Saturday, February 6, 2010
boor review
Saturday, January 30, 2010
poem on Zarganar
ဧရာဝတီပေါ်က ကြယ်နီ။
မြန်မာပြည်ရဲ့ ချာလီချက်ပလင်။
ဗိုလ်ဝင်ခံနေပါတယ်။
မကြာခင်
သူ စင်ပေါ် ပြန်ရောက်လာလိမ့်မယ် ဆိုတာ
Thursday, January 7, 2010
မမခင်ဦးစံပယ်သို့ တမ်းချင်း - ၇
ချီကာဂိုရောက်မှ
နေရောင်က ပိုတောက်ပ။
မစ်ရှီဂန်မဲဇာမှာတော့
ကျနော်က ခေတ်သစ်လက်ဝဲသုန္ဓရပေါ့။
မမခင်ဦးစံပယ်ရယ် …
ရေကန်ကြီးတွေဝိုင်းနေတဲ့
မစ်ရှီဂန်ဆိုတဲ့အရပ်
အလွမ်းဇာတ်တခုနဲ့
ကျနော်နေတာပေါ့။
စာရေးဆရာကြီး ဟဲမင်းဝေး
မြောက်ပိုင်း မစ်ရှီဂန်မှာ
သူ့လူငယ်ဘ၀ တွားသွားခဲ့။
ကျနော်က အလယ်ပိုင်းမစ်ရှီဂန်
နှင်းထန်တဲ့ ညည
ဟဲမင်းဝေး၀တ္ထုတွေ ပြန်ပြန်သတိရ။
ပြည်ပြေးကဗျာဆရာဘ၀ဟာ
ဟဲမင်းဝေးကို အိပ်မက်မက်ရင်း
ဖြတ်သန်းသွားပေါ့။
တိုင်းပြည်ကိုလွမ်းတဲ့အခါ
မစ်ရှီဂန်မဲဇာဟာ
အသံတိတ်ဆူညံ။
ကျနော် လုပ်နိုင်တာက
ဒါပဲရှိတာကိုး။
ကျေးဇူးတင်တယ် မိတ်ဆွေတို့
ဝါရှင်တန်ဒီစီသွားတဲ့အခါ
နယူးယောက်စီးတီးသွားတဲ့အခါ
ကျနော်ဟာ တောသားမြို့ရောက်။
ကျေးဇူးတင်တယ် ရဲဘော်တို့
ဆန်ဖရန်စစ္စကို သွားတော့လည်း
လော့စ်အိန်ဂျယ်လိ သွားတော့လည်း
မြို့ ရောက် တောသား ကျနော်။
ဒီလို လုံးလုံးဖြစ်နေတာပါပဲ
မမခင်ဦးစံပယ်ရယ်။
ဟောအခု ချီကာဂိုမှော်ရုံတောမှာလည်း
ကျနော်မောလှပြီ မမခင်ဦးစံပယ်။
ခေတ်တွေဘယ်လို ပြောင်းပြောင်း
နိုင်းမြစ်ကြီးကတော့ စီးမြဲပင်တဲ့
စီးနေတဲ့မြစ်ထဲမှာ
ကျနော်ရှိနေတာပါ။
မစ်စစ္စပီမှာပဲ ဖြစ်ဖြစ်
ဧရာဝတီမှာပဲ ဖြစ်ဖြစ်
ကျနော်ဟာ ကျနော် ဖြစ်နေဖို့ပဲ
အရေးကြီးတာမဟုတ်လား မမခင်ဦးစံပယ်။
တိုင်းပြည်နဲ့ဝေးနေတဲ့ ကဗျာဆရာ
သူ့တိုင်းပြည်အတွက် ဘာလုပ်ပေးနိုင်သလဲ။
ကျနော် ကဗျာဆရာတယောက်ပါ
မမခင်ဦးစံပယ်
ကျနော် ကဗျာတွေရေးပါတယ်။
ကျနော် လုပ်နိုင်တာက
ဒါပဲ ရှိတာကိုး။
မစ်ရှီဂန်မဲဇာက ကျနော့်အသံ
လေလှိုင်းထဲကနေ
အမိမြေကြားစေသား။
တစ်ပတ်တစ်ခါ
ရေဒီယိုကလေးရဲ့ ကဗျာဆရာ
ကျနော်ပေါ့။
ဥဒေတယံ
အတိုက်အခံမီဒီယာတွေမှာ
ကျနော်ဟာ ခပ်ကြမ်းကြမ်း
အိမ်လွမ်းစိတ်ရှိသူပေါ့။
