Sunday, June 27, 2010

Letters from Michigan - 11


မစ်ရှီဂန်မှ ပေးသောစာ (၁၁)
အောင်ဝေး


စာပေဟောပြောပွဲတခုတွင် တွေ့ရသော အောင်ဝေး (ဓာတ်ပုံ-မိုးမခ)

မိတ်ဆွေကြီး ကိုဒေါင်း-


ကျန်းခံ့သာလို့ မာပါစ။ “ရာစုတစ်နှစ်မှာ မျိုးဆက် လေးဆက် ရှိတယ်။ ၁၈၈၅-၁၉၈၅။ အဖိုးတွေ အဖွားတွေက နယ်ချဲ့ကို တော်လှန်ခဲ့ကြတယ်။ အဖေတို့ လက်ထက်ကျတော့ ဖက်ဆစ် ဂျပန်တွေကို မောင်းထုတ်ခဲ့ကြပြန်တယ်။ သားတို့ဟာ ဒီရာစုနှစ်ရဲ့ နောက်ဆုံးမျိုးဆက်တွေပဲ ဆိုတဲ့ ဆရာဗန်းမော်တင်အောင် ကွယ်လွန်ခါနီး ရန်ကုန် ဆေးရုံကြီး ပေါ်မှာ သားနှစ်ယောက် ဖြစ်တဲ့ ကိုဗဟိန်းအောင်နဲ့ ကိုကျော်ဇောအောင် တို့ကို ပြောခဲ့တဲ့ စကားတွေ ပြန်အမှတ်ရမိရာကနေ မျိုးဆက်တွေ အကြောင်း အတွေး ရောက်သွားမိတယ် ကိုဒေါင်းရေ။

မျိုးဆက်တစ်ဆက်ဟာ အနှစ် နှစ်ဆယ်၊ အစိတ် ကြာတယ်လို့ သမိုင်းဆရာတွေက ပိုင်းခြားကြတယ်။ ဗီယက်နမ်စစ်ပွဲဟာ မျိုးဆက်တစ်ဆက် ရှည်ကြာခဲ့တယ်။

ကျနော်တို့ နိုင်ငံမှာ စစ်အာဏာရှင်စနစ်ဟာ ဘယ်လောက်တောင် သက်ဆိုးရှည်ခဲ့ပြီလဲ။ စစ်ရေးဗျူရိုကရက်၊ စစ်ပဒေသရာဇ်၊ စစ်တပ် အရင်းရှင်၊ စစ်အာဏာရှင်၊ တပ်မတော် အစိုးရ၊ အဲဒီလို စစ်ဗိုလ်ချုပ် တစ်စုက မတရား ဖိနှိပ် အုပ်ချုပ်၊ အဓမ္မ စိုးမိုး ချယ်လှယ်နေတဲ့ စစ်ကျွန် ဘဝက လွတ်မြောက်ဖို့ ကျနော်တို့ ပြည်သူ လူထု ထကြွ ရုန်းကန်လာခဲ့တဲ့ ဒီမိုကရေစီ တော်လှန်ရေးဟာ ၁၉၆၂ ကနေ စပြီး ရေတွက်လို့လာရင် ဒီကနေ့ဆို နှစ်ပေါင်း (၄၈)နှစ် တိုင်ခဲ့ပြီ မဟုတ်လား။

ဒီအနှစ် ငါးဆယ် နီးပါး တော်လှန်ရေး ခရီးရှည်ကြီးဟာ မျိုးဆက် ဘယ်နှဆက်ကို လက်ဆင့်ကမ်းခဲ့ပြီလဲ။ ၁၉၆၂ ဆဲဗင်းဂျူလိုင် အရေးတော်ပုံက ဘိုကလေး ဦးလှရွှေတို့ မျိုးဆက်ကနေ စလိုက်ရင်၊ ၁၉၇၄-၇၅-၇၆ ဦသန့် အရေးအခင်း၊ အလုပ်သမား သပိတ်၊ မှိုင်းရာပြည့် တွေမှာ ဖြတ်သန်းခဲ့တဲ့ ကျနော်တို့ မျိုးဆက်၊ အဲဒါပြီးတော့ ၁၉၈၈၊ ရှစ်လေးလုံး အရေးတော်ပုံကြီးကို ဦးဆောင်ခဲ့ကြတဲ့ ကိုမင်းကိုနိုင်တို့ မျိုးဆက်၊ အဲဒီကနေ အခုနောက်ဆုံး ဗကသ ကျောင်းသား ခေါင်းဆောင် ကျော်ကိုကိုတို့ မျိုးဆက်။

ဒီလူထု တိုက်ပွဲ၊ ဒီမိုကရေစီတိုက်ပွဲ အနှစ်ငါးဆယ်နီးပါး ခရီးရှည်ကြီး ထဲမှာ အနှစ် (၂ဝ) လုံးလုံး အကျဉ်းထောင်မှာ နေခဲ့ရတဲ့ ဆရာဦးဝင်းတင် တို့လို ပုဂ္ဂိုလ်ကြီးတွေ အကြောင်းကို ဒီရက်ပိုင်းတွေမှာ အထူးသဖြင့် နိုင်ငံရေး အကျပ်အတည်း တစ်ခုနဲ့ ရင်ဆိုင်နေရတဲ့ အချိန်မှာ ကျနော် မတွေးဘဲ မနေနိုင်ပြန်ဘူး ကိုဒေါင်းရေ။

ကျနော်တို့ လူထုခေါင်းဆောင် ဒေါ်အောင်ဆန်းစုကြည်ဆိုရင် အချုပ်အနှောင်၊ နေအိမ်အကျယ်ချုပ်နဲ့ နေနေရတဲ့ သက်တမ်းဟာ ၁၄-၅နှစ် မကတော့ဘူး မဟုတ်လား။

ကိုဒေါင်းရေ၊ ပြီးခဲ့တဲ့လတွေတုန်းက တောင်အာဖရိက နိုင်ငံမှာ သမ္မတဟောင်း နယ်ဆင်မင်ဒဲလားရဲ့ အကျဉ်းထောင်က လွတ်မြောက်ခြင်း အနှစ် (၂ဝ)ပြည့် အခမ်းအနား အကြီးအကျယ် ကျင်းခဲ့ကာ ခင်ဗျားလည်း ကြားခဲ့မိမှာပါ။

အသားအရောင်ခွဲခြားမှုကို တိုက်ဖျက်ရေး၊ ဒီမိုကရေစီနဲ့ လူအခွင့်အရေး ရရှိရေး၊ တောင်အာဖရိက နိုင်ငံ လွတ်မြောက်ရေးအတွက် အကျဉ်းထောင်တွေထဲမှာ (၂၇)နှစ် တိုင်တိုင် မင်ဒဲလား နေခဲ့ရတယ်။ ၁၉၉ဝ ပြည့်နှစ်မှာ ရော်ဘင်ကျွန်း အကျဉ်းထောင် ကနေ သူ့ကို ဖမ်းထားတဲ့ အုပ်ချုပ်သူ လူဖြူအစိုးရ ဝန်ကြီးချုပ် ဒီကလပ်က သူ့ကို လွှတ်ပေးလိုက်တာပါ။

အခု ၂ဝ၁ဝ ပြည့်နှစ်ဟာ မင်ဒဲလား နိုင်ငံရေး အကျဉ်သား ဘဝ လွတ်မြောက်တဲ့ အနှစ် (၂ဝ) ပဲ။ ထောင်ထဲက အနှစ် (၂ဝ) တိုက်ပွဲဟာ နောက်ဆုံးတော့ လူဖြူစိုးရ၊ ဒီကလပ်အစိုးရက သူ့ကို လွှတ်ပေးလိုက်ရတာပါပဲ။

ပြီးတော့ ဒီကလပ်အစိုးရနဲ့ မင်ဒဲလား ပြိုင်ရတဲ့ လွတ်လပ်ပြီး တရားမျှတတဲ့ ဒီမိုကရေစီ ရွေးကောက်ပွဲမှာ မင်ဒဲလား အနိုင်ရပြီး တောင်အာဖရိက နိုင်ငံရဲ့ ပထမဆုံး လူမည်း သမ္မတ ဖြစ်လာခဲ့တာပဲ။ ဒီကလပ်ကလည်း သူ့ရဲ့ အရှုံးကို ကျေကျေနပ်နပ် လက်ခံခဲ့တာပဲ။

