မ စ် ရှီ ဂ န် မဲ ဇ ာ - ၃ ၅

ကပ်ကြီးအတွင်းက ကဗျာ(၃)ပုဒ်။
(၁)
အခုအချိန်က ဆောင်းဥကနေ၊ ဆောင်းနုနုကလေးပေါက်လာတဲ့၊ ဆောင်းဥ
ပေါက်ချိန်၊ ဆောင်းဦးပေါက်ချိန်။
တစ်နွေလုံး စိမ်းလန်းဝေဆာလာတဲ့ သစ်ပင်တွေ ရော်ကုန်၊ ရီကုန်၊ သစ်ရွက်
တွေ အရောင်ပြောင်းကုန်ကြပြီ။ စိမ်းရာကနေ နီလာသည်၊ ဝါသွားသည်၊ ညို
တော့သည်။
အရင်တုန်းကဆိုရင်(အရင်တုန်းက ဆိုတာက၊ ကိုဗစ်ကြီး မဖြစ်ခင်ကိုပြောတာ
ပါ) ဒီလို ရွက်ကျင်တွေ နီဝါညိုဟောင်းလို့၊ လှခြင်းကောင်း လှနေတဲ့ သဘာဝ
တရားကြီးကို၊ အာရုံဝင်စား၊ လွမ်းမိသွားပလားဆိုရင် ... ။
"သစ်ရွက်နီနီ၊ ဂေါ်ဂင်နီနှင့်
တဟီတီဆိုတဲ့ ကျွန်းကလေးလေ" ဆိုတဲ့ ဒဂုန်တာရာနဲ့ ဂေါ်ဂင်တို့ကိုလည်း
သတိရ။
ဗန်ဂိုးရဲ့ ဝါရွှေဝင်းပ နေကြာပန်းတွေ၊ ကျီးကန်းတွေ လန့်ထပျံသွားတဲ့ ဂျုံခင်း
ဝါဝါလွင်လွင်တွေကိုလည်း သတိရ။
"စိမ်းမြ သစ်ရွက်တို့ ကြွေနေဆဲ" ဆိုတဲ့ ခိုင်ထူး၊ "မြမရွက်" ဆိုတဲ့ စကားလုံး
လေး ရတုတစ်ပုဒ်ထဲ ထည့်ရေးခဲ့တဲ့ နတ်ရှင်နောင်၊ သူတို့လည်း သတိရ။
မစ်ရှီဂန်မဲဇာမှာ၊ အဲဒီလို ဆောင်းဦး(Fall လို့ခေါ်တယ်၊ အင်္ဂလန်မှာတော့
Autumn ပေါ့) ကိုယ်က ခေတ်ပေါ်ကဗျာဘက် မကူးခင်၊ လေးလုံးစပ်ကို
အရင် တွင်တွင်ရေးခဲ့သူ ဂန္ထဝင်မြန်မာစာသမားဆိုတော့-
"သစ်ရွက်ရော်ရီ၊ က္က ုဒနီဝယ်
သိင်္ဂ ီတစ်ဝက်၊ ဖက်၍ဆေးစုံ
ခြယ်သောပုံသို့" ဆိုတဲ့ ရှင်ဥတ္တမကျော်ရဲ့တောလား(၉)ပဒ်ကိုလည်း သတိရ။
("သိင်္ဂ ီတစ်ဝက်၊ မြတစ်ဝက်" ဆိုတဲ့ မရိုက်ဖြစ်ခဲ့တဲ့ ရှုမဝမောင်ဆွေတင့်ရဲ့
ရုပ်ရှင်ကိုလည်းပဲပေါ့)
ကိုရိုနာဗိုင်းရပ်စ်ရောဂါဆိုးက ကမ္ဘာပတ်နေတဲ့အချိန်။ ကိုယ့်အနားမှာ-
"ကိုဗစ် ခြုံက လချောင်းတည်း"
"ကိုဗစ် သွားကို လဖြဲတည်း"
"ကိုဗစ် ဓားသို့ လထစ်တည်း" အဲသလို ဖြစ်နေတဲ့ တကယ့်သနစ်ကြီးပါ။
အဲဒီလို အက်မို့စဖီးယားကြီးထဲမှာ၊ ဘယ်သူလာပြီး ရွက်ကြွေတောကို
လွမ်းနိုင်ပါ့မလဲ။
