မမခင်ဦးစံပယ်သို့ တမ်းချင်း ၉
မိုးကုပ်စက်ဝိုင်းမှာတော့
မုန်တိုင်းမိုးတိမ်တွေက
ဆင်နေဆဲပါ
မမခင်ဦးစံပယ်။
တောင်တွေက
မြင့်မြင့်လာတယ်။
တောတွေက
နက်နက်လာတယ်။
မြစ်တွေက
ကွေ့ ကွေ့ လာတယ်။
၃၃လမ်းကတော့
လမ်းတိုကလေးပါပဲ။
ဒါပေမဲ့
ကဗျာဆရာတွေရဲ့ 
ဒုက္ခကတော့
ရှည်လျားလှပါတယ်။
မနေ့ တစ်နေ့ က
မိုးကြီးတမ
ရွာချခဲ့တယ်။
၃၃လမ်းဟာ
မိုးရေထဲမှာ
လန်းဆန်းသွားမယ်။
၃၃လမ်းထိပ်က
ခရေပင်ရိပ်ကလေး
အခုရှိသေးလား
မမခင်ဦးစံပယ်။
၃၃လမ်း
ကျနော်လွမ်းတယ်။
သူငယ်ချင်းတွေ
ရဲဘော်တွေ
မိတ်ဆွေတွေ
အဲဒီမှာဆုံနေကျ
၃၃လမ်း။
တစ်ယောက်ပခုံးသားထဲ
တစ်ယောက်ကျုံ့ ဝင်
ရာဇ၀င်ကိုထမ်းခဲ့ကြ
၃၃လမ်း။
ဆရာဒဂုန်တာရာပြောတဲ့
ပျားအုံခံစားမှု
အနုပညာသံမဏိ
၃၃လမ်း။
ဒီ၃၃လမ်း
ကျနော်လွမ်းတယ်။
၃၃လမ်း
ညနေချမ်း
ဇာတ်ခုံပေါ်မှာ
ဂန္ဒမာတောင်ဇာတ်ဝင်ခန်း။
၃၃လမ်း ရဲတိုက်ကနေ
ကဗျာဆရာတွေ
ရန်သူကို တိုက်ခိုက်နေကြမယ်။
၃၃လမ်း ခံတပ်ကနေ
ကဗျာဆရာတွေ
ရန်သူကို ခုခံနေကြမယ်။
တောင်မြင့်မြင့်တွေပေါ်မှာ
၃၃လမ်း အလံတော်တွေ့ မယ်။
တောနက်နက်တွေထဲမှာ
၃၃လမ်းရနံ့ ရမယ်။
မြစ်ကွေ့ ကွေ့ တွေကြားမှာ
၃၃လမ်းအသံကြားမယ်။
သတိရပါတယ်
သူငယ်ချင်းတို့ ။
လေးစားပါတယ်
မိတ်ဆွေတို့ ။
အလေးပြုပါတယ်
ရဲဘော်တို့ ။
မနေ့ တစ်နေ့ က
မိုးကြီးတမ
ရွာချခဲ့တယ်။
ချိုးဖြူတထောင်
ကြိုးကြာတထောင်
လရောင်ထဲပျံသန်း။
ယောနသံစင်ရော်
ပင်လယ်ကိုခေါ်
၃၃လမ်းပေါ်
လွမ်းလို့ အော်တယ်။
မနေ့ တနေ့ က
မိုးကြီးတမ
ရွာချခဲ့တယ်လေ
မမခင်ဦးစံပယ်။
၃၃လမ်းဟာ
ဝမ်းပန်းတသာနဲ့ 
ဒဏ်ရာတွေကိုမေ့ သွားတယ်။
ပြီးတော့
၃၃လမ်းဟာ
ကမ္ဘာတစ်ခြမ်းကနေ
သူ့ ကိုလွမ်းနေတဲ့
ပြည်ပြေးတစ်ယောက်ကို
လွမ်းနေဦးမယ်။
တစ်ခါတစ်ခါ
၃၃လမ်းဟာ
