မ စ် ရှီ ဂ န် မဲ ဇ ာ

 

ငှက်ရေ ...
မစ်ရှီဂန်မဲဇာမှာ
ငါ မပျော်ပါဘူး။
ငါ တကယ် မပျော်ဘူးလားဆိုရင်
တကယ်ကို
ငါ မပျော်ပါဘူး။
ငါ မပျော်ဘူး ငှက်
ငှက် ငါ မပျော်ဘူး။
မင်း မြင်ယောင်ကြည့်စမ်း
ကိုရိုနာဗိုင်းရပ်စ်ပိုးတွေ
ကိုယ့်ဘေးပတ်လည်
ဝိုင်းရံနေတဲ့နေရာမှာ
ငါ ပျော်နိုင်မတဲ့လား။
မင်း ဆိုရင်ကော
ပျော်နိုင်မလား
စဉ်းစားကြည့်စမ်း ငှက်။
ငါ မသေချင်သေးဘူး
ငါ အိမ်ပြန်ချင်သေးတယ်။
ကိုဗစ်ဖျက်လို့
ငါ့အိပ်မက်တွေလည်း
ပျက်ရပြီ။
၂၀၂၀ မှာ
ပြည်တော်ပြန်မယ် ဆိုပြီး
လုပ်ထားတဲ့
ဒုက္ခသည်ပတ်စပို့လေးလည်း
ဆုံးပြီ။
ငါက အမေရိကန်နိုင်ငံသားလည်း
မဟုတ်တော့
အမေရိကန်ပတ်စပို့လည်း
မရှိပါဘူးကွာ။
ငါက
မြန်မာနိုင်ငံသားပဲ။
"ဒါဆိုရင် ခင်ဗျားမှာ
မြန်မာပတ်စပို့ ရှိမှာပေါ့"
မင်း အဲဒီလို ထင်သလား။
ထင်သာထင်
မဝင်ဘူး ငှက်။
ငါက
နယ်စပ် ဖြတ်ကျော်
ပြေးလာတဲ့ကောင်
ဘယ်မှာလာ
မြန်မာပတ်စပို့ ရှိမှာတဲ့တုံး။
ပြည်တွင်းမှာတုန်းက
မှတ်ပုံတင်တောင်
မရှိတဲ့ကောင်ကွာ
ရဲစခန်းထောက်ခံစာနဲ့
နေရတဲ့ကောင်ပါ။
ဒီလိုကောင်မှာ
မြန်မာပတ်စပို့ ရှိမတဲ့လား။
၁၉၉၁
ငါ ထောင်က
တတိယအကြိမ် ပြန်ထွက်လာကတည်းက
မှတ်ပုံတင်လုပ်ပါတယ်ကွာ။
မှတ်ပုံတင်ရုံးက လူတွေက
လုပ်မပေးကြဘူးကွ။
ငါ ဘယ်လို ကြိုးစားကြိုးစား
သူတို့ဘက်က ဟင့်အင်းပဲလေ။
ငြင်းဆန်ခြင်းရဲ့အလှတရား
မဟုတ်ပါဘူးကွာ
ငြင်းဆန်ခြင်းရဲ့ မလှတရား
ငါ မှားတာပါကွာ။
မှတ်ပုံတင်တစ်ခုရဖို့
(နိုင်ငံသားစိစစ်ရေးကဒ်ပြား)
ငါ့မှာ အောက်ကျလိုက်တာ
ဒါပေမဲ့
မရခဲ့ပါဘူး ငှက်ရာ။
ငါက သူပုန်
ငါက ဂဠုန်
ငါက အစိုးရဆန့်ကျင်ရေးသမား
ငါက တော်လှန်ရေးသမား
သူတို့က ငါ့အပေါ်
ဒီလို သဘောထားကြတာကလား။
ငါကလည်း ငါပဲလေ
