စပရင်းရာသီ ချမ်းစိမ့်စိမ့်
ကဒါဖီရဲ့ တင့်ကားပျက်ထဲ ပါသွားပြီ။
ခရုဇ်ဒုံးပျံတွေနဲ့ အတူ
နွေဦး ပေါက်ချလာတယ်။
စစ်ဆန့် ကျင်ရေးဆန္ဒပြဖို့ 
ပိုစတာကိုင် ထွက်လာတဲ့
အပျံစားကလေး။
လမ်းပေါ်မှာ …
လမ်းပေါ်မှာ …
လမ်းပေါ်မှာ …။
ဗြုန်းဆို
လက်ကျန် ရေခဲမိုးတစ်မ
သဲကြီးမဲကြီး ရွာအချ။
ငါ့ စိတ်ပေါ်
နှင်းမိုးတွေလား …
ဗုံးမိုးတွေလား …။ ။
အောင်ဝေး
မတ် ၂၁-၂၀၁၁ (ကမ္ဘာ့ကဗျာနေ့ )
.jpg)
3 comments:
တို့အထဲက တစ်ချို့အကောင်တွေဟာ
အပျိုရည်အမှေးပါးလို စုတ်လွယ်ပြဲလွယ်နဲ့ ဆိုတဲ့
ကဗျာနဲ့ ခေတ်ပေါ်ကဗျာလောကကို ဂယက်တွေရိုက်ခတ်စေတဲ့ ဆရာအောင်ဝေးရဲ့
ဂရုဏာ ကဗျာကို အမှတ်ရနေဆဲပါပဲ။
ကြာခဲ့ပြီဆိုပေမဲ့ ဒီကဗျာကို အလွတ်ရနေဆဲပါ။
ဂရုဏာ
လူးလွန့်လရောင် နာကျင်တွားသွား မြက်ခင်းစိမ်း
တစ်ချောင်းတစ်ရွတ်ဆွဲ မြေပြင်ပွတ်တိုက် မီးလျှံ
တစ်စက်တစ်စက်အံချ ၀ိညာဉ်အဖတ်အဖတ်
ကောင်းကင်လန့်အော်
လေညှင်းနားရွက်မခတ်ရဲ
ကြက်သေသေပုံ
ပင်လယ်ကို လက်နဲ့ဖိထားသလို
ရင်ဘတ်ကြီးတောင်ပြိုသံ တစ်ဝုန်းဝုန်းပေါ့
မြွေတစ်ကောင်အရေခွံလဲတဲ့ညမှာ
မိန်းမတစ်ယောက်ရဲ့ မျက်လုံးကို
ခတ်ခတ်ပြီး ယူနေတော့တယ်။ ။
အသစ်...အသစ်တွေ ဆာလောင်ငတ်မွတ်နေကြတဲ့
ပရိသတ်တွေကို အသစ်တွေ ပေးလှည့်ပါဦး။
ကဗျာနဲ့ပတ်သက်တဲ့ ဆောင်းပါးတွေဖတ်ချင်ပါတယ်။
အသံအကြောင်း၊ နိမိတ်ပုံအကြောင်း၊ ခေတ်ပေါ်အာရုံ
ခံစားမှု အကြောင်းတွေ ဝေငှပေးပါဦးဆရာရယ်။
အထူးသဖြင့် ခေတ်ပေါ်ကဗျာရဲ့ ဒသန ဟာ ကဗျာတစ်ပုဒ်ရဲ့ ဘယ်အစိတ်အပိုင်းမှာ ရှာဖွေတွေ့ရှိ
နိုင်မလဲ စတာတွေပေါ့။
ဆောင်းက ကဒါဖီရဲ့ တင့်ကားပျက်ထဲပါသွားရင်
ပါကိစ္စတန်ရဲ့သိက္ခာက
အိုစမာဘင်လာဒင်ရဲ့အလောင်းနဲ့အတူ
ပင်လယ်ထဲ မျောချခံရပြီပေါ့.....
Post a Comment