အနှစ် (၂ဝ)နော် ကိုဒေါင်း။ အနှစ် (၂ဝ) လုံးလုံး အကျဉ်းထောင်ထဲမှာ နေခဲ့ရတဲ့ လူတစ်ယောက်ရဲ့ ဖြတ်သန်းမှု၊ ရပ်တည်မှု၊ ယုံကြည်ချက်နဲ့ ခိုင်မာတဲ့ အတွေးအခေါ်တွေဟာ အံ့မခန်း အတုယူလောက်စရာပဲ မဟုတ်လားဗျာ။

၁၉၉၅ ဇူလိုင်၊ ဒေါ်အောင်ဆန်းစုကြည် မထမအကြိမ် နေအိမ်အကျယ်ချုပ်က လွတ်လွတ်ချင်း ကျနော်တို့လင်မယား သွားရောက် ဂါရဝ ပြုတုန်းက ခေါ်အောင်ဆန်းစုကြည် ပြောခဲ့တဲ့ စကား တစ်ခွန်း ကျနော် အမှတ်ရနေပါသေးတယ်။

နယ်ဆင်မင်ဒဲလားတို့ရဲ့ အေအင်စီ ပါတီ၊ တောင်အာဖရိက တော်လှန်ရေး အောင်မြင်တာဟာ ဒီကလပ် တော်လို့ပါပဲ တဲ့။ ဒီတိုက်ပွဲမှာ ဒီကလပ်ရော၊ မင်ဒဲလားပါ တတိယ လမ်းကို ရွေးချယ်ခဲ့ကြလို့ပါပဲ တဲ့။ ဆိုလိုတာကတော့ ဒီကလပ်ဟာ သဘောထားကြီးတဲ့ ရန်သူ တစ်ယောက် ဖြစ်နေခဲ့လို့ပါပဲ ကိုဒေါင်း။

ခက်တာက နအဖ စစ်အုပ်စုပဲ ကိုဒေါင်း။ သူတို့ဟာ ဒီကလပ်တွေ မဟုတ်ကြလို့ပဲ ကိုဒေါင်း။ ဒီကလပ်ဟာ ရန်သူတော့ ရန်သူပါပဲ။ ဒါပေမဲ့ ဒီကလပ်ဟာ သဘောထားကြီးတဲ့ ရန်သူ၊ လေးစားလောက်တဲ့ ရန်သူပါ။

ကျနော်တို့ တိုင်းပြည်ရဲ့ နိုင်ငံရေး အကျပ်အတည်းကို အကောင်းဆုံး ဖြေရှင်းနိုင်ဖို့ ဒေါ်အောင်ဆန်းစုကြည်ကလည်း အမျိုးသား ပြန်လည် သင့်မြတ်ရေး၊ အမျိုးသား ရင်ကြားစေ့ရေး၊ တွေ့ဆုံ ဆွေးနွေးရေးကို တလျှောက်လုံး ပြောဆိုနေခဲ့တာပါပဲ။

မစ္စတာ ဂမ်ဘာရီနဲ့ ပါးလိုက်တဲ့ စင်ကာပူ ကြေညာချက်ထဲမှာလည်း ဒေါ်အောင်ဆန်းစုကြည် ဒါကိုပဲ အလေးအနက်ထား ပြောခဲ့တယ်။ မနေ့တနေ့က နအဖ ဥက္ကဋ္ဌ ဗိုလ်ချုပ်မှူးကြီး သန်းရွှေဆီကို ပေးတဲ့စာမှာလည်း ဒေါ်အောင်ဆန်းစုကြည်က ဒါကိုပဲ တစိုက်မတ်မတ် တင်ပြထားတာပဲ။

ခက်တာက နအဖ စစ်အာဏာရှင်တွေပဲ ကိုဒေါင်း။ သူတို့က လေးစားလောက်တဲ့ ရန်သူတွေ မဟုတ်ဘူးဗျာ။

ကျနော်တို့ မြန်မာ့သမိုင်းမှာ အင်းဝနဲ့ ဟံသာဝတီ အနှစ် လေးဆယ်စစ်ပွဲ အတွင်းမှာ အင်းဝဘုရင်မင်းခေါင် ကွယ်လွန်သွားတဲ့ အခါ ဟံသာဝတီဘုရင် ဖြစ်တဲ့ ရာဇာဓိရာဇ် ပြောခဲ့တဲ့ စကား လွှတ်လှတယ် ကိုဒေါင်း။

“လေးစားလောက်တဲ့ ငါ့နောင်တော် ကွယ်လွန်ရှာပြီ” တဲ့။ အဲဒါကို အင်္ဂလိပ် သမိုင်းဆရာ တစ်ယောက်က အင်္ဂလိပ်လို ဘာသာပြန်လိုက်တဲ့ အခါ ပိုတောင် လှသွားတယ် ကိုဒေါင်းရေ။ “My Sweet enemy was dead.” တဲ့။

ကျနော်တို့လည်း နောင်အနှစ် (၂ဝ)လောက် ကြာရင် ဆရာဦးဝင်းတင် အကျဉ်းထောင်က လွတ်တဲ့ အနှစ် (၂ဝ) အခမ်းအနား၊ ဒီမိုကရေစီ နိုင်ငံတော်သစ်မှာ ကျင်းပနိုင်ကောင်းပါရဲ့ဗျာ။

အားလုံးကို သတိရလျက်
အောင်ဝေး
၃၊ ၂၂၊ ၂ဝ၁ဝ

(မစ်ရှီဂန်မှ ပေးသောစာ - အမှတ် ၉ ကို လွတ်လပ်သည့် အာရှအသံ www.rfa.org/burmese က ထုတ်လွှင့်ခဲ့ပြီး ဖြစ်သည်။)

Monday, June 21, 2010

Letters from Michigan - 10

မစ်ရှီဂန်မှ ပေးသောစာ - ၁ဝ
အောင်ဝေး


မိတ်ဆွေကြီး ကိုဒေါင်း -

ကျန်းခံ့သာလို့ မာပါစ။ မကြာသေးခင် လပိုင်းတုန်းက ကြားခဲ့ရ ဖတ်ခဲ့ရတဲ့ ကိစ္စ တစ်ခု အပေါ် အခြေခံပြီး ကျွန်တော် တွေးမိတာလေး တချို့ ပြောကြည့်ချင်တယ်ဗျာ။

ကိစ္စက ဟေတီငလျင် ကယ်ဆယ်ရေးအတွက် နာမည်ကျော် We are the world သီချင်းကို ဒုတိယအကြိမ် မူသစ် အသံသစ်နဲ့ ပြန်ဆို ပြန် အသံသွင်းပြီး ရန်ပုံငွေ ရှာကြတယ် ဆိုတဲ့ ကိစ္စပါ။

We are the world သီချင်းဟာ ၁၉၈၅ ခုနှစ်တုန်းက အာဖရိက အငတ်ဘေး ကယ်ဆယ်ရေး ရန်ပုံငွေ အတွက် ကယ်ဆယ်ရေး ရန်ပုံငွေ အတွက် မိုက်ကယ်ဂျက်ဆင်နဲ့ လိုင်ယွန်နယ် ရစ်ချီတို့ နှစ်ယောက် ပူးတွဲ ရေးစပ်ပြီး မိုက်ကယ်ဂျက်ဆင်နဲ့ အခြား နာမည်ကြီး အဆိုတော်ပေါင်း မြောက်မြားစွာ ပါဝင် သီဆိုပေးခဲ့ကြတဲ့ ကမ္ဘာကျော် ပရဟိတ သီချင်း တစ်ပုဒ်ပဲ မဟုတ်လား ကိုဒေါင်း။

အခု ၂၅ နှစ် အကြာမှာ ဒီသီချင်းကို ဒုတိယအကြိမ် ပြန်ဆိုကြတာပါပဲ။ ဒီတစ်ခါတော့ မိုက်ကယ်ဂျက်ဆင် မပါနိုင်ရှာတော့ပါဘူး။ သူ ကွယ်လွန်သွားခဲ့ပါပြီ။ မူလက မိုက်ကယ်ဂျက်ဆင် သီဆိုခဲ့တဲ့ သီချင်း အပိုဒ် နေရာတွေ အခု သူ့ညီမ ဂျက်နက်ဂျက်ဆင်က ဝင်ပြီး ကူညီ သီဆိုပေးခဲ့တယ်လေ။