သူတို့ စစ်အစိုးရကို
အသွေးထဲ အသားထဲကကို ဆန့်ကျင်တာ။
ငါ မှားသလားကွာ
စစ်အာရှင်စနစ်ကို ဆန့်ကျင်တာ
ငါ မှားလား ငှက်။
[ငှက်
စကားရပ်လို့
ငါ ဖြတ်ပြီး ပြောဦးမယ်။
အခု ၂၀၂၀ ရွေးကောက်ပွဲ
စစ်အာဏာရှင်စနစ် ဖြိုလှဲဖို့
ပြည်သူတွေ မဲပေးကြ
ငါ ဒီလိုတိုက်တွန်း
မှားတယ်တစ်ခွန်း
မဆိုနိုင်ဘူး မဟုတ်လား။
မဲပေးဖို့ပြောတာနဲ့
ငါက
အောင်ဝေးက
၂၀၀၈ ခြေဥအောက်
ဒူးထောက်တဲ့သူ
ဖောက်ပြန်တဲ့လူ ဖြစ်ရောလား။
အောင်ဝေးက
ပြည်ပြေးက
ပြည်သူ့မျက်နှာ မကြည့်
အစိုးရဘက်က ရပ်
ကဗျာစပ်သတဲ့။
ငှက်ရာ
ငါက
အရေထူပြီးသားကောင်ပါ
ငါ့အတွက်တော့
ဒီ အမိုက်အမဲလေးတွေပြောတာ
ဆင်ဗိုက်ကို ခြင်ကိုက်သလိုပါ။
ဟုတ်တယ်
ငါ အစိုးရဘက်က ရပ်တယ်
ငါ NLD အစိုးရဘက်က ရပ်တယ်။
ပြည်တော်ဝင်လက်မှတ်ရဖို့
ငါ ရပ်နေတာ မဟုတ်ဘူး။
ငါ့အဘိဓမ္မာ
ငါ့ဘဝအတွေ့အကြုံနဲ့
ငါ ရပ်နေတာ။
ငှက်
NLD အစိုးရဆိုတာ
၂၀၁၅ ရွေးကောက်ပွဲမှာ
စစ်အာဏာရှင်စနစ်ကိုဆန့်ကျင်ပြီး
ပြည်သူတွေ မဲပေးခဲ့တဲ့
အစိုးရ။
ငှက်
ဒီလို ရွေးကောက်ခံအစိုးရမျိုး
ငါက ဆန့်ကျင်ရရိုးလား
ဝေးသေးတယ်။
မင်း မြင်အောင်ကြည့်
(မင်း မြင်ပါတယ်ကွာ)
စစ်အာဏာရှစ်စနစ်က တစ်ဖက်
လူထုတင်မြှောက်တဲ့အစိုးရက တစ်ဖက်
ကဲ- မင်းဘယ်ဘက်က ရပ်မလဲ
ပြော ငှက်။
စစ်အာဏာရှင်စနစ်ကို ဆန့်ကျင်တယ်ဆိုရင်
ဒီမိုကရေစီစနစ်ကို သွားနေတယ်ဆိုရင်
မင်း မဲပေးရမှာပဲ
ငါ မဲပေးရမျာပဲ။
ရွေးကောက်ပွဲဆိုတာ
တိုက်ပွဲပုံသဏ္ဍာန်တစ်ခုပဲ။
တိုက်ပွဲပုံသဏ္ဍာန်ဆိုတာ
ရန်သူက ရွေးချယ်ပေးစမြဲပဲ။
NO VOTE ဆိုတာ
သူခိုးသူယုတ်တွေ အလုပ်ပါ
ပညာတတ်တွေရဲ့အလုပ်
မဟုတ်ပါဘူး။
ငါ့စကား
ရိုင်းသွားရင်
ခွင့်လွှတ်ကွာ ငှက်။ ။ဤကား စကားချပ်]
စစ်အာဏာရှင်စနစ်ကို ဆန့်ကျင်တော့
