ငါ တို့  ဆ က် ချီ တ က် မှ ဖြ စ် မ ယ်ေ ကျာ် ကို ကို

(မန္တလေးမှ လက်ပံတန်း၊ လက်ပံတန်းမှ ရန်ကုန်)
AN EPIC MARCH FROM MANDALAY TO RANGOON

 

 မိန်းမလျာဆန်ဆန် တန်ပြန်ဆန္ဒပြနေတဲ့
အောက်တန်းစားအစိုးရနောက်လိုက်ခွေးတွေ
အဟောင်ရပ်သွားအောင်
ငါတို့ ဆက်ချီတက်မှဖြစ်မယ် ကျော်ကိုကို။

အစိုးရကိုယ်တိုင်က မိန်းမလျာအစိုးရမို့ 
အစိုးရနောက်လိုက်ခွေးတွေလည်း ခွေးမလျာတွေပဲပေါ့ 
အဲဒီ ခွေးမလျာ ခွေးမသာတွေ အဟောင်ရပ်သွားအောင်
ငါတို့ ဆက်ချီတက်မှဖြစ်မယ် ကျော်ကိုကို။

ဗမာပြည်မှာ နာဇီတွေကများ
ဗမာပြည် သပိတ်ပွဲစားတွေကမရှား
ဝီတဂူ ကနေ အခုနောက်ဆုံး ခိုင်မောင်ရည် အထိဗျား
ပွဲစားတန်းမှာ ရဲများမဖမ်း ကျွဲရမ်းနွားရမ်း ရမ်းနေသတဲ့
ငါတို့ ဆက်ချီတက်မှဖြစ်မယ် ကျော်ကိုကို။

ဗျောက်ကိုင်တွေ မျောက်မှိုင်မှိုင်နေတဲ့ လောက်ကိုင်ကို
သောက်နိုင်စားနိုင် အစိုးရဒေါက်တိုင်တွေ သွားနိုင်သလို
မိတ်ဆုံ သပိတ်စုံ သူပုန်ထမယ့်
တို့ရဲ့ဒဂုံညတွေဆီ စုန်ကြဖို့ 
ငါတို့ ဆက်ချီတက်မှဖြစ်မယ်ကျော်ကိုကို။

လှေနံဓားထစ် စစ်ကျွန် တက္ကသိုလ်ပါမောက္ခချုပ်၊ ပါမောက္ခများ
လှေနံနှစ်ဖက်နင်း စစ်ကျွန် တက္ကသိုလ်ဆရာ၊ ဆရာမများ
ခြံစည်းရိုးခွထိုင် စစ်ကျွန် တက္ကသိုလ်ဘွဲ့ ရဆိုသူများ
အနာဂတ်နိုင်ငံတော်သစ်မှာ အလစ်ဝင်မလာစေဖို့ 
ငါတို့ ဆက်ချီတက်မှဖြစ်မယ် ကျော်ကိုကို။

ကျောင်းသားတွေနိုင်ငံရေးမလုပ်ရင်
သူတောင်းစားတွေ သမ္မတဖြစ်ကုန်မှာပေါ့ 
ငါးစိမ်းသည်က ပညာရေးဝန်ကြီးဖြစ်
ဖိုးတွမ်တီးသမားက ပြန်ကြားရေးဝန်ကြီးဖြစ်
ခေတ်သစ်မှာ ဒါမျိုးတွေဖြစ်မလာရအောင်
ငါတို့ဆက်ချီတက်မှဖြစ်မယ် ကျော်ကိုကို။

ကျောင်းသားတွေနိုင်ငံရေးမလုပ်ရင်
သူတောင်းစားတွေ သမ္မတဖြစ်ကုန်မှာပေါ့ 
နိုင်ငံတော်သူတောင်းစားအကြံပေးအဖွဲ့ တဲ့
တကယ်က သူတောင်းစားပေးတဲ့အကျန် စားတဲ့အဖွဲ့ ပဲ
ခေတ်သစ်မှာ ဒါမျိုးတွေရှိမလာရအောင်
ငါတို့ဆက်ချီတက်မှဖြစ်မယ် ကျော်ကိုကို။

