Wednesday, December 28, 2011

ကြေး သွန်း အိပ် မက်


အောင်ဝေး
ဒီဇင်ဘာ ၂၉၊ ၂၀၁၁


ကျနော့်အတွက်
ငှက်တွေရဲ့ လမ်းက
ခရမ်းနုရောင်။
အိပ်တန်းပြန်
ငှက်ကလေးတို့ ရေ
ဒီ မြစ်ကမ်းမှာ
ငါ့ အလွမ်းတို့ 
မှိုင်းမှိုင်းဝေ။
သယ်သွားပါတော့
သယ်သွားပါတော့
ငါတို့ ရဲ့ 
အိပ်မက်တွေကိုလေ
ဟောဟိုက
ညနေဆီ။
စည်တယ်လေ
စည်တယ်လေ
ရီဝေရီဝေ
မစ္စစ္စပီ ရေ
ငါ့ စိတ်တွေ
အိမ်ပြန်ကုန်ပြီ။
ဆည်းဆာအရိပ်မှာ
တိတ်တိတ်ကလေး
ငါ ပြန်လာခဲ့တာပါ။
ကြိုးကြာငှက်တွေရဲ့ 
အတောင်ပံမှာ
ငါ့ ကိုယ်ငါ
အပ်နှံလိုက်ပါရဲ့ ။
မနက်ဖြန်တော့
ခြံစည်းရိုးလေးမှာ
ငါ့ အလံကို
ငါပြန်တွေ့ တန်ကောင်းပါရဲ့ ။
လေထန်နေတုန်းပဲလား
ရေဆန်ကို
ဖြတ်နေတုန်းပဲလား
ဧရာဝတီ။
သီချင်းသံတွေ
ကြားတယ်
ပန်းများဘယ်တော့ပွင့်မလဲ။
နွေဦးကကော
ဟောဟို ရထားနဲ့ 
ပါလာမှာလား။
ဒီ ရထား
ဖီလာဒဲဖီးယား ကနေ
ခြံအမှတ်(၅၄)ကို
သွားမှာလား။
ခြံအမှတ်(၅၄)မှာ
“ပါဝါ ၅၄“ စောင့်နေတယ်။
မနေ့ တနေ့ က
လေးဖြူနဲ့ တွေ့ တယ်
၅၄ မှာပေါ့ ။
၅၄ ဟာ
တရားတဲ့တေး
ဆိုတော့မယ်။
၅၄ မှာ
မြားနဲ့ လေး
မလိုတော့ဘူးလား။
မုဆိုးရာသီ
ကုန်ခဲ့ပြီလား
၅၄ ရယ်။
ရေခဲလေ
တဟူးဟူးကြား
ဖို့ တ်ဝိန်းမြို့ နားက
“၀ါတာလူး“ဘူတာကလေးမှာ
ကျနော် လွမ်းတယ်။
ချိုတူးဇော်က
ဝါရှင်တန်ရထားပေါ်
တက်သွားတယ်။
ကျနော်တို့ က
ကိုယ့်အိပ်မက်ဆီ
ကိုယ်ပြန်ခဲ့ကြတယ်။
ဘ၀က
အသိကိုပြဌာန်း
အိပ်မက်ကို
ကြေးသွန်းထားတယ်။
လွမ်းတယ်
၃၃ လမ်း
အနုပညာပုန်ကန်မှုတွေ
ကျနော် လွမ်းတယ်။
ချစ်သူရေ
ငါတို့ ဟာ
ဒဂုန်တာရာရဲ့ 
ကုတ်အင်္ကျီက
ဆင်းသက်လာခဲ့ကြတာပါ။
လွမ်းတယ်
သာမိုင်းခမ်း ကျူဗစ်ဇင်ကို
ကျနော် လွမ်းတယ်။
မစ္စစ္စပီ ရေ
တွေ့ လား
ဒီမှာ
ငါ့ ရင်အုံအပြည့်
ငါ့ ယုံကြည်ချက်တွေ။
နှင်းမုန်တိုင်းထဲ
ငန်းရိုင်းတွေ
ပျံသန်းခဲ့ကြ။
လရောင်ထဲ
မြင်းရိုင်းတွေ
ခုန်ပေါက်ခဲ့ကြ။
တောရိုင်းတောင်ရိုင်းမှာ
ငါတို့ လည်း
ကျောခိုင်းခဲ့
အမုန်းတရားကို။
သူတို့ လည်း
ကျောခိုင်းရဲ့ 
အမှန်တရားကို။
နှင်းထူထူမှာ
ဘယ်အဖြူရောင်က
ဖြူပြီး
ဘယ်အဖြူရောင်က
မဖြူဘူးလဲ။
လွမ်းတယ်
ညောင်ညိုပင်လမ်းလွဲမှာ
ဘယ်သူတွေ
ဝမ်းနည်းကျန်ရစ်လဲ။
စစ်ပွဲတခါ ရှုံးရင်
အနှစ် သုံးဆယ်ကြာတယ်။
မစ္စစ္စပီ ရေ
ငါက
သေမင်းလက်က
ထွက်ပြေးလာခဲ့သူပါ။
ငါတို့ 
မလွတ်မြောက်သေးဘူး
မစ္စစ္စပီ။
ဒီ ညနေမှာ
ငါ့ စိတ်က
မပြောမဆိုနဲ့ 
စစ်ထွက်သွားပြန်ပြီ။
ငါ့ စိတ်ကို
ငါမနိုင်တော့ဘူး
စိတ်ခိုင်ခိုင်ထား
ဧရာဝတီ။
အိပ်မက်က
အခန်းဆက်
ရှေ့ ည ဆက်မက်ပါ။
ရထားမလာခင်
ငါ့ ဓားကို
ဓားအိမ်ထဲမှာ
သမိုင်းသင်မယ်။
နရသိန်တံခါးတွေ
တို့ သွားဖွင့်မယ်။
သတင်းကောင်း ပါးပိမ့်
နှလုံးသားများ ကြားချိမ့်။
ခြံအမှတ်(၅၄)မှာ
“ပါဝါ ၅၄“ စောင့်နေတယ်။
ချိုတူးဇော်က
ဝါရှင်တန်ရထားပေါ်
တက်သွားတယ်။
ကျနော့်အတွက်
ငှက်တွေရဲ့ လမ်းက
ခရမ်းနုရောင်။
အိပ်မက်က
အခန်းဆက်
ရှေ့ ည ဆက်မက်ပါ။ ။

(၂၀၁၂ သို့ တမ်းချင်း)
အောင်ဝေး
ခေတ္တ-မစ်ရှီဂန်
၁၂-၂၇-၁၁။

Photograph: Nyein Chan Naing/EPA

Saturday, November 26, 2011

Aung Way - The Path Follows


လမ်းရဲ့ သယ်ဆောင်ရာ
အောင်ဝေး
ကိုခင်ဝမ်း
ခင်ဗျားသီချင်းလေး
ကျနော်လွမ်းတယ်။

မြစ်က
လမ်းရွေး မမှားဘူး
ခေတ်က
ကြမ်းတာပါ။

"ရွေးလမ်း"တဲ့
ဘယ်သူတွေရွေးတဲ့လမ်းလဲ။

အောင်ဆန်းစုကြည်လား
သံဒုတ်လား
သံခဲလား
လွဏ်းဆွေလား
အောင်ဝေးလား
နော်အုန်းလှလား။

တံတားအောက်မှာ
မြစ်ရေတွေ စီးဆင်းသွားကြပြီ။

ကိုခင်ဝမ်း
ခင်ဗျားသီချင်း
ကျနော် သတိရတယ်။

အဖြစ်က
မနှစ်ကနဲ့ မတူ။

ခေတ်က
စစ်နဲ့ ငြိမ်းချမ်းရေး
အစေးမကပ်။

မှတ်ထား
မြစ်က
ဘယ်တော့မှရေနစ်မခံ။

မင်းကိုနိုင် အစ
မစုစုနွေး အဆုံး
အားလုံးဟာ မြစ်တစင်း။

မကျေနပ်ဘူးလား
လဲသေလိုက်။

မြစ်က
လမ်းကိုရွေးတာမဟုတ်
လမ်းက
မြစ်ကိုရွေးတာ။

တောင်တန်းနဲ့တောအုပ်က
မြစ်ရဲ့လမ်းကိုရွေးတယ်။

ကျောက်ဆောင်နဲ့ချောက်ကမ်းပါးက
မြစ်ရဲ့လမ်းကိုရွေးတယ်။

လွင်ပြင်နဲ့ရာဇ၀င်က
မြစ်ရဲ့လမ်းကိုရွေးတယ်။

ယုံကြည်ချက်နဲ့အိပ်မက်က
မြစ်ရဲ့လမ်းကိုရွေးတယ်။

နာကြည်းမှုနဲ့ သောကက
မြစ်ရဲ့ လမ်းကိုရွေးတယ်။

တရားမျှတခြင်းနဲ့လွတ်လပ်ခြင်းက
မြစ်ရဲ့လမ်းကိုရွေးတယ်။

ဗုဒ္ဒံ သရဏံဂန်းစာမိ က
မြစ်ရဲ့လမ်းကိုရွေးတယ်။

နရသိန်နဲ့အိမ်လွမ်းစိတ် က
မြစ်ရဲ့လမ်းကိုရွေးတယ်။

တိုက်ပွဲပုံသဏ္ဍာန်ဆိုတာ
ဖိနှိပ်သူကရွေးချယ်စမြဲ။

အောင်ဆန်းစုကြည်ကမရွေးဘူး
သံဒုတ်က မရွေးဘူး
သံခဲက မရွေးဘူး
လွဏ်းဆွေက မရွေးဘူး
အောင်ဝေးက မရွေးဘူး
နော်အုန်းလှကမရွေးဘူး။

ကိုခင်ဝမ်း
ခင်ဗျားလည်းမရွေးဘူး
ရန်သူကပဲ ရွေးတာ။

ညှပ်ရိုးကျဉ်းတဲ့မိန်းမ
မွေးဖွားရ ခက်သတဲ့။

ကျောက်တောင်နဲ့ညှပ်
သေအောင်သတ်လည်း
အနာဂတ်မြစ်က မသေ။

ကိုခင်ဝမ်းရေ-
တနေ့ 
ကျနော်တို့ 
ပင်လယ်ကိုရောက်မယ်။

ချစ်သူတို့ 
မြစ်ကို ၀ှမ်းအောင်
လွမ်းကြစို့ ။ ။

နိုဝင်ဘာ၂၂၊ ၂၀၁၁
(photo credit - http://pixdaus.com)

ရှေ့သို့
" ကဒါဖီသေပြီ "
ဒီသတင်း
ချက်ချင်းပဲ
အကျဉ်းထောင်အသီးသီးက
ရဲဘော်တွေဆီ
နတ်တို့ ရဲ့ နည်းနဲ့ 
အီးမေးလ်ပို့ လိုက်တယ်။

မယုံကြည်စရာ
ငါ့ မေးလ်ထဲပြန်ဝင်လာတဲ့
ထောင်(၄၂)ထောင်က
နတ်ချောစာတွေ
တပုံစံတည်း
တမျိုးတည်း။

" ကဒါဖီ လည်း သေပြီ
သာဒင်ကြီး သေဖို့ ပဲ ကျန်တော့တယ် " တဲ့။

ငါ …
ဗိုလ်ချုပ်ကြီးခင်ညွန့် ဆီ
ဖောဝပ် လုပ်လိုက်ပြီ။ ။

အောက်တိုဘာ ၂၀၊ ၂၀၁၁

Friday, October 14, 2011

ကတုံးကြီး (၂)





သူ့ကို အမြီးလာနှံ့တဲ့ခွေးက
သူ့ကို ဟောင်ခဲ့တဲ့ခွေး။

သူ့ကိုဆန့်ကျင်တဲ့ အာဏာရှင်ဆိုတာ
သူကဆန့်ကျင်တဲ့ အာဏာရှင်ပေါ့။

သူ့ကိုထောင်ကပြန်လွှတ်တဲ့ အစိုးရက
သူ့ကိုထောင်ချခဲ့တဲ့ အစိုးရ။

သူ့ပါးစပ်ကိုပိတ်တဲ့လက်ဆိုတာ
သူ့အလံကို တလူလူလွှင့်ပေးတဲ့လက်ပေါ့ ။

သူ့ကို လွတ်လပ်စေတဲ့ခေတ်က
သူ့ကိုချုပ်နှောင်ခဲ့တဲ့ခေတ်။

သူ့လည်ကုပ်ပေါ်မိုးထားတဲ့ဓားဆိုတာ
သူ့ကြောက်စိတ်ကို ခုတ်ထွင်ပစ်တဲ့ဓားပေါ့။ ။

(ကိုဇာဂနာသို့ ဂုဏ်ပြုလျက်)