ငါလည်း ပြည်ပြေးဖြစ်တာပေါ့။
ပြည်ပြေးဆိုတာ
စစ်အာဏာရှင်တွေပေးတဲ့
ဆုပေါ့ကွာ။
အခုတော့
ငါတို့တိုင်းပြည်မှာ
အဲဒီ စစ်အာဏာရှင်တွေ
အဲဒီ စစ်အစိုးရဆိုတာတွေ
မရှိတော့ပါဘူး။
ဒါပေမဲ့
စစ်အာဏာရှင်စနစ်ဆိုး
အရိပ်မျိုးက
တို့တိုင်းပြည်ကလေးအပေါ်
ထိုးနေတုန်းပေါ့။
မိုးကုပ်စက်ဝိုင်းမှာတော့
မုန်တိုင်းမိုးတိမ်တွေက
ဆင်နေတုန်းပေါ့။
ငှက်ရေ
မင်း ရှိတုန်းကတော့
မင်းက ငါ့ကို
နူးညံ့ပျော့ပျောင်းနည်း သင်တယ်။
ဆရာဒဂုန်တာရာကလည်း
ပျော့ပျောင်းခြင်းဟာ
သန်စွမ်းခြင်းဖြစ်တယ်လို့ ဆိုတယ်။
ငါက
မင်းရဲ့ နူးညံ့ပျော့ပျောင်းနည်း
သင်တန်းသား။
ဒါပေမဲ့
ငါ ဝန်ခံပါတယ်။
မင်း မရှိတဲ့နောက်
ငါ မာကြောခဲ့
ခက်ထန်ခဲ့မိပါတယ်။
ငါ့ကို
မင်း ဘယ်လောက် နူးညံ့ခိုင်း
ပျော့ပျောင်းခိုင်း
တိုင်းပြည်က ရိုင်းတော့
(ငါတို့ အဖြူရောင်သက်တံ)
သက်တံကိုင်းက
လေးကိုင်းဖြစ်
စစ်အာဏာရှင်စနစ်ကို
ရွှေဝါရောင်မြားနဲ့
ငါ တအား တအား ပစ်မိတာပေါ့။
ပစ်မိလို့လည်း
ငါ ပြည်ပြေးဖြစ်ရတာပေါ့။
အချစ်ကြောင့်
ခေတ်ကြောင့်
လောကအမှောင့်
ကြိုးတိုက်ထောင့်မှာ
ကွန်မြူနစ် ဖြစ်ခဲ့တဲ့ကောင်ကွာ။
အဲဒီ အချစ်နဲ့ခေတ်ကြောင့်ပဲ
ပြည်ပြေးဖြစ်ရပြန်တဲ့
ကောင်ပါပဲ ငှက်ရာ။
ငါ အိမ်ပြန်ချင်ပါတယ်
ငါ ပြန်လာချင်တယ်။
ငါ ပြန်အလာကို
မင်း စောင့်နေမယ်ဆိုတာလည်း
ငါ သိတယ်။
ဒီနေ့အထိတော့
ငါ အိမ် မပြန်နိုင်သေးဘူး ငှက်။
ငါ အိမ် မပြန်နိုင်တာ
ငါ့အကြောင်းနဲ့ငါပါကွာ။
ငါ့သားလေး
ကျောင်းမပြီးသေးဘူး
ငါ စောင့်ရဦးမယ်။
ပြည်ပြေးဘဝမှာ
ရင်းစား ကျေစရာဆိုလို့
ဒါလေးတစ်ခုပဲ
ရှိတာပါကွာ။
ငါ့သား ကျောင်းပြီးတဲ့အထိတော့
ငါ စောင့်ပရစေ။
မစ်ရှီဂန်မဲဇာမှာ
ငါ မပျော်ပါဘူး ငှက်ရာ။
မပျော်တဲ့ကြားမှာ