ဇွတ်ခေါ်တဲ့ လွှတ်တော်က အမြဲချွတ်ချော်တယ်
အချိုးမကျတဲ့ အစိုးရက သူခိုးမကျ နွားသိုးမကျ
သေနတ်တကားကား ဓားမနောက်ပိတ်ခွေးများကလည်းတစ်မှောင့်
ခေတ်သစ်မှာ သင်းတို့ကြောင့် ပြည်သူတွေမစိုးနှောင့်ရအောင်
ငါတို့ ဆက်ချီတက်မှဖြစ်မယ် ကျော်ကိုကို။

မန္တလေးမှ ရန်ကုန်
ပညာရေးသပိတ်စစ်ကြောင်းချီတော့
တောင်သာနန်းမြင့်တောင်မှာဘယ်သူတွေတားခဲ့သလဲ
အာဏာရကြံ့ဖွတ်ပါတီဝင် စွမ်းအားရှင်တွေပဲ
ပြည်ယုန်ဖြူတောင်မှာဘယ်သူတွေတားခဲ့သလဲ
အာဏာရကြံ့ ဖွတ်ပါတီဝင် စွမ်းအားရှင်တွေပဲ
ရန်ကုန်ဝင်လာရင်ဘယ်သူတွေတားဦးမလဲ
အဲဒီ အာဏာရကြံ့ ဖွတ်ပါတီဝင် စွမ်းအားရှင်တွေပဲပေါ့ 
သင်းတို့ တားမရ၊ ကားခနဲကျသွားအောင်
ငါတို့ ဆက်ချီတက်မှဖြစ်မယ် ကျော်ကိုကို။

ကွန်ဒုံ ရက်လေးဆယ် ရုပ်ရှင်နဲ့ အစိုးရအခက်
လောက်ကိုင်အရေးကြောင့် တရုတ်ပြေးအစိုးရဖြစ်တော့မယ့်
အစိုးရအခက်
(၁၉၃၉ တုန်းက အင်္ဂလိပ်အခက်၊ ဗမာ့အချက်တဲ့)
အခု အစိုးရအခက် ကျောင်းသားအချက်ပေါ့ 
ငါတို့ ဆက်ချီတက်မှဖြစ်မယ် ကျော်ကိုကို။

လယ်သမားတွေလည်း ငြာသံပေးဟေ့
အလုပ်သမားတွေလည်း ငြာသံပေးဟေ့
ကျောင်းသား၊ လယ်သမား၊ အလုပ်သမား
ဗဟိန်းသေလို့ ဝင်စားတဲ့ ရဲဘော်တွေ
ဆရာစံသေလို့ ဝင်စားတဲ့ ရဲဘော်တွေ
သခင်ဖိုးလှကြီးသေလို့ ဝင်စားတဲ့ ရဲဘော်တွေ
တပ်ပေါင်းဖွဲ့ တိုက်ကြဖို့ 
ငါတို့ ဆက်ချီတက်မှဖြစ်မယ် ကျော်ကိုကို။

ရန်ကုန်ကို ဆက်ချီတက်တဲ့အခါ
ဝန်ထုပ်ဝန်ပိုးတွေကိုထားခဲ့
ဥပမာ- ဓားအိမ်ကိုထားခဲ့၊ ဓားပဲယူခဲ့
လေးနဲ့ မြားပဲယူခဲ့၊ မြားကျည်တောက်တွေထားခဲ့
ရန်ကုန်ကို ဆက်ချီတက်တဲ့အခါ
ကဒေါင်းရဲ့အလှတရားကို ခဏထားခဲ့
ခွပ်ဒေါင်းရဲ့ ရဲစိတ်ရဲမာန်သာသယ်ခဲ့
အရေးကြုံတဲ့အခါ ကရုံပဲကတတ် မခွပ်ရဲ မခွပ်တတ်ရင်
တို့ ကျောင်းသားအစဉ်အလာရိုင်းတော့မပေါ့ 
တို့ ကျောင်းသားသမိုင်း မကွေးရအောင်
လာ- ငါတို့ဆက်ချီတက်မှဖြစ်မယ် ကျော်ကိုကို။