ဧည့်ခန်းနံရံမှာ
(ပန်းချီမျိုးမြင့်လက်ရာ)
ဒေါ်အောင်ဆန်းစုကြည်ပန်းချီကားကြီးနဲ့
ပဒိုမန်းရှာဓာတ်ပုံကြီးနဲ့
အလွမ်းဓာတ်ခံကလည်း ကြီးပါဘိသနဲ့။
ကျနော်အားမငယ်ပါဘူး
အားငယ်စရာလည်းအကြောင်းမရှိပါဘူး။
ခွပ်ဒေါင်းအလံကြီးနဲ့လည်း
အလွမ်းရဲ့မီးလျှံတွေ တညီးညီး။
ဟောဒီ ချီကာဂိုမှာ
လရောင်တောင်မှ ပိုပြီးရွှန်းမြတယ်ဆိုရင်လည်း
ကျနော် မငြင်းပါဘူး။
ဒီလိုပါပဲ
ကျနော့်ကိုနွေးထွေးစွာကြိုဆိုခဲ့တဲ့
မစ်ရှီဂန်နွေဦးကိုလည်း
ကျနော် မမေ့ချင်ပါဘူး။
အမိမြေမှာတုန်းက
လက်ဝဲသုန္ဒရအမတ်ကြီး နယ်နှင်ခံရ
ငှက်ဖျားပေါလှတဲ့ ကသာမဲဇာတောကြီး
ရောက်ခဲ့ဖူး နေခဲ့ဖူးပါရဲ့။
အခုဒီမှာတော့
အမေရိကန်မဲဇာပေါ့
မလွှဲရှောင်သာခဲ့ဘူး။
အတိတ်ကိုတမ်းတ
အငမ်းမရတဲ့စိတ်နဲ့ ဒုန်းစိုင်း
မုန်တိုင်းထဲက မြင်းရိုင်းတကောင်။
ဒီလိုနဲ့ …
အိမ်လွမ်းစိတ်တွေနဲ့ ရင်ထဲ
သစ်ရွက်တွေလဲ ကြွေခဲ့
နှင်းခဲတွေလည်း အရည်ပျော်ခဲ့။
ကိုယ်ချစ်တဲ့ တိုင်းပြည်ကလည်း
နာတာရှည်ခဲ့။
ကြည့်လေရာ မြက်ခင်းတွေ စိမ်းလန်းသလို
ကျနော့်အိပ်မက်တွေလည်း
စိမ်းလန်းနေဆဲပါပဲ မမခင်ဦးစံပယ်။
စိမ်းလန်းတဲ့အတိတ်တွေထဲ
ပြည်တော်ဝင်ခန်းအိပ်မက်ဟာ
အသက်ရှင်နေတဲ့ အဓိပ္ပာယ်ပေါ့။
ဒီအိပ်မက်နဲ့ပဲ
သူများမြေပေါ်မှာ
ကျနော် မကျဆုံးအောင်နေပါတယ်။
ရေစိမ်း မြေစိမ်းမှာ
ရာဝဏ လက်နက်မချချင်ပါဘူး။
အိမ်လွမ်းစိတ် ဆိုတာလည်း
ဓားလှံလက်နက်လိုပဲ
အမြဲထက်နေအောင်သွေးနေရမယ်
မမခင်ဦးစံပယ်။
အနာဂတ်တိုင်းပြည်အတွက်
ရန်သူကို ရင်ဆိုင်နေရဦးမယ်။
ဒေါ်အောင်ဆန်းစုကြည်ကျန်းမာပါစေ …
အနာဂတ်ကဗျာအတွက်
စစ်အာဏာရှင်တွေကို စိန်ခေါ်နေရဦးမယ်။
ဒေါ်အောင်ဆန်းစုကြည်အမြန်ဆုံးလွတ်မြောက်ပါစေ …
အမေရိကန်ကဗျာဆရာကြီး ကားလ်ဆင်းဘာ့ဂ်
ကဗျာထဲဖွဲ့ခဲ့တဲ့
“ချီကာဂို”
ချီကာဂိုဟာလေ
မိုးထိုးနေတဲ့အရပ်ကြီးနဲ့
ကျနော့်ကို ငုံ့ကြည့် နှစ်သိမ့်ရှာတယ်။
ကျနော် ၀မ်းမနည်းပါဘူး
ကျနော်ဟာ ဆရာဂျမ်းတို့ ဆရာစွမ်းတို့
အညာက
ခါငှက်တွေ၊ ခံပင်တွေလိုပါပဲ။
ခါကလည်း သူ့တေးကို တွန်မြဲတွန်တယ်
ခံပင်ကလည်း သူ့ဆူးကို ချွန်မြဲချွန်တယ်။