ငါ ကြိုးစား အသက်ရှင်နေပါတယ်။
ကိုဗစ် 19
ကပ်ကြီးအတွင်းမှာ
ငါ ရင်ခုန်နေပါသေးတယ်။
ရင်ခုန်ရင်
အချစ်ပဲ။
ဟုတ်တယ် မဟုတ်လား ငှက်
ရင်ခုန်ရင်
အချစ်ပဲ။
အဲဒီ အချစ်ကြောင့်ပဲ
ငါ အိမ်ပြန်ချင်တာပေါ့။
အဲဒီ အချစ်ကြောင့်ပဲ
ငါ ပြန်လာချင်တာပေါ့။
တစ်နေ့တော့
ရေဝေးက
မင်းရဲ့အုတ်ဂူရှေ့မှာ
ငါ့ဘဝရဲ့
အကောင်းဆုံးကဗျာတစ်ပုဒ်
ဟုတ်တယ်
ဂေါ်ကီပြောသလို
ဒီမိုကရေစီဆန်မှုလည်း ရှိ
စိတ်ကူးယဉ်ဆန်မှုလည်း ရှိတဲ့
ကဗျာတစ်ပုဒ်
မင်းအတွက်
အိပ်မက်နဲ့ မျက်ရည်
ဖွဲ့ယှက်ထားတဲ့
ငါ့အလွမ်းရဲ့
အခမ်းနားဆုံးကဗျာတစ်ပုဒ်
ဟုတ်တယ်
တစ်နေ့
ငါ ပြန်လာတဲ့အခါ
မင်း အုတ်ဂူရှေ့မှာ
ငါ ရွတ်မယ်။
ငှက်ရေ
ဂျူးလိယက်ဆီဇာကတော့
"ငါလာတယ်
ငါမြင်တယ်
ငါ အောင်ပွဲခံတယ်" တဲ့။
ငှက်ရေ
ငါကကော
ဘာလဲ
မင်း ထပြီး ပြောပါဦးကွာ။ ။

အောင်ဝေး
(သြဂုတ် ၁၄၊ ၂၀၂၀)

##

မ စ္ ရွီ ဂ န္ မဲ ဇ ာ
 

ငွက္ေရ ...
မစ္ရွီဂန္မဲဇာမွာ
ငါ မေပ်ာ္ပါဘူး။
ငါ တကယ္ မေပ်ာ္ဘူးလားဆိုရင္
တကယ္ကို
ငါ မေပ်ာ္ပါဘူး။
ငါ မေပ်ာ္ဘူး ငွက္
ငွက္ ငါ မေပ်ာ္ဘူး။
မင္း ျမင္ေယာင္ၾကည့္စမ္း
ကိုရိုနာဗိုင္းရပ္စ္ပိုးေတြ
ကိုယ့္ေဘးပတ္လည္
၀ိုင္းရံေနတဲ့ေနရာမွာ
ငါ ေပ်ာ္ႏိုင္မတဲ့လား။
မင္း ဆိုရင္ေကာ
ေပ်ာ္ႏိုင္မလား
စဥ္းစားၾကည့္စမ္း ငွက္။
ငါ မေသခ်င္ေသးဘူး
ငါ အိမ္ျပန္ခ်င္ေသးတယ္။
ကိုဗစ္ဖ်က္လို့
ငါ ့အိပ္မက္ေတြလည္း
ပ်က္ရၿပီ။
၂၀၂၀ မွာ
ျပည္ေတာ္ျပန္မယ္ ဆိုၿပီး
လုပ္ထားတဲ့
ဒုကၡသည္ပတ္စပို့ေလးလည္း
ဆုံးၿပီ။
ငါက အေမရိကန္ႏိုင္ငံသားလည္း
မဟုတ္ေတာ့
အေမရိကန္ပတ္စပို့လည္း
မရွိပါဘူးကြာ။
ငါက
ျမန္မာႏိုင္ငံသားပဲ။
"ဒါဆိုရင္ ခင္ဗ်ားမွာ
ျမန္မာပတ္စပို့ ရွိမွာေပါ ့"
မင္း အဲဒီလို ထင္သလား။
ထင္သာထင္
မ၀င္ဘူး ငွက္။
ငါက
