Monday, August 26, 2013

ဝ င်းေ မာ် ဦး သို့ေ ရွှ ၀ါေ ရာ င် တ မ်း ချ င်း (၂)




ဘာ့ကြောင့်ရွှေဝါရောင်လဲ။

ဝင်းမော်ဦးရေ…

ရွှေဝါရောင်ရေ…။

ရွှေဝါရောင်ဟာ

ပင်လယ်ကိုလက်ပစ်ကူးခဲ့သူတွေ

နောက်ထပ်ကန္တာရကိုဖြတ်ရတာပဲ။

ဝန်ခံပါတယ်

ရွှေဝါရောင်မှာ

သမ္မတသုံးယောက်

ဖြုတ်မချနိုင်ခဲ့ပါဘူး။

ဝန်ခံပါတယ်

ရွှေဝါရောင်ဟာ

အောင်မြင်တဲ့တေးတစ်ပုဒ်

မဟုတ်ခဲ့ပါဘူး။

ဒါပေမဲ့

ရွှေဝါရောင်ဟာ

သွေးစွန်းခဲ့တယ်။

အသည်းနာ ကမ္ဘာမကြေ

မျက်ရည်ဝေခဲ့တယ်။

သမီးရေ…

ဝင်းမော်ဦးရေ…။

သမီးဝိညာဉ်က

မီးကူးစက်

ရွှေဝါရောင်အိပ်မက်ဟာ

နွေဦးကို ဆက်မက်ခဲ့။

ခိုင်ထူးရေ…

တချို့ တွေ နေနိုင်လွန်းတယ်။

လမ်းပေါ်မှာ

ဝင်းမော်ဦးရဲ့ သွေးတွေ

မချောက်သေးဘူး။

လမ်းပေါ်မှာ

လမ်းပေါ်မှာ

ပင်လယ်တည်မယ့်သွေးတွေ

မခန်းသေးဘူး။

ကျဆုံးသူတို့ ဝိညာဉ်တွေ

တစ်ယောက်အလောင်း

တစ်ယောက်ထမ်း

ငြိမ်းချမ်းရာဆီ လျှောက်လှမ်းနေဆဲ။

ရွှေဝါရောင်ရေ…

ငြိမ်းချမ်းရေးကိုဘယ်သူဖျက်ဆီးနေလဲ။

ငြိမ်းချမ်းရေးဟာ

သွေးနဲ့ မျက်ရည်လား။

၂၅ နှစ်ကြာတဲ့တိုင်

အမျှမဝေနိုင်သေးတဲ့

တိုင်းပြည်။

ဗိုလ်စိန်မှန်ပြောသလို

ပင်လယ်ထဲထိုးလွှတ်ပစ်ဖို့ သာကောင်းတဲ့

တိုင်းပြည်။

ဒီတိုင်းပြည်မှာ

အရှားဆုံးက

ဒီမိုကရေစီနဲ့ ငြိမ်းချမ်းရေးပဲ။

ဒီတိုင်းပြည်မှာ

အပေါဆုံးကလည်း

ငြိမ်းချမ်းရေးနဲ့ ဒီမိုကရေစီပါပဲ။

တချို့ က

အပြောင်းအလဲ၊ အပြောင်းအလဲနဲ့ 

မောင်းကွဲကြီးထု။

တချို့ က

မရိုးမရွ

သူခိုးဓားပြနဲ့ 

အတိုးချပူးပေါင်း

ဒူးထောက်ခေါင်းညိတ်။

တချို့ က

ငါးသလောက်။

တချို့ က

ဖျံဖမ်းသမား။

တချို့ က

ပဉ္စမံတပ်သား။

တချို့ က…

တချို့ က…။

ရွှေဝါရောင်ရေ…

ဝင်းမော်ဦးရေ…။

ဗမာပြည်စစ်အာဏာရှင်စနစ်ဟာ

နှစ်ပေါင်း(၅၀)ကျော်လာ

ကမ္ဘာမှာမရှိဘူး။

ငြိမ်းချမ်းရေးလိုချင်ရင်

အလင်းဝင်၊ လက်နက်ချ၊ အညံ့ခံ။

ရန်သူက

(ဘုံရန်သူက)

အဲဒီလိုကြည်ဖြူတယ်။

နောက်ဆုံးတော့

အပစ်ရပ်တော့

အပြတ်ရစ်ခံရ။

ခြံစည်းရိုးက

ချိုးလည်ပြောက်ကလေး

အရက်နဲ့ မြည်းတာပဲအဖတ်တင်တယ်။

(ဆက်ပါဦးမည်)

ဝ င်းေ မာ် ဦး သို့ေ ရွှ ၀ါေ ရာ င် တ မ်း ချ င်း



(၁)