ဒီသီချင်းနဲ့ ဒီသတင်းကို ကြားတော့ ကျနော်က ၂ဝဝ၆ ခုနှစ် နှစ်ကုန်ပိုင်းလောက်က မန္တလေးမှာ HIV ကူးစက်ခံ မိဘမဲ့ကလေးငယ်တွေ အတွက် ရန်ပုံငွေ ရှာဖို့ ကျွန်တော်တို့ ကဗျာရွတ်ဆိုပွဲ လုပ်ခဲ့တာကို ပြန် သတိရမိပါတယ်။

ကဗျာရွတ်ဆိုပွဲတော့ ကဗျာရွတ်ဆိုပွဲပါပဲ။ ဒါပေမဲ့ ကဗျာ မရွတ်လိုက်ရ၊ မဆိုလိုက်ရတဲ့ပွဲ ဖြစ်ခဲ့ရတာကိုတော့ ကိုဒေါင်းတို့လည်း အသိပါ။ မန္တလေးတိုင်း စစ်အာဏာပိုင်းက ပွဲမိန့် ထုတ်ပေးတော့ ကဗျာဆရာတွေ စင်ပေါ် တက်ပြီး ကဗျာ မရွတ်ရဘူး ဆိုတဲ့ ပိတ်ပင် ကန့်သတ်မှုကြီးက ပါလာပါတယ်။

ဒီတော့ ကျနော်တို့ ဘာလုပ်ခဲ့ရသလဲ ဆိုတော့ မန္တလေးမှာ ငါးမရလည်း ရေချိုး ပြန်မယ် ဆိုပြီး ရန်ကုန်က ကူညီဖို့ လိုက်လာတဲ့ ရုပ်ရှင် ဂီတ အနုပညာရှင် လူငယ် မောင်မယ်တွေ ညတွင်းချင်း သီချင်း တိုက်ပြီး ပွဲကျင်းပတဲ့ နေ့မှာ သီချင်းတွေချည်း ဆိုပြီးတော့ပဲ အလှူခံခဲ့ရတာပေါ့ဗျာ။

မန္တလေး ပရိသတ်က ရုံပြည့်ရုံလျှံ တစ်ခဲနက် အားပေးခဲ့တာပါ။ ရန်ကုန်မှာ ကျင်းပတဲ့ ပထမပွဲမှာတောင် မရခဲ့တဲ့ အလှူငွေ ၁ဝ၂ သိန်း မန္တလေးမှာ ကျွန်တော်တို့ ရခဲ့တာပါ။ ကဗျာဆရာတွေ ကဗျာမရွတ်ခဲ့ရ၊ ကဗျာရွတ်ပေးမယ့် ရုပ်ရှင်မင်းသား မင်းသမီးတွေ အဆိုတော်တွေ ကဗျာမရွတ်ခဲ့ရပေမယ့် မန္တလေး လူထုဟာ ကျွန်တော်တို့ဘက်မှာ ရပ်တည် အားပေးခဲ့ကြတာပါ။

ပွဲအသိမ်းမှာ ကျွန်တော်တို့ အားလုံး မန္တလေးက စာပေ အနုပညာရှင်တွေပါ အကုန် စင်ပေါ် တက်ပြီး ‘တို့ချစ်တဲ့ကမ္ဘာ’ သီချင်းကို စုပေါင်း သီဆိုခဲ့ကြတာ အခုထိ ကျွန်တော့ နားထဲမှာ ပြန်ကြားယောင်နေတုန်းပဲ ကိုဒေါင်း။ ဒီသီချင်းက We are the world သီချင်းကို ကိုမင်းချစ်သူ ပြန်ရေးထားတဲ့ သီချင်းပဲလေ။

နာဂစ်မုန်တိုင်းဘေးတုန်းကလည်း ပြည်တွင်းက ဂီတ အနုပညာရှင် လူငယ်တွေ သီချင်း တစ်ပုဒ် ရေးစပ်ပြီး တက်ညီလက်ညီ စုပေါင်း သီဆို ရန်ပုံငွေ ရှာခဲ့ကြတာကိုလည်း အဝေးကနေ ကြားရတဲ့ ကျွန်တော်တို့ သာဓုခေါ်ခဲ့ကြတာပါ။

ခက်တာက စစ်အစိုးရပဲ ကိုဒေါင်း။ ကျွန်တော်တို့ HIV ကူးစက်ခံ မိဘမဲ့ကလေးငယ်တွေ အတွက် ရန်ပုံငွေ ရှာဖွေပွဲ လုပ်တာ လူမှုရေး လုပ်ငန်းကို လုပ်တာပါ။ စာပေ အနုပညာရှင်တွေ နာဂစ် ကူညီရေး လုပ်တာလည်း လူမှုရေး လုပ်ငန်း လုပ်တာပါပဲ။ နာရေး ကူညီမှု အသင်းတွေ ဆိုရင် လူမှုရေး လုပ်ငန်း၊ ပရဟိတ လုပ်ငန်းတွေရဲ့ အကောင်းဆုံး သာဓကတွေပေါ့။

ခက်တာက စစ်အစိုးရပဲ ကိုဒေါင်း။ စစ်အစိုးရက လူမှုရေး လုပ်ငန်းတွေကို ပိတ်ပင်တယ်။ တားဆီးတယ်။ လူမှုရေး လုပ်ငန်း လုပ်နေတဲ့သူတွေကို ချုပ်ချယ်တယ်။ ကန့်သတ်တယ်။ ပြည်သူ့အကျိုးပြု ပရိဟိတအလုပ် လုပ်ပြီ ဆိုရင် စစ်အစိုးရက နည်းအမျိုးမျိုး အနှောင့်အယှက် အဟန့်အတားတွေ ပေးတော့တာပဲ။ စစ်အစိုးရဟာ နိုင်ငံရေး လုပ်နေတဲ့ သူတွေကို ဖမ်းဆီး ထောင်ချသလို လူမှုရေးလုပ်ငန်း၊ ပရဟိတလုပ်ငန်း လုပ်နေတဲ့ သူတွေကိုလည်း ဖမ်းဆီး ထောင်ချနေတာ လူတိုင်း အသိပဲ မဟုတ်လား ကိုဒေါင်း။

ဒီလို ယုတ်ညံ့တဲ့ အလုပ်မျိုးကို လိပ်ပြာမလုံတဲ့သူတွေကပဲ လုတ်တတ်ကြတာပါ။ လိပ်ပြာမလုံတဲ့သူတွေဟာ အမှန်တရားကို မျက်နှာချင်းဆိုင်ရမှာ သေမလောက် ကြောက်ကြပါတယ်။ တကယ်ကတော့ လိပ်ပြာ မလုံတဲ့သူတွေဟာ အမှန်တရားကို ဆုပ်ကိုင်ထားသူတွေ၊ အမှန်တရားဘက်က ရပ်တည်နေတဲ့သူတွေကို ရင်မဆိုင်ရဲလောက်အောင် ကြောက်ရွံ့နေကြတဲ့ လူကြောက်တွေပါ။

ဒါဟာ လိပ်ပြာ မလုံတဲ့ အစိုးရပဲ။ ဟုတ်တယ် ကိုဒေါင်း။ လိပ်ပြာ မလုံတဲ့ အစိုးရ ဆိုတာ လိပ်ပြာလည်း မသန့်၊ လိပ်ပြာလည်း မလှတဲ့ အစိုးရပဲ။

မိတ်ဆွေကြီး ကိုဒေါင်း၊ ပြောလက်စနဲ့ ဆက်ပြီး ပြောရရင်တော့ ငယ်ငယ်တုန်းက ကြားခဲ့ဖူးတဲ့ ‘မိန်းမရှာအစိုးရ’ ဆိုတဲ့ စကားလုံးကို အခု ကျွန်တော် ပြန် သတိရမိတယ်ဗျာ။

ဒီစကားလုံးကတော့ နဝတ/နအဖခေတ် စကားလုံး မဟုတ်ပါဘူးဗျာ။ မဆလ အစိုးရခေတ် ၁၉၆ဝ-၇ဝ ဒုတိယအခေါက် ကိုကိုးကျွန်း အကျဉ်းစခန်းကနေ ထွက်ပေါ်လာတဲ့ စကားလုံးပါ။ ပြောခဲ့တဲ့သူကိုလည်း ကြည့်ဦး၊ တခြားလူ မဟုတ်ဘူး၊ ကျနော်တို့ ဆရာ ဗန်းမော်တင်အောင်ပါပဲ။

