Wednesday, February 20, 2013

ငြိ မ်း ချ မ်းေ ရး ခ ရီး ရှ ည် ချီ တ က်ေ န သူ များ သို့  ( ၄ )


 
ရဲဘော်တို့ -
တချို့ က
လက်တွန်းလှည်းလေးတွန်းပြီး
ငရဲပြည် သွားနေတယ်။
ခိုင်ထူးရေ…
တချို့ တွေ နေနိုင်လွန်းတယ်။
ရဲဘော်တို့ သွားနေတာ
အနာဂတ်ကိုလား။
(အကယ်၍ ဒါကို အနာဂတ်လို့ 
ခေါ်လို့ ရရင်ပေါ့ လေ)
ရဲဘော်တို့ သွားနေတာ
စစ်ပွဲတစ်ခုဆီကိုလား။
စစ်ဆိုတာ
ဘယ်သူမှ မတူးချင်တဲ့ ကတုတ်ကျင်း။
စစ်ဟာ
ဘယ္သူမွ မပို ့ခ်င္တဲ့ စ်ာပနပဲ။
စစ်ကိုဆန့် ကျင်ကြ
စစ်အာဏာရှင်တွေကိုရှုတ်ချကြ။
စစ်များလွန်လျှင်
ငြိမ်းချမ်းရေးကိုမြင်မယ်။
ရဲဘော်တို့ ဆက်လျှောက်။
မဟတ္တမဂန္ဒီလည်း လျှောက်ခဲ့တယ်
သခင်ဖိုးလှကြီးလည်း လျှောက်ခဲ့တယ်
မာတင်လူသာကင်းလည်း လျှောက်ခဲ့တယ်။
ရဲဘော်တို့ ဆက်လျှောက်။
လွတ်လပ်မှုအတွက်
တရားမျှတမှုအတွက်
ငြိမ်းချမ်းမှုအတွက်။
ဆက်လျှောက်
ရဲဘော်တို့ ဆက်လျှောက်။
ဧရာဝတီမြစ်ကို
အနောက်ဘက်က လျှောက်လျှောက်
ဧရာဝတီမြစ်ကို
အရှေ့ ဘက်က လျှောက်လျှောက်
ပန်းတိုင်ရောက်ဖို့ ပဲလိုတယ်။
ရန်ကုန်က လာလာ
မုံရွာက လာလာ
မြင်းခြံက လာလာ
(ဘယ်နေရာက လာလာ)
လိုင်ဇာမှာ
တပ်ပေါင်းစုံမယ်။
ပင်လုံမှာ
အချစ်မကုန်
မြစ်ဆုံမှာ
တစ်ခေတ်လှုံမယ်။
ရင်ခုန်ရင်
ဒဂုန်တာရာနဲ့ လည်း
ငြိမ်းချမ်းညစာ အတူစားမယ်။
ဆက်လျှောက် ရဲဘော်တို့ 
ဆက်လျှောက်။
နွေဦးက
ငါတို့ ကိုခေါ်နေပြီ။
ဒီလမ်း
လင်းယုန်စောင့်တဲ့လမ်း။
ဒီလမ်း
သခင်ကိုယ်တော်မှိုင်းလမ်း။
ဒီလမ်း
ထာဝရငြိမ်းချမ်းရေးလမ်း။
ဒီလမ်း
အို … မြောက်ပိုင်းလမ်း။      ။
အောင်ဝေး
(ဗမာနိုင်ငံကဗျာဆရာ)
ဖေဖော်ဝါရီ ၁၈-၂၀၁၃။ 

Monday, February 11, 2013

ငြိ မ်းေ ရး ခ ရီး ရှ ည် ချီ တ က်ေ န သူ များ သို့  ( ၃ )

LONG WALK TO PEACE
OUR JOURNEY IS NOT COMPLETE

 