ဘာ့ကြောင့် ၀င်းမော်ဦးလဲ။

ဝင်းမော်ဦးရေ…

ရွှေဝါရောင်ရေ…။

တံတားအောက်မှာ

မြစ်သေတွေပျောက်ဆုံးခဲ့ကြပြီ။

မိုးကုပ်စက်ဝိုင်းမှာ

မုန်တိုင်းမိုးတိမ်တွေ

ဆင်နေဆဲလေ။

ဆရာကြီးသခင်ကိုယ်တော်မှိုင်းကစ

ဆရာဒဂုန်တာရာအဆုံး

ဘယ်သူမှ

ငြိမ်းချမ်းရေးကိုမြင်မသွားရရှာဘူး။

ပထမ

မ ဆ လ တစ်ပါတီစစ်အာဏာရှင်ခေတ်

၂၆ နှစ်။

ဒုတိယ

ပါတီစုံဒီမိုကရေစီစစ်အာဏာရှင်စနစ်

၂၅ နှစ်။

သမီးရေ…

ဝင်းမော်ဦးရေ…။

တတိယ

ဘယ်စနစ်၊ ဘယ်ခေတ်မှာ

ဘယ်လိုအဖြစ်ဆိုးနဲ့ ရင်ဆိုင်ရဦးမှာလဲ။

၁၉၈၈

၂၀၁၃

၂၅ နှစ်ပြည့်တဲ့တိုင်

အမျှ မဝေနိုင်သေးတဲ့ တိုင်းပြည်။

ဒီတိုင်းပြည်မှာ

သူရဲကောင်းတွေလည်းများသလို

သစ္စာဖောက်တွေလည်းများပါရဲ့ ။

၂၀၀၇

၂၀၀၇

ရွှေဝါရောင်ရေ…

တောင်ကုန်းကို

တို့ မသိမ်းပိုက်နိုင်ခဲ့ဘူး။

ထောင်တံခါးတွေ

တို့ မဖွင့်နိုင်ခဲ့ဘူး။

ဝန်ခံရမယ်

ရွှေဝါရောင်

ငါတို့ ဟာ ရန်/ငါ မပြတ်ခဲ့ကြဘူး။

ရန်/ငါ မပြတ်လို့ 

သံဃာအသတ်ခံရ

နောင်တက ငါတို့ ကိုရခဲ့။

၈၈ ဖြစ်ဖြစ်

၂၀၀၇ ဖြစ်ဖြစ်

ခေတ်ကိုတော့ ပြောင်းပစ်သင့်တယ်။

ရင်နင့်အောင်မွှေး

ပန်းကလေးရေ…

သမီးရဲ့ အရိပ်ကလေး

ရွှေတိဂုံမှာတွေ့ တယ်။

ဝင်းမော်ဦးကို

ရွှေဝါရောင်မှာတွေ့ တယ်။

တစ်ညနေချမ်း

ဆူးလေနဲ့ ကုန်သည်လမ်း

ရွှေဝါရောင်မှာ

ခွပ်ဒေါင်းအော်သံလွှမ်း

လူတွေ၊ သံဃာတွေကြား

န ၀ တ၊ န အ ဖ

ခေတ်ကြီးနှစ်ခုကိုထမ်း

သမီးကလေးလမ်းလျှောက်လာတယ်။

သနားစရာ

ခမျာ ပင်ပန်းရှာမယ်

ဝန်လေးလှပါရဲ့ ။

အရှင်လတ်လတ်

စစ်အာဏာရှင်စနစ်ဟာ

ရှစ်တန်းကျောင်းသူလေးတစ်ယောက်ရဲ့ 

စိတ်ဓာတ်ကို

နောက်ထပ်နှစ်ပေါင်းဘယ်လောက်

ဖိနှိပ်ဖျောက်ဖျက်ဦးမှာလဲ။

မရဘူး

မရဘူး

မရဘူး။

ငါ့ ကို ၀င်းမော်ဥိး ပြန်ပေး

ငါ့ ကို ၀င်းမော်ဦး ပြန်ပေး

ငါ့ ကို ၀င်းမော်ဦး ပြန်ပေး။

ရွှေဝါရောင်ရေ…

လွန်ခဲ့သော(၂၅)နှစ်

တို့ တွေ

ပင်လယ်ကိုလက်ပစ်ကူးခဲ့ကြ။

အပြစ်မဲ့

ကမ်းကြည့်ငှက်ကလေး

ရန်ကုန်ဆေးရုံကြီးပေါ်မှာကျဆုံးခဲ့ရရှာ။

မဖြေနိုင်ဘူး

နွေဦးက

အဲဒီကတည်းက

အဆိပ်လူးမြားဒဏ်သင့်ခဲ့တာ။

တို့ 

လွမ်းကျန်ရစ်ခဲ့သင့်ပါရဲ့ ။

ခုတော့

ဘယ်သူတွေဟာ

ဘာဖြစ်လို့ 

မနာကျင်နိုင်ကြတော့တာလဲ။

ဘယ်သူတွေ

ဘယ်နှယောက်

သစ္စာဖောက်သွားကြပြီလဲ။

၂၅ နှစ်ကြာတဲ့အခါ

သွေးစွန်းတဲ့လူသတ်သမားဟာ

ပြဇာတ်ကိုလာကြည့်တယ်။

အဖြူထည်ပန်းကလေးတွေက

ဇာတ်ဆရာအလိုကျ

လည်စင်းခံပေးရတယ်လေ။

 (ဆက်ပါဦးမည်)

Monday, August 19, 2013

ပ န်း နုေ ရာ င် အို ဋီ ကာ ၊ ဒ ဂု န် တာ ရာ ( ၁ ၉ ၁ ၉ - ၂ ၀ ၁ ၃ )

BURMA: HOMAGE TO DAGON TARYAR




အိုနု ပျိုရင့်
သူနှင့်ချယ်ရီ၊ ရီဝေယစ်သန်း
ပန်းနုရောင်အို ...”
                   (ဒဂုန်တာရာ)

ဒီနေ့ မှာ
ဆွေးမြေ့ ကြေကွဲ
အလံကို
တိုင်တစ်ဝက်ပဲလွှင့်ထားတယ်။

သခင်ကိုယ်တော်မှိုင်း
ဇော်ဂျီ
မင်းသုဝဏ်
ဒဂုန်တာရာ
ကြီးလေးကြီးအစဉ်အလာ
ဒီနေ့ မှာ
ဆွေးမြေ့ ကြေကွဲ
အလံကို
တိုင်တစ်ဝက်ပဲလွှင့်ထားခဲ့တယ်။