(၂)
မလွမ်းနိုင်ရတဲ့ကြားထဲ၊ ပြန်ပေးကလည်း ဆွဲသေးသည်။
Paramilitary militia group ဆိုတဲ့၊ စင်ပြိုင်စစ်တပ်လို လက်နက်ကိုင်
အရပ်သားတစ်စုက၊ မစ်ရှီဂန်ပြည်နယ် အုပ်ချုပ်ရေးမှူး ဂရက်ချဲန် ဝစ်မာ
(Gretchen Whitmer) ကို ပြန်ပေးဆွဲဖို့ကြံတဲ့ အမှု။
အောက်တိုဘာ(၈)ရက်က FBI က စုံစမ်းဖော်ထုတ်လိုက်လို့၊ အမေရိကန်
(၁၃)ယောက် အဖမ်းခံလိုက်ရတယ်။ ၆-ယောက်ကို ပြည်ထောင်စု
(Federal) တရားရုံးတင်။ ကျန်တဲ့ ၇-ယောက်ကို ပြည်နယ် (State) တရား
ရုံးတင်။ ဒီမောင်တွေ တစ်သက်တစ်ကျွန်းပြစ်ဒဏ်အထိ ကျနိုင်တယ်လို့
ဆိုတယ်။ (ဒီ အရပ်သားလက်နက်ကိုင်တွေကိုကြည့်ပြီး၊ သွားလေသူ
ဦးအောင်သောင်းရဲ့ တောင်သာတပ်မတော် ဆိုတာကို ပြေးမြင်မိတယ်)
ဒီ ပြန်ပေးအမှုမှာ အကြောင်းရင်းခံကလည်း ရှေ့မှာဖြစ်ခဲ့တာရှိတယ်။
မစ်ရှီဂန်ပြည်နယ် အုပ်ချုပ်ရေးမှူး(သူက အမျိုးသမီး)က မာတယ်။ ပြတ်တယ်။
ကိုဗစ်ကိစ္စမှာ ပြတ်ပြတ်သားသားကိုင်တယ်။ အမေရိကန်တစ်နိုင်ငံလုံး
"Stay-at-home" အမိန့်ထုတ်ကြတာပါပဲ။ မစ်ရှီဂန်ပြည်နယ်မှာမှ မဟုတ်ဘူး။
ဒီတော့ တစ်သက်လုံး "FREEDOM" ဆိုတဲ့ စကားလုံး နှုတ်ကမချတဲ့
အမေရိကန်အဖြူတွေ၊ အမည်းတွေ၊ ကိုဗစ်ကူးစက်မှုထိန်းဖို့ အိမ်ထဲနေခိုင်း
တာ၊ သူတို့ရဲ့ မွေးရာပါလွတ်လပ်ခွင့်ကို ထိပါးပါတယ်ဆိုပြီး၊ လမ်းပေါ်ထွက်
ဆန္ဒတွေ ပြကြပါကုန်ရော။
အဲဒါ ကိုယ်နေတဲ့ မစ်ရှီဂန်ပြည်နယ်ထဲက လန်စင်း ဆိုတဲ့မြို့က စတာ။
Michigan, Lansing က လွန်ခဲ့တဲ့ ဧပြီလ(၁၇)ရက်က စလိုက်တဲ့ ဂယက်၊
တစ်ပြည်လုံး ပျံ့နှံ့။
ကိုယ်နေတဲ့ လန်စင်းမှာ ဆန္ဒပြလူအုပ်ထဲ သေနတ်သမားတွေလည်းပါရဲ့။
(ရဲ မဟုတ်၊ စစ်သား မဟုတ်၊ အရပ်သား) သေနတ်သမားတွေက ပြည်နယ်
ခန်းမ (State Capitol) ကို ဝင်စီးတော့မယောင်။ တီဗွီသတင်းတွေမှာ ပါပါ
တယ်။
လန်စင်း "Stay-at-home" ဆန္ဒပြပွဲသတင်း အိမ်ဖြူတော်ရသွားတယ်။
