Saturday, November 28, 2015

ဒီေ န့  ကျေ နာ် အ မု န်း ဆုံး က မ အ လ ပဲ ဖြ စ် တ ယ် အေ မ



ဒီနေ့ ကျနော်အမုန်းဆုံးက မ အ လ ပဲဖြစ်တယ်။
မ အ လ ရေ
မ အ လ။
မ ဆ လ သေသွားပြီ
မ ဆ လ အနွယ်တွေလည်းသွားရှာပေါ့ ။
န အ ဖ သေသွားပြီ
န အ ဖ အနွယ်တွေလည်းသွားရှာပေါ့ ။
ဒီနေ့ ကျနော်အမုန်းဆုံးက မ အ လ ပဲဖြစ်တယ်။
မ အ လ ရေ
မ အ လ။
ခင်ညွန့် မသေသေးဘူး
ခင်ညွန့် ဝင်စားတွေပေါ်နေပြီ။
၁/၉၀ မမေ့သေးဘူး
၁/၂၀၁၆ တွေကြံစည်နေပြီ။
ဒီနေ့ ကျနော်အမုန်းဆုံးက မ အ လ ပဲဖြစ်တယ်။
မ အ လ ရေ
မ အ လ။
လောက်ကိုင်မှာ
မျောက်မှိုင်မှိုင်တာအရေးမကြီးဘူး။
ရွေးကောက်ပွဲ
ခွေးခလောက်ဆွဲသလိုမလုပ်နဲ့ ။
ဒီနေ့ ကျနော်အမုန်းဆုံးက မ အ လ ပဲဖြစ်တယ်။
မ အ လ ရေ
မ အ လ။
ပျော်ရွှင်မှုတွေ
ဒေါ်ကျင်ပုဆီမရောက်သေးဘူး။
ရွေးကောက်ပွဲ
ခွေးခလောက်ဆွဲသလိုမလုပ်နဲ့ ။
ဒီနေ့ ကျနော်အမုန်းဆုံးက မ အ လ ပဲဖြစ်တယ်။
မ အ လ ရေ
မ အ လ။
စစ်ပွဲတွေရပ်
စစ်ပွဲတွေရပ်။
စစ်ပွဲတွေရပ်
စစ်ပွဲတွေရပ်။
ဒီနေ့ ကျနော်အမုန်းဆုံးက မ အ လ ပဲဖြစ်တယ်။
မ အ လ ရေ
မ အ လ။
မ အ လ တွေ ကျဆုံးပါစေ။
မ အ လ ရေ
မ အ လ။
မ အ လ တွေ ကျဆုံးပါစေ။
ဒီနေ့ ကျနော်အမုန်းဆုံးက မ အ လ ပဲဖြစ်တယ်။
ဒီနေ့ ကျနော်အမုန်းချင်ဆုံးကလည်း မ အ လ ပဲဖြစ်တယ်အမေ။ ။

( လူ ထူ အေ မ နှ စ် တ စ် ရာ ပြ ည့်ေ မွးေ န့  သို့  )

 အမေ့သား
ေ အာ င်ေ ၀း
နိုဝင်ဘာ ၂၇၊ ၂၀၁၅။

Wednesday, November 18, 2015

အ သ ည်း ကွဲ သူ ပု န် ကြီး





ဟုတ်တယ် ကိုပေါက်
ခင်ဗျားဟာ
တကယ့်ကို အသည်းကွဲသူပုန်ကြီးပါ။

ခုတော့
အသည်းကွဲသူပုန်ကြီးက
ကျနော်တို့ ကို ထားခဲ့ပြီပေါ့ ။

မကြည်ရေ
ရောင်နီမလာခင်
အမှောင်ကို သူ ထွန်းညှိခဲ့ပေါ့ ။

ဖြူဖွေးရေ
လက်နက်ကိုင်တဲ့လက်က
ကဗျာကို သူ ရေးခဲ့ပေါ့ ။

ခုတော့
အသည်းကွဲသူပုန်ကြီးရေ
သွားပေဦးတော့။

ဘိုကလေးမြို့ ကလေးရေ
အသည်းကွဲ သူပုန်တစ်ယောက်
လက်နက်ကိုင် ကဗျာဆရာတစ်ယောက်ရဲ
ဝိညာဉ်ကို
ဝမ်းမြောက်ဝမ်းသာ ယူငင်ထားလိုက်ပါတော့။

(ကျောင်းသားတပ်မတော်ရဲ့ ဂုဏ်ထူးဆောင်ကဗျာဆရာ
က ပု လဲ သို … )
  

နိုဝင်ဘာ ၁၈၂၀၁၅။

Friday, November 6, 2015

အ လွ တ် တ ည် က န်ေ ဘာ များ



(၁၀)

ဓားနဲ့ ခုတ်လို့ 
တုတ်နဲ့ ခံမရိုက်နဲ့ 
သေနတ်နဲ့ ပြန်ပစ်။

သေနတ်တွေ
နံရံချိတ်တဲ့
"ချက်ကော့ဗ်"ခေတ်ကုန်ပြီ။ ။

(၁၁)

ပွဲပြီးဖို့ ၁၅ စက္ကန့် အလို။
ပရိသတ်က ငြိမ်လို့ ။

(ဒိုင်ကတော့ မရိုးမရွနဲ့ )

ဖရီးကစ်ကန်မယ့်သူက
ဂိုးပေါက်ကို မကြည့်ဘဲ
ပွဲကြည့်စင်ပေါ် မော့ကြည့်လိုက်တယ်။

ဝေါခနဲ
မျက်လုံးတွေ
ဝိုင်းကန်ထည့်လိုက်တာ
ဘောလုံးက
ခြင်္သေ့ပေါင်ကြားက ၀င်သွားရော။

ခရာမှုတ်သံမဆုံးသေးဘူး
တစ်ကွင်းလုံး
ကြယ်တွေဖွေးလို့ ။ ။

ေ အာ င်ေ ၀း (မြန်မာနိုင်ငံကဗျာဆရာ)

Tuesday, October 27, 2015

အ လွ တ် တ ည် က န်ေ ဘာ များ ( ၉ )




အောင်မှိုင်းဆန်း။
ခံရတဲ့ဘက်ကချည်း
အမြဲနေတယ်။
အဖိနှိပ်ခံရတယ်
အစော်ကားခံရတယ်။
အမေ့ခံရတယ်
အထင်သေးခံရတယ်။
အကြမ်းဖက်ခံရတယ်
အဖမ်းခံရတယ်။
အခု
အစာငတ်ခံနေတယ်။
မနက်ဖြန်
အောင်ပွဲခံဖို့ လိုတယ်။
ရန်သူကို ခုခံဖို့ 
ခံပင် က
ဆူးကို အမြဲ ချွန်ထားတယ်။
ခါငှက်က
ခံရတဲ့ဘက်က
အမြဲကူပြီး တွန်ပေးတယ်။
အောင်မှိုင်းဆန်း။ ။

ေ အာ င်ေ ၀း

(မြန်မာနိုင်ငံကဗျာဆရာ)

Tuesday, October 13, 2015

အ လွ တ် တ ည် က န်ေ ဘာ များ - ၇ နဲ့ ၈





(၇)

နှင်းမိုးတွေ ရွာတဲ့နေ့ က
ကျော်သူ ဖုန်းဆက်တယ်။

နယူးယောက်မြို့ ကြီးကနေ
ကျော်သူ ဖုန်းဆက်တယ်။

ဦးဝင်းတင်အုတ်ဂူကနေ
ကျော်သူ ဖုန်းဆက်တယ်။

ရွှေဝါရောင်တော်လှန်ရေးကနေ
ကျော်သူဖုန်းဆက်တယ်။

တာရာမင်းဝေအုတ်ဂူကနေ
ကျော်သူ ဖုန်းဆက်တယ်။

အမျိုးသားရုပ်ရှင်ခြံကနေ
ကျော်သူ ဖုန်းဆက်တယ်။

နှင်းမိုးတွေ ရွာတဲ့နေ့ 
နယူးယောက်မြို့ ကြီးကနေ
ကျော်သူ ဖုန်းဆက်တော့
အိပ်မက်ဟာ
မစ်ရှီဂန်မဲဇာမှာ
နိုးထလာတယ်။

ညီလေးရေ-
တို့ တွေ မိုင်ချီ ဝေးကွာနေလည်း
တို့ တွေ တရားအတူ ခိုင်ကျည်နေဆဲ။

ညီလေးရေ-
တရားကို စောင့်ပါ။

တရားစောင့်ရင်
မြားဖြောင့်လာမယ်။

မြားဖြောင့်ရင်
ကျားကြောင့်၊ ခြင်္သေ့ကြောင့်
စိုးနှောင့်စရာ ဘာမှမရှိ။ ။


( ၈ )

ရဲဘော်ယုန်ကို
မုန်လာဥဂိုထောင် စောင့်ခိုင်းတဲ့အဖြစ်။

ငါလည်း စာမတတ်
ငါ့ ယောက်ဖ ငညိုပြောတာလည်း
ငါမယုံ ဆိုတဲ့အဖြစ်။

ရွေးကောက်ပွဲနိုင်ရုံနဲ့ 
ရန်ကုန်မရောက်သေးတဲ့အဖြစ်။

"ယုံကြည်ချက်တွေ၊ မျှော်လင့်ချက်တွေ
ဝယ်တယ်၊ ပဲလှော်နဲ့ လဲတယ်" ဆိုတဲ့အဖြစ်။

"ဒီလိုအဖြစ်မျိုးထဲမှာ
ချစ်ကျိုးနည်းရမှာလား" တဲ့
ချိုပြုံးသီချင်းလေး လှတယ်။

တကယ်တော့
စစ်တပ်က
အာဏာရှင်စနစ်ကို မွေးခဲ့တာမဟုတ်။
အာဏာရှင်စနစ်ကသာ
စစ်တပ်ကို မွေးလိုက်တာ။

နောက်တော့
စစ်အာဏာရှင်စနစ်ဖြစ်သွားရော မဟုတ်လား ကြွက်။

နေ၀င်းသေသွားလည်း
ကျော်ငြိမ်းခွဲခဲ့တဲ့ အသည်းက
အခုထိ ကွဲကောင်းတုန်း။ ။

(သိမ်းတင်သား သို့ )

ေ အာ င်ေ ၀း
(မြန်မာနိုင်ငံကဗျာဆရာ)

Friday, October 2, 2015

အ လွ တ် တ ည် က န်ေ ဘာ များ (၅) ( ၆ )




(၅)

ဆရာမသေခင်
ငြိမ်ချမ်းရေးရတာမြင်သွားချင်တယ်
မှိုင်းတဖွဖွမှာ။

တပ်ပေါင်းစုဖွဲ့ ကြပါ
တပ်ပေါင်းစုဖွဲ့ ကြပါ
ဆရာတာရာ တဖွဖွမှာ။

ခက်တယ် မမခင်ဦးစံပယ်ရယ်
မဟာမိတ်ပြုတာကိုပဲ
မဲလုတယ်ထင်လိုထင်။

လက်မှတ်ထိုးတဲ့စာရွက်ပေါ်က
ငြိမ်းချမ်းရေး ကျလာမယ်ထင်လိုထင်။

ယှဉ်လိုက်ရင်တော့
ခြင်္သေ့တွေ
ဒေါ်အောင်ဆန်းစုကြည် ခြေဖျားမမီဘူး။

ကျနော်တော့
အောင်မင်းနဲ့ 
တစ်ကောင်ချင်း ချလိုက်ချင်တာပါပဲ။ ။
(ဒေါ်ဝင့်ဝါထွန်းသို့ )

(၆)

"သံကြိုးကွင်းတစ်ခုရဲ့ အားဟာ
အပါးဆုံးသံကွင်းမှာတည်တယ်"
(သင်္ချာရူပဗေဒအဆို)

ရွေးကောက်ပွဲဟာ
စစ်အာဏာရှင်တွေရဲ့ 
အပါးဆုံးသံကွင်းပဲ။

ဒီသံကွင်းကိုဖြတ်ကြ။

အောင်ဆန်းစိတ်ဓာတ်နဲ့ ဖြတ်
ခွပ်ဒေါင်းစိတ်ဓာတ်နဲ့ ဖြတ်
ပင်လုံစိတ်ဓာတ်နဲ့ ဖြတ်။

ဘယ်လိုဖြတ်ဖြတ်
ပြတ်ဖို့ အဓိက။

ဆဲဗင်းဂျူလိုင်စိတ်ဓာတ်နဲ့ ဖြတ်
ရှစ်လေးလုံးစိတ်ဓာတ်နဲ့ ဖြတ်
ရွှေဝါရောင်စိတ်ဓာတ်နဲ့ ဖြတ်။

ဘယ်လိုဖြတ်ဖြတ်
ပြတ်ရင်ပြီးပြီ ကိုမြတ်ခိုင်။ ။

Wednesday, September 16, 2015

အေ ၀း တ ည် က န်ေ ဘာ များ ( ၃ နဲ့ ၄ )


( ၃ )
ရွေးကောက်ပွဲဝင်ဖို့ 
ပါတီထောင်မယ်
၂၀၂၀။
နာယက နှစ်ဦးထားမယ်
မဟတ္တမဂန္ဒီ နဲ့ 
ချေဂွေဗားရား။

ဥက္ကဋ္ဌက
ငုယင်ဗန်ထရွိုင်း
အထွေထွေအတွင်းရေးမှူးက
ဂျိမ်းဖွန်ဒါ။

ကိုယ်က
သာမန်ပါတီဝင်လေးပေါ့ ။

ရွေးကောက်ပွဲနိုင်လို့ 
အစိုးရဖွဲ့ ရင်တော့
ကျနော် သမ္မတ လုပ်မှာနော့။ ။
(၄)
“ချုပ်နေ့ ကျူးက
ရူးမူးတုန်လဲ့၊ ကိုးရာမဲ့ဟု
ကျီးကဲ့သို့ လျှင်၊ မတွေးချင်။

ခင်ပုပ်လည်း ငှက်
ညဉ့် လည်း နက်
ထွက်၍တိုက်ခိုက်သည်တကား”
(ေ မာ င် သာ ရ )

ဘ၀တွေက
စုပ်စုပ်ချုပ်လို့ 
စုံးစုံးမြုပ်ပြီ။
ခင်ပုပ်ငှက်မဟုတ်လို့ 
ထွက်မတိုက်ကြတာလား။

ညဉ့် မနက်သေးလို့ 
ထွက်မတိုက်ကြတာလား။

ဤလိုပုံနှင့်
မိုးကြီးချုပ်လျှင်
ကျွန်ုပ်အိမ်ပြန်ရောက်မည်
မဟုတ်ပါ။ ။

Tuesday, August 25, 2015

အေ ၀း တ ည် က န်ေ ဘာ များ

 
 

( ၁ )
မုန့် ပျားသလက်ကို
မပူသည့် အပိုင်း
ပါးသည့် အပိုင်းမှ
တဖြည်းဖြည်းဖဲ့၍စားသကဲ့သို့ ။
ရန်သူကိုလည်း ဖဲ့ရာ၏။
မဟာမိတ်ကိုလည်း ဖွဲ့ ရာ၏။ ။
(၂)
တစ်ခါတစ်ခါ
ဒေါ်အောင်ဆန်းစုကြည်ကို
ချစ်ရတာလည်း
မေရီအင်တွိုင်းနက် နဲ့ 
ချစ်ရသလိုပါပဲ။
မရှိမဲ့ ရှိမဲ့
ကိတ်မုန့် ကလေး

ခြင်္သေ့ ချီသွားပြီ။ ။

Saturday, August 8, 2015

ဝ င်းေ မာ် ဦး သို့ေ ရွှ ၀ါေ ရာ င် တ မ်း ချ င်း - အ ပို င်း ( ၃ )


 
(၃)
ဘာ့ကြောင့် ၀င်းမော်ဦးလဲ
ဘာ့ကြောင့် ရွှေဝါရောင်လဲ။

ငြိမ်းချမ်းရေး…တဲ့
မရှိတော့ဘူး။

အမေလူထုဒေါ်အမာ
မရှိတော့ဘူး။

ဆရာဒဂုန်တာရာ
မရှိတော့ဘူး။

သမီးရေ…
ဝင်းမော်ဦးရေ…
မရှိတော့ဘူး။

ရွှေဝါရောင်ရေ…
စက်တင်ဘာရေ…
မရှိတော့ဘူး။

အရာရာဟာ
ဆုံးပါး
မှုန်ဝါး။

ရွှေတိဂုံကိုမြင်ရင်
နာကျင်တယ်။

၂၀၀၇
စက်တင်ဘာကောင်းကင်အောက်က
ခွပ်ဒေါင်းအလံနှစ်လက်
၂၀၁၃
ဒဂုန်တာရာဈာပနမှာပြန်တွေ့ တယ်။