ပါဘလိုနီရူဒါရေ...
ဂုဏ်ပြုအပ်တဲ့
မိတ်ဆွေတစ်ယောက်ကို
ဆီးကြိုပါတော့။

ဝင်းမော်ဦးရေ...
သမီးရေ...
နွေဦးအမတ
မသေညမှာ
သည်းတို့ အဘကို
ထကြိုပါဦး။

သမီးတို့ အတန်းက
ရှေ့ ဆုံးခုံတန်းလေး
ထိုင်သူဝေးခဲ့တာ။

သက်ဝင်းအောင်ရေ...
နေရောင်တစောင်း
မင်းတို့ ကျောင်းက
ခွပ်ဒေါင်းအလံကလေး
သွေးစွန်းခဲ့တာ။

ငှက်ရေ...
ရာဇ၀င်ဖြတ်သန်း
အိပ်မက်တင်းကျမ်း
ခေတ်ရဲ့ လမ်းမှာ
ပန်းတွေ ကြယ်တွေ
ကြွေနေခဲ့တာ။

ဟောဒီ
ကြယ်အကြွေကြမ်းတဲ့
သြဂုတ်လသရမ်း
ဇာတ်ဝင်ခန်းမှာ
ငြိမ်းချမ်းရေး
ငြိမ်းချမ်းရေး ကွယ်လွန်ခဲ့ပြီ။

အဝေးကလွမ်း
ဟိုး... အောင်ပန်း
မဲနယ်တောင်တန်း
အမှောင်သန်းချိန်
ငြီမ်းချမ်းရေး
ငြိမ်းချမ်းရေး
ငြိမ်းချမ်းရေး ကွယ်လွန်ခဲ့ပြီ။

မိုးဝေးရေ...
ငါတို့ ဆရာ ကွယ်လွန်ခဲ့ပြီ။

အေးမင်းစောရေ...
အစ်ကိုတို့ ဖခင် ကွယ်လွန်ခဲ့ပြီ။

မမခင်ဦးစံပယ်ရေ...
ကျနော်တို့ ခေါင်းဆောင် ကွယ်လွန်ခဲ့ပြီ။

မြရာတောကြီးတစ်ခုလုံး
မီးဟုန်းဟုန်းတောက်
လမ်းပျောက်တဲ့ မြိုင် ရေ...
“ဌေးမြိုင်”လာပြီလေ။

“ကိုဌေးမြိုင်
ကျနော်တို့ ဘက်က
ရပ်တည်ပေးတဲ့အတွက်
ကျေးဇူးတင်တယ်”
                    (သန်းထွန်း)

တောထဲကလာတဲ့စာလေးတစ်စောင်ရယ်
တော့ ကာ သာ ဘဲ ရယ်နဲ့ 
ဆရာဗန်းမော်တင်အောင်ရယ်
ဆရာမြသန်းတင့်ရယ်
သခင်မြသန်းရယ်
အဘလေထီးဦးအုန်းမောင်ရယ်
ကျဆုံးလေပြီးသောပန်းပွင့်များရယ်
၃၉ လရောင်
ကိုလိုနီနှောင်ကြိုးအောက်က
လားရှိုးလမ်းမကြီးရယ်
မတ်လတော်လှန်ရေးရယ်
စာပေသစ်ရယ်
လွမ်းရစ်တော့သက်လှယ်ရယ်။

ဆရာ့ ကိုဆိုရင်
(ဒဂုန်တာရာဆိုရင်)
အောင်ဆန်းကလည်း ချစ်တာပဲ
အောင်ဆန်းသမီးကလည်း
ချစ်တာပဲ။

ဆရာ့ ကိုဆိုရင်
(ကိုဌေးမြိုင်ဆိုရင်)
ဗဟိန်းကလည်း ချစ်တာပဲ
ဗဟိန်းဇနီး
မခင်ကြီးကလည်း ချစ်တာပဲ။

အမေလူထုဒေါ်အမာရယ်
ဆရာ့ ကိုဆိုရင်
တောကြိုအုံကြား
ဘုံကျွန်တွေအလား
အခြေခံလူတန်းစား
အလုပ်သမား လယ်သမား
ငသြတွေ ငဘတွေ
ပြည်သူတွေကလည်း ချစ်တာပါပဲ။

ပြည်သူတွေလက်နဲ့ 
အထက်သန်ဆုံး
နှလုံးသားမြှုပ်ကူ
(ဆရာ့ ရဲ့ )
ငြိမ်းချမ်းရေးအုတ်ဂူမှာ
ရန်သူတွေ ဒူးထောက်ရစေသား။

ဒဂုန်တာရာ
ဘုံကဗျာကို
လင်းယုန်စောင့်ရှောက်ပါစေသား။

သစ်ခွပြာရိုင်း
မိုးလုံးမှိုင်းတွေ
ဒုန်းစိုင်း ဒုန်းစိုင်း
အို...မြင်းရိုင်းတွေ
တောရိုင်းတောင်ရိုင်း
မြစ်တံတိုင်းတွေ
ရေရိုင်းမြေရိုင်း
ပင်လယ်လှိုင်းတွေ
သမိုင်း သမိုင်း
တို့ သမိုင်းမှာ
“မှိုင်း” နဲ့ ”ဆန်း” ရဲ့ 
အတိုင်းမဲ့အလွမ်းတွေ
“ဆန်း” နဲ့ ”ဟိန်း” ရဲ့ 
လွမ်းဖွဲ့ ယိမ်းနွဲ့ 
ငြိမ်းချမ်းရေးက
လေနုအေးက
တနွဲ့ နွဲ့ နော့နေဆဲလား။

