မ စ် ရှီ ဂ န် မဲ ဇ ာ - ၂

"သည်လိုပုံနှင့်၊ မိုးကြီးချုပ်လျှင်၊ ကျွနု်ပ် အိမ်ပြန်ရောက်မည် မဟုတ်ပါ"
အမှန်က အိမ်ပြန်ရောက်မည် မဟုတ်ပါ ဆိုတာ မဟုတ်ပါ။
ငြင်းပယ်ခြင်းကို ငြင်းပယ်ခြင်း။ Negation of negation ဟု ဆိုသည်။
တစ်နေ့ အိမ်ပြန်ရောက်ရမည်မှာ မလွဲပါ။ မုချ။ ခု လောလောဆယ်တော့
မရောက်သေး။ သို့ဖြစ်ရာ စာကိုပြင်ရမည်။ "သည်လိုပုံနှင့်၊ မိုးကြီးချုပ်လျှင်၊
ကျွနု်ပ် အိမ်ပြန်ရောက်ဦး(ဦး)မည် မဟုတ်ပါ"

ကိုဗစ်-19 ကိုရိုနာဗိုင်းရပ်စ် ကပ်ကြီးအတွင်းမှာ၊ အဲဒီ ကပ်ရောဂါပိုး
ဆူးရစ်ပန်းခွေက ဓားချွန်တွေက အများနည်းတူ ကျနော့်ကိုလည်း
လာ၍ ထိမှန်သည်။ ဓားမိုးရွာချိန် ... အမေရိက။ ကျနော် သည်လို ရေးခဲ့
ပြီးပြီ။

"Knives were raining down
from the clouds,
headed for my soft skin." (June 29, 2020)

အမေရိကန်ပြည်ထောင်စုမှာ ကိုရိုနာဗိုင်းရပ်စ် ရောဂါပိုးရှိသူကို၊ ဇန်နဝါရီ
၂၂၊ ၂၀၂၀၊ Washington ပြည်နယ်၊ Portland မြို့မှာ စတင် တွေ့ရှိခဲ့ပါ
သည်။ (မြန်ပြည်မှာ မတ် ၂၃၊ ၂၀၂၀၊ ချင်းတောင်) ကျနော်က Michigan ပြည်နယ်၊ Lansing မြီု့မှာ နေတာဖြစ်သည်။

အဲသည်ကာလမှာ၊ ၂၀၂၀ မှာ မြန်မာပြည်ပြန်ဖို့ဆိုပြီး လုပ်ထားသည့်
ဒုက္ခသည်ပတ်စပို့ ခေါ် ခရီးသွားလက်မှတ် (Travel Document) စာအုပ်
ကလေး(၃)အုပ်၊ အမေရိကန်အစိုးရ သက်ဆိုင်ရာက၊ ကျနော်တို့လက်ထဲ
ထည့်ပေးခဲ့ပြီးဖြစ်သည်။ အဆင်ပြေတဲ့အချိန် Go ပေတော့ပေါ့။

ကျနော်တို့လို အမေရိကန်နိုင်ငံသား မဟုတ်သူများ (Green Card ခေါ်
Permanent Resident Card နှင့် နေထိုင်သူများ) အမေရိကန်နိုင်ငံ ပြင်ပ
သို့ ခရီးသွားလိုလျှင် ထိုစာအုပ်လုပ်ရသည်။ စာအုပ်ရလျှင် ထိုစာအုပ်နှင့်
ဝါရှင်တန် ဒီ၊စီ မြို့တော်က မြန်မာသံရုံးတွင် မြန်မာနိုင်ငံ ပြည်ဝင်ခွင့် ဗီဇာ
လျှောက်ရပါသည်။ သံရုံးက ဗီဇာ ရက်(၇၀)ပေးသည်။

ခင်ဆွေရီနှင့် သားငယ်လေ း လမင်းဝေးတို့က ၂၀၁၈ နွေရာသီက၊ မြန်မာ
ပြည်တစ်ခေါက် ပြန်ခဲ့ကြပြီးဖြစ်သည်။ အဲဒီတုန်းက ကျနော် မလိုက်ဖြစ်။
အိမ်စောင့် ကျန်ရစ်ခဲ့သည်။ ဒီတစ်ခါတော့ မိသားစုလိုက် ပြန်ကြမည်။
ကျနော်က ၂၀၂၀ မှာ ပြန်လာမည်ဟု ပြည်တွင်းက ရဲဘော်၊ သူငယ်ချင်း၊
မိတ်ဆွေ တစ်ချို့တလေကို ပြောထားသည်။