အဲဒီပြည်ပြေးကဗျာဆရာအတွက်
မျက်ရည်ကျတယ်။
ညနေ ညနေ
စည်တယ်လေ
လွမ်းဟေ လွမ်းဟေ
၃၃လမ်းရေ။
မစ်ရှီဂန်ညချမ်း
ရာဇ၀င်ကိုထမ်း
ငါပြန်လာမယ်
၃၃လမ်း။
ဒီမှာတော့
ကျနော်က
ဝံပုလွေလာဆင်ရဲ့ 
တစ္ဆေသင်္ဘောပေါ်မှာ
မမခင်ဦးစံပယ်။
ဒီမှာတော့
ကျနော်က
တံငါအိုကြီး
စန်တီယာဂိုနဲ့ အတူ
မမခင်ဦးစံပယ်။
ဒီမှာတော့
ကျနော်က
မစ္စစ္စပီမြစ်ကြီးကိုစီးလို့ 
မမခင်ဦးစံပယ်။
ဒီမှာတော့
ကျနော်က
ပရေရီမြက်ခင်းပေါ်
မြင်းကိုစိုင်းလို့ 
မမခင်ဦးစံပယ်။
ဒီမှာတော့
ကျနော်က
လွမ်းလို့ ပေါ့ 
မမခင်ဦးစံပယ်ရယ်။
ငယ်ငယ်တုန်းက
လီနင်နဲ့ တွေ့ တယ်
ကြီးလာတော့
လင်ကွန်းနဲ့ တွေ့ ချင်တယ်။
ဒီမှာ
လင်ကွန်းနဲ့ ကျနော်တွေ့ ပြီ
မမခင်ဦးစံပယ်။
ကျနော်
ဝါရှင်တန်ဒီစီကိုသွားတယ်။
ကျနော်
လင်ကွန်းနဲ့ တွေ့ တယ်။
ကျနော်
အင်ဒီယားနား-ဖို့ တ်ဝိန်းကိုသွားတယ်။
ကျနော်
လင်ကွန်းနဲ့ တွေ့ တယ်။
ကျနော်
ဆန်ဖရန်စစ္စကိုသွားတယ်
လော့စ်အိန်ဂျယ်လိစ်သွားတယ်။
ကျနော်
ချီကာဂိုသွားတယ်
ဒိထရွိုက်သွားတယ်
နယူးယောက်သွားတယ်။
ကျနော်
လင်ကွန်းနဲ့ တွေ့ တယ်
မမခင်ဦးစံပယ်။
ကျနော်
လင်ကွန်းရဲ့ ဂက်တီးစဘတ်မိန့် ခွန်း
နားထောင်တယ်။
ကျနော်
တိုင်းပြည်ကိုလွမ်းတယ်။
ကျနော်
မင်းသားကြီး ပီတာဖောင်ဒါ
သရုပ်ဆောင်တဲ့
“လူငယ်လင်ကွန်း”ရုပ်ရှင်ကြည့်တယ်။
ကျနော်
လူမျိုးကိုလွမ်းတယ်။
မမခင်ဦးစံပယ်
ကျနော်မညာပါဘူး
ငမိုးရိပ်ချောင်းကမ်းပါးမှာ
ကျနော့်ရဲ့ 
အသန့် စင်ဆုံး
အလွမ်းတွေရှိတယ်။
မမခင်ဦးစံပယ်
ကျနော်မလိမ်ပါဘူး
၃၃လမ်း ညနေချမ်းမှာ
ကျနော့်ရဲ
အမွန်မြတ်ဆုံး
အဆွေးတွေရှိတယ်။
မမခင်ဦးစံပယ်
ဘယ်နေရာရောက်ရောက်
မြန်မာတစ်ယောက်ဟာ
မြန်မာတစ်ယောက်ပါပဲ။
မမခင်ဦးစံပယ်
ဘယ်အချိန်ဖြစ်ဖြစ်
ကဗျာဆရာတစ်ယောက်ဟာ