အဲဒီကျွန်းမှာတုန်းကပေါ့ဗျာ။ ဗန်းမော်တင်အောင်ရဲ့ စာဖတ်ပရိသတ် တစ်ဦး ဖြစ်နေတဲ့ ထောင်အာဏာပိုင်ကြီးကြီး တစ်ယောက်က ဆရာ ဗန်းမော်တင်အောင်ကို ပုဂ္ဂိုလ်ရေးအရ အကူအညီ လိုရင် ပြောပါ တဲ့။ အဲဒီ အခါ ဆရာ ဗန်းမောင်တင်အောင်က ဘာပြန်ပြောလိုက်သလဲ ဆိုတော့ -

‘ကျနော် ပုဂ္ဂိုလ်ရေးကိစ္စ ဘာမှ ပြောစရာ မရှိပါဘူး။ ခင်ဗျားတို့ အစိုးရနဲ့ ပတ်သက်လို့တော့ ပြောချင်တယ်၊ ခင်ဗျားတို့ အစိုးရဟာ တော်တော် တရားမဲ့တဲ့ အစိုးရပဲ။ အပြစ်မဲ့တဲ့လူတွေကို ဖမ်းပြီး ကျွန်းပေါ်မှာ ကိုယ်ထူကိုယ်ထ အကျဉ်းချထားတယ်။ ၁၆၊ ၁၇ နှစ် အရွယ် ကျောင်းသားလေးတွေတောင် ပါတယ်။ အပြစ်ရှိတယ် လို့ ယူဆရင် တိုင်းသိပြည်သိ ကြေညာပြီး ရုံးတင် တရားစွဲပေါ့။ အခုတော့ လူသိမခံဝံ့ဘဲ ဒီကျွန်းလေးပေါ်မျာ ခိုးပြီး နှိပ်စက်နေတယ်။ ထောင်အခွင့်အရေးလည်း အပြည့်အဝ မပေးဘူး။ ပြောရရင် သတ္တိမရှိတဲ့ မိန်းမရှာအစိုးရပဲ’

အဲဒီလို ဗန်းမော်တင်အောင် ပြန်တုံ့ပြန်ပြောခဲ့တာ ကျွန်းပြန်ရဲဘော်ကြီးတွေ ပြန်ပြောပြလို့ ကျွန်တော်တို့ ကြားခဲ့ရဖူးတယ်လေ။

အားလုံးကို သတိရလျက်-
အောင်ဝေး
၃-၁၅-၁ဝ

(မစ်ရှီဂန်မှ ပေးသောစာ - အမှတ် ၉ ကို လွတ်လပ်သည့် အာရှအသံ www.rfa.org/burmese က ထုတ်လွှင့်ခဲ့ပြီး ဖြစ်သည်။)

Sunday, June 13, 2010

Letters from Michigan - 9

မစ်ရှီဂန်မှ ပေးသောစာ - ၉

မိတ်ဆွေကြီး ကိုဒေါင်း -

ကျန်းခံ့သာလို့ မာပါစ။ ဒီတစ်ခါတော့ ကန့်လန့်ကာ နောက်ကွယ်က ပုဂ္ဂိုလ်တွေအကြောင်း တွေးမိတာလေး ပြောကြည့်ချင်တယ်။ သမိုင်းမှာ လူထုတိုက်ပွဲမှာ အရေးတော်ပုံတွေမှာ အလွန် အရေးပါတဲ့ တာဝန်တွေကို ကန့်လန့်ကာ နောက်ကနေ လူမသိ၊ သူမသိ ထမ်းဆောင်သွားခဲ့ကြသူတွေ အကြောင်း ကျနော် ပြောချင်တာပါ။

ဆရာကြီး မင်းသုဝဏ်ရဲ့ ‘ဖိုးမောင်လာပြီ’ နဲ့ ‘သူ့မှာတမ်း’ ကဗျာ နှစ်ပုဒ်မှာ အများအတွက် ကိုယ်ကျိုးစွန့် အနစ်နာခံသွားတဲ့ အညတရတွေ အကြောင်းကို ဆရာကြီး မင်းသုဝဏ်က ဂုဏ်ပြု ရေးဖွဲ့ထားခဲ့တာ အားလုံး ဖတ်ဖူးကြမှာပါ။

အခု ကျနော် တွေးမိ သတိရမိတဲ့ သူတွေကတော့ အညတရတွေ မဟုတ်ကြပါဘူး။ သူတို့ဟာ နိုင်ငံသိ ကမ္ဘာသိ ပုဂ္ဂိုလ်ကြီးတွေပါ။ ပြီးတော့ သူတို့ဟာ စာရေးဆရာ သတင်းစာဆရာကြီးတွေပါ။

သူတို့ဟာ စာရေးဆရာအဖြစ် သတင်းစာဆရာအဖြစ် သူတို့ ဘ၀ ဖြတ်သန်းမှုထဲမှာ ထင်ရှားပြီးသားပါ။ ကျနော်က သူတို့ကို ကန့်လန့်ကာနောက်က လူတွေ လို့ ဘာကြောင့် ပြောရတာလဲ ဆိုရင်တော့ ဒီလိုပါ ကိုဒေါင်း။ သူတို့ရဲ့ နိုင်ငံရေးဘ၀ကို သူတို့ကိုယ်တိုင်က ဘယ်တုန်းကမှ ဟိတ်ဟန်လုပ် ဂုဏ်ဖော်ပြီး ထုတ်ပြောခဲ့တာမျိုး မရှိခဲ့လို့ပါပဲ။

သူတို့ကတော့ တခြားသူတွေ မဟုတ်ကြပါဘူး။ ဆရာမကြီး ဒေါ်ခင်မျိုးချစ်၊ လူထုဦးလှ နဲ့ ဂျာနယ်ကျော် ဦးချစ်မောင်တို့ပါပဲ။ ဒီ စာရေးဆရာ၊ သတင်းစာရာကြီးတွေဟာ မြန်မာ့နိုင်ငံရေးမှာ ဘယ်လောက် အရေးကြီးတဲ့ အခန်းကဏ္ဍက ပါဝင်ခဲ့ကြတယ် ဆိုတာ နှောင်းလူငယ်တွေ သိမှ ဖြစ်မယ် ကိုဒေါင်း။

ဒီပုဂ္ဂိုလ်ကြီးတွေရဲ့ စာပေ ဘ၀ကိုတော့ လူအများ သိပြီးသားပါ။ ဒါပေမဲ့ သူတို့ရဲ့ နိုင်ငံရေးဘ၀ကိုကျတော့ သိသူ နည်းပါလိမ့်မယ်။ ဒါကလည်း ကာယကံရှင်တွေ ကိုယ်နှိုက်က မလိုအပ်ဘဲ ထုတ်မပြောခဲ့လို့က တစ်ကြောင်း ဖြစ်မယ်။

ဥပမာ ဆိုပါတော့ ဆရာမကြီး ဒေါ်ခင်မျိုးချစ်။ ဒေါ်ခင်မျိုးချစ် ဆိုရင် လွတ်လပ်ရေး မော်ကွန်းဝင် ပုဂ္ဂိုလ်ပါ။ သူ မော်ကွန်းဝင်တစ်ဦး ဆိုတာ သိသူ နည်းပါတယ်။ ဒေါ်ခင်မျိုးချစ်၊ လူထု ဒေါ်အမာ၊ ဗိုလ်ချုပ်အောင်ဆန်း တို့ဟာ ၁၉၁၅ တစ်နှစ်တည်းဖွားတွေပါ။ ဗိုလ်ချုပ်အောင်ဆန်းက အာဇာနည်။ လူထုဒေါ်အမာက ၁၉၃၆ တက္ကသိုလ်သပိတ်မှောက် ကျောင်းသူ၊ ဗကသ အမေ။ ဒေါ်ခင်မျိုးချစ်ကျတော့ကော။

ဂျပန်ခေတ် မရမ်းခြံ စစ်ဝန်ကြီးရုံးမှာ ဒေါ်ခင်မျိုးချစ်က ဟန်ဆောင် စာရေးမ ၀င်လုပ်တယ်။ သူက တစ်ဦးတည်းသော စစ်သမီး ဆိုကြပါစို့ရဲ့။ အဲဒီအချိန်က ရွှေတောင်ကြားမှာ ဆရာကြီး သခင်ကိုယ်တော်မှိုင်း၊ သခင်နု၊ ဗိုလ်ချုပ်အောင်ဆန်း၊ သခင်သန်းထွန်း စတဲ့ ခေါင်းဆောင်တွေ နေကြပါတယ်။

