြစ်သော်လည်း၊ ကျနော်တို့ သည် ယခုအချိန်အထိ “ဗထက်ခြိုက်” တွေကို ယုံယုံ
ရဲရဲ လွမ်းဆွတ် တမ်းတနေဆဲဖြစ်သည်။ လွမ်း၍လွမ်းသော အလွမ်းများ။ သိက္ခာရှိတဲ့ အလွမ်းများ။ ကျနော်တို့ အလွမ်းက သမိုင်းဝင်သည်။ သခင်ဗဟိန်းကျနော်တို့ လွမ်းသည်။ ဗိုလ်ချုပ်အောင်ဆန်း ကျနော်တို့ လွမ်းသည်။ ဗန်းမော်တင်အောင် ဆရာ့ကိုလည်း ကျနော်တို့ လွမ်းသည်။ပြီးတော့ ကျနော်တို့ လွမ်းသည် ဗ က သ (ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ ချုပ်)။ ပြီးတော့ ကျနော်တို့ လွမ်းသည်  ဗ … … ။
            ဗမာပြည်ကွန်မြူနစ်ပါတီ အနှစ်နှစ်ဆယ်မိန့် ခွန်းမှာ၊ ဥက္ကဋ္ဌ သခင်သန်းထွန်းက “ဗမာပြည်ရဲ့ အတော်ဆုံး နိုင်ငံရေးအတွေးအခေါ်ရှင်ဟာသခင်ဗဟိန်းပဲ” လို့ ပြောကြားခဲ့သည်။ ဗိုလ်ချုပ်အောင်ဆန်း မရှိရင်၊ ဗမာပြည်လွတ်လပ်ရေး မရှိနိုင်။ ဗန်းမော်တင်အောင်ရဲ့ စာတွေကို မဖတ်ဖူးဘဲနဲ့ တော့၊ ကိုယ့်ကိုယ်ကိုယ် တော်လှန်ကဗျာဆရာ၊ ပြည်သူ့ ဘက်သားဆိုတာမျိုးတွေ ဘယ်တော့မှ လေလုံးမိုးလုံးမထွားလေနဲ့ ။
            နောက်ပြီးတော့လည်း၊ ဆဲဗင်းဂျူလိုင်၊ ၁၉၆၂ ဥဒါန်းဘယ်မကြေအရေးတော်ပုံ၊ ဗ က သ ဥက္ကဋ္ဌ ကိုသက်၊ တ က သ ဥက္ကဋ္ဌ ကိုဗဆွေလေး၊သူတို့ နာမည်၊ သူတို့ သမိုင်းကိုလေးစားတန်ဖိုးထားရမယ်။သူတို့ တိုက်ပွဲကို လိုက်နာရမယ်။ မလိုက်နာရင် အဲဒါ ခွပ်ဒေါင်း မဟုတ်။ ဒီကနေ့ ၊ ၆၂ တုန်းက
မသေဘဲ အသက်ရှင်ကျန်ရစ်တဲ့ ဆဲဗင်းဂျူလိုင်ကျောင်းသားခေါင်းဆောင်ဟောင်းကြီး ဘိုကလေး ဦးလှရွှေဆိုတာ၊ မောင်ရင်တို့ ၊ ခင်ဗျားတို့ မျက်စိရှေ့ မှောက်မှာ အခိုင်အမာကြီးရှိနေပါသေးတယ်။ သူ့ ကိုနေရာပေးရမယ်။ လေးစားရမယ်။ အသိအမှတ်ပြုကြရမယ်။ သူဟာ ရာသက်ပန်တည်ဆောက်ရေး
သမားပဲ။ သူ့ ဆီက သမိုင်းအမွေကိုဆက်ခံရမယ်။ ခေတ်ပြိုင်အနု၊ ခေတ်ပြိုင်အရင့်၊ တချို့ က အနီနု၊ တချို့ က အနီရင့်၊ ဘာပဲဖြစ်ဖြစ် သမိုင်းသိစိတ်ရှိတဲ့၊အစဉ်အလာကိုဆက်ခံနိုင်စွမ်းရှိတဲ့ မျိုးဆက်သစ်တွေဟာ၊ မျိုးဆက်ဟောင်းရဲ့ ဝမ်းဗိုက်ထဲကထိုးဖောက်ထွက်လာရစမြဲပဲ မဟုတ်လား။
            ဒါတွေဟာ ကျနော်တို့ ကဗျာဆရာဖြစ်လာတဲ့ ဘ၀လမ်းကြောင်းမှာ၊ ကဗျာနဲ့ ထပ်တူ တမ်းတရ၊ လွမ်းဆွတ်ရ၊ မျှော်လင့်ရတဲ့ ဗထက်ခြိုက်တမ်းချင်း၊ လွမ်းခြင်း၊ မျှော်လင့်ခြင်းတွေပါပဲဗျာ။ ခွင့်လွှတ်ပါ။
            ကျနော်တို့ ငယ်ဘ၀ဟာ အဲဒီလို”နီ” ခဲ့တယ်။ ကျနော်တို့ တက္ကသိုလ်ကျောင်းသားဘ၀ဟာ အဲဒီလို”နီ’ ခဲ့တယ်။ ကျနော်တို့ ရဲ့ အနီရောင်ပြက်လက်ရွှန်းမြသောခေတ်များ။ အနီခေတ်။ ကျနော့်တစ်ဦးချင်း တစ်ကိုယ်တော်ရွက်လွှင့်ရင်း၊ မြင်းရိုင်းကိုစိုင်းနှင်ရင်း၊ မုန်တိုင်းကို အကသင်ရင်း၊ အ၀ါခေတ်၊