မေရေ...
မေရေ...
နွေဦးသေပြီ။

ကြည်အေးရဲ့ မီ
တီဘီ ရေ...
နွေဦးသေပြီ။

နှင်းဆီ နှင်းဆီ
အနီထဲက
နွေဦးသေပြီ။

အချစ်ရေ...
မျက်ရည်တစ်စ
ကြွေမကျနဲ့ 
ညဆိုတာ
မှောင်မှာပဲလေ။

မှောင်တာကိုက
အလင်းရောင်ပဲလေ။

အမှောင်ထဲမှာမှ
ကြယ်တွေရဲ့ အလှကို
မြင်ခွင့်ရ
ဘ၀ဟာ ညပဲ။

မြရာပင်ထက်မှာ
ကြယ်တွေကြွေသက်ခဲ့ကြပြီ။

ဆိတ်ဖလူးရနံ့ တောမှာ
ကြယ်တွေ ကြွေလျှောခဲ့ကြပြီ။

အဓိပတိလမ်းပေါ်မှာ
ကြယ်တွေကြွေရော်ခဲ့ကြပြီ။

ဧရာဝတီရေ...
ကြယ်ကြွေရေဆန်
မုန်တိုင်းထန်ပါလော့ ။

ပုန်ကန်နွယ်တို့ အဖေရေ...
မေရဲ့ ကဗျာဆရာကို
အပြာတို့ အ၀ါတို့ နဲ့ ကြိုပါတော့။
အစ်ကိုသခွပ်ရေ...
“ဒဂုန်တာရာကစ
မောင်လေးအောင်အဆုံး
ပန်းတစ်ကုံးပဲ”
ရေးပါဦးလား
နောက်ဆုံးတိုက်ပွဲ
ကဗျာပဲလေ။

ဟေမာနေ၀င်းရေ...
ဒိုရာသန်းအေး
လှေကလေးနဲ့ 
ဆွေးပါဦးလား။

နှလုံးသားထဲ
မြားဝင်ထုတ်ချင်း
မြစ်တစ်စင်းဟာ
ရင်တွင်းလှိုင်းရိုက်
ဦးညွှတ်လိုက်ပါရဲ့ ။

ဆရာ့ ကိုဆိုရင်
(ဒဂုန်တာရာဆိုရင်)
မောင်ယဉ်မွန်ကလည်းကြိုမယ်
ဖော်ဝေးကလည်းကြိုမယ်
ဒေါင်းနွယ်ဆွေကလည်းကြိုမယ်
အောင်လင်းကလည်းကြိုမယ်
နိုင်ဝင်းဆွေကလည်းကြိုမယ်
ခင်ဝမ်းကလည်းကြိုမယ်
မောင်ချောနွယ်ကလည်းကြိုမယ်
တင်မိုးကလည်းကြိုမယ်
ကြည်အောင်ကလည်းကြိုမယ်
မောင်ရန်ပိုင်ကလည်းကြိုမယ်
မင်းလူကလည်းကြိုမယ်
မောင်ဝံသကလည်းကြိုမယ်။

ဆရာရေ..
ဆရာနဲ့ ကျနော်တို့ တွေ
ရုပ်မြင်သံကြားတယ်လီဖုန်းကနေ
တွေ့ ကြမယ်လေ။

ဒီနေ့ မှာ
ဆွေးမြေ့ ကြေကွဲ
အလံကို
တိုင်တစ်ဝက်ပဲလွှင့်ထူထားခဲ့ပါတယ်။

ဟံသာဝတီဦးဝင်းတင်အစ
ဒေါ်အောင်ဆန်းစုကြည်အလယ်
မင်းကိုနိုင်အဆုံး
အားလုံးကို အကြောင်းကြားပါရဲ့ ။

အခုအချိန်ကစပြီး
ငြိမ်းချမ်းရေးဟာ
ထွက်ခွာသွားပါပြီ။

“အကောင်းကိုရှာ၏
အကောင်းကားမရှိတော့”

အကောင်းကိုရှာ၏၊ အကောင်းကားမရှိတော့။     

(ဒီကဗျာဟာ ဆရာဒဂုန်တာရာ၏ခြေအစုံက မြေမှုန်ငယ်တမျှသာပါ)

အောင်ဝေး
သြဂုတ် ၂၀- ၂၀၁၃

ခေတ္တ- မစ်ရှီဂန်။
(သရုပ်ဖော် - ဂရပ်ဖစ် ကိုမျိုး+)

Tuesday, August 13, 2013

သူ ရဲေ ကာ င်းေ ခ တ် ၊ သ စ္စာေ ဖာ က်ေ ခ တ်


 
ငှက်ရေ…

သစ်ပင်တစ်ပင်လုံး
အရွက်ဆိုလို့ 
တစ်ရွက်မှမရှိတော့ဘူး။

မြေကြီးအောက်
တောက်ပတဲ့အမြစ်တွေသာ
ရုန်းကန်တုန်းပေါ့ ။

မင်းသေသွားတာကောင်းတယ်
ငှက်။
နို့ မို့ ရင်
မင်းသီချင်း ‘‘အဆုံးသတ်တိုက်ပွဲ”
မူးမူးနဲ့ အော်နေတဲ့ငနဲတွေ
မင်းဆဲမိနေဦးမယ်။

မင်းဆိုးမင်းညစ်တို့ လက်မှာ
သေသူကို
ရှင်သူ မနာလိုဖြစ်သတဲ့။

ဖြစ်မပေါ့ 
သေသူတွေက
နာမည်ကောင်းနဲ့ သေသွား
မြေကြီးထဲ
ဘယ်တော့မှသစ္စာမဖောက်။

ရှင်သူတွေသာ
မထင်မှတ်ဘဲ
တစ်ယောက်ပြီးတစ်ယောက်
သစ္စာဖောက်သွား
မသေခင်
နာမည်ဆိုးနဲ့ ပျောက်သွား။