ဒေါ်ခင်မျိုးချစ်က စစ်ရုံးမှာ လူလစ်ပြီ ဆိုရင် ရုံးနဲ့ မလှမ်းမကမ်းမှာရှိတဲ့ မီးဖိုချောင်လို နေရာကလေးကို သွားသွားပြီး ရေဒီယို ခိုးခိုး နားထောင်ရတယ်။ ရေဒီယိုက လာတဲ့ ကမ္ဘာ့သတင်း အထူးသဖြင့် စစ်ရေးသတင်းတွေကို လိုက်ပြီး ကူးရတယ်။ ဒီ လျှို့ဝှက်သတင်းတွေကို ဆွဲခြင်းကလေးထဲ ဖုံးဖိထည့် သိုသိုသိပ်သိပ် လက်က ဆွဲပြီး ရွှေတောင်ကြားက သခင်နုတို့ ဗိုလ်ချုပ်အောင်ဆန်းတို့ ဆီကို သွားသွားပို့ရတယ်။ အင်မတန် လျှို့ဝှက် လုပ်ခဲ့ရတဲ့ အလုပ်ပေါ့။ ပြီးတော့ အင်မတန်လည်း အန္တရာယ်များတဲ့ အလုပ်ပဲ ကိုဒေါင်း။

အဲဒီတုန်းက ဂျပန်က ရေဒီယိုနားမထောင်ရ လို့ အမိန့် ထုတ်ထားတာ။ နားထောင်တဲ့သူ သေဒဏ် လို့ ကြေညာထားတာကလား။ အဲဒီလို အသက်နဲ့ ရင်းပြီး လုပ်ခဲ့ရတဲ့ သမိုင်း ရှိခဲ့ဖူးတယ်။ ဒီအကြောင်း ဒေါ်ခင်မျိုးချစ်ကိုယ်တိုင်တော့ ရေးခဲ့တာ မရှိပါဘူး။ သက်ကြီးစကား သက်ငယ်ကြား၊ ငယ်သူတွေက တစ်ဆင့် ပြန်ရေးတာကိုတော့ ဦးနေ၀င်းအကြောင်းတွေ ပါနေလို့ ဆိုပြီး စာပေစိစစ်ရေးက ခွင့်မပြုခဲ့ပါဘူး။

ဒေါ်အောင်ဆန်းစုကြည် ခြံထဲက လွတ်လပ်တဲ့ ဟောပြောပွဲလို နေရာမှာတောင် ဆရာမကြီး ဒေါ်ခင်မျိုးချစ်က ကိုယ့်ကိုယ်ကိုယ်ဖော် မသူတော် မလုပ်ခဲ့ပါဘူး။ ဒါ ကန့်လန့်ကာ နောက်ကွယ်က လှပတဲ့ ဇာတ်ကွက်ကလေး တစ်ကွက်ပဲမဟုတ်လား ကိုဒေါင်း။

ပြီးတော့ လူထုဦးလှ။ လူထုဦးလှ ဆိုရင်လည်း သတင်းစာ ဆရာကြီး၊ စာရေးဆရာကြီး၊ ပုံပြင်ဆရာကြီး အဖြစ် လူတွေက ပိုသိကြတာပါ။ ကန့်လန့်ကာ နောက်က လူထုဦးလှရဲ့ နိုင်ငံရေး ဘ၀ကို သိသူ နည်းမယ်။ အထက်မြန်မာပြည် ဖဆပလ အဖွဲ့ကြီးအတွက် လူထုဦးလှ နောက်ကွယ်က ယူခဲ့တဲ့ တာဝန်တွေက အများကြီးမဟုတ်လား။ ဆရာကြီးဦးရာဇတ်ရဲ့ လျှို့ဝှက် လက်ရုံးတစ်ဖက်ပဲ မဟုတ်လား။ ဖက်ဆစ် တော်လှန်ရေး လုပ်ကြတော့ လူထုဦးလှဟာ ဗိုလ်မှူးကြီး ဗထူးအတွက် နောက်ကွယ်အတွက် နောက်ကွယ်ကနေ လက်နက် လူသူ ရိက္ခာ ရှာဖွေ ထောက်ပံ့ပေးခဲ့ပြန်တာပါ။ ဦးလှ သူ့ရဲ့ လူထု သတင်းစာကို ဗိုလ်ချုပ်အောင်ဆန်းအာဘော် သတင်းစာအဖြစ် ထုတ်ခဲ့တယ် ဆိုတာ ခုခေတ် နှောင်းလူငယ်တွေ သိချင်မှ သိကြမယ်။

ဒါပါပဲ ကိုဒေါင်း။ လူထုဦးလှဟာ အများအမြင်မှာတော့ မြန်မာပြည်ရဲ့ အန်ဒါဆင်းပဲပေါ့။ ကန့်လန့်ကာနောက်ကွယ်မှာတော့ အရေးတော်ပုံ တပ်သားကြီး တစ်ယောက်ပဲ မဟုတ်လား။

ဒေါ်ခင်မျိုးချစ်၊ လူထုဦးလှတို့လိုပဲ ဂျာနယ်ကျော် ဦးချစ်မောင် ဆိုရင်လည်း ကန့်လန့်ကာ နောက်ကွယ်က လူသား တစ်ဦးပါပဲ။

ဂျာနယ်ကျော် ဦးချစ်မောင်ဟာ ဖဆပလ အဖွဲ့ကြီးရဲ့ ဗဟိုဦးစီးအဖွဲ့ဝင် တစ်ယောက်ပါ။ ဂျပန်ခေတ် တစ်လျှောက်လုံး ဂျာနယ်ကျော် ဦးချစ်မောင် ဂျပန် ခုခံ ဆန့်ကျင်ရေး လုပ်ငန်းတွေ လျှို့ဝှက် လုပ်ကိုင်နေတာ ဗိုလ်ချုပ်အောင်ဆန်းတို့ကလွဲရင် တခြားသူတွေ ဘယ်သူမှ မသိခဲ့ကြပါဘူး။

လွတ်လပ်ရေး ခရီး လမ်းခုလတ်မှာ ဦချစ်မောင် ကွယ်လွန်ရှာတော့ ဗိုလ်ချုပ်အောင်ဆန်း ကိုယ်တိုင် သင်္ဂြိုဟ်ခဲ့တဲ့ အဖြစ်ဟာ ဦးချစ်မောင်ရဲ့ ကန့်လန့်ကာ နောက်ကွယ်က သမိုင်း တန်ဖိုးပဲ မဟုတ်လား။

တစ်ခေတ် တစ်ခါတုန်းက အမျိုးသား လွတ်မြောက်ရေး တိုက်ပွဲမှာပဲ ဖြစ်ဖြစ် ဒီကနေ့ ဆင်နွှဲနေတဲ့ ဒီမိုကရေစီ တိုက်ပွဲထဲမှာပဲ ဖြစ်ဖြစ် ကန့်လန့်ကာ နောက်ကနေ တိုင်းပြည်အကျိုး လူထုအကျိုး သယ်ပိုး ထမ်းဆောင်ခဲ့ကြတဲ့ ထမ်းဆောင်နေကြဆဲ ဖြစ်တဲ့ ပုဂ္ဂိုလ်တွေကို ကျနော်တို့ အားလုံးက လေးစား အသိအမှတ်ပြုရမယ် မဟုတ်လား ကိုဒေါင်းရေ။

အားလုံးကို သတိရလျက်-
အောင်ဝေး


Letters from Michigan - 9

မစ်ရှီဂန်မှ ပေးသောစာ - ၉

မိတ်ဆွေကြီး ကိုဒေါင်း -

ကျန်းခံ့သာလို့ မာပါစ။ ဒီတစ်ခါတော့ ကန့်လန့်ကာ နောက်ကွယ်က ပုဂ္ဂိုလ်တွေအကြောင်း တွေးမိတာလေး ပြောကြည့်ချင်တယ်။ သမိုင်းမှာ လူထုတိုက်ပွဲမှာ အရေးတော်ပုံတွေမှာ အလွန် အရေးပါတဲ့ တာဝန်တွေကို ကန့်လန့်ကာ နောက်ကနေ လူမသိ၊ သူမသိ ထမ်းဆောင်သွားခဲ့ကြသူတွေ အကြောင်း ကျနော် ပြောချင်တာပါ။