အောင်ဝေး (ခေတ္တ - မစ်ရှီဂန်)
အောက်တိုဘာ ၁၄၊ ၂၀၁၁

Monday, August 15, 2011

ဧရာဝတီရေဆန်



သြဂုတ် ၁၄၊ ၂၀၁၁၊ ထူးအိမ်သင် ကွယ်လွန်တဲ့ (၇) နှစ်ပြည့်နေ့အမှတ်တရ



ဧရာဝတီရေဆန်
ကြယ်ကြွေရေဆန်။

သစ္စာမှန်ရင် ဆန်လိမ့်မည်
သစ္စာမှားရင် စုန်လိမ့်မည်။

အို ... ဧရာဝတီ
သင့်ကို သူတို့ 
သတ်ကြတော့မည်
သို့သော် သင်ကားမသေ
ကမ္ဘာမကျေ။

အိုဘယ့်ဘယ် .. အိုဘယ့် ဧရာဝတီ
သင်သည်စီးဆင်း၊ တို့ရင်တွင်းမှာ
မြင်းခွာဖြောင်းဖြောင်း၊ ဖုန်ထောင်းထောင်းနှင့်
စစ်မောင်းဟည်းမြည်၊ တပ်ကြီးချီလော့
နီနီရဲရဲ၊ သင့်အသည်းကို
မခွဲတုံလော .. ခွဲတုံလော။

ဘင်္ဂလားပင်လယ်အော်မှာ
မုန်တိုင်းရှိသည်။

မေခ မလိခ
မုန်တိုင်းကျပြီ။

သင့်ကို သူတို့ 
သတ်ကြတော့မည်
သို့သော် သင်ကားမသေ
ကမ္ဘာမကျေ။

အို ..ဧရာဝတီ
ဒီတညမှာ
လက တိမ်ဖုံးနေဦးမည်။

ကမ္ဘာတည်သရွေ့ 
ဒီကနေ့မှာ
တကွေ့ တော့ တွေ့ ကြဦးမည်
ဧရာဝတီ။

နတ်နွယ်ရဲ့ 
မြန်မာပြည်မြောက်ပိုင်း
မောင်သွေးသစ်ရဲ့ 
မြောက်ပိုင်းမိုး
ဒုန်းစိုင်းရစ်ပေဦး ဧရာဝတီ။

ကမ္ဘာပေါ်မှာ
မြစ်တွေရဲ့ခေါ်သံ
မနက်ဖြန်ကြားနေရဦးမည်။

ဧရာဝတီခေါ်သံ
တို့  ကြားနေရဦးမည်။
အို-ဧရာဝတီ

သင့်ကို သူတို့ 
သတ်ကြတော့မည်
သို့သော် သင်ကားမသေ
ကမ္ဘာမကျေ။

အိုဘယ့်ဘယ် အိုဘယ့် ဧရာဝတီ
သင်သည်စီးဆင်း၊ တို့ရင်တွင်းမှာ
နှင်းဆီပွင့်တွေ၊ သည်းသည်းကြွေပြီ
ချွေလည်းရဲရဲ၊ ဝေရဲရဲမို့ 
နီနီရဲရဲ၊သင့်အသည်းကို
မခွဲတုံလော-ခွဲတုံလော။

ဘင်္ဂလားပင်လယ်အော်မှာ
မုန်တိုင်းရှိသည်။
မေခ-မလိခ
မုန်တိုင်းကျပြီ။

သိပံ္ပမောင်ဝရဲ့ ဧရာဝတီ။
တိုက်စိုးရဲ့ ဧရာဝတီ။
ခင်ဝမ်းရဲ့ ဧရာဝတီ။
ထူးအိမ်သင်ရဲ့ ဧရာဝတီ။
ဗန်းမော်တင်အောင်ရဲ့ မြစ်ဧရာပေါ်ဝယ်။
ဒဂုန်တာရာရဲ့ စိမ်းမြဧရာ။

ဗန်းမော်ကနေ ကသာ
ဖြတ်သန်းလာတဲ့
အောင်ဆန်းရဲ့ လမ်း
ဧရာဝတီဟာ ခမ်းနားခဲ့ဖူးတယ်။

အင်းဝမင်းခေါင်နဲ့ 
ရာဇာဓိရာဇ်
ပြည် ရွှေဆံတော်ဘုရားမှာ
လဘံစားဖို့ 
ဧရာဝတီက ကမ်းလှမ်းခဲ့ဖူးတယ်။

မြင်းခွာတချက်ပေါက်
မီးဟုန်းဟုန်းတောက်ဖို့ 
ဗဟိန်း (သို့မဟုတ်) ကဗျာ
ဧရာဝတီကို ဆန်ဖူးတယ်။

မင်းသစ်ရဲ့ 
စစ်ကိုင်းအက်ပီဂရမ်
ရဲဘော်သိန်းတန်ကို
ဧရာဝတီ အလေးပြုတယ်။

အနောက်ကြည့်ကျွန်းဟာ
အလောင်းကြည့်ကျွန်းဖြစ်ပြန်သတဲ့
ရှစ်ဆယ့်ရှစ်ရဲ့စစ်ကိုင်း
ဧရာဝတီမှာ သမိုင်းရှိတယ်။

ဒုဋ္ဌ၀တီမှ ဧရာဝတီ
ပြည်သူကမွေး
ပေးတဲ့နာမည်

ကြည်အောင်။
ကြည်အောင့်သွေးနဲ့ 
ရေးတဲ့ကဗျာ
လမင်းတရာ
မြစ်ဧရာပေါ်သာလိမ့်မည်။

ဒီမြစ်ကမ်းမှာ ခေတ်တွေလည်းဝှမ်းခဲ့။
ဒီမြစ်ကမ်းမှာ စစ်နဲ့ ငြိမ်းချမ်းရေး
သွေးနဲ့ မျက်ရည်လည်းလွှမ်းခဲ့။

ဧရာဝတီရေဆန်
ကြယ်ကြွေရေဆန်။
သစ္စာမှန်ရင် ဆန်လိမ့်မည်
သစ္စာမှားရင် စုန်လိမ့်မည်။

သင့်ကို သူတို့ 
သတ်ကြတော့မည်
သို့ သော် သင်ကားမသေ
ကမ္ဘာမကျေ
ဧရာဝတီ။

တရုတ်လာသည်
ယိုင်ယိုင်လော ယိုင်ယိုင်
မြားမိုးရွာသည်
ဖြိုင်ဖြိုင်လော ဖြိုင်ဖြိုင်။
သူ့ နိုင်ငံသား၊ သံမှုန့်စားမှ
တို့ဓားတုံးမည် ဧရာဝတီ။

ဧရာဝတီကို
သတ်ဖို့ ကြံရင်
ကြံတဲ့ရန်သူ
ဘယ်သူမဆို
တို့  တိုက်မည်။

တရုတ်လာသည်
ယိုင်ယိုင်လော ယိုင်ယိုင်
မြားမိုးရွာသည်
ဖြိုင်ဖြိုင်လော ဖြိုင်ဖြိုင်။

သူ့ နိုင်ငံသား၊ သံမှုန့်စားမှ
တို့ဓားတုံးမည် ဧရာဝတီ။

ဧရာဝတီရေဆန်
ကြယ်ကြွေရေဆန်။
သစ္စာမှန်ရင် ဆန်လိမ့်မည်
သစ္စာမှားရင် စုန်လိမ့်မည်။

အို-ဧရာဝတီ
ဒေါ်အောင်ဆန်းစုကြည် အစရှိသည်-

အို-ဧရာဝတီ
ဦးခွန်ထွန်းဦး အစရှိသည်-

အို-ဧရာဝတီ
ကိုမင်းကိုနိုင် အစရှိသည်-

အို-ဧရာဝတီ
သင်သည် ပြည်သူ ပြည်သူဟာ သင်။

သင်သည်
တိုင်းရင်းသားပေါင်းစုံပဲ ဧရာဝတီ။

အို-ဧရာဝတီ
သင်ဟာ အချုပ်အခြာအာဏာ။

အို-ဧရာဝတီ
သင်ဟာ နိုင်ငံတော်။

တို့အချုပ်အခြာအာဏာ တို့ကာကွယ်ရမည်။
တို့နိုင်ငံတော် တို့စောင့်ရှောက်ရမည်။

အို-သူရဲကောင်း
သံလွင် စစ်တောင်း တပ်ချင်းပေါင်းလော့။

အို-သူရဲမျိုး
ချင်းတွင်းမြစ်ရိုး ခေါင်းလောင်းထိုးလော့။

အစိမ်းအစိမ်း ထူပိန်းရိုးမ
တိုက်ပွဲစလော့

နိုးလော့ ထလော့ ဧရာဝတီ။

အို-ဧရာဝတီ
ဒီတညမှာ လက တိမ်ဖုံးနေဦးမည်။

ကမ္ဘာတည်သရွေ့
ဒီကနေ့မှာ တကွေ့တော့တွေ့ ကြဦးမည်

ဧရာဝတီ။
အိုဘယ့်ဘယ် အိုဘယ့်ဧရာဝတီ
သင်သည်စီးဆင်း၊ တို့ရင်တွင်းမှာ
မြင်းခွာဖြောင်းဖြောင်း၊ ဖုန်ထောင်းထောင်းနှင့်
စစ်မောင်းဟည်းမြည်၊ တပ်ကြီးချီလော့
နီနီရဲရဲ၊ သင့်အသည်းကို
မခွဲတုံလော-ခွဲတုံလော။

အို-ဘယ့်ဘယ်-အိုဘယ့် ဧရာဝတီ
သင်သည်စီးဆင်း၊ တို့ရင်တွင်းမှာ
နှင်းဆီပွင့်တွေ၊ သည်းသည်းကြွေပြီ
ချွေးလည်းရဲရဲ၊ ဝေရဲရဲမို့ 
နီနီရဲရဲ၊ သင့်အသည်းကို
မခွဲတုံလော-ခွဲတုံလော။ ။


-

Friday, August 5, 2011

ငှက်ဝင်စားမြစ်




အို …
ရှစ်ဆယ့်ရှစ်
မြစ်ဆိုတာ ဆန်တက်နေရင် ဘယ်တော့မှ မသေ
အရေးတော်ပုံ အောင်ပါစေ
အတောင်ပံ
တူ
တဲ့
ငှက်
တွေ
ကမ္ဘာမကျေ
ပျံသန်းပေဦး ဖုန်းမော်ရေ ။ ။

အောင်ဝေး
သြဂုတ် ၅၊ ၂၀၁၁

Sunday, June 26, 2011

Salai Tin Maung Oo


မစ်ရှီဂန်ကပေးတဲ့စာ(၇၄)


“---ထောင်တွင်း စစ်ခုံရုံးက အကျဉ်းနည်း စစ်ပြီး ကိုတင်မောင်ဦးကို သေဒဏ် ချမှတ်လိုက်ပါတယ်။ ရက်ပိုင်းအတွင်း ဇွန်လ(၂၆)ရက်နေ့မှာ စစ်အစိုးရက ကိုတင်မောင်ဦးကို ကြိုးပေး ကွပ်မျက်လိုက်တာပါ ---

မိတ်ဆွေကြီးကိုဒေါင်း...
ကျန်းခံ့သာလို့မာပါစ။
ဒီရက်ထဲမှာတော့ အမှတ်ရစရာ ရက်စွဲတွေကို ကျနော်တို့ ကြုံကြရ၊ ဖြတ်ကြရပြီ။ ဇွန်လ (၆) ရက်-၁၉၇၄ ဇွန် ၆ အလုပ်သမား အရေးအခင်း (၃၇) နှစ် ပြည့်တဲ့နေ့။ နောက်တခါ ဇွန်လ(၆) ရက်ပဲ၊ ၁၉၇၅ ဇွန် ၆ ရွှေတိဂုံ အထွေထွေ သပိတ် (၃၆) နှစ် ပြည့်တဲ့နေ့။ ပြီးတော့ ဇွန်လ (၂၆) ရက် - ၁၉၇၆ ဇွန် ၂၆ ကျောင်းသားခေါင်းဆောင် ဆလိုင်းတင်မောင်ဦး ကြိုးပေး ကွပ်မျက်ခံရတဲ့ (၃၅) နှစ် ပြည့်တဲ့နေ့။

ကိုဒေါင်းရေ... အဲဒီ တိုက်ပွဲတွေ၊ အဲဒီ လှုပ်ရှားမှုတွေမှာ ကိုယ်တိုင် ပါဝင်ခဲ့ကြတဲ့သူတွေ အဖို့ကတော့၊ အဲဒီနေ့တွေကို ဘယ်မေ့နိုင်ကြပါ့မလဲနော်။ ဒီလိုပါပဲ ... အဲဒီလို တော်လှန် တိုးတက်တဲ့ ကျောင်းသား တိုက်ပွဲ သမိုင်း အစဉ်အလာကို ဆက်ခံခဲ့ကြတဲ့ နောင်လာ နောက်သား မျိုးဆက်သစ် ကျောင်းသားတွေဆိုရင်လည်း အဲဒီရက်စွဲတွေကို ဘယ်မေ့ထားနိုင်ကြပါ့မလဲ။