မစ်ရှီဂန်ညတွေ ကုန်ဆုံးလွတ်မြောက်ဖို့
တစ်ခါတရံ ရန်သူနဲ့စစ်ဆင်ဖို့
ခံစစ်ပြင်ရတာမျိုး
တစ်ခါတစ်ခါ
စာကြည့်တိုက်ကနေ
“စပါးတားကပ်စ်”ရုပ်ရှင်ကား
ငှားငှားကြည့်မိပါရဲ့ ။
ကျနော်လုပ်နိုင်တာက
ဒါပဲရှိတာကိုး။
ဘာပဲဖြစ်ဖြစ်
သမိုင်းရဲ့စာမျက်နှာမှာ
ပြည်သူ့ဘက်သား ကဗျာဆရာဖြစ်ရတာ
ကျေနပ်ပါတယ်။
စစ်အာဏာရှင်စနစ်အောက်မှာ
ကျနော်တို့အားလုံး
စပါးတားကပ်စ်တွေပဲ မဟုတ်လား
မမခင်ဦးစံပယ်ရယ်။ ။
နိုဝင်ဘာ၇၊၂၀၀၉
Monday, January 4, 2010
new year wish
၂၀၁၀ သည်
မြစ်တစ်မြစ်ဖြစ်မယ်ဆိုရင်လည်း
ရေစီးသန်သောမြစ် ဖြစ်ပါစေ။
၂၀၁၀ သည်
မြင်းတစ်ကောင်ဖြစ်မယ်ဆိုရင်လည်း
ဒုန်းစိုင်းနေသောမြင်း ဖြစ်ပါစေ။
၂၀၁၀ သည်
မြားတစ်စင်းဖြစ်မယ်ဆိုရင်လည်း
ရန်သူရဲ့ ရင်အုံကို စူးဝင်ထွင်းဖောက်နိုင်သောမြား
ဖြစ်ပါစေသတည်း။ ။
(၂၀၁၀ လွတ်လပ်ရေးနေ့)
Monday, December 28, 2009
Aung Way - To Aung San Oo with Love
ဗိုလ်ချုပ်၏ သားဦး
ဦးအောင်ဆန်းဦးခင်ဗျာ
ကျနော် ကဗျာဆရာ အောင်ဝေး
ရိုသေစွာ စာရေးလိုက်ပါတယ်။
သားဦး အရူး တဲ့
မြန်မာစကားမှာ ရှိပါသည်။
အစ်ကိုကြီးတော့ အဖအရာ
မြန်မာစကားမှာ လာပါသည်။
တို့ ဘုရား မယားဖက် ခပ်ပါပါ တဲ့
မြန်မာ့ဆိုရိုးစကားလည်း ရှိပါတယ်။
ရှစ်လေးလုံး အရေးတော်ပုံတုန်းက
ကျနော်တို့ မျှော်ခဲ့တာ
နှမ မဟုတ်ပါ
အစ်ကိုကြီး ဦးအောင်ဆန်းဦးကိုပါ။
ဗိုလ်ချုပ်ရဲ့ သားကြီး ဦးအောင်ဆန်းဦး
အမေရိကန် မရိမ်းတပ်တွေနဲ့ 
မြန်မာပြည်ကို ချီတက်လာပြီ …
ဒီသတင်း …
ပြည်တွင်းမှာ တကယ်ဖြစ်ခဲ့တာပါ။
ဒါပေမဲ့
တကယ်ရောက်လာတာက
အစ်ကို မဟုတ်
နှမ အောင်ဆန်းစုကြည်။
ဗိုလ်ချုပ်ရဲ့သမီး
ဒေါ်အောင်ဆန်းစုကြည်။
တကယ် တိုက်ပွဲဝင်တာက
နှမ ဒေါ်အောင်ဆန်းစုကြည်။
ကမ္ဘာ့ ငြိမ်းချမ်းရေးနိုဘယ်ဆုရှင်
မြန်မာ့ ဒီမိုကရေစီခေါင်းဆောင်
ဒေါ်အောင်ဆန်းစုကြည် … တဲ့
နှမပုံရိပ်က အင်မတန်ကြီးပါရဲ့။
အစ်ကိုကြီး ဦးအောင်ဆန်းဦးခင်ဗျာ …
အစ်ကိုကြီးမှာ
ဘာပုံရိပ်မှ မရှိလည်း
ကျနော်တို့က
ဗိုလ်ချုပ်ရဲ့သားမို့  ချစ်နေဆဲပါ။
ဒါပေမဲ့
အခု အစ်ကိုကြီးလုပ်နေတာတွေက
အဖအရာ မရောက်
နှမကို