ငါတို့ ဆက်ချီတက်မှဖြစ်မယ် ကျော်ကိုကို။

ငါတို့ ခြေထောက်တွေကို နိုင်ငံရေးပါတီတွေကစောင့်ကြည့်နေတယ်
သူတို့ မှားတယ်
ငါတို့ က နှလုံးသားနဲ့ ရင်ဘတ်နဲ့ ချီတက်နေတာ
ငါတို့ လက်ပံတန်းမှာရပ်နားသွားမယ်လို့ အစိုးရကတွက်နေတယ်
အစိုးရသွက်သွက်ခါအောင်မှားတယ်
ငါတို့ ရန်ကုန်ကို အစိုးရမတားခင်ကတည်းကရောက်နှင့်နေပြီ
နိုင်ငံရေးပါတီတွေ အရှက်ပြေသွားအောင်
သူခိုးဓားပြ အစိုးရကြီး အကြောက်ပြေသွားအောင်
ငါတို့ အကြမ်းမဖက် (အကြမ်းဖက်တာလည်းလက်မခံ)
ရန်ကုန်မှာ လှမ်းမြေချီ ခြေညီညီချရအောင်
ကျော်ကိုကို ငါတို့ ဆက်ချီတက်မှဖြစ်မယ်
ငါတို့ ဆက်ချီတက်မှဖြစ်မယ် ကျော်ကိုကို။

အဆိပ်ပင်ရေလောင်းမဖြစ်ဖို့ 
စစ်အာဏာရှင်စနစ်ဆိုးအမြစ်ပြတ်အောင်
ငါတို့ အက်စစ်တစ်ခွက် ပိုလောင်းမှဖြစ်မယ် ကျော်ကိုကို။

ရန်သူအားရ ကျွန်ပါးဝမဖြစ်ဖို့ 
စစ်ကျွန်ပညာရေးအမြစ်ပြုတ်သွားအောင်
ငါတို့ ကျူပင်ခုတ်ကျူငုတ်မချန် အပြုတ်နှံမှဖြစ်မယ် ကျော်ကိုကို။

ငါတို့ ကျောင်းသားတွေလွတ်မြောက်ရုံနဲ့
ပြည်သူလူထုတစ်ရပ်လုံးလွတ်မြောက်တယ်မဆိုနိုင်ဘူး
ပြည်သူလူထုတစ်ရပ်လုံးလွတ်မြောက်မှ
ငါတို့ ကျောင်းသားတွေ အမှန်လွတ်မြောက်မယ်
ပြည်သူ့ ဘ၀လွတ်မြောက်ရေး
ငါတို့ ကျောင်းသားသွေး ခွပ်ဒေါင်းသွေးနဲ့ 
ဆေးခြယ်ရမယ်
အဲဒီအခါ
ဗမာတစ်ပြည်လုံးနီ
ငါတို့ ရဲ့ဒီမိုကရေစီပညာရေးဟာလည်း ပီသလာမယ်။

တောရိုင်းတော့ မြေရိုင်းသတဲ့
တောရိုင်းမြေရိုင်းတော့ ပန်းလည်းရိုင်းသပေါ့
စကားရိုင်းရိုင်း တရားနဲ့ နှိုင်းရရင်
မုဒိမ်းအကျင့်ခံရသူက
မုဒိမ်းကျင့်တဲ့သူကိုစွဲလမ်းတမ်းတနေတာရှိတယ်
စိတ်ပညာမှာ STOCKHOLM SYNDROME
မြန်မာလို မမြ၀င်းရောဂါဆိုတယ်
(နားနဲ့မနာ ဖ၀ါးနဲ့နာ)
အစိုးရမုဒိမ်းမုဆိုးနဲ့ 
မုဒိမ်းသားကောင် ဖောက်ပြန်အချောင်သမား
နိုင်ငံရေးစားဖားတွေ
ထားခဲ့တော့ ကျော်ကိုကိုရေ ထားခဲ့တော့
ရာဇ၀င်ထဲမှာ မမြ၀င်း (တွေ) ကို ထားခဲ့တော့။    ။