သားငယ်လေး ကျောင်းပိတ်ရင် ပြန်ကြမည်။ မြန်မာသံရုံးကို ဗီဇာဝင်ဖို့
ပြင်သည်။ ထိုစဉ်မှာပဲ လမ်းက ပိတ်သွားတော့သည်။

သားငယ်လေး ကျောင်းက မေလ ပထမပတ်ထဲမှာ ပိတ်မည်။ သြဂုတ်လ ပထမပတ်ထဲမှာ ပြန်ဖွင့်မည်။ ဒီလတွေက ဒီမှာ နွေရာသီ (Summer) ဖြစ်သည်။ သားငယ်က Michigan State University မှာ နောက်ဆုံးနှစ်
တက်နေတာဖြစ်သည်။ မေ ပထမပတ်မှာ Spring Semester ပြီးသည်။
သားက ဘွဲ့ရဖို့ နောက်ထပ် Semester တစ်ခု တက်ရဦးမည်။ Fall
Semester ဟု ခေါ်သည်။ သြဂုတ် ပထမပတ်မှာ စသည်။ ဒီဇင်ဘာထဲမှာ
ဆုံးသည်။ ၂၀၂၀ ဒီဇင်ဘာမှာ သားငယ်လေး လမင်းဝေး Michigan
State University က ပေးတဲ့ ဘွဲ့ကိုရပြီ။

တိုတိုဆိုပါစို့။ ကိုဗစ်က ဖျက်လို့၊ ကျနော်တို့ ပြည်တော်ပြန်ခရီး ပျက်သွား
ခဲ့ရပါသည်။ အမေရိကန်ကလည်း ထွက်ခွင့် မပေး။ မြန်မာပြည်ကလည်း
ဝင်ခွင့်မပြု။ ကိုဗစ်က ချစ်မှု တစ်ခုဆီကနေ အခြား ချစ်မှု တစ်ခုဆီ သွား
မရ၊ လာမရအောင် ဟန့်တားထားတော့သည်။

ကိုဗစ်က အမေရိကမှာ ဆိုးသထက်ဆိုးလာသည်။ Stay-at-home ဖီဆန်ရေး ဆန္ဒပြပွဲတွေ၊ Black Lives Matter လူမည်းထု ဆန္ဒပြပွဲတွေ
ဖြစ်လာသည်။ အသက်ရှူချောင်စရာ တစ်ကွက်မရှိ။

ကျနော် ပြန်လာမည် ပြောထားပြီးမှ၊ အခုလို မပြန်နိုင်ဖြစ်သွားတော့၊ ပြည်
တွင်းက မျှော်သူတွေကို အားနာသည်။ ကျနော် ညာသလို ဖြစ်သွား
သည်။ ကျနော် အမှန်ပြန်ချင်တာပါ။ ကိုမြင့်နိုင်ကြီးက ဓားချွန်ကြီး တကား
ကားနဲ့ ဟန့်တားထားသည်။ ကျနော် မပြန်ဖြစ်တော့။

မပြန်ဖြစ်တော့၊ ခရီးသွားလက်မှတ်စာအုပ်ဖိုး ဆုံးပါသည်။ တစ်နှစ်ခံ(တစ်
နှစ်သက်တမ်း)စာအုပ်အတွက် ပိုက်ဆံ ၂၂၀ ပေးရပါသည်။ လက်ဗွေနှိပ်ဖို့၊
ဓာတ်ပုံရိုက်ဖို့ Grand Rapids ဆိုသည့် အခြားတစ်မြို့ကို သွားနှိပ်ရ၊ ရိုက်
ရသည်။ ကားဓာတ်ဆီဖိုး၊ စာပို့ခ၊ သဗ္ဗရနံပေါင်း ပိုက်ဆံ တစ်ထောင်ကျော်
ပလုံသွားသည်။ ပိုက်ဆံက အရေးမကြီးပါ။ ပြန်ခွင့် မကြုံတာကိုသာ အသည်းနာတာဖြစ်သည်။

ယနေ့ August 17, 2020 Covid-19 Live Update:
World- Cases 21,649,706 Deaths 767,158
U.S. Cases 5,593,705 Deaths 173,464
Michigan Cases 93,185 Deaths 6,325
မြန်မာ ကူးစက်သူ(၃၇၆) ယောက်၊ သေဆုံးသူ(၆)ယောက်။