(နအဖ အလိုကျ)
ချောက်ကျအောင် လုပ်သလိုဖြစ်နေပါပြီ။
ကန်တော့ပါရဲ့
မယားစကား နားယောင်
အစ်ကိုကြီးအမှားတထောင် ကျူးလွန်နေပြီ။
ဘာ့ကြောင့်
ဒေါ်အောင်ဆန်းစုကြည်ကို တိုက်ခိုက်နေရတာလဲ
အစ်ကိုကြီး။
ဒေါ်အောင်ဆန်းစုကြည်ဟာ
(အစ်ကိုကြီးနှမ)
ဒေါ်အောင်ဆန်းစုကြည်သက်သက် မဟုတ်ဘူး။
ဒေါ်အောင်ဆန်းစုကြည်ကို တိုက်ခိုက်တာဟာ
အဖိနှိပ်ခံမြန်မာပြည်သူတွေကို တိုက်ခိုက်တာပဲ။
ဒေါ်အောင်ဆန်းစုကြည်ဟာ
မြန်မာပြည်ပဲ။
အစ်ကိုကြီး
အစ်ကိုကြီးရဲ့ မူမမှန်တဲ့လုပ်ရပ်တွေ
ရပ်တန်းကရပ်ပါ။
သားဦးအရူး
အောင်ဆန်းဦး … လို့တော့
ကျနော် မပြောရက်ပါဘူး။
အချုပ်နှောင်ခံနေရတဲ့ နှမကိုမှ
ဆက်ပြီးနှောင့်ယှက်နေမယ် ဆိုရင်
အစ်ကိုကြီးကို
(ချစ်လျက်နဲ့ )
ကျနော်တို့ စစ်ကြေညာရတော့မယ်။
အောင်ဆန်းဦး အလိုမရှိ
အောင်ဆန်းဦး အလိုမရှိ
အောင်ဆန်းဦး အလိုမရှိ
ညီငယ်
မောင်အောင်ဝေး
ဒီဇင်ဘာ၂၅၊ ၂၀၀၉၊ မစ်ရှီဂန်
Wednesday, December 23, 2009
poem on Pai Tha
ယုံတဲ့ယုန်က ယုံ၊ မယုံတဲ့ယုန်က မယုံ
ယုန် တောင်ပြေး၊ ခွေး မြောက်လိုက် တဲ့
ယုန် မြောက်ပြေးရင်၊ ခွေး တောင်လိုက်မလား။
ယုံတဲ့ယုန်က ယုံ၊ မယုံတဲ့ယုန်က မယုံ။
မုန်လာဥ တလုတ်၊ တုတ်တချက်လား
မုန်လာဥ နှစ်လုတ်ဆိုရင်၊ တုတ် နှစ်ချက်ပေါ့။
ယုံတဲ့ယုန်က ယုံ၊ မယုံတဲ့ယုန်က မယုံ။
ယုန်ထောင် ကြောင်မိသတဲ့
ကြောင်ထောင်ရင်ကော၊ ယုန်မိမှာလ။
ယုံတဲ့ယုန်က ယုံ၊ မယုံတဲ့ယုန်က မယုံ။
ဒီယုန်မြင်လို့၊ ဒီခြုံ ထွင်တာပါကွာ
ဒီယုန်မမြင်ရင်၊ဒီခြုံမထွင်ပါဘူး။
ယုံတဲ့ယုန်က ယုံ၊ မယုံတဲ့ယုန်က မယုံ။ ။
(ကွယ်လွန်သူ သူငယ်ချင်း ကဗျာဆရာ၊ဒါရိုက်တာ ပိုင်သ သို့ အမှတ်တရ)
ဒီဇင်ဘာ ၂၂၊ ၂၀၀၉
poem from Moemaka
ပွဲ
ရွေး ... ရွေး ... ပြီး ကောက်ပါကွယ်
ဆွမ်းဆန်ထဲ
ကြွက်ချေး ရောနေတယ်။
ရွေး ... ရွေး ... ပြီး ကောက်ပါကွယ်
စားတော်ပဲဗန်းထဲ
စုန်းပြူး ပါနေတယ်။
ရွေး ... ရွေး ... ပြီး ကောက်ပါကွယ်
ဆီးသီးကြွေ မြေတလင်း
ပိုးထိုး ရှိနေတယ်။
ရွေး ... ရွေး ... ပြီး ကောက်ပါကွယ်
ခရေပင်အောက်
တစ္ဆေစောင့်နေတယ်။ ။
ဒီဇင်ဘာ ၈၊ ၂၀၀၉