ဒီနေ့ က
တိုက်ပွဲမလို
ပူးပေါင်းဆောင်ရွက်ဖို့ သာလိုသတဲ့။

ခေတ်ကြီးထဲ
တ၀ုန်းဝုန်းခုန်ချ
အတုံးအရုံး
ကြွေပြနေလိုက်ကြတာ
သစ်ပင်တစ်ပင်လုံး
အရှိုးရာတွေချည်းပါလား။

ငှက်ရေ…
သူတို့ပဲ သူရဲကောင်း
သူတို့ပဲ သစ္စာဖောက်။

မြွေပွေးကိုက်တုန်းကမသေ
မြက်ရှောပတ်မှသေကြ
မတတ်နိုင်ဘူး။

မသေခင်
ပျောက်ဆုံးနေတဲ့အနာဂတ်ကိုတော့
တွေ့ အောင်ရှာရဦးမယ်။

အမေဇုန်မြစ်ကြီးရဲ့ 
အောက်နက်နက်မှာ
နောက်ထပ် အမေဇုန်မြစ်ကြီးတစ်စင်း
ရှိနေတယ်ဆိုတာ
(မြေကြီးအောက်က)
မင်းအသိဆုံးပေါ့ကွာ။

ငှက်ရေ…
မင်းသေသွားတာကောင်းပါတယ်။

မြေကြီးအောက်မှာပဲ
စိမ်းစိုတဲ့အမြစ်တွေနဲ့ 
တို့ခေတ်ကိုရောက်နှင့်နေဦးပေါ့ ညီလေးရာ။      ။

(ထူးအိမ်သင်ကွယ်လွန်ခဲ့တဲ့ ၁၀ နှစ်ပြည့်အမှတ်တရ)

အောင်ဝေး

Sunday, August 11, 2013

အီေ သာေ ရ ၊ ချိုေ သာ ရ န် သူ ၊ေ သေ သာ ကျား

BURMA: BEYOND 88‘ UPRISING
http://i1.wp.com/4.bp.blogspot.com/__KaxoHjJxbg/RvizfscfjMI/AAAAAAAAALc/Y5nytIjOWLQ/s320/IMG_3317-798152.jpg

BURMA: BEYOND 88‘ UPRISING
 
သြဂုတ် ၉- ၂၀၁၃။
(အခုအချိန် ကျောင်းသားတပ်မတော်က “လဘံစား” နေတုန်း၊ ဒီစာရေးမိတဲ့အတွက် အားနာပါတယ်)
- See more at: http://moemaka.com/archives/37190#sthash.2eKJMKYW.dpuf
(၁)

ကျနော်သည် မိုးဝေကဗျာဆရာတစ်ယောက်ဖြစ်ပါသည်။
မိုးဝေကဗျာခေတ်က ကဗျာတစ်ပုဒ်ကို ကျနော်ယခုတိုင်အမှတ်ရနေပါသေးသည်။
သို့ သော်၊ အပြည့်အစုံတော့ ဟုတ်ချင်မှဟုတ်မည်။ (သိမီသူများဖြည့်စွက်ပေးကြပါ)

ေ ရေ ကြာ င့် ငါး သေ ၏

မြစ်သည်
စုန်မည်ကိုလည်း၊ ရေအကဲကြည့်
သိနိုင်၏။
မြစ်သည်
ဆန်မည်ကိုလည်း၊ ရေအကဲကြည့်
သိနိုင်၏။
….   ….
သို့ သော်
မြစ်သည်
စုန်သည်မဟုတ်၊ ဆန်သည်မဟုတ်
ရွံ့ ပုပ်ရောင်စွဲ၊ နေရာမြဲ၍
ရေထဲငါးတွေ၊ ပေါလောသေသည်
ရေအီသည်ကို မြင်ဖူး၏။     ။

ေ အာ င် သ က်ေ ထွး

၇၀ ခုနှစ်များအတွင်းက ရေးခဲ့သော နာမည်ကျော်ကဗျာတစ်ပုဒ်ဖြစ်ပါသည်။ ထိုစဉ်က မြန်မာ့ဆိုရှယ်လစ်လမ်းစဉ်ပါတီခေတ်(မ ဆ လ ခေတ်)ဖြစ်ပါသည်။ (ဆရာအောင်သက်ထွေး၏ နောက်ထပ်နာမည်ကျော်ကဗျာတစ်ပုဒ်လည်းရှိပါသေးသည်။ ထိုကဗျာ၏ခေါင်းစဉ်မှာ “ဇော်ကန့် လန့် ” ဖြစ်ပါသည်)

(၂)

ကျနော်ပြောချင်သည်မှာ ယနေ့ ဗမာ့နိုင်ငံရေး “ရေအီချိန်” ဖြစ်ပါသည်။ ဆရာအောင်သက်ထွေး၏ ကဗျာထဲကအတိုင်း ယနေ့ ရေ”အီ”နေပါသည်။ ယနေ့ ဗမာ့နိုင်ငံရေးသည် စုန်လည်းမစုန်၊ ဆန်လည်းမဆန်။
အတိုက်အခံဆိုသူတွေက၊ အစိုးရအလိုကျ(၂၀၀၈ ဖွဲ့ စည်းပုံဥပဒေဘောင်အတွင်းက) ကပြ အသုံးတော်ခံနေသည်။
အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဆိုသည့် မရေမှုကြီးထဲတွင် ဟန်များနေသည်။ ၁၉၈၈ တွင်အုံကြွပေါက်ကွဲခဲ့သော ရှစ်လေးလုံး လူထုအရေးတော်ပုံကြီးလည်း (၂၅) နှစ်တိုင်ခဲ့ပါပြီ။ထို (၂၅) နှစ် ကြာသည့် အချိန်တွင်၊ အရေးတော်ပုံကြီးတစ်ခုလုံး ဗမာကျပ်ငွေ (၁၅) သိန်းပဲ တန်ပါတော့သည်။
ကောင်းလေစွ။