ကဗျာဆရာတစ်ယောက်ပါပဲ။
ကျနော်
မြန်မာကဗျာဆရာ
မစ်ရှီဂန်မှာ
မြန်မာပါပဲ
ကဗျာဆရာပါပဲ။
မနေ့ တစ်နေ့ က
မိုးကြီးတမ
ရွာချခဲ့တယ်
မမခင်ဦးစံပယ်။
မိုးရေထိလို့ 
၃၃လမ်းက အိပ်မက်တွေ
လန်းသလို
ကမ္ဘာတစ်ခြမ်းက
အိပ်မက်တွေလည်း
လန်းတာပါပဲ
မမခင်ဦးစံပယ်။
အဝေးရောက်လင်းယုန်တစ်ကောင်
အဝေးရောက်ပင်လယ်တစ်စင်း
အဝေးရောက်နှင်းဆီတစ်ပွင့်
အဝေးရောက်တယောတစ်လက်
အဝေးရောက်ရင်ခုန်သံတစ်ချက်
အဝေးရောက်ပျားရည်တစ်အိုး
အဝေးရောက်ငွေနှင်းတစ်မှုန်
အဝေးရောက်ပြဇာတ်တစ်ပုဒ်
အဝေးရောက်ပေးစာတစ်စောင်
အဝေးရောက်မျက်ရည်တစ်ပေါက်
အဝေးရောက်ပိတောက်တစ်ပင်
အဝေးရောက်သပြေတစ်ခင်း
အဝေးရောက်ပန်းချီကားတစ်ချပ်
အဝေးရောက်အနာဂတ်တစ်ခု
… … … …
အားလုံးဟာ
ကျနော်တို့ ဖြစ်တယ်။
အားလုံးဟာ
အစဖြစ်တယ်
အားလုံးဟာ
အဆုံးဖြစ်တယ်။
အားလုံးဟာ
ဧရာဝတီကလာတယ်
အားလုံးဟာ
ဧရာဝတီကိုပြန်မယ်။
သေချာတယ်
မမခင်ဦးစံပယ်။
အားလုံးဟာ
ကျောင်းသားသမဂ္ဂအဆောက်အအုံကို
ကာကွယ်ခဲ့ကြတယ်။
အားလုံးဟာ
ဆင်မလိုက်သင်္ဘောကျင်းမှာ
တော်လှန်ရေးကိုရေချခဲ့ကြတယ်။
အားလုံးဟာ
ဦးသန့် အုတ်ဂူကို
တည်ဆောက်ခဲ့ကြတယ်။
အားလုံးဟာ
ရွှေတိဂုံမှာ
သစ္စာဆိုခဲ့ကြတယ်။
အာလုံးဟာ
ဆရာကြီးသခင်ကိုယ်တော်မှိုင်းဗိမာန်မှာ
တိုင်တည်ခဲ့ကြတယ်။
အားလုံးဟာ
အစိုးရတစ်ရပ်
သမ္မတသုံးယောက်ကို
ဖြုတ်ချခဲ့ကြတယ်။
အားလုံးဟာ
အားလုံးဟာ
အားလုံးဟာ
ငြိမ်းချမ်းရေးနိုဘယ်ဆုအတွက်
တိုက်ပွဲဝင်ခဲ့ကြတယ်။
လှည်းတန်းညချမ်း
ခံတပ်စခန်းမှာ
လွမ်းအားပိုခဲ့ကြတယ်။
အားလုံးဟာ
ဒီပရင်္ဂဆိုတဲ့ ဒီပဲရင်းမှာ
သွေးချင်းချင်းနီခဲ့ကြတယ်။
နောက်ဆုံးမှာ
အားလုံးဟာ
တစ်ပြည်လုံးကို
ရွှေဝါရောင်ခြယ်ခဲ့ကြတယ်။
မမခင်ဦးစံပယ်
အားလုံးဟာ