၁၉၈၈
စက်တင်ဘာ ၁၉
ကျဆုံးသွားတဲ့ကျောင်းသူအရိုး
ရန်သူကိုထိုးမယ်။

မမေ့နိုင်ဘူး
ခွင့်မလွှတ်နိုင်ဘူး
(ဒါပေမဲ့)
လက်စားမချေပါဘူး။

အရှုံးမပေးဘူး
လက်နက်မချဘူး
(ဒါပေမဲ့)
လက်စားမချေပါဘူး။

ငါတို့ သမိုင်း
ငါတို့ လွတ်လွတ်လပ်လပ်လွမ်းပရစေ။

ငါတို့  မျက်ရည်
ငါတို့ လွတ်လွတ်လပ်လပ်သုတ်ပရစေ။

ငါတို့ နာကြည်းမှု
ငါတို့ လွတ်လွတ်လပ်လပ်ထုဆစ်ပရစေ။

ရွှေဝါရောင်ရေ…
မအောင်မြင်သေးတဲ့
အတိတ်ကိုတွေးပါ။

သစ်တောကြီးတစ်ခုလုံးကို
တွေးပါ။

DAY 1 ကိုပဲတွေးပါ
DAY 2 တွေ
DAY 3 တွေ ခုမတွေးပါနဲ့ ။

အမျိုးသားပြန်လည်သင့်မြတ်ရေး
ဖက်ဒရယ်ပြည်ထောင်စု
ဒါတွေ လူကြားလို့ တော့ကောင်းပါရဲ့ ။

ခုတော့
DAY 1 ကိုပဲတွေးပါ
တစ်ပင်ချင်းကိစ္စတွေ
နောင်ဖြစ်လာမယ်။

သူရဲကောင်းသွေး
မတိတ်သေးဘူး။

သူရဲကောင်းတေး
မဆိတ်သေးဘူး။

စက်တင်ဘာရေ…
နှင်းဆီပွင့်ပေါ်အိပ်ပျော်ပါတော့။

ကြေကွဲမိပါရဲ့ 
သို့ ပေတဲ့
ကွဲကြေတဲ့နှလုံးသားက
ရဲရင့်လိုက်ပါရဲ့ ။

တင့်ကားအစင်းစင်းကတော့
နှင်းဆီခင်းကို
ဖြတ်နင်းဖို့ လာနေကြပြီ။

ဘယ်သူတွေ
အလံဖြူ ဝှေ့ ယမ်းပြနေသလဲ။

ခင်ဗျားတို့ အားလုံး
နောက်ဆုတ်ပေးလိုက်ကြပါ
ဒီမှာ
ဝင်းမော်ဦးလာနေတယ်။

ဒီတစ်ခါ
ရွှေဝါရောင်တပ်ဦးထိပ်
ခွပ်ဒေါင်းအလံ ပြန်ချိတ်တဲ့နေ့ ။

လေးကိုင်းကိုကွေးတင်၍
လေးညှို့ကို ငင်ပြီးပြီ
မြားဦးမှာ မရပ်ချင်ပါနဲ့ အရှင်။      ။

(ပြီးပါပြီ)


ဝ င်းေ မာ် ဦး သို့ေ ရွှ ၀ါေ ရာ င် တ မ်း ချ င်း - အ ပို  င်း ( ၁ )
ဝ င်းေ မာ် ဦး သို့ေ ရွှ ၀ါေ ရာ င် တ မ်း ချ င်း - အ ပို  င်း ( ၂ ) 

Thursday, July 23, 2015

မ ဟာ ဇူ လို င် ( ၂ ၃ )


 ( ၆ ၁ ) နှ စ် ပြ ည့်ေ မွးေ န့  မှာေ ရး ဖြ စ် တဲ့ က ဗျာ ။



  (အုန်း)
ခြောက်ဆယ့်တစ်ကို
အမြောက်နဲ့ ပစ်သဗျ။
(ဒုန်း)
အာဏာရှင်အလိုကျ
ဘ၀တွေ
လွန်ပါစေ။
 (ဗုန်း)
ေ အာ င်ေ ၀း ။

Saturday, July 4, 2015

ေ ဈး ကွ က်


ယန်းကီးတွေလွတ်လပ်ရေးရတဲ့နေ့ မှာ
၃၃ လမ်းထဲ ၀ံပုလွေတစ်ကောင်ဝင်လာတယ်
ပရေရီဆိုတဲ့မြက်ခင်းကပေါ့ ။
စိတ်ကူးစိတ်သန်းတွေ ဟနွိုင်းမြို့ ကြီးအပြည့်
လှမ်းလာပုံက ကောင်းကင်ပိုင်ခြင်္သေ့
သိမ်သိမ်မွေ့ မွေ့ ကြွချီတော်မူပုံမျိုး။
ယန်းကီးတွေလွတ်လပ်ရေးရတဲ့နေ့ က
ဝံပုလွေတစ်ကောင် ၃၃ လမ်းထဲဝင်လာပြီး
ဟိုချီမင်းမြို့ ကြီး စီးပွားရေးတွေးဟန်နဲ့ 
သံခင်းတမန်ခင်းအစပ်မှာရပ်တယ်။
ပြီး၊ ဂျိန်းဖွန်ဒါ ဘီကီနီချွတ် ပုံချလိုက်သလို
လှစ်ခနဲ ပစ်ဝင်ချေတယ် 
အဲဒါ လေထန်ကုန်းဆိုတဲ့ ကဖေးလေ။
မျက်လုံးတွေ ပန်းပွင့်ကုန်ကြတယ်
နှုတ်ခမ်းပေါ်က တိုးလိုးတန်းလန်းမိုးတိမ်တွေ
ဗီယက်နမ်ကမ်းခြေကိုရွှေ့ သွားကြပြီ။
အူသံ အူသံ အူသံ။
အမှန်တရားက သိပ်နောက်ကျသွားခဲ့ပြီ
မက်နာမားရား။
ဝေဖန်ရေးတစ်ခုဝါးရင်း ၀ံပုလွေစဉ်းစားတယ်
မဲခေါင်ဆိုတဲ့ ရေဆန်။
သိုးတွေက ကဗျာမစပ်ကြဘူး
နစ်ကဆင်က ဂုဏ်သိက္ခာအတွက်
ရှုံးနေတဲ့စစ်ကြီးကို ရပ်ပစ်တယ်
မဲခေါင်ဆိုတဲ့ ရေဆန်။
အလို- မောင်သင်းခိုင်
အောင်ဝေး၊ မောင်ညီညွတ်
ယန်းကီးတွေ လွတ်လပ်တဲ့နေ့ ကို မေ့လို့ ပါလား။
မာယာကော့ဖ်စကီးမွေးနေ့ ကိုတော့
သူတို့ မမေ့
ခုနစ်ရက်၊ ခုနစ်လ၊ တစ်ထောင့်ရှစ်ရာကိုးဆယ့်သုံး
(၇- ၇- ၁၈၉၃)။
ဝုန်းဆို ၀ံပုလွေထခုန်တယ်
လက်ဖက်ရည်တစ်ခွက် နှစ်ဆယ်
ဘယ်လိုအဖြစ်ကြီးလဲဗျာ တဲ့။
အူသံ အူသံ အူသံ။
ဝံပုလွေအတွေးနဲ့ 
လေထန်ကုန်းကဖေးထဲထိုင်နေတုန်း
ဗြုန်းဆို၊ မောင်ခိုင်မာကြီး ရောက်လာတယ်
ကင်မရာတစ်လုံးနဲ့ ။
အို- ငါ့ ရဲ့ ကာမုပါဒါန်ကိုများ လာပြီး
"ရာစုကာရန်ကဖေးတေးရီးယား" လို့ 
"ပရိုဖိုင်း" နေမှဖြင့်
တော်နေကြာ စိုထိုင်းထိုင်းဖလင်ထဲ
ဟင်- ၀ံပုလွေတစ်ကောင်ပါနေပါလားလို့ 
အယ်ဒီတာမင်းများ ငြိုငြင်ချေရော့မယ်
ကိုင်း- ငါသွားတာကောင်းတယ်
ဆိုပြီး
လပ်ကီးစထရွိုက် ကိုယ်စားလှယ်
ထွက်သွားတယ်
ယန်းကီးတွေ လွတ်လပ်ရေးရတဲ့နေ့ မှာပေါ့ ။ ။
ေ အာ င်ေ ၀း

(ဒီလှိုင်းမဂ္ဂဇင်း၊ အမှတ်- ၅၊ ၁၉၉၆)

ဒီ ကေ န့  အေ မ ရိ က န် လွ တ် လ ပ်ေ ရးေ န့  အ မှ တ် တ ရ ၊
ဘ ၀ေ ဟာ င်း က က ဗျာေ ဟာ င်း တ စ် ပု ဒ် ပြ န် တ င် လို က် ပါ တ ယ် ။

HAPPY FOURTH jULY

Monday, June 15, 2015

န ရ သိ န် လေ ရာ င် ( သို့ မ ဟု တ် )ေ မာ င်ေ လးေ အာ င် တ မ်း ချ င်း

 
“ငါဟာ
လမင်းကို မမြင်ရတာ
အနှစ် သုံးဆယ် ကြာပြီ”
ဒါက လူရွှန်းရေးခဲ့တာပါ။ A MAD MAN’S DIARY စာအုပ်ထဲမှာလို့ ထင်ပါသည်။ ကျနော့်ဘ၀မှာလည်း လမင်းနှင့်လရောင်ကို မမြင်ခဲ့ရသည့် နေ့ တွေ၊ လတွေ၊ ရက်တွေ တရှည်တလျားရှိခဲ့ဖူးပါသည်။

ကဗျာဆရာမောင်အောင်ပွင့်၏ ကဗျာတစ်ပုဒ်ရှိသည်။ ထို ကဗျာကို ကျနော် ယခုအချိန်အထိ စွဲလမ်း မှတ်မိနေသည်။ သူ၏ကဗျာမှာ ဤသို့ ။

ရင်ပူည
လမင်းကို
ပွေ့ ဖက်ချင်ဇောနဲ့ 
ကဗျာဆရာကြီး ပိုးအိ တော့
မြစ်ဝါမြစ်မှာ ရေနစ်သေခဲ့ဖူးပြီ။
ဟောဒီ မောင်အောင်ပွင့်ဟာ
စက္ကူသားလိုပျားချပ် ပျော့ဖတ်သွားရင်တောင်
လသာသာမှာ ဖြန့် ခင်း
ဘောလုံးလို ပြည့်တင်းနေအောင်
လရောင်ကို စုထုပ်
ပီဘိ မှောင်ကြီးကျနေတဲ့ ပုရွက်ဆိတ်တွင်းတွေထဲ
လရောင်ကို ကဲ့ကဲ့ ထည့်ထည့်ပေးချင်တယ်။
ရွှေလည်တိုင်ကျော့ကျော့ ရွှေမျက်နှာခပ်မော့မော့
ရွှေရောင်ဆမ်းထားတော့
နမ်းဖို့  မှင်တက်မိ ညခင်းတွေ
လမင်းလေ လမင်းသိမှာပါ။
ချစ်သူပါးနှစ်ဖက် နံ့ သာလ နှစ်မင်း
သာခြင်းရှိမှ ရှိပါလေစ
သတင်းမကြားရ မသိရ။
အခန်းရှေ့ မြေတလင်းပေါ်
သောက်ရေ တစ်အိုးလုံးသွန်ချ
လကို ငုံ့ ကြည့်ရင်း ငုံ့ ကြည့်ရင်း
မှိန်
မှိန်ရာကပျောက်
သောက်ရေ နဲ့  လ
ပျောက်လေတဲ့ ည။   ။
(၂၂ - ၁၀ - ၁၉၉၀)

ထိုကဗျာကို ကျနော်ဘာကြောင့်ကြိုက်သလဲဟုမေးလာလျှင်၊ အဖြစ်ချင်းတူလို့ ဟု ကျနော်ဖြေပါမည်။ ဘယ်လို အဖြစ်ချင်းတူတာလဲ။

မောင်အောင်ပွင့်နှင့် ကျနော်၊ ကဗျာမှာတော့ ခေတ်ပြိုင်ဟု မဆိုထိုက်။ သို့ သော် …။ နိုင်ငံရေးမှာတော့
ခေတ်ပြိုင်တွေဖြစ်သည်။ ကဗျာမှာ သူက ခေတ်ပြိုင်အရင့်။ ကျနော်က ခေတ်ပြိုင်အနုဟု ပြောနိုင်သည်။ (သူက ၁၉၆၈ မှာ ကဗျာဆရာဖြစ်နေပြီ။ ကျနော်က ၁၉၈၂ ကျမှ ကဗျာဆရာအဖြစ်ကိုရတာ)

နိုင်ငံရေးခေတ်ပြိုင်ဆိုတာကတော့၊ မောင်အောင်ပွင့်ရော ကျနော်ပါ၊ မ ဆ လ စစ်အာဏာရှင်စနစ်ကို
ဆန့် ကျင်တိုက်ခိုက်နေကြသည့် ပြည်သူ့ ဒီမိုကရေစိတော်လှန်ရေးအင်အားစုတွေထဲက၊ အတောင်ပံတူတဲ့ငှက် တွေဖြစ်ကြသည်။
မောင်အောင်ပွင့်၏ “ရင်ပူည” ကဗျာကို ပြန်ပြန်ဖတ်လျှင်၊ ကျနော်က နရသိန်အကျဉ်းထောင်ထဲက
လမင်းကိုမမြင်ရသော ကြိုးတိုက်ထဲက ညညတွေကို ပြန်ပြန်သတိရမိသွားခြင်းဖြစ်သည်။

“အခန်းရှေ့မြေတလင်းပေါ်
သောက်ရေ တစ်အိုးလုံးသွန်ချ
လကို ငုံ့ ကြည့်ရင်း ငုံ့ ကြည့်ရင်း”

အဲဒါ၊ ဘယ်အကျဉ်းထောင် ဘယ်ကြိုးတိုက်ထဲမှာဖြစ်ဖြစ် နေခဲ့ဖူးတဲ့သူတွေ ခံစားနားလည်နိုင်ကြမည်။
ကျနော်က လရောင်မျှားတာလို့ တင်စားမိဖူးသည်။

နရသိန်ည။ လသာတဲ့ညတချို့ မှာ၊ လပြည့်လိုညမျိုး၊ မိုးလေကင်းစင်လို့ ၊ တိမ်တစ်မျှင်တစ်စ မရှိဘူးဆို
ရင်၊ လရောင်က ကြိုးတိုက် ရင်ကွဲတံခါးအစပ်ကို မသိမသာ လာလာထိနမ်း ဟပ်တတ်သည်။ အဲဒီနေရာဆီ၊
ကြိုးတိုက်အခန်း သံတံခါးအပြင်ဘက်၊ လှေကားအုတ်ခုံမှာထားတဲ့ သောက်ရေအိုးထဲက ရေကို ခွက်နဲ့ ခပ်ပြီး လှမ်းပက်လိုက်ရင်၊ ကံကောင်းရင် အဲဒီရေအိုင်ကွက်ကွက်ကလေးထဲမှာ ကောင်းကင်ပေါ်ကလပြည့်ဝန်းကကိုယ့်ကို ပြုံးပြုံးကြီးနဲ့ ကြည့်လို့ မြှူဆွယ်နေတာ မြင်ရပါလိမ့်မည်။ ကံကောင်းရင်ပေါ့ ။

မောင်အောင်ပွင့်ကတော့ သောက်ရေ တစ်အိုးလုံး သွန်ချပစ်လိုက်တယ်တဲ့။

ကျနော့်ဘ၀မှာ “ကဗျာဆရာမောင်လေးအောင်” ဆိုတာ၊ အဲဒီလို အကျဉ်းထောင်ထဲမှာ တမ်းတလွမ်း
ဆွတ်ရသည့် ရှားရှားပါးပါး လရောင်လိုမျိုပါပဲ။ မောင်လေးအောင်လရောင်။

မောင်အောင်ပွင့်နှင့် မောင်လေးအောင်။ သူတို့ တွေက ကဗျာဆရာခေတ်ပြိုင် စစ်စစ်ကြီးတွေဖြစ်ကြ
သည်။ သူတို့ ရဲ့”၁၉၇၀ မိုးဝေကဗျာခေတ်” ကို ကျနော်က၊ ပုသိမ်မြို့၊ အ ထ က (၃)က ကဗျာဝါသနာပါတဲ့
ကိုးတန်းကျောင်းသားကလေးတစ်ယောက်အဖြစ်ကနေ ထိတွေ့ လေ့လာ အားကျခဲ့ရတာဖြစ်သည်။
မောင်လေးအောင်၊ ဖော်ဝေး၊ မောင်သင်းခိုင်၊ မောင်သွေးသစ်၊ မောင်လူမှိန်၊ အောင်ချိမ့်၊ မောင်ချော
နွယ်၊ မောင်စိမ်းနီ၊ သစ္စာနီ … စသည်စသည်။ မိုးဝေကဗျာနှင့် ဗီယက်နမ်စစ်ဆန့် ကျင်ရေး၊ တတိယကမ္ဘာစစ် တားဆီးရေး၊ ပြည်တွင်းငြိမ်းချမ်းရေး။ ဒီတုန်းက မိုးဝေကဗျာသည် ခေတ်ပြိုင်မြန်မာကဗျာ၏ အဓိကပင်မရေစီး။ အယ်ဒီတာ- နတ်နွယ်။ ကဗျာအယ်ဒီတာ- မောင်လေးအောင်၊ မောင်သင်းခိုင်။