သမ္မတ ဒေါ်နယ်ထရန့်က အဲဒီနေ့ (ဧပြီ-၁၇) သူ့ရဲ့ တွစ်တာ (Twitter)
ကနေ တွိ (Tweet) ထည့်လိုက်ပုံက-
"LIBERATE MICHIGAN" ပါတဲ့ဗျာ။
အရမ်းဘာသာပြန်ရရင်တော့ "မစ်ရှီဂန်ကို လွတ်မြောက်အောင်လုပ်ကြ"
ပေါ့လေ။ သမ္မတ ထရန့်က မစ်ရှီဂန် လက်နက်ကိုင် ဆန္ဒပြသမားတွေကို မြှောက်ထိုးပင့်ကော်လုပ်လိုက်သလိုပဲ။
ကျောင်းတော်က ရန်စလို့ပဲ ဆိုပါတော့။ ၂၀၁၆ သမ္မတရွေးကောက်ပွဲတုန်း
က၊ မစ်ရှီဂန်ပြည်နယ်မှာ ဟီလာရီကလင်တန် (ဒီမိုကရက်ပါတီ) ရှုံးပြီး၊
ဒေါ်နယ်ထရန့် (ရီပတ်ဗလီကင်ပါတီ) အနိုင်ရခဲ့တယ်။ တစ်နိုင်ငံလုံး ပြည်
နယ်ပေါင်း(၅၀)မှာ မစ်ရှီဂန်မဲက နောက်ဆုံးရေတွက်ခဲ့တာ။
မစ်ရှီဂန်ပြည်နယ်ဟာ သမ္မတရွေးကောက်ပွဲမှာ "Battleground States"
လို့ခေါ်တဲ့ အနိုင်အရှုံး အဆုံးအဖြတ်ပေးနိုင်တဲ့ ပြည်နယ်တွေထဲ ပါတယ်။
အခုလက်ရှိ မစ်ရှီဂန်ပြည်နယ် အုပ်ချုပ်ရေးမှူး (သူမက ဒီမိုကရက်)က
၂၀၂၀ ရွေးကောက်ပွဲမှာ "မစ်ရှီဂန်တစ်ပြည်နယ်လုံး အပြာရောင်ခြယ်ပစ်
မယ်" လို့ ကြုံးဝါးထားတဲ့သူ။ (ဒီမိုကရက်က အပြာရောင်၊ ရီပတ်ဗလီကင်က အနီရောင်) ဒီတော့ ထရန့်ကြီး တင်းပြီပဲပေါ့။
ဟော- အကွက်လည်းဆိုက်ရော၊ ထရန့်က မစ်ရှီဂန်အုပ်ချုပ်ရေးမှူး
ဂရက်ချဲန် ဝစ်မာ ကို နှီပ်ချင်နေတာဆိုတော့၊ တစ်ခါတည်း "LIBERATE
MICHIGAN" ဆိုပြီး၊ သူ့ တောင်သာတပ်မတော်ကို မီးစိမ်းပြခဲ့တဲ့အချက်။
အခုတော့ မစ်ရှီဂန်ပြန်ပေးသမားတွေလည်း ထောင်ထဲရောက်ကုန်ကြပါပြီ။
ကိုယ်တွေရဲ့မြန်မာပြည်က ပြန်ပေးသမားတွေပဲ ကျန်တော့တယ်။
ပြီးခဲ့တဲ့ အောက်တိုဘာ(၁၄)ရက်က တောင်ကုတ်ပြန်ပေးအမှု။ ဒါလည်း
ကျောင်းတော်က ရန်စပဲ။ ၂၀၁၅ က အမှုက ၂၀၂၀ ကို လာပတ်တာ။
၂၀၂၀ ရွေးကောက်ပွဲပျက်အောင်လုပ်တာ။ ဒီချုပ် မနိုင်အောင် ပေါင်းကြံ
တာ။ ကိုယ်တွေကတော့ သေနတ်ကြီးထမ်းပြီး၊ ဖင်ကြီး ယမ်းယမ်းပြနေတဲ့
ကောင်တွေကို မကြိုက်ပေါင်။
(၃)
