တ ချို့  က စ ပျ စ် သီး ဖြ စ် တ ယ် ၊ တ ချို့  က စ န်း စ န်း တ င့် ဖြ စ် တ ယ်

တချို့ က စပျစ်သီးဖြစ်တယ်

တချို့ က စန်းစန်းတင့်ဖြစ်တယ်။

ခေတ်ကြီးကိုက

ကိုလိုမနီ၊ ခရိုနီခေတ်။ေ

တချို့ က လက်ဝေခံဒီမိုကရေစီ

တချို့ က လက်ကျန်ဒီမိုကရေစီ။

ရန်ကုန်က ရထားမဖြစ်ဘူး

ရန်ကုန်က တယောဖြစ်နေတယ်။

တချို့ က နောက်ပြန်လှည့်မှာစိုး

တချို့ က နောက်ပြန်မလှည့်မှာစိုး။

မြစ်ကြီးက ဘယ်ကိုစီးရမှန်းမသိ

ထောင်(ထောင်)နဲ့ ငြိလို့ ။

တချို့ က စွယ်စုံကျော်ထင်

တချို့ က သေတ္တာမှောက်။

ဒီတစ်ခါ ဇာတ်ခေါင်းကွဲရင်

ရွာပြင်ထုတ်ခံရတော့မယ်။

တချို့ က ရွှေဝါရောင်ကိုမျက်ကွယ်ပြု

တချို့ က လက်ပံတောင်းတောင်ကိုလျစ်လျူရှု။

ဗမာပြည်မှာ နာရီတွေကရှား

ဗမာပြည်မှာ နာဇီတွေကများ။

တချို့ က စစ်ဘေးဒုက္ခသည်

တချို့ က ရဲဘေးဒုက္ခသည်။

တောမီးကို တောမီးနဲ့ မှ ငြှိမ်းလို့ ရမယ်

ရေသန့် ဘူးနဲ့ မရဘူး။

တချို့ က ရွာလွန်ရွက်တိုက်

တချို့ က ရွာပြင်ကြက်တိုက်။

ကြည့်စမ်း- အချောင်သမားတွေ

ဓားကို အရင်းကမကိုင်၊ အဖျားကကိုင်လို့ ။

တချို့ က တရားအားထုတ်

တချို့ က မျက်ကန်းမျိုးချစ်။

“ငါတို့ လည်း အိုဘားမားကြီးပြန်သွားမှ၊ ပိုအဖမ်းခံနေရပေါ့ “ တဲ့

လမ်းဘေးကစကား၊ လမ်းပေါ်ကကြား။

တချို့ က အမျိုးသားပြန်လည်သင့်မြတ်ရေး

တချို့ က အမျိုးသားပြန်လည်တိုက်ခိုက်ရေး။

“ကျားကိုသတ်ရင်သတ်၊ မသတ်ရင် ကျားက ကိုယ့်ကိုသတ်မှာပဲ“

ရိုးမက မုဆိုးကြီးကိုဖိုးဇုံ၊ ခင်ဗျားအခုရှိသေးလား။

တချို့ က အတိတ်မှာပဲ အသက်ရှင်နေ

တချို့ က အနာဂတ်အတွက် ကြိုတင်သေဆုံးနေ။

ဟစ်တလာက သက်သတ်လွတ်စားတယ်

ဂျူးလူမျိုး(၆)သန်းက ဟင်းရွက်ကန်စွန်းတွေလား။

တချို့ က ငြိမ်းချမ်းရေးအတွက် လမ်းလျှောက်တယ်

တချို့ ကငြိမ်းချမ်းရေးအတွက် ဖိလစ်ပိုင်သွားတယ်။

နိုင်ငံရေးလုပ်တယ်ဆိုတာ၊ အစိုးရ မကောင်းကြောင်းပြောတာပဲ

ကြောင်ကိုဘယ်သူ ချူဆွဲပေးမလဲ။

တချို့ က နိုင်ငံရေးအကျဉ်းသားလွတ်မြောက်ရေးအော်တယ်

တချို့ က အော်တဲ့လက်ကိုပြန်ကိုက်တယ်။

(ကချင်) စစ်ရပ်ဖို့ လူထုမှာတာဝန်မရှိ

အစိုးရမှာပဲ ရှိတယ်။ (ဒေါ်အောင်ဆန်းစုကြည်မှာလည်းရှိတယ်)

တချို့ က ငြင်းပယ်ခြင်းကိုငြင်းပယ်

တချို့ က သဘောမတူကြောင်းသဘောတူ။

ခေတ်က ပြောင်းပြေးသွားပြီ

ကျန်ရစ်သူ လေထဲမှာ အိုက်တင်တန်းလန်းကြီး။

တချို့ က လေလံသမား

တချို့ က ဖျံဖမ်းသမား။

ကဗျာဆရာသမဂ္ဂဖွဲ့ တာ၊ ဒေါက်တာဇီဗားဂိုး ဘာ့ကြောင့်မပါတာလဲ

ငမူးတစ်ကောင် ထအော်တယ်။

တချို့ က လစ်ဘရယ်

တချို့ က ညစ်ပုပ်ကပ်ကျယ်။

ဘယ်ညောင်ပင်မှာ

ဘယ်ရာဇ၀င်ကို လမ်းခွဲရမှာလဲ။

တချို့ က ရထားမမီ၊ ဘူတာမီးနဲ့ ရှို့ 

တချို့ က ခွေးကတက်မှာ ကော်ကျို ပိုစတာကပ်။

ဘယ်တော့ အာဏာရမှာလဲ

မမေးတော့ပါဘူး။

ဒီကဗျာ

လေဒီကြီး မဖတ်မိစေနဲ့ ။

သူက စပျစ်သီးဖြစ်တယ်

သူက စန်းစန်းတင့်ဖြစ်တယ်။       ။

အောင်ဝေး

ဇန် ၂၃ - ၁၃