ဒီတုန်းက ကျနော်က ဆယ်တန်းပင် မအောင်သေး။ အထက်တန်းကျောင်းသားကြီးတွေပေါ့ ၊ စာပေ
ဝါသနာတူသူ သူငယ်ချင်းတွေနဲ့  ဖယောင်းလက်ရေး စာကူးစက်ကဗျာစာအုပ်ကလေးတွေထုတ်သည်။ ကျောင်းမှာ “မြကျွန်းညို” နံရံကပ်စာစောင်လုပ်သည်။ (ကျနော်တို့ ထ- ၃၊ ပုသိမ်မှာ ဧရာမကျွန်းပင်ကြီးတစ်ပင်ရှိသည်)

နေမျိုးဇော်၊ တင်အောင်သန်း၊ သန့် စင်နှင့်ကျနော်။ အထူးတက်ကြွသော စာပေ၀ါသနာရှင်ကလေးများ။

နေမျိုးဇော်က ကဗျာလည်းရေး၊ ပန်းချီလည်းဆွဲသည်။ တင်အောင်သန်းက စာအုပ်စုသမား။ သူ့ ဆီမှာ မိုးဝေမဂ္ဂဇင်းတွေစုထားတာ အထပ်လိုက်ရှိသည်။ သန့် စင်ကတော့ အချိန်ပိုင်းကဗျာပိုးဝင်သူဖြစ်သည်။
ကျနော်တို့ တွေ ကိုးတန်း၊ ဆယ်တန်း ကျောင်းသားဘ၀မှာ စာတွေအတူဖတ်ခဲ့ကြသည်။ ကဗျာတွေ
အတူစပ်ခဲ့ကြသည်။ သခင်ကိုယ်တော်မှိုင်းကို အတူဖတ်ခဲ့ကြသည်။ ဒဂုန်တာရာကို အတူဖတ်ခဲ့ကြသည်။ 
ဗန်းမော်တင်အောင်၊ ကြည်အေး၊ မြသန်းတင့် အတူဖတ်ခဲ့ကြ။ လူထုဒေါ်အမာ၊ သိန်းဖေမြင့်၊ ပါရဂူ အတူဖတ်ခဲ့ကြ။ မိုးဝေနဲ့ ရှုမ၀က ကဗျာတွေ အတူဖတ်ခဲ့ကြ။

အဲသည်တုန်းက ကျနော့်ဆီမှာ မောင်ယဉ်မွန်၊ မောင်လေးအောင် - လကွယ်ည(၁၉၆၂)စာအုပ်ရှိသည်။
နေမျိုးဇော်ဆီမှာလား၊ တင်အောင်သန်းဆီမှာလား၊ မမှတ်မိတော့၊ မောင်သင်းခိုင်(ပါ) ၁၀ ဦး- တော်လှန်ကဗျာ (၁၉၆၉) စာအုပ်ရှိသည်။

အဲဒီကတည်းက ကျနော် မောင်လေးအောင်ကဗျာတွေကြိုက်သည်။ နစ်ကဆင်နှင့်စစ်တုရင်ကစားခြင်း၊
ငှက်များ၊ (ဗိုလ်အောင်ကျော်တမ်းချင်းလို့ ဆိုတဲ့)ဒီဇင်ဘာ ၂၀ (သို့ မဟုတ်) ရဲဘော်သို့ တမ်းချင်း။ အထူးသဖြင့် မောင်လေးအောင်၏ “နီနီဦး” ရင်ခုန်သံကဗျာတွေကို ကျနော်စွဲမက်တွယ်တာခဲ့သည်။ ပြီးတော့ ရှိသေးသည်။

ရှုမ၀မှာရေးခဲ့တဲ့ မောင်လေးအောင်ကဗျာတွေ။

၁၉၇၃ မှာ ကျနော်တို့ ဆယ်တန်းအောင်ကြပြီး၊ တက္ကသိုလ် ကောလိပ်အသီးသီးကိုရောက်လာကြ
သည်။ တင်အောင်သန်းက ဆေးတက္ကသိုလ်အမှတ်မီသော်လည်း၊ မိဘ ONE F R C ဖြစ်နေလို့ ၊ သူ ပညာရေး တက္ကသိုလ်မှာ အင်္ဂလိပ်စာမေဂျာယူသည်။ (ဘွဲ့ ရတော့ ဆရာလင်းဝေမြိုင်တို့ နဲ့ အတူ WORKING PEOPLE’S DAILY မှာ အယ်ဒီတာဝင်လုပ်သေးသည်။ နောက်တော့ ထိုင်ဝမ်ကိုထွက်သွားပြီး၊ အမေရိကမှာအခြေချသည်။ ကျနော် မစ်ရှီဂန်ကိုရောက်လာတော့၊ တင်အောင်သန်းက တက်ဆက်မှာ ကွယ်လွန်နှင့်ရှာပါပြီ)
သန့် စင်က ဆေးကျောင်းရောက်သည်။ (နောက်ပိုင်းမှာ အင်္ဂလန်ထွက်သွားသည်။ ယခု လန်ဒန်မှာ
အထူးကုသမားတော်ကြီးဖြစ်နေတာကြာပြီလို့ သိရသည်) နေမျိုးဇော်ကတော့ ကျနော်နှင့်အတူ ပုသိမ်ကောလိပ်ရောက်သည်။ (၁၉၇၆ ကျနော် ပုသိမ်ကောလိပ် မတ်လအရေးအခင်း၊ မှိုင်းရာပြည့်အရေးအခင်းတွေနဲ့ ထောင်ထဲရောက်တော့၊ သူ အပြင်မှာကျန်ရစ်နေခဲ့သည်)
ပုသိမ်အကျဉ်းထောင်ထဲမှာ ကျနော်တို့ နိုင်ငံရေးအတွေးအခေါ်တွေလေ့လာတည်ဆောက်နိုင်ခဲ့ကြ
သလို၊ ကဗျာလက်သွေးခွင့်တွေလည်းရခဲ့ကြသည်။ ကျနော်တို့ ၅- ည ကျောင်းသားတွေထဲက စိုးထိုက်(နောင် မှာ- စိုးအိမ်ဖြစ်လာ) ကဗျာရေးသည်။ ၀င်းမြင့်(နောင်မှာ- မြေနုဖြစ်လာ)ကဗျာရေးသည်။ ထွန်းဝေ(နောင်မှာ-ေ မာင်စိုးသစ်၊ ယခု- စိုးနေလင်း)ကဗျာရေးသည်။

နရသိန်ထဲမှာ ကျနော်တို့ တစ်အုပ်စုလုံး လက်ဝဲစာပေတွေ အလေးအနက်ထားဖတ်ကြသည်။ တော်
လှန်ရေးကဗျာတွေ အင်တိုက်အားတိုက်ဖွဲ့ ကြသည်။ နေ၀င်း- စန်းယု စစ်အစိုးရကိုတိုက်ဖို့ ကျနော်တို့ နိုင်ငံ
ရေးနှင့်အနုပညာကို ရောစပ်ခဲ့ကြသည်။

ဒီတုန်းက ဆရာထက်မြက်တို့ ၊ နိုင်ဝင်းဆွေတို့ ၊ ကျော်ဇောဦးတို့ ၏ “မိုးကြိုမုန်တိုင်း” (မိုးကြိုးမုန်တိုင်း
မဟုတ်ပါ)စာအုပ်ဂယက်က၊ ကျနော်တို့ နရသိန်ကြိုးတိုက်နံရံတွေကိုပါ လာရောက်ရိုက်ခတ်သည်။ နိူင်ဝင်းဆွေ ၏ “ရေဆန်လမ်း” ကိုလည်း ကျနော်တို့ ဖတ်ပြီး ဝေဖန်ခဲ့ကြသည်။
ကျနော်တို့ သွားနေတာက “ပြည်သူ့ ဒီမိုကရေစီတော်လှန်ရေး”။ လက်ဝဲအလွန်အကျွံဖြစ်မှုတွေကို
ကျနော်တို့ ဆန့် ကျင်ခဲ့ကြသည်။ လက်ဝဲအချောင်သမားဝါဒကို ကျနော်တို့ ရှောင်ရှားခဲ့ကြသသည်။ ကျနော်
တို့ က အကျဉ်းထောင်ထဲမှာ။ မောင်လေးအောင်တို့ က အပြင်မှာ။

ကျနော်တို့ ပုသိမ်အကျဉ်းထောင်ထဲ မရောက်ခင်ကတည်းကဖြစ်မည်။ မိုးဝေမဂ္ဂဇင်းက “အောင်မော်၊
ညိုသစ်၊ သန်းအုန်း” အယ်ဒီတာအဖွဲ့ သစ်၏လက်ထဲရောက်နေခဲ့ပြီဖြစ်သည်။ ကျနော်တို့ အိမ်တွေက ထောင်ဝင်စာလာလျှင်၊ အခါအားလျှော်စွာ မိုးဝေမဂ္ဂဇင်းတွေ ပါပါလာတတ်သည်။ ကျနော်တို့ မိုးဝေထဲက ကဗျာတွေကို ဖတ်ရသည်။ “တိုက်သုံးတိုက်ကစာ” ကြိုက်သည်။ ဒဂုန်တာရာ၏ “ပန်းနုရောင်နှစ်ကာလများ” အခန်းဆက်ဆောင်းပါး၊ လစဉ်စောင့်ဖတ်ရ။ ကျနော်က မောင်လေးအောင်ကဗျာေ တွပါလာရင် ကြည်နူးမဆုံး။ (နေမျိုးဇော်က အဲဒီမိုးဝေမှာ ပန်းချီတွေ၊ ကဗျာတွေရေးနေပြီ) ထိုစဉ်က ကျနော်တို့ မှာ ကျောင်းသားစိတ်ဓာတ်၊ ခွပ်ဒေါင်းစိတ်ဓာတ်ပြည့်ပြည့်ကြီးနှင့်၊ မ ဆ လ စစ် အစိုးရဆန့် ကျင်ရေး၊ လက်ဝဲနိုင်ငံရေးအတွေးအခေါ်က ထက်သန်စူးရှနေပြီး၊ စာပေအနုပညာဟာ နိုင်ငံရေးရဲ့ လက်အောက်ခံဖြစ်တယ်ဆိုတဲ့အယူအဆကို လက်ခံနားလည် ကိုင်စွဲထားကြသည့်အချိန်ဖြစ်သည်။ (ထိုအယူ အဆကို ယခုအထိလည်း ကျနော် မပြောင်းမလဲ ခံယူထားဆဲဖြစ်ပါသည်)

မောင်လေးအောင်ကဗျာတွေ ဒီလောက်အများကြီး အစားကြီး မဖတ်ခဲ့ရပါဘဲနှင့်၊ မောင်လေးအောင်
သြဇာက ကျနော့်အပေါ် လွမ်းမိုးအရိပ်ထိုးခဲ့သည်။ ကျနော် မောင်လေးအောင်ခရေဇီ။

အကျဉ်းထောင်ထဲမှာ လရောင်ကိုတမ်းတသလို၊ ကျနော် မောင်လေးအောင်ကဗျာတွေကိုလည်း
တမ်းတတတ်လာခဲ့သည်။ ထိုအချိန်မှာ ကျနော်က “ကျူးဘားတော်လှန်ရေး” ဆိုသည့် ကဗျာရှည်ကြီးကို
ရေးနေခဲ့သည့်အချိန်ဖြစ်သည်။

ကျနော်က ဆန့် ကျင်ဘက်တို့ ၏ပေါင်းစည်းမှုကို ယုံကြည်နှစ်သက် လက်ခံသူဖြစ်သည်။ ရဲဘော်
ချေဂွေဗားရားကို ကျနော်လေးစားသလို၊ မဟတ္တမဂန္ဒီကိုလည်း ကျနော်ကြည်ညိုပါသည်။ ဒဂုန်တာရာ၏
“ပျော့ပျောင်းခြင်းသည် သန်စွမ်းခြင်းဖြစ်သည်”ဆိုသောအယူအဆကို ကျနော်ကြိုက်သည်။
ကျနော် မောင်လေးအောင်ကိုအသည်းစွဲတာလည်း၊ ထိုကဲ့သို့ ဆန့် ကျင်ဘက်တို့ ၏ပေါင်းစည်း
မှုသီဝရီကြောင့်ပဲဖြစ်မည်။ မောင်လေးအောင်ကဗျာတွေမှာ ဗီယက်နမ်စစ်ဆန့် ကျင်ရေး၊ လူတန်းစားအရေး
ကဗျာတွေ ရေးတာဖွဲ့ တာများသည်။ သို့ သော် သူ့ ရဲ့ကဗျာတွေက လှပညွှတ်ပျောင်းနေတတ်သည်။ ခိုင်
မာထက်မြက်သောအဘိဓမ္မာကို လှပညက်ညောသောအနုပညာအစွမ်းနှင့် ဖွဲ့ စည်းထုံမွှမ်းထားခြင်း။ မောင်
လေးအောင်သည် အမေရိကန်သမ္မတနစ်ကဆင်နှင့် စစ်တုရင်ထိုးနေရင်းက၊ သူ့ ချစ်သူ “နီနီဦး” ကိုလည်း
လွမ်းဆွတ်တမ်းတနေတတ်သူ မဟုတ်လား။

သြော် … ကျနော်သည် နရသိန်အကျဉ်းထောင်ထဲက၊ လမင်းကိုမျှားခဲ့ရသော၊ မောင်လေးအောင်ညည
များနှင့်၊ မ ဆ လ စစ်အာဏာရှင်စနစ်ဖြုတ်ချရေး၊ နေ၀င်း- စန်းယု စစ်အစိုးရဆန့် ကျင်ရေး ကျောင်းသား
တိုက်ပွဲတွေကို ပြန်လည်လွမ်းနေမိတာပါလား။

တစ်ည။ ခက်ထန်သော အနောက်တောင်မုတ်သုံလေဦး သွေးတိုးစမ်းလာသည့်အခိုက်ဝယ်၊ အကျဉ်း
ထောင် ကြိုးတိုက်ထဲက၊ ရေးလက်စ “ကျူးဘားတော်လှန်ရေး” ကဗျာရှည်ကြီးလည်း တုန့် ခနဲ ရပ်တန့် သွား။
ထောင်နံရံအုတ်ရိုးတွေပေါ်က နာရီမောင်းခေါက်သံတွေလည်း မကြားမိတော့။ မိမိကိုယ်မိမိလည်း ရှာဖွေလို့ 
မရတော့။

လက်ထဲမှာ ထောင်ဝင်စာကသွင်းလာတဲ့ မိုးဝေမဂ္ဂဇင်းအသစ်တစ်အုပ်။ ပထမဆုံးစာမျက်နှာမှာ၊

မောင်လေးအောင်၏ “အချစ်ဖြင့်စီးဆင်းနေသောနှလုံးအိမ်” ကဗျာ။

“မည်သို့ ပင်ဖြစ်စေ
ချစ်နေသေးသည်
…………………….
မည်သို့ ပင်ဖြစ်စေ
ချစ်နေသေးသည်
……………………..
မည်သို့ ပင်ဖြစ်စေ
ချစ်နေသေးသည်
ကြွေးကြော်စူးရဲ၊ အားမာန်ခဲတဲ့
တိုက်ပွဲထဲက ပြည်သူလေ”

အို … မောင်လေးအောင်၏ နောက်ဆုံးကဗျာ လို့ ဆိုထားပါလား။ ကဗျာဆရာမောင်လေးအောင်၊
၁၉၇၇- မေလ(၁၉)ရက်နေ့ က၊ ရန်ကုန်မြို့ မှာ ကွယ်လွန်ခဲ့ပြီဆိုပါလား။

မည်သို့ ပင်ဖြစ်စေ
ချစ်နေသေးသည်
မောင်လေးအောင် မဟာနှင်းဆီနီနီ။

ထိုညက လမသာခဲ့ပါ။ နာရီတွေ အရည်ပျော်ကျ။ လေညင်းပတတ်ရပ်။ အလွမ်းဇာတ်က ကြိုးတိုက်
အခန်းကျဉ်းကလေးထဲမှာ တစ်ခန်းမရပ်။ လက်ထဲက မိုးဝေမဂ္ဂဇင်းကို ကျနော် အသိမဲ့ ဟိုလှန်သည်လှန်လုပ်ရင်း၊ တစ်နေရာမှာ ရဲဘော်ရင်းတစ်ယောက်ကရေးထားတဲ့ အမှတ်တရဆောင်းပါးထဲမှာ၊ မောင်လေးအောင် လက်ရေးနှင့် သူမကွယ်လွန်ခင်ရေးခဲ့သောကဗျာတစ်ပုဒ်ကိုတွေ့ လိုက်ရပြန်၏။ ကဗျာခေါင်းစဉ်က- “ ချစ်သူတို့ ၏အလှဆုံးခေတ်ဦးသို့ ” တဲ့။

“အချစ်ကြောင့်
တို့ ကြောင့်
စိုးနှောင့်ဗျာမူး၊ ထိုရက်ဦးတွေ
မူးယစ်ဝေရပါလားကွယ်” တဲ့။