ကိုဗစ်က သရမ်း၊ ပြန်ပေးက အကြမ်းဖက်၊ အရေးထဲ ရွေးကောက်ပွဲက
အရေးကြီးသလား၊ အသက်က အရေးကြီးသလားနဲ့။ ရွေးကောက်ပွဲ ဖျက်ချင်သူတွေကလည်း တစ်မျိုး။
ကပ်ဆိုးကြီးထဲမှာ၊ ကိုဗစ်ကြောင့်၊ ပြန်ပေးကြောင့်၊ လူက မပျော်ရွှင်၊
စိတ်လက် မကြည်လင်ရတဲ့ကြားထဲ၊ ကြက်ဆူပင်က တစ်မှောင့်။
အခုမှ၊ နှင်းဆီခြံ အဖျက်ခံလိုက်ရတော့မှ၊ နှင်းဆီနဲ့ ကြက်ဆူတို့က
တစ်ခြံတည်းအတူ၊ အကြံလည်းတူမှန်း သိလိုက်ကြရ။ ရွေးကောက်ပွဲမှာ
ညစ်ပတ်ကြတော့မယ်။ သြော် ... အရှုံးသမားအချင်းချင်း၊ နှလုံးသားနှင်းအပ်၊
ဝါးလုံးကား နင်းသတ်ပါစေဗျာ။ (စိတ်ညစ်ရတဲ့အထဲ၊ နဘေက ပါချင်နေသေး)
မပျော်တဲ့စိတ်ကို ပျော်အောင်လုပ်ရင်း၊ စိတ်က အတိတ်က ညီငယ်ကဗျာဆရာ
ဝိုင်ချိုတို့၊ စံညိမ်းဦးတို့ဝိုင်းက ကြားခဲဖူးတဲ့ ကဗျာလေး သွားသတိရမိတယ်။
ဒီလို ... ။
"တမာ စိန်ပန်း၊ ရောယှက်သန်း၍
စိန်ပန်း တမာ၊ ရောယှက်ဖြာသည်
သြော် ... တမာ စိန်ပန်း ပါတကား။    ။
ကလောင်အမည်- မောင်စိန်ပန်း(တမာမြေ)" တဲ့။
အဲဒီ ကဗျောင်(ကဗျာ)ကလေး ပြန်ရွတ်မိတော့မှ၊ ကိုယ့်စိတ်က ကဗျာ
ဓာတ်လေး ဟပ်ပြီး၊ ကဗျာစပ်မိသွားရော။ နှစ်ပုဒ်။
၁။ နှင်းဆီ ကြက်ဆူ၊ ခြင်္သေ့ အူ၍
ကြက်ဆူ နှင်းဆီ၊ ခြင်္သေ့ အီသည်
သြော် ... နှင်းဆီ ကြက်ဆူ ပါတကား။    ။
ကလောင်အမည်- မောင်ကြက်ဆူ(နှင်းဆီခြံ)
၂။ သူခိုးနဲ့ထောင်ပြေး၊ ညားတိုင်း မွေး၍
ထောင်ပြေးနဲ့သူခိုး၊ ညားတိုင်း တိုးသည်
သြော် ... သူခိုးနဲ့ထောင်ပြေး ပါတကား။    ။
ကလောင်အမည်- မောင်စောရ(နရသိန်ပြေး)
ကဲ- ဝိုင်ချိုရေ။ မင်းတို့ဖတ်ကြပေတော့။
သြော် ... နောက်တစ်ပုဒ်ရှိသေးတယ်ကွ။ ငါရေးတာ မဟုတ်။ မင်းထင်ကိုကိုကြီး ရေးတာ။ သူ့ကဗျာက ပိုမိုက်။
"နိုဝင်ဘာ ၈
သာကော အားကိုး၊ ပုဆိန်ရိုး
သူခိုး မောင်းပွဲ၊ တို့ဆင်နွှဲမည်" တဲ့။ ကဲ- မမိုက်လား။
ဆောင်းဦးရွက်ကြွေ၊ ချစ်သက်သေ။ အွန်စောတို့၊ ဂျွန်စောတို့ရေ၊
လွမ်းတယ်။    ။


အောင်ဝေး
