မ စ် ရှီ ဂ န် မဲ ဇ ာ - ၃
အား ... ဘယ်လို ညကြီးလဲ။
အမေရိကန်လူမည်းအပျိုမ
မက်ဒေါ်နယ်ဟမ်ဘာဂါ ကိုက်ဖို့
ပါးစပ်ကို ဟဖြဲလိုက်တဲ့အခိုက်။
အဲဒီ ဝပြဲပြဲ မှောင်မိုက်မိုက်သုညထဲ
ဆင်းရဲတွင်းနက်သလို
ညက နက်လေရဲ့။
ဟိုဘက်ရပ်ကွက်
အမေရိကန်လူမည်းအများစုနေတဲ့
ဟိုဘက်ရပိကွက်မှာ
911 အရေးပေါ် မီးသတ်ကားတွေ
လူနာတင်ကားနဲ့ ရဲကားတွေ
မီးရောင်တွေ တလက်လက်နဲ့။
ကိုဗစ်ရောဂါသည်ချင်း
သေနတ်ချင်း ယှဉ်ပစ်ကြသတဲ့
သတင်းက ချက်ချင်း
ခြံစည်းရိုးကျော်ပြီး လွင့်လာတယ်။
ယောကျ်ားချင်း ချစ်လို့ရတဲ့ ဥပဒေမှာ
ယောကျ်ားချင်း ပစ်တာပဲ။
စိတ်ဆင်းရဲလိုက်တာ
မိုးက မလင်းတော့ဘူး။ ။
အောင်ဝေး
(သြဂုတ် ၁၈၊ ၂၀၂၀)
##
မ စ္ ရွီ ဂ န္ မဲ ဇ ာ - ၃
အား ... ဘယ္လို ညႀကီးလဲ။
အေမရိကန္လူမည္းအပ်ိဳမ
မက္ေဒၚနယ္ဟမ္ဘာဂါ ကိုက္ဖို့
ပါးစပ္ကို ဟၿဖဲလိုက္တဲ့အခိုက္။
အဲဒီ ၀ၿပဲၿပဲ ေမွာင္မိုက္မိုက္သုညထဲ
ဆင္းရဲတြင္းနက္သလို
ညက နက္ေလရဲ့။
ဟိုဘက္ရပ္ကြက္
အေမရိကန္လူမည္းအမ်ားစုေနတဲ့
ဟိုဘက္ရပိကြက္မွာ
911 အေရးေပၚ မီးသတ္ကားေတြ
လူနာတင္ကားနဲ့ ရဲကားေတြ
မီးေရာင္ေတြ တလက္လက္နဲ့။
ကိုဗစ္ေရာဂါသည္ခ်င္း
ေသနတ္ခ်င္း ယွဥ္ပစ္ၾကသတဲ့
သတင္းက ခ်က္ခ်င္း
ၿခံစည္းရိုးေက်ာ္ၿပီး လြင့္လာတယ္။
ေယာက်္ားခ်င္း ခ်စ္လို့ရတဲ့ ဥပေဒမွာ
ေယာက်္ားခ်င္း ပစ္တာပဲ။
စိတ္ဆင္းရဲလိုက္တာ
မိုးက မလင္းေတာ့ဘူး။ ။
ေ အ ာ င္ ေ ၀ း
(ၾသဂုတ္ ၁၈၊ ၂၀၂၀)
.jpg)
0 comments:
Post a Comment