၁၉၈၈ တုန်းက ရဟန်းရှင်လူ ကျောင်းသားပြည်သူ တပ်မတော်သားတွေ မျှော်မှန်းခဲ့ကြသည့် ရည်မှန်းချက်ပန်းတိုင်ကိုလည်းမရောက်ရှိသေး။ ထိုစဉ်က တစ်ခဲနက်တောင်းဆိုခဲ့ကြသော
(၁) စစ်အာဏာရှင်စနစ်ဖြုတ်ချရေး၊
(၂)ဒီမိုကရေစီနှင့်လူ့ အခွင့်အရေးရရှိရေး၊
(၃)ပြည်သူ့ အစိုးရပေါ်ထွန်ရေး
တို့ မှာ ဘာတစ်ခုမျှ အကောင်အထည်ပေါ်မလာသေး။

ပြောရမှာတော့ အားနာပါသည်။ ထို (၂၅) နှစ် ကြာသည့်အခါ၊ လူထုခေါင်းဆောင်ဆိုသူအချို့ က၊ ထိုစစ်အာဏာရှင်စနစ်ကို လက်ခံအသိအမှတ်ပြုပေးလိုက်ကြပါတော့သည်။
သို့ သော်…။

(၃)

သို့ သော်…၊ ထိုသို့ လက်ခံအသိအမှတ်ပြုကြသူတွေထဲတွင် မျိုးဆက်သစ် (၂၀၀၇) ဗ က သ (ဗ က သ များအဖွဲ့ ချုပ်) ကျောင်းသားလူငယ်တွေ မပါပါ။ ဗ က သ က ရန်ကုန်မှာလုပ်မည့် (လုပ်သည့်) ရှစ်လေးလုံးပွဲကို သပိတ်မှောက်ခဲ့သည်။ ထိုအတွက် (ဒါကိုမကျေနပ်၍လားမသိ) ပြည်ပအသံလွှင့်ဌာနတစ်ခုက ၂၀၀၇ ဗ က သ ခေါင်းဆောင်တစ်ယောက်ကို တွေ့ ဆုံမေးမြန်းခန်းတွင် အတင်း”ဖိ”၍မေးသည်။
“ဗ က သ ရဲ့ လုပ်ရပ်က အခုသွားနေတဲ့ အမျိုးသားပြန်လည်သင့်မြတ်ရေးနဲ့ ဆန့် ကျင် လွဲချော်မနေဘူးလား”
ဆိုပြီး ချောင်ပိတ်မေးခဲ့သည်။
ဒီမေးခွန်းကို ကျနော်ဖြေပါမည်။
လုံးဝမဆန့် ကျင်ပါ။
လုံးဝ လုံးဝ မလွဲချော်ပါခင်ဗျား။

အမျိုးသားပြန်လည်သင့်မြတ်ရေးဆိုတာ၊ နှစ်ဦးနှစ်ဖက် အမြင်တွေ၊ သဘောထားတွေ၊ အတိတ်တွေ၊ သမိုင်းတွေ၊ အပြစ်တွေ၊ ကျူးလွန်မှုတွေ၊ နစ်နာဆုံးရှုံးမှုတွေ၊ လိမ်ညာဖုံးကွယ်မှုတွေ၊ မကျေနပ်ချက်တွေကို စိတ်ရင်း စေတနာမှန် အရင်းခံနဲ့ အပြန်အလှန်ဆွေးနွေးညှိနှိုင်း အဖြေရှာကြတာဖြစ်သည်။
အပြစ်ကျူးလွန်သူဘက်က ၀န်ခံစရာ၊ ၀န်ချတောင်းပန်စရာရှိတာကို တောင်းပန်ရမည်။

နစ်နာ ဆုံးရှုံးခဲ့သူတွေဘက်ကလည်း ခွင့်လွှတ်နိုင်သမျှခွင့်လွှတ်ပေးရမည်။ အဓိကမှာ လူသတ်ခဲ့သော အစိုးရဘက်က စတင်တောင်းပန်ရမှာဖြစ်သည်။ သူတို့ တောင်းပန်ဝန်ချဖို့ ပြည်သူတွေက တောင်းဆိုဖိအားပေးရမည်။ ခုတော့ ဟိုဘက်က မတောင်းပန်ခင်၊ ကိုယ့်ဘက်က အရင်သွားပြီး အောက်ကျို့ တဲ့ လေသံကလေးနဲ့ ခွင့်လွှတ်ပါသဗျ၊ ခွင့်လွှတ်ပါသရှင့် လုပ်သလိုဖြစ်နေ။
ကျနော့်အမြင် (မှားလျှင်ပညာရှင်များပြင်ပါ) ရန်ကုန် ရှစ်လေးလုံး (၂၅) နှစ်ပြည့်ပွဲဆိုတာ၊ အနာ အရသာခံ ရုံသက်သက်ပါပဲ။
ကျနော် ဒီလိုပဲမြင်သည်။ ဆရာမဂျူး၏ “သူမ၏မိုး” ၀တ္ထုတိုကလေးကို ကျနော်သတိရသည်။
“ဘုရားရေ… …”

(၄)

အမျိုးသားပြန်လည်သင့်မြတ်ရေးဆိုတာ အရှုံးပေး၊ အလျှော့ပေး ဆက်ဆံရေးမဟုတ်ပါ။
ဒူးထောက်အညံ့ခံရေးမဟုတ်ပါ။ ၁၉၉၅ ဇူလိုင်၊ ဒေါ်အောင်ဆန်းစုကြည် ပထမအကြိမ် နေအိမ်အကျယ်ချုပ်က လွတ်လွတ်ချင်း၊ နောက်နေ့ မှာပဲ ကျနော်တို့ ဇနီးမောင်နှံ ဒေါ်အောင်ဆန်းစုကြည်အိမ်သွားပြီး ဂါရ၀ပြုကန်တော့ကြပါသည်။
ကျနော် ဒေါ်အောင်ဆန်းစုကြည်နှင့် နာရီဝက်ခန့် စကားပြောခဲ့ရပါသည်။