“အချစ်ရေ
မြေနဲ့ ကောင်းကင်၊ မြင်နေသမျှ
အလှခေတ်ဦး
ဖူးသစ်လာမှာပါပဲကွယ်၊ ယုံပါ” တဲ့။

မောင်လေးအောင်(၁၉၃၈- ၇၇) သူသည် ငယ်ငယ်ရွယ်ရွယ်နှင့်ပင်၊ သူ့ ချစ်သူ “နီနီဦး” ကိုတမ်းတရင်း
ကွယ်လွန်ခဲ့ရှာပေလိမ့်မည်။ ကျနော်တို့ ၏ ကျန်စာသင့်သော နရသိန်ညအမှောင်တွေပါလား။

၁၉၇၈- ဇူလိုင်လ(၃)ရက်။ ဖော်ဝေး(၁၉၄၄- ၇၈) ကွယ်လွန်သွားခဲ့ပြန်သည်။ အကျဉ်းထောင်ကြီးပေါ်
ရွာချနေတဲ့ ကြေကွဲခြင်းမိုးပြင်းတွေက မတိတ်ကြတော့ဘူးလား။

၁၉၇၈- အောက်တိုဘာလ(၂၃)ရက်။ ဆရာဗန်းမော်တင်အောင်(၁၉၂၀- ၇၈) ကွယ်လွန်သွားခဲ့ပြန်ပါ
သည်။ ကျနော်သည် ကျနော့်ကိုယ်ကျနော် ပျောက်ဆုံးသွားခဲ့ပြီဟု ခံစားကွဲကြေနေခဲ့ရပေတော့သည်။

“ငါဟာ
လမင်းကို မမြင်ရတာ
အနှစ်သုံးဆယ် ကြာပြီ”

ဒီလိုနှင့်ပဲ၊ သူတို့ ကို လွမ်းတဲ့၊ တမ်းတတဲ့စိတ်တွေနဲ့ ၊ ၁၉၇၈- အောက်တိုဘာ(၂၆)မှာ ကျနော် ပုသိမ်
အကျဉ်းထောင်က လွတ်မြောက်လာခဲ့ပါသည်။

နောက်တစ်နေ့ (၂၇- ၁၀- ၇၈)မှာတော့၊ ရန်ကုန်မြို ၊့ ကြံတောသုသန်က ဆရာဗန်းမော်တင်အောင်ရဲ့
ဈာပနမှာ၊ ကျနော့်ကိုယ်ကျနော်ပြန်ရှာတွေ့ ခဲ့ပြီလားဟု၊ ဆွေးဆွေးမှုန်မှုန် တွေးတောယုံကြည်ချင်နေခဲ့မိလေ
သည်။     ။

(မောင်လေးအောင်ကွယ်လွန်ခြင်း  ၃၈ နှစ်ပြည့်အမှတ်တရ)
ေ အာ င်ေ ၀း 


ဇွန် ၁၄- ၂၉၁၅။

Wednesday, June 10, 2015

ကျေ နာ် တို့  အ တိ တ် ကို ပဲ အ တူ ပြ န် သွား ကြ ပါ စို့  အေ မ





အမေကား ကွယ်လွန်ခဲ့ပေပြီ
အမေသည် သက်တော်ရာကျော်ရှည်ပါစေသတည်း။

( ၁ )
အမေ -
ဒီနှစ် (၂၀၁၅၊ နိုဝင်ဘာ- ၂၉)
အမေ အသက်(၁၀၀)ပြည့်ပြီ
မွေးနေ့ ရာပြည့်မှာ ပျော်ရွှင်ပါစေ အမေ။

ဆရာဒဂုန်တာရာတို့ 
ဗန်းမော်တင်အောင်တို့ 
အဘလေထီးဦးအုန်းမောင်တို့ 
သခင်အုန်းမြင့်တို့ နဲ့ တွေ့ သေးလားအမေ။

အမေ့ရဲဘော်ကြီး ကိုဗဟိန်းနဲ့ ကော တွေ့ သေးလား
အမေ့သား ကိုဖိုးသံချောင်းတို့ 
ကျနော်တို့ တော့
ကွန်မြူနစ်တစ္ဆေခြောက်ပြန်တဲ့တိုင်းပြည်မှာ
သက်ဆိုးရှည်နေရတုန်းပါပဲ အမေ။

ဒီခေတ်ဆိုး ခေတ်ပျက်ကြီးထဲမှာလူဖြစ်ရတာ
မပျော်ပါဘူး
အမေလည်း ပျော်နိုင်မှာ မဟုတ်ပါဘူး
ကျနော်တို့ အတိတ်ကိုပဲ အတူပြန်ကြပါစို့ အမေ။

( ၂ )

မနေ့ တစ်နေ့ တုန်းကတော့
၁၉၃၉ - ၂၀၁၄
ပါတီက စိန်ရတုသက်တမ်းတိုင်ခဲ့တယ်လေ။

ကျနော်တို့ မကျဆုံးသေးပါဘူး
ကျနော်တို့ အရှုံးမပေးသေးပါဘူး
ကျနော်တို့ ဒူးမထောက်သေးပါဘူး
ကျနော်တို့ လက်နက်မချသေးပါဘူး။

စိတ်မကောင်းစရာတွေ မပြောချင်ပါဘူးအမေရယ်
မနေ့ တစ်နေ့ တုန်းကပဲ
ကျနော်တို့ ကြောင့်
လက်ပံတန်းမှာ
ကျောင်းသားလေးတွေ
အကြမ်းဖက် ရိုက်နှက်ဖမ်းဆီးခံခဲ့ရ
ကျောင်းသားသပိတ်ဟာ
တားဆီးနှိမ်နင်းခံခဲ့ရတယ် အမေ။

သူတို့ ဟာ
“ဗ က သ” ကျောင်းသားလေးတွေပါအမေရယ်
ဗ က သ ကို
“ဗ က ပ” တံဆိပ်တပ်ပြီး
လုံထိန်းရဲတပ်ရင်းတွေ နှစ်ထပ်နှစ်တန်ပိတ်ဆို့ 
ရိုက်နှက်လို့ ဖမ်းဆီးခဲ့ကြတာပါ။

အမေ -
အမေဟာ “ဗ က သ အမေ” ပါ
အခု အရိုက်ခံရ အဖမ်းခံရတဲ့ ကျောင်းသားတွေဟာ
ဗ က သ တွေ
အမေ့ရဲ့ဗ က သ မြေးမြစ်တွေပါပဲ အမေ။

သမ္မတလုပ်တဲ့လူကိုယ်တိုင်က
“ကျောင်းသားတွေက အရင်ရိုက်လို့ 
ရဲတွေက ပြန်ရိုက်ရတာပါ” ဆိုပြီး
ဗြောင်လိမ်ဗြောင်စားလုပ်နေတဲ့ အစိုးရအောက်မှာ
စိတ်မချမ်းသာပါဘူး
အမေလည်း စိတ်ချမ်းသားမှာမဟုတ်တော့
ကျနော်တို့ အတိတ်ကိုပဲ အတူပြန်ကြပါစို့ အမေ။

( ၃ )

အခုတော့
မန္တလေးကနေ ရန်ကုန်ချီကြတဲ့
၂၀၁၅ ကျောင်းသားသပိတ်ဟာ
စစ်ကျွန်ဒီမိုကရေစီ အဆိပ်သင့်ပြီး
လွှတ်တော်နိုင်ငံရေး အဆိပ်သင့်ပြီး
တိုက်ပွဲရှောင် အချောင်သမား
ဖောက်ပြန်သူများအလယ်မှာ
တော်လှန်ရေးအသားတစ်တွေကို
စစ်ခွေးတွေကလည်းဝင်ဆွဲ
စစ်ခွေးတစ်ဖြစ်လဲ
ကြံ့ဖွတ်ခွေး
မ ဘ သ ခွေးတွေကလည်းဝင်ဆွဲ
စစ်ခွေးမဟုတ်တဲ့
(လစ်ဘရယ်ဒီမိုကရက်ဆိုတဲ့)
လစ်ခွေးတွေကလည်း အလစ်ဝင်ဆွဲ
ခွပ်ဒေါင်းဟာ
သူရဲကောင်းဟာ
ခွေးဆွဲခံနေရပေါ့ ။

တချို့ တွေ နေနိုင်လွန်းတယ်
ရေငုံနှုတ်ပိတ်
စစ်မိစ္ဆာနဲ့ မိတ်ဖွဲ့ 
ဗ က သ ကိုတော့ ဆန့် ကျင်
ကျောင်းသားစိတ်ဓာတ်
ခွပ်ဒေါင်းစိတ်ဓာတ်ကိုလည်း ချိုးနှိမ်
သူခိုးဓားရိုးကမ်း
နိုင်ငံရေုးလုပ်တမ်းကစား
အတိုက်မခံတဲ့ အတိုက်အခံဆိုသူတွေ
ဒီမိုကရေစီလေချဉ်တက်နေတဲ့ခေတ်ကြီးမှာ
သား မနေချင်တော့ဘူး
ကျနော်တို့ အတိတ်ကိုပဲ အတူပြန်ကြပါစို့ အမေ။

( ၄ )

၂၀၀၇ ရွှေဝါရောင်တော်လှန်ရေးမှာ
ဗ က သ ဟာ
န အ ဖ ဆန့် ကျင်ရေး
တိုက်ပွဲကြားက တစ်ဖန်ပြန်လည်မွေးဖွား
၈၈ ဗ က သ ကို အသက်သွင်းခဲ့
မန္တလေးကအမေ
ရေဒီယိုထဲကနေ ဒီသတင်းကြားတော့
သူ့ သားမြေးမြစ် ဗ က သ တွေအတွက်
ဗ က သ အမေဟာ ဂုဏ်ယူနေခဲ့မယ်
ဟုတ်တယ်မဟုတ်လားအမေရယ်။

၉၀ ပြည့်နှစ်များ
န ၀ တ ခေတ်ကြီးတစ်လွှား
အမေ့သား ဘိုညို
(စာရေးဆရာညီပုလေး)
ပုဒ်မ ၅(ည) သရက်အကျဉ်းထောင်
အမေ့ရဲ့မှတ်ပုံတင်မပါလို့ 
ထောင်ဝင်စာ မတွေ့ ခဲ့ရတဲ့နေ့ များ။

၁၉၈၈

မင်းကိုနိုင်

ကိုကိုကြီး

မိုးသီးဇွန်

ရန်ကုန်တက္ကသိုလ်၊ ဆဲဗင်းဂျူလိုင်ရင်ပြင်နီက
(၇)ကြိမ်မြောက် ဗ က သ (ဗကသများအဖွဲ့ ချုပ်)ညီလာခံ

မန္တလေးက ဗ က သ အမေ
ဂုဏ်ယူဝမ်းမြောက်နေခဲ့မယ်။

အခုတော့အမေရယ်
ကျောင်းသားသမဂ္ဂတွေဖွဲ့ စည်းခွင့်မပြုတဲ့
ဒီမိုကရေစီနိုင်ငံတော်ထူထောင်ကြဦးမတဲ့
ရင်မောတယ်အမေ
အမေလည်း စိတ်ပျက်နေမှာဆိုတော့
ကျနော်တို့ အတိတ်ကိုပဲ အတူပြန်ကြပါစို့ အမေ။

( ၅ )

ကိုကိုးကျွန်းကပြန်လာတဲ့သား
အရှေ့မြောက်စစ်ဒေသကို ခရီးဆက်တော့
အမေဟာ အင်းစိန်ထောင်ထဲရောက်ခဲ့ရ
မောင်သင်းခိုင်
မောင်အောင်ပွင့်တို့ ရဲ့နရသိန်ကာလ
မ ဆ လ
၁၉၇၈။

ပဲခူးရိုးမပေါ်က
ပြည်သူ့ ဒီမိုကရေစီတော်လှန်ရေး
တောတွင်းလက်နက်ကိုင်တိုက်ပွဲမှာ
သားတစ်ယောက်ဆုံးရှုံးခဲ့ရတဲ့အမေ။

နိုင်ငံရေးအစိုးရလက်ထက်
ခင်ပွန်းသည်အတွက်
ထောင်ဝင်စာသွားတွေ့ ခဲ့ရတဲ့ အမေ။

အမေဟာ
ကိုယ်ကျင့်တရား ဖြောင့်မတ်ဖြူစင်သူရဲ့ဇနီး။

အမေဟာ
ငြိမ်းချမ်းရေးဗိသုကာ
(အဖိုးမှိုင်း)ရဲ့သမီး။

အမေဟာ
လွတ်လပ်ရေးဖခင်
(ဗိုလ်ချုပ်အောင်ဆန်း)ရဲ့သူငယ်ချင်း။

အမေဟာ
ဂျမ်းတို့ ၊ စွမ်းတို့ ၊ ကြည်အောင်တို့ ရဲ့အဒေါ်ရင်း။

အမေဟာ
တိုက်ရဲ တော်လှန်ရဲသူတို့ ရဲ့ရဲဘော်။

အမေဟာ
အဖိနှိပ်ခံ၊ အစော်ကားခံ၊ အနှိမ်ခံ၊ အားနည်းသူတွေရဲ့အဖော်။

တိုက်ပွဲခေါ်သံတွေကြားမှာ
နွေဦးပျောက်ကိုရှာတုန်း
ဒဂုန်တာရာက
ဆိတ်ဖလူးရနံ့ ကြားမှာ
သူကိုယ့်သူရှာတွေ့ခဲ့ရ။

ဆရာကြီးသခင်ကိုယ်တော်မှိုင်းအတွက်
ဥက္ကဋ္ဌသခင်သန်းထွန်းရဲ့လက်ဆောင်
ဒေါင်းတစ်ကောင်နဲ့ ပျားရည်တစ်အိုး
နတ်ဆိုးတို့ ခိုးဝှက်ခဲ့ကြ။

၁၉၆၃
ပြည်တွင်းငြိမ်းချမ်းရေးဆွေးနွေးပွဲ
နေ၀င်းရဲ့တော်လှန်ရေးကောင်စီက
တစ်ဖက်သတ်ဖျက်သိမ်းလိုက်တော့
တောထဲပြန်ဝင်သွားတဲ့
ဗိုလ်ဇေယျတို့ နောက်ကျောမှာ
အမေ့ရဲ့ခံပြင်းတောက်ခေါက်သံတွေ
ကပ်ပါသွားခဲ့မယ်။

ငြိမ်းချမ်းရေးဟာ
အဲဒီကတည်းက
အပြီးအပိုင်မြေမြှုပ်ခံခဲ့ရ
အခုအထိပဲ မဟုတ်လားအမေရယ်။

၁၉၆၂
စစ်အာဏာရှင်စနစ်
အက်စစ်မြစ်တစ်စင်းလို
နေ၀င်းဟာ ဖက်ဆစ်လက်နဲ့ ရမ်းခဲ့။

မန္တလေးကအမေ
ဗ က သ အမေ
၆၂ ခုနှစ်၊ ဇူလိုင်(၈)ရက်
မနက်အစောကြီး
အိပ်မက်ဆိုးကြီးမက်ခဲ့ရ။

မိုင်းခွဲဖြိုချခံလိုက်ရတဲ့
ကျောင်းသားသမဂ္ဂအဆောက်အအုံကြီးနဲ့ အတူ
အမေ့နှလုံးသားလည်း ဗုံးခွဲ ခံခဲ့ရ။
ကမ္ဘာမကျေဘူးအမေရယ်
ဥဒါန်းလည်း မကြေပါဘူး။

အမေလည်း
စစ်ကျွန်ခေတ်မှာ လူရာဝင်ချင်ခဲ့မှာ မဟုတ်ပါဘူး
ကျနော်တို့ လည်း
စစ်ကျွန်ခေတ်မှာ လူတွင်ကျယ် မလုပ်ချင်ပါဘူး
ကျနော်တို့ အတိတ်ကိုပဲ အတူပြန်ကြပါစို့ အမေ။

( ၆ )
“၁၉၅၁၊ သြဂုတ်- ၁၅
ကနဦး ဗမာနိုင်ငံလုံးဆိုင်ရာကျောင်းသားများသမဂ္ဂ (ဗ က သ)
ALL BURMA STUDENTS UNION (A B S U) ကိုဖျက်သိမ်း၊
ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗ က သ များအဖွဲ့ ချုပ်)
ALL BURMA  FEDERATION OF STUDENT UNIONS (A B F S U) ကို
ပြောင်းလဲ ဖွဲ့ စည်း”
အမေ သာဓုခေါ်ခဲ့မယ်။

“အမာသည် အပျော့မဟုတ်
အဖြူသည် အမည်းမဟုတ်
အဖြောင့်သည် အကောက်မဟုတ်။
အမာကို မပျော့စေနှင့်
အဖြူကို မမည်းစေနှင့်
အဖြောင့်ကို မကောက်စေနှင့်။
မင်းသုဝဏ်”