အပြာခေတ်တွေနှင့်အတူ အနီရောင်နှစ်ကာလများ။
            မ ဆ လ စစ်အစိုးရခေတ်တုန်းက(၁၉၈၆-၈၇ လောက်က) မြန်မာ့ဆိုရှယ်လစ်လမ်းစဉ်ပါတီ ဗဟိုဌာနချုပ်၊ သုတေသနဌာနကြီးက ထုတ်ပြန်တဲ့ လျှို့ ဝှက်အစီရင်ခံစာတစ်စောင် ကျနော်တို့ ခိုးယူရရှိခဲ့ဖူးသည်။ ထိုအစီရင်ခံစာက၊ အစိုးရကိုဆန့် ကျင်တယ်လို့ သူတို့ ယူဆတဲ့ မြန်မာကဗျာဆရာတွေ
ကို အစုတွေ၊ ဂိုဏ်းတွေခွဲပြီး သုံးသပ်တင်ပြထားတာဖြစ်သည်။
            ကျနော်က အစုနှစ်စု၊ ဂိုဏ်းနှစ်ဂိုဏ်းမှာ ပါသွားသည်။ တောမျှော်အစု- တောမျှော်ဂိုဏ်းနှင့် အမေကျော်ဒွေးတော်လွမ်းအစု- ဒွေးတော်လွမ်းဂိုဏ်း။ တောမျှော် ဆိုတာက ဗ က ပ (ဗမာပြည်ကွန်မြူနစ်ပါတီ) လိုလားသူများကိုဆိုလိုပြီး၊ အမေကျော်ဒွေးတော်လွမ်းဆိုတာကတော့ ကျနော်တို့ ခေတ်ပေါ်ကဗျာ(အရပ်အခေါ် ကာရန်မဲ့) ရေးသူတွေကို ရည်ညွှန်းတာဖြစ်သည်။
            ၂၀၀၇ စက်တင်ဘာ ရွှေဝါရောင်တော်လှန်ရေးတုန်းက၊ ကျနော်ပြေးနေရတုန်း၊ ပုန်းခိုကျင်းကလေးတွေထဲမှာပဲရှိနေသေးသည်။ န အ ဖ စစ်အစိုးရသတင်းစာထဲမှာ၊ အစိုးရအလိုတော်ရိ ပေါ်လစီဆောင်းပါးရေးတဲ့သူုတစ်ယောက်က၊ ကိုဇာဂနာတို့ ၊ ကျော်သူတို့ ၊ ကျနော်တို့ ကို ရှုတ်ချတိုက်
ခိုက်ထားတာများ၊ ကျနော်နဲ့ ပတ်သက်လို့ ” အောင်ဝေးဟာ အလံနီပဲ” ဆိုပြီး၊ တလွဲတွေရေးထားတာ၊ ပြေးနေတဲ့ကောင်က ဗမာပြည်ထဲကဘယ်မှထွက်သွားတာ မဟုတ်သေးဘူး၊ ပုန်းခိုကျင်းကလေးထဲကနေ ဖတ်လိုက်ရပါသေးသည်။ ကျနော် လွတ်လွတ်လပ်လပ်သာဆိုရင် အဲဒီသတင်းစာတိုက် ခဲနဲ့ 
သွားထုပါတယ်။ အခုဟာက ဂျက်စီဂျိမ်းလုပ်နေရလို့ ၊ ဖောရက်စ်ဂမ့်ပ် လုပ်နေရလို့ သာပဲ။
            ကျနော် အလံနီမဟုတ်တဲ့အကြောင်းကိုသာ အဲဒီဆောင်းပါးရေးတဲ့သူ သိစေချင်တာပါ။ ကျနော် အလံနီတွေကို မလိုလားလို့ ၊ မုန်းလို့ ပြောတာ လုံးလုံးမဟုတ်ပါဘူး။ ကြည့်ဗျာ။ ၁၉၄၅ ဖက်ဆစ်တော်လှန်ရေးရဲ့ လက်သည်က သခင်စိုးပဲ။ ဆရာမောင်ကိုယု ကျနော်ချစ်တာပဲ။သူ့ ရဲ့ ” မနေ့ ကလရောင်အောက်မှာ” ၀တ္ထု ကျနော်ကြိုက်တာပဲ။ ဆရာငြိမ်းကျော်၊ ကျနော်တို့ သိပ်အလွမ်းသင့်ကြပါတယ်။ သူ့ ရဲ့ MASTERPIECE ဖြစ်တဲ့ “ပဉ္စမမြောက်ဆောင်းရက်များ” ကို ရုပ်ရှင်ရိုက်ဖို့ ကိုတောင် ဆရာနဲ့ ကျနော်တို့ စိတ်ကူးယဉ်ခဲ့ကြဖူးသည်။ ပြီးတော့ ဆရာဇော်ဇော်အောင်။သူ့ လည်းကျနော်ချစ်တာပဲ။အခုသူ့ စာတွေကို တိုးတက်တဲ့လူငယ်တွေက အငမ်းမရဖတ်နေကြတာကြားရတော့ ကျနော်ကြည်နူးဝမ်းသာသည်။