ရဲဘော်တို့ -

ခြေထောက်တွေကို ရွက်လွှင့်
ဇော်ဝင်းထွဋ်လို ရွက်လွှင့်။

ကျည်ဆန်များအစား
ပန်းများပွင့်စေ။

သေနတ်သံဆိတ်
သူငယ်အိပ်စေ။

ငါတို့ ခေတ်မှာ
ငါတို့ ဟာ
အတိတ်သားကောင်တွေလား။

ငါတို့ ဟာ
ပစ္စုပ္ဖန်ဓားစာခံတွေလား။

ငါတို့ ဟာ
ငါတို့ ခေတ်မှာ
အနှစ်တစ်ရာ မြေဇာပင်ဖြစ်နေတာလား။

မိတ်ဆွေတို့ 
လက်သီးကိုဆုပ်
အလွမ်းဇာတ်ထုပ် သိမ်းမယ်။

အနာဂတ်
ဖြတ်သာသွားမယ်
မရပ်နား။

တစ်နေ့  တစ်လံ
ပုဂံ ဘယ်ပြေးမလဲ။

ဆက်လျှောက်
ဆက်လျှောက်။

လွတ်မြောက်တဲ့ကြယ်
အမှောင် မကြောက်။

လမ်းတစ်လျှောက်
ကြောက်ရမယ့်ရန်
ပဉ္စမံတပ်သားတွေ။

သတိထား
နွားကွဲရင်
ကျား ဆွဲလိမ့်မယ်။

ကိုယ့်လမ်း ကိုယ်လျှောက်
ပန်းတိုင် မပျောက်နဲ့ ။

ခံဝန်လက်မှတ်
တစ်ခါထိုးရတိုင်း
ဒီမင်း ဒီစိုး ဒီသူခိုးတွေကို
တစ်ခါနာကြည်းပါ။

သူ့ အရပ်
သူ့ ဇာတ်နဲ့ သင့်မြတ်စေ။

ရက်ဘတ်တလာ တွေနဲ့ 
မပေါင်းနဲ့ ။

ခရိုနီပေးတာ
မယူနဲ့ ။

ညစ်ပေတဲ့လက်တွေနဲ့ 
တို့ အိပ်မက်
အပျက်မခံနိုင်။

ရဲဘော်တို့  ဆက်လျှောက်။

တစ်နေ့ တစ်မိုင်
လိုင်ဇာ ဘယ်ပြေးမလဲ။

သွေးမကွဲနဲ့ 
သွေးကွဲရင်
ခွေး ဆွဲမယ်။

“ဝေး“ ပြောတာယုံ
ဘေးပြောတာ မယုံနဲ့ ။       ။

အောင်ဝေး
(ဗမာနိုင်ငံကဗျာဆရာ)
ဖေဖော်ဝါရီ ၁၁-၂၀၁၃။

Thursday, February 7, 2013

ငြိ မ်း ချ မ်းေ ရး ခ ရီး ရှ ည် ချီ တ က်ေ န သူ များ သို့  ( ၂ )


MARCH FOR PEACE
OUR JOURNEY IS NOT COMPLETE

ရဲဘော်တို့ -

ဆက် လျှောက်။

ငါတို့ နောက်မှာ
ငါတို့ ဟာ
တောင်ကိုလည်း
မုန်းသူတို့ ဘေးရန်က
ခုခံ နေရ။
ထောင်ကိုလည်း
ရည်းစားဦးလို မုန်းလို့ မရကြ။

ငါတို့ ခေတ်မှာ
ငါတို့ ဟာ
မြစ် ဆိုရင်လည်း
အချစ်စိတ်နဲ့ ကာကွယ်နေရ။
စစ်ဆိုရင်လည်း
မချစ်ဘဲ တိုက်နေကြရ။

ငါတို့ နှလုံးသား
ပန်းများပွင့်စေ
ကျည်ဆန်တွေအစား
စစ်ပွဲများ ရပ်ပစ်။

ဓားအိမ်ထဲက ဓားများ
ထယ်သွားအဖြစ် ပြောင်းပစ်။

ငါတို့ ခေတ်မှာ
ငါတို့ ဟာ
ဝန်တင်လိပ်ပြာတွေပါ။

ရဲဘော်တို့ 
ငြိမ်းချမ်းရေးကို သယ်ပိုးနေကြရ။

ရဲဘော်တို့ 
လမ်းလျှောက်နေကြရ။

လမ်းတိုင်းဟာ
လိုင်ဇာ ကို ဦးတည်နေတယ်။

လွမ်း ...။

မန္တလေး အက်ဖ် အမ် က
အလှပဂေး ရေ...
ခင်မောင်တိုးရဲ့
“ကြိုးကြာသံ“ သီချင်း ဖွင့်။      ။

အောင်ဝေး
(ဗမာနိုင်ငံကဗျာဆရာ)
ဖေဖော်ဝါရီ ၇-၂၀၁၃။

Wednesday, February 6, 2013

ငြိ မ်း ချ မ်းေ ရး ခ ရီး ရှ ည် ချီ တ က်ေ န သူ များ သို့  ( ၁ )


 

ရဲဘော်တို့ -

ရဲဘော်တို့ ကို
ကြံ့ဖွတ်အစိုးရ အာဏာပိုင်တွေက
ရောက်ရာ အရပ်မှာ
ခံဝန် လက်မှတ်တွေ
ထိုးခိုင်းနေတယ်။

ဒါပေမဲ့
ဒီလူတွေ
ရဲဘော်တို့ ကို
“ခံဝန် ခြေမှတ်“ တော့
ထိုးခိုင်းလို့ မရဘူး။

ဆက်သာလျှောက် ရဲဘော်တို့ ။

အခု
မုံရွာကလည်း
ချီတက်လာနေပြီ။

ဆက်လျှောက်။

လိုင်ဇာမှာ တပ်ပေါင်းစုံမယ်။      ။

အောင်ဝေး
(ဗမာနိုင်ငံကဗျာဆရာ)

ဖေဖော်ဝါရီ ၆-၂၀၁၃။