ကျနော် ထပ်ကြိုးစားပါဦးမည်။ ဓားမိုး စဲလို့၊ ကိုဗစ်-19 ကပ်ကြီး ပွဲသွား
လျှင်၊ ၂၀၂၁ လား၊ ၂၀၂၂ လား၊ ကျနော် ပြန်လာဖို့ ထပ်ကြိုးစားပါဦးမည်။
ကျနော့်မှာ ၂၀၂၀ ဇွန် ဗန်းမော်တင်အောင် ရာပြည့်လည်း မမီ၊ ၂၀၂၀
နိုဝင်ဘာ အထွေထွေရွေးကောက်ပွဲလည်း မမီ၊ ကျနော့်မှာ ၂၀၂၀ ဒီဇင်ဘာ
ရန်ကုန်တက္ကသိုလ် နှစ်(၁၀၀)ပြည့်ပွဲလည်း မမီ၊ ပုဂံ-ညောင်ဦးက
ရွာဆော်ကြီးခွေးလို ဖြစ်ပြီ။

ကျနော် ကျနော့်သူငယ်ချင်း မောင်ဒေါင်း ကို သတိရမိသွားသည်။ သူ့ဝတ္ထု
ထဲက ဇာတ်ကောင်တွေက၊ ရွေးမြစ်ပြင်မှာ ငါးသလောက်ပိုက်လှေချရင်း၊ သူတို့
ဘဝတွေရဲ့ ကြေကွဲသီချင်းကို ဟစ်တတ်ကြသည်။ ကျနော် အခု သူတို့
သီချင်းဟစ်သံကို မစ်ရှီဂန်မဲဇာ ကနေ ကြားလိုက်သည်။

"ပြန်လမ်း မကြုံတဲ့ ယမုန်နာဦးဝယ်" တဲ့လား ကိုဒေါင်းရေ။ ။

အောင်ဝေး
(သြဂုတ် ၁၇၊ ၂၀၂၀)

##

မ စ္ ရွီ ဂ န္ မဲ ဇ ာ - ၂

"သည္လိုပုံႏွင့္၊ မိုးႀကီးခ်ဳပ္လွ်င္၊ ကၽြႏု္ပ္ အိမ္ျပန္ေရာက္မည္ မဟုတ္ပါ"
အမွန္က အိမ္ျပန္ေရာက္မည္ မဟုတ္ပါ ဆိုတာ မဟုတ္ပါ။
ျငင္းပယ္ျခင္းကို ျငင္းပယ္ျခင္း။ Negation of negation ဟု ဆိုသည္။
တစ္ေန့ အိမ္ျပန္ေရာက္ရမည္မွာ မလြဲပါ။ မုခ်။ ခု ေလာေလာဆယ္ေတာ့
မေရာက္ေသး။ သို့ျဖစ္ရာ စာကိုျပင္ရမည္။ "သည္လိုပုံႏွင့္၊ မိုးႀကီးခ်ဳပ္လွ်င္၊
ကၽြႏု္ပ္ အိမ္ျပန္ေရာက္ဦး(ဦး)မည္ မဟုတ္ပါ"

ကိုဗစ္-19 ကိုရိုနာဗိုင္းရပ္စ္ ကပ္ႀကီးအတြင္းမွာ၊ အဲဒီ ကပ္ေရာဂါပိုး
ဆူးရစ္ပန္းေခြက ဓားခၽြန္ေတြက အမ်ားနည္းတူ က်ေနာ့္ကိုလည္း
လာ၍ ထိမွန္သည္။ ဓားမိုးရြာခ်ိန္ ... အေမရိက။ က်ေနာ္ သည္လို ေရးခဲ့
ၿပီးၿပီ။

"Knives were raining down
from the clouds,
headed for my soft skin." (June 29, 2020)

အေမရိကန္ျပည္ေထာင္စုမွာ ကိုရိုနာဗိုင္းရပ္စ္ ေရာဂါပိုးရွိသူကို၊ ဇန္န၀ါရီ
၂၂၊ ၂၀၂၀၊ Washington ျပည္နယ္၊ Portland ၿမိဳ့မွာ စတင္ ေတြ့ရွိခဲ့ပါ
သည္။ (ျမန္ျပည္မွာ မတ္ ၂၃၊ ၂၀၂၀၊ ခ်င္းေတာင္) က်ေနာ္က Michigan ျပည္နယ္၊ Lansing ၿမီဳ့မွာ ေနတာျဖစ္သည္။