(၁၀- ၂၃-၂၀)

##

မ စ္ ရွီ ဂ န္ မဲ ဇ ာ - ၃ ၅
 
ကပ္ႀကီးအတြင္းက ကဗ်ာ(၃)ပုဒ္။
(၁)
အခုအခ်ိန္က ေဆာင္းဥကေန၊ ေဆာင္းႏုႏုကေလးေပါက္လာတဲ့၊ ေဆာင္းဥ
ေပါက္ခ်ိန္၊ ေဆာင္းဦးေပါက္ခ်ိန္။
တစ္ေႏြလုံး စိမ္းလန္းေ၀ဆာလာတဲ့ သစ္ပင္ေတြ ေရာ္ကုန္၊ ရီကုန္၊ သစ္ရြက္
ေတြ အေရာင္ေျပာင္းကုန္ၾကၿပီ။ စိမ္းရာကေန နီလာသည္၊ ၀ါသြားသည္၊ ညိဳ
ေတာ့သည္။
အရင္တုန္းကဆိုရင္(အရင္တုန္းက ဆိုတာက၊ ကိုဗစ္ႀကီး မျဖစ္ခင္ကိုေျပာတာ
ပါ) ဒီလို ရြက္က်င္ေတြ နီ၀ါညိဳေဟာင္းလို့၊ လွျခင္းေကာင္း လွေနတဲ့ သဘာ၀
တရားႀကီးကို၊ အာရံု၀င္စား၊ လြမ္းမိသြားပလားဆိုရင္ ... ။
"သစ္ရြက္နီနီ၊ ေဂၚဂင္နီႏွင့္
တဟီတီဆိုတဲ့ ကၽြန္းကေလးေလ" ဆိုတဲ့ ဒဂုန္တာရာနဲ့ ေဂၚဂင္တို့ကိုလည္း
သတိရ။
ဗန္ဂိုးရဲ့ ၀ါေရႊ၀င္းပ ေနၾကာပန္းေတြ၊ က်ီးကန္းေတြ လန့္ထပ်ံသြားတဲ့ ဂ်ံဳခင္း
၀ါ၀ါလြင္လြင္ေတြကိုလည္း သတိရ။
"စိမ္းျမ သစ္ရြက္တို့ ေၾကြေနဆဲ" ဆိုတဲ့ ခိုင္ထူး၊ "ျမမရြက္" ဆိုတဲ့ စကားလုံး
ေလး ရတုတစ္ပုဒ္ထဲ ထည့္ေရးခဲ့တဲ့ နတ္ရွင္ေနာင္၊ သူတို့လည္း သတိရ။
မစ္ရွီဂန္မဲဇာမွာ၊ အဲဒီလို ေဆာင္းဦး(Fall လို့ေခၚတယ္၊ အဂၤလန္မွာေတာ့
Autumn ေပါ ့) ကိုယ္က ေခတ္ေပၚကဗ်ာဘက္ မကူးခင္၊ ေလးလုံးစပ္ကို
အရင္ တြင္တြင္ေရးခဲ့သူ ဂႏၳ၀င္ျမန္မာစာသမားဆိုေတာ့-
"သစ္ရြက္ေရာ္ရီ၊ ကၠ ုဒနီ၀ယ္
သိဂၤ ီတစ္၀က္၊ ဖက္၍ေဆးစုံ
ျခယ္ေသာပုံသို့" ဆိုတဲ့ ရွင္ဥတၱမေက်ာ္ရဲ့ေတာလား(၉)ပဒ္ကိုလည္း သတိရ။
("သိဂၤ ီတစ္၀က္၊ ျမတစ္၀က္" ဆိုတဲ့ မရိုက္ျဖစ္ခဲ့တဲ့ ရွဳမ၀ေမာင္ေဆြတင့္ရဲ့
ရုပ္ရွင္ကိုလည္းပဲေပါ ့)
ကိုရိုနာဗိုင္းရပ္စ္ေရာဂါဆိုးက ကမၻာပတ္ေနတဲ့အခ်ိန္။ ကိုယ့္အနားမွာ-
"ကိုဗစ္ ၿခံဳက လေခ်ာင္းတည္း"
"ကိုဗစ္ သြားကို လၿဖဲတည္း"
"ကိုဗစ္ ဓားသို့ လထစ္တည္း" အဲသလို ျဖစ္ေနတဲ့ တကယ့္သနစ္ႀကီးပါ။
အဲဒီလို အက္မို့စဖီးယားႀကီးထဲမွာ၊ ဘယ္သူလာၿပီး ရြက္ေၾကြေတာကို
လြမ္းႏိုင္ပါ ့မလဲ။