အကျဉ်းထောင် နိုင်ငံရေးအကြောင်းပြောရင်း၊ ထိုစဉ်က ကမ္ဘာ့ထိပ်တန်းသတင်းဖြစ်နေသည့် တောင်အာဖရိက နိုင်ငံရေးပြောင်းလဲမှုဆီ ရောက်သွားပါသည်။ နယ်လ်ဆင်မင်ဒဲလားနှင့် မစ္စတာဒီကလပ်တို့ အကြောင်း ပါလာသည်။
ကျနော်က ဗမာ့နိုင်ငံရေးကကော တောင်အာဖရိကနိုင်ငံအတိုင်းဖြစ်လာနိုင်သလားလို့ ဒေါ်အောင်ဆန်းစုကြည်ကို မေးမိပါသည်။ ဒေါ်အောင်ဆန်းစုကြည်က မဖြစ်နိုင်ပါဟုဖြေပါသည်။
“ကျမလည်း မင်ဒဲလားမဟုတ်သလို၊ တစ်ဖက်ကလည်း (တစ်ဖက်ဆိုတာက န ၀ တ စစ်ဗိုလ်ချုပ်များ) မစ္စတာဒီကလပ်တွေ မဖြစ်နိုင်ပါဘူး”

ကျနော်ကတော့(အများကတော့) ဒေါ်အောင်ဆန်းစုကြည်ကို “ဗမာပြည်ရဲ့ မင်ဒဲလား” ဟု သတ်မှတ်ပါသည်။ သို့ သော်၊ န ၀ တ(န အ ဖ) ဘယ်စစ်ဗိုချုပ်တစ်ယောက်တလေမှ မစ္စတာဒီကလပ် မဟုတ်(မဟုတ်) ဟု ယူဆထားပါသည်။ တောင်အာဖရီကနိုင်ငံ၏ နိုင်ငံရေးအပြောင်းအလဲတွင် မစ္စတာဒီကလပ်၏ လူကြီးလူကောင်းဆန်မှု၊ သဘောထားကြီးမှုနှင့် နယ်လ်ဆင်မင်ဒဲလား၏
နားလည်ခွင့်လွှတ်မှု၊ အမြော်အမြင်ကြီးမှုတွေက အဓိကအရေးပါသည့်အခန်းကဏ္ဍတွင်ရှိပါသည်။

ယနေ့ ဗမာပြည်တွင် မ ဆ လ စစ်တပ်ကနေစပြီး၊ န ၀ တ၊ န အ ဖ၊ ယခု ကြံ့ ဖွတ်အစိုးရစစ်တပ်အဆက်ဆက်၊ ဘယ် စစ်ဗိုလ်ချုပ်တစ်ယောက်တလေကများ (မစ္စတာ ဒီကလပ်လို) လူကြီးလူကောင်းဆန်နိုင်ခဲ့ပါသလဲ၊ သဘောထားကြီးနိုင်ခဲ့ပါသလဲ။
ယနေ့ ကြံ့ ဖွတ်အစိုးရနှင့်စေ့စပ်ချင်သူများ ဖြေပါ။

(၅)

ရန်ကုန်ရှစ်လေးလုံးပွဲကနေ ၂၀၀၇ ဗ က သ ကျောင်းသားလူငယ်တွေ နုတ်ထွက်သွားတာကို ကျနော် နားလည်လက်ခံသည်။ သူတို့ ကလေးတွေဟာ ရိုးသားရဲရင့် စွာပဲ၊ ဘယ်တုန်းကမှအပြစ်တွေကိုဝန်မခံတဲ့၊ ဘယ်တုန်းကမှ ပြည်သူတွေကိုဝန်ချမတောင်းပန်ခဲ့တဲ့ လက်ရှိအစိုးရတာဝန်ရှိသူတွေကို မဖိတ်ကြားနိုင်ဘူး၊ လက်ဆွဲမနှုတ်ဆက်နိုင်ဘူးဆိုတာ အင်မတန်သဘာဝကျပါသည်။ အမျိုးသားပြန်လည်သင့်မြတ်ရေးက တစ်ပိုင်း တစ်ဘာသာပါ။ အဲဒီအတွက် ရန်သူက ဆန့် ကျင်မယ်ဆိုရင်လည်း ဆန့် ကျင်ကြပါစေ။ ကျနော်တို့ ဂရုမစိုက်။
ရန်သူဆန့်ကျင်ခံရခြင်းသည် ကိစ္စဆိုးမဟုတ်၊ ကိစ္စကောင်း။
ရန်သူဆန့်ကျင်မခံရခြင်း သာလျှင် ကိုယ့်သေတွင်းကိုယ်တူးခြင်းဖြစ်သည်။
တောင်အာဖရိကနိုင်ငံသမိုင်းထဲက မစ္စတာဒီကလပ်လို ရန်သူမျိုးကိုတော့ ကျနော်လေးစားပါသည်။

ကျနော်တို့ နိုင်ငံခေတ်ဟောင်းသမိုင်းထဲက အဖြစ်အပျက်တစ်ခုကို ပြောကြည့်ချင်ပါသည်။ အင်းဝနှင့် ဟံသာဝတီ ပဒေသရာဇ်နိုင်ငံအချင်းချင်း အနှစ်(၄၀)ကြာ စစ်မက်ခင်းခဲ့သည့် သမိုင်းကို လူတိုင်းသိကြပါသည်။
အင်းဝဘုရင်မင်းခေါင်နှင့်  ဟံသာဝတီပြည့်ရှင် ရာဇာဓိရာဇ်တို့ ပဒေသရာဇ်အာဏာရှင်အချင်းချင်း စစ်ခင်းကြသည်။ စစ်ကြောင့် အင်းဝက မြန်မာ၊ ဟံသာဝတီကမွန်၊ အမြစ်မဲ့တိုင်းရင်းသားတွေ၊ ပြည်သူတွေ သေကြေပျက်စီးရသည်။