၁၉၇၄ မဆလ ဖွဲ့စည်းပုံ အခြေခံ ဥပဒေရဲ့နောက်ဆက်တွဲ အကျိုးဆက်တွေ အဖြစ်နဲ့ ဖြစ်ပေါ်ခဲ့တဲ့ အဲဒီ ၁၉၇၄-၇၅-၇၆ ကျောင်းသား၊ အလုပ်သမား တိုက်ပွဲတွေဟာ၊ ၁၉၈၈ခုနှစ်မှာ အဲဒီ မဆလ ၇၄ ဖွဲ့စည်းပုံ ဥပဒေကို မြေမြှုပ် သင်္ဂြိုဟ်ပစ်တဲ့ ကျောင်းသားတိုက်ပွဲဆီ ရောက်တဲ့အထိ ခွပ်ဒေါင်း အစဉ်အလာ၊ ခွပ်ဒေါင်းစိတ်ဓာတ်တွေ လက်ဆင့်ကမ်း မီးကူးငြှိပေးနိုင်ခဲ့တယ်လို့ ဆိုရလိမ့်မယ်။

အခု ဇွန်လ(၂၆)ရက်နေ့ ဆိုရင် ကျောင်းသားခေါင်းဆောင် ဆလိုင်းတင်မောင်ဦး ကြိုးပေး ကွပ်မျက်ခံရတဲ့နေ့ ဆိုတာ ကျနော်တို့ မှတ်မှတ်ရရ ရှိကြဖို့ လိုတယ် ကိုဒေါင်း။

ဒီနေရာမှာ ကိုတင်မောင်ဦးအကြောင်း အနည်းအကျဉ်း ပြောရမယ် ဆိုရင်... ချင်းတိုင်းရင်းသား ကိုတင်မောင်ဦးဟာ ၁၉၇၄ ဒီဇင်ဘာ ဦးသန့် အရေးအခင်း၊ ၁၉၇၅ ဇွန် ၆ ရွှေတိဂုံ အထွေထွေ သပိတ်တွေမှာ ပါဝင် ခေါင်းဆောင်ခဲ့သူတဦးပါ။ ရွှေတိဂုံသပိတ်အပြီးမှာ ကိုတင်မောင်ဦး တောခိုသွားတယ်။ တောထဲမှာ စစ်အာဏာရှင် ဆန့်ကျင်ရေး လက်နက်ကိုင် ကျောင်းသားသမဂ္ဂကို သူ ဦးဆောင်ပြီး ဖွဲ့တယ်။ သူတို့ သမဂ္ဂက ပြည်တွင်း မြေအောက်လုပ်ငန်းနဲ့ တောတွင်းလက်နက်ကိုင်တိုက်ပွဲ ဆိုပြီး အပိုင်း နှစ်ပိုင်း ခွဲလုပ်ကြတော့ ကိုတင်မောင်ဦးက ပြည်တွင်း ပြန်ဝင်လာတယ်။ အဲဒါ ၁၉၇၆ မတ်လ(၂၃)ရက်၊ မှိုင်းရာပြည့်ပွဲ မတိုင်ခင်ကလေးမှာပါ။

အဲဒီမှာ သူ အဖမ်းခံလိုက်ရတာပါပဲ။ မတ်လ(၁၉)ရက်နေ့မှာ မဆလ စစ်ထောက်လှမ်းရေးတွေက ကမာရွတ် ခြံတခြံမှာ ပုန်းခိုနေတဲ့သူ့ကို အနံ့ခံ ဖမ်းမိသွားတယ်။ မတ်လ (၂၂)ရက်နေ့ည မြန်မာ့အသံက ကိုတင်မောင်ဦးကို ဖမ်းဆီးရမိကြောင်း သတင်းကြေညာတယ်။ နောက်တနေ့၊ ကျောင်းသားတွေ မှိုင်းရာပြည့်ပွဲ ကျင်းပမယ့် မတ်လ(၂၃)ရက်နေ့ထုတ် အစိုးရသတင်းစာမှာ ဒီသတင်း ပါလာတယ်။

မဆလစစ်အစိုးရဟာ ကျောင်းသားတွေရဲ့ မှိုင်းရာပြည့်ပွဲကို ခါးဖြတ်ဖြိုခွင်းဖို့ ကြိုးစားခဲ့ပေမဲ့၊ အဲဒီနေ့မှာ ကျောင်းသားထုကြီးဟာ ရန်ကုန်တက္ကသိုလ်ကနေ ရွှေတိဂုံဘုရားခြေရင်းက ဆရာကြီး သခင်ကိုယ်တော်မှိုင်း ဂူဗိမာန်အထိ ချီတက်ကြပြီး အခမ်းအနားကို အောင်မြင်စွာ ကျင်းပနိုင်ခဲ့ကြပါတယ်။ အဲဒီ အခမ်းအနားမှာ လတ်တလော အဖမ်းခံထားရတဲ့ ကိုတင်မောင်ဦးရဲ့ နှမငယ် အထက်တန်းကျောင်းသူ မလှမြိုင် (ခေါ်) မိုင်ပိုပိုဒင်လည်း တက်ရောက် မိန့်ခွန်းပြောခဲ့ပါတယ်။

နောက်တနေ့မှာတော့ ရန်ကုန်တက္ကသိုလ် ဘွဲ့နှင်းသဘင်ခန်းမကို မဆလ စစ်တပ်က အကြမ်းဖက် ၀င်ရောက်စီးနင်းပြီး ကျောင်းသားတွေ အမြောက်အမြားကို ဖမ်းဆီးခဲ့ပါတယ်။ အဲဒီလို ကျောင်းသားတွေ အဖမ်းခံလိုက်ရပြီး မဆလစစ်အစိုးရက အင်းစိန်ထောင်ထဲ ထည့်လိုက်တဲ့ အချိန်မှာပဲ၊ အင်းစိန်ထောင်တွင်း စစ်ခုံရုံးက အကျဉ်းနည်း စစ်ပြီး ကိုတင်မောင်ဦးကို သေဒဏ် ချမှတ်လိုက်ပါတယ်။ ရက်ပိုင်းအတွင်း ဇွန်လ(၂၆)ရက်နေ့မှာ စစ်အစိုးရက ကိုတင်မောင်ဦးကို ကြိုးပေး ကွပ်မျက်လိုက်တာပါ။

မှိုင်းရာပြည့် အရေးအခင်းနဲ့ အဖမ်းခံရတဲ့ ကျောင်းသားတွေကိုတော့ သြဂုတ်လထဲမှာ စစ်ခုံရုံးကနေ ကြမ်းခင်းဈေး ထောင်ဒဏ် (၅) နှစ်ကနေ (၁၅) နှစ် အထိ ပြစ်ဒဏ် ပေးခဲ့ပါတယ်။

ကိုတင်မောင်ဦးဟာ ကြိုးစင်ပေါ် မတက်ခင်မှာ ထောင်ထဲက ကျောင်းသားတွေ ကြားအောင် ရဲရဲဝံ့ဝံ့ အော်ဟစ် တပ်လှန့် နှိုးဆော်သွားတယ်လို့ အဲဒီအချိန်က သူနဲ့ခေတ်ပြိုင် ကျောင်းသား နိုင်ငံရေး အကျဉ်းသားတွေက ပြန်ပြောင်း ပြောပြတတ်ကြပါတယ်။

နာကြည်းစရာ၊ နာကျင်စရာလည်း အလွန်ကောင်းပါတယ်။ ကိုဆလိုင်းတင်မောင်ဦးဟာ မဆလ စစ်အစိုးရရဲ့ ၇၄ ဖွဲ့စည်းပုံ အခြေခံ ဥပဒေအောက်မှာ ပထမဦးဆုံး ကြိုးပေးခံခဲ့ရတဲ့ ကျောင်းသားလည်း ဖြစ်နေတာပါ။ အဲဒီအချိန်က ကိုတင်မောင်ဦးနဲ့ ရှေ့ ဆင့်နောက်ဆင့်မှာပဲ တပ်မတော်သား ခေါင်းဆောင် ဗိုလ်ကြီး အုန်းကျော်မြင့်လည်း မဆလအစိုးရရဲ့ကြိုးပေးကွပ်မျက်ခြင်းကိုခံခဲ့ရတာပါ။

ကိုဒေါင်းရေ... ကိုတင်မောင်ဦးနဲ့ပတ်သက်လို့ နာကြည်းစရာ၊ နာကျင်စရာတွေထဲကနေ လွမ်းစရာတချို့ ကိုလည်း အဲဒီတုန်းက ပြောစမှတ် ရှိခဲ့ကြပါသေးတယ်။ ကိုတင်မောင်ဦး ကြိုးပေးမခံရခင် နောက်ဆုံး နေသွားတဲ့အခန်း၊ အဲဒီ ၁၉၇၆ တုန်းက အင်းစိန်ထောင်၊ အထူးတိုက်သစ်၊ အခန်း(၁)ကို နောက်ပိုင်း ရောက်လာကြတဲ့ ကျောင်းသားတိုင်းဟာ၊ အခန်းနံရံ တနေရာမှာ ခဲတံကလေးနဲ့ ရေးထားတဲ့ “ညီမလေး မလှမြိုင်၊ ညီမလေး အတွက် အစ်ကိုကြီး ဂုဏ်ယူပါတယ် - အစ်ကိုကြီး တင်မောင်ဦး” ဆိုတဲ့ စာတန်းလေးကို ဖတ်ပြီး ကြေကွဲမဆုံး၊ ၀မ်းနည်းမဆုံး ဖြစ်ခဲ့ကြရတယ် လို့ ဆိုပါတယ်ဗျာ။

ကိုဒေါင်းရေ... နှစ်ပေါင်းများစွာ ကြာမြင့်ခဲ့ပေမဲ့ ကျနော်တို့ဟာ ကိုတင်မောင်ဦးကို မမေ့နိုင်ကြသေးပါဘူး။ သူဟာ မြန်မာ နိုင်ငံ ကျောင်းသားထုရဲ့ သူရဲကောင်းတဦး အဖြစ် ထာဝရ တည်တံ့နေဦးမှာပါ။

အခုလို သူကျဆုံးခဲ့တဲ့(၃၅)နှစ်ပြည့်တဲ့ ကာလမှာ ကျနော်တို့ သူ့ကို ဘယ်လို ထပ်ပြီး ဂုဏ်ပြုကြမလဲ။ သူ့ရဲ့ကိုယ်ကျိုးစွန့် အနစ်နာခံ ပေးဆပ်မှုတွေ အတွက် ကျနော်တို့ကကော ဘာတွေ ပြန်ပေးဆပ်ကြမလဲ။ ဒီအကြောင်းတွေ ရှေ့ တပတ် ဆက်ပြီး ပြောကြသေးတာပေါ့ ကိုဒေါင်းရေ...။

အားလုံး ကျန်းမာ ချမ်းသာကြပါစေ။ ။

အောင်ဝေး
(ဇွန် ၁၃-၂၀၁၁)

မူရင်း - လွတ်လပ်သည့် အာရှအသံ www.rfa.org/burmese

Thursday, June 9, 2011

(မောင်သစ်မင်း သို့)

အဖြူရောင်ငှက်

မြိုချလိုက်ဖို့ဆိုတော့လည်း
ကိုယ်က နွေဦးကိုကြိုချင်သေးတာ။

ထွေးထုတ်လည်းမပစ်ရက်တော့
တေးကိုပဲ ငုံထားရတယ်။

ယုံပါ
"တေးငုံငှက်"
စုံနံသာမြိုင် လေးသံစဲရင်
ရင်ထဲကသီချင်းဆိုမယ်။ ။


(မောင်သစ်မင်း သို့)
ဇွန်၈-၁၁။

Thursday, May 12, 2011

ဆရာနတ်နွယ်သို့ 

ဖီးနစ်ငှက်တို့ ကြေကွဲချိန်

မြင်းရိုင်းကို
ဒုန်းစိုင်းအောင်
သမိုင်းသင်ပေးသူ။

မြစ်တိုင်းကို
လှိုင်းခတ်အောင်
အနာဂတ်သင်ပေးသူ။

ပန်းတိုင်းကို
ကြွေရဲအောင်
အလှသင်ပေးသူ။

မုန်တိုင်းကို
ယဉ်ကျေးအောင်
အကသင်ပေးသူ။

လမ်းတိုင်းကို
"ယင်အန်း"ရောက်အောင်
ခင်းခဲ့သူ။

... ... ... သူ။

... .... ... သူ။

... ... ... သူ။

မီးတောက်မီးလျှံတွေကြားမှာ
ကျနော်တို့
ပျံသန်းဖို့
သံမဏိအတောင်ပံတွေ
ထားရစ်ပြီ။ ။

(မေ ၁၁-၂၀၁၁ နေ့ က၊ရန်ကုန်မြို့ တွင် ကွယ်လွန်ခဲ့သော၊ဆရာနတ်နွယ်သို့ )
ဆရာ့တပည့်ရင်း-
အောင်ဝေး
(မေ ၁၁-၂၀၁၁၊မစ်ရှီဂန်)

Friday, May 6, 2011

သွေဖည်မှုတခုကို၊ သွေဖည်မှုတခုနှင့် ဖုံးကွယ်ခြင်း



သြော် … ကြောင်က မကြောင်ဘဲ
ကြွက်က ကြောင်နေတာ။

ကဲ … အရပ်ကတို့ ရေ
ကြွက်ကို ဘယ်သူ ချူဆွဲပေးမလဲ။

လောကကြီး ဆန်းတယ်
လမ်းပျောက်နေတဲ့ကြယ်က
လမ်းမရှိတဲ့ ကြွက်ကို
လက်တွဲခေါ်လို့ ။ ။

(မေ ၁ - ၂၀၁၁)