(၂)
မလြမ္းႏိုင္ရတဲ့ၾကားထဲ၊ ျပန္ေပးကလည္း ဆြဲေသးသည္။
Paramilitary militia group ဆိုတဲ့၊ စင္ၿပိဳင္စစ္တပ္လို လက္နက္ကိုင္
အရပ္သားတစ္စုက၊ မစ္ရွီဂန္ျပည္နယ္ အုပ္ခ်ဳပ္ေရးမွဴး ဂရက္ခ်ဲန္ ၀စ္မာ
(Gretchen Whitmer) ကို ျပန္ေပးဆြဲဖို့ႀကံတဲ့ အမွဳ။
ေအာက္တိုဘာ(၈)ရက္က FBI က စုံစမ္းေဖာ္ထုတ္လိုက္လို့၊ အေမရိကန္
(၁၃)ေယာက္ အဖမ္းခံလိုက္ရတယ္။ ၆-ေယာက္ကို ျပည္ေထာင္စု
(Federal) တရားရံုးတင္။ က်န္တဲ့ ၇-ေယာက္ကို ျပည္နယ္ (State) တရား
ရံုးတင္။ ဒီေမာင္ေတြ တစ္သက္တစ္ကၽြန္းျပစ္ဒဏ္အထိ က်ႏိုင္တယ္လို့
ဆိုတယ္။ (ဒီ အရပ္သားလက္နက္ကိုင္ေတြကိုၾကည့္ၿပီး၊ သြားေလသူ
ဦးေအာင္ေသာင္းရဲ့ ေတာင္သာတပ္မေတာ္ ဆိုတာကို ေျပးျမင္မိတယ္)
ဒီ ျပန္ေပးအမွဳမွာ အေၾကာင္းရင္းခံကလည္း ေရွ့မွာျဖစ္ခဲ့တာရွိတယ္။
မစ္ရွီဂန္ျပည္နယ္ အုပ္ခ်ဳပ္ေရးမွဴး(သူက အမ်ိဳးသမီး)က မာတယ္။ ျပတ္တယ္။
ကိုဗစ္ကိစၥမွာ ျပတ္ျပတ္သားသားကိုင္တယ္။ အေမရိကန္တစ္ႏိုင္ငံလုံး
"Stay-at-home" အမိန့္ထုတ္ၾကတာပါပဲ။ မစ္ရွီဂန္ျပည္နယ္မွာမွ မဟုတ္ဘူး။
ဒီေတာ့ တစ္သက္လုံး "FREEDOM" ဆိုတဲ့ စကားလုံး ႏွဳတ္ကမခ်တဲ့
အေမရိကန္အျဖဴေတြ၊ အမည္းေတြ၊ ကိုဗစ္ကူးစက္မွဳထိန္းဖို့ အိမ္ထဲေနခိုင္း
တာ၊ သူတို့ရဲ့ ေမြးရာပါလြတ္လပ္ခြင့္ကို ထိပါးပါတယ္ဆိုၿပီး၊ လမ္းေပၚထြက္
ဆႏၵေတြ ျပၾကပါကုန္ေရာ။
အဲဒါ ကိုယ္ေနတဲ့ မစ္ရွီဂန္ျပည္နယ္ထဲက လန္စင္း ဆိုတဲ့ၿမိဳ့က စတာ။
Michigan, Lansing က လြန္ခဲ့တဲ့ ဧၿပီလ(၁၇)ရက္က စလိုက္တဲ့ ဂယက္၊
တစ္ျပည္လုံး ပ်ံ့ႏွံ့။
ကိုယ္ေနတဲ့ လန္စင္းမွာ ဆႏၵျပလူအုပ္ထဲ ေသနတ္သမားေတြလည္းပါရဲ့။
(ရဲ မဟုတ္၊ စစ္သား မဟုတ္၊ အရပ္သား) ေသနတ္သမားေတြက ျပည္နယ္
ခန္းမ (State Capitol) ကို ၀င္စီးေတာ့မေယာင္။ တီဗီြသတင္းေတြမွာ ပါပါ
တယ္။
လန္စင္း "Stay-at-home" ဆႏၵျပပြဲသတင္း အိမ္ျဖဴေတာ္ရသြားတယ္။