(၁၉၃၆- ဒုတိယ တက္ကသိုလ်ကျောင်းသားသပိတ်
ရွှေတိဂုံကုန်းတော်၊ မော်လမြိုင်ဇရပ်။
အင်းလျားဆောင်ကျောင်းသူ၊ သပိတ်မှောက်ကျောင်းသူ
မန္တလေးသူ မအမာ၏ အော်တိုစာအုပ် မှ)

၁၉၃၆၊ မေ- ၈
သပိတ်မှောက်ကျောင်းသူ မအမာ အဆိုတင်သွင်းသဖြင့်
ဗမာနိုင်ငံလုံးဆိုင်ရာကျောင်းသားများသမဂ္ဂ (ဗ က သ)
ALL BURMA STUDENTS UNION (A B S U) ကို
ညီလာခံခေါ်ယူ ဖွဲ့ စည်းနိုင်ခဲ့

အမေ
ကျေနပ်ခဲ့မယ်။

ခုတော့ အမေရယ်
၂၀၁၅
အမေ့ရဲ့”ဗ က သ” ဟာ
“ဗ က ပ” တံဆိပ်အကပ်ခံရပြီး
အကျဉ်းထောင်တွေထဲမှာ ချုပ်နှောင်ခံနေရပြီ အမေ။

ခုတော့ အမေရယ်
ဗ က သ (ဗကသများအဖွဲ့ ချုပ်)ဟာ
ဖက်ဆစ်မုန်တိုင်းထဲ
ကြံ့ကြံ့ခံ အန်တုရင်ဆိုင်ဆဲ။

စစ်ကျွန်ခေတ်ကိုလွန်မြောက်ရင်
ကျောင်းသားသမဂ္ဂတွေ
လွတ်လွတ်လပ်လပ်ဖွဲ့ စည်းနိုင်မှာပဲလို့ 
ကျနော်တို့ မျှော်လင့်ခဲ့ကြတယ်။

ဒီမျှော်လင့်ချက်နဲ့ 
ကျနော်တို့ တိုက်ပွဲဝင်ခဲ့ကြတယ်။

အခုတော့ အမေရယ်
ကျောင်းသားသမဂ္ဂတွေကို
စစ်အစိုးရသမ္မတကြီးကလည်း မကြိုက်သလို
အတိုက်အခံခေါင်းဆောင်ကြီးကလည်း မနှစ်မြို့ပြန်ဘူး။

ကျနော်တို့ ဘာလုပ်ရမလဲ အမေ
တိုက်ပွဲလည်း မပြီးသေးဘူးအမေ။

ကျနော်တို့ က
အမေ့ရဲ့နှစ်(၁၀၀)ပြည့်မွေးနေ့ မှာ
“ဗ က သ အမေ”
အမေ့ကို ပျော်ရွှင်စေချင်တာပါ။

အခုတော့ ဗ က သ ခမျာ
ထောင်သွင်းအကျဉ်းချခံနေရ
ဗ က သ ဟာ ၀ရမ်းပြေးဖြစ်နေရ
ဗ က သ သမိုင်းကို မေ့ဖျောက်နေကြဆိုတော့
အမေ ပျော်ရွှင်နိုင်ပါ့ မလား
ကျနော်တို့ မပျော်နိုင်ဘူးအမေရယ်
ကျနော်တို့ အတိတ်ကိုပဲ အတူပြန်ကြပါစို့ ။

တိုက်ပွဲကို
တစ်က ပြန်စကြပါစို့ ။

ကျောင်းသားတိုက်ပွဲတွေ
အသစ် စကြပါစို့ ။     ။

(အမေလူထုဒေါ်အမာ နှစ်တစ်ရာပြည့်သို့ )

ေ အာ င်ေ ၀း

ဇွန် ၆ - ၂၀၁၅။

Tuesday, June 2, 2015

ေ ဒါ်ေ အာ င် ဆ န်း စု ကြ ည် သို့ေ ချ ပ ချ က် (၃၊ နိဂုံး)

 

(ယမန်နေ့ ကအဆက်)
 

    ကျနော်တို့ ကျောင်းသားဘ၀ ပျိုရွယ်စဉ်အခါက မတ်ဝါဒကိုလေ့လာလိုက်စားခဲ့ကြတယ်။ မတ်ဝါဒရဲ့အခြေခံတရားဟာ အကြမ်းဖက်တော်လှန်ရေးဖြစ်တယ်လို့ ကျနော်ရှေ့ မှာပြောခဲ့ပါတယ်။
 

    ဒါပေမဲ့၊ ၁၉၈၈- ၈၉ မှာ ကမ္ဘာကြီးက အများကြီးပြောင်းလဲသွားခဲ့ပြီ။ မြန်မာပြည်ကစလိုက်တဲ့ ၁၉၈၈ ရှစ်လေးလုံးအရေးတော်ပုံကြီးရဲ့ဂယက်က ကမ္ဘာကြီးကိုရိုက်ခတ်သွားပါတယ်။ တရုတ်ပြည်၊ ပီကင်းတက္ကသိုလ် ကျောင်းသားတွေရဲ့တရုတ်အစိုးရဆန့် ကျင်ရေး တိန်အန်မင်ရင်ပြင် အရေးအခင်းပေါ်ထွက်လာခဲ့ပါတယ်။ ၁၉၈၉ နိုဝင်ဘာ(၉) မှာ ဂျာမနီက ဘာလင်တံတိုင်းပြိုလဲသွားပါတယ်။ ဆိုဗီယက်ယူနီယံလည်း ပြိုကွဲသွားပါ တော့တယ်။ ကမ္ဘာကြီးမှာ ဒီမိုကရေစီနဲ့  လူ့ အခွင့်အရေးတောင်းဆိုမှု တိုက်ပွဲခေါ်သံက ပို၍ပို၍ကျယ်လောင်မြည် ဟိန်းလာခဲ့ပါတယ်။
 

    ဒေါ်အောင်ဆန်းစုကြည် မြန်မာပြည်ရောက်လာခြင်းနဲ့ အတူ၊ မြန်မာပြည် ဒီမိုကရေစီနဲ့ လူ့ အခွင့်အရေး တောင်းဆိုသံဟာ ကမ္ဘာမှာ ထင်ရှားပေါ်လွင်လာခဲ့ပါတယ်။
    ကျနော်တို့ လည်း လမ်းကြောင်းပြောင်း ရပါတော့တယ်။ ဒေါ်အောင်ဆန်းစုကြည်ရဲ့”အကြမ်းမဖက် တော်လှန်ရေး” ကို ကျနော်တို့ လက်ခံလာရပါပြီ။ ကျနော်တို့ ယူနီဖောင်းလည်း ပြောင်းကြရပြန်တယ်။ ငယ်ငယ် တုန်းက ကွန်မြူနစ်ဖြစ်ချင်ခဲ့ပေမဲ့၊ ၈၈ မှာ ကမ္ဘာ့ခေတ်ကြီးကရော၊ မြန်မာ့ခေတ်ကလေးကပါ တစ်ဆစ်ချိုး ချိုးချ ပြောင်းကွေ့ သွားလေတော့၊ ကျနော်တို့ လည်း ခေတ်မီမီ ဒီမိုကရက်တစ်ဖြစ်ဖို့ လိုအပ်လာပါတယ်။ ဒီမိုကရေစီဝတ်စုံကို ပြောင်းဝတ်ကြရပါတယ်။
 

    ကျနော်ပြောခဲ့ ရေးခဲ့ဖူးပါတယ်။ ငယ်ငယ်တုန်းက လီနင်နဲ့ တွေ့ တယ်။ ကြီးလာတော့ လင်ကွန်းနဲ့ တွေ့  ချင်တယ် လို့ ။ ကျနော်တို့ ရဲ့မတ်ဝါဒကြီးဟာ သမိုင်းရဲ့ပြဋ္ဌာန်းမှုနဲ့ ပဲ ဂန္ထ၀င်ဖြစ်ပြီး ရာဇ၀င်ပြတိုက်ထဲရောက် သွားခဲ့ရပါပြီ။ ဒါကိုလည်း ကျနော်တို့ လက်ခံပါတယ်။ ဒီနေ့ ခေတ်ဟာ လက်ဝဲ၀ါဒခေတ်၊ ကွန်မြူနစ်ခေတ် မဟုတ်ဘူးဆိုတာကိုလည်း လက်ခံပါတယ်။
 

    ဒီလက်ခံမှုတွေနဲ့ ၊ ဒီမိုကရေစီဝတ်စုံအသစ်နဲ့ ၊ အကြမ်းမဖက်လမ်းစဉ် (ဒေါ်အောင်ဆန်းစုကြည် လမ်းစဉ်) နဲ့ ၁၉၈၈ ကနေဆက်ပြီး ကျနော်တို့ ဟာ စစ်အာဏာရှင်အဆက်ဆက် န ၀ တ၊ န အ ဖ အစိုးရတွေကို ဆက်လက်တော်လှန်ဆန့် ကျင်ခဲ့ကြပါတယ်။
 

    ရှစ်လေးလုံးအရေးတော်ပုံကြီးနောက်ပိုင်းမှာ ကျောင်းသားတွေအမြောက်အမြား အကျဉ်းထောင်တွေ
ထဲ ရောက်ကုန်ကြပါတယ်။ တောထဲတောင်ထဲမှာ ကျောင်းသားတပ်မတော်ပေါ်ထွန်းလာခဲ့တယ်။

  ကျောင်းသားဟောင်းတွေက ကျောင်းသားသစ်တွေကို လက်တွဲခေါ်ကြပါတယ်။ ကျောင်းသားကြီးတွေက ကျောင်းသားငယ်တွေကို ၀န်းရံပေးကြပါတယ်။
 

    ကျောင်းသားတွေဟာ တစ်ဗိုလ်ကျတစ်ဗိုလ်တက်စနစ်နဲ့ စစ်အစိုးရအဆက်ဆက်ကို ဆန့် ကျင်တော် လှန် တိုက်ပွဲဆင်ခဲ့ကြတာပါပဲ။ ၁၉၉၁ (ဒေါ်အောင်ဆန်းစုကြည်)နိုဘယ်ဆုအရေးအခင်းမှာ တက္ကသိုလ်ကျောင်း သားတွေ အဖမ်းခံကြရပြန်တာပဲ။ ၁၉၉၆ လှည်းတန်းဆန္ဒပြပွဲမှာလည်း တက္ကသိုလ်အသီးသီးက ကျောင်းသား ကျောင်းသူတွေ ထောင်ထဲရောက်ကြရပြန်တာပဲ။
 

    ၂၀၀၇ မှာ ကျောင်းသားတိုက်ပွဲရဲ့နောက်ထပ်ဒီရေမြင့်သစ် လှိုင်းလုံးတစ်လုံး ရိုက်ခတ်နိုင်ခဲ့တာ အား လုံးအသိပါ။ ၂၀၀၇ သြဂုတ်(၂၈) မှာ ကျော်ကိုကိုတို့ ဦးဆောင်တဲ့ ဗ က သ များအဖွဲ့ ချုပ် ပြန်လည်ပေါ်ထွက် လာခဲ့ပါတယ်။ ၂၀၀၇ စက်တင်ဘာ ရွှေဝါရောင်တော်လှန်ရေးမှာ ဗ က သ များအဖွဲ့ ချုပ် ကျောင်းသားတွေဟာ ခွပ်ဒေါင်းအလံ တလူလူလွှင့်ပြီး၊ သံဃာတွေ၊ ပြည်သူတွေနဲ့ အတူ န အ ဖ စစ်အစိုးရကို ဆန့် ကျင်တိုက်ခိုက်ခဲ့ ကြတာပါ။
 

    ရွှေဝါရောင်တော်လှန်ရေးကို စစ်အစိုးရတပ်နဲ့ လုံထိန်းရဲ၊ ကြံ့ဖွတ်၊ စွမ်းအားရှင်တွေက အကြမ်းဖက် နှိမ်နင်းဖြိုခွဲခဲ့ပါတယ်။ ဗ က သ ကျောင်းသားတွေ ထောင်ထဲရောက်ကြရပြန်ပြီ။ (သံဃာတော်အများအပြား နှင့်အတူ၊ အင်န်အယ်လ်ဒီလူငယ်တွေလည်း အစုလိုက်အပြုံလိုက် အဖမ်းခံကြရတာပါ)
 

    ကျောင်းသားဟာ ထိရင်မခံဘူး။ဖိရင်ကြွမှာပဲ။ ဒါ ခွပ်ဒေါင်းစိတ်ဓာတ်၊ ဗ က သ စိတ်ဓာတ်။ ကျောင်းသားသမဂ္ဂတွေရဲ့သတ္တိနဲ့ စွမ်းပကားကို စစ်အာဏာရှင်တွေက ရွံ့ ကြ မုန်းကြပါတယ်။ ဒါကြောင့် စစ်အာဏာ ရှင်တွေဟာ၊ ကျောင်းသားဟေ့ဆိုရင် အသေနှိပ်ကွပ်ကြတော့တာပါပဲ။
 

    အခု ဒေါ်အောင်ဆန်းစုကြည်က ကျောင်းသားတွေကို(ဗ က သ တွေကို) အသေနှိပ်ကွပ်နေတာဟာ၊ ဒေါ်အောင်ဆန်းစုကြည်က စစ်အာဏာရှင်စိတ်ပေါက်နေလို့ များလား။
 

    ၂၀၁၅ ဒီမိုကရေစီပညာရေး သပိတ်စစ်ကြောင်း၊  ကျောင်းသားတွေရဲ့မန္တလေး- ရန်ကုန် ခရီးရှည် ချီတက်ပွဲဟာ လက်ပံတန်းမှာ၊ သိန်းစိန်အရပ်သားစစ်အစိုးရ လုံထိန်းရဲတပ်ရင်းတွေရဲ့အကြမ်းဖက်ရိုက်နှက် ဖြိုခွဲတာကို ခံလိုက်ရတယ်။ သပိတ်မှောက်ကျောင်းသားတွေနဲ့ ဝန်းရံတဲ့ပြည်သူတွေ ထောင်ထဲရောက်ကုန် ကြတယ်။
 

    ဒေါ်အောင်ဆန်းစုကြည်ဟာ ကျောင်းသားသပိတ်အပေါ်မှာ ပထမရေငုံနှုတ်ပိတ်နေခဲ့တယ်။ အကြောင်း ရှိပါလိမ့်မယ်။ နောက်တော့ ဗ က သ နဲ့  တ က သ ကို ဒေါ်အောင်ဆန်းစုကြည် သွေးခွဲဆက်ဆံလာတယ်။ အကြောင်းရှိပါလိမ့်မယ်။ နောက်ဆုံး လက်ပံတန်းမှာ ကျောင်းသားသပိတ်ဖြိုခွဲခံရတဲ့အချိန်မှာ၊ ဒေါ်အောင်ဆန်း စုကြည်က သပိတ်မှောက်ကျောင်းသားတွေကို ကောင်းကောင်းမေးခွန်းထုတ်လိုက်ပါတော့တယ်။ ဘာကြောင့် ပါလိမ့်။ ဒါဟာ ဒေါ်အောင်ဆန်းစုကြည်က ကျောင်းသားသပိတ်ကို( ဗ က သ ကို) ပြောင်ပြောင်တင်းတင်း ဆန့် ကျင်ကြောင်းပြလိုက်တဲ့သဘောပဲ။
 

    ဒီလောက်နဲ့ ရပ်သွားရင်တော့ ကောင်းပါတယ်။ ပြဿနာမရှိပါဘူး။ ကျောင်းသားတွေက၊ ခွပ်ဒေါင်း တွေက ကိုယ်လုပ်ရင် ကိုယ်ခံရဲပါတယ်။ ရန်သူကို ရဲရဲတည့်တည့် ရင်ဆိုင်ရဲပါတယ်။ ဒေါ်အောင်ဆန်းစုကြည် ၀င်မကယ်လို့ လည်း ဘာမှမဖြစ်ပါဘူး။ (ဒေါ်အောင်ဆန်းစုကြည်ဟာ သူ့ မှာ ကယ်နိုင်တဲ့ လူထုထောက်ခံမှု အင်အား၊ နိုင်ငံတကာဖိအားတွေ ရှိပါလျက်နဲ့ ၊ သူ တမင် မကယ်ဘဲ ရှောင်လွှဲနေခဲ့တာဖြစ်တယ်)
 

    ပိုဆိုးသွားတာကတော့၊ ဒေါ်အောင်ဆန်းစုကြည် ခုရက်ပိုင်း၊ မွန်ပြည်နယ်စည်းရုံးရေးခရီးစဉ်မြို့ရွာ  တွေမှာပြောခဲ့တဲ့စကားတွေ၊ မကြာခင်က နေပြည်တော်မှာ လေ့လာရေးလာတဲ့ တက္ကသိုလ်ကျောင်းသား တွေကို ပြောလိုက်တဲ့စကားတွေက၊ ကျနော်တို့ ရဲ့ကျောင်းသားစိတ်ဓာတ်ကို တမင်ရည်ရွယ်ချက်ရှိရှိနဲ့ ချိုးနှိမ် လိုက်၊ ရိုက်ချိုးလိုက်တဲ့သဘော သက်ရောက်သွားပါပြီ။
 