ေ အာ င်ေ ၀း
ဖေဖော်ဝါရီ ၂၇၊ ၂၀၁၅။

Read More

ဗို လ် ချု ပ်ေ အာ င် ဆ န်း အဲ ချ င်း သ စ်

အဲဒါလေ … မသေလမ်းပဲ
မခန်းသောမြစ်၊ စီးရစ်သွင်ဆဲ
ရှင်သူတို့ လွမ်း၊ တမ်းတဆွေးမြဲ
သူ့ သွေးနံ့ က၊ ပျံ့ သင်းထုံဆဲ
သူ့ ဂုဏ်ရည်နဲ့ ၊ တစ်ပြည်လုံးစွဲ
မိုးစုံးချုပ်မှောင်၊ ကျဉ်းလှောင်ညထဲ
လမ်းပြကြယ်ဦး၊ အရုဏ်ခူးဆဲ
နွေဦးမတ်လ၊ ကိုယ်ထင်ပြဆဲ
မကျဆုံးသော၊ နှလုံးသားထဲ
တရားမွန်လတ်၊ သေအောင်သတ်လည်း
သတ်တိုင်းမသေ
အဲဒါလေ … မသေလမ်းပဲ
မခန်းသောမြစ်၊ စီးရစ်သွင်ဆဲ
——————-
———————–
———————-

ေ အာ င်ေ ၀း
ဒီဇင်ဘာ ၂၂- ၂၀၁၄။

Photo archived from Than Htay Maung

Read More

ေ အာ င် ဆ န်း ဘု ရား ဖူး

နှမပြာဝင်း၊ ညီသစ်ဆင်း
လင်းအရုဏ်ပြင်၊ ကြယ်နီဆင်
မြင်ယောင်စမ်းလေ- မြင်ယောင်စမ်း။

နှမပြာဝင်း၊ ညီသစ်ဆင်း
မင်းတို့ ဖခင်၊ ကျေးဇူးရှင်
သခင်အောင်ဆန်းလေ- သခင်အောင်ဆန်း။

နှမပြာဝင်း၊ ညီသစ်ဆင်း
နှင်းမုန်တိုင်းလွင်၊ ငန်းရိုင်းနှင်
မြင်ယောင်စမ်းလေ- မြင်ယောင်စမ်း။

နှမပြာဝင်း၊ ညီသစ်ဆင်း
မင်းတို့ ဖခင်၊ ကျေးဇူးရှင်
သခင်အောင်ဆန်းလေ- သခင်အောင်ဆန်း။

နှမပြာဝင်း၊ ညီသစ်ဆင်း
ကျဉ်းလှောင်ညတွင်၊ လမ်းပြရှင်
မြင်ယောင်စမ်းလေ- မြင်ယောင်စမ်း။

နှမပြာဝင်း၊ ညီသစ်ဆင်း
မင်းတို့ ဖခင်၊ ကျေးဇူးရှင်
သခင်အောင်ဆန်းလေ- သခင်အောင်ဆန်း။

နှမပြာဝင်း၊ ညီသစ်ဆင်း
တင်းနှောင်ကြိုးမျှင်၊ ချိုးဖျက်ငင်
မြင်ယောင်စမ်းလေ၊ မြင်ယောင်စမ်း။

နှမပြာဝင်း၊ ညီသစ်ဆင်း
မင်းတို့ ဖခင်၊ ကျေးဇူးရှင်
သခင်အောင်ဆန်းလေ- သခင်အောင်ဆန်း။

နှမပြာဝင်း၊ ညီသစ်ဆင်း
နှင်းဆီဦးလျှင်၊ သွေးစွန်းထင်
မြင်ယောင်စမ်းလေ- မြင်ယောင်စမ်း။

နှမပြာဝင်း၊ ညီသစ်ဆင်း
မင်းတို့ ဖခင်၊ ကျေးဇူးရှင်
သခင်အောင်ဆန်းလေ- သခင်အောင်ဆန်း။

အိုဘယ့်ညီလှ၊ အို လုံမရို့ 
နှမပြာဝင်း၊ ညီသစ်ဆင်းးတို့ 
ချင်းချင်းနီမြန်း၊ လွတ်မြောက်လမ်းသို့ 
အောင်ဆန်းဘုရား ဖူးကြစို့ ။    ။