နယ္စပ္ ျဖတ္ေက်ာ္
ေျပးလာတဲ့ေကာင္
ဘယ္မွာလာ
ျမန္မာပတ္စပို့ ရွိမွာတဲ့တုံး။
ျပည္တြင္းမွာတုန္းက
မွတ္ပုံတင္ေတာင္
မရွိတဲ့ေကာင္ကြာ
ရဲစခန္းေထာက္ခံစာနဲ့
ေနရတဲ့ေကာင္ပါ။
ဒီလိုေကာင္မွာ
ျမန္မာပတ္စပို့ ရွိမတဲ့လား။
၁၉၉၁
ငါ ေထာင္က
တတိယအႀကိမ္ ျပန္ထြက္လာကတည္းက
မွတ္ပုံတင္လုပ္ပါတယ္ကြာ။
မွတ္ပုံတင္ရံုးက လူေတြက
လုပ္မေပးၾကဘူးကြ။
ငါ ဘယ္လို ႀကိဳးစားႀကိဳးစား
သူတို့ဘက္က ဟင့္အင္းပဲေလ။
ျငင္းဆန္ျခင္းရဲ့အလွတရား
မဟုတ္ပါဘူးကြာ
ျငင္းဆန္ျခင္းရဲ့ မလွတရား
ငါ မွားတာပါကြာ။
မွတ္ပုံတင္တစ္ခုရဖို့
(ႏိုင္ငံသားစိစစ္ေရးကဒ္ျပား)
ငါ ့မွာ ေအာက္က်လိုက္တာ
ဒါေပမဲ့
မရခဲ့ပါဘူး ငွက္ရာ။
ငါက သူပုန္
ငါက ဂဠဳန္
ငါက အစိုးရဆန့္က်င္ေရးသမား
ငါက ေတာ္လွန္ေရးသမား
သူတို့က ငါ ့အေပၚ
ဒီလို သေဘာထားၾကတာကလား။
ငါကလည္း ငါပဲေလ
သူတို့ စစ္အစိုးရကို
အေသြးထဲ အသားထဲကကို ဆန့္က်င္တာ။
ငါ မွားသလားကြာ
စစ္အာရွင္စနစ္ကို ဆန့္က်င္တာ
ငါ မွားလား ငွက္။
[ငွက္
စကားရပ္လို့
ငါ ျဖတ္ၿပီး ေျပာဦးမယ္။
အခု ၂၀၂၀ ေရြးေကာက္ပြဲ
စစ္အာဏာရွင္စနစ္ ၿဖိဳလွဲဖို့
ျပည္သူေတြ မဲေပးၾက
ငါ ဒီလိုတိုက္တြန္း
မွားတယ္တစ္ခြန္း
မဆိုႏိုင္ဘူး မဟုတ္လား။
မဲေပးဖို့ေျပာတာနဲ့
ငါက
ေအာင္ေ၀းက
၂၀၀၈ ေျခဥေအာက္
ဒူးေထာက္တဲ့သူ
ေဖာက္ျပန္တဲ့လူ ျဖစ္ေရာလား။
ေအာင္ေ၀းက
ျပည္ေျပးက
ျပည္သူ့မ်က္ႏွာ မၾကည့္
အစိုးရဘက္က ရပ္
ကဗ်ာစပ္သတဲ့။
ငွက္ရာ
ငါက
အေရထူၿပီးသားေကာင္ပါ
ငါ ့အတြက္ေတာ့
ဒီ အမိုက္အမဲေလးေတြေျပာတာ
ဆင္ဗိုက္ကို ျခင္ကိုက္သလိုပါ။
ဟုတ္တယ္
ငါ အစိုးရဘက္က ရပ္တယ္
ငါ NLD အစိုးရဘက္က ရပ္တယ္။
ျပည္ေတာ္၀င္လက္မွတ္ရဖို့
ငါ ရပ္ေနတာ မဟုတ္ဘူး။
ငါ ့အဘိဓမၼာ
ငါ ့ဘ၀အေတြ့အႀကံဳနဲ့
ငါ ရပ္ေနတာ။
