မ စ် ရှီ ဂ န် မဲ ဇာ - ၁ ၃

မစ်ရှီဂန်မဲဇာမှာ
ငါ လွမ်းနေတယ်။
မစ်ရှီဂန်မဲဇာမှာ
ငါ ရင်ဆိုင် တိုက်ခိုက်နေတယ်။
ဒီ စစ်အတွင်းမှာ
ကိုယ်ချင်းစာတရား သာ
ငါ့လက်နက်။
အလွမ်းက
ငါ့ခံတပ်ပဲ။
ငါ့ခံတပ်ကို
ချစ်ခြင်းမေတ္တာနဲ့
ဥ ာဏ်ပညာ စောင့်တယ်။
အလွမ်းက
ရန်ကုန် ပြန်ပြန်ရောက်သွား။
ရန်ကုန် က
ရန် မကုန်သေး
ရန် မလုံသေး။
အလွမ်းက
ခြေထောက် ဗွေပါတော့
ရခိုင်မြေ ရောက်။
အို ... အနောက်တံတိုင်း
ဒုတိယလှိုင်း အရိုက်
(ဟစ်ချ်ကော့ ရုပ်ရှင်* ထဲကလို)
စင်ရော်တွေ ရိုင်းကုန်ပါလား။
အလွမ်းက
မြစ်ဆုံ ရောက်။
အလွမ်းဟာ
ဧရာဝတီကို စုန်တယ်။
အလွမ်းတွေ
မန္တလေး ဖြတ်။
အလွမ်းက
အလွမ်းတွေ ဖြတ်။
အလွမ်းဟာ
ရပ်ပြီး
အနာဂတ် ငေးတယ်။
အဝေးမှာ
စစ်ခရာသံတွေ။
ကိုဗစ်စစ်လား
ပြည်တွင်းစစ်လား။
စစ်တွေ
ရပ်။     ။

အောင်ဝေး
(စက်တင်ဘာ ၁၊ ၂၀၂၀)
* The Birds

##

မ စ္ ရွီ ဂ န္ မဲ ဇာ - ၁ ၃
 
မစ္ရွီဂန္မဲဇာမွာ
ငါ လြမ္းေနတယ္။
မစ္ရွီဂန္မဲဇာမွာ
ငါ ရင္ဆိုင္ တိုက္ခိုက္ေနတယ္။
ဒီ စစ္အတြင္းမွာ
ကိုယ္ခ်င္းစာတရား သာ
ငါ ့လက္နက္။
အလြမ္းက
ငါ ့ခံတပ္ပဲ။
ငါ ့ခံတပ္ကို
ခ်စ္ျခင္းေမတၱာနဲ့
ဥ ာဏ္ပညာ ေစာင့္တယ္။
အလြမ္းက
ရန္ကုန္ ျပန္ျပန္ေရာက္သြား။
ရန္ကုန္ က
ရန္ မကုန္ေသး
ရန္ မလုံေသး။
အလြမ္းက
ေျခေထာက္ ေဗြပါေတာ့
ရခိုင္ေျမ ေရာက္။
အို ... အေနာက္တံတိုင္း
ဒုတိယလိွဳင္း အရိုက္
(ဟစ္ခ်္ေကာ့ ရုပ္ရွင္* ထဲကလို)
စင္ေရာ္ေတြ ရိုင္းကုန္ပါလား။
အလြမ္းက
ျမစ္ဆုံ ေရာက္။
အလြမ္းဟာ
ဧရာ၀တီကို စုန္တယ္။
အလြမ္းေတြ
မႏၱေလး ျဖတ္။
အလြမ္းက
အလြမ္းေတြ ျဖတ္။
အလြမ္းဟာ
ရပ္ၿပီး
အနာဂတ္ ေငးတယ္။
အေ၀းမွာ
စစ္ခရာသံေတြ။
ကိုဗစ္စစ္လား
ျပည္တြင္းစစ္လား။
စစ္ေတြ
ရပ္။     ။

ေ အ ာ င္ ေ ၀ း
(စက္တင္ဘာ ၁၊ ၂၀၂၀)
* The Birds