            စစ်ပန်းသည့်အခါ စစ်ဘုရင်နှစ်ပါး ပြည်မြို့ ရွှေဆံတော်ဘုရားရင်ပြင်မှာ ချိန်းချက်တွေ့ ဆုံကြ။ လက်ဖက်အုပ်ရှေ့ ချ၊ လက်ဖက်စားရင်း နှစ်ဖက် စစ်တပ်အပစ်အခတ်ရပ်စဲရေး စာချွန်တော်တွေလဲလှယ်ကြ။
ဒါကို ဦးကုလား မှန်နန်းရာဇ၀င်မှာ “လဘံစား၏” လို့ ရေးသည်။ နောက်တော့လည်း စစ်အပန်းပြေသည့်အခါ စစ်လမ်းရှည်ကြပြန်သည်။
အနှစ်(၄၀)မဟုတ်လား။
နောက်ဆုံးတော့ နာတာရှည်စစ်ကြီးထဲမှာပဲ အင်းဝဘုရင်မင်းခေါင် ကွယ်လွန်သွားပါသည်။
နတ်ရွာစံ ဘုရင်မင်းခေါင်၏ သတင်းကိုကြားသည့်အခါ၊ ဟံသာဝတီပြည့်ရှင်ရာဇာဓိရာဇ် ခမျာ စိတ်ထိခိုက်ကြေကွဲစွာ မြည်တမ်းခဲ့ရှာပါသည်။
“သြော်…ငါ့ နောင်တော် ကွယ်လွန်ရှာပြီကို” တဲ့။
ဒါကို အင်္ဂလိပ်သမိုင်းဆရာက သိုးဆောင်းလိုပြန်ရေးတော့၊ ရာဇာဓိရာဇ်၏ငိုကြွေးမြည်တမ်းသံကို အခုလိုဘာသာပြန်ခဲ့။
“MY SWEET ENEMY IS DEAD.” ဟူ၍။

(၆)

ကျနော်တို့ သည် SWEET ENEMY တွေနှင့်သာ အမျိုးသားပြန်လည်သင့်မြတ်ရေးကို လုပ်ဆောင်၍ရပါမည်။ (မစ္စတာဒီကလပ်သည် SWEET ENEMY တစ်ယောက်ဖြစ်ပါသည်)
SWEET ENEMY ကို ကျနော်တစ်ဦးတည်းအနေနှင့် လူကြီးလူကောင်းဆန်သော၊ သဘောထားကြီးသော ပြိုင်ဘက်ဟုယူချင်ပါသည်။ ရန်သူဟုဆိုလျှင်လည်း လူကြီးလူကောင်းပီသသော၊ သဘောထားကြီးသော ရန်သူဟု ဆိုချင်သည်။
ကျနော်တို့ မြန်မာ့ရိုးရာပုံပြင်၊ မြန်မာ့ဆိုရိုးစကားတစ်ခုတွင် ”ကျားသေကို အသက်သွင်းသည်” ဆိုတာ ရှိသည်။
ကျားက ၁၉၈၈ မှာတစ်ခါသေမလိုဖြစ်သည်။
ထိုကျားသေကို ၁၉၉၀ ရွေးကောက်ပွဲနှင့် အသက်ပြန်သွင်းခဲ့ကြသည်။
ကျားက တစ်ခါ ၂၀၀၇ မှာ သေမလိုဖြစ်ပြန်သည်။
ထိုကျားသေကိုတော့ ၂၀၁၀ ရွေးကောက်ပွဲနှင့် ပြန်အသက်သွင်းခဲ့ကြသည်။

အခုတော့ ကျားက မသေမရှင်နှင့် ရှစ်လေးလုံး(၂၅)ပြည့် ငွေငွေရတုအခမ်းအနားမှာ။ ငွေ ငွေ ငွေ (၁၅)သိန်းကြီးများတောင် ထည့်ဝင်လှူဒါန်းသွားခဲ့ပါသေးရောညယ်။

(၇)

ကျားက သေချင်နေတာကြာပါပြီ။
သေချင်နေတဲ့ကျားကို သေအောင်မသတ်ဘဲ၊ ဘယ်သူတွေ ပြန်ပြန်ပြီးအသက်သွင်းပေးနေတာလဲ။
မိတ်ဆွေ… ခင်ဗျားလား၊ ကျနော်လား။
ကျားသနားမှ နွားချမ်းသာဆိုတဲ့စကားပုံကိုမေ့ပစ်လိုက်။

ကျားကိုအရင် ကိုယ်ကဦးအောင်သတ်ရင်သတ်၊ မသတ်ရင် ကျားက ကိုယ့်ကို ကိုက်သတ်သွားလိမ့်မယ် ဆိုတဲ့ (ဆရာမြသန်းတင့်ပြောပြခဲ့ဖူးတဲ့) ပဲခူးရိုးမက မုဆိုးကြီးကိုဖိုးဇုံရဲ့ အဘိဓမ္မာကို သတိရကြ။     ။

ေ အာ င်ေ ၀း
သြဂုတ် ၉- ၂၀၁၃။

(အခုအချိန် ကျောင်းသားတပ်မတော်က “လဘံစား” နေတုန်း၊ ဒီစာရေးမိတဲ့အတွက် အားနာပါတယ်)