ငွက္
NLD အစိုးရဆိုတာ
၂၀၁၅ ေရြးေကာက္ပြဲမွာ
စစ္အာဏာရွင္စနစ္ကိုဆန့္က်င္ၿပီး
ျပည္သူေတြ မဲေပးခဲ့တဲ့
အစိုးရ။
ငွက္
ဒီလို ေရြးေကာက္ခံအစိုးရမ်ိဳး
ငါက ဆန့္က်င္ရရိုးလား
ေ၀းေသးတယ္။
မင္း ျမင္ေအာင္ၾကည့္
(မင္း ျမင္ပါတယ္ကြာ)
စစ္အာဏာရွစ္စနစ္က တစ္ဖက္
လူထုတင္ေျမွာက္တဲ့အစိုးရက တစ္ဖက္
ကဲ- မင္းဘယ္ဘက္က ရပ္မလဲ
ေျပာ ငွက္။
စစ္အာဏာရွင္စနစ္ကို ဆန့္က်င္တယ္ဆိုရင္
ဒီမိုကေရစီစနစ္ကို သြားေနတယ္ဆိုရင္
မင္း မဲေပးရမွာပဲ
ငါ မဲေပးရမ်ာပဲ။
ေရြးေကာက္ပြဲဆိုတာ
တိုက္ပြဲပုံသ႑ာန္တစ္ခုပဲ။
တိုက္ပြဲပုံသ႑ာန္ဆိုတာ
ရန္သူက ေရြးခ်ယ္ေပးစၿမဲပဲ။
NO VOTE ဆိုတာ
သူခိုးသူယုတ္ေတြ အလုပ္ပါ
ပညာတတ္ေတြရဲ့အလုပ္
မဟုတ္ပါဘူး။
ငါ ့စကား
ရိုင္းသြားရင္
ခြင့္လႊတ္ကြာ ငွက္။ ။ဤကား စကားခ်ပ္]
စစ္အာဏာရွင္စနစ္ကို ဆန့္က်င္ေတာ့
ငါလည္း ျပည္ေျပးျဖစ္တာေပါ ့။
ျပည္ေျပးဆိုတာ
စစ္အာဏာရွင္ေတြေပးတဲ့
ဆုေပါ ့ကြာ။
အခုေတာ့
ငါတို့တိုင္းျပည္မွာ
အဲဒီ စစ္အာဏာရွင္ေတြ
အဲဒီ စစ္အစိုးရဆိုတာေတြ
မရွိေတာ့ပါဘူး။
ဒါေပမဲ့
စစ္အာဏာရွင္စနစ္ဆိုး
အရိပ္မ်ိဳးက
တို့တိုင္းျပည္ကေလးအေပၚ
ထိုးေနတုန္းေပါ ့။
မိုးကုပ္စက္၀ိုင္းမွာေတာ့
မုန္တိုင္းမိုးတိမ္ေတြက
ဆင္ေနတုန္းေပါ ့။
ငွက္ေရ
မင္း ရွိတုန္းကေတာ့
မင္းက ငါ ့ကို
ႏူးညံ့ေပ်ာ့ေပ်ာင္းနည္း သင္တယ္။
ဆရာဒဂုန္တာရာကလည္း
ေပ်ာ့ေပ်ာင္းျခင္းဟာ
သန္စြမ္းျခင္းျဖစ္တယ္လို့ ဆိုတယ္။
ငါက
မင္းရဲ့ ႏူးညံ့ေပ်ာ့ေပ်ာင္းနည္း
သင္တန္းသား။
ဒါေပမဲ့
ငါ ၀န္ခံပါတယ္။
မင္း မရွိတဲ့ေနာက္
ငါ မာေၾကာခဲ့
ခက္ထန္ခဲ့မိပါတယ္။
ငါ ့ကို
မင္း ဘယ္ေလာက္ ႏူးညံ့ခိုင္း
ေပ်ာ့ေပ်ာင္းခိုင္း
တိုင္းျပည္က ရိုင္းေတာ့
(ငါတို့ အျဖဴေရာင္သက္တံ)
သက္တံကိုင္းက