            ဆရာကြီးသခင်ကိုယ်တော်မှိုင်းက-
             “ ထမ်းပိုးတည့်တည့်ထမ်းခဲ့ကြတဲ့
            ‘စိုး’ နဲ့ ’သန်း’ “ ဆိုပြီး ကဗျာဖွဲ့ ခဲ့သလို၊ အခုအချိန်မှာတော့ ကျနော်တို့ အားလုံး ဒီ ထမ်းပိုး တစ်တုံးတည်း ပါပဲ။
            သြော်… ဒီမိုကရေစီလေချဉ်တက်နေတဲ့ ခေတ်ကာလကြီးထဲမှာ၊ ကျနော်(တို့ )က ပထမချစ်သူခေတ်ကို ပြန်တမ်းတနေမိတာပဲလား။ကိုယ်စောင့်နတ်ကမှပဲ သိတော့မယ်။

+ + + + + +

Saturday, October 26, 2013

နို င် ငံေ ရး အ ကျ ဉ်း သားေ ဟာ င်း ၊ ပြ ည်ေ ပြး က ဗျာ ဆ ရာ ၊ အေ ၀းေ ရာ က် မ င်း ဦးေ အာ င်ေ ၀း


EXILE PROSE

အောင် ဝေး ၊ အောက်တိုဘာ ၂၅၊ ၂၀၁၃
အပိုင်း(၁)
ကျနော့်တစ်ဘ၀လုံးမှာ ခေတ်သုံးခေတ် ရှိခဲ့ဖူးသည်။
          ကျနော်တစ်ဦးတည်းအတွက် ပြောတာဖြစ်သည်။ အနီခေတ်၊ အ၀ါခေတ်၊ အပြာခေတ်။ ဒီခေတ်သုံးခုက ကျနော့်ဘ၀၊ ကျနော့်ဝိညာဉ်နှင့် ထန်းသမားရင်ဘတ် ဖြစ်နေခဲ့သည်။ ထန်းတက်သမား ထန်းပင် တက်သည့်အခါ သူ၏ရင်ဘတ်က ထန်းပင်လုံးနှင့် ထိတုံ ခွာတုံ၊ ပူးလိုက် ခွာလိုက်ဖြစ် နေသည်မဟုတ်လား။ ယင်း အနီခေတ်၊ အ၀ါခေတ်၊ အပြာခေတ်တွေနှင့်ပဲ အောင်ဝေးကို တည်ဆောက်ထားသည်ဟုဆိုကြပါစို့ ။
          ဆရာဒဂုန်တာရာ ရေးခဲ့ဖူးသည်။ ရှုမ၀မှာလို့ ပဲထင်သည်။ မသေချာ။  ”ဒုတိယချစ်သူနှင့်ကွဲမှ၊ ပထမချစ်သူခေတ်ကို တမ်းတခြင်း” တဲ့။ အခုနေမှာ ကျနော်က လွမ်းမြိုင်ကျေးရဲ့ အဝေးမှာ၊ ဘယ်သူနှင့်ကွဲပြီး၊ ဘယ်သူ့ ကိုတမ်းတနေတာပါလဲ။
          မစ်ရှီဂန်မဲဇာ၏ ဆောင်းဦးသော ချမ်းမြမြ ညတစ်ညမှာ ကျနော်က ပုသိမ်အကျဉ်းထောင်၊ ကြိုးတိုက်သံတိုင်တွေကြားမှာ၊ နေ၀င်း-စန်းယု စစ်အာဏာရှင်အစိုးရဖြုတ်ချရေးတိုက်ပွဲအတွက် “ကျူးဘားတော်လှန်ရေး” အမည်ရှိသော ကဗျာရှည်ကြီးကို လျှို့ ဝှက်ရေးဖွဲ့ နေတယ်လို့ အိပ်မက် မြင်မက်နေခဲ့လေသည်။
          “ဟာဗာနာကို ချီတက်ကြ”
+ + + + +
          ၁၉၇၆ ခုနှစ်၊ မတ်လ။
          ပို၍တိတိကျကျပြောရလျှင်၊ ၁၉၇၆ ခုနှစ်၊ မတ်လ(၂၃)ရက်နေ့ ၊ ညသန်းခေါင်ယံမှာ ကျနော် ပထမဦးဆုံးအကြိမ် ဖမ်းဆီးခံခဲ့ရလေသည်။ ထိုစဉ်က ပုသိမ်မြို့ မှာဖြစ်သည်။ စစ်တပ်ထဲကအိမ်မှာ တပ်မတော်ထောက်လှမ်းရေးနှင့် ရဲမှုခင်းတပ်ဖွဲ့ က ကျနော့်ကိုလာဖမ်းခြင်းဖြစ်သည်။ ကျနော့် အဖေက စစ်သား။ ဒီတုန်းက အဖေ့တပ်ရင်းက ချင်း သ န က (၂)။ အမှတ်(၂) ချင်းသေနတ်ကိုင် တပ်ရင်းပေါ့ ။ (ဒါပေမဲ့၊ တပ်ထဲမှာ ချင်းတိုင်းရင်းသားတွေက မရှိကြတော့ပါဘူး။ ချင်းတောင်ပြန်ကုန်ကြပါပြီ။ နဂိုမူလနာမည်သာ တွင်ကျန်နေရစ်ခဲ့တာဖြစ်သည်) ထိုစဉ်က အဖေက မော်တော်ယာဉ်တပ်စု တာဝန်ခံ တပ်ကြပ်ကြီး။ MT SERGEANT ဟုခေါ်သည်။