သမၼတ ေဒၚနယ္ထရန့္က အဲဒီေန့ (ဧၿပီ-၁၇) သူ့ရဲ့ တြစ္တာ (Twitter)
ကေန တြိ (Tweet) ထည့္လိုက္ပုံက-
"LIBERATE MICHIGAN" ပါတဲ့ဗ်ာ။
အရမ္းဘာသာျပန္ရရင္ေတာ့ "မစ္ရွီဂန္ကို လြတ္ေျမာက္ေအာင္လုပ္ၾက"
ေပါ ့ေလ။ သမၼတ ထရန့္က မစ္ရွီဂန္ လက္နက္ကိုင္ ဆႏၵျပသမားေတြကို ေျမွာက္ထိုးပင့္ေကာ္လုပ္လိုက္သလိုပဲ။
ေက်ာင္းေတာ္က ရန္စလို့ပဲ ဆိုပါေတာ့။ ၂၀၁၆ သမၼတေရြးေကာက္ပြဲတုန္း
က၊ မစ္ရွီဂန္ျပည္နယ္မွာ ဟီလာရီကလင္တန္ (ဒီမိုကရက္ပါတီ) ရွံဳးၿပီး၊
ေဒၚနယ္ထရန့္ (ရီပတ္ဗလီကင္ပါတီ) အႏိုင္ရခဲ့တယ္။ တစ္ႏိုင္ငံလုံး ျပည္
နယ္ေပါင္း(၅၀)မွာ မစ္ရွီဂန္မဲက ေနာက္ဆုံးေရတြက္ခဲ့တာ။
မစ္ရွီဂန္ျပည္နယ္ဟာ သမၼတေရြးေကာက္ပြဲမွာ "Battleground States"
လို့ေခၚတဲ့ အႏိုင္အရွံဳး အဆုံးအျဖတ္ေပးႏိုင္တဲ့ ျပည္နယ္ေတြထဲ ပါတယ္။
အခုလက္ရွိ မစ္ရွီဂန္ျပည္နယ္ အုပ္ခ်ဳပ္ေရးမွဴး (သူမက ဒီမိုကရက္)က
၂၀၂၀ ေရြးေကာက္ပြဲမွာ "မစ္ရွီဂန္တစ္ျပည္နယ္လုံး အျပာေရာင္ျခယ္ပစ္
မယ္" လို့ ႀကံဳး၀ါးထားတဲ့သူ။ (ဒီမိုကရက္က အျပာေရာင္၊ ရီပတ္ဗလီကင္က အနီေရာင္) ဒီေတာ့ ထရန့္ႀကီး တင္းၿပီပဲေပါ ့။
ေဟာ- အကြက္လည္းဆိုက္ေရာ၊ ထရန့္က မစ္ရွီဂန္အုပ္ခ်ဳပ္ေရးမွဴး
ဂရက္ခ်ဲန္ ၀စ္မာ ကို ႏွီပ္ခ်င္ေနတာဆိုေတာ့၊ တစ္ခါတည္း "LIBERATE
MICHIGAN" ဆိုၿပီး၊ သူ့ ေတာင္သာတပ္မေတာ္ကို မီးစိမ္းျပခဲ့တဲ့အခ်က္။
အခုေတာ့ မစ္ရွီဂန္ျပန္ေပးသမားေတြလည္း ေထာင္ထဲေရာက္ကုန္ၾကပါၿပီ။
ကိုယ္ေတြရဲ့ျမန္မာျပည္က ျပန္ေပးသမားေတြပဲ က်န္ေတာ့တယ္။
ၿပီးခဲ့တဲ့ ေအာက္တိုဘာ(၁၄)ရက္က ေတာင္ကုတ္ျပန္ေပးအမွဳ။ ဒါလည္း
ေက်ာင္းေတာ္က ရန္စပဲ။ ၂၀၁၅ က အမွဳက ၂၀၂၀ ကို လာပတ္တာ။
၂၀၂၀ ေရြးေကာက္ပြဲပ်က္ေအာင္လုပ္တာ။ ဒီခ်ဳပ္ မႏိုင္ေအာင္ ေပါင္းႀကံ
တာ။ ကိုယ္ေတြကေတာ့ ေသနတ္ႀကီးထမ္းၿပီး၊ ဖင္ႀကီး ယမ္းယမ္းျပေနတဲ့
ေကာင္ေတြကို မႀကိဳက္ေပါင္။
(၃)
ကိုဗစ္က သရမ္း၊ ျပန္ေပးက အၾကမ္းဖက္၊ အေရးထဲ ေရြးေကာက္ပြဲက