အဲသည္ကာလမွာ၊ ၂၀၂၀ မွာ ျမန္မာျပည္ျပန္ဖို့ဆိုၿပီး လုပ္ထားသည့္
ဒုကၡသည္ပတ္စပို့ ေခၚ ခရီးသြားလက္မွတ္ (Travel Document) စာအုပ္
ကေလး(၃)အုပ္၊ အေမရိကန္အစိုးရ သက္ဆိုင္ရာက၊ က်ေနာ္တို့လက္ထဲ
ထည့္ေပးခဲ့ၿပီးျဖစ္သည္။ အဆင္ေျပတဲ့အခ်ိန္ Go ေပေတာ့ေပါ ့။

က်ေနာ္တို့လို အေမရိကန္ႏိုင္ငံသား မဟုတ္သူမ်ား (Green Card ေခၚ
Permanent Resident Card ႏွင့္ ေနထိုင္သူမ်ား) အေမရိကန္ႏိုင္ငံ ျပင္ပ
သို့ ခရီးသြားလိုလွ်င္ ထိုစာအုပ္လုပ္ရသည္။ စာအုပ္ရလွ်င္ ထိုစာအုပ္ႏွင့္
၀ါရွင္တန္ ဒီ၊စီ ၿမိဳ့ေတာ္က ျမန္မာသံရံုးတြင္ ျမန္မာႏိုင္ငံ ျပည္၀င္ခြင့္ ဗီဇာ
ေလွ်ာက္ရပါသည္။ သံရံုးက ဗီဇာ ရက္(၇၀)ေပးသည္။

ခင္ေဆြရီႏွင့္ သားငယ္ေလ း လမင္းေ၀းတို့က ၂၀၁၈ ေႏြရာသီက၊ ျမန္မာ
ျပည္တစ္ေခါက္ ျပန္ခဲ့ၾကၿပီးျဖစ္သည္။ အဲဒီတုန္းက က်ေနာ္ မလိုက္ျဖစ္။
အိမ္ေစာင့္ က်န္ရစ္ခဲ့သည္။ ဒီတစ္ခါေတာ့ မိသားစုလိုက္ ျပန္ၾကမည္။
က်ေနာ္က ၂၀၂၀ မွာ ျပန္လာမည္ဟု ျပည္တြင္းက ရဲေဘာ္၊ သူငယ္ခ်င္း၊
မိတ္ေဆြ တစ္ခ်ိဳ့တေလကို ေျပာထားသည္။

သားငယ္ေလး ေက်ာင္းပိတ္ရင္ ျပန္ၾကမည္။ ျမန္မာသံရံုးကို ဗီဇာ၀င္ဖို့
ျပင္သည္။ ထိုစဥ္မွာပဲ လမ္းက ပိတ္သြားေတာ့သည္။

သားငယ္ေလး ေက်ာင္းက ေမလ ပထမပတ္ထဲမွာ ပိတ္မည္။ ၾသဂုတ္လ ပထမပတ္ထဲမွာ ျပန္ဖြင့္မည္။ ဒီလေတြက ဒီမွာ ေႏြရာသီ (Summer) ျဖစ္သည္။ သားငယ္က Michigan State University မွာ ေနာက္ဆုံးႏွစ္
တက္ေနတာျဖစ္သည္။ ေမ ပထမပတ္မွာ Spring Semester ၿပီးသည္။
သားက ဘြဲ့ရဖို့ ေနာက္ထပ္ Semester တစ္ခု တက္ရဦးမည္။ Fall
Semester ဟု ေခၚသည္။ ၾသဂုတ္ ပထမပတ္မွာ စသည္။ ဒီဇင္ဘာထဲမွာ
ဆုံးသည္။ ၂၀၂၀ ဒီဇင္ဘာမွာ သားငယ္ေလး လမင္းေ၀း Michigan
State University က ေပးတဲ့ ဘြဲ့ကိုရၿပီ။

တိုတိုဆိုပါစို့။ ကိုဗစ္က ဖ်က္လို့၊ က်ေနာ္တို့ ျပည္ေတာ္ျပန္ခရီး ပ်က္သြား
ခဲ့ရပါသည္။ အေမရိကန္ကလည္း ထြက္ခြင့္ မေပး။ ျမန္မာျပည္ကလည္း
၀င္ခြင့္မျပဳ။ ကိုဗစ္က ခ်စ္မွဳ တစ္ခုဆီကေန အျခား ခ်စ္မွဳ တစ္ခုဆီ သြား
မရ၊ လာမရေအာင္ ဟန့္တားထားေတာ့သည္။