Wednesday, April 20, 2011

လမ်းပျောက်ကြယ်



မှောင်တာကိုကြောက်

နောက်ပြန်လျှောက်သည်

လမ်းပျောက်ခဲ့လေပြီတကား။ ။

အောင်ဝေး
(မြန်မာနိုင်ငံကဗျာဆရာ)

ဧပြီ ၂၀-၂၀၁၁

Friday, April 8, 2011

မြွေပွေးကိုက်လို့မသေ၊ မြက်ရှောပတ်မှသေမယ့် မသာ


ဧရာဝတီက
ရေငတ်နေပြီ။

လွတ်လပ်ရေးကျောက်တိုင်ကြီးက
ထောင်ကျနေတယ်။

တပေါင်းလ ခမျာ
အကြောင်းမလှရှာဘူး။

ရန်ကုန် … တဲ့
ပြန်မဆုံတာကြာပြီ။

နောက်ထပ် ရှစ် လေးလုံးဖြစ်ဖို့ 
အနှစ်(၁၀၀)ကြာမယ်။ (၈-၈-၂၀၈၈)

ရန်သူက
အချိန်နဲ့ ဒီရေကိုမစောင့်ဘူး။

ခင်ဗျားတို့
ကိုယ့်တပ်ကိုယ် ပြန်နင်းမှာလား
ကိုယ့်ဇာတ်ကိုယ် ပြန်သိမ်းမှာလား

အမြန်စဉ်းစား
ပြန်စဉ်းစား
ရထားထွက်တော့မယ် မိတ်ဆွေ။ ။

(ဧပြီ ၆-၂၀၁၁)

Monday, March 21, 2011

cold spring

စပရင်းရာသီ ချမ်းစိမ့်စိမ့်
ဆောင်းကတော့
ကဒါဖီရဲ့ တင့်ကားပျက်ထဲ ပါသွားပြီ။

ခရုဇ်ဒုံးပျံတွေနဲ့ အတူ
နွေဦး ပေါက်ချလာတယ်။

စစ်ဆန့် ကျင်ရေးဆန္ဒပြဖို့ 
ပိုစတာကိုင် ထွက်လာတဲ့
အပျံစားကလေး။

လမ်းပေါ်မှာ …
လမ်းပေါ်မှာ …
လမ်းပေါ်မှာ …။

ဗြုန်းဆို
လက်ကျန် ရေခဲမိုးတစ်မ
သဲကြီးမဲကြီး ရွာအချ။

ငါ့ စိတ်ပေါ်
နှင်းမိုးတွေလား …
ဗုံးမိုးတွေလား …။ ။

အောင်ဝေး
မတ် ၂၁-၂၀၁၁ (ကမ္ဘာ့ကဗျာနေ့ )

Saturday, February 26, 2011

Hangman Poem


 ကြိုးစင်ပေါ်က နှလုံးသားများ
အောင်ဝေး
ဖေဖော်ဝါရီ ၂၆၊ ၂၀၁၁
တယောကို
ဘီလူးထိုးတယ်။

ဘိုးတံက
ညှီလို့ ။

ပွတ်ဆွဲလိုက်တိုင်း
ကြိုးတချောင်းတည်း။

သူ့ ဘက်က
ဂီတမဟုတ်တဲ့
ဂီတအတု။

ရပ်နေတဲ့
ရေတံခွန်။

ကိုယ့်ဘက်က
နာကျည်း
ခံပြင်းမှု။

ဆူညံတဲ့တေး
စီးနေ။

ဘယ်တော့မှ
ဦးမညွှတ်ဘူး။

ဘယ်တော့မှ
ဦးမညွှတ်ဘူး။

ဘယ်တော့မှ
ဦးမညွှတ်ဘူး။

တယောကြိုးအပြတ်က
လည်ပင်းကို
လာရစ်တယ်။

“အချစ်ရေ
ဆက်ပြီးတိုက်ပွဲဝင်ပါ“

တယောကို
ဘီလူးချိုးလိုက်ပေါ့ ။        ။

အောင်ဝေး
ဖေဖော်ဝါရီ ၂၅၊၂၀၁၁

[ တပ်မတော်ခေါင်းဆောင် ဗိုလ်ကြီးအုန်းကျော်မြင့် နဲ့  ကျောင်းသားခေါင်းဆောင် ဆလိုင်းတင်မောင်ဦး တို့ကို သတိရပြီး၊ ဒီကဗျာရေးဖြစ်သွားတာပါ။ ပြောချင်တာက ဘယ်လိုပင် ကြိုးပေးသတ်သတ်၊တော်လှန်ရေးကတော့ လူလည်းသေမသွား၊ စိတ်ဓာတ်လည်း သေမသွားဆိုတဲ့ အချက်ပါ။ ဒီနေ့ ခေတ်မျိုးဆက်သစ်လူငယ်တွေ၊ မဆလအစိုးရ လက်ထက် (၁၉၇၆)က၊ကြိုးပေးကွပ်မျက်ခံခဲ့ရတဲ့ ဒီသူရဲကောင်းနှစ်ယောက်ကို မေ့မထားကြစေချင်ပါ ]

Tuesday, February 8, 2011

Undo the music

ကြောင်င်င်င်င်င်
 
ကိုရစ်
ဒီ ဂစ်တာက
ကြီုးညှိလို့ မရဘူးဖြစ်နေတယ်။

ဘယ်လိုမှ ညှိလို့ မရတဲ့
ဒီ အသံကြောင်နေတဲ့ ဂစ်တာက
အသံကြောင်နေတဲ့အတွက်
အသံကြောင်နေတဲ့ ဂစ်တာဖြစ်နေတာ။

အဲဒါကို
ကြောင်တကောင်
ဘယ်ကကြောင်မှန်းမသိ
ကြောင်နေတဲ့ ဂစ်တာပေါ်
ခုန်ချလိုက်တာ
ကြောင်င်င်င်င်င်င်င် ခနဲ
အဲဒီ အသံကြောင်နေတဲ့ ဂစ်တာ
ပိုပြီး ပိုပြီး ကြောင်သွားတော့တာပဲ ကိုရစ်။        ။

အောင်ဝေး
ဖေဖော်ဝါရီ ၈-၂၀၁၁

Letters from Michigan - 53

မစ်ရှီဂန်က ပေးတဲ့ စာ(၅၃)

ဒေါ်အောင်ဆန်းစုကြည် ရေးသားသော စာအုပ်တအုပ် မျက်နှာဖုံး


မိတ်ဆွေကြီး ကိုဒေါင်း-
ကျန်းခံ့သာလို့မာကြပါရဲ့နော်။ ဒီတခါတော့၊ ပြည်ပရောက်နေတဲ့ မိသားစုတွေကနေ မွေးဖွားလာတဲ့ အဝေးရောက် မြန်မာကလေးငယ်တွေရဲ့ အားရ ကျေနပ်စရာကောင်းတဲ့ အချက်တချို့ ကျနော် ပြောပရစေ။
ကိုဒေါင်းရေ၊ အရင်တခါက ပြည်ပရောက် မြန်မာကလေးတွေ၊ ပြည်ပမှာ မွေးဖွားလာတဲ့ မြန်မာ ကလေးငယ်တွေ၊ မြန်မာစကား မပြောတတ်ကြတော့တဲ့ အကြောင်း၊ မြန်မာစာ မသင်ကြရတဲ့ အကြောင်း၊ ကိုဒေါင်းကို ကျနော်ပြောခဲ့တာရှိတယ် မဟုတ်လား။

အခု ကျနော် ပြောမယ့် အချက်ကလည်း အဲဒီလို ဘာသာစကား ကိစ္စပါပဲ။ တိတိပပ ပြောရရင် Second language လို့ ဆိုတဲ့ ဒုတိယ ဘာသာစကား ကိစ္စပါ။ ကိုဒေါင်းရေ ပြည်ပက မြန်မာကလေးတွေ မြန်မာစာ-မြန်မာစကား မတတ်ကြတော့ဘူး ဆိုတော့ လူကြီးတွေက ရှေ့ရေးကို တွေးမျှော်ပြီး စိတ်ပူတာပေါ့ဗျာ။ ရင်လေးတာပေါ့ဗျာ။ မိဘတွေက အနာဂတ်ကို လှမ်းကြည့်ပြီး စိုးရိမ်ကြတာပေါ့ဗျာ။

ဒီတော့ ပြည်ပရောက် မြန်မာမိဘတွေက သူ့ သားသမီး၊ ကိုယ့်သားသမီး မြန်မာ စကား တတ်ဖို့၊ မြန်မာစာ သင်ဖို့ ကြိုးပမ်း အားထုတ်လာကြတာပေါ့ဗျာ။ ဒါလည်း ကောင်းပါတယ်။ မြန်မာစာ-မြန်မာဘာသာစကားက ကိုယ့်မိခင် ဘာသာစကား(Mother’s tongue)ပဲ မဟုတ်လား။

ကျနော်တို့လူကြီးတွေ၊ မိဘတွေအတွက်တော့ အင်္ဂလိပ်စာ-အင်္ဂလိပ်စကားဟာ ဒုတိယဘာသာစကား ဟုတ်တယ်။ ဒါပေမဲ့ ကလေးတွေအဖို့ကတော့ လူကြီးတွေ၊ မိဘတွေနဲ့မတူဘူး။ အင်္ဂလိပ်စာ-အင်္ဂလိပ်စကားဟာ သူတို့အတွက် ပထမဘာသာစကား ဖြစ်နေတာပဲ ကိုဒေါင်းရေ။ သူတို့ရဲ့ မူရင်းဘာသာစကားလို ဖြစ်သွားတာပေါ့။ အဲဒီမှာပြောင်းပြန်၊ မြန်မာစာ-မြန်မာစကားက အဲဒီကလေးတွေ အတွက်တော့ ဒုတိယဖြစ်သွားတာပဲဗျာ။

အဲဒီတော့၊ ဒီက အင်မတန် ကျေနပ်အားရစရာ ကောင်းတဲ့ ဒီမိုကရေစီ ပညာရေးစနစ်ကြောင့်လည်း ပါတယ် ဆိုပါတော့ဗျာ။ ဒီမှာ ကျောင်းတက်နေကြတဲ့ မြန်မာကလေးငယ်တွေဟာ ပင်ကိုကလည်း ဉာဏ်ရည်က မနိမ့်လေတော့၊ ပြောရမယ်ဆိုရင် မြန်မာကလေးအများစုဟာ ပညာအရည်အချင်းမှာ သာမန်ရဲ့အထက်ကို ရောက်နေကြတာပါ။

ဒီက ဒေသခံကလေးတွေ၊ တချို့ ကိုယ့်လိုပဲ တိုင်းတပါးက ရွှေ့ ပြောင်း ရောက်လာကြတဲ့ ကလေးငယ်တွေနဲ့တန်းတူ၊ ကိုယ့်ကလေးတွေကလည်း ပညာရေးမှာ ထူးချွန်ထက်မြက်ကြတာပါ ကိုဒေါင်း။

ဆိုရရင်တော့ဗျာ၊ အဲဒီ ကျနော်တို့မြန်မာကလေးတွေက အဲဒီ ကျနော်တို့ မြန်မာမိဘ လူကြီးတွေထက် အင်္ဂလိပ်စာ ပိုကောင်းနေတာပါပဲ။ ဒါ ကျနော်တို့ဘယ်လိုမှ ငြင်းပယ်လို့ မရတဲ့ ကလေးတွေရဲ့ အားကောင်းချက်ပဲ။ အဲဒီကလေးတွေ သူများရေ၊ သူများမြေမှာ သူတို့ မကြောက်မရွံ့ ၊ မတွန့် မဆုတ် ထိုးဖောက် နေရာယူနိုင်ကြတယ်။ ကလေးတွေ မညံ့ဘူး ဆိုတာ လူတိုင်းအသိ။ လက်တွေ့ပဲ။ ဒါ ဘာကြောင့်လဲ ဆိုတော့ အဲဒီကလေးတွေ အင်္ဂလိပ်စာကောင်းလို့ပဲ။

ဒီတော့ ကျနော်က ဒီက စာပေဟော ပြောပွဲတွေမှာကျလို့ရှိရင် ကလေးတွေ မြန်မာစကား မပြောတတ်လို့၊ ကလေးတွေ မြန်မာစာ မသင်ရလို့၊ ကြေကွဲဝမ်းနည်း စိတ်လက်မအေး ဖြစ်နေကြတဲ့ လူကြီးမိဘတွေကို တတ်နိုင်သလောက် ဖြေသိမ့် အားပေးရပါတယ်။