အေရးႀကီးသလား၊ အသက္က အေရးႀကီးသလားနဲ့။ ေရြးေကာက္ပြဲ ဖ်က္ခ်င္သူေတြကလည္း တစ္မ်ိဳး။
ကပ္ဆိုးႀကီးထဲမွာ၊ ကိုဗစ္ေၾကာင့္၊ ျပန္ေပးေၾကာင့္၊ လူက မေပ်ာ္ရႊင္၊
စိတ္လက္ မၾကည္လင္ရတဲ့ၾကားထဲ၊ ၾကက္ဆူပင္က တစ္ေမွာင့္။
အခုမွ၊ ႏွင္းဆီၿခံ အဖ်က္ခံလိုက္ရေတာ့မွ၊ ႏွင္းဆီနဲ့ ၾကက္ဆူတို့က
တစ္ၿခံတည္းအတူ၊ အႀကံလည္းတူမွန္း သိလိုက္ၾကရ။ ေရြးေကာက္ပြဲမွာ
ညစ္ပတ္ၾကေတာ့မယ္။ ေႀသာ္ ... အရွံဳးသမားအခ်င္းခ်င္း၊ ႏွလုံးသားႏွင္းအပ္၊
၀ါးလုံးကား နင္းသတ္ပါေစဗ်ာ။ (စိတ္ညစ္ရတဲ့အထဲ၊ နေဘက ပါခ်င္ေနေသး)
မေပ်ာ္တဲ့စိတ္ကို ေပ်ာ္ေအာင္လုပ္ရင္း၊ စိတ္က အတိတ္က ညီငယ္ကဗ်ာဆရာ
၀ိုင္ခ်ိဳတို့၊ စံညိမ္းဦးတို့၀ိုင္းက ၾကားခဲဖူးတဲ့ ကဗ်ာေလး သြားသတိရမိတယ္။
ဒီလို ... ။
"တမာ စိန္ပန္း၊ ေရာယွက္သန္း၍
စိန္ပန္း တမာ၊ ေရာယွက္ျဖာသည္
ေႀသာ္ ... တမာ စိန္ပန္း ပါတကား။    ။
ကေလာင္အမည္- ေမာင္စိန္ပန္း(တမာေျမ)" တဲ့။
အဲဒီ ကေဗ်ာင္(ကဗ်ာ)ကေလး ျပန္ရြတ္မိေတာ့မွ၊ ကိုယ့္စိတ္က ကဗ်ာ
ဓာတ္ေလး ဟပ္ၿပီး၊ ကဗ်ာစပ္မိသြားေရာ။ ႏွစ္ပုဒ္။
၁။ ႏွင္းဆီ ၾကက္ဆူ၊ ျခေသၤ့ အူ၍
ၾကက္ဆူ ႏွင္းဆီ၊ ျခေသၤ့ အီသည္
ေႀသာ္ ... ႏွင္းဆီ ၾကက္ဆူ ပါတကား။    ။
ကေလာင္အမည္- ေမာင္ၾကက္ဆူ(ႏွင္းဆီၿခံ)
၂။ သူခိုးနဲ့ေထာင္ေျပး၊ ညားတိုင္း ေမြး၍
ေထာင္ေျပးနဲ့သူခိုး၊ ညားတိုင္း တိုးသည္
ေႀသာ္ ... သူခိုးနဲ့ေထာင္ေျပး ပါတကား။    ။
ကေလာင္အမည္- ေမာင္ေစာရ(နရသိန္ေျပး)
ကဲ- ၀ိုင္ခ်ုိေရ။ မင္းတို့ဖတ္ၾကေပေတာ့။
ေႀသာ္ ... ေနာက္တစ္ပုဒ္ရွိေသးတယ္ကြ။ ငါေရးတာ မဟုတ္။ မင္းထင္ကိုကိုႀကီး ေရးတာ။ သူ့ကဗ်ာက ပိုမိုက္။
"နို၀င္ဘာ ၈
သာေကာ အားကိုး၊ ပုဆိန္ရိုး
သူခိုး ေမာင္းပြဲ၊ တို့ဆင္ႏႊဲမည္" တဲ့။ ကဲ- မမိုက္လား။
ေဆာင္းဦးရြက္ေၾကြ၊ ခ်စ္သက္ေသ။ အြန္ေစာတို့၊ ဂၽြန္ေစာတို့ေရ၊
လြမ္းတယ္။    ။

ေ အ ာ င္ ေ ၀ း
(၁၀- ၂၃-၂၀)