          ကျနော့်ကို လာဖမ်းတဲ့ညက တပ်ရင်းက တပ်ရေးဗိုလ်ကြီး ဗိုလ်ကြီးလှကြည်လည်း ပါလာပါသည်။ ထောက်လှမ်းရေး(၄)ဟုခေါ်သည့်၊ ရန်ကင်းတောင် တပ်မတော်ထောက်လှမ်းရေးတပ်က အရာရှိတစ်ဦးနှင့် မှုခင်းရဲတပ်ဖွဲ့ နှင့် အသည်ကြီးရဲစခန်းမှရဲအရာရှိတွေက ကျနော့်ကို ဂျစ်ကား တစ်စီးပေါ်တင်ပြီးခေါ်လာသည်။ အိမ်မှာတုန်းက အဖေ့ရှေ့ မှာမို့ ထင်သည်၊ ကျနော့်ကိုလက်ထိတ်မခတ်ပါ။ တပ်ဝင်းဂိတ်က မထွက်ခင်အထိ မခတ်ပါ။
တပ်ဝင်းဂိတ်တံခါးကနေကျော်ပြီဆိုတော့မှ ကျနော့်ကို လက်ထိတ်ခတ်လိုက်ကြပါသည်။
          အဲဒီညက ပုသိမ်မြို့ ၊ ကမ်းနားလမ်း၊ အသည်ကြီးရဲစခန်း အချုပ်ခန်းထဲမှာ တစ်ညအိပ်လိုက်ရပါသည်။ နောက်နေ့ မိုးလင်းတော့၊ တရားရုံး ထုတ်၊ ယမန်ယူပြီး၊ ပုသိမ်အကျဉ်းထောင်ထဲ ထည့်လိုက်ကြပါသည်။ ထောင်ထဲရောက်တော့ ထောင်ကလေးတစ်ခုထဲ ပို့ ပြန်သည်။ နောက်ဆုံးမှာ သံတံခါးတွေအထပ်ထပ်နှင့် မိုက်မှောင်လှောင်အိုက်သော ကြိုးတိုက်အခန်းကျဉ်းလေးတစ်ခုထဲ ကျနော့်ကို ထည့်ပိတ်လိုက်ကြလေသည်။ ထောင်မှူးတွေ၊ ထောင်ဝါဒါတွေ ကြိုးတိုက်ထဲက ပြန်ထွက်သွားကြတော့၊ ကျနော် တံခါးသံတိုင်တွေကိုကိုင်ရင်း တွေးကျန်ရစ်ခဲ့ပါသည်။
          သြော်…။ ငါ မဟာကြိုးတိုက်ကြီးထဲ တကယ်ရောက်နေတာပါလား။ ငါ ဆရာဗန်းမော်တင်အောင် ၀တ္ထုတွေ ဖတ်ပြီး စိတ်ကူးယဉ်ခဲ့ဖူးတဲ့ နရသိန်ကြိုးတိုက်ကြီးထဲကို ငါရောက်နေပါရောလား။ အား… တိတ်ဆိတ်နေတဲ့ အမှောင်ပါလား။ အိမ်မြှောင်စုတ်ထိုးသံတောင် တိုးတိုးပဲကြားရ။ စိတ်ထဲမှာ ညှီစို့ စို့ အနံ့ တစ်မျိုးရသလိုလို။
          ဒီအချိန်မှာ ကျနော်ပထမဦးဆုံးသတိရမိလိုက်တာက ဂျူးလိယက်ဖူးချစ်ပဲ။ “မောင့်ဂူစတီနာရေ… နွေဦးသစ်ရဲ့ တစ်နံနက်မှာ၊ တို့ ပြန်ဆုံ တွေ့ ကြမယ်နော်” ဆိုတဲ့ ဂျူးလိယက်ဖူးချစ် ပဲပေါ့ ။ ဖူးချစ်ရဲ့ ကြိုးစင်ပေါ်ကမှတ်တမ်းသည် ကျနော်တို့ ငယ်ဘ၀၏ သင်ပုန်းကြီးဖတ်စာအုပ်ဖြစ်ခဲ့သည်။
         ကျနော်က ဂျူးလိယက်ဖူးချစ်ကို တမ်းတနေမိဆဲ။
          “ဟိတ်- ကောင်လေး”
          ကျနော့်ရှေ့ ဓားလွယ်ခုတ်အခန်းလောက်ဆီက စကားသံရုတ်တရက်ထွက်လာသည်။
          “နင် လူသတ်ဓားပြလား၊ မုဒိမ်းလူသတ်လား”
          ဗျာ…။ ကျနော် လန့် သွားသည်။ခေါင်းနားပန်းကြီးသွားသည်။ အသံရှင်ကိုကား မတွေ့ ရ။ တစ္ဆေ၊ တစ္ဆေလား။