ကိုဒေါင်းရေ၊ ဒီမှာကိုယ့်စာ-ကိုယ့်ဘာသာစကား သင်ကြားဖို့ ဆိုတာကလည်း အခြေအနေနဲ့ အခွင့်အလမ်းက လိုသေးတယ်။ ဒီမှာက ကလေးတွေ ကျောင်းမှာ စိန်ခေါ်မှုတွေ များတယ်ဗျာ။ ယှဉ်ပြိုင်မှုတွေ များတယ်ဗျာ။ ကိုယ်က သူ့ နိုင်ငံသား-သူ့ နိုင်ငံဖွား မဟုတ်တော့၊ တချို့ မမြင်ရတဲ့၊ မထင်ရတဲ့ အခက်အခဲလေးတွေက နံရံပါးပါးလေး ခြားနေတာမျိုးလည်း ကျနော်တို့ မြန်မာကလေးငယ်တွေ တွေ့ကြုံ ရင်ဆိုင်ရတာပါ။

ဒီတော့ဗျာ၊ အဲဒီ စိန်ခေါ်မှုတွေ၊ ယှဉ်ပြိုင်မှုတွေ၊ နံရံပါးပါးလေးတွေကို အောင်အောင် မြင်မြင် ကျော်လွှားသွားနိုင်ဖို့၊ သူတို့ကျောင်း၊ သူတို့ကျင်လည်နေရတဲ့ ပတ်ဝန်းကျင်မှာ အသေအလဲ၊ အသည်းအသန် ကြိုးစားနေကြရတာဆိုတော့၊ ကိုဒေါင်းရေ၊ ဒါကိုတော့ ကျနော်တို့ လူကြီးမိဘလုပ်တဲ့ သူတွေက နားလည် စာနာပေးရတာပဲပေါ့။

ကျနော်တို့ကလေးတွေ ထိုးဖောက်နေရတဲ့ ပတ်ဝန်းကျင်က၊ လူမှုအသိုင်းအ၀ိုင်းက အင်္ဂလိပ်စာ တွင်ကျယ်တဲ့၊ အင်္ဂလိပ်စကားပြောတဲ့ ၀န်းကျင်အသိုင်းအ၀ိုင်း ဖြစ်နေတာကိုး။ ဒီဘက်မှာတော့ ကျနော်တို့ မြန်မာကလေးငယ်တွေ ကောင်းကောင်း စွမ်းဆောင်နိုင်ကြပါတယ်။ ဒါ သူတို့အားသာချက် တချက်။

ပြီးတော့ ရှိသေးတယ်။ ပြည်ပရောက် မြန်မာကလေးတွေ အားလုံး ကိုယ့်တိုင်းပြည် ကိုယ့်လူမျိုးအကြောင်း အနည်းနဲ့အများ သိကြပါတယ်။ သူတို့လေးတွေ အမေစု ကို ကောင်းကောင်း သိတာပေါ့ဗျာ။ ရွှေဝါရောင်တော်လှန်ရေးကို သူတို့သိတယ်။ နာဂစ်မုန်တိုင်းကို သူတို့သိတယ်။ အခုနောက်ဆုံး သူတို့အမေကြီး ဒေါ်အောင်ဆန်းစုကြည်ရဲ့ ဒီမိုကရေစီကွန်ရက် ဆိုတာကိုလည်း သူတို့သိတယ်။

ဒီက ကလေးတွေဟာ ရုပ်ရှင်မင်းသားကျော်သူ လုပ်နေတဲ့ လူမှုရေးလုပ်ငန်းတွေကိုလည်း သိတာပဲ။ မဖြူဖြူသင်းတို့ရဲ့ တောင်ဒဂုံက HIV ဝေဒနာသည်တွေ အကြောင်းလည်း သိတာပဲ။ ယုတ်စွအဆုံး၊ လူကြီးတွေတောင် တချို့မသိတဲ့ ပြည်တွင်းက တချို့ကိစ္စတွေ ဆိုရင်၊ ဒီကလေးတွေက အရင် သိနှင့်နေတာပါ ကိုဒေါင်း။ အဲဒါ ဘာကြောင့်လည်း ဆိုတော့၊ အီးမေးလ်တို့၊ ဖေ့စ်ဘွတ်တို့၊ ၀က်ဘ်ဆိုက်တို့ ဆိုတဲ့ အင်တာနက်ကြောင့်ပဲ ကိုဒေါင်း။

အဲဒီတော့၊ ဒီက ပြည်ပက မြန်မာကလေးသူငယ်၊ လူငယ်တွေ အင်္ဂလိပ်စာ ကောင်းတယ်။ အင်တာနက်ကို ကောင်းကောင်း အသုံးချနိုင်တယ်။ ဒါတွေဟာ သူတို့လေးတွေရဲ့ အားကောင်းချက်တွေပဲ။ ကျနော်ကတော့ ဒိထက် ပိုအားကောင်းတဲ့ အချက် ရှိသေးတယ်လို့ ပြောလိုက်ချင်သေးတယ်။ အဲဒါကတော့ အမျိုးသားစိတ်ပဲ ကိုဒေါင်း။ လွမ်းဖို့ကောင်းတဲ့၊ တက်ကြွဖို့ကောင်းတဲ့ အမျိုးသားရေးစိတ်ပါ။ ကလေးတွေမှာ ဒီစိတ် ရှိတယ်။

ကိုဒေါင်းရေ၊ ကျနော်တို့လူကြီးတွေမှာ အတိတ်ပဲရှိတယ်။ ကလေးတွေကတော့ အနာဂတ် ရှိတယ်လေ။ ဒီကကလေးတွေ မြန်မာစာ-မြန်မာစကား ကောင်းကောင်း မတတ်လို့လည်း သိပ်ပြီး ရင်ထုမနာ မဖြစ်ကြစေချင်ဘူး။ တတ်ရင်တော့ အတိုင်းအထက် အလွန်ပေါ့ဗျာ။ သိပ်ကောင်းတာပေါ့ဗျာ။ အဓိက အကျဆုံးက ကလေးတွေရဲ့ အားကောင်းချက်ဖြစ်တဲ့ အင်္ဂလိပ်စာတို့၊ အင်တာနက်တို့ကို အမျိုးသားစိတ်ကလေးနဲ့ ပေါင်းချိတ်ပေးနိုင်ဖို့ပဲ မဟုတ်လား။

ဆိုပါတော့ဗျာ၊ ဒီက ကလေးတွေ ဒေါ်အောင်ဆန်းစုကြည် မြန်မာလိုရေးတဲ့ ကဗျာတွေ၊ စာတွေကို မဖတ်နိုင်ကြဘူး။ ဒါမှန်တယ်။ သို့ပေမဲ့၊ ဒီကလေးတွေ ဒေါ်အောင်ဆန်းစုကြည် အင်္ဂလိပ်လို ရေးတဲ့ဟာ မှန်သမျှ အကုန်လုံး ကောင်းကောင်း ဖတ်နိုင်ကြပါတယ်။ အရေးကြီးတာက ကိုယ့်နိုင်ငံ၊ ကိုယ့်လူမျိုး အကြောင်း ဒေါ်အောင်ဆန်းစုကြည်ပဲ ရေးရေး၊ ဘယ် နိုင်ငံခြားပညာရှင်ကပဲ ရေးရေး၊ အင်္ဂလိပ်လို ရေးထားတဲ့ စာအုပ်တွေ၊ ကလေးတွေ လက်လှမ်းမီရာမှာ ရှိနေဖို့၊ အတတ်နိုင်ဆုံး လူကြီးမိဘတွေက အနီးကပ် စီမံ ဆောင်ရွက်ပေးနိုင်မယ် ဆိုရင်-

ကိုဒေါင်းရေ၊ ကျနော် စိတ်ကူးယဉ်တာတော့ မဟုတ်ပါဘူး။ လက်တွေ့ဖြစ်နေတာ၊ ဖြစ်နိုင်တာကို စိတ်ကူးကြည့်တာပါပဲဗျာ။

အားလုံးကို သတိရလျက်-
အောင်ဝေး (ဇန်န၀ါရီ ၁၂-၂၀၁၁)
မူရင်း - လွတ်လပ်သည့် အာရှအသံ www.rfa.org/burmese

Sunday, January 30, 2011

Letters from Michigan - 52

မစ်ရှီဂန်ကပေးတဲ့ စာ(၅၂)




ဒီဆောင်းပါးမှာ-ပြည်ပရောက် ထေရ၀ါဒ ဗုဒ္ဒဘာသာ မြန်မာရဟန်းသံဃာတော်တွေနဲ့ ၂၀၀၇ စက်တင်ဘာ ရွှေဝါရောင် တော်လှန်ရေး၊ မြန်မာ့ ဒီမိုကရေစီ အရေးတွေ ဘယ်လို ဆက်စပ် နှီးနွှယ်နေတယ် ဆိုတာကို တင်ပြထားပါတယ်။

မိတ်ဆွေကြီးကိုဒေါင်း-
ကျန်းခံ့သာလို့ မာပါစဗျာ။ ဒီတခါတော့၊ အေဒီ ၂၀၁၁ရဲ့ပထမဦးဆုံးနေ့၊ ဇန်န၀ါရီလ(၁) ရက်နေ့မှာ ကျနော်တို့တွေ၊ ရေခြားမြေခြား တိုင်းတပါးမှာ၊ မြန်မာဆန်ဆန် နှစ်သစ်ကူးခဲ့ပုံကလေး ပြောပြချင်ပါတယ်။

အဲဒီရက်တွေတုန်းက ကျနော် အလုပ်က ခွင့်ရက်ရှည် ယူပြီး၊ နယူးယောက်မြို့ကို အလည် ရောက်နေတယ်။ နှင်းမုန်တိုင်းဒဏ် ခံလိုက်ရလို့ နှင်းပုံကြီးအောက်ရောက်နေတဲ့ နယူးယောက်မြို့ကြီးမှာ နဂိုက စီစဉ်ထားတဲ့ တည်းရေးခိုရေး အစီအစဉ်က ပျက်ပြီး၊ မြန်မာပီပီ ဘုန်းကြီးကျောင်းမှာပဲ တည်းဖြစ်သွားတယ် ဆိုပါတော့ဗျာ။

သူများရေ သူများမြေမှာ၊ ကိုယ့်ဘာသာ၊ သာသနာ၊ ကိုယ့်ယဉ်ကျေးမှု ပုံရိပ်တွေ အထင် အရှား ရှိနေတာကတော့ ကြာပါပြီ။ ထေရ၀ါဒ ဗုဒ္ဒသာသနာတော် ဆိုင်ရာ ဘုရားစေတီ၊ ရုပ်တုရုပ်ပွားတော်တွေလည်း ဒီမှာ တည်ထား ကိုးကွယ်ခဲ့ကြတာကြာပါပြီ။ ဗုဒ္ဒဘာသာ ဘုန်းတော်ကြီးကျောင်းတွေ ဆိုရင်လည်း ကိုယ့်မြန်မာဘုန်းကြီးကျောင်းတင် မဟုတ်ပါဘူး၊ ထိုင်း ဘုန်းကြီးကျောင်း၊ လာအို ဘုန်းကြီးကျောင်း စသည်ဖြင့် ရှိနေတာပါ။

ကျနော်နေတဲ့ မြို့မှာတော့ ထိုင်းဘုန်းကြီးကျောင်း တကျောင်းပဲ ရှိပါတယ်။ ကျနော်နဲ့ အနီးဆုံးဖြစ်တဲ့ ၊ အမေရိကန် တနိုင်ငံလုံးမှာ ခရစ်ယန် ဘုရားရှိခိုးကျောင်း အများဆုံး ရှိတဲ့ မြို့လို့ ဆိုကြတဲ့ ဖို့တ်ဝိန်းမြို့မှာတော့၊ ကိုယ့် မြန်မာ ကွန်မြူနီတီကလည်းများတော့၊ ကိုယ့်ထဲက ဆိုရင်တောင် မြန်မာကျောင်း၊ မွန်ကျောင်း ဆိုပြီး သုံးလေးကျောင်း ရှိပါတယ်။ အခြားပြည်နယ်၊ အခြား မြို့တွေမှာလည်း ဆိုင်ရာဆိုင်ရာ မြန်မာဘုန်းကြီးကျောင်းတွေ၊ ဘုရားစေတီတွေ အထင်ကရ ရှိနေတာပါကိုဒေါင်း။

ဒီနေရာမှာ ကျနော် တခု စဉ်းစားမိတာ ရှိတယ်။ ကျနော်တို့အရင် ဒီနိုင်ငံကို ပြောင်းရွှေ့ အခြေချ နေထိုင်ခဲ့ကြတဲ့ ကိုယ့်နိုင်ငံသားတွေဟာ ၊ ဒီကို လူအနေသက်သက်ပဲ ပြောင်းရွှေ့လာကြတာ မဟုတ်ဘဲ၊ ကိုယ်နဲ့အတူ ကိုယ့်လူမျိုးရဲ့ ကိုးကွယ်မှု ဘာသာတရား၊ ဓလေ့ ထုံးစံ ယဉ်ကျေးမှုတွေကိုလည်း တပါတည်း ယူဆောင်လာကြတယ် ဆိုတဲ့ အချက်ပဲ ကိုဒေါင်း။