    ကျောင်းသားသမဂ္ဂကို ဒေါ်အောင်ဆန်းစုကြည် မလိုလား မုန်းတီးနေမှန်း ထင်ရှားပေါ်လွင်သွားပါပြီ။ ဗ က သ (ဗကသများအဖွဲ့ ချုပ်)ကို ဘယ်အငြှိုးအတေးတွေနဲ့ များ ဒေါ်အောင်ဆန်းစုကြည် ခါးသီးမုန်းတီးနေတာပါလိမ့်။ မစဉ်းစားတတ်တော့ပါ။
 

    အင်န်အယ်လ်ဒီပါတီသည် ကျောင်းသားသပိတ်ကို မထောက်ခံရုံတင်သာမက၊ ဒေါက်တာသိန်းလွင် ကိုပါ ထုတ်ပယ်ခဲ့ပြီး၊ ပါတီဝင်များကိုလည်း အခြားသူများ(ကျောင်းသားများကိုဆိုလိုတာ)နှင့်တွဲ၍ ဆန္ဒမပြရ၊ လမ်းပေါ်မထွက်ရလို့ အမိန့် ထုတ် တားမြစ်တာတွေဟာ၊ အရုပ်ဆိုးအကျည်းတန်လွန်းလှပါသည်။ နိုင်ငံရေး သိက္ခာလည်း မဲ့လွန်းရာကျပါသည်။
 

    အပျက်အပျက်နှင့်ပင်၊ ဒေါ်အောင်ဆန်းစုကြည် မြန်မာပြည်ပြန်ရောက်ပြီး(၂၇)နှစ်ကြာသည့်အချိန်တွင်၊ စစ်အာဏာရှင်စနစ်ကို ခေတ်အဆက်ဆက်ဆန့် ကျင်တော်လှန်လာခဲ့သော ကျနော်တို့ ၏ကျောင်းသား စိတ်ဓာတ်၊ ခွပ်ဒေါင်းစိတ်ဓာတ်ကို၊ ဒေါ်အောင်ဆန်းစုကြည်ကိုယ်တိုင် ဆန့် ကျင်ချိုးနှိမ်ပစ်ခဲ့ပေပြီ။ လျစ်လျူရှု
စော်ကားပစ်ခဲ့ပေပြီ။
 

    ဒေါ်အောင်ဆန်းစုကြည်သည် အာဏာမရသေးသော အာဏာရှင်ပေလော။
 

    ဒေါ်အောင်ဆန်းစုကြည် အာဏာရလာလျှင်ကော၊ ကျောင်းသားသမဂ္ဂတွေကို ဖိနှပ်ချုပ်ချယ်ထားဦး
မှာလား။ စဉ်းစားရခက်ပါတယ်။
 

    သို့ ဆိုလျှင်တော့၊ ဒေါ်အောင်ဆန်းစုကြည်ကို သမ္မတကြီးအဖြစ် မမြင် မတွေ့ လိုပါ။ အဘယ်ကြောင့် ဆိုသော်၊ ဗ က သ၊ တ က သ၊ ကျောင်းသားသမဂ္ဂတွေကို (နေ၀င်းလို၊ သန်းရွှေလို၊ သိန်းစိန်လို) ဖိနှိပ်ချုပ် ချယ်ချေမှုန်းနေဦးမည့်၊ သမ္မတကြီးဒေါ်အောင်ဆန်းစုကြည်နဲ့ (အင်န်အယ်လ်ဒီအစိုးရနဲ့ ) ကျနော်တို့ ရဲ့ တော်လှန်သောကျောင်းသားများ (တိုးတက်သောကျောင်းသားစိတ်ဓာတ် ရှိသူများ) ထိပ်တိုက်မတွေ့ဆုံချင်သောကြောင့်သာ ဖြစ်ပါသည်။
 

    ကဲ … အခု၊ ကျနော်တို့ ဘာလုပ်ကြမလဲ။
 

    ကြောင်ကို ဘယ်သူ ခြူဆွဲပေးမလဲ။
 

    ဒေါ်အောင်ဆန်းစုကြည်ဆီက၊ ကျနော်တို့ ရဲ့ဗ က သ ခွပ်ဒေါင်းအလံကို ပြန်တောင်းကြမလား။
 

    ဒေါ်အောင်ဆန်းစုကြည်ရဲ့ကိုယ်ကျိုးစွန့် အနစ်နာခံမှုနဲ့ခေါင်းဆောင်မှုကို ကျနော်တို့ မထိပါးပါ။
 

    ဒေါ်အောင်ဆန်းစုကြည်ကလည်း ကျနော်တို့ ရဲ့ကျောင်းသားစိတ်ဓာတ်ကို မချိုးနှိမ်၊ မစော်ကား စေချင်ပါ။
 

    စစ်အာဏာရှင်စနစ် မကျဆုံးမချင်း၊ ကျနော်တို့ အားလုံး ကျောင်းသား။   ။

( ပြီး ပါ ပြီ )

ေ အာ င်ေ ၀း
မေ ၂၉- ၂၀၁၅။

ေ ဒါ်ေ အာ င် ဆ န်း စု ကြ ည် သို့ေ ချ ပ ချ က်


  

ကားလ်မတ်ခေတ်ပြိုင် တစ်ခေတ်တုန်းက၊ ကမ္ဘာကျော် လက်ဝဲစာပေကျမ်းဂန်တစ်စောင် ရှိခဲ့ဖူးတယ်။ ရေးသူက မတ်ရဲ့ရဲဘော်ကြီး အိန်ဂျယ်ပါ။ အိန်ဂျယ့်စာအုပ်နာမည်က ANTI JURING (ဂျူးရင်းသို့ ချေပချက်)။

ဒေါ်အောင်ဆန်းစုကြည် မြန်မာ့နိုင်ငံရေးလောကထဲကို ရောက်မလာခင်ကတည်းက ကျနော်(တို့ )ဟာ မတ်ဝါဒီတွေပါ။ (မတ်ဝါဒလိုလားသူ)။ ကျနော်တို့ ဟာ ကျနော်တို့ ရဲ့ပျိုရွယ်တဲ့တက္ကသိုလ်ကျောင်းသားဘ၀တွေကို၊ နေ၀င်း - စန်းယု စစ်အာဏာရှင်စနစ်ဆန့် ကျင်ဖြုတ်ချရေးတိုက်ပွဲစဉ်ကြီးထဲမှာ မြှုပ်နှံစတေးခဲ့ကြတဲ့ သူတွေပါ။

မတ်ဝါဒရဲ့အခြေခံတရားဟာ အကြမ်းဖက်တော်လှန်ရေးဖြစ်ပါတယ်။ ကျနော်တို့ တိုးတက်တဲ့ကျောင်းသားတွေဟာ ပထမဦးမှာ ဗ က ပ (ဗမာပြည်ကွန်မြူနစ်ပါတီ) လိုလားသူတွေအနေနဲ့ လက်ဝဲစာပေတွေကိုဖတ်၊ လက်ဝဲအတွေးအခေါ်က်ုလေ့လာပြီး၊ စစ်အစိုးရကို ပုန်ကန်ခြားနားဖို့ ပြည်သူ့ ဒီမိုကရေစီတော်လှန်ရေးကိုပဲ၊ အမြဲနှလုံးသွင်းထားခဲ့ကြတာပါ။

၁၉၆၂ မှာ နေ၀င်းအာဏာသိမ်းတယ်။ တော်လှန်ရေးကောင်စီဆိုပြီး စစ်အာဏာရှင်စနစ်ပေါ်လာတယ်။ ရန်ကုန်တက္ကသိုလ်ဝင်းထဲက ကျောင်းသားသမဂ္ဂအဆောက်အအုံကို နေ၀င်း(နဲ့ အောင်ကြီး)မိုင်းနဲ့ ခွဲပြီး ဖျက်ဆီးပစ်လိုက်တယ်။ ကျောင်းသားထုဟာ တစ်သက်ကမ္ဘာမကျေ၊ ကမ္ဘာကျေသော်လည်း ဥဒါန်းမကျေနိုင်ဖြစ်ခဲ့တယ်။ ကျောင်းသားမျိုးဆက် အဆက်ဆက်ဟာ ကျောင်းသားသမဂ္ဂပြန်လည်ပေါ်ထွန်းလာရေးအတွက်စွန့် စားကြိုးပမ်းဆောင်ရွက်ခဲ့ကြတယ်။ ဒါပေမဲ့ နေ၀င်း - စန်းယုဖိနှိပ်ချုပ်ချယ်မှုက ပြင်းထန်လွန်းတော့၊ ကျောင်းသားသမဂ္ဂဆိုတာ ပြန်လည်ပေါ်ထွန်းမလာနိုင်ခဲ့ဘူး။

ကျောင်းသားသမဂ္ဂပေါ်ထွက်မလာသေးပေမဲ့၊ စစ်အစိုးရဆန့် ကျင်ရေး ကျောင်းသားတိုက်ပွဲတွေကတော့ အဆက်မပြတ်ဖြစ်ပေါ်နေခဲ့တာပါ။ ၁၉၆၂ တော်လှန်ရေးကောင်စီစစ်အာဏာသိမ်းတုန်းက ပထမဆုံးနဲ့  အပြင်းထန်ဆုံး ဆန့်ကျင်ကန့် ကွက်ခဲ့တာ ကျောင်းသားသမဂ္ဂပါပဲ။ ဗ က သ၊ တ က သ၊ ကျောင်းသားသမဂ္ဂတွေပဲ။ ဗ က သ ဥက္ကဋ္ဌ ကိုသက်၊ တ က သ ဥက္ကဋ္ဌ ကိုဗဆွေလေးတို့ ဟာ နေ၀င်းနဲ့ တော်လှန်ရေးကောင်စီကို ပြန်တိုက်ဖို့ ဗမာပြည်ကွန်မြူနစ်ပါတီ(ဗ က ပ)ဆီ တောခိုသွားခဲ့ကြတယ်။ လူထုဦးလှ - လူထုဒေါ်အမာတို့ ရဲ့ သားကြီး ကိုစိုးဝင်းနဲ့ အခြားကျောင်းသားတွေလည်း လက်နက်ကိုင်တော်လှန်ရေးလုပ်ဖို့  ဗ က ပ ဗဟို ပဲခူးရိုးမကိုရောက်သွားခဲ့ကြတဲ့သမိုင်းပေါ့ ။

ကျနော်တို့ ခေတ်ကိုရောက်တော့၊ ၁၉၇၀ ရန်ကုန်တက္ကသိုလ်နှစ်(၅၀)ပြည့်ရွှေရတုသဘင်ဟာ အစိုးရဆန့် ကျင်ရေးအသွင်ပြောင်းသွားခဲ့တယ်။ (ဒါရဲ့ရှေ့မှာ ၁၉၆၉ အရှေ့တောင်အာရှကျွန်းဆွယ်အားကစားပွဲ ကျောင်းသားအရေးအခင်းတစ်ခုဖြစ်ခဲ့တာရှိသေးတယ်)

ကျနော်တို့ ရဲ့ကျောင်းသားတိုက်ပွဲစဉ်တွေထဲမှာ ကျောင်းသားသမဂ္ဂကိုပြန်လည်အသက်သွင်းဖို့  အကြိမ်ကြိမ်အဖန်ဖန်ကြိုးစားခဲ့ကြပေမဲ့၊ နေ၀င်း - စန်းယု စစ်တပ်နဲ့ စစ်ထောက်လှမ်းရေးတွေက ရက်ရက်စက်စက်ချေမှုန်းဖြိုခွဲတဲ့အတွက် ကျနော်တို့ မအောင်မြင်ခဲ့ဘူး။ ကျနော်တို့ ဟာ (ကျောင်းသားတွေဟာ) ကျနော်တို့  ယုံကြည်တဲ့ လက်ဝဲ၀ါဒ(မတ်ဝါဒ)အတွေးအခေါ်နဲ့ စစ်အာဏာရှင်တွေကို တော်လှန်တိုက်ခိုက်ကြရမယ်ဆိုတာဟာ၊ ကျနော်တို့ ကျောင်းသားတွေရဲ့ရိုးရာယဉ်ကျေးမှုလိုဖြစ်ခဲ့တယ်။

ဗမာပြည်ကွန်မြူနစ်ပါတီ(ဗ က ပ)ဟာ နေ၀င်း - စန်းယုစစ်အစိုးရကို လက်နက်ကိုင်ပြီးတိုက်နေတယ်။ ကျနော်တို့ ကျောင်းသားတွေက မြို့ ပေါ်မှာ(မြေပေါ်မှာ) စစ်အစိုးရဆန့် ကျင်ရေးလုပ်တယ်။ ဒီတုန်းက ဗ က ပ ရဲ့မြေအောက်လှုပ်ရှားမှုတချို့ လည်းရှိခဲ့တယ်။ ယူဂျီပေါ့ ။

၁၉၇၄ ဇွန်(၆) အလုပ်သမားအရေးအခင်းဖြစ်တယ်။ ကျောင်းသားတွေလည်းပါတယ်။ ၁၉၇၄ ဒီဇင်ဘာ (၅) ဦးသန့် ဈာပနအရေးအခင်းဖြစ်တယ်။ စစ်တပ်က အကြမ်းဖက်နှိမ်နင်းပြီး၊ ကျောင်းသားအမြားအပြားထောင်ထဲရောက်ကြရတယ်။ သေကြေဒဏ်ရာတွေရခဲ့ကြတယ်။ ၁၉၇၅ ဇွန်(၆) အလုပ်သမားအရေးအခင်းနှစ်ပတ်လည် ရွှေတိဂုံအထွေထွေသပိတ်မှာ ကျောင်းသားတွေ ရိုက်နှက်ဖမ်းဆီးခံကြရပြန်တယ်။ ၁၉၇၆ မတ်(၂၃) ဆရာကြီးသခင်ကိုယ်တော်မှိုင်းနှစ်(၁၀၀)ပြည့်ပွဲကို စစ်အစိုးရက တားဆီးနှိမ်နင်း ဖြိုခွင်းပစ်ခဲ့တယ်။ ကျောင်းသားတွေ အစုလိုက် အပြုံလိုက် အကျဉ်းထောင်တွေထဲရောက်ကုန်တယ်။ (ကျနော် မှိုင်းရာပြည့်အရေးအခင်းမှာ ပုသိမ်ကောလိပ်ကနေ ထောင်ထဲရောက်ခဲ့တယ်)

` စစ်အာဏာရှင်စနစ်ဆန့် ကျင်ဖြုတ်ချရေး တိုက်ပွဲစဉ်ကြီးမှာ ကျနော်တို့ မှာ စုရပ်ဖြစ်တဲ့ “ကျောင်းသားသမဂ္ဂ” မရှိခဲ့ပါဘူး။ (ကျောင်းသားသမဂ္ဂဖွဲ့ စည်းနိုင်ဖို့ အခြေအနေမပေးခဲ့ပါ) ကျောင်းသားတွေဟာ ဘုံရန်သူကို ဆန့် ကျင်တိုက်ခိုက်ဖို့ ၊ တူညီတဲ့ရပ်တည်ချက်၊ ရည်မှန်းချက်၊ တော်လှန်တဲ့ကျောင်းသားစိတ်ဓာတ်ကို စုရပ်ထားပြီး၊ ကျောင်းသားညီညွတ်ရေးထူထောင်ခဲ့ကြရတာပါ။ ခွပ်ဒေါင်းအလံတော်အောက်မှာ စုစည်းတိုက်ပွဲဝင်ခဲ့ကြတာပါ။

ကျနော်တို့ ကျောင်းသားမျိုးဆက်(၇၄- ၇၅- ၇၆ မျိုးဆက်)ရဲ့သမိုင်းဟာ ကျောင်းသားတိုက်ပွဲတွေ အရှိန်အဟုန်ပြင်းပြင်းနဲ့ စစ်အစိုးရ အထိနာအောင်တိုက်ခိုက်နိုင်ခဲ့တဲ့သမိုင်းဖြစ်တယ်။ ရန်သူရဲ့ တုန့် ပြန်မှု၊ ဖိနှပ်ချုပ်ချယ်မှုကလည်း အပြင်းထန်ဆုံးအဆင့်ရောက်ခဲ့တယ်။ ကျောင်းသားစိတ်ဓာတ်ဟာ အနိုင်မခံ၊ အရှုံးမပေး၊ လှေခွက်ချည်းကျန် အလံမလှဲတဲ့စိတ်ဓာတ်ဖြစ်တယ်။ ဒီခွပ်ဒေါင်းစိတ်ဓာတ်နဲ့ ကျနော်တို့ ကြံ့ကြံ့ခံရင်ဆိုင်ခဲ့တယ်။

၁၉၇၆ (မှိုင်းရာပြည့်အရေးအခင်း)မှာ ၇၄- ၇၅ ကျောင်းသားခေါင်းဆောင် ကိုဆလိုင်းတင်မောင်ဦး ကြိုးပေးကွပ်မျက်ခံခဲ့ရတဲ့သမိုင်း။ ဒီသမိုင်းကို ကျနော်တို့ ဒီအတိုင်း မေ့ပျောက်ထားရစ်ခဲ့ရမှာလား ဒေါ်အောင်
ဆန်းစုကြည်ရယ်။