ဆရာကြီး မင်းသုဝဏ်ရဲ့ ‘ဖိုးမောင်လာပြီ’ နဲ့ ‘သူ့မှာတမ်း’ ကဗျာ နှစ်ပုဒ်မှာ အများအတွက် ကိုယ်ကျိုးစွန့် အနစ်နာခံသွားတဲ့ အညတရတွေ အကြောင်းကို ဆရာကြီး မင်းသုဝဏ်က ဂုဏ်ပြု ရေးဖွဲ့ထားခဲ့တာ အားလုံး ဖတ်ဖူးကြမှာပါ။

အခု ကျနော် တွေးမိ သတိရမိတဲ့ သူတွေကတော့ အညတရတွေ မဟုတ်ကြပါဘူး။ သူတို့ဟာ နိုင်ငံသိ ကမ္ဘာသိ ပုဂ္ဂိုလ်ကြီးတွေပါ။ ပြီးတော့ သူတို့ဟာ စာရေးဆရာ သတင်းစာဆရာကြီးတွေပါ။

သူတို့ဟာ စာရေးဆရာအဖြစ် သတင်းစာဆရာအဖြစ် သူတို့ ဘ၀ ဖြတ်သန်းမှုထဲမှာ ထင်ရှားပြီးသားပါ။ ကျနော်က သူတို့ကို ကန့်လန့်ကာနောက်က လူတွေ လို့ ဘာကြောင့် ပြောရတာလဲ ဆိုရင်တော့ ဒီလိုပါ ကိုဒေါင်း။ သူတို့ရဲ့ နိုင်ငံရေးဘ၀ကို သူတို့ကိုယ်တိုင်က ဘယ်တုန်းကမှ ဟိတ်ဟန်လုပ် ဂုဏ်ဖော်ပြီး ထုတ်ပြောခဲ့တာမျိုး မရှိခဲ့လို့ပါပဲ။

သူတို့ကတော့ တခြားသူတွေ မဟုတ်ကြပါဘူး။ ဆရာမကြီး ဒေါ်ခင်မျိုးချစ်၊ လူထုဦးလှ နဲ့ ဂျာနယ်ကျော် ဦးချစ်မောင်တို့ပါပဲ။ ဒီ စာရေးဆရာ၊ သတင်းစာရာကြီးတွေဟာ မြန်မာ့နိုင်ငံရေးမှာ ဘယ်လောက် အရေးကြီးတဲ့ အခန်းကဏ္ဍက ပါဝင်ခဲ့ကြတယ် ဆိုတာ နှောင်းလူငယ်တွေ သိမှ ဖြစ်မယ် ကိုဒေါင်း။

ဒီပုဂ္ဂိုလ်ကြီးတွေရဲ့ စာပေ ဘ၀ကိုတော့ လူအများ သိပြီးသားပါ။ ဒါပေမဲ့ သူတို့ရဲ့ နိုင်ငံရေးဘ၀ကိုကျတော့ သိသူ နည်းပါလိမ့်မယ်။ ဒါကလည်း ကာယကံရှင်တွေ ကိုယ်နှိုက်က မလိုအပ်ဘဲ ထုတ်မပြောခဲ့လို့က တစ်ကြောင်း ဖြစ်မယ်။

ဥပမာ ဆိုပါတော့ ဆရာမကြီး ဒေါ်ခင်မျိုးချစ်။ ဒေါ်ခင်မျိုးချစ် ဆိုရင် လွတ်လပ်ရေး မော်ကွန်းဝင် ပုဂ္ဂိုလ်ပါ။ သူ မော်ကွန်းဝင်တစ်ဦး ဆိုတာ သိသူ နည်းပါတယ်။ ဒေါ်ခင်မျိုးချစ်၊ လူထု ဒေါ်အမာ၊ ဗိုလ်ချုပ်အောင်ဆန်း တို့ဟာ ၁၉၁၅ တစ်နှစ်တည်းဖွားတွေပါ။ ဗိုလ်ချုပ်အောင်ဆန်းက အာဇာနည်။ လူထုဒေါ်အမာက ၁၉၃၆ တက္ကသိုလ်သပိတ်မှောက် ကျောင်းသူ၊ ဗကသ အမေ။ ဒေါ်ခင်မျိုးချစ်ကျတော့ကော။

ဂျပန်ခေတ် မရမ်းခြံ စစ်ဝန်ကြီးရုံးမှာ ဒေါ်ခင်မျိုးချစ်က ဟန်ဆောင် စာရေးမ ၀င်လုပ်တယ်။ သူက တစ်ဦးတည်းသော စစ်သမီး ဆိုကြပါစို့ရဲ့။ အဲဒီအချိန်က ရွှေတောင်ကြားမှာ ဆရာကြီး သခင်ကိုယ်တော်မှိုင်း၊ သခင်နု၊ ဗိုလ်ချုပ်အောင်ဆန်း၊ သခင်သန်းထွန်း စတဲ့ ခေါင်းဆောင်တွေ နေကြပါတယ်။

ဒေါ်ခင်မျိုးချစ်က စစ်ရုံးမှာ လူလစ်ပြီ ဆိုရင် ရုံးနဲ့ မလှမ်းမကမ်းမှာရှိတဲ့ မီးဖိုချောင်လို နေရာကလေးကို သွားသွားပြီး ရေဒီယို ခိုးခိုး နားထောင်ရတယ်။ ရေဒီယိုက လာတဲ့ ကမ္ဘာ့သတင်း အထူးသဖြင့် စစ်ရေးသတင်းတွေကို လိုက်ပြီး ကူးရတယ်။ ဒီ လျှို့ဝှက်သတင်းတွေကို ဆွဲခြင်းကလေးထဲ ဖုံးဖိထည့် သိုသိုသိပ်သိပ် လက်က ဆွဲပြီး ရွှေတောင်ကြားက သခင်နုတို့ ဗိုလ်ချုပ်အောင်ဆန်းတို့ ဆီကို သွားသွားပို့ရတယ်။ အင်မတန် လျှို့ဝှက် လုပ်ခဲ့ရတဲ့ အလုပ်ပေါ့။ ပြီးတော့ အင်မတန်လည်း အန္တရာယ်များတဲ့ အလုပ်ပဲ ကိုဒေါင်း။

အဲဒီတုန်းက ဂျပန်က ရေဒီယိုနားမထောင်ရ လို့ အမိန့် ထုတ်ထားတာ။ နားထောင်တဲ့သူ သေဒဏ် လို့ ကြေညာထားတာကလား။ အဲဒီလို အသက်နဲ့ ရင်းပြီး လုပ်ခဲ့ရတဲ့ သမိုင်း ရှိခဲ့ဖူးတယ်။ ဒီအကြောင်း ဒေါ်ခင်မျိုးချစ်ကိုယ်တိုင်တော့ ရေးခဲ့တာ မရှိပါဘူး။ သက်ကြီးစကား သက်ငယ်ကြား၊ ငယ်သူတွေက တစ်ဆင့် ပြန်ရေးတာကိုတော့ ဦးနေ၀င်းအကြောင်းတွေ ပါနေလို့ ဆိုပြီး စာပေစိစစ်ရေးက ခွင့်မပြုခဲ့ပါဘူး။

ဒေါ်အောင်ဆန်းစုကြည် ခြံထဲက လွတ်လပ်တဲ့ ဟောပြောပွဲလို နေရာမှာတောင် ဆရာမကြီး ဒေါ်ခင်မျိုးချစ်က ကိုယ့်ကိုယ်ကိုယ်ဖော် မသူတော် မလုပ်ခဲ့ပါဘူး။ ဒါ ကန့်လန့်ကာ နောက်ကွယ်က လှပတဲ့ ဇာတ်ကွက်ကလေး တစ်ကွက်ပဲမဟုတ်လား ကိုဒေါင်း။