ကိုယ့်ဘာသာတရား၊ ကိုယ့်ယဉ်ကျေးမှု ဆိုရာမှာလည်း စိတ်ပိုင်းနာမ်ပိုင်း၊ အတွေးအခေါ် အယူအဆပိုင်းတွင်သာ မကဘဲ၊ ရုပ်ပိုင်းဆိုင်ရာအနေနဲ့ဘုန်းတော်ကြီးကျောင်းလို၊ ဘုရား စေတီတို့လို သာသနိက အဆောက်အအုံတွေပါ ရောက်ရှိလာတာ မဟုတ်လား။ အဲဒီမှာ၊ ပြည်ပ သာသနာမှာ၊ တနည်း ပြောရရင် အဝေးရောက် ဗုဒ္ဒဘာသာမှာ အခရာကျတာက ဘုန်းကြီးကျောင်းတွေပဲ မဟုတ်လား။

အဲဒီလို မြန်မာဘုန်းကြီးကျောင်းတွေရဲ့ အခြေအနေက၊ ၂၀၀၇ စက်တင်ဘာ ရွှေဝါရောင် တော်လှန်ရေး၊ သံဃ အရေးတော်ပုံကြီး အပြီးမှာ၊ တမျိုးတဖုံ အနေအထား ပြောင်းသွားတာ တွေ့ရတယ် ကိုဒေါင်း။ ရွှေဝါရောင် လှုပ်ရှားမှု ဂယက်ကြောင့် ပြည်ပရောက် မြန်မာရဟန်းတော်တွေရဲ့ ရပ်တည်ချက်က နဂိုနဲ့မတူ၊ ပြောင်းလဲသွားတယ် လို့ ဆိုနိုင်တယ်ကိုဒေါင်း။ ရွှေဝါရောင် အရေးတော်ပုံ နောက်ပိုင်း၊ ပြည်ပမှာ သာသနဥသျှောင်အဖွဲ့ ထင်ထင်ရှားရှား ထွက်ပေါ်လာတယ်။

သူများနိုင်ငံ၊ သူများ တိုင်းပြည်မှာ ကိုယ့်ဘာသာ၊ သာသနာ ပြန့်ပွား စည်ပင်အောင် ကြိုးပမ်း အားထုတ်နေကြတဲ့ ပြည်ပရောက် မြန်မာ ရဟန်း သံဃာထုဟာ ၊ သာသနာပြုရုံတင် မဟုတ်တော့ဘဲ၊ ရွှေဝါရောင် လှုပ်ရှားမှုကြီး အပြီးမှာ၊ မြန်မာ့ ဒီမိုကရေစီအရေးကိုပါ ထဲထဲ ၀င်ဝင် ပါဝင် ဆောင်ရွက်လာကြတာပါပဲ။

ကိုဒေါင်းရေ၊ တိုင်းပြည် ဆင်းရဲပြီး ပြည်သူတွေ ဒုက္ခတွင်းထဲ ကျနေလေတော့၊ ဘုန်းကြီးတွေလည်း မနေနိုင်ကြတော့ဘူးပေါ့ဗျာ။ ရွှေဝါရောင် တော်လှန်ရေးကြီး အတွင်းတုန်းက၊ ကဗျာ ဆရာ မောင်လွမ်းဏီက အခုလို သုံးကြောင်း ကဗျာတပုဒ် ရေးခဲ့ပါတယ်။ "ပြည့်ဝမ်းမီးတောက်၊ သံဃာလျှောက်သည်၊ အံ့လောက်ပါသော တို့တိုင်းပြည်"တဲ့ ။ ကဗျာခေါင်းစဉ်က"ငါးရောင်ခြယ်"

ကိုဒေါင်းရေ၊ စစ်အာဏာရှင် စနစ်ဆိုးကြီးရဲ့အလျှံတညီးညီး တောက်လောင်နေတဲ့ မီးတောက် မီးလျှံတွေကြားမှာ၊ ပြည်တွင်းက ဗုဒ္ဒဘာသာ ရဟန်းတော်တွေက ပြည်သူတွေ ကိုယ်စား ဆန္ဒပြ၊ အမှန်တရား ဖော်ထုတ်တဲ့ အနေနဲ့ မကြောက်မရွံ့၊ မတွန့်မဆုတ် ဖြတ်လျှောက်ခဲ့ကြတာပါ။ အဲဒီ သံဃာတော်တွေရဲ့ လေးစားအပ်၊ ဂုဏ်ပြုအပ်၊ ရှိခိုးအပ်တဲ့ ကိုယ်ကျိုးစွန့်အနစ်နာခံမှုဟာ ပြည်ပကို ရောက်နေတဲ့ မြန်မာ ရဟန်းတော်တွေရဲ့ ရင်ထဲကို ကူးစက် ၀င်ရောက်လာခဲ့တာပဲ ကိုဒေါင်း။

အဲဒီလို သာသနာအရေး၊ ဒီမိုကရေစီအရေး၊ ကြီးလေးလှတဲ့ တာဝန် နှစ်ရပ်ကို၊ တပြိုင်နက်တည်း ထမ်းဆောင်နေကြတဲ့ ၊ ပြည်ပရောက်ရွှေဝါရောင်ရဟန်းသံဃာတွေရဲ့ ကြည်ညိုဖွယ် ပုံရိပ်တွေထဲက တခု လို့ ပဲ ဆိုပါတော့ ကိုဒေါင်းရေ။

နယူးယောက်မြို့၊ ဘရွတ်ကလင်းအရပ်က"မေတ္တာပါရမီ" မြန်မာ ဘုန်းတော်ကြီးကျောင်းမှာ၊ ဇန်န၀ါရီ(၁)ရက်နေ့က မြန်မာပြည် ငြိမ်းချမ်း သာယာရေး နှစ်သစ်ကူး မေတ္တာပို့ ဆုတောင်းပွဲ တပွဲ ကျင်းပခဲ့ကြပါတယ်။ အေဒီ ၂၀၁၁၊ ခရစ်နှစ်အကူး၊ ပြည်ပရောက် မြန်မာ ရဟန်းတော်တွေရဲ့ ရင်ထဲ ဘယ်လိုရှိမလဲ။

မေတ္တာပါရမီကျောင်းက သံဃာတော်တွေရဲ့ မေတ္တာပို့ ဆုတောင်းသံ နားထောင်ကြည့် ကိုဒေါင်း။

"ခရစ်သက္ကရာဇ်၂၀၁၁ နှစ်ဆန်း(၁)ရက်နေ့အခါသမယမှာ- ဒေါ်အောင်ဆန်းစုကြည်နဲ့တကွ၊ မြန်မာပြည်သူ ပြည်သား အားလုံးအတွက် လည်းကောင်း-။ နိုင်ငံရေး အကျဉ်းသားများနဲ့ နာဂစ်နှင့် ဂီရိမုန်တိုင်းဒဏ် ခံစားနေရသည့် ပြည်သူများ အတွက် လည်းကောင်း-။ ကမ္ဘာသူ ကမ္ဘာသားများအတွက် လည်းကောင်း-။

"သဘာဝဘေးဒဏ်၊ စစ်ဘေးစစ်ဒဏ်၊ ငတ်မွတ်ခေါင်းပါးမှု ဘေးဒဏ်နှင့် ရောဂါဝေဒနာ အပေါင်းမှ လွတ်မြောက်စေရန်အတွက် လည်းကောင်း-။ တိုင်းသူပြည်သား အချင်းချင်း ညှဉ်းပန်း နှိပ်စက် သတ်ဖြတ်ခြင်းများ ချုပ်ငြိမ်းပြီး မေတ္တာတရား၊ ကရုဏာတရား၊ ကိုယ်ချင်းစာ တရားများ ဖြစ်ပေါ် တိုးတက်စေရန် အတွက် လည်းကောင်း-။ ကိုယ်ကျန်းမာ၊ စိတ်ချမ်းသာစွာဖြင့် မတောင့်မတ၊ မကြောင့်မကြ ရှင်သန် ရပ်တည်နိုင်စေရန်အတွက် လည်းကောင်း-"တဲ့ ။

ကိုဒေါင်းရေ၊ မြန်မာပြည်သူပြည်သားအပေါင်း၊ ငါးရောင်ခြယ် အလံ အောက်မှာ၊ ရွှေဝါရောင် တော်လှန်ရေး စိတ်ဓာတ်သစ်နဲ့ မြင့်မြတ်တောက်ပတဲ့ နေ့သစ်တွေ ပိုင်ဆိုင်နိုင်ကြပါစေဗျာ။

အားလုံးကိုသတိတရနဲ့-
အောင်ဝေး
ဇန်န၀ါရီ ၇-၂၀၁၁။

မူရင်း - လွတ်လပ်သည့် အာရှအသံ www.rfa.org/burmese

Wednesday, January 26, 2011

မမခင်ဦးစံပယ်သို့ တမ်းချင်း ၉
 
မိုးကုပ်စက်ဝိုင်းမှာတော့
မုန်တိုင်းမိုးတိမ်တွေက
ဆင်နေဆဲပါ
မမခင်ဦးစံပယ်။

တောင်တွေက
မြင့်မြင့်လာတယ်။
တောတွေက
နက်နက်လာတယ်။
မြစ်တွေက
ကွေ့ ကွေ့ လာတယ်။
၃၃လမ်းကတော့
လမ်းတိုကလေးပါပဲ။

ဒါပေမဲ့
ကဗျာဆရာတွေရဲ့ 
ဒုက္ခကတော့
ရှည်လျားလှပါတယ်။

မနေ့ တစ်နေ့ က
မိုးကြီးတမ
ရွာချခဲ့တယ်။

၃၃လမ်းဟာ
မိုးရေထဲမှာ
လန်းဆန်းသွားမယ်။

၃၃လမ်းထိပ်က
ခရေပင်ရိပ်ကလေး
အခုရှိသေးလား
မမခင်ဦးစံပယ်။

၃၃လမ်း
ကျနော်လွမ်းတယ်။

Monday, January 24, 2011

မစ်ရှီဂန်မှပေးသောစာ(၅၁)





"---အခုအချိန်မှာ ကျနော်တို့ ပြည်သူ လူထုတွေဟာ ဘာကိုမှ တွေဝေ ငေးမောမနေကြပါနဲ့တော့။ ဒေါ်အောင်ဆန်းစုကြည်ရဲ့ ရဲရင့် မှန်ကန်၊ ခိုင်မာ ထက်မြက်တဲ့ ဦးဆောင်မှု နောက်မှာ ယုံယုံ ကြည်ကြည် မမှိတ်မသုန် လိုက်ပါနိုင်ဖို့ပဲ အရေးကြီးပါတယ်---"

မိတ်ဆွေကြီးကိုဒေါင်း-
ကျန်းခံ့သာလို့ မာကြမယ် ထင်ပါရဲ့။ ပြက္ခဒိန် တနှစ်ကူးပြီ ဆိုတော့ နှစ်သစ်မှာ အဖြစ်သစ်တွေနဲ့ ကြုံတွေ့ရတော့မှာ ဖြစ်သလို၊ ၂၀၁၁ နှစ်သစ်မှာ စိန်ခေါ်မှုအသစ်တွေနဲ့လည်း ကျနော်တို့ အများကြီး ရင်ဆိုင်ကြရဦးမှာပဲ မဟုတ်လား။ 


ကျနော်တို့တိုင်းပြည်အနေနဲ့ အဓိကအကျဆုံး စစ်အာဏာရှင်စနစ်ကြီးရဲ့ စိန်ခေါ်မှုကနေ၊ လူထု ခေါင်းဆောင် ဒေါ်အောင်ဆန်းစုကြည်ရဲ့ အသက် အန္တရာယ် လုံခြုံရေး အတွက် ပြည်သူ တရပ်လုံးရဲ့ စိုးရိမ်ပူပန်မှု အလယ်၊ နယ်စပ်ဒေသက တိုင်းရင်းသားတွေ အမြောက်အမြား၊ စစ်ကြောင့် အိုးမဲ့အိမ်မဲ့ ပြေးလွှား ရှောင်တိမ်းရင်း အတိ ဒုက္ခရောက်နေကြတဲ့ အကြောင်းတွေ အဆုံး၊ ကိုဒေါင်းရေ၊ နှစ်သစ်မှာ ၂၀၁၁မှာ စိန်ခေါ်မှု အသစ်တွေကို ကျနော်တို့ တိုင်းသူ ပြည်သားတွေ မလွဲမသွေ ကြုံတွေ့ ရင်ဆိုင်ကြရဦးမှာပါ။ 


ပြည်တွင်းကပြည်သူတွေပဲ ဖြစ်ဖြစ်၊ ပြည်ပရောက် ပြည်သူတွေပဲ ဖြစ်ဖြစ်၊ ၂၀၁၁ နှစ်သစ်မှာတော့ တွေ့ကြုံလာရမယ့် စိန်ခေါ်မှု အသစ်တွေကို၊ ဘာဖြစ်သလဲ၊ ကျနော်တို့ ခေါင်းဆောင် ဒေါ်အောင်ဆန်းစုကြည်နဲ့ အတူ ရဲရဲရင့်ရင့် ပြေးတွေ့ ရင်ဆိုင်လိုက်ကြရုံပါပဲ။ နောက်တွန့်စရာ မလိုပါဘူး ကိုဒေါင်း။ 