မ ဆ လစစ်အစိုးရကလည်း ရက်ရက်စက်စက်ကိုင်တွယ်တယ်။ ကျောင်းသားတွေကလည်း ရဲရဲရင့်ရင့် ရင်ဆိုင်တယ်။ နောက်တော့ ကျောင်းသားတွေဦးဆောင်တဲ့ ၁၉၈၈ ရှစ်လေးလုံးအရေးတော်ပုံကြီးဖြစ်လာတယ်။ မ ဆ လ ပါတီနဲ့ အစိုးရ တစ်စတစ်စယိုယွင်းကျဆုံးလာတယ်။ ဒေါ်အောင်ဆန်းစုကြည် မြန်မာပြည်ရောက်လာတယ်။ ဘကြီးနုက စင်ပြိုင်အစိုးရဖွဲ့ ပြီး အာဏာပြန်တောင်းတယ်။ (မအောင်မြင်လိုက်ဘူး)

၁၉၈၈ သြဂုတ်(၂၈) ရန်ကုန်တက္ကသိုလ်၊ ဆဲဗင်းဂျူလိုင်ရင်ပြင်နီမှာ မင်းကိုနိုင်၊ကိုကိုကြီး၊ မိုးသီးဇွန်တို့  ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ ချုပ်(ဗ က သ များအဖွဲ့ ချုပ်) ALL BURMA FEDERATION OF STUDENT UNIONS (A B F S U) ကို ဖွဲ့ စည်းထူထောင်နိုင်ခဲ့ကြတယ်။ ဗ က သ များအဖွဲ့ ချုပ်ရဲ့(၆) ကြိမ်မြောက်ညီလာခံကို ၁၉၆၀ပြည့်နှစ်(အောက်တိုဘာ)မှာ နောက်ဆုံးကျင်းပခဲ့တာဆိုတော့၊ အခု မင်းကိုနိုင်၊ ကိုကိုကြီး၊ မိုးသီးဇွန်တို့ ဦးဆောင်တဲ့ ၁၉၈၈ ဗ က သ များအဖွဲ့ ချုပ်ညီလာခံဟာ (၇)ကြိမ်မြောက်အဖြစ်သမိုင်း ၀င်ခဲ့ပါတယ်။

ကျနော်တို့ မျိုးဆက်ခေတ်(၇၄- ၇၅- ၇၆)မှာ ကျနော်တို့ ဘယ်လိုမှာမဖွဲ့ စည်း၊ မတည်ထောင်နိုင်ခဲ့တဲ့ ကျောင်းသားသမဂ္ဂကို သူတို့ (မင်းကိုနိုင်၊ ကိုကိုကြီး၊ မိုးသီးဇွန်)ထူထောင်နိုင်ခဲ့ကြတယ်။သူတို့ ကို ကျနော်တို့ ကျောင်းသားဟောင်းတွေက အားပေးဝန်းရံခဲ့ကြတယ်။

နောက်တော့၊ တိုတိုပြောရရင် ၈၈ စက်တင်ဘာ(၁၈) မ ဆ လ အကြွင်းအကျန်စစ်တပ်က အာဏာ သိမ်းသွားတယ်။ ၁၉၅၈ မှာတစ်ကြိမ်၊ ၁၉၆၂ မှာတစ်ကြိမ်၊ အခုတစ်ခါ ၁၉၈၈မှာ အာဏာသိမ်းတာဟာ တတိယအကြိမ်သိမ်းတာပဲ။ စစ်တပ်အာဏာတစ်ခါသိမ်းရင် အနှစ်(၃၀)လောက်(၂၆ နှစ်)ကြာတယ်ဆိုတဲ့ ခါးသီးတဲ့ သမိုင်းသင်ခန်းစာတစ်ခု ကျနော်တို့ ကြုံတွေ့ ခဲ့ကြရပြီ။

စစ်တပ်ကအာဏာမသိမ်းခင်၊ မ ဆ လ အစိုးရရဲ့သုံးယောက်မြောက်နဲ့ နောက်ဆုံးသမ္မတအဖြစ်၊ ကျောင်းသားတွေဖြုတ်ချတာကိုခံခဲ့ရတဲ့ ဒေါက်တာမောင်မောင် ပြောခဲ့တဲ့စကားလေး ဒီနေရာမှာ ဒေါ်အောင်ဆန်းစုကြည်ပြန်လည်ကြားယောင်စေချင်မိပါရဲ့။

“ … ကျောင်းသားသမဂ္ဂအဆောက်အအုံကြီးကိုလည်း ပျော်ပျော်ပါးပါးကြီး အတူအုတ်မြစ်ချကြတာပေါ့ ” တဲ့။ ဒေါက်တာမောင်မောင် ကျောင်းသားနဲ့ ပြည်သူတွေကို ပျားရည်နဲ့ ဝမ်းချဖို့ ကြိုးစားခဲ့တာပါပဲ။

ကျောင်းသားသမဂ္ဂနဲ့ ကျောင်းသားသမဂ္ဂအဆောက်အအုံဆိုတာ ကျောင်းသားတိုက်ပွဲစဉ်အဆက်ဆက်ရဲ့အသက်နဲ့ ဝိညာဉ်ပါပဲ။

ကျောင်းသားသမဂ္ဂတွေ လွတ်လပ်စွာဖွဲ့ စည်းထူထောင်နိုင်ကြပြီဆိုရင်၊ ကျောင်းသားသမဂ္ဂအဆောက်အအုံသစ်ကြီးလည်း ပြန်လည်ပေါ်ထွက်လာပြီဆိုရင်၊ ဒါဟာ မြန်မာ့မြေ မြန်မာ့ရေပေါ်မှာ စစ်အာဏာရှင်စနစ် လုံးလုံးချုပ်ငြိမ်းပြီး၊ တရားမျှတ လွတ်လပ်ခြင်းနဲ့ ငြိမ်းချမ်းတည်ငြိမ်တဲ့ တိုင်းသစ်ပြည်သစ်ဖြစ်ပြီလို့ စိတ်ချလက်ချ မှတ်ယူနိုင်ပြီပဲ မဟုတ်လား။

ဒါတွေဟာ ကမ္ဘာ့ငြိမ်းချမ်းရေးနိုဘယ်ဆုရှင်၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် မသိမမီခဲ့တဲ့ မြန်မာနိုင်ငံကျောင်းသားထုရဲ့စစ်အာဏာရှင်စနစ်ဆန့် ကျင်ဖြုတ်ချရေးနဲ့ ကျောင်းသားသမဂ္ဂများ ပြန်လည်ဖြစ်ပေါ်လာရေး ခေတ်အဆက်ဆက်စွန့် စားကြိုးပမ်းခဲ့ကြတဲ့ တိုက်ပွဲစဉ်ကြီးရဲ့အကြမ်းဖျင်းရုပ်ပုံလွှာကားချပ်မျှသာပါ။

ဆက်ပြောရရင်၊ ၈၈ စစ်တပ်ကအာဏာသိမ်းလိုက်ပြီးတော့ န ၀ တ စစ်အစိုးရပေါ်လာတယ်။ ရွေးကောက်ပွဲနဲ့ လူထုကိုနှစ်သိမ့်လိုက်တယ်။ ဒေါ်အောင်ဆန်းစုကြည် ပါတီထောင်တယ်။ ကျောင်းသားတွေရဲ့ ခွပ်ဒေါင်းအလံတစ်စိတ်တစ်ပိုင်းကိုယူပြီး ပါတီအလံလုပ်တယ်။ (ဗ က သ ခွပ်ဒေါင်းအလံထဲက ခြေမန်းကွင်းကို ဖယ်ပြီး၊ ကြယ်ဖြူကြီးတစ်လုံးထည့်လိုက်တယ်)

သွေးမြေကျတိုက်ပွဲဝင်ခဲ့တဲ့ကျောင်းသားတွေကိုဂုဏ်ပြုတဲ့အနေနဲ့ အင်န်အယ်လ်ဒီအဖွဲ့ ချုပ်ရဲ့အလံမှာ ခွပ်ဒေါင်းပုံရေးဆွဲထည့်သွင်းခဲ့တာဖြစ်တယ်လို့ ဒေါ်အောင်ဆန်းစုကြည် ဖွင့်ဟ၀န်ခံခဲ့ဖူးပါတယ်။
ခုတော့၊ ဒေါ်အောင်ဆန်းစုကြည် ဒီစကားကို မေ့သွားခဲ့ပါပြီ။
(ဆ က် ရ န် )
ေ အာ င်ေ ၀း
မေ ၂၇- ၂၀၁၅။ 

Sunday, May 31, 2015

ေ ဒါ်ေ အာ င် ဆ န်း စု ကြ ည် သို့ေ ချ ပ ချ က် (၂)

(ယမန်နေ့ ကအဆက်)

ဒေါ်အောင်ဆန်းစုကြည် ပါတီတည်ထောင်စအချိန်တုန်းက ကျနော်တို့ ထောင်ထွက်ကျောင်းသား ဟောင်းတွေကြားမှာ ဖြစ်ပျက်ခဲ့တဲ့ အဖြစ်အပျက်ကလေးတစ်ခု ပြောရပါဦးမည်။

၇၄ ဦးသန့် ၊ ၇၅ ရွှေတိဂုံအထွေထွေသပိတ်၊ ၇၆ မှိုင်းရာပြည့်တွေနဲ့ အကျဉ်းထောင်အသီးသီးထဲ ရောက်သွားကြတဲ့ကျောင်းသားတွေ ၁၉၇၈- ၇၉- ၈၀ တွေလောက်မှာ ပြန်လည်လွတ်မြောက်လာကြပြီး၊ ရှေ့  ဘာဆက်လုပ်ကြမလဲဆိုတာကို ဆွေးနွေးတိုင်ပင်ကြတယ်။ (၁၉၇၈၊ အောက်တိုဘာ-၂၇၊ ဗန်းမော်တင်အောင် ဈာပနမှာ ကျနော်တို့ ထောင်ထွက်ကျောင်းသားတွေ တွေ့ ဆုံစုစည်းခွင့်ရခဲ့တယ်) ကျနော်တို့ အထဲမှာ တချို့ က လက်နက်ကိုင်တော်လှန်ရေးကိုသွားချင်တယ်။ တောခိုမယ်။ တချို့ ကတော့ တောမခိုဘဲ၊ မြေအောက် ယူဂျီ သဘောမျိုးဆက်လုပ်ချင်တယ်။

လီနင်ကပြောခဲ့တယ်။ “တော်လှန်တဲ့အတွေးအခေါ်တစ်ရပ်မရှိဘဲ၊ တော်လှန်တဲ့အရေးတော်ပုံတစ်ရပ် မဖြစ်ပေါ်နိုင်ဘူး” တဲ့။ ကျနော်တို့ မှာ(ကျောင်းသားတွေမှာ)တော်လှန်တဲ့အတွေးအခေါ်ရှိတယ်။ တိုက်ပွဲလည်း ၀င်တယ်။ ကျောင်းသားတိုက်ပွဲတွေပေါ်ထွက်နိုင်ခဲ့တယ်။

လီနင်ကဆက်ပြောတယ်။ တော်လှန်တဲ့တပ်ဦးတစ်ခုမရှိဘဲ၊ တော်လှန်တဲ့အရေးတော်ပုံ အောင်ပွဲမခံနိုင်ဘူး” တဲ့။ ကျနော်တို့ မှာ အဲဒီတပ်ဦး မရှိဘူးဖြစ်နေတယ်။ ဆိုလိုတာက ကျောင်းသားသမဂ္ဂမရှိဘူးပဲ။ ဖွဲ့ စည်းလို့ လည်း မအောင်မြင်ခဲ့ကြဘူး။ ဗမာပြည်ကွန်မြူနစ်ပါတီ(ဗ က ပ)ဆိုတာက လက်နက်ကိုင်တော်လှန်ရေးပါတီ၊ တပ်ဦး။ ကျနော်တို့ က လက်နက်မပါတဲ့ကျောင်းသားတွေ။ ဥပဒေတွင်းတိုက်ပွဲသမားတွေ။
လီနင်စကားကျန်ခဲ့မှာစိုးလို့ ဆက်ပြောရရင်၊ လီနင် အလေးအနက်ပြောတာက “ပညာတတ်တွေ အပြည့်အ၀ တော်လှန်ရေးထဲပါမလာသေးရင်၊ တော်လှန်ရေးအောင်ပွဲဟာ ပြီးပြည့်စုံတဲ့အောင်ပွဲ ဖြစ်မလာသေးဘူး” တဲ့။

နောက်ဆုံးတော့၊ ကျနော်တို့ ဟာ ကျောင်းသားသမဂ္ဂအစား၊ ကိုယ့်ဘက်က မားမားမတ်မတ်ရပ်တည် ပေးနေတဲ့ ဗ က ပ(ဗမာပြည်ကွန်မြူနစ်ပါတီ)ကိုပဲ အားကိုးစရာရှိတော့တယ်။ ကျနော်တို့ အုပ်စုထဲကဆိုရင်၊ ကိုအောင်စောဦး ဗ က ပ ဗဟိုကို လျွှို့ ဝှက်သွားရောက် ဆက်သွယ်ခဲ့တယ်။ ဗ က ပ ဗဟိုရဲ့လမ်းညွှန်ချက်ကို ယူပြီး ကိုအောင်စောဦး ပြန်ရောက်ချလာတယ် အဲဒီ ဗ က ပ ဗဟိုလမ်းညွှန်ချက်အရ၊ ကျနော်တို့ အားလုံး တောမခိုဖြစ်ကြတော့ဘဲ၊ မြစ်ဝကျွန်းပေါ်နေရာအနှံ့ မှာ၊ မြေအောက်လုပ်ဟန်တစ်ရပ်အနေနဲ့ ၊ ရွာတွေရွာတွေ
မှာ တွဲဖက်ကျောင်းဆရာတွေအဖြစ် ကေဒါမြှုပ်နှံလိုက်ကြတယ်။ ဗ က ပ ယူဂျီနဲ့ ယူဂျီတစ်ပိုင်းပေါ့ ။

ဒါက ကျနော်တို့ ၁၉၇၉- ၈၀ လောက်ကနေ၊ ၁၉၈၈ ရှစ်လေးလုံးလူထုအရေးတော်ပုံကြီးဖြစ်တဲ့အထိ။ အဲဒီအချိန်အထိ ကျနော်တို့ ဟာ ကျောင်းသားဟောင်းတွေ၊ ထောင်ထွက်တွေ၊ ကျောင်းသားစိတ်ဓာတ်၊ ခွပ် ဒေါင်းစိတ်ဓာတ်နဲ့ မ ဆ လ ဆန့် ကျင်ရေး၊ စစ်အာဏာရှင်စနစ်ဖြုတ်ချရေး တော်လှန်ရေးခရီးရှည်ကြီး ဆက် ချီတက်နေကြတာ။

၁၉၈၂ မှာ ယူဂျီ တစ်ခါပေါက်လို့  ကျနော်တို့ အထဲက ကိုအောင်စောဦးနဲ့ ရဲဘော်တချို့ ပြန်အဖမ်းခံလိုက်ကြရပါသေးတယ်။

ကျနော်တို့ ဟာ စစ်အာဏာရှင်စနစ်ဆိုးကို အမြစ်ဖြတ်ချေမှုန်းရမယ်ဆိုတဲ့ ကျောင်းသားစိတ်ဓာတ်၊တစ်နည်း သူရဲကောင်းခွပ်ဒေါင်းစိတ်ဓာတ်နဲ့ ကိုယ်နိုင်တဲ့ဝန်ကို ကိုယ့်အသိစီတ်ဓာတ်နဲ့ ကိုယ်ဝင်ထမ်းခဲ့ကြတာ ပါပဲ။ ၈၈ အရေးအခင်းဖြစ်လာတော့၊ ကျနော်တို့ အားလုံး မိမိကိုယ်မိမိ ကျောင်းသားတစ်ယောက်လို သဘောထားပြီး ပါဝင်လှုပ်ရှားခဲ့ကြတယ်။

ဒေါ်အောင်ဆန်းစုကြည် အဖွဲ့ ချုပ်ကိုတည်ထောင်တော့၊ ကျနော်တို့ နယ်အသီးက ထောင်ထွက် ကျောင်းသားခေါင်းဆောင်ဟောင်းတွေဟာ၊ အဖွဲ့ ချုပ်ထဲ တက်ကြွတဲ့ပါတီဝင်တွေအဖြစ်နဲ့ ဒေါ်အောင်ဆန်းစုကြည်ကို အပြည့်အ၀၀န်းရံပေးခဲ့ကြတယ်။