အကျဉ်းထောင်တွေထဲမှာ
အနာဂတ်ကိုတည်ဆောက်ခဲ့ကြပြီ်။
မမခင်ဦးစံပယ်
အားလုံးဟာ
လိုအပ်မှုအရ
လက်နက်ကိုင်တော်လှန်ရေး
ဆင်နွှဲခဲ့ကြပြီ။
အားလုံးဟာ
အားလုံးပဲဖြစ်တယ်။
အားလုံးဟာ
အိမ်ပြန်ချင်သူတွေလည်း
ဖြစ်တယ်လေ။
မနေ့ တစ်နေ့ က
မိုးကြီးတမ
လှလှပပ
ရွာချခဲ့ပြီ။
မိုးရေဖျန်းလို့ 
၃၃လမ်းဟာလည်း
အခြားလမ်းတွေလိုပဲ
လန်းဆန်းခဲ့ပြီ။
၃၃လမ်းကို
လွမ်းနေတဲ့
ကမ္ဘာတစ်ခြမ်းလည်း
လန်းခဲ့ပြီ။
လွမ်းတဲ့အလွမ်းက
ဆန်းခဲ့ပြီ။
မိုးကုပ်စက်ဝိုင်းမှာတော့
မုန်တိုင်းမိုးတိမ်တွေက
ဆင်နေဆဲပါ
မမခင်ဦးစံပယ်။
ဘာပဲဖြစ်ဖြစ်
ကျနော်တို့ 
လမ်းဆက်လျှောက်မယ်။
ဘာပဲဖြစ်ဖြစ်
ကျနော်တို့ 
အ်ိပ်မက်ဆက်မက်မယ်။
တစ်နေ့ 
ကျနော်တို့ 
အ်ိမြ်ပန်လာမယ်။
အဝေးဆုံးက
တယောသံတွေ
အိမ်ပြန်လာမယ်။
အဝေးဆုံးက
ဗုံသံတွေ
အိမ်ပြန်လာမယ်။
ငှက်တွေ
တောင်ပံခတ်သလို
ဖြတ်သန်းလာမယ်။
၃၃လမ်း
ညနေချမ်းကို
ငါပြန်လာမယ်။
ဆရာဂျမ်းရဲ့ 
အရိုးပြာအိုးကိုထမ်းပြီး
ငါပြန်လာမယ်။
ပဉ္စမမြန်မာနိုင်ငံတော်
တည်ထောင်ဖို့ 
ငါပြန်လာမယ်။
၃၃လမ်းရေ
လွမ်းပေတော့။
ရေးဖော်တို့ ရေ
လွမ်းပေတော့။
မမခင်ဦးစံပယ်ရေ
လွမ်းပေတော့။
မနေ့ တနေ့ က
မိုးကြီးတမ
ရွာချခဲ့ပြီ။
ဒီလိုပုံဆို
မိုးကြီးမချုပ်မီ
ကျွန်ုပ်အိမ်ပြန်ရောက်တော့မည်။
ကျောက်တုံးက
ပန်းပွင့်ပြီ။
ရွှေတိဂုံမိန့် ခွန်း
ရွှေဂုံတိုင်မိန့် ခွန်း
“ရန်ကုန်ကွန်မြွန်း” *
ထွန်းစေသတည်း။ ။
(ဒေါ်အောင်ဆန်းစုကြည်လွတ်မြောက်ခြင်းမှသည် ပြည်သူ့ လွတ်လပ်ရေးဆီသို့ )
အောင်ဝေး
နိုဝင်ဘာ ၂၀၊၂၀၁၀
ခေတ္တမစ်ရှီဂန်။
* Rangoon Commune
(အယ်လ်အေမြို့ထုတ် မန္တလေးဂေဇက်သတင်းစာမှာ ဖော်ပြခဲ့ပြီးသားကဗျာကို ပြန်လည်ဖော်ပြသည်)
.jpg)
0 comments:
Post a Comment