ကျနော်တို့ အခု မမှိတ်မသုန် ဦးတည် ချီတက်နေတဲ့ ပန်းတိုင်က လွတ်လပ်ရေး၊ ဒီမိုကရေစီရေး၊ ငြိမ်းချမ်းရေးပဲ မဟုတ်လား။ ဗြိတိသျှနယ်ချဲ့နဲ့ ဖက်ဆစ်ဂျပန်တွေရဲ့ လက်အောက်ကနေ တိုင်းပြည် လွတ်မြောက်အောင် အမျိုးသား တော်လှန်ရေးကြီး ဆင်နွှဲခဲ့ကြတုန်းကလည်း ကျနော်တို့ ပြည်သူလူထုရဲ့ ပန်းတိုင်က လွတ်လပ်ရေး၊ ဒီမိုကရေစီရေး၊ ငြိမ်းချမ်းရေးပါ။ 

ဗိုလ်ချုပ်အောင်ဆန်းနဲ့တကွ အာဇာနည်ခေါင်းဆောင်ကြီးတွေ အသက်ပေးပြီး ရယူပေးခဲ့တဲ့ လွတ်လပ်ရေးဟာ ၊ နောက်ပိုင်းမှာ အမျိုးသား စည်းလုံး ညီညွတ်မှု ပျက်သုဉ်းပြီး၊ အယူစွဲ၊ ၀ါဒစွဲ၊ ဂိုဏ်းဂဏစွဲ၊ လူမျိုးစွဲ၊ ပုဂိုလ်စွဲ၊ အာဃာတတရား အမျိုးမျိုးအောက်မှာ ပြည်တွင်းစစ်မီးလျှံကြီး ၀ုန်း ဆို ထတောက်ပြီး၊ လွတ်လပ်ရေးရဲ့ အရသာဟာ ခါးတူး ပျောက်ဆုံးခဲ့ရတာပါ။ 

ပြည်တွင်းစစ်မီးလျှံကြားမှာပဲ တက်လာတဲ့ အရပ်သားအစိုးရ၊ အဲဒီတုန်းကအခေါ် နိုင်ငံရေး အစိုးရ လက်ထက်မှာလည်း ဒီမိုကရေစီ ဆိုတာ ထွန်းကားသင့်သလောက် ထွန်းကားမလာခဲ့ပြန်ဘူး။ ပိုဆိုးတာက ၁၉၅၈ နဲ့ ၁၉၆၂တွေမှာ စစ်တပ်က အာဏာသိမ်းတာကို ခံခဲ့ရပြန်တာပါပဲ။ 

ကိုဒေါင်းရေ၊ လွတ်လပ်ရေးကလည်း ပျောက်ဆုံး၊ ဒီမိုကရေစီကလည်း အပြည့်အ၀ ထွန်းကား မလာ၊ အဲဒီလို အခြေအနေမျိုးမှာ ပြည်တွင်းစစ်ကြီးနဲ့ ရင်ဆိုင်တိုးနေရတဲ့ တိုင်းပြည်ဟာ ဘယ်မှာလာပြီး ငြိမ်းချမ်းနိုင်ပါတော့မလဲ။ “ဆရာမသေခင် ငြိမ်းချမ်းရေးအစစ် ရတာကို မြင်သွားချင်တယ်” အဲဒီလို ဆရာကြီး သခင်ကိုယ်တော်မှိုင်း ကိုယ်တိုင်တောင် ကြေကြေကွဲကွဲ တမ်းတခဲ့ရတဲ့ ခေတ်ပါဗျာ။ 

ဗိုလ်ချုပ်အောင်ဆန်း ဦးဆောင် ဆင်နွှဲခဲ့တဲ့ ပထမ လွတ်လပ်ရေး တိုက်ပွဲရဲ့ ဦးတည်ချက် ပန်းတိုင် ဖြစ်တဲ့ လွတ်လပ်ရေး၊ ဒီမိုကရေစီရေး၊ ငြိမ်းချမ်းရေး ကြွေးကြော်သံဟာ မဆလ တပါတီ အာဏာရှင် စနစ် ကြီးစိုးခဲ့တဲ့ (၂၆) နှစ်တာ ကာလအတွင်းမှာ မှေးမှိန် ပျောက်ကွယ်သွားခဲ့ရတာပဲ မဟုတ်လား ကိုဒေါင်း။ 

အခုအချိန်ဟာ ကျနော်တို့ပြည်သူတွေဟာ ဒေါ်အောင်ဆန်းစုကြည် ဦးဆောင် ဆင်နွှဲနေတဲ့ ဒုတိယ လွတ်လပ်ရေး တိုက်ပွဲကို ဖြတ်သန်းနေကြတာပါ။ ကျနော်တို့ဟာ ၁၉၈၈-ရှစ်လေးလုံး အရေးတော်ပုံကြီးမှာ မဆလ တပါတီ အာဏာရှင်စနစ်ကို ဖြုတ်ချနိုင်ခဲ့တာ မှန်ပါတယ်။ ဒါပေမဲ့ စစ်အာဏာရှင်စနစ်ကိုတော့ အမြစ် မဖြတ်နိုင်ခဲ့တဲ့ အတွက်၊ ရှစ်လေးလုံး အရေးတော်ပုံကြီးလည်း စစ်တပ်က လက်နက်နဲ့ ဖြိုခွင်း အာဏာသိမ်းတာကို ခံခဲ့ရပြန်တယ်။ 

အဲဒီမှာ န၀တစစ်အာဏာရှင်စနစ်ပြန်ပြီးအသက်ဝင်လာခဲ့တာပဲ။ န၀တ ကနေ နအဖ ဆိုပြီး စစ်အာဏာရှင်စနစ်ဟာ သက်ဇိုး ရှည်လာခဲ့တာပဲ။ ဒီကနေ့ဆိုရင် အဲဒီ န၀တ-နအဖ စစ်အာဏာရှင်စနစ်ကို ကျနော်တို့ ပြည်သူတွေ ဆက်လက် ဆန့်ကျင် တိုက်ပွဲဝင်ခဲ့ကြတာ နှစ်ပေါင်း (၂၀) ကို ကျော်လာခဲ့ကြပြန်ပြီ ကိုဒေါင်း။ 

ဒီတခါ ဒေါ်အောင်ဆန်းစုကြည် ဦးဆောင်တဲ့ ဒုတိယ လွတ်လပ်ရေး တိုက်ပွဲကတော့၊ ဗိုလ်ချုပ် အောင်ဆန်းတို့ခေတ်က နယ်ချဲ့နဲ့ ဖက်ဆစ် ဆန့်ကျင်ရေး တိုက်ပွဲတွေထက် ပိုပြီး ခက်ခဲ၊ ပိုပြီး နက်နဲတယ် ဆိုတာ လူတိုင်းအသိပါ ကိုဒေါင်း။ 

ပထမလွတ်လပ်ရေးတိုက်ပွဲတုန်းက ကျနော်တို့ ဘိုးဘွားတွေဟာ နယ်ချဲ့နဲ့ ဖက်ဆစ်၊ တိုင်းတပါးသား လူမျိုးခြား၊ ဗြိတိသျှနဲ့ ဂျပန်တွေကို ရင်ဆိုင်ခဲ့ကြရတာပါ။ အဲဒီတုန်းက ဘုံရန်သူက လူမျိုးခြား တိုင်းတပါးက ဖြစ်နေလေတော့၊ ဖိနှိပ် ချုပ်ချယ်ခံနေရတဲ့ ကိုယ့်တိုင်းရင်းသား လူမျိုး ပေါင်းစုံရဲ့ သွေးစည်းညီညွတ်မှုက၊ အမျိုးသားေ ရးစိတ်ဓာတ်ကြီး စုခဲ အုံကျစ်ပြီး မာကြော ပြတ်သားနေခဲ့တာပေါ့ဗျာ။
အဲဒီတုန်းက လှည်းနေလှေအောင်း၊ မြင်းဇောင်းမကျန် ကျနော်တို့ တိုင်းရင်းသားပြည်သူ အပေါင်းဟာ ဗိုလ်ချုပ်အောင်ဆန်းရဲ့ ဦးဆောင်မှုနောက်မှာ တခဲနက် ယုံယုံကြည်ကြည် လိုက်ပါခဲ့ကြတာပဲ မဟုတ်လား။ ပင်လုံညီလာခံလို အမျိုးသား စည်းလုံးညီညွတ်မှု အထွတ်အထိပ် ရောက်လာတဲ့ အချိန်မှာ ဗြိတိသျှ နယ်ချဲ့အစိုးရဟာ ကျနော်တို့ တိုင်းပြည်ကို လွတ်လပ်ရေး မပေးဘဲနေလို့ မရတော့ပါဘူး။ 

အခု ဒေါ်အောင်ဆန်းစုကြည် ဦးဆောင် ဆင်နွှဲနေတဲ့ ဒုတိယလွတ်လပ်ရေး တိုက်ပွဲကတော့ ပထမ လွတ်လပ်ရေးတိုက်ပွဲနဲ့ မတူတော့ဘူး။ အခြေခံကစပြီး ပြောင်းသွားပြီ။ ဒီတစ်ခါ ရင်ဆိုင်နေရတဲ့ ဘုံရန်သူက တိုင်းတပါးသား လူမျိုးခြား၊ နယ်ချဲ့လည်း မဟုတ်တော့ဘူး၊ ဖက်ဆစ်လည်း မဟုတ်တော့ဘူး။ ကိုယ့်အမျိုးသားချင်း ဖြစ်နေတာပဲ။ ကိုယ့်အမျိုးသားအချင်းချင်း ဖိနှိပ် အုပ်ချုပ် စစ်ကျွန်ဇာတ် သွင်းနေတဲ့ဟာပဲ။ 

ဒီတော့ ကိုဒေါင်းရယ် - အမျိုးသားချင်း ပြန်လည် ရင်ဆိုင် ဖြေရှင်းရတဲ့ တိုက်ပွဲ ဆိုတာ ပိုပြီး ခက်ခဲ ရှုပ်ထွေး၊ ပိုပြီးနက်နဲ သိမ်မွေ့တာပေါ့ဗျာ။ ဒီအချိန်မှာ ကိုယ်ရင်ဆိုင်နေရတဲ့ တဖက်လူနဲ့ ကိုယ်ရဲ့၊ သူ့ဘက် ကိုယ့်ဘက် သေနင်္ဂဗျူဟာ အနေအထားက ဘယ်လိုရှိမလဲ။ ကိုယ်က သေနင်္ဂ ဗျူဟာ ခံစစ်မှာလား။ ဒါမှမဟုတ် သူနဲ့ကိုယ်နဲ့ သေနင်္ဂဗျူဟာ တန်းတူရည်တူအဆင့်မှာ ရှိသလား။ ဒီလိုမှမဟုတ် ကိုယ်က အသာစီးရနေတဲ့ သေနင်္ဂဗျူဟာ ထိုးစစ်မှာ ရောက်နေပြီလား။ 

ရိုးသားတဲ့ အောက်ခြေက တိုင်းရင်းသား ပြည်သူ လူထုကြီးကတော့ နိုင်ငံရေးသမား အရင့်အမာကြီးတွေ မဟုတ်ကြပါဘူး။ လူထုကို ဦးဆောင်နေတဲ့ နိုင်ငံရေး ခေါင်းဆောင်တွေကပဲ ဒီအဖြေကို ပေးနိုင်ကြပါလိမ့်မယ်။ အခုအချိန်မှာ ကျနော်တို့ ပြည်သူ လူထုတွေဟာ ဘာကိုမှ တွေဝေ ငေးမောမနေကြပါနဲ့တော့။ ဒေါ်အောင်ဆန်းစုကြည်ရဲ့ ရဲရင့် မှန်ကန်၊ ခိုင်မာ ထက်မြက်တဲ့ ဦးဆောင်မှု နောက်မှာ ယုံယုံ ကြည်ကြည် မမှိတ်မသုန် လိုက်ပါနိုင်ဖို့ပဲ အရေးကြီးပါတယ်။
၂၀၁၁ တိုက်ပွဲအလံကို မြှင့်နိုင်ဖို့ဆိုရင် ဒီအချက်က အဓိက အကျဆုံးပါ ကိုဒေါင်း။ 

အားလုံး နှစ်သစ်မှာ လူသစ်စိတ်သစ်နဲ့ ပျော်ရွှင် ချမ်းမြေ့နိုင်ကြပါစေ။

အောင်ဝေး
ဒီဇင်ဘာ ၂၅ -၂၀၁၀။
မူရင်း - လွတ်လပ်သည့် အာရှအသံ www.rfa.org/burmese

Sunday, January 16, 2011

Letters from Michigan - 50

မစ်ရှီဂန်မှပေးသောစာ(၅၀)

မိတ်ဆွေကြီးကိုဒေါင်း-
ကျန်းခံ့သာလို့ မာပါစ။ ဒီတစ်ခါတော့ ပြည်ပရောက် မြန်မာကလေးငယ်တွေ အကြောင်း ကိုဒေါင်းတို့ သိရအောင် နည်းနည်းလောက် ပြောပြချင်တယ်။