ပြီးတော့ လူထုဦးလှ။ လူထုဦးလှ ဆိုရင်လည်း သတင်းစာ ဆရာကြီး၊ စာရေးဆရာကြီး၊ ပုံပြင်ဆရာကြီး အဖြစ် လူတွေက ပိုသိကြတာပါ။ ကန့်လန့်ကာ နောက်က လူထုဦးလှရဲ့ နိုင်ငံရေး ဘ၀ကို သိသူ နည်းမယ်။ အထက်မြန်မာပြည် ဖဆပလ အဖွဲ့ကြီးအတွက် လူထုဦးလှ နောက်ကွယ်က ယူခဲ့တဲ့ တာဝန်တွေက အများကြီးမဟုတ်လား။ ဆရာကြီးဦးရာဇတ်ရဲ့ လျှို့ဝှက် လက်ရုံးတစ်ဖက်ပဲ မဟုတ်လား။ ဖက်ဆစ် တော်လှန်ရေး လုပ်ကြတော့ လူထုဦးလှဟာ ဗိုလ်မှူးကြီး ဗထူးအတွက် နောက်ကွယ်အတွက် နောက်ကွယ်ကနေ လက်နက် လူသူ ရိက္ခာ ရှာဖွေ ထောက်ပံ့ပေးခဲ့ပြန်တာပါ။ ဦးလှ သူ့ရဲ့ လူထု သတင်းစာကို ဗိုလ်ချုပ်အောင်ဆန်းအာဘော် သတင်းစာအဖြစ် ထုတ်ခဲ့တယ် ဆိုတာ ခုခေတ် နှောင်းလူငယ်တွေ သိချင်မှ သိကြမယ်။

ဒါပါပဲ ကိုဒေါင်း။ လူထုဦးလှဟာ အများအမြင်မှာတော့ မြန်မာပြည်ရဲ့ အန်ဒါဆင်းပဲပေါ့။ ကန့်လန့်ကာနောက်ကွယ်မှာတော့ အရေးတော်ပုံ တပ်သားကြီး တစ်ယောက်ပဲ မဟုတ်လား။

ဒေါ်ခင်မျိုးချစ်၊ လူထုဦးလှတို့လိုပဲ ဂျာနယ်ကျော် ဦးချစ်မောင် ဆိုရင်လည်း ကန့်လန့်ကာ နောက်ကွယ်က လူသား တစ်ဦးပါပဲ။

ဂျာနယ်ကျော် ဦးချစ်မောင်ဟာ ဖဆပလ အဖွဲ့ကြီးရဲ့ ဗဟိုဦးစီးအဖွဲ့ဝင် တစ်ယောက်ပါ။ ဂျပန်ခေတ် တစ်လျှောက်လုံး ဂျာနယ်ကျော် ဦးချစ်မောင် ဂျပန် ခုခံ ဆန့်ကျင်ရေး လုပ်ငန်းတွေ လျှို့ဝှက် လုပ်ကိုင်နေတာ ဗိုလ်ချုပ်အောင်ဆန်းတို့ကလွဲရင် တခြားသူတွေ ဘယ်သူမှ မသိခဲ့ကြပါဘူး။

လွတ်လပ်ရေး ခရီး လမ်းခုလတ်မှာ ဦချစ်မောင် ကွယ်လွန်ရှာတော့ ဗိုလ်ချုပ်အောင်ဆန်း ကိုယ်တိုင် သင်္ဂြိုဟ်ခဲ့တဲ့ အဖြစ်ဟာ ဦးချစ်မောင်ရဲ့ ကန့်လန့်ကာ နောက်ကွယ်က သမိုင်း တန်ဖိုးပဲ မဟုတ်လား။

တစ်ခေတ် တစ်ခါတုန်းက အမျိုးသား လွတ်မြောက်ရေး တိုက်ပွဲမှာပဲ ဖြစ်ဖြစ် ဒီကနေ့ ဆင်နွှဲနေတဲ့ ဒီမိုကရေစီ တိုက်ပွဲထဲမှာပဲ ဖြစ်ဖြစ် ကန့်လန့်ကာ နောက်ကနေ တိုင်းပြည်အကျိုး လူထုအကျိုး သယ်ပိုး ထမ်းဆောင်ခဲ့ကြတဲ့ ထမ်းဆောင်နေကြဆဲ ဖြစ်တဲ့ ပုဂ္ဂိုလ်တွေကို ကျနော်တို့ အားလုံးက လေးစား အသိအမှတ်ပြုရမယ် မဟုတ်လား ကိုဒေါင်းရေ။

အားလုံးကို သတိရလျက်-
အောင်ဝေး


Saturday, June 5, 2010

Letters from Michigan -8

မစ်ရှီဂန်မှ ပေးသောစာ - ၈
အောင်ဝေး
ဇွန် ၅၊ ၂ဝ၁ဝ

မိတ်ဆွေကြီး ကိုဒေါင်း -

ကျန်းခံ့သာလို့ မာပါစ။ ခင်ဗျားတို့ ကျနော်တို့ ဘဝ အတွေ့ အကြုံတွေထဲက လူကြီးလူငယ် ပြဿနာ ဆိုတာကို စဉ်းစားမိလို့ ဒီစာ ရေးလိုက်တာပါ။

ဒီအကြောင်း ပြောမယ် ဆိုတော့ ဆရာကြီး သခင်ကိုယ်တော်မှိုင်းကို အရင် သတိရတယ်။ ဆရာကြီးမှိုင်း မြန်မာ့ နိုင်ငံရေးသမားတွေ အပေါ်မှာ ကရုဏာ ဒေါသောနဲ့ ရေးဖွဲ့ခဲ့တဲ့ ကဗျာတွေထဲက တချို့ ဆိုပါတော့ဗျာ။ “တောင်ကျရေ နွားနှစ်ကောင် မဝသလိုပ မောင်ဘဖေ ငါးထောင် မရတာကြောင့်” ဆိုတာမျိုး။

ဆရာကြီးက သူ့တပည့်တွေ ဖြစ်တဲ့ သခင်စိုးနဲ့ သခင်သန်းထွန်း တို့ကိုလည်း “ ထမ်းပိုးတည့်တည့် ထမ်းခဲ့ကြတဲ့ စိုး နဲ့ သန်း” ဆိုပြီး ဖွဲ့ခဲ့တာမျိုး။

ဆရာကြီးမှိုင်းက လွတ်လပ်ရေးစိတ်နဲ့ ငြိမ်းချမ်းရေးစိတ်နဲ့ နိုင်ငံရေးသမားတွေ တပည့်တပန်းတွေ အပေါ်မှာ “နွား” နဲ့ နှိုင်းပြီး ရေးတတ် ဆုံးမတတ်တဲ့ အလေ့ ရှိခဲ့တာ မဟုတ်လား ကိုဒေါင်း။

အဲဒီ ထုံးစံအတိုင်း ဆရာကြီးမှိုင်းက လူကြီး လူငယ် ပြဿနာကို ကဗျာနဲ့ ဆုံးမခဲ့ပုံက “လူကြီးကြီး နွားကြီးကြီး ပုံဆွယ်။ လူငယ်ငယ် နွားငယ်ငယ် ပုံထား။ နွားနှစ်ကောင် ချိုထောင် သွေးတော့ ဘေးလို့ မှတ်သား” တဲ့။

လူကြီးလူငယ် ပြဿနာ ဆိုတာကတော့ ခေတ်တိုင်းမှာ ရှိတာပေါ့လေ။ အဓိကကတော့ လူငယ်တွေက လူကြီးတွေရဲ့ ကိုယ်ကျိုးစွန့် အနစ်နာခံမှုနဲ့ အစဉ်အလာကို လေးစားရမယ်။ လူကြီးတွေကလည်း လူငယ်တွေရဲ့ ရဲရင့် တက်ကြွမှုနဲ့ စွမ်းရည် သတ္တိကို အသိ အမှတ်ပြုရမယ် မဟုတ်လား။

ကိုဒေါင်းရေ - ကျနော့် ကိုယ်တွေ့ ပြန်ပြောရရင် ကျနော့် NLD မှာ ဧရာဝတီတိုင်း စည်းရုံးရေး လုပ်ခဲ့တုန်းက ပါတီတွင်း အဖွဲ့ချုပ်တွင်း ပြဿနာတချို့ကို ဖြေရှင်းရင်း လူငယ်စိတ်နဲ့ ခပ်ပြတ်ပြတ် လုပ်မိတာမျိုး ရှိခဲ့ဖူးတယ်။ ကျနော့်ကို အလွန်အကျွံမရှိ အမှားအယွင်း မဖြစ်အောင် ဘေးကနေ တလျှောက်လုံး လိုက်ပြီး ထိန်းပေးနေတာက ကျနော်တို့ တိုင်းစည်းထဲကပဲ။ ဦးမြရှိန် တဲ့။ ဦးမြရှိန်က အရင် မြန်မာ့အလင်း သတင်းစာက အယ်ဒီတာ တယောက်ပါ။ သူက လူကြီး၊ ကျနော်က လူငယ် ဆိုပါတော့။