ကိုဗစ္က အေမရိကမွာ ဆိုးသထက္ဆိုးလာသည္။ Stay-at-home ဖီဆန္ေရး ဆႏၵျပပြဲေတြ၊ Black Lives Matter လူမည္းထု ဆႏၵျပပြဲေတြ
ျဖစ္လာသည္။ အသက္ရွဴေခ်ာင္စရာ တစ္ကြက္မရွိ။

က်ေနာ္ ျပန္လာမည္ ေျပာထားၿပီးမွ၊ အခုလို မျပန္ႏိုင္ျဖစ္သြားေတာ့၊ ျပည္
တြင္းက ေမွ်ာ္သူေတြကို အားနာသည္။ က်ေနာ္ ညာသလို ျဖစ္သြား
သည္။ က်ေနာ္ အမွန္ျပန္ခ်င္တာပါ။ ကိုျမင့္ႏိုင္ႀကီးက ဓားခၽြန္ႀကီး တကား
ကားနဲ့ ဟန့္တားထားသည္။ က်ေနာ္ မျပန္ျဖစ္ေတာ့။

မျပန္ျဖစ္ေတာ့၊ ခရီးသြားလက္မွတ္စာအုပ္ဖိုး ဆုံးပါသည္။ တစ္ႏွစ္ခံ(တစ္
ႏွစ္သက္တမ္း)စာအုပ္အတြက္ ပိုက္ဆံ ၂၂၀ ေပးရပါသည္။ လက္ေဗြႏွိပ္ဖို့၊
ဓာတ္ပုံရိုက္ဖို့ Grand Rapids ဆိုသည့္ အျခားတစ္ၿမိဳ့ကို သြားႏွိပ္ရ၊ ရိုက္
ရသည္။ ကားဓာတ္ဆီဖိုး၊ စာပို့ခ၊ သဗၺရနံေပါင္း ပိုက္ဆံ တစ္ေထာင္ေက်ာ္
ပလုံသြားသည္။ ပိုက္ဆံက အေရးမႀကီးပါ။ ျပန္ခြင့္ မႀကံဳတာကိုသာ အသည္းနာတာျဖစ္သည္။

ယေန့ August 17, 2020 Covid-19 Live Update:
World- Cases 21,649,706 Deaths 767,158
U.S. Cases 5,593,705 Deaths 173,464
Michigan Cases 93,185 Deaths 6,325
ျမန္မာ ကူးစက္သူ(၃၇၆) ေယာက္၊ ေသဆုံးသူ(၆)ေယာက္။

က်ေနာ္ ထပ္ႀကိဳးစားပါဦးမည္။ ဓားမိုး စဲလို့၊ ကိုဗစ္-19 ကပ္ႀကီး ပြဲသြား
လွ်င္၊ ၂၀၂၁ လား၊ ၂၀၂၂ လား၊ က်ေနာ္ ျပန္လာဖို့ ထပ္ႀကိဳးစားပါဦးမည္။
က်ေနာ့္မွာ ၂၀၂၀ ဇြန္ ဗန္းေမာ္တင္ေအာင္ ရာျပည့္လည္း မမီ၊ ၂၀၂၀
ႏို၀င္ဘာ အေထြေထြေရြးေကာက္ပြဲလည္း မမီ၊ က်ေနာ့္မွာ ၂၀၂၀ ဒီဇင္ဘာ
ရန္ကုန္တကၠသိုလ္ ႏွစ္(၁၀၀)ျပည့္ပြဲလည္း မမီ၊ ပုဂံ-ေညာင္ဦးက
ရြာေဆာ္ႀကီးေခြးလို ျဖစ္ၿပီ။

က်ေနာ္ က်ေနာ့္သူငယ္ခ်င္း ေမာင္ေဒါင္း ကို သတိရမိသြားသည္။ သူ့၀တၳဳ
ထဲက ဇာတ္ေကာင္ေတြက၊ ေရြးျမစ္ျပင္မွာ ငါးသေလာက္ပိုက္ေလွခ်ရင္း၊ သူတို့
ဘ၀ေတြရဲ့ ေၾကကြဲသီခ်င္းကို ဟစ္တတ္ၾကသည္။ က်ေနာ္ အခု သူတို့
သီခ်င္းဟစ္သံကို မစ္ရွီဂန္မဲဇာ ကေန ၾကားလိုက္သည္။

"ျပန္လမ္း မႀကံဳတဲ့ ယမုန္နာဦး၀ယ္" တဲ့လား ကိုေဒါင္းေရ။ ။

ေ အ ာ င္ ေ ၀ း
(ၾသဂုတ္ ၁၇၊ ၂၀၂၀)