ကျနော် ဥပမာပေးပါ့ မယ်။ ဒေါ်အောင်ဆန်းစုကြည်တာဝန်ပေးလို့ ကျနော် ဒေါက်တာသက်မင်းနဲ့  အတူ ဧရာဝတီ တိုင်းစည်းရုံးရေးတာဝန်ယူရပါတယ်။ ကျနော်တို့ ဧရာဝတီတိုင်းစည်းရုံးရေးကော်မတီမှာပါတဲ့ လူတွေထဲက၊ ကိုဗဟိန်းအောင်(ဆရာဗန်းမောင်တင်အောင်ရဲ့သား) စီးပွားရေးတက္ကသိုလ်က၊ ၇၅ ရွှေတိဂုံ အထွေထွေသပိတ်နဲ့ ထောင်ထွက်။ ကိုသောင်းအေး(မအူပင်) ရန်ကုန်တက္ကသိုလ်က၊ ၇၄ ဦးသန့် အရေးအခင်းတုန်းက မန္တလေးဆောင်ကော်မတီ။ အခုလက်ရှိ ကေအင်န်ယူက ဗိုလ်မှူးကြီးစောလှငွေတို့ ၊ မနှစ်တစ်နှစ်ကမှ ကွယ်လွန်သွားတဲ့ ကျောင်းသားတပ်မတော် ABSDF က တရားသူကြီးချုပ် ကိုမောင်မောင်တိတ်တို့ နဲ့ အတူ ဦးသန့် အရေးအခင်းခေါင်းဆောင်ခဲ့သူ။ ပြီးတော့ ကျနော်၊ ၁၉၇၆ ပုသိမ်ကောလိပ် မတ်လအရေးအခင်း၊ မှိုင်းရာပြည့်၊ ထောင်ထွက်။ ဒီလိုတွေ ပါဝင်ဝန်းရံခဲ့ကြတယ်။

၁၉၈၉ နှစ်ဆန်း၊ ဒေါ်အောင်ဆန်းစုကြည် ဧရာဝတီတိုင်းစည်းရုံးရေးခရီးစဉ်ထွက်တော့၊ မြောင်းမြမှာ ညအိပ်ရပ်နားတုန်းက၊ ဒေါ်အောင်ဆန်းစုကြည်နဲ့ အတူပါလာတဲ့ ကျနော်ရယ်၊ ကိုအောင်စောဦးရယ်နဲ့ ၊ မြောင်းမြက ကျောင်းသားနိုင်ငံရေးလုပ်ဖော်ကိုင်ဖက် ထောင်ထွက်တွေ ခေါင်းချင်းဆိုင်ကြရောဆိုပါတော့။ ကျနော်နဲ့  ကိုအောင်စောဦးနဲ့ က အင်န်အယ်လ်ဒီမှာဝင်လုပ်နေကြပြီ။ မြောင်းမြရဲဘော်တွေရဲ့သဘောထားကိုမေးတဲ့အခါ၊ သူတို့ က ပါတီမှတ်ပုံတင်ပြီးမှလုပ်လို့ ရတဲ့နိုင်ငံရေးမျိုး သူတို့ စိတ်ဝင်စားပုံမရှိကြ။ ဒီချုပ် မပြောနဲ့ ၊ ဗ က ပ ရဲ့ ကိုယ်ပွား အရန်ပါတီလို့ ဆိုကြတဲ့ ဦးခင်မောင်မြင့်တို့ ၊ ဘိုကလေးဦးလှရွှေတို့ ရဲ့”ပီ” သုံလုံး၊ PEOPLE PROGRESSIVE PARTY (ပြည်သူ့ တိုးတက်ရေးပါတီ)ကိုတောင် သူတို့ မ၀င်ကြပါဘူး။

အဲဒီတုန်းက သူတို့ မြောင်းမြရဲဘော်တွေအမြင်၊ အင်န်အယ်လ်ဒီကလည်း အောင်ကြီး- အရင်းရှင်၊တင်ဦး- တပ်မှူးဟောင်း၊ ဒေါ်စု- တတ်သိ ဆိုပြီး စုပေါင်းစပ်ပေါင်း သုံးချောင်းထောက်ဖြစ်နေတာကိုး။ ဒါထားလိုက်တော့။

အဆုံးကျတော့၊ ဒေါ်အောင်ဆန်းစုကြည် ခရီးစဉ်မပြီးခင်မှာပဲ ကျနော်အဖမ်းခံရပြီး ပုသိမ်အကျဉ်းထာင်ထဲရောက်။ ကျနော့်သူငယ်ချင်း မြောင်းမြကရဲဘော်တွေလည်း၊ ဗ က ပ ၄၈၂၈ ယူဂျီပေါက်ပြီး၊ ကျနော်ရှိရာ ပုသိမ်အကျဉ်းထောင်ထဲ ရောက်ချလာကြတော့တာပါပဲ။ ကျနော်က (၁)နှစ်ခွဲနဲ့ ပြန်လွတ်လာတယ်။ သူတို့ က(၁၀)နှစ်ကြာခဲ့ကြတယ်။

ပြောရရင်၊ အားလုံးဟာ ကျောင်းသားအစဉ်အလာ၊ ကျောင်းသားစိတ်ဓာတ်အင်အားနဲ့ ၊ ကိုယ့်အတိုင်းအတာနဲ ကိုယ်၊ ကိုယ်ပေးဆပ်နိုင်သလောက်၊ ကျောင်းသားသမဂ္ဂများပြန်လည်ဖွဲ့ စည်းရေး အစ၊ စစ်အာဏာရှင်စနစ်ဆန့် ကျင်ဖြုတ်ချရေး အဆုံး၊ ခရီးရှည်တော်လှန်ရေးကြီးထဲမှာ ပါဝင်လှုပ်ရှား ပေးဆပ်ခဲ့ကြတာပါပဲ။

“အို- ကျဆုံးလေပြီးသောပန်းပွင့်များ
ကြယ်တာရာများ
တောတွင်း
အကျဉ်းထောင်အတွင်း
ကျောင်းတွင်း
ပဲခူးရိုးမပေါ်
ကတ္တရာလမ်းမပေါ်
ကျွန်းပေါ်
သင်တို့ ကျဆုံးခဲ့သော်လည်း
သင်တို့ ရဲ့ အလံကား ဘယ်တော့မှ မလဲ”

ကျနော်ရေးခဲ့တဲ့ “ငါတို့ ခွပ်ဒေါင်းအလံပြန်ပေး” ဆိုတဲ့ ကဗျာထဲကပါ။

ဒါတွေဟာ တက္ကသိုလ်ကျောင်းသားဘ၀ကစပြီး၊ ထောင်တွေတန်းတွေ အကြိမ်ကြိမ်ကျ၊ တိုက်ပွဲတွေ အလီလီဆက်၊ လဲရင် ပြန်ထ၊ ဘယ်တော့မှဦးမညွှတ်တဲ့ ဗ က သ (ဗကသများအဖွဲ့ ချုပ်)စိတ်ဓာတ်၊ ကျောင်းသားစိတ်ဓာတ်၊ ခွပ်ဒေါင်းစိတ်ဓာတ်ရဲ့ရာဇ၀င်ရေးမောင်းနှင်မှုနဲ့ ၊ ကျနော်တို့ ခေတ်ကို ကျနော်တို့ ကိုယ်တိုင်ဖြတ်သန်းခဲ့ကြတာပါ။

တိုက်ပွဲ မပြီးသေးပါဘူး။ အခု ဘယ်သူတွေတိုက်ပွဲဝင်နေကြသလဲ။ ကျောင်းသားတွေပါပဲ။ ကျနော်တို့ ဟာ သမိုင်းသိစိတ်ရှိတဲ့ ကျောင်းသားဟောင်းတွေပဲ။ ကျနော်တို့ ရင်ထဲမှာ တိုက်ရဲ၊ အနိုင်ယူရဲတဲ့ ခွပ်ဒေါင်းစိတ်ဓာတ်ရှိနေသေးရင်၊ ကျနော်တို့ ဟာ ကျောင်းသားတွေပဲပေါ့ ။ ထာဝရပေါ့ ။

တိုက်ပွဲ မပြီးသေးပါဘူး။ ကျောင်းသားတွေ ဆက်တိုက်ကြရပါဦးမယ်။ ဒေါ်အောင်ဆန်းစုကြည်ကိုတော့ အားနာပါတယ်။

လေးကိုင်းကိုကွေးတင်၍
လေးညှို့ကိုငင်ပြီးပြီ
မြားဦးမှာ မရပ်ချင်ပါနဲ့ အရှင်။
( ဆ က် ပါ ဦး မ ည် )
ေ အာ င်ေ ၀း


မေ ၂၈- ၂၀၁၅။

Monday, May 18, 2015

ကက်ကင်း မိတ်ဆက် အဝေးက သ၀ဏ်လွှာ


WIN AUNG & AUNG WAY - 
က က် က င်း စာ အု ပ် မိ တ် ဆ က် ပွဲ သို့ ။

အားလုံး မင်္ဂလာပါ။  ကြွရောက်လာသူအားလုံး ကြည်သာချမ်းမြ ရှိကြပါစေလို့  ဦးစွာနှုတ်ခွန်းဆက်သအပ်ပါတယ်။

အခုလို ကျနော်တို့ သူငယ်ချင်းနှစ်ယောက်ရဲ့ စာအုပ်မိတ်ဆက်ပွဲကလေးကို တက်ရောက်လာကြသူ၊ စာပေအနုပညာလောက၊ သတင်းမီဒီယာလောက၊ နိုင်ငံရေးလောကတွေက ဆရာ၊ ဆရာမများ၊ ရဲဘော် သူငယ်ချင်း မိတ်ဆွေများခင်ဗျား-

အင်္ဂလိပ်စာဆိုကြီး လောင်းဖဲလိုး ရဲ “့မြားတစ်စင်းနဲ့ သီချင်းတစ်ပုဒ်” ဆိုတဲ့ကဗျာထဲမှာ၊ သီချင်းတစ်ပုဒ်ကို ရင်ဖွင့်ဆို ထုတ်လိုက်တယ်၊ လေထဲအဝေးကြီး၊ ဘယ်ဆီရောက်သွားပလဲ။ မြားတစ်စင်းကိုလည်း ပစ်လွှတ်လွှင့်တင်လိုက်တယ်၊မျက်စေ့တစ်ဆုံး၊ ဘယ်ဝယ်ရောက်သွားသလဲ။ နောင်နှစ်ပေါင်းများစွာ ကြာတဲ့အခါမှာတော့၊ အဲဒီသီချင်းကို သူငယ်ချင်းရဲ့  နှလုံးအိမ်ထဲမှာ အစ အဆုံး ပြန်ကြားလိုက်ရတယ်တဲ့။ မြားကိုလည်း ၀က်သစ်ချပင်တစ်ပင်မှာ မကျိုးမပဲ့ စိုက်လျက်သား တန်းလန်း ပြန်တွေ့လိုက်ရပါသတဲ့။

အခု ဒီ ကက်ကင်း စာအုပ်ကလေးကတော့၊ ကျနော်တို့ သူငယ်ချင်းနှစ်ယောက်၊ တစ်ယောက်ရဲ့ သီချင်းကို တစ်ယောက်ရဲ့ ရင်ထဲမှာ ပြန်နားထောင်လိုက်ရတာပါပဲ။ တစ်ယောက်ရဲ့ မြားကိုလည်း တစ်ယောက်ရဲ့ ဝက်သစ်ချပင်မှာ ပြန်တွေ့ မြင်လိုက်ရတာပါပဲ။ တိုင်းပြည်နဲ့ လူမျိုးကို ကျေးဇူးတင်ပါတယ်။

ဒီနေ့ ကျနော့်အနေနဲ့ ၊ ကျနော့်ဘက်က ၀န်ချတောင်းပန်စရာရှိတာတစ်ခုကိုလည်း အများဆုံတုန်း ၀န်ချ တောင်းပန်သွားပရစေ။

ဟိုး လွန်ခဲ့တဲ့ အနှစ်(၃၀)လောက်၊ ၁၉၈၆ မှာ ဆရာဦးအောင်သင်းက(ပေဖူးလွှာအင်တာဗျူးမှာထင်တယ်) “ပြည်သူကို လှုံ့ ဆော် စည်းရုံးနိုင်စွမ်း နိမ့်မြင့် တန်းစီမယ်ဆိုရင်၊ ကဗျာက ဟိုး နောက်ဆုံးတန်းလောက်မှာ ရောက်နေပါလိမ့်မယ်” လို့ ပြောလိုက်ပါတယ်။ ဒီတုန်းက ကျနော် ဆရာ့ကို “အောင်သင်း ဘာပြောပြော” ဆိုပြီး အသက်(၃၀)အရွယ် ငယ်စိတ်ငယ်မာန်နဲ့ သဲသဲမဲမဲတုန့် ပြန်ခဲ့တယ်။ ၁၉၈၆ ဇွန်လထုတ်၊ ချယ်ရီမဂ္ဂဇင်းကနေ “ဝေဖန်ရေးဆရာနှင့် စီးချင်းထိုးခြင်း“ ဆိုတဲ့ ကဗျာရှည်ကြီးရေးပြီး၊ ဆရာဦးအောင်သင်းကို ထိုးနှက်တိုက်ခိုက်ခဲ့ပါတယ်။ ပွဲကလည်းကြီးခဲ့ပါတယ်။

ကျနော့်ဘက်က မောင်ယဉ်မော်၊ မောင်ခိုင်မာ စတဲ့ ကဗျာဆရာကြီးတွေ၊ ခေတ်ပြိုင်လူငယ်ကဗျာဆရာတွေ အများကြီး ၀င်ကူတိုက်ခဲ့ကြပါတယ်။ နောက်ဆုံးမှာ ဆရာဦးအောင်သင်းကပဲ၊ လူကြီးပီပီ သဘောထားကြီးကြီးနဲ့ စစ်ပြေငြိမ်း လေးချိုးကဗျာကြီးတစ်ပုဒ်ရေးလို့ ပွဲသိမ်းလိုက်ပါတယ်။ ခုတော့ ဆရာလည်းကွယ်လွန်သွားခဲ့ပါပြီ။

အခု၊ အဲဒီအချိန် ၁၉၈၆ အောင်သင်း- အောင်ဝေးတိုက်ပွဲကနေ ရေတွက်ရင်၊ နှစ်ပေါင်းများစွာကြာပြီးတဲ့အခါ၊ လွန်ခဲ့တဲ့(၃)နှစ်လောက်က(လေးနှစ် ငါးနှစ်ရင်လည်းဖြစ်မယ်) ကမ္ဘာ့ငြိမ်းချမ်းရေးနိုဘယ်ဆုရှင်၊ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ စာပေအနုပညာရှင်တွေ၊ တော်ဝင်နှင်းဆီမှာ ပထမဆုံးတွေ့ တဲ့ပွဲမှာ ဒေါ်အောင်ဆန်းစုကြည်က “ဒီနေ့ မြန်မာ့ဒီမိုကရေစီအရေးမှာ၊ ဒီနေ့ ကာတွန်းဆရာတွေရဲ့ ကာတွန်းလက်ရာတွေက လူထုထဲအရောက်ဆုံး၊ အထိရောက်ဆုံးဖြစ်တယ်” ဆိုတဲ့သဘော မြွက်ကြားသွားခဲ့တာကို၊ အဝေးကနေကြားရပြီး၊ အသက်(၆၀)နားကပ်လာတဲ့နှလုံးသားနဲ့ မုဒိတာပွားနိုင်ခဲ့ပါတယ်။

သြော် … ငါတို့ ဆရာ ဦးအောင်သင်းက၊ ဒီသဘောမျိုးပါပဲမဟုတ်လား၊ ဒေါ်အောင်ဆန်းစုကြည် အရင် အနှစ် ၃၀- ၃၅ နှစ်လောက်စောပြီးပြောခဲ့တာပါလား။

သြော် … ငါတို့ အစ်မ ဒေါ်အောင်ဆန်းစုကြည်ကတော့၊ ဦးအောင်သင်းလို တုတ်ထိုးအိုးပေါက် ဒဲ့မပြောဘဲ၊ သွယ်ဝိုက်ပြီး(ကဗျာဆရာတွေကို အားနာလို့ ထင်တယ်) ကဗျာတွေက ကာတွန်းလောက် မစွံဘူးဆိုတဲ့သဘောပေါ့ လေ၊ သူပြောချင်တာများလား။

အခုတော့၊ ကျနော် ဆရာဦးအောင်သင်းကို ၀န်ချတောင်းပန်ပါတယ်။ ဆရာ ခွင့်လွှတ်ပါ။ ခွင့်လွှတ်ပါဆရာ။
ဟုတ်ပါတယ်။ ကျနော်တို့ ကဗျာဆရာတွေ အများကြီးလိုပါသေးတယ်။ ကျနော်တို့ ဆက်လက်ကြိုးပမ်းကြပါဦးစို့ ။ ကျနော်တို့ စာပေအနုပညာ၊ သတင်းမီဒီယာ၊ နိုင်ငံရေး၊ သုံးလောက တပ်ပေါင်းစုကြီး စည်းကမ်းရှိ ညီညွတ်ပြီး အမှန်တရားနဲ့ ကိုက်ညီတဲ့အင်အားနဲ့ မြန်မာ့ဒီမိုကရေစီအရေးကို ဆက်လက်ဆောင်ရွက်ကြပါဦးစို့ ။

အားလုံးကို အထူးပဲ ကျေးဇူးတင်ပါတယ်ခင်ဗျာ။    ။
ေ အာ င်ေ ၀း
မေ ၄ - ၂၀၁၅


ခေတ္တ- မစ်ရှီဂန်။