မိဘတွေက ပြည်ပကို အကြောင်းအမျိုးမျိုးကြောင့် ရွှေ့ပြောင်း ရောက်ရှိလာကြတယ်။ အထူးသဖြင့် ပြည်တွင်းက စစ်အာဏာရှင်စနစ် ဆန့်ကျင်ဖြုတ်ချရေး တိုက်ပွဲတွေရဲ့ ဂယက်နဲ့ တိုင်းပြည်ကနေ ရှောင်တိမ်းလာရ၊ ထွက်ခွာလာရတဲ့သူတွေ ရှိသလို၊ အများစုကတော့ နယ်စပ်ဒေသ အသီးသီးက နအဖစစ်အစိုးရတပ်တွေရဲ့ ရန်ကို ကြောက်ပြီး တစ်ဖက်နိုင်ငံကို ထွက်ပြေးခိုလှုံကြရတဲ့ တိုင်းရင်းသားတွေပါပဲ။

အခုအချိန်မှာ တစ်ဖက်နိုင်ငံက ဒုက္ခသည် စခန်း (၉) ခုလောက်မှာ ဒုက္ခ ရောက်နေကြတဲ့ ပြည်တွင်းက နိုင်ငံရေး၊ စစ်ရေး ခိုလှုံသူတွေ(၁)သိန်းခွဲကျော် သောင်တင်နေတုန်းပဲလို့ ဒုက္ခသည်များ ဆိုင်ရာမဟာမင်းကြီးရုံးရဲ့ အစီရင်ခံစာမှာ ဆိုတယ် ကိုဒေါင်း။

၁၉၈၈-ရှစ်လေးလုံး အရေးတော်ပုံကြီးပြီးကတည်းက နိုင်ငံရေးကြောင့် တစ်ဖက်နိုင်ငံ လွတ်မြောက်နယ်မြေကို ရှောင်တိမ်း ထွက်ခွာလာတဲ့သူတွေက စပြီး၊ ခု နောက်ဆုံး လွတ်မြောက်နယ်မြေကို ရောက်ရှိလာတဲ့ နိုင်ငံရေးဒုက္ခသည်တွေလို့ ဆိုရမယ့်အုပ်စုကတော့ ၂၀၀၇ စက်တင်ဘာ ရွှေဝါရောင်တော်လှန်ရေးအပြီးမှာပါ။

ဒါက ကျနော်တို့တိုင်းပြည်မှာ မတရားတဲ့ နိုင်ငံရေးစနစ်ကြောင့် ဒုက္ခရောက်ကြရတဲ့ နိုင်ငံရေးဒုက္ခသည်တွေ၊ မတရားတဲ့ အဓမ္မစစ်ကြောင့် ဒုက္ခရောက်ကြရတဲ့ စစ်ပြေးဒုက္ခသည်တွေ အကြောင်း သိသာရုံ အကြမ်းဖျင်း ပြောလိုက်တာပါ။

အဲဒီလို နိုင်ငံရေးကြောင့်၊ စစ်ကြောင့် ဒုက္ခရောက်ကြရတဲ့ ကျနော်တို့မြန်မာပြည်သူတွေ တစ်ဖက်နိုင်ငံရဲ့ဥပဒေအတိုင်း တရားဝင် ဖွင့်လှစ်ထားတဲ့ နယ်စပ်က ဒုက္ခသည်စခန်း အသီးသီးမှာ ၀င်ရောက် ခိုလှုံကြရတာပါပဲ။

သူများနိုင်ငံမှာ၊ ဆိုပါတော့ ဒုတိယနိုင်ငံမှာ ကျနော်တို့ ပြည်သူတွေရဲ့ ဘ၀ တစိတ်တဒေသတော့ နိုင်ငံရေးကြောင့် ခံစားရတဲ့ ပင်ပန်းဆင်းရဲတွေ၊ စစ်ကြောင့် ခံစားရတဲ့ ပင်ပန်းဆင်းရဲတွေ လုံးလုံး မဟုတ်တောင်မှ ခေတ္တယာယီ ဘ၀အမောပြေတယ် လို့ ယူဆရင်လည်း ယူဆပေါ့။ မပြေပါဘူး ဆိုရင်တော့လည်း မပြေဘူးပေါ့။

အဲဒီလို ဒုတိယနိုင်ငံကဒုက္ခသည်စခန်းတွေမှာ ဖြစ်သလို ခိုလှုံနေထိုင်ရင်း တတိယနိုင်ငံ အသီးသီးကို ပြောင်းရွှေ့ အခြေချဖို့အချိန်ကို နှစ်နဲ့ချီပြီး သည်းညည်းခံ စောင့်ဆိုင်းကြရတာပါ။ အချိန်တန်တော့လည်း သက်ဆိုင်ရာ တတိယနိုင်ငံတွေဆီကို ရောက်ရှိသွားကြတာပါပဲ။

တိုတိုပြောရရင် ကိုဒေါင်းရေ၊ အဲဒီလိုဒုက္ခသည်တွေက နိုင်ငံရေးကြောင့် ပြေးရင်းလွှားရင်း၊ စစ်ကြောင့် ပုန်းရင်းခိုရင်း၊ နိုင်ငံရေးကြောင့်၊ စစ်ကြောင့် တနေရာရာမှာ ခေတ္တယာယီ နေထိုင်ရင်း လူတို့ ဘာသာဘာဝအတိုင်း ယောက်ျားနဲ့မိန်းမ၊ တွေ့ဆုံကြ၊ ချစ်ကြိုက်ကြ၊ ထိမ်းမြားလက်ထပ် အိမ်ရာ ထူထောင်ကြတာပေါ့ဗျာ။ အဲဒီတော့နောက် မျိုးဆက်သစ် သားတွေ သမီးတွေလည်း ပွားစည်းလာတာပေါ့ဗျာ။

များသောအားဖြင့်တော့ အမေရိကန်လို တတိယနိုင်ငံအသီးသီးကို ရောက်ရှိလာတဲ့ ကလေးအများစုဟာ နယ်စပ်ကဒုက္ခသည်စခန်းတွေမှာ မွေးဖွားခဲ့ကြတဲ့ ကလေးတွေဖြစ်နေတာပါပဲ။ ဒုတိယနိုင်ငံမှာ မွေးလာတဲ့ ဒီကလေးတွေဟာ တတိယနိုင်ငံတွေမှာ ကြီးပြင်း အရွယ်ရောက်လာကြတာပါပဲ။ တချို့ကလေးတွေကတော့ အမေရိကန်လို တတိယနိုင်ငံမှာပဲ မွေးဖွားပြီး ဒီမှာပဲ ကြီးပြင်းလာကြရတာပါ။

ဆိုရရင် ဒုတိယနိုင်ငံမှာ မွေးလာတဲ့ ကလေးတွေကလည်း ဒုတိယနိုင်ငံမှာ၊ ဆိုလိုတာက ဒုက္ခသည်စခန်းမှာ မြန်မာစာ ကောင်းကောင်းမသင်ခဲ့ရပါဘူး။ ဒုက္ခသည်စခန်းမှာ ကျောင်းနေခဲ့ရပါတယ် ဆိုတဲ့ကလေးကလည်း ထိုင်းစာ၊ အင်္ဂလိပ်စာတို့က အဓိကပါ။ ကိုယ့်မြန်မာစာ ဆိုတာက သင်ရရင်လည်း သာမန်လောက်ပါပဲ။

ဒီကလေးတွေ တတိယနိုင်ငံကို ရောက်လာတော့ ဒီမှာ အင်္ဂလိပ်စာပဲ သင်ရတော့တယ်။ မြန်မာစာ မမြင်ရတော့ဘူး။ ပိုဆိုးတာက တတိယနိုင်ငံရောက်မှ မွေးဖွား ကြီးပြင်းလာတဲ့ကလေးတွေ အဖို့ မွေးလာကတည်းကိုက မြန်မာစာဆိုတာ သူတို့ မမြင်ဖူးတော့ဘူး။ မသိတော့ဘူး။

ဟိုတတလောက အင်ဒီယားနားပြည်နယ်၊ ဖို့တ်ဝိန်းမြို့မှာ မြန်မာ့ဒီမိုကရေစီ အင်အားစုတွေက ဒေါ်အောင်ဆန်းစုကြည် ကြိုဆိုဂုဏ်ပြုပွဲ လုပ်တယ်။ ပွဲမှာ မြန်မာကလေးငယ်တွေရဲ့ ဒေါ်အောင်ဆန်းစုကြည် ရေးတဲ့ ကဗျာတွေ၊ ဒေါ်အောင်ဆန်းစုကြည်ရဲ့ အတ္ထုပ္ပတ္တိတွေ ဖတ်ကြားတဲ့ အစီအစဉ် ပါပါတယ်။ အဲဒီမှာ ဘာဖြစ်သလဲ ဆိုတော့ ကလေးတော်တော်များများက ဒေါ်အောင်ဆန်းစုကြည် အင်္ဂလိပ်လိုရေးတဲ့ ကဗျာ၊ အင်္ဂလိပ်လိုရေးထားတဲ့ ဒေါ်အောင်ဆန်းစုကြည်ရဲ့ အတ္ထုပ္ပတ္တိကိုတော့ ကောင်းကောင်း ဖတ်နိုင်ကြပါတယ်။ ဒါပေမဲ့ ဒေါ်အောင်ဆန်းစုကြည် မြန်မာလို ရေးထားတဲ့ ကဗျာတွေကိုတော့ ဖတ်နိုင်တဲ့သူ မရှိဘူးဖြစ်နေတယ်။ တော်သေးတယ်။ ရန်ကုန်က ရောက်လာတာ မကြာသေးတဲ့ သားငယ် သမီးငယ် နှစ်ယောက်က ဒီကွက်လပ်ကို ကောင်းကောင်း ဖြည့်ပေးနိုင်ခဲ့ကြတယ်။

ကျနော်ပြောချင်တာ ရောက်ပြီ ကိုဒေါင်း။ ပြည်ပကို ရောက်နေကြတဲ့ မိသားစု အတော်များများ ရင်ဆိုင်နေရတဲ့ ပြဿနာက ကလေးတွေ မြန်မာစာမတတ်ကြတော့တာပဲ။ တချို့မြန်မာစကား အနည်းအကျဉ်း ပြောတတ်ကောင်း ပြောတတ်ကြမယ်။ များသောအားဖြင့်တော့ စကားလည်း မတတ်၊ စာလည်းမတတ် ဖြစ်နေတာပေါ့ဗျာ။

ဒါကို မိဘတွေက ကိုယ့်စာ ကိုယ့်စကား မျိုးကန်းသွားမှာ စိုးရိမ်ပြီး မြန်မာစာ မြန်မာစကားသင်တန်းလေးတွေ လက်လှမ်းမီရာ မီရာမှာ ဖွင့်လှစ် သင်ကြားပေးလာကြတယ်။ အင်မတန် သာဓုခေါ်စရာ ကောင်းတယ်။ လော့စ်အိန်ဂျယ်လိစ်က ဆိုရင် ဒေါက်တာလမင်းတရာတို့၊ စာရေးဆရာမ မိုးချိုသင်းတို့ရဲ့ မြန်မာကျောင်းကလေးဆိုရင် အတော့်ကို အောင်မြင် ထိရောက်တယ်လို့ ကြားရတယ်ဗျာ။

ဆန်ဖရန်စစ္စကိုမြို့ကြီးတ၀ိုက်မှာ ဆိုရင်လည်း မိဘတွေက သားသမီးတွေကို မြန်မာစာ သင်ပေးတဲ့ ဘုန်းတော်ကြီးကျောင်းတွေဆီကို လွှတ်နေပြီ။ ဒါ ကယ်လီဖိုးနီးယားဘက်က သတင်း။ တခြားပြည်နယ်တွေမှာလည်း အနည်းနဲ့အများတော့ မြန်မာကလေးတွေ မြန်မာစာမြန်မာစကား သင်နေကြပြီလို့ ထင်ပါတယ်။

အင်ဒီယားနား-ဖို့တ်ဝ်ိန်းမြို့မှာ ဆိုရင်လည်း ကဗျာဆရာ ဆောင်းယွန်းလတို့၊ ချမ်းမှိုင်းအောင်တို့ စီစဉ်တဲ့ နွေရာသီ မြန်မာစာမြန်မာစကား သင်တန်း။ ဒါ ကျနော် လက်လှမ်းမီသလောက်ဆိုပါတော့။ ၀ါရှင်တန်ဒီစီတို့၊ နယူးယောက်စီးတီးတို့ ဘက်မှာလည်း ကလေးတွေကို မြန်မာစာသင်ပေးတဲ့ လှုပ်ရှားမှုလေးတွေ ရှိနေမှာပါ။
ဒီနေရာမှာတော့ ကျနော်က ကိုယ့်ရင်သွေးတွေကို ကိုယ့်စာ ကိုယ့်စကား သင်ပေးရကောင်းမှန်း သိတဲ့ မိဘလုပ်သူတွေကို ချီးကျူးချင်ပါတယ်ဗျာ။
အားလုံးကို သတိရလျက်-

အောင်ဝေး
ဒီဇင်ဘာ ၂၁-၂၀၁၀။
[မူရင်း - လွတ်လပ်သည့် အာရှအသံ www.rfa.org/burmese ]