မြန်မာ့နိုင်ငံရေးမှာ အဲဒီလို လူငယ်တယောက်ကို ထိန်းဖို့ လူကြီး တယောက်ကို တောကနေ ပြန်လိုက် ခေါ်ခဲ့ရဖူးတယ် ဆိုတဲ့ သမိုင်း ရှိခဲ့တယ် မဟုတ်လား ကိုဒေါင်း။

ဖဆပလ ခေတ်ဦး အစကပေါ့နော်။ ရွှေတိဂုံ အလယ်ပစ္စယံ အစည်းအဝေးမှာ ဒီးဒုတ်ဦးဘချို၊ ဆရာဦးရာဇာတ်၊ ဟင်္သာတဦးမြ၊ ပျော်ဘွယ်ဦးမြတို့က ဝါရင့်နိုင်ငံရေး သမားကြီး ဘကြီးဘဖေကို ဖဆပလ အဖွဲ့ကြီးရဲ့ ဥက္ကဋ္ဌ တင်ဖို့ တိုင်ပင်ထားကြပြီးသား။

ဒါပေမဲ့ တကယ် အစည်းအဝေးကျတော့ ဘကြီးဘဖေက ထပြီး ဥက္ကဋ္ဌ အဖြစ် ဗိုလ်ချုပ်အောင်ဆန်းကို အဆိုပြုပါတယ်လည်း ဆိုရော ဗိုလ်ချုပ်က ဟာ - ကျနော် ငယ်ပါသေးတယ် ဘကြီးတို့ လူကြီးပိုင်းကပဲ လုပ်ပါလို့ ငြင်းတာပေါ့။ နောက်တော့ လူထု ပရိသတ်ကြီးကပါ ဘကြီးဘဖေရဲ့ အဆိုကို အကြွင်းမဲ့ ထောက်ခံပါတယ်၊ ဗိုလ်ချုပ် မငြင်းပါနဲ့ ဆိုတော့မှ ဗိုလ်ချုပ် အောင်ဆန်း ဥက္ကဋ္ဌ အဖြစ် တာဝန်ယူခဲ့တာပါ။ အဲဒီအချိန်မှာ ဗိုလ်ချုပ် အသက်က (၃ဝ) ကျော်လေးပဲ ရှိသေးတယ်။

ဒီလို သူ့ကို ဥက္ကဋ္ဌ တင်ခဲ့တဲ့ ဘကြီးဘဖေကို သူကိုယ်တိုင် ပြန်ပြီး တိုင်းပြုပြည်ပြု လွှတ်တော် အမတ် အဖြစ်ကနေ နုတ်ထွက်ခိုင်းခဲ့တဲ့ အကြောင်းလေးကလည်း ရှိသေးတယ် မဟုတ်လား ကိုဒေါင်း။

ရန်ကုန်အရှေ့ပိုင်းအမတ် ဘကြီးဘဖေကို အကြောင်းတစုံတခုနဲ့ ဗိုလ်ချုပ်က နုတ်ထွက်ခိုင်းတဲ့ ကိစ္စ ပေါ်လာတော့ ဒီးဒုတ်ဦးဘချိုတို့၊ ဆရာကြီး ဦးရာဇာတ်တို့၊ ဟင်္သာတဦးမြ၊ ပျော်ဘွယ်ဦးမြတို့ ခေါင်းချင်း ရိုက်ပြီး ဗိုလ်ချုပ်ကို အနီးကပ် ထိန်းဖို့တော့ လူကြီး တယောက် လိုအပ်နေပြီ သခင်နုကို ပြန်လိုက်ခေါ်မှ ဖြစ်တော့မယ် လို့ ဆွေးနွေး တိုင်ပင်ခဲ့ကြတာ မဟုတ်လား ကိုဒေါင်း။

သခင်နု (ကိုကြီးနု) နဲ့ ကိုအောင်ဆန်းတို့ ဆိုတာက ရန်ကုန်တက္ကသိုလ် တကသမှာ လုပ်ဖော် ကိုင်ဖက် ညီအစ်ကိုတွေ မဟုတ်လား။ ၁၉၃၆ အိုးဝေမဂ္ဂဇင်းက ဦးညိုမြရဲ့ ငရဲခွေးကြီး လွတ်နေပြီ ပေးစာ အရေးကြောင့် တက္ကသိုလ် အာဏာပိုင်က မဂ္ဂဇင်းတာဝန်ခံ ကိုအောင်ဆန်းကို ကျောင်းထုတ်လိုက်တော့ ကိုကြီးနုက ဒါကို ဆန့်ကျင် ကန့်ကွက်တဲ့ အနေနဲ့ သူရထားတဲ့ ဘီအေဘွဲ့ကို ပြန်အပ်ပစ်လိုက်တဲ့ သမိုင်းက သူတို့ ညီနောင် ကိုကြီးနုနဲ့ ဗိုလ်အောင်ဆန်း ကြားမှာ ရှိပြီးသား မဟုတ်လား။

ဖဆပလက လူကြီးတွေက လူလွှတ်ပြီး လိုက်ခေါ်တာနဲ့ မော်ကျွန်းဘက်မှာ စာသွားရေးနေတဲ့ သခင်နု ရန်ကုန် ပြန်ရောက်လာပါတယ်။ သခင်နုက နိုင်ငံရေး မလုပ်တော့ဘူး စာပဲ ရေးတော့မယ် ဆိုပြီး တောကို ပြန်နေခဲ့တာပါ။ အခု ပြန်ရောက်လာတော့ ဗိုလ်ချုပ်က ဦးနုကို - ကိုကြီးနု ဖဆပလအဖွဲ့ ဒုတိယ ဥက္ကဋ္ဌ အဖြစ် တာဝန်ယူပါလို့ ဆိုတော့ ဦးနု နိုင်ငံရေးထဲ ပြန်ရောက်တာပါပဲ။ ဗိုလ်ချုပ်အောင်ဆန်းနဲ့ ဦးနု လက်တွဲပြီး မပြီးဆုံးသေးတဲ့ လွတ်လပ်ရေး ရှေ့ခရီးလမ်းကို ဆက်လှမ်းခဲ့ကြတာပါပဲ။

အောင်ဆန်း - အက်တလီ စာချုပ် ချုပ်ပြီးလို့ မကြာခင် ဗိုလ်ချုပ်အောင်ဆန်း လုပ်ကြံခံခဲ့ရတယ်။ ဦးနုက ဆက်လက် ဦးဆောင်ပြီး နု - အက်တလီ စာချုပ်နဲ့ လွတ်လပ်ရေးကို ရယူခဲ့တယ်လေ။

ဘယ်ခေတ်မှာပဲ ဖြစ်ဖြစ် လူကြီးလူငယ် ပြဿနာ ဆိုတာကတော့ ရှိစမြဲပါပဲ။ မှန်ကန်တဲ့ နိုင်ငံရေး အမြင်နဲ့ မှန်ကန်တဲ့ ဦးဆောင်မှုနဲ့ ဖြေရှင်းမယ် ဆိုရင် ပြဿနာ ပြီးပြေရုံသာမက ရှေ့ဆက် တိုက်ပွဲဝင်ဖို့ လူကြီးလူငယ် ပေါင်းစည်းရေး အင်အားသစ်ကို ရလာတာပါပဲ။

လူငယ်တွေက လူကြီးတွေကို လေးစားရမယ်။ လူကြီးတွေကလည်း လူငယ်တွေကို အသိအမှတ် ပြုရမယ်။ တကယ်တော့ ဒီမိုကရေစီ တိုက်ပွဲထဲမှာ လူကြီးရယ်လို့ မဟုတ် လူငယ်ရယ်လို့ မဟုတ် ဘုံရန်သူကို အတူတကွ လက်တွဲ တိုက်ခိုက်နေသူတွေ အဖြစ် အပြန် အလှန် နားလည် ယုံကြည်နေဖို့ပါပဲ။

အားလုံးကို သတိရလျက်-
အောင်ဝေး

(မစ်ရှီဂန်မှ ပေးသောစာ - ၈ ကို လွတ်လပ်သည့် အာရှအသံ www.rfa.org/burmese က ထုတ်လွှင့်ခဲ့ပြီး ဖြစ်သည်။)