ေလးကိုင္းျဖစ္
စစ္အာဏာရွင္စနစ္ကို
ေရႊ၀ါေရာင္ျမားနဲ့
ငါ တအား တအား ပစ္မိတာေပါ ့။
ပစ္မိလို့လည္း
ငါ ျပည္ေျပးျဖစ္ရတာေပါ ့။
အခ်စ္ေၾကာင့္
ေခတ္ေၾကာင့္
ေလာကအေမွာင့္
ႀကိဳးတိုက္ေထာင့္မွာ
ကြန္ျမဴနစ္ ျဖစ္ခဲ့တဲ့ေကာင္ကြာ။
အဲဒီ အခ်စ္နဲ့ေခတ္ေၾကာင့္ပဲ
ျပည္ေျပးျဖစ္ရျပန္တဲ့
ေကာင္ပါပဲ ငွက္ရာ။
ငါ အိမ္ျပန္ခ်င္ပါတယ္
ငါ ျပန္လာခ်င္တယ္။
ငါ ျပန္အလာကို
မင္း ေစာင့္ေနမယ္ဆိုတာလည္း
ငါ သိတယ္။
ဒီေန့အထိေတာ့
ငါ အိမ္ မျပန္ႏိုင္ေသးဘူး ငွက္။
ငါ အိမ္ မျပန္ႏိုင္တာ
ငါ ့အေၾကာင္းနဲ့ငါပါကြာ။
ငါ ့သားေလး
ေက်ာင္းမၿပီးေသးဘူး
ငါ ေစာင့္ရဦးမယ္။
ျပည္ေျပးဘ၀မွာ
ရင္းစား ေက်စရာဆိုလို့
ဒါေလးတစ္ခုပဲ
ရွိတာပါကြာ။
ငါ ့သား ေက်ာင္းၿပီးတဲ့အထိေတာ့
ငါ ေစာင့္ပရေစ။
မစ္ရွီဂန္မဲဇာမွာ
ငါ မေပ်ာ္ပါဘူး ငွက္ရာ။
မေပ်ာ္တဲ့ၾကားမွာ
ငါ ႀကိဳးစား အသက္ရွင္ေနပါတယ္။
ကိုဗစ္ 19
ကပ္ႀကီးအတြင္းမွာ
ငါ ရင္ခုန္ေနပါေသးတယ္။
ရင္ခုန္ရင္
အခ်စ္ပဲ။
ဟုတ္တယ္ မဟုတ္လား ငွက္
ရင္ခုန္ရင္
အခ်စ္ပဲ။
အဲဒီ အခ်စ္ေၾကာင့္ပဲ
ငါ အိမ္ျပန္ခ်င္တာေပါ ့။
အဲဒီ အခ်စ္ေၾကာင့္ပဲ
ငါ ျပန္လာခ်င္တာေပါ ့။
တစ္ေန့ေတာ့
ေရေ၀းက
မင္းရဲ့အုတ္ဂူေရွ့မွာ
ငါ ့ဘ၀ရဲ့
အေကာင္းဆုံးကဗ်ာတစ္ပုဒ္
ဟုတ္တယ္
ေဂၚကီေျပာသလို
ဒီမိုကေရစီဆန္မွဳလည္း ရွိ
စိတ္ကူးယဥ္ဆန္မွဳလည္း ရွိတဲ့
ကဗ်ာတစ္ပုဒ္
မင္းအတြက္
အိပ္မက္နဲ့ မ်က္ရည္
ဖြဲ့ယွက္ထားတဲ့
ငါ ့အလြမ္းရဲ့
အခမ္းနားဆုံးကဗ်ာတစ္ပုဒ္
ဟုတ္တယ္
တစ္ေန့
ငါ ျပန္လာတဲ့အခါ
မင္း အုတ္ဂူေရွ့မွာ
ငါ ရြတ္မယ္။
ငွက္ေရ
ဂ်ဴးလိယက္ဆီဇာကေတာ့
"ငါလာတယ္
ငါျမင္တယ္
ငါ ေအာင္ပြဲခံတယ္" တဲ့။
ငွက္ေရ
ငါကေကာ
ဘာလဲ
မင္း ထၿပီး ေျပာပါဦးကြာ။ ။

ေ အ ာ င္ ေ ၀ း
(ၾသဂုတ္ ၁၄၊ ၂၀၂၀)