ေ အာ င်ေ ၀း
ဇန်န၀ါရီ ၅ – ၂၀၁၅။

(Photo – RFA Burmese Radio)

Read More

ေ ဆး ရုံ ည တွ င် ချီ တ က် ခြ င်း

 
အို … ဆွေးဆွေးမှုန်မှုန်
မေ့ဆေးထုံပျံ့
ဆေးရုံပေါ်မှာ
တော်လှန်ရေးကို ကုကြဆဲ။

ဆေးရုံပေါ်မှာ
တော်လှန်ရေးလေ၊ သွေးတစ်ပေါက်ချင်း
လက်မောင်းတွင်းကျ၊ သွေးသွင်းလူနာ
စိတ်မှာနီမောင်း၊ ခွပ်ဒေါင်းလက်ပတ်
အနာဂတ်သို့ ၊ ဖြတ်သန်းနေချိန်
အိပ်မက်ထဲမှာ
နှင်းသည်းလေထန်၊ မစ်ရှီဂန်ရဲ့
ဟေမန္တမုန်တိုင်းနီနီ။

အိပ်မက်ဆဲလေ
ဒေါင်းနေချောင်းမှာ၊ ဒေါင်းတွေပေါင်းဆုံ
ဆေးရုံကုတင်၊ အပြင်ဘက်မှာ
ဝက်ဝံလက်နဲ့ ၊ မျက်နှာဖြတ်ရိုက်
နှင်းဖတ်နှင်းခဲ၊ သွေးချင်းချင်းရဲ
မြင်းခွာတစ်ချက်ပေါက်၊ မီးဟုန်းဟုန်းတောက်
နောက်ဆုံးအိပ်မက်၊ မနက်ဖြန်မှာ
မစ်ရှီဂန်မဲဇာ၊ ငါ၏ဒဏ်ရာ။

နှလုံးသားထဲ
မြားရိုးကျိုးကျန်၊ အို … စိုးရိမ်ရန်ကော
အိုးဝေသံကြား၊ ပြန်လာခဲ့မည်
နှင်းဆီဓားနဲ့ ၊ တအားလွှဲခုတ်
ဖြုတ်ချအစိုးရ၊ ဆေးရုံညမှာ
ချွန်မြနီမောင်း၊ ကျောင်းသားသပိတ်
ငါ မအိပ်ခင်
ပိန်းပိတ်ဖြူအောင်၊ ဆွတ်ဆွတ်မှောင်ဆဲ
အို … နှင်းမှောင်ကန္တာရ။

အချစ်ဦးရေ …
သွေးလူးပေကျံ၊ ငါ့ ကန္တာရ
ည မစ်ရှီဂန်၊ ထန်ထန်သည်းသည်း
နှင်းမုန်တိုင်းထဲ၊ ဘိုင်းဘိုင်းပြိုကွဲ
လဲကျသေဆုံး၊ ငါရှုံးမလား
ညများဆက်ဆက်၊ ချီတက်ခရီးရှည်
ကျောင်းသားတွေနဲ့ အတူ
ပြည်သူရှိရာ၊ ငါ၏ကဗျာ
ပြန်လာချက်ချင်း၊ မင်းသွေးသစ်တို့ 
မျိုးဆက်သစ်တို့ ထံ၊ ငါအပ်နှံမည်
ရှင်ပြန်ထမြောက်၊ နောက်တစ်နေ့ မှာ။

သြော် … စိုစိုနွေးနွေး
အိုးဝေတေးနဲ့ 
ဆေးရုံပေါ်မှာ
တော်လှန်ရေးကို ကုသကြဆဲပါတကား။    ။

ေ အာ င်ေ ၀း
ဖေဖော်ဝါရီ ၁ – ၃ ၊ ၂၀၁၅
(တစ်ခုသောဆေးရုံ၊ နှလုံးရောဂါဆောင်)

(သရုပ်ဖော် – ဗန်ဂိုး၏ ပန်းချီ)

Read More