          “ကောင်လေး၊ ဆေးလိပ်သောက်မလား၊ ငါပစ်ပေးလိုက်မယ်၊ ရော့” ဆိုပြီး၊ ထောင်အခေါ် ပွတ်ချွန်းလို့ ဆိုတဲ့ သတင်းစာစက္ကူနဲ့ ဆေးရွက်ကြီးမှုန့် ကိုလိပ်ထားတဲ့ဆေးလိပ်ကလေး မီးတငွေ့ ငွေ့ နဲ့ ကျနော့်အခန်းရှေ့ အုတ်ခုံပေါ်လာကျသည်။ ကျနော်သံတိုင်ကြားက လက်ကိုထုတ်ပြီးလှမ်းယူ လိုက်သည်။ ပြီးတော့ ဆဆကလေး မျှင်းမျှင်းရှိုက်ဖွာလိုက်သည်။ အား…ကောင်းလိုက်တာ။ ဒါဟာ ကျနော့်အတွက်တော့ ပုသိမ်အကျဉ်းထောင်ထဲမှာ ပထမဆုံးသောက်ရတဲ့ ဆေးလိပ်ပါပဲ။
          “ကောင်လေး၊ ငါ့ နာမည် နဂါးနီလို့ ခေါ်တယ်။ငါက အက်ဖ်၊ အာ၊ စီမှုနဲ့ ရောက်နေတာကြာပြီ”
          ဒီလိုနဲ့ ၊ ထောင်ပိုင် ထောင်မှူးတွေ ကြိုးတိုက်ထဲ နောက်တစ်ခေါက်ပြန်ရောက်မလာခင်၊ ထောင်ဆွေးဆွေး လူဆွေးဆွေး ကုလားအဘိုးကြီး နဂါးနီနဲ့ ကျနော် အကြမ်းဖျင်းမိတ်ဆွေဖြစ်သွားခဲ့ကြပါသည်။ ကျနော်က သူ့ ကို၊  ပုသိမ်ကောလိပ်က တတိယနှစ်ကျောင်းသား၊ အသက်(၂၂)နှစ်၊ အစိုးရဆန့် ကျင်ရေး နိုင်ငံရေးမှုနဲ့ ရောက်လာတာလို့ ရှင်းပြတော့၊ အဘိုးကြီးနဂါးနီ တကျွတ်ကျွတ်နှင့်စုပ်သတ်နေလေတော့သည်။ အတော်ကြီးကြာမှ …
“ကောင်လေး၊ နင်မကြောက်ဘူးလား” တဲ့။
          မကြောက်လို့ လည်း၊ ထောင်ပိုင်ကြီးနဲ့ ထောင်မှူးတွေ နောက်တစ်ခေါက်ထပ်ရောက်လာတဲ့အခါ၊ ကျနော်က ကျနော့်ကို ပုဒ်မ(၅)နဲ့ ဖမ်း ထားတာ၊ ဒီတော့ ပုဒ်မ(၅) ရိက္ခာပေးပါလို့ မဆိုင်းမတွ တောင်းဆိုလိုက်ပါတယ်။ ထောင်ပိုင်ကြီး (ဦးအုန်းမောင်လို့ ထင်သည်။ သေချာမမှတ်မိတော့။ နောင် မကြာခင် ညွှန်မှူးဖြစ်သွားပြီး၊ ထောင်ပိုင်အသစ် ဦးမောင်မောင် ရောက်လာသည်) က ကျနော့်အခန်းရှေ့ တိုးလာပြီး လေသံခပ်မာမာနဲ့ 
“မင်းတို့ ကျောင်းသားတွေ ထောင်ထဲမရောက်သေးဘူး၊ တစ်ခါတည်း တောင်းဆိုဖို့ တို့ ၊ တိုက်ပွဲဝင်ဖို့ တို့ လုပ်တော့တာပဲ။ ဒီမှာ မောင်ရင်ရဲ့ ၊ မောင်ရင်တို့ ဆရာကြီး သခင်စိုး ထောင်ထဲရောက်လာကတည်းက၊ ပုဒ်မ(၅)ရိက္ခာတို့ ၊ ဘီကလပ်တို့ ဆိုတာ မရှိတော့ဘူး။ အဲဒါတွေ နောက်ထပ်မပြောပါနဲ့ ” တဲ့။
          ထောင်ပိုင်ကြီးက ပြောပြီး ချက်ချင်းထွက်သွားတော့သည်။ အဲဒီညနေက ပထမဆုံးထောင်ပုံစံ ထမင်း ဟင်းနှင့် ကျနော်စညားခဲ့လေတော့သည်။ လုံးတီးဆန်ဖြူ၊ ဟင်းရွက်ပြုတ်ရည်တာလပေါ၊ ငါးပိရေကြော်။ ဆာဆာနှင့် ဖျစ်ညှစ်စားလိုက်တာ၊ အရသာမသိ၊ ကောင်းတယ် ဆိုးတယ်မရှိ၊ တစ်ပန်းကန်တော့ကုန်သွားသည်။ ဗိုက်လည်း အတော်ပြည့်သွားသည်။ ထမင်းစားပြီးတော့ ခံတွင်းကချဉ်သွားသည်။
“နဂါးနီရေ…ပွတ်ချွန်းကလေး တစ်လိပ်လောက် ပစ်ပါဦး”
          မနက်ဖြန်မိုးလင်းရင်တော့၊ မနက်စောစော ဂန်ဇီ(ဆန်ပြုတ်)သောက်ရင် သောက်ရမယ်။ နေ့ လည်စာက ပဲဟင်းတဲ့။ ကြိုးတိုက်ကိုထမင်းလာထိုး(ထမင်းလာပို့ )သည့် ထောင်ကျအကျဉ်းသားတစ်ဦးက တိုးတိုးပြောပြသွားသည်။ လာပါပြီ။ ကျနော့်ဘ၀ရဲ့ ပဲဟင်း။ စစ်တပ်ထဲမှာကြီးပြင်းအရွယ် ရောက်လာတဲ့သူ ဆိုတော့ ပဲဟင်း၊ ငါးပိကြော်က ယဉ်ပါးပြီးသား။ ဖြတ်သန်းဖူးပြီးသား။ မခဲယဉ်း။ တကယ်တော့ တပ်ထဲမှာ ပဲဟင်းစားပြီး ကျနော် လူလားမြောက်လာခဲ့ခြင်း။ ကျနော် အခြေခံကလာတဲ့ကောင်ပါ။ စစ်သားသားသမီးနှင့် ပဲဟင်း၊ ငါးပိကြော် ခွဲခြား၍မရ။
          အဲဒီတော့၊ အဲသည်မှာ ကျနော့်ရဲ့ အ၀ါရောင်ခေတ်စခဲ့သည်ပဲဆိုပါတော့။
+ + + + + +
          ကြိုးတိုက်ထဲမှာ ပဲဟင်း နှစ်ရက်၊ သုံးရက်လောက်စားပြီးသွားတော့၊ ကျနော့်အမှုတွဲတွေလည်း ဟိုက ဒီက အသီးသီး ကြိုးတိုက်ထဲရောက်ရှိ လာခဲ့ကြလေသည်။
          ၁၉၇၆ ခုနှစ်၊ မတ်လ(၂၃)ရက်၊ ရန်ကုန်မှာ တက္ကသိုလ်ပေါင်းစုံက ကျောင်းသားတွေရဲ့ ဆရာကြီးသခင်ကိုယ်တော်မှိုင်းနှစ်တစ်ရာပြည့် အရေးအခင်းဖြစ်ပွားသည်။ မ ဆ လ စစ်အစိုးရက တက္ကသိုလ်၊ ကောလိပ်တွေကို ရုတ်တရက်ချက်ချင်းကြီး ပိတ်ပစ်လိုက်တော့သည်။
          ကျနော်တို့ က ပုသိမ်ကောလိပ်က။ ကျနော်တို့ လည်း ပုသိမ်မှာ မှိုင်းရာပြည့်ပွဲကျင်းပဖို့ ကြံစည်ထားကြသည်။ သို့ သော်…။ ကံကြမ္မာက တစ်မျိုးတစ်ဖုံ ချိုးကွေ့ ပြောင်းရွဲ့ သွားခဲ့သည်။ မတ်လဆန်းထဲမှာ ကျနော်တို့ အဆောင်နေကျောင်းသူကျောင်းသားတွေကြားမှာ၊ ကျောင်းဆောင်ကြေး နှင့်ထမင်းလခမြင့်တက်သွား၍ မကျေနပ်သံတွေ ဆူညံပေါ်ထွက်လာသည်။ ထိုပြဿနာက တစ်နိုင်ငံလုံး အတိုင်းအတာနှင့် ကျောင်းတိုင်းမှာဖြစ်တာ ဖြစ်သည်။ မ ဆ လ စစ်အစိုးရသံဖနောင့်အောက် ပြည်သူတွေဆင်းရဲမွဲပြာကျ ကုန်းကောက်စရာမရှိအောင် ချွတ်ခြုံကျနေသည့်ခေတ်လည်းဖြစ်ရာ ပြဿနာကထိန်းလို့ မရတော့။
          ကျနော်တို့ ပုသိမ်ကောလိပ်က စတင်ပြီး သပိတ်မှောက်လိုက်ကြတော့သည်။ မတ်လ(၁၀)ရက်ညမှ စ ကာ၊ မတ်လ(၁၁)ရက်၊ (၁၂)ရက်။
အဆောင်နေကျောင်းသားတွေသာမက၊ ပုသိမ်မြို့ ပေါ်က နေ့ ကျောင်းသားတွေပါ သပိတ်ထဲ ပါလာခဲ့ကြသည်။ ထိုစဉ်က ပုသိမ်ကောလိပ် ကျောင်းအုပ်ကြီးမှာ ဦးခင်မောင်တင့် (ဆရာတက္ကသိုလ်ဘုန်းနိုင်) ဖြစ်သည်။
          မတ်လ(၁၂)ရက် ညသန်းခေါင်ယံလောက်မှာတော့၊ သက်ဆိုင်ရာကျောင်းအာဏာပိုင်တွေ၊ ဧရာဝတီတိုင်း ဒေသပါတီကော်မတီနှင့် တိုင်းပြည်သူ့ ကောင်စီကလူကြီးတွေ၊ ကျနော်တို့ သပိတ်စခန်းဖွင့်ထားတဲ့ ကန်သာယာခန်းမကြီးထဲ ရောက်လာပြီး၊ ကျနော်တို့ တောင်းဆိုထားသည့်အချက် များကို လိုက်လျောပေးခဲ့သဖြင့် သပိတ်လှန်လိုက်ကြပါသည်။ နောက်ရက်တွေမှာ ကျနော်တို့ နဂိုပုံမှန်အတိုင်း တက်စရာရှိသည့်အတန်းတွေတက်နေခဲ့ ကြပါသည်။
          မတ်လ(၂၃)ရက်၊ ရန်ကုန်မှာ မှိုင်းရာပြည့်အရေးအခင်းနှင့် တက္ကသိုလ်၊ ကောလိပ်တွေ ရုတ်တရက်ပိတ်လိုက်ပြီး၊ အဆောင်နေကျောင်းသူ ကျောင်းသားတွေကို အဆောင်ကနေ ချက်ချင်းနှင်ထုတ်လိုက်ပြီ ဆိုတော့မှပဲ၊ ကျနော်တို့ အားလုံးကို တစ်မြို့ စီ တစ်မြို့စီကနေ လိုက်ဖမ်းခဲ့ခြင်းဖြစ်သည်။
ကျနော်က ပုသိမ်ကဆိုတော့ အရင်ဦးဆုံးအဖမ်းခံရသူဖြစ်သွားတော့သည်။
          ပုသိမ်အကျဉ်းထောင် ကြိုးတိုက်ထဲမှာ ကျနော်တို့ လူတွေ စုံလင်သွားကြပြီ။ မတ်လ(၁၁)ရက်၊ (၁၂)ရက် သပိတ်မှောက်အရေးအခင်းမှာ ရှေ့ တန်းက တက်တက်ကြွကြွပါဝင်ခဲ့ကြသူတွေဖြစ်သည်။ ကျောင်းသူသုံးယောက်ပါသည်။ သူတို့ က မိန်းမထောင်ဘက်မှာ။ စုစုပေါင်း(၂၁)ယောက်။
          အမှုက ကျနော်တို့ အားလုံးကို ပုဒ်မ ၅(ဃ) (ည) နှစ်ခုနှင့် ဖမ်းဆီး တရားစွဲဆိုထားခြင်းဖြစ်သည်။
          ပြည်ထောင်စုမြန်မာနိုင်ငံတော်အစိုးရနှင့် သန်းဝင်း(ခ) အနန္တလှိုင် (ပါ) ၂၁ ဦးအမှု။
          ကျနော့်မှာ အမေကမွေး၊ ပေးတဲ့နာမည် “သန်းဝင်း” ။ ပုသိမ်ကောလိပ်မှာ ကျနော့်ကလောင်နာမည်က “အနန္တလှိုင်” ပါ။(ကျနော့်ကို ထောက်လှမ်းရေးနဲ့  ရဲက ဖမ်းတာ အနန္တလှိုင် အနေနဲ့ ပါ။ နောက်မှ ကျနော့်နာမည်အရင်း သန်းဝင်း ဖြစ်မှန်းသိသွားပြီး၊ အဲဒီလို သန်းဝင်း(ခ) အနန္တလှိုင်(ပါ) ၂၁ဦး ဖြစ်သွားရတာပါပဲ။
          နောက်ရှိသေးတယ်။ ကျောင်းမှာ မေဂျာပေါင်းစုံဘောလုံးကန်တော့၊ ကျနော်က မြန်မာစာမေဂျာလက်ရွေးစင်။ ဘောလုံးကွင်းထဲမှာ ပရိသတ်က ကျနော့်ကိုအော်ဟစ်အားပေးကြပုံက “အင်ဖဲင်နတီလှိုင်” (INFINITY HLAING) ပါတဲ့ဗျာ။
          ခုတော့ ပုသိမ်အကျဉ်းထောင်ကြီးထဲမှာ ကိုယ့်ကို အင်ဖဲင်နတီလှိုင်လို့ ခေါ်ပြီး အားပေးမယ့်သူလည်းမရှိ။ အမှုတွဲတွေ စုံညီရောက်မလာခင်က ကျနော်တစ်ကိုယ်တော်၊ ဘုန်းမောင်တစ်ယောက်တည်းရယ် ဖြစ်သည်။ ကုလားအဘိုးကြီးနဂါးနီကတော့ ရှိတာပေါ့ လေ။ သူ့ ကျတော့၊  ဆရာမာန်မြင့်ရေးတဲ့ “ဂန္ထ၀င်သာလိကာ” ၀တ္ထုတိုထဲကလို၊ အချစ်ရေ…ကိုယ် ပလေတိုအကြောင်းပြောပြမယ် ဆိုတာမျိုး လုပ်လို့ မရဘူးလေ။
          ဘာပဲဖြစ်ဖြစ်၊ အမေ့ရဲ့  (၂၂) နှစ်သားကလေး၊ ထောင်ထဲရောက်သွားလည်း အားမငယ်ခဲ့ဘူး။
          ကျနော်နဲ့ အတူ…၊ မြောင်းမြက စိုးထိုက်(နောင် စိုးအိမ်ဖြစ်လာ)၊ ကိုထွန်းဝေ( နောင် စိုးသစ်၊ ယခု စိုးနေလင်းဖြစ်လာ)၊ ကိုခင်မောင်စိုး (ယခု ကွယ်လွန်)၊ မြင့်ဝေ(ယခု ကွယ်လွန်)၊ တင့်ရှိန်၊ ခေတ်စိန်၊ ၀င်းမြင့်( နောင် မြေနုဖြစ်လာ)၊ လက်ပံတန်းက မျိုးခင်၊ ပေါင်းတည်က စိန်ဝင်းမောင်  (သူက ထပ်ကွမ်းလူရည်ချွန်)၊ ပေါင်းတလည်က အောင်ဌေးမြင့်၊ ပြည်က ကိုမြ(ယခု ကွယ်လွန်)၊ စိုးသန်း၊ မြင့်သန်းဌေး၊ ဟင်္သာတက မြင့်ဦး နှစ်ယောက်၊ မင်းလှ(ပဲခူးတိုင်း)က မောင်မောင်ငြိမ်း၊ မြန်အောင်က မြင့်သိန်း( ၉၀ရွေးကောက်ပွဲအနိုင်ရ NLD အမတ်၊ ယခု ကွယ်လွန်)၊ ကျောင်းသူတွေက ညောင်တုန်းက ညွန့် ညွန့် ဝေ၊ သုံးဆယ်က ဘေဘီသိန်း နဲ့ လပွတ္တာက ချိုချိုဝင်း၊ စုစုပေါင်း(၂၁)ယောက်။
          ထောင်ထဲမှာ ကျနော်တို့ ”နီ” ခဲ့ကြသည်။ လက်ဝဲစာအုပ်တွေ အများကြီးဖတ်ခွင့်ရခဲ့သည်။ ကျောင်းသားတိုင်း ကြိုးတိုက်ထဲ(နောင် ၀ါလားတိုက်ကိုပြောင်းရတော့လည်း ၀ါလားတိုက်ထဲ)က အခန်းအခန်းတွေထဲမှာ စာအုပ်တွေ၊ စာအုပ်တွေဆိုတာ အပုံလိုက်ပုံထားကြသည်။ တကယ့်ကို  ဘ၀တက္ကသိုလ်။ (အဲဒီတုန်းက ထောင်ပိုင်ခွင့်ပြုသည့် စာအုပ်တွေ ဖတ်ခွင့်ရှိသည်။ တချို့ လက်ဝဲကျမ်းရင်းတွေကိုတော့ အေကေအေပီနှင့် ခိုးသွင်းခိုးထုတ် ဖတ်ကြရသည်)
          နေ့ စဉ် ပဲဟင်းဝါ၀ါနှင့် ရုပ်ကိုအာဟာရ စောင့်ခဲ့ကြသည်။ စာအုပ်နီနီ၊ လက်ဝဲစာပေတွေနှင့် စိတ်ကိုအာဟာရစောင့်ခဲ့ကြသည်။
          “ပဲဟင်းအ၀ါ
          စာအုပ်ပုံအနီ”
          တစ်နှစ်ကျော်အကြာမှာ စီရင်ချက်ချသည်။ ကျနော်၊ စိုးထိုက်၊ ကိုထွန်းဝေ နှင့် စိန်ဝင်းမောင်တို့ က ပုဒ်မ ၅(ဃ)နှင့်သုံးနှစ်၊ ပုဒ်မ ၅(ည) နှင့် သုံးနှစ်၊ ပြစ်ဒဏ်နှစ်ရပ်အတွက် ခြောက်နှစ်။ ကျန်သူတွေထဲက ကျောင်းသားတွေ (၂)နှစ်စီ။ ကျောင်းသူသုံးယောက်က တစ်နှစ်ခွဲဆိုတော့၊ အမိန့် ချတဲ့နေ့ ပဲ ချက်ချင်းလွတ်သွား။
          ကျနော်တို့ လေးယောက်ကလည်း ပြစ်ဒဏ်နှစ်ရပ်ကို တစ်ပေါင်းတည်းကျခံခွင့်ရသဖြင့်၊ သုံးနှစ်မပြည့်ခင် လျှော့ရက်နှင့် ကျနော်တို့  ပြန်လွတ်လာခဲ့ကြသည်။
          ပထမအကြိမ်၊ ပုသိမ်အကျဉ်းထောင် နရသိန်တောရကပြန်လာတော့၊ ကျနော်နဲ့ အတူ ထောင်ထဲမှာရေးခဲ့သည့် “ကျူးဘားတော်လှန်ရေး” ဆိုသည့် ကဗျာရှည်ကြီး လျှို့ ဝှက်ပါလာခဲ့လေသည်။ 
ေ အာ င်ေ ၀း
၁၀-၂၃-၁၃။

(အပိုင်း-၂ ဆက်ဖတ်ပါရန်) 
                            

သရုပ်ဖော် ပန်းချီ